رواية فراشه فوق النار الفصل الثلاثون 30 بقلم ميفو السلطان
رواية فراشه فوق النار الجزء الثلاثون
رواية فراشه فوق النار البارت الثلاثون
رواية فراشه فوق النار الحلقة الثلاثون
دخل جراح علي كارما ليقترب منها ويمسك يدها ويقبلها كانت كارما تنظر الي وهو يقول لها انه لن يسكت لهم.
لتنطلق ضاحكه ليبهت… لتهتف والله بجد مش هتسكت لهم لا كثر خيرك طب ليه التعب ده ليه تتعب نفسك على حاجه ما تستاهلش ليه.
ليقول… كارما انت بتقولي ايه انا عارف اني غلطت بس انت متخيله ان انا ممكن اسيبك ليهم.
لتنظر اليه بوجع وتقول… و انت ما سبتنيش امال اللي حاصل ده ايه امال لما يجوا يعملوا فيا كل ده في بيتك ده يبقى ايه.
ليقول…. بيتي كارما ده بيتك زي ما هو بيتي. لتنظر اليه بقهر وتقول…. لا مش بيتي البيت اللي اتهان فيه ما الاقيش حد يقفلي ما يبقاش بيتي. البيت اللي اتعاير فيه ان ما ليش راجل وما الاقيش فعلا راجل يقف ليا يبقى ما يبقاش بيتي انت سبتني ليهم يعملوا فيا مابدلهم جوزي اللي المفروض يبقى سند ليا اقول له اهلي جايين يقول لي انا مش ناقص وجع دماغ عايزهم يعملوا ايه عايزهم يقولوا ايه هم عندهم حق لو انت راجلي فعلا كنت قابلتهم كنت وقفت لهم كنت فعلا رحت
اخذتني من عندهم مش تاخدني في يوم بمزاجك عشان ما اروحش لحد وترميني ولما تعوز اكون لك مرات تقعدني والمفروض ارضى بسيادتك وتقلي عاوزه ايه زي ما قلت لي. واخرتها رايح تقول لهم ثاني هترمي لهم فلوس ليه كلبه بتاخذ اي وقت انت ازاي كده انت ازاي قادر تكمل في الوجع ده انا عملت لك ايه عشان تعمل فيا كده عشان تنهش فيا كده وتسيبهم يعملوا فيا كده توصل ان انا بقيت بتعاير بيك انت تعايرني من ناحيه هم يعايروني بيك من ناحيه انا مستحقش ده انا مستحقش ده انا مش قليله امال ليه شايفيني قليله وانت ليه شايفني قليله ليه.
ليصرخ هو…. انت عاليه قوي ما تقوليش كده. لتصرخ فيه… ولما انا عاليه ولما انا عاليه بيشتروا فيا ويجيبوا ليه ويقولوا لي ما ليش راجل يقفلي ليه. انت كنت فين وهو بيهونوني ويضربوني انت كنت فين. عارف انت كنت فين انت قاعد في دنيتك فوق. فوق عالي وبرجك العالي مش عايز حد يقرفك مش عايز حد يزعجك مش عايز وجع دماغ صحيح لازم يحمدوا ربهم ان انت دخلت حياتهم ويقدمو فروض الطاعه والولاء ويكتمو وانا اتاخد واتجاب عادي ما انا متجوزه حاجه كبيره قوي وانا بالنسبه له حاجه قليله قوي.
ليقترب… لا قليله انت مش قليله وعمرك ما هتكوني قليله انت بتقولي ايه انت اتجننتي انا عارف اني غلطت انا اسف انا ما كنتش متخيل ان هم كده.
لتنظر اليه… حتى لو مش هم كده. حتي لو هم كويسين حتى لو هم احسن ناس انا بقول لك تعالى تقول لي مش فاضي.
مش فاضي تقابل اهلي ليه ما ليش قيمه تعليني قدامهم ليه ليه انا بجد مش فاهماك وبجد مش ممكن اكمل في علاقه بالشكل ده. حرام عليك بقى حرام عليك العلاقه دي بقى ارحمني بقى ارحمني.
ليقترب هو ويشدها اليه ويحتضنها لتجهش بالبكاء ليشعر بالوجع عليها ويسب نفسه الف مره…… انا اسف انا اسف والله العظيم ما اقصد حاجه والله العظيم ما كان قصدي حاجه.
لتبتعد وتهتف… جراح كفايه كده انا هاخد امي وامشي من سكات يابن الناس لاحنا شكلك والا انت شكلنا. خلصت كده انا مش عايزه منك حاجه ولا هضايقك والا اقرفك واكيد لما اطلق اهلي هيبطلو يقرفوك.
ليصرخ.. مايقرفوني والا يولعو فيا انا استحق يتولع فيا بس ماتسيبينيش كارما انت حبيبتي انا ما كنتش فاكر ان هم كده قطع لسانهم انهم يقولوا عليك كده ده انا اروح ليهم لحد عندهم واطلبك منهم الف مره اوعدك ان انا هاخذك ونروح لجدك واطلبك منهم واراضيهم و اعليكي قدامهم والله. انا اللي شخصيتي صعبه ما بعرفش اتكلم. انا انا ساعات بحس اني مش انا. والله العظيم ما في اي حاجه من اللي انت بتقوليها دي انت عاليه عندي والله عاليه عندي انت نجمه عندي في السماء ما اقدرش اطولك والله نفسي اخدك في حضني وانت راضيه ويكون حضني ده تدخلي وتعيشي فيه سعيده انا نفسي اسعدك يا كارما والله العظيم انا غشيم والله العظيم غشيم استغفر الله العظيم يا رب. ليظل يمسد علي ويقبل راسها ويديها ليهتف… هنروح لجدك وصدقيني ان ما جبت لك حقك ما بقاش انا جوزك حبيبك اكثر ما انا بحبك والله بحبك.
لتنزوي هي وتهمس.. روح يا جراح وسيبني بقه هتستفاد ايه بنوجع بعض. انت اتربيت بطريقه ماتنفعش ليا.
لتذهب وتجلس ليذهب اليها وينحني تحت قدميها ويمسك يديها… اه عندك حق جراح اتربي انه يبقي جامد ابويا وامي ماتو وانا لسه عيل ماليش الا اختي صغيره ومعايا تلال فلوس وليا اهل كانو هينهشونا اضطريت اتغير وابقي وحش جامد. كنت بقعد اعيط لوحدي نفسي حد يحن عليا مالقيتش كان لازم تبقي ايديا سندي ودماغي عزوتي. انطعن من ده وده لحد ماقدرت
عالكل وكبرت وكبرت نفسي وانا لوحدي عمر ماكان حد معايا غصب عني لقيت نفسي لوحدي كبير بنفسي اه اتغريت من اللي عملته ماهو مافيش عيل عنده تمنتاشر سنه يحافظ علي امبراطوريه ويخليها في السما. بس والله جوايا طيب وبيحب وعايز اتغير اصبري عليا طيب مش انت بتحبيني عالجيني عالجي حبيبك يا كارما بالله عليكي انا طالب تقفي جنبي ولو حصل مني حاجه رديني خرجي حنيتي اللي هموت واخرجها كلها مابعرفش بتلخبط لما اتحط في مشاعر كتير ماتعودتش عليها مابعرفش بيتصرفو ازاي بس عايز وحابب والله يا قلبي عايز. انا قلت دول هيهمدو ويتلمو لما اتغاضي عن افعالهم والله دانا اقفلك وانهش قلب اللي قدامك واللي يمسك. دا حبيبي في قلبي نجمه .
لتنظر اليه لتجد حنان الدنيا لتشيح بوجهها وقلبها يؤلمها فهو فعلا تربي بشكل قاسي لتتنهد ليحملها ويهمس… انا منايا تنامي في حضني متهنيه وعارف ان لساني فالت وزفت بس مابقصدش طور والله مالقيت حد يربيني لتتنهد بغلب ليضعها ويندس بجوارها لتحاول ان تبتعد.
ليمهس… البعد مش علاج عالجي حبيبك انا اهوه بتراجاكي ليرفع وجهها لتغمض عيونها ليهمس… بصي في عيوني بالله شايفه ايه. لتنزل دموعها وتفتح عيونها ليهمس شايفه حبي شايفه عشق مالوش اخر. لتتنهد بغلب ليمسك يديها حاسه بده قلبي بيدق عشانك وبس قولي.
لتهمس.. مش عارفه اللي شايفاه حاجه واللي بتعمله حاجه.
ليهتف.. طب ماتساعديني طيب مش الست تقف جنب جوزها انا طالب انك تعالجيني بحنانك هتعدل والله بس انا ليا سنين طور طايح لوحدي. والله يا قلبي هتربي بس ساعديني ولو طلع حاجه ماتسيبنيش انا اموت والله. دانا طحنت فكرى ما عاد ليه ملامح كت هقتله دانا اخش جهنم عشانك.
لتتنهد وتلين فهو تربي بقسوه ليهتف. كان نفسي يبقي ليا حبيب وانا صغير يطبطب عليا مالقيتش كنت بحلم بحد يملس عليا وانا نايم اصحي الاقي نفسي لوحدي انهر نفسي اني ضعيف وعايز حد. قسوه في قسوه لما نشفت من جوا انا تعبت في حياتي واتوحشت عشان احافظ علي عيلتي وبيتي واختي وشركاتي. يا كارما انا كت عيل حنين والله رجعيه رجعيلي جراح بتاع زمان اهوه عايز والله عايز ليقبل يديها ووجنتيها ويذهب لعيونها يقبلهم. لاجل عيونك دي اعمل اي حاجه بس تتراضي رضاكي بالدنيا لتنساب في احضانه وهو يردد كلمات حبه اليها لتنام اخيرا في احضانه ليشدها اليه ويقبلها قبلات حانيه لتنكنش في احضانه ليشدد عليها لتندس اكتر لينوي هو ان يعيد تلك الثقه بينهم وان يحاول ان يحجم من نفسه ومن شخصيته التي تجنح بلا سبب فعنفوانه هو السبب الرئيسي في المشاكل بينهما فهو شخص قاسي وصعب ومغرور الى حد
ما ولكنه يريدها ويحبها وسيفعل كل شيء من اجل ان يذيب ما حدث بينه.
عاد جراح الى البيت ليدخل على اخته متعبا متهالكا ليقترب منها ويحتضنها..منوره الدنيا يا قلب اخوكي..ليتنهد بوجع ويقول.. انا عارف اني كنت صعب طول عمري معاكي وكنت قاسي بس من تعاملي مع الناس وخوفي عليكي.. وعارف اني اجرمت لما سيبتك تمشي وطردتك بس والله كنت مستني ترجعي لزيدان واروح اخدك منه غصب عشان يعرف ان ليكي كبير.. والله يا ديدا ما كنت عارف ان ده هيحصل.. لما زيدان جالي كنت زي المجنون.. بنتي وبنت ابويا انا اللي عملت فيها كده.. اتمنيت الموت الف مره ولا انك تسيبيني كنت بدور زي المجنون.. طول عمري محافظ عليكي حاطك جوا عيوني ولما اتوجعت منك ماحسيتش بنفسي الا علي وجعي من فراقك.. سامحيني يا ديدا ورحمه ابوكي وامك.. والله انا حاسس انهم بيتقلو في تربتهم عليكي وبيدعو عليا. لتنزل دمعه من عينه..
لترق له بشده فليس هذا جراح الذي تعرفه.. لتمسك يده وتبتسم ليشدها اليه ويعتصرها بين احضانه ويقول انا عارف انك قلبك دهب وهتسامحيني وانا ماستحقش والله.
لتبكي بين ذراعيه وتقول.. مهما حصل هتفضل اخويا وابويا.. وخال ابني.. هتبقي احلي انكل وربنا ليبتسم ويبتعد ويمسح دموعه ويقول هو فين الجزمه ده اللي موقفنا كلنا علي رجل ليحمله ويشعر بالحب الشديد.. تصدقي يا ديدا انا حاسس انه ابني..
لتهتف بحب.. ماهو ابنك يا حبيبي مش انا بنتك برضه.
ليقترب ويقبلها ويتنهد سعيدا بمسامحتها.. ويضع الطفل.
ليهتف ببعض الجديه.. وزيدان يا ديدا.. انا صحيح طول عمري بكرهه وبينا عداوه السنين.. بس الفتره اللي فاتت ووجع بعدك دوب المشاعر دي بينا صحيح ماقلبنهاش حب وكده بس علي الاقل الكره راح عشانك وبسببك.. وفعلا زيدان بيحبك.. مش معني اني مختلف معاه اكرهك فيه لا هو بيحبك ويستحقك.. اللي شفته معاه حسسني انه ندمان وهيتجنن عليكي..
لتهتف باعتراض.. انت اللي بتقول كده.. زيدان وجعني اوي..
ليقول… غصب عنه مانا وجعتك وسامحتيني اشمعني هوه.. يا حبيبتي احنا كان بينا جبال كره والحيوان اللي عمل كده ضربنا صح وعرف يغرس انيابه صح…انا لو اتحطيت مكانه هعمل كده انت ماتعرفيش الكره والغل عشان قلبك نضيف انت مش زينا يا حبيبه اخوكي.. سنين وانا وهوا بنطحن في بعض والو$خ سعد لعبها صح مع العقربه التانيه بس زيدان ما سكتش وخد حقك تالت ومتلك وكان وهو بيدور عليكي دانا اللي اخوكي ما عملتش اللي عمله.. وانت قلبك حلو وانا عارف ثم ضحك بس مايمنعش انك تعذبيه شويه لا شويتين عشان افرح فيه واتفرج شويه… الا هو نازل من عندك بيجيب دخان وفطست ضحك..
لتضحك قليلا ثم تتنهد وتهتف.. اعمل ايه بس وجعني اوي.. انا عملت عشانه كتير وهو قابل الي عملته بجحود.. ما ادانيش فرصه اني ادافع عن نفسي حتي…
ليهتف جراح… احنا مختلفين يا قلبي الرجاله لما بتجحش ما بتشوفش.. وهو من وجعه في حبه وكرهه ليا خلاه يصدق.. حاولي يا حبيبتي.. بس قليه شويتين عايز اتفرج شويه والنبي.. اهو جه تحت درسي وهفرح فيه.. اقوم واسيبك ترتاحي.
لتهتف… كارما عامله ايه يا جراح.
ليتنهد وهو بوجع مش عارف اقول لك ايه مش عارف اقول لك انا بوجع مين ولا مين ولا مين انا عايش عشان اوجع الناس وبس.
لتتنهد هي وتهتف كارمه طيبه وبتحبك على فكره انا بشوفها بتبص ليك كانك انت روحها.
ليهتف… انا روحها وانا بموت روحها انا وجعتها قوي يا ديده.
لتشعر بالحزن وتهتف ليه يا جراح كده يا حبيبي ليه بطل طريقتك دي بطل انك انت ما تطلعش مشاعرك للناس يا جراح احنا عايزين الحنيه وبس عايزه انام في حضنك وانا مامنه لك وبس الست مش عايزه حاجه غير انك انت تبقى ليها ظهر وسند وبس كارما بسيطه وطيبه وطول عمرها لوحدها لازم تحسسها ان هي اعلى حاجه في الدنيا عندك. جراح حاول تتنازل على عنفوانك ده انا عارفه ان هو صعب وعارفه ان شخصيتك صعبه بس انت بتوجعها غصب عنك.
لينظر اليها… هي عندي نجمه عاليه في السماء وعمري ما فكرت ان انا اهينها او اتخلى عنها. لتقترب منه وتمسد عليه وتهتف… خلاص بقى خلاص حاول وانا عارفه ان انت مش قليل وعارفه انك بتحبها حاول بس تهدي من طبعك شويه وتقرب منها وتحسسها ان مهما حصل ما حدش هيقدر يقرب منها طول ما انت موجود ليتنهد ويقوم ويقبلها ويرحل لتاخذ صغيرها في احضانها وترضعه وتهم ان تنام لتفكر في زيدان لتحس بالحنين اليه رغم وجعها ونامت وهيا تحتار فيما سوف تفعله معه…
عادت كارما الى البيت وجراح يحاول بشتى الطرق ان يذيب ما حدث بينهم ويحاول ان يصب عليها عشقه ولا يتركها دقيقه وهي قد بدات تلين بعض الشيء فهو تغير تماما وقل عن عنفوانه وازاح الغرور والكبر جانبا فكان لا يتركها ابدا وكلم جدها واخبره انه سياتي بها اليهم لتسعد هي بذلك انه اخذ خطوه في مداواه العلاقه السيئه بينه وبين اهلها وان تلك خطوه جيده ليعليها عند اهلها لتبدا امها ايضا في التقريب بينهم فجراح يبدو صادقا تماما في كل ما يفعله رغم انه اخطا فهو يحاول ويحاول ان يعدل من شخصه وهي ترى ذلك وترى تغييره الواضح وترى كيف يجاهد نفسه رغم انه في بعض الاحوال تنفلت نفسه منه ولكنه يعود ليحجم نفسه مره اخرى.
كانوا يجلسان كلهم في مرح ليجلس مع اخته ليدخل عليهم صديقه ايمن الذي كان من الواضح جدا انه كان يحب جيده بشده ليقترب منها سعيدا ان عادت اخيرا وعرف مكانها الكل ليهتف… حمد لله على السلامه يا ديدا انت مش متخيله احنا كنا
قلقانين عليكي ازاي.
لتبتسم هي وترتبك متشكره يا ايمن قوي متشكره.
ليقول لها متشكره ايه بس احنا اللي كنا لا بنام ولا بنشرب ولا بنقعد كنا مجنونين ازاي انت بعيده والله العظيم ما كنت بنام.
ليسمع صوتا غاضبا يقول… طب وما اخذتش منوم ليه على فكره في انواع كثير من المنوم تاخذها بتتخمد عادي.
ليبهت الكل لتنظر اليه جيدا باحراج ويبتسم جراح فزيدان مشتعل ليقترب هو ويجلس بجوارها ويشدها اليه لتدخل في احضانه لتشعر بالحرج الشديد وايمن ايضا شعر بالحرج الشديد.
ليهتف ليزيدان…. في ايه انا كنت بعبر عن قلقي لجيدا ان هي كانت مش موجوده.
ليهتف زيدان محترقا فنظره الحب تشع من عين ايمن….. طب الحمد لله وبقيت كويس دلوقتي ما عدتش قلقان مش عايزينك تقلق. لتقول هي….. ايه زيدان ما حصلش حاجه في ايه.
ليقوم هو معلش بقى انا عيل خنيق يا قلبي استحمليني مانت بتحبيني ليلتصق بها وينظر اليها بهيام.. مش بتحبيني برضه.
ليهتف ايمن بغيظ.. اه ديدا بتحب مابتعرفش تكره حتي لو مين عمل فيها ايه.
ليفهم زيدان مقصده ليهتف… اه فعلا ديدا لما بتعشق مابتعرفش تبص جنبها اصلا ولا حد بيعدي عليها هو اللي حواليها هوا.
لتقرصه في يده ليهتف ايه يا قلب زيدان بتقرصيني ليه ما ايمن بيه عارف اني بموت عليكي وانت قلبك معايا مش معايا برضه ليقترب من اذنيها ليهمس هتردي يمين بالله لافقعك بوسه قدامه احرقلك قلبه النحنوح.
لتخبطه بغيظ… احترم نفسك بقه الله ايه قله ادبك دي ايمن هيقول ليه.
ليهتف حانقا.. ايكش النار تولع في جتته شوف بيبصلك ازاي اقوم اخزق عنيه النحنوح عايز ايه هو جاي ليه وينام وما ينامش الاهي يفطس البعيد.
ليهتف ايمن…. اه ماحنا عرفنا اد ايه بتحبها طبعا وخصوصا بعد الللي حصل والبهدله اللي اتبهدلتها وكده بس كان واضح الحب لما عرفت الحقيقه حبك بصراحه يتاقل بالدهب.
كان يوصم زيدان بما فعله ليشعر زيدان بالنار ليشتعل لتحس جيدا ان زيدان سيقتل ايمن لتمسك يده وتهمس زيدان.
ليهتف بغضب ….. انا ثانيه وهقوم اقتله اقسم بالله.
لتندفع جيدا خوفا لتهمس… زيدو قلبي والتبي بلاش فضايح .
لتنساب مشاعره في ثانيه ليلتفت اليها بحب … قلتي ايه والنبي قولي تاني قلبي هيقف.
لتعود الي نفسها وترتبك… هاه ماقلتش .
ليشدها اكثر ويهتف لا قلتي اني قلبك وزيدو حبيبك مش حبيبك برضه يا واخد عقلي.
لتدفعه حانقه بطل ايه ده مابتصدق… احترم نفسك الراجل بيبص علينا
ليهتف… يا بت هقوم افطسك قدامهم واهريكي بوس انا مفضوح ولا يهمني اخوكي سدغ هو واصحابه.
ليسمع ايمن يقول… ايه يا زيدان بيه حد مزعلك في حاجه.. ديدا ماحدش يزعل منها دي تتشال في العين.
ليحس زيدان بكويه في قلبه ليهب اسيبكو شويه بس هاخد مراتي معايا عايزها شويه ليتجه اليها وينحني ويحملها مره واحده لتشهق فيما يفعله وتشعر بالحرج الشديد ويستدير ويتركهم ليقوم ايمن محرجا ويستاذن ويتركهم ايضا
كان جراح ينظر اليهم بابتسامه مبتهجا بماتفعله جيدا بزيدان شاعرا بالفخر ان اخته تحن له ولكنها تخرج غضبها علي زيدان الذي يشعر بالغيره منه علي ذلك.
.لتجلس كارما…. مالك مبسوط كده بطل غيظ بقه ايه ده عيل كياد.
ليضحك جراح.. ايه ده كوكتي خدت بالها..
لتهتف بغضب…. بطل كوكتي دي ايه ده انا َمش كوكه حد انا كوكتي انا بطل.
ليضحك…. وَالنبي هبله اكنك كوكتك.. يا لهوي دا فره في العيله طين ورشق..
لتخبطه… هو ايه اللي طين بطل بقه
ليقرصها من يدها…. لا ايدك اتلمي انا جراح..
لتقطب جبينها وتنظر اليه بغضب لتهمس ماشي.. لتهب مندفعه لتصرخ وتمسك بطنها ليهب…. منفعلا ايه ايه مالك..
لتضع يدها علي بطنها…. بتوجعني اوي
ليهتف…. طب ايه اجيب دكتور..
لتنظر اليهلتدفع يده…. لا مش عايزه منك حاجه عشان تقرص ايدي اوي يلا اوعي.
لتهم ان تبتعد ليقترب منها ويحملها ليقول لا كده نطلع نصالح القمر يالهوي بس قمري هصالحك في الكابينه بتبقي قمر وسايحه وربنا وصعد بها لتظل كاتمه نفسها الي ان دخلت الحجره لتتململ نزلني هسود عيشتك نزلني..
ليقول… يا بت بقه اهمدي الطور زيدان هيسمع ويشمت فيا وانا السعاده طافحه عليا كده
لتتململ لينزلها ويشدها اليه.
لتهتف…. نعم عايز ايه انت مابتزهقش مش خلاص خلصنا انت فاكر ان انا بعد اللي عملته هتقعد تضحك عليا بكلمتين مهما عملت مش هسامحك.
ليهز راسه… كارما اعقلي بقه انا بقالي كتير يا قلبي بصالح انا جبت اخري جراح خلقه ضيق ماتطوليش بقه يا مزتي مشي عيشتك جراح بيتخنق ومالوش في كده.
لتحس بالوجع ان زيدان يحايل جيدا ويعشقها وجراح قد مل من ملاطفتها لتدمع عينها َلتهتف…. اطول.. لا ماتخافش علي روحك اوي كده اساسا مالوش لوزم اطول والا اقصر ماتتعبش نفسك علي حاحه تخلي خلقك يضيق وحاضر همشي عيشتي يا جراح بيه لتدفعه وتندفع للحمام.
ليقف غاضبا من نفسه علي كلامه..الله يخربيتك بقه…تاني تاتي مابتهمدش مابتحرمش. ماصدقت كت لانت. انت يابني طور مش شايف الحلوف التاني نازل مداديه رايح تقلها خلقك ضيق انت متربي فين عبوشكلك زمانها بتعيط منك لله كانت بدات تلين.. حلوف براسين اقسم بالله ليدخل ويغير ملابسه وهو غاضب ويلوم نفسه علي ما يفعله غصبا عنه لطباعه الشديده.لتخرج هيا صامته لينجفع ويشجها يحتضنها لتستكين ولا تفعل شئ… قلبي انا…
لتهمس بتعب… انا تعبانه وعايزه انا. لتتركه وتتجه الي الفراش لتنام وتنزوي ليتنهد بغلب منك لله كل شويه تقهرها يا رب ايه ده انا تعبت من طبعي الزفت يا رب بوجعها.. منك لله يا بهيم البت مكموشه ازاي وانت جبله مابتحسش حد يقل لحد ماتطوليش وبتخنق.. منك لله اهي نامت مقتوله منك ربنا ياخدك روح اقعد بقه نح ودادي تاني لما روحك تطلع انت هتعيش
عيشه سوده بدماغك الطين تنطح وترجع تنح عبوشكلك وتربيتك. تربيه ايه مانا ماتربيتش انا كت لوحدي اعمل ايه طيب يا رب حنن طبعي ولينه لحبيبي. ليتجه اليها ويحتضنها ليتنهد ويقبل راسها ليظل ياكل نفسه علي ما فعله بحبيبته
اما زيدان فكان مشتعلا فهو احرجها امام الناس وحملها والصقها به لتشعر بالخجل والغضب بشده وما ان دخل حجرته حتى نزلت هي غاضبه لتصرخ فيه وتقول….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فراشة فوق النار)
