رواية فرحة الفارس الفصل الثاني 2 بقلم جمانة صفوت
رواية فرحة الفارس الجزء الثاني
رواية فرحة الفارس البارت الثاني
رواية فرحة الفارس الحلقة الثانية
وصلوا للمكان اللي هيخيموا فيه
فرح: زهره نامي معايا في نفس الخيمه و نسهر سوا
زهره:اشطا جدا تعالي نشوفها و بعدين نطلع نستكشف بقىٰ
فرح:يلا بينا
دخلوا و كان سمير مركز مع فرح هو معجب بيها بس هي مش مدياله وش
خرجت فرح و زهره من الخيمه و بيقولوا للمشرف أنهم هيروحوا يستكشفوا و مش هيبعدوا و وافق
فرح:خلصت حكي
زهره:ده ماله ده الشعب بقي عبيط و ضحكوا و فجأة فرح صوتت
زهره:فيي اييييه اههههه مين ده
فرح:ده فااارس اجري
فارس(بزعيق): استني عنك
كانت زهره هربت و مسك فرح
فرح:يعم ارحمي بقي انت بتطلع منين ايه الرعب ده و بعدين انت ماسكني كده ليه هو انا حرامي
فارس:انا قولت ايه مش قولت مفيش رحلة عاجبك شكلك و أنتِ شبه الفأر المبلول كده
فرح:طب سيبني و خلينا نتفاهم زي الناس العاقله
سابها و متنظر كلامها
فرح:يعمنا انا لا اعرفك و لا شوفتك قبل كده و كمان اسمع كلامك بتاع ايه انت اكيد غلطان فيا
فارس: أولاً انا اعرفك كويس و اكيد أنتِ كمان هتعرفيني انا كنت مأجل اللقاء ده لشويه كمان بس الهانم خربت الموضوع و ثانياً اما اقول حاجه اكيد مش هضرك
فرح:هو انا اعرفك عشان اعرف هتضرني ولا لا طبيعي ان انا اصلا لا اتعامل ولا كأنك ظهرت و سكت لما لمحت زهره جايه جري هي و سمير
فرح(في سرها):الله يحرقك يا زهره الكلب فاقت لما سمير جري عليها و مسك ايديها
سمير:أنتِ كويسه يا فرح و مين ده
فارس شال ايده و وقف قدام فرح
فارس:خطيبها مين حضرتك بقي ؟ و ازاي تمسك ايديها كده
فرح فاقت من صدمه خطيبها دي و كانت لسه هتتكلم بس سكتت لما فارس بصلها بعصبيه
سمير (بضيقه):خطيبها!؟
أنتِ مخطوبه يا فرح؟
فرح:لا فارس بصلها ااه اه مخطوبه
سمير (بكسره):الف مبروك ربنا يتمملك على خير و مشي و زهره و فرح زعلوا عليه و فارس طلب من زهره تمشي و تسيبه مع فرح لوحدهم بس فرح بتترجاها بعنيها انها متسبهاش بس الهبله مفهمتش و مشيت فارس لف لفرح
فارس:هو ازاي مسك ايدك يا حلوه أنتِ!!
فرح:انت مااالك و ازاي تقول اني خطيبتك هو لعب عيال انا معرفش انت مين اصلا في ثانيه بقيت خطيبتك؟
فارس:دي الحقيقه انا خطيبك و هكلم سيف اني اكتب الكتاب بعد شهر
فرح:يا ربنا على الجنان اللي وقعت فيه يا اخينا افهم انا مش خطيبة حد ولا هتجوز حد حل عني بقىٰ الله يسترك و اتكل على الله و بتزقه عشان تمشي
مسك ايديها جامد و وقفها
قال بعصبيه حاول يداريها :اول حاجه لازم تعرفيها انك متعمليش الحركه دي تاني عشان هيكون رد
فعلي غير (قصده أنها مشيت و هو بيتكلم )
تاني حاجه احنا قولنا هنتكلم بعقل اللي اتعمل ده شغل عيال هسيبك تستريحي شويه و بعدين نكمل كلام بس بجد لازم نتفاهم
فرح:ماشي اما نشوف اخرتها و مشيت شويه لقته ماشي وراها
فرح لفتله:و بعدين انت مش قولت هتسيبني استريح و بعدين نتكلم ماشي ورايا ليه؟
فارس: انا فعلاً هسيبك تستريحي انا رايح الخيمه بتاعتي
فرح:بس الخيم اللي هناك تبع الرحلة و الجامعة مش تبعك
سكت و مردش كملوا مشي و تطلع حاجز خيمه مع المشرف عشان يبقي معاها هو عارف انها هتروح الرحلة كده كده
و دخلت على الخيمه على طول عشان تفكر كويس هي متنكرش أنها معجبه بيه و بأصراره أنه يوصل لها و يعرفها على نفسه و عندها فضول برضوا تعرف هو يعرفها منين هو شكلياً عسول و طويل و عيونه بني و حاجه حلوه اللهم بارك و قالت بضحك بس هو الموضوع لف لييه لشكله؟ المهم انها قررت تديله فرصه و بعدين راحت ضربت زهره عشان سابتها لوحدها معاه و بعدين حكت لها اللي حصل و قالت لها أن سمير ميستاهلش كسرة قلبه دي زهره وافقتها الرأي و قالت لها انها تروح تشوفوا فرح اتوترت شويه و بعدين وافقت
فرح: أزيك يا سمير
سمير بأستغراب هي متكلموش قبل كده:الحمدلله وانتِ؟
فرح:يدوم الحمد.الحمدلله
انا آسفه على كسره قلبك بس والله بعتبرك اخ و صديق و مكانش في مشاعر ليا ناحيتك و القلوب مش بأدينا نقولها تحب مين و مين لا واكيد مترضاش اني اتظلم و انا كمان مرضاش اني اظلمك ف انا بعتذرلك و ياريت تقبل اعتذار و ممكن نكون اصدقاء
سمير:صح معاكي حق القلوب مش بأدينا و انا بقبل اعتذارك بس انت آسف مش ممكن نكون اصحاب الا اما افوق و ارجع تاني لنفسي عشان كده انا بأذي نفسي و عمري ما ارضى بكده
فرح:اللي يريحك اعمله المهم تكون صافي من ناحيتي وسألته بضحك صافي يا لبن؟
سمير بأبتسامه:حليب يا قشطه
و كل ده و فارس شايفهم هو عارف انها اكيد مش هتسيبه قلبه مكسور بس هو برضوا غيران ما طبيعي الله
فارس:يا دي النيله اهدي بقىٰ يعم ما انت عارف انها بتطيب بخاطره و بعدين قال صبرني يارب
راحت لزهره و قعدوا شويه و بعدين سيف رن على فرح و هي فرحت و راحت عشان تكلمه بعدت عن المكان شويه و كان الجو بقىٰ ليل
سيف:اللي بيطلعوا رحله و ينسونااا
فرح بضحك:مقدرش يا سيفوا مقدرش بس حصل حاجات كتير لخمتني و حكت ليه كل حاجه
سيف:اقولك حاجه انا كمان
همهمت بالموافقه فكمل فارس كلمني و قالي على الكتب كتاب و الفرح
فرح بصدمه:نعممم هو ايه العبط ده كتب كتاب مين هو ده لسه ظاهر في حياتي النهارده!
سيف:يا فروحه حاسه كويس بس اما ترجعي هنتكلم في الموضوع ده كده كده أنتِ راجعه بكره
فرح:ماشي يا سيف اما ارجع سلملي على ميوش يلا تصبح على خير
سيف:يوصل يا حبيبتي أن شاء الله و قفلوا و بعدين قال لنفسه مادام قالت سيف يبقي متضايقه و هتطلع عينه دلوقتي ربنا يعديها علي خير بقىٰ و بعدين ضحك و قال هو اللي جابه لنفسه
فرح راحت لفارس:انت يا اخينا اي اللي انت عملته ده ازاي تكلم سيف و تقولوا كتب كتاب و مش كتب كتاب انت في حاجه في مخك
فارس ببرود:والله انا قولتلك معلملتش حاجه من وراكي يعني
فرح:ده مكانش اتفقنا كنت هتسيب ليا شويه وقت افكر مش خبط لزق كده
فارس:مش خبط لزق على فكره أنتِ مش هترضي انك تكلميني أو ننزل نخرج سوا عشان تتعرفي عليا ابداً مش هترضي ف تتعرفي عليا بعد كتب الكتاب احسن برضوا ولا ايه ؟
فرح:ولا اه! انا حتي معرفش حاجه عنك غير اسمك انا فعلاً كنت مقرره اني هديك فرصه ف عرفني عن نفسك
فارس:بس كده من عينيا يا ست فروحه انا فارس محمد زكريا عندي 27 سنه خريج كليه هندسه معماريه و معنديش أصحاب غير اسامه و تامر وفاتح الشركه انا واصحابي و ساكن في الدقي و اهلي متوفين من 5 سنين
فرح: بحزن ربنا يرحمهم يارب معندكش اخوات؟
فارس: معنديش اخوات اصحابي هما اخواتي و بتعصب بسرعه و لما اتعصب أو ازعق لازم تتفادي غضبي عشان مش براعي كلامي أحياناً بس أن شاء الله هحاول اراعي و ما اتعصبش ده ملخص عني لما تعرفيني هتحبيني انا متأكد و كمل بغرور انا اصلا اتحب على طول
فرح بضحك:ايه الغرور ده يا عمنا براحه علينا اما نرجع ان شاء الله اكون فكرت كويس يلا تصبح على خير
فارس:و أنتِ من اهله
و راحت فرح عشان تنام بس طبعا لا نامت ولا حاجه عماله تفكر في فارس و أنه ممكن يكون الشخص اللي بتتمناه بس تجربه باباها و مامتها مأثره عليها و من الواضح أنها مأثره على سيف كمان
و أنها ممكن تكون اختارت غلط ف محتاجه رأي سيف و مامتها معاها و نامت من كتر التفكير
تاني يوم صحيت و جهزت و لمت حاجاتها عشان الرجوع خرجت تشوف زهرة و بعدين ركبوا الأتوبيس شافت فارس واقف و واقفة معاه سحر اللي بتلف على ولاد الدفعة كلها و مبتحبهاش ابداً اتضايقت جدا و بصيت بقرف و نامت على كتف زهرة هو مخدش باله
عشان افوق كده كلمت سيفوا و ماما و ارتحت بمكالمتهم شويه و لاقيتهم بيهيصوا و يغنوا و انا بضعف في التجمعات دي
و غنيت و سقفت معاهم طبعا و حاولت مشغلش بالي بفارس بس معرفتش و روحت اسأل سحر
سحر هو مين اللي انت كنتِ واقفة معاه و احنا طالعين نركب الأتوبيس ده؟
سحر: اشمعنى؟
فرح:اصل ده مش من دفعتنا ولا من المشرفين ف استغربت أن ممكن تطلعي حد من أهلك معاكِ مش هو قريبك برضوا؟
سحر:لا مينفعش نطلع معانا حد من اهلنا ده فارس ابن زميل بابا بس باباه مات كان بيحبني الله يرحمه
فرح:الله يرحمه ،رجعت مكانها تاني مرتاحة شوية بس برضوا متضايقة منه
وصلت و سيف كان مستنيها فرح جريت تحضن سيف:سيفوا
سيف حضنها:فروحتي ازيك
فرح:الحمدلله يا حبيبي يلا نروح لميوش عشان وحشتني
سيف:يلا يا فروحه و ركبوا العربيه و كل ده فارس متابعهم
فارس(بتنهيدة):اخ منك يا فرح اخ
فرح وصلت البيت و سلمت على ميوش و فضلوا قاعدين سوا كتير لحد اما جت سيرة فارس
سيف:الا صحيح يا فروحه قرارك ايه من ناحية فارس؟
فرح:والله مش عارفه لحد امبارح كنت بفكر اوافق بس مش عارفه لسه كنت مستنيه اجي عشان افكر معاكم
مي:وافقي يا فروحه و أن شاء الله خير يا عيون ماما
سيف: انا كمان بقول كده انا اصلا دورت عنه ما هو هياخد فروحتي لازم اعمل المحقق كونان عليه
فرح و مي ضحكوا عليه
سيف:المهم هو كويس و هطمن عليكي معاه
فرح:اشطا خليه يجي بكره و هقعد معاه و نشوف و اللي فيه الخير يعمله ربنا هقوم ارتاح انا بقىٰ
مي:روحي يا حبيبتي
دخلت نامت على طول و صحيت تاني يوم صلت و خرجت لمي عشان تساعدها و جهزوا الفطار و دخلت صحت سيف و فطروا بعد الفطار
فرح:سيفوا ما تجيب رقم فريدة
سيف:اشمعنى؟
فرح:انت مالك مرات اخويا و اكلمها براحتي الله
سيف:يابنتي بطلي ام اللماضة دي خديه اهو***********
فرح:متشكرين يا سيفوا
و رنت على فريدة
فرح:السلام عليكم ورحمه الله وبركاته
فريدة:و عليكم السلام ورحمه الله وبركاته، مين معايا
فرح:انا فرح يا فوفا اخت سيف
فريدة (بفرحة):ازيك يا فروحه اخبارك ايه مبسوطة انك بتكلميني
فرح:زي الفل الحمدلله،ايه يا بنتي انا ازاي كل ده مخدتش رقمك
فريدة:و الله مجاش في دماغي انا كمان
فرح:حصل خير يا فوفا
و فضلوا يرغوا شوية و جهزوا مع بعض اللبس بتاع الخطوبة
فرح: اشطا جدا انا اتحمست يا فوفا ربنا يتمملكم على خير يا عيوني
فريدة: وانا كمان والله،يارب يا فروحه و افرح بيكِ أنتِ كمان
فرح:ان شاء الله يا فوفا
سيف دخل الأوضة على فرح يلا يا فرح بقىٰ فارس زمانه على وصول
فرح: مااااشي قايمة اهو فرح:هقفل انا بقىٰ و هكلمك تاني بعدين
فريدة:اشطا يا فروحه
فرح:سيف بيسلم عليكي على فكره
فريدة وشها احمر:الله يسلمه
فرح (برخامة):يعني مقولش انك بتسلمي عليه؟
فريدة (بخجل):ااه لاا يووه بس يا فرح بقىٰ روحي شوفي أنتِ هاتعملي ايه بقىٰ
فرح (بضحك):ماشي سلام يا فوفا
فريدة:سلام يختي
قفلوا و فرح ضحكت عليها و بعدين قامت تجهز عشان فارس
عند فارس:اه ياني هبقىٰ عريس ياولاااد
أسامة:ايوه بقي و هتودع السنجله
تامر:ربنا يكون في عونها والله
فارس:ليه هو انا مجنون يعني
الاتنين مع بعض:اه
فارس(بضحك):حسبي الله فيكوا انا ماشي سلام هبقىٰ اطمنكوا
تامر و اسامة:اشطا مع السلامه
وصل فارس و طلع
سيف:اهلا اهلا فارس
فارس:ازيك يا سيف
سيف:الحمدلله بخير انت اخبارك ايه
فارس:تمام الحمدلله
سيف اتفضل اتفضل
دخلوا قعدوا لحد شوية و جت فرح كانت لابسة جيبه سودة و بلوزة لبني و طرحة بيضة كان شكلها عسول
فارس:ما شاء الله
قعدوا شوية و بعدين سابوهم مع بعض
فارس:ازيك يا فرح
فرح:الحمدلله تمام انت اخبارك ايه
فارس:يدوم يا فروحه ،الحمدلله بخير
فرح:يارب دايما، بص بقىٰ انا قررت اوافق بس على خطوبة بس مفيش كتب كتاب ولا فرح دلوقتي و الخطوبة كمان بعد خطوبة سيف و فريدة عشان ناخد وقتنا و منتسرعش
فارس:نعممم يختي انا جاي على أساس اظبط الخطوبة و كتب الكتاب
فرح:ايه مالك كتب كتاب مين انت ليه مش مقتنع اني معرفكش اصلا
فارس:بس انا اعرفك و كويس اوي كمان
فرح:ما انا عايزة اعرف برضوا انت تعرفني كويس اوي منين بقىٰ
فارس(بخبث):امم وافقي على كتب الكتاب و اقولك
فرح:لا خلاص مش عايزة اعرف
فارس:براحتك انا مالي
فرح (بضيق): ماشي المهم اتفقنا يعني
فارس:اتفقنا، امتي بقىٰ خطوبة سيف ؟
فرح(بخبث):بعد شهرين
فارس(بصدمة):نعممم شهرين مين و هستنىٰ بعد الشهرين اسبوعين او شهر ليه مين ضحك عليكي و قالك اني هستنىٰ كل ده
فرح: انا
فارس:يا سيف
سيف:نعم
فارس: انت خطوبتك امتي؟
سيف:بعد بكره و انت اكيد معزوم
فارس بيبص لفرح كأنه هيقتلها:بعد بكره!مش شهرين يعني؟
سيف(بضحك):شهرين مين يا غالي انا مستعجل
فارس:ربنا يتمملك على خير يا ابو نسب
سيف خرج و سابهم
فارس:طلعتي نصابه يا فرح
فرح(بفخر):ليا الشرف
فارس:يارب صبرني،كده احنا الجمعة الجاية
فرح:لا اسبوع قليل خليها الجمعة اللي بعدها
فارس:لا هي الجمعة الجاية بقىٰ
فرح(بعند):لا اللي بعدها
فارس:الجمعة الجاية يا فرح
فرح:يوووه
فارس(بضحك):يوووه
خلاص بقىٰ يا فرح أنتِ اخترتي ان تكون خطوبة بس و انا اخترت المعاد كده واحد واحد
فرح:ماشي يعم
فارس:ماشي يا ستي همشي انا بقىٰ نتقابل في الخطوبة أن شاء الله
فرح:أن شاء الله
و مشي و فرح اتبسطت
فارس فتح فيديو مع أصحابه و بيكلمهم
فارس:باركولي يا اخواتي
اسامة:مبروك يا ابو الفروس
تامر:مبروك يا غالي عقبالي يارب انا و الغلبان ده
فارس:أن شاء الله ورايا يا عم انا قولت اطمنكوا بس هقفل بقىٰ عشان سايق
فارس و تامر:اشطا سلام
فارس:سلام
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرحة الفارس)
