رواية فرحة الفارس الفصل الثالث 3 بقلم جمانة صفوت
رواية فرحة الفارس الجزء الثالث
رواية فرحة الفارس البارت الثالث
رواية فرحة الفارس الحلقة الثالثة
“فرحة الفارس”3
عند فرح
سيف:عايز ايه مننا تاني مش كفاية اللي عملتوا فينا بسببك احنا مش عارفين ناخد خطوة في حياتنا بقيت عامل لينا عقدة
احمد:انا عملت كده عشان مصلحتكوا انا واللهِ كنت بموت محبتش اوجعكوا معايا انا كنت معاكم خطوة بخطوة
سيف:بس متكملش انت لو فعلا بتحبنا مكنتش هاتعمل كده و بالذات في ماما بسببك شالت مسؤلية كبيرة و معاشتش سنها
احمد:طيب سيبني اجي اشوفكوا و نتكلم و هشرحلكوا كل حاجة بس انا مش قادر على بعدكم واللهِ
سيف:مفيش الكلام ده انت سيبتنا و احنا اتعودنا على عدم وجودك مش محتاجين جروح تاني و ياريت تنسانا بقىٰ زي ما كنت ناسينا
و قفل السكه
سيف(بتنهيدة):يارب بقىٰ
خرج لمي و فرح
سيف:احمد باشا كلمني
فرح:عايز ايه مننا هو مش سابنا و مشي و نسينا ايه اللي فكره بينا
مي:عيب يا فرح اما تتكلمي على والدك كده
سيف:عيب!و مش عيب و حرام اللي هو عمله فاكرها سهلة يسيبنا و يمشي و بعدين يرجع و المفروض أن احنا ناخده بالحضن ؟
فرح:ده حتى مفكرش فيكِ ولا في ازاي هتربينا أو هتصرفي علينا ازاي!
مي:مهما كان يا ولاد ده والدكم مش ممكن ابدا انكم تتكلموا عنه كده حتى و لو هو الغلطان
فرح(بضيق):استاذ احمد باشا عايز ايه برضوا
سيف:عايز يجي و يقعد معانا و بيقول أنه هيفهمنا عمل كده ليه و عايزنا نسامحه
قبل ما فرح تتكلم
مي قالت: خليه يجي
فرح: ايه
سيف:ازاي يا ماما بس هو احنا تحت امره
مي:من غير ايه او اسباب خليه يجي بكره و حطوا النقط على الحروف و اعرفوا عمل كده ليه و انتوا اللي هتقرروا مش انا بس تكونوا مش ظالمينه
سيف(بضيق):ماشي
فرح سكتت ازاي مامتها قدرت توافق و دماغها سرحت في ظهور والدها تاني
دخلوا يناموا و كل واحد في دماغوا سيناريو بيتخيلوه لتاني يوم
مي معرفتش تنام بسبب ظهور احمد تاني
دخلت صحت سيف و فرح
سيف:صباح الخير يا ميوش
مي:صباح النور يا حبيبي يلا قومي عشان الفطار
هز رأسه و دخل غسل وشه و اتوضى و صلى وخرج
فرح:صباح الخير يا حبايب قلبي
مي و سيف:صباح النور يا فروحه
فطروا وهما على الفطار لقوا الباب بيخبط
سيف قام يفتح الباب شاف احمد و قاله اتفضل
فرح:مين يا سيفوا
سيف:احمد باشا
فرح:اهلا وسهلا
خرجت لهم و مي دخلت الأوضة
احمد(بدموع):اه وحشتوني اوي والله ايه الجمال ده يا فروحه و انت يا سيف بقيت راجل الله اكبر عليك
سيف و فرح:شكرا
قعدوا
احمد(بتوتر):عاملين ايه يا حبايبي
فرح:الحمدلله بخير بس احنا مش حبايبك
احمد(بحزن): لا حبايبي يا فرح انا زي ما قولت لسيف انا سيبتكوا عشان انا كنت تعبان و كنت بموت مقدرتش اتخيل اني ممكن اكون حمل او سبب حزن ليكوا كنت واثق في مي و أنها قد اي حاجة كنت عارف كل حاجة عنكوا و كنت معاكوا في كل مراحلكوا بس من غير ما تعرفوا اني موجود
سيف: حضرتك شايف أن ده مبرر أن احنا منحزنش مين قالك أن احنا كنا مبسوطين بعدم وجودك مين قالك أن احنا مكناش بنعاني بسببك
فرح:حتى لو زي ما حضرتك بتقول اكيد حضرتك خفيت من فتره من التعب اللي منعرفهوش كنت فين كل ده؟
احمد:كنت بحاول اشوف هتسامحوني ولا لا هعرف اشوفكوا و اتعامل معاكوا ولا لا انا عارف ان دي كلها اسباب متشفعليش بس انا رجعت و انا عايز احسن علاقتي معاكوا و اعرفكوا على اخواتكم
فرح(بصدمة):اخواتنا!
سيف(بسخرية):اكيد اومال هاتعيش كل الوقت ده فاضي لازم تتجوز و ترمي عيالك اللي هما احنا طبعا و ريحت بالك
احمد:ابدا والله ده موضوع يطول شرحه انا بس كنت جاي عشان افهمكوا ان انا عايز اصلح علاقتي بيكوا مش اكتر مش حابين تتعرفوا على اخواتكم عادي المهم راحتكوا
فرح:انا مش عايزه اعرفك ولا اعرف ولادك و شكرا لحد كده و لو كان بأيدي اني اغير اسمي و مبقاش بنتك كنت عملتها من وقت هروبك يا احمد باشا سابته و مشيت
سيف:اتوقع واضح ان وجودك تاني هيسبب لينا مشاكل احنا في غنى عنها و شكرا انك جيت بس احنا مش عايزين وجودك تاني
احمد:بس…
سيف:مع السلامه يا احمد باشا
احمد مشي بحزن على ولاده سيف دخل لفرح الأوضه لقاها بتعيط حضنها و بيهديها و بيعيط معاها
سيف(بدموع):متعيطيش يا فرح ميستاهلش دموعك غاليه
فرح:شوفت جاي ليه ده حتى مفكرش في مشاعرنا و بيقول اعرفكوا على اخواتكم اخوات مين احنا منعرفهوش هو شخصياً و عايزنا نسامحه كمان كفايه اللي عمله فينا كفايه
سيف:متقلقيش يا فروحه مش هخليه يجي تاني فوقي بقىٰ عشان ميوش متزعلش
فرح:حاضر
مي دخلت عليهم و فرح مسحت دموعها و سيف كمان
مي:ايه يا ولاد حصل ايه؟
فرح:محصلش حاجة يا ست الكل كان عايزنا نسامحه بس
مي:عدت على خير بس شكلكوا زعلانين!
سيف:محصلش حتى قولت اخدكوا و ننزل نجيب البدلة عشان الخطوبه
مي:مش عارفه انت ازاي استنيت للنهارده؟
سيف:كنت مستني فروحه
فرح:حبيبي يا سيفوا والله يلا يعم اعوضك و ننزل نجيب البدلة و تعزمنا على آيس كريم كمان
سيف(بضحك):وماله يختي اعزمكوا
مي:طب يلا قوموا البسوا عشان نلحق ننزل
الأتنين همهموا بالموافقة و سيف راح يلبس هو و مي و سابوا فرح عشان تلبس
فرح(لنفسها):فوقي يا فرح متخليش حاجة تزعلك خالص و بعدين (ضحكت)حتى قمر و أنتِ بتعيطي وراخت تلبس
نزلوا راحوا المول و دخلوا محل للبدل
سيف:ايه رأيكم في دي؟
فرح:اووو! ايه القمر ده بس
مي:قمر يا حبيبي ما شاء الله
سيف:حضنهم و قال (بحب) حبايبي
سيف:ايه ده فارس؟اخبارك ايه
فارس:الحمدلله يا عريس انت اخبارك ايه
سيف:الحمدلله يا حبيبي
فارس:ازي حضرتك يا طنط
مي:في فضل و نعمة الحمدلله
فارس:يارب دايما،ازيك يا فرح
فرح:الحمدلله بخير
فارس يارب دايما يا فرح
سيف:انت بتعمل ايه هنا بقىٰ
فارس(بغمزة):بجيب البدلة مع اصحابي بس لمحتكوا قولت اجي اسلم عليكوا
ضحك سيف: ايون بقىٰ العريس القادم
فارس ضحك و بعدين طلب أنه يكلم فرح دقيقتين
سيف وافق و راح يحاسب على البدلة لحد اما يخلصوا
فارس:خليكي هنا ثانيه
فرح(بأستغراب):ماشي
بعد دقيقتين رجع
فارس:بما انك بتحبي الآيس كريم و كده اتفضلي و دي وردة للورد
فرح فرحت وقالت:اوعااا! شكراً بجد
فارس:بس يا ماما شكراً دي لأي حد الا انا
فرح(بعند):لا ليك انت كمان
فارس:والله!هنشوف بعد كده الموضوع ده
فرح:ان شاء الله يلا نروح ليهم بقىٰ
فارس:يلا
راحوا ليهم و فارس سلم عليهم و بعدين مشيوا كلهم
فرح روحت مبسوطه بفارس و بدأت تحس بمشاعر ناحيته
و بعدين كلمت فريدة و اتحمسوا سوا و بعدين كل واحده نامت عشان تصحي بدري عشان تجهز
و جيه تاني يوم
سيف:يوه يا ماما صحي فرح بقىٰ كل ده نوم كده هنتأخر عليهم
مي ضحكت و قالت:نتأخر على مين يا سيف احنا لسه الضهر و المعاد الساعه 7
دخل سيف و صحي فرح برضوا و ضحكت عليه
قامت صلت و فطروا و بعدين بدأوا يجهزوا
سيف: يلا يا فرح بقىٰ جهزنا كلنا
خرجت فرح كانت لابسه فستان بنفسجي و طرحه بنفسجي و شكلها كان حلو اوي
سيف صفر:اوعا القمر اللي هيخطف الأنظار
فرح حضنته و قالت :انت اللي قمر يا قلب اختك واللهِ
مي:ربنا يحكيموا و يحفظكوا يا حبايب قلبي
سيف:يلا بينا
مي و فرح:يلا
وصلوا و سلموا على أهل العروسه
سيف ميل على فريدة وقالها: القمر دي بقت خطيبتي ياولاااد
فريدة اتكسفت و سكتت
فريدة:شكلك عسول اوي على فكره
سيف(برخامه):اه ما انا عارف
فريده:يا ظريف انا كنت بجاملك بس مش اكتر متاخدش مقلب في نفسك اوي كده
سيف(بضحك):بتقولي كده من ورا قلبك انا ادري والله
و فرح راحت حضنت فريدة و باركت ليها و لسيف و تصورت معاهم و لقت فارس داخل عليهم و مبرق ليها بارك لسيف و فريدة و بعدين وقف جمب فرح وقال بعصبيه حاول يداريها:ايه اللي انتِ حطاه على وشك ده
فرح:(بتوتر)ماله
سيف:ماله؟مش واخده بالك من نظرات الناس ليكي و بعدين من امتى و أنتِ بتحطي مكياج يا فرح
فرح:دي خطوبة اخويا يا فارس مش واخد بالك؟
فارس:و لو ده حتى في خطوبتنا مش هتحطي يا فرح و بعدين قال بحزم دلوقتي تدخلي تمسحيه و مشوفكيش حطه تاني تمام
فرح:مش تمام مش همسحه انا شكلي حلو
فارس مسكها من ايديها و اخدها قدام باب الحمام وقال بعصبية:هعد من واحد لتلاته و اقسم بالله يا فرح لو مدخلتيش تمسحيه لهتشوفي وش تاني
فرح خافت شويه بس بينت العكس:و انا قلت لا
فارس:لا! طلع منديل و بدأ يمسحه هو و هي كانت هتعيط
فرح:خلاص ابعد كده عاجبك كده و انت بوظت شكلي
فارس(ببرود):اه جدا لو عايزه تدخلي تغسلي وشك اتفضلي مش عايزه يلا عشان نروح ليهم بقىٰ
دخلت فرح تغسل وشها و خرجت مش طيقاه راحوا لسيف و فريدة و مي و هيصوا شويه و بعدين فارس اقترح أنه يوصل فرح و مي عشان سيف يفضل مع اهل فريدة شويه و مي وافقت هي و سيف نزلوا عشان يروحوا
مي:و انت اخبارك شغلك ايه بقىٰ
فارس:الحمدلله والله يا طنط شغال كويس
مي:الحمدلله يا حبيبي
و فضلوا يتكلموا طول الطريق و فرح ساكت بترد على قد السؤال بس وصلوا للبيت
فارس:حمدالله على السلامه
مي:الله يسلمك معلش تعبناك معانا
فارس:مفيش الكلام ده يا طنط انا زي سيف
مي:ده اكيد يا حبيبي
كانوا طالعين بس فارس نده على فرح
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرحة الفارس)
