رواية فتاه احلامي الفصل الخامس والعشرون 25 بقلم نونا حمزة
رواية فتاه احلامي الجزء الخامس والعشرون
رواية فتاه احلامي البارت الخامس والعشرون
رواية فتاه احلامي الحلقة الخامسة والعشرون
دورت وشها وقالت سيبني بقاا كفايه كده
وسيم مسكها من دراعها وقال ايه اللي غيرك كده قوليلي وانا مش فاهمك
شدت ايديها منه وقالت مش فاهم ايه
انا مش عايزه شفقه من حد
بصلها وسيم ورفع حاجبه بحيره واتنهد وقال شفقه ايه انا قلتلك انا بحبك فاهمه ومستعد اعمل اي حاجه علشانك ولو هموت حتي علشانك
ساره شهقت وحطت ايديها علي بؤه وقالت لاء بعيد الشر متقولش كدا انا اللي لازم اموت
وسيم واعيش ازاي من غير نبض قلبي ❤
الهوا اللي بتنفسه هه
ساره بس مش عايزاك تجبر عليا
وسيم اتنهد ونزل وشه في الارض وقال بصوت حزين 😔علي فكره اللي حصلك ده كله كان بسببي انا لان هاني كان عايز ينتقم مني انا مش انتي
ساره برقت عنيها وقالت ايه انتا تعرفه ازاي
وسيم حكي لها على القصه كلها واللي عمله مع مروه
اتنهدت من الكلام ومش مصدقه اللي سمعته
وقالت معقول اللي سمعته ده معقول في بني ادمين كده بس انتا كنت انسان نبيل وانقذتها
دا هاني الزفت ده كمان صاحب سامر ابن عم فاديه صاحبتي وجه معاه الكليه بس كانت نظراته ليه مش بريء خالص
وسيم ضرب بايده علي الحيطه وجز على سنانه وقال الكلب لازم ادفعه التمن وانتقم منه
بس مش عارف ليه انا حاسس ان فيه حاجه غلط بس مش عارف ايه هي
ماشي انا هوريه وهبدور عليه في كل حته الكلب ده
بس الاول لازم نتجوز وبعدين انا هعرف شغلي معاه انا هخرج دلوقتي وااقولهم انك موافقه
ساره بصت في الارض وسكتت وفركت في صوابعها
وسيم ابتسم 😊وبصلها بحب وباس صوابعه وحطها علي شفايفها وقال دي مني ليكي دلوقتي
ساره اتكسفت اوي من كلامه وحست ان وشها بيطلع نار ومش قادره تبين
وسيم حس بارتباكها فخرج وقفل الباب
راح عند امها وابوها وقال خلاص يا عمي تقدر تحدد ميعاد كتب الكتاب
ابوها وامها بصوا لبعض بفرحه
ابو ساره قال انتا عرفت تغير رايها بالسرعه دي انتا باين ليك تأثير عليها جامد اوي يا بني
وسيم ابتسم
ام ساره الف مبروك يا حبيبي ربنا يسعدكم ويفرحكم يارب
ابو ساره ممكن نكتب الكتاب قبل ما اسافر تانى يعنى كمان اسبوع
وسيم قال ماشي يا عمي علي بركة الله انا ماشي هستأذن بقا سلام
ام ساره سلام يا حبيبي
ابو ساره انا عايز اطمن علي ساره ومش هلاقي احسن من وسيم يصونها ويحافظ عليها وكفايه انهم بيحبوا بعض
ام ساره فعلا ربنا يهنيهم ونفرح بولادهم
عند ساره نامت علي السرير وحست انها مبسوطه بس فرحتها مش كامله في حاجه نقصاها وغمضت عنيها رن تليفونها فتحت عنيها لقيت فاديه
الو الو فاديه
فاديه الو ايوه يا ساره انتي فين حرام عليكي قلقتيني عليكي كل ده مش بتردي
ساره بس حملك عليه انا رجعت هنا
فاديه رجعتي بجد ليه وازاي وامته ها من غير ما تقوليلي
ساره استني بس اصل بابا رجع من السفر ومقدرتش اعد بصراحه لانه وحشني اوي انتي عارفه انا بحب بابا قد ايه
فاديه ايوه عارفه بس على الاقل كنتي قلتيلي
ساره معلش اسفه
فاديه اوك ولا يهمك ياقلبي المهم انك بخير الحمدلله
اوك لما نرجع من الرحله هكلمك تاني اوك
ساره تمام اوك يلا سلام 👋
فاديه سلام 👋
راح وسيم عند امه دخل ونده عليها ماما يا ماما انتي فين طلعت امه من الاوضه اول ما شافته فرحت اوي وجريت عليه وحضنته وقالت وسيم حمدلله علي السلامة يا حبيبي الحمدلله انك جيت وحشتني اوي يابني
وسيم باس راسها وقال انتي اللي وحشتيني اوي ياماما عامله اية
ام وسيم بخير الحمدلله
وسيم تعالي انا عايز اقولك علي حاجه مهمه جدا
ام وسيم خير يا حبيبي قول انشالله خير
وسيم انا هتجوز ساره
امه بجد فرحت اوي وقالت عين العقل الف مبروك ربنا يسعدك ويفرح قلبك 💚
بس قولي ايه غير رايك فجأة انتا كنت مش موافق
وسيم دور وشه وقال انا فكرت في كلامك وقررت اتجوز انا وساره زي ما طلبتي مني وانااصلابحبهايبقي ليه نتأخر
امه ايوه كدا وانته كلمت ابوها طبعا مش كدا
وسيم ابتسم😊 وقال عرفتي منين ان انا كلمت ابوها ها اعترفي
امه لان انا عارفه ابني وحفظاه لما بيقرر حاجه مبيضيعش وقت
وسيم احنا هنكتب الكتاب الاسبوع الجاي علطول وهبدا اوضب الشقه بتاعتي علشان اتجوز فيها
امه كان عندي حق لما اشترينا الشقتين دول مع بعض صح
وسيم صح يا اروبه يلا انا هدخل ارتاح شويه ماشي
امه ماشي يا حبيبي وانا هحضرلك الاكل علي طول
ضحك وباس راسها وقال ماشي بس بسرعه
دخل اوضته واترمه علي سريره وطلع صورتها وفضل يبص فيها وقال سامحيني يا ساره انا السبب بس لازم اصلح كل حاجه وهجيبلك حقك
وغمض عنيه
يتبع…..
لقراءة الفصل التالي : اضغط هنا
لقراءة الرواية كاملة اضغط على 🙁رواية فتاه احلامي)
