رواية فرصة ضائعة الفصل الثالث 3 بقلم شروق حسام
رواية فرصة ضائعة الجزء الثالث
رواية فرصة ضائعة البارت الثالث
رواية فرصة ضائعة الحلقة الثالثة
نور بوقاحة واستحقار “اوووه خطافة الرجالة انتي جاية هنا ليه”
نهي بهدوء “محتاجة اكلمك”
زاد احتقار نور ليها وبصت لها من فوق لتحت بقرف “انتي ازاي اصلا عندك الجرأة تيجي هنا عايزة ايه تاني مني إسلام وخدتيه عايزة ايه تاني انتي مش مرحب بيكي هنا”
نهي بحزم متخطية إهانة نور بصعوبة ” لأني مش هقدر اشوف الظلم قدامي واسكت”
نور بملل “ظلم ايه”
نهي باندفاع “إسلام انتي ظالماه”
نور بحدة وصراخ “أنا أنا ظلمته انتي شكلك اتجننتي امشي من هنا احسن ما امشيكي بطريقتي وطريقتي مش هتعجبك وابقب روحي قوليله انِ مش هرجع له حتي لو جاني راكع علي ركبته”
ياسين بقلق “فيه ايه يا بنتي صوتك عالي ليه ومين دي”
_”مش مهم يا بابا واحدة معرفهاش”
نهي بحدة “نور ياريت تسمعيني وتخليني اشرحلك كل حاجة من غير مقاطعة”
_”عايزة تشرحي ايه جوازه بيكي عايزة تشرحي خيانته عايزة تشرحه كذبه وخداعه ونفاقه ليا عايزة تشرحي ايه بالظبط”
ياسين وزهرة بصوا لنهي بصدمة ان ازاي تستجري وتيجي لحد هنا
_”إسلام ما خانكيش هو بيحبك وعمره ما احب حد غيرك انتي لو شفتي حالته دلوقتي وانتي بعيدة عنه هيصعب عليكي”
_”انتي مجنونة اومال مسمية جوازه منك ايه”
نهي بقوة “جواز صوري علي ورق بس”
نهي بتنهيدة ” أنا كنت متجوزة مروان ابن خالي كان اخويا وابويا وصاحبي وكل ما ليا بس للأسف مش مكتوب لنا نكمل ما بعض لانه مات في حادثة عربية الله يرحمه”
_”الله يرحمه بس ياريت تختصري كلامك انا مش طايقة ابص لك او اسمع صوتك”
نهي بوجع “بعدها بكام شهر اتقدملي شهاب ابن عمي مش حبا فيا ولا حاجة هو كان عايز زوجة تلبي له احتياجته وقت ما يحب بمعني اصح جواز متعة بس أنا رفضت رغم أن اهلي كانوا موافقين وكانوا هيجوزوني ليه غصب ههه بس كنت هموت نفسي فرجعوا في قرارهم”
نهي بدموع “بس شهاب غضب واتضايق وحس ان رجولته اتجرحت وان ازاي هو يترفض واي بنت بتتمناه فراح ….أجر…..اتنين خطفوني وانا خارجة من البيت وخلي واحد ……. فيهم يـ … يـ..عـ…تدي يعتدي…… عليا وكل ده … وأنا ..وأنا مش قادرة اتكلم ولا اعمل حاجة كان كاتم بؤي ومثبتني بقوة حاولت بس مقدرتش فضلت ادعي ربنا …… كتييير حد يساعدني …. بس..بس مفيش حد جيه…..وبعد كده …رماني…… علي الطريق وانا مغمي عليا وهدومي …… متقطعة”
_”بعدها فوقت لقيت نفسي في المستشفي طلع أن إسلام لقاني وهو راجع من الشغل فوداني المستشفي كان ساعتها أهلي وصلوا المستشفي مفيش حد فيهم رحمني ولا ماما ولا بابا ولا اخواتي نزلوا فيا كلام جارح وانِ عملت كده بإرادتي وكانوا عايزين يموتوني لولا ان إسلام وقف في وشهم وقالهم اه هيتجوزني كمان 3 شهور كان زماني دلوقتي في قبري”
نهي مسكت ايد نور بدموع ” والله العظيم كان غصب عني وعنه من ساعة ما اتجوزني وهو عمره ما قرب مني وبيعتبرني زي أخته ابوس ايدك ارجعيله كل يوم بيرجع من الشغل شايل هموم الدنيا كلها لانك بعدتي عنه إسلام مرضيش يقولك عشان متجرحش بس انا مش هقدر اسكت أكتر من كده لو فيه في قلبك ذرة حب واحدة ليه ارحعيله هو بيموت من غيرك”
نور سحبت ايديها بهدوء “انا مقدرة اللي حصلك وان ده غصب عنك وعنه بس أنا خلاص قررت انِ هطلق أنا خلاص هعيش لنفسي بس انا مش هقدر اقدم له حاجة ولا هقدر اديله حب زي الأول ولا ولاد انا بعد ما ابني مات وأنا عايزة ابعد عن الكل وزي ما قلت مش هعيش غير لنفسي ولماما وبابا”
_”انا انا عارفة ان كل حاجة حصلت بسببي بس إسلام ملهوش ذنب لولا انِ كلمته ساعتها مكنش حصل كل ده أنا كنت خايفة وكل شوية بتخيل حادثة الإغتصاب قدامي”
كملت بتنهيدة “كل ده مش مهم ليه ذنب او لا الخيانة خيانة مهما كانت أسبابها أو مسمياتها وانتي كملي حياتك معاه وخلفوا وخليه يحبك وينساني كل حاجة مكتوبة ومقدرة عشان في الآخر انتي تكملي مع إسلام ويعوضك عن كل حاجة حصلتلك قبل كده”
_”بردوه عملتي اللي في دماغك وجيتي يا نهي”
نهي بتوتر وهي يتمسح دموعها “إسلام انت ايه اللي جابك هنا”
_”المفروض انا اللي اسألك”
نور برزانة “مفيش حاجة يا إسلام كنا بس بنتكلم في موضوع طلاقي منك”
_”نور أنا متأكد أن نهي حكت لك كل حاجة ارجوكي اديني فرصة تانية”
نور بجمود “يبقي تطلقها هتقدر”
_”أنا….”
_”لا طبعا مش هتقدر أنا كنت في حياتك وانت ضيعت فرصتك وضيعت حبي ليك خلينا نتطلق بهدوء وكمل حياتك مع نهي وأنا مسامحاك وربنا يسهلك انت وهي”
الكل بص لها بزهول وصدمة أن هي ازاي بعد كل ده مقدرتش ترجع له فعلا لما قلب المحب بيتكسر مش بيتصلح تاني
………………
بعد سنة
كنت واقفة في عيد ميلاد سلوي بنت حازم جوزي اللي كان جارنا في البيت وكان بيحبني من زمان وعايز يتجوزني بس محصلش نصيب وكل واحد اتجوز بس دلوقتي ربنا جمعنا سوا مراته الله يرحمها ماتت وهي بتولد سلوي اللي بقت بنتي وصاحبتي وحياتي كلها هي وأبوها طبعا ههه
وإسلام كمل حياته مع نهي وخلفوا تؤام سما وسامي
حازم بهمس “بحبك اوووي النهاردة”
نور بزعل مصطنع “النهاردة بس اخس عليك وانا اللي فكرتك بتحبني”
حازم مسك خدودها ” يا بكاشة اومال مين اللي بيقولك كل شوية بحبك ها مين سلوي”
_”اه انا يا بابي”
_”بسم الله الرحم الرحيم فيه ايه يا بنتي خضتيني”
سلوي بطفولية “انتم سبتوني واقفة لوحدي وكل واحد بيقول للتاني بحبك وانا على فكرة بحبكم قوي”
حازم بصدمة “انتي مين انتي مستحيل تكوني سلوي فين سلوي يا نور البت قلبت من كتر المسلسلات التركي اه ياقلبي”
نور بضحكة لأن ده بيحصل كل يوم ” يلا يا حلوين نقطع التورتة بس الأول مين بيحب نور”
حازم وسلوي بحب في صوت واحد ” أنااااااااا”
تمت..
لقراءة الرواية كاملة اضغط على : (رواية فرصة ضائعة)
