رواية فتاتي المسترجلة الفصل الأول 1 بقلم مريم هاني
رواية فتاتي المسترجلة الجزء الأول
رواية فتاتي المسترجلة البارت الأول
رواية فتاتي المسترجلة الحلقة الأولى
يعني خلاص انت هتسبني وتسافر
:ماتخافيش انا هرجع تاني عشانك
:وانا هستناك بس متتأخرش عليا
:حاضر
Back
الهام(الام):ريتاچ اصحي…..اصحي بقي
ريتاچ بتأفأف:يووووووووه يماما عايزاني اصحي لي بقي مش معقول كل يوم كدة الله
الهام:وهو كل يوم لازم انا اللي اصحيكي عشان تروحي شغلك يعني مش كفاية ان شغلك شبه شغل الرجالة حتي انتي نفسك شبهم….نفسي مرة اشوفك لابسة فستان او حتي بانطلون وبلوزة انما ازاااي تتشلي طبعا لو عملتي كدة
ريتاچ:ااااااااه اسطوانة كل يوم اللي مش هخلص منها ف حياتي ابدا مش كدة……طب يست الكل هتوكل انا علي الله
الهام بقرف:مش بقولك دكر غوري غورى من وشي يا اخرة صبرى انتي…..ربنا يسامحك يا محمد انت السبب ف اللي هي فيه دة
خرجت الام من الغرفة واتجهت هي للمرحاض لكي تستحم وتذهب للعمل فى مصنع والدها فهو يملك مصنع لتصنيع السيارات وشركة تعمل فى هذا المجال ايضا
Stop
ريتاچ فتاه….اقصد شبيهة فتاه فهي صلبة وجامدة الي اقصي درجة تتصرف مثل الفتيان تماما ولولا شعرها الطويل الذى تعكصه دائما على هيئة كعكة لكنت تعتقد انها فتي فعلا من طريقة ثيابها وتصرفاتها التي السبب بها هو والدها فهو دائما كان يتمني صبي وعندما أتت هي لم يحزن بل قرر ان يربيها مثل الفتيان ونجح بالفعل في هذا فهى اصبحت مثل الفتيان ولكن بالرغم من ذلك فهى جميلة جدااا فهي تمتلك عيون باللون العسلى الفاتح وبشرة بيضاء مع شعر بلون الشيكولاتة مع فم مكتنز مثل الكرز وانف صغير.ذو جسد ممشوق متوسط الطول.
الهام والدة ريتاچ امرأة حنونة ولكن صارمة جداا فى بعض الاحيان مثل باقى الامهات.تهتم كثيرا بأسرتها وخاصة ابنتها التي لا يعجبها حالها علي الاطلاق ولا يعجبها تربية ابيها لها.تتمنى ان يأتى من يصلح حال ابنتها قريبا
محمد والد ريتاچ رجل اعمال لديه مصنع وشركة سيارات بالرغم من طبعه الصارم فى العمل وتربيته الجادة لابنته الا انه حنون جدا معها ومع زوجته التى يعشقها فهو تزوجها عن حب
Flash Back
خرجت ريتاچ من غرفتها بعدما ارتدت ثيابها المكونة من بانطلون بوى فريند وتيشيرت ابيض بداخله وعليه شيميز من اللون الكحلي المخطط
ريتاچ:يا ست الكل جهزتي الفطار ولا افطر هناك فالمصنع ونتخانق سوا بقى
الهام بسخرية:على اساس انك مش هتتغدى هناك مثلا
ريتاچ بمرح:يلهوى عليكي يا الهام مبتفوتيش فرصة يولية ارحمينى بقي الله
الهام بحنق:يبنتي الفاظك بقي اى ولية دى حرام عليكى هتجبيلى السكر
ريتاچ وهى تأخذ ساندوتش وتذهب:طيب عشان مش هخلص من محاضرة كل يوم وهتأخر كدة سلاموز يست الكل بقى
وبالفعل ذهبت فقالت الهام بحنق:مش هتهدى غير لما تجلطنى انت السبب يا محمد بس اما تجيلى انت وهى….واما تجيلى لى والله لاكلمك دلوقتي
وبالفعل اتصلت به فأجابها علي الفور:حببتى عاملة اى؟!
الهام بحنق:بلا حببتك بلا بتاع دلوقتى انت تشوفلك صرفة فبنتك دى
محمد بهدوء:مالها بنتى بس يا الهام عملتلك اى هو كل يوم نفس الموال مش هنخلص منه بقى
الهام:لا مش هنخلص منه يا محمد……البنت مش عايشة حياتها يا محمد حرام عليها نفسها وعليك انت كمان مش معقول اللي بيحصل دة
محمد:يا حببتي ريتاچ انا ربيتها انها تكون راجل عشان لما ابقى اموت تعرف هى تقف مكاني فالشغل انا مش شايف ان دة غلط
الهام ببعض الهدوء:الف بعد الشر عنك اى اللى بتقوله دة……انا مش معترضة على انك تربيها على انها تبقي راجل ف الشغل وتاخد مكانك لكن ماتبقاش راجل فتصرفاتها ولبسها وشكلها التربية اللي انت بتتكلم عليها المفروض انها تكون فشغلها مش حياتها كلها يا محمد كدة غلط
محمد:خلاص يا الهام انا هبقى اتكلم معاها انهاردة بليل اما نرجع تمام كدة
الهام بحنق:يسلام دة على اساس ان كل واحد فيكوا مش بيرجع فى معاد وبينام حتى من غير ما يتعشى صح وبقعد انا زي القرد لوحدي
محمد بضحك:ههههههههه لا يستي قرد اى قطع لسان اللى يقول عليكي كدة انا انهاردة هكلمها وهنرجع بدرى نتعشى سوا ونتكلم ف اللى انتي عايزاه واشدلها ودنها كمان تمام كدة ولا فى حاجة تانى؟!
الهام برضا:لا تمام كدة…..سلام
محمد: سلام
•~•~•~•~•~•~•~•~•~•
اما فى المصنع الخاص بمحمد كانت ريتاچ تعمل على اصلاح سيارة فهى مهندسة ميكانيكا…….وفيما هي تعمل اتاها احد العمال
العامل:ريتاچ والدك عايزك
ريتاچ وهى تخرج من اسفل السيارة وقالت بأستغراب:هو هنا يا عم رضا؟!
رضا:لا يبنتي دة طالبك على التليفون
ريتاچ:خلاص ماشى هروح اشوفه وانت شوف العربية دى
رضا:حاضر
وذهبت ريتاچ لمكتبها وامسكت هاتفها:حبيبي يا حودة اى اللى فكرك بيا
محمد بضحك:هههههه بس يا بكاشة…….خلصى شغلك بدرى وتعالى الشركة عشان نروح سوا
ريتاچ بأستغراب:لى اول مرة تطلب منى كدة يعني؟!
محمد:ابدا يستى بس الهام مضايقة عشان كل يوم بنرجع انا وانتي متأخر ومش بنقعد معاها ولا بنتعشى معاها
ريتاچ بمشاغبة:طبعا وانت متقدرش على زعل الهامك مش كدة يا حودة يا شقى انت صح
محمد بأبتسامة:ايوة يا غلباوية مقدرش على زعلها وهتعملى اللي قولت عليه ماشي ولا عندك اعتراض
ريتاچ بمرح:وانا اقدر اعترض برضه دى الهام كانت عملت منى كفته يابا😂😂….خلاص انا هخلص بسرعة واعدى عليك نروح سوا اشطا
محمد:ماشي سلام
ريتاچ:سلام
اغلقوا الهاتف ورجعت ريتاچ لعملها مرة اخرى حتى تنهيه سريعا اما محمود فعاد لملفاته وحين كان يعمل طرقت السكرتيرة باب المكتب فأذن لها بالدخول
السكرتيرة:محمد بيه في واحد عايز يقابل حضرتك
محمد:مين دة يا نرمين
نرمين:مقالش يفندم بس بيقول انه معرفة قديمة
محمد بأستغراب:معرفة قديمة؟! طب دخليه
نرمين:حاضر يفندم
خرجت نرمين وسمحت للرجل بالدخول وحين دخل سعد محمد كثيرا ووقف لاستقباله
محمد:جمال؟! اذيك ياراجل وحشني جدا فينك تعالى اقعد
جمال بأبتسامة وهو يجلس:اهو موجود فالدنيا بس انت اللى مش بتسأل
محمد:عيب عليك والله….الموضوع بس ان اخر فترة كنت مشغول فكذا حاجة….المفروض انه انا اللى ازعل مش انت
جمال بضحك:الواحد ميعرفش ياخد منك حق ولا باطل وبرضه طلعت انا اللى غلطان فالاخر
محمد بضحك ايضا:اكيد طبعا اومال اطلع نفسى غلطان يعنى انت بتهزر
جمال:لا يسيدي طلعنى انا…..المهم انا كنت عايزك فموضوع شخصى شوية
محمد:موضوع اى دة خير
جمال:لا خير متقلقش……بصراحة انا كنت طالب ايد ريتاچ بنتك لامير ابنى
محمد بتفاجأ:بتقول اى؟! امير وريتاچ
جمال:اى يا محمد مش عاجبك ابنى ولا مش قد المقام
محمد بسرعة:لا طبعا انت بتقول اى بس….الفكرة انك فاجأتني مش اكتر….ثم اكمل بساعدة….خلاص تعالى بكرة انت والعيلة عشان نتعشى سوا والاولاد يتعرفوا ببعض
جمال بأبتسامة:خلاص ماشى اشوفك بكرة عن اذنك
محمد:اتفضل
ذهب جمال وجلس محمد يفكر ماذا ستكون ردة فعل ابنته على هذا الموضوع فهو يعرفها جيدا لا تريد ان تسمع بخصوص هذا الموضوع تماما….هو يعترف انه سبب فى هذا لانه رباها على انها فتى ولكن بالنهاية يظل اب يريد ان يفرح بأبنته…..علي كل حال سيحاول معها ويعرف ان امها ايضا ستحاول معها فهو على يقين انها ستفرح كثيرا بهذا الخبر……وفيما هو يفكر دخلت هى عليه
ريتاچ:حودااااااا يا جااامد مش يلا عشان الهامك متغضبش علينا ولا اى
محمد:انتى جيتى بدرى يعنى
ريتاچ:اه مهو المصنع مافيهوش شغل كتير محتاجني انا خلصت المهم وسيبت الباقى بقا لعم رضا… هو انت قدامك كتير ولا اى يا بوب
محمد:لا ابدا هراجع الملف دة ونمشي على طول
ريتاچ:انت كويس يا بابا
محمد بأبتسامة:اه يا تاجى
تبدلت ملامحها فورا للجمود:بابا انا قولت مش بحب اسمع الاسم دة….انا رايحة علي البيت وانت ابقى حصلني
ورحلت ولم يحاول ايقافها فقال:صعبتيها زيادة يا ريتاچ
انهي محمد عمله وذهب للمنزل ووجد زوجته تحاول ان تهدأ ابنتها لانها غاضبة بشدة
الهام:يبنتي قوليلي اى اللى معصبك طيب
محمد:كل دة عشان نسيت ودلعتك بتاجي
الهام:ااااااه هو الموضوع فيه تاجي لا يبقي صالحها انت بقي وانا اروح اشوف الاكل
وبالفعل ذهبت الهام فقال محمد:اي يا ريتاچ كل دة عشان بابا حب يدلعك خلاص يستي مش هدلعك تاني
ريتاچ:بابا انت عارف كويس ان مش دة قصدى بس انت عارف كويس اني بكره الاسم دة ازاي وبيعصبني ازاي قولي تاج بس ماشي
محمد:يعني فرقت ياء الملكية……خلاص يستي ولا تزعلي مش هقول تاجي دي تاني حلو كدة….اضحكي بقي ماتبقيش نكدية
ريتاچ بأبتسامة: خلاص يا حودة مش زعلانة
الهام:طالاما حودة تبقي خلاص فكيتي يلا علي العشا بقي
ريتاچ:يلا يا عسل انت
وبالفعل تناولوا الطعام معا وقضوا بقية اليوم سويا في جو اسرى يملأه الدفئ والحب وبالطبع المشاكسة بين الام وابنتها…..وفي نهاية اليوم صعدت ريتاچ لتنام…….واخبر محمود الهام بطلب جمال ريتاچ لابنه امير ففرحت كثيرا بل طارت من السعادة وكانت علي وشك اخبارها بذلك فقال لها ان لاتخبرها الان هو سيخبرها غدا
•~•~•~•~•~•~•~•~•~•
اما في مكان اخر بل بلد اخرى تماما في امريكا كان يجلس شاب ذو جسد رياضي وعينان زيتونية وشعر مائل الي اللون البني قليلا علي مكتبه يعمل بجد واجتهاد حين دخلت عليه سكرتيرته(الحوار مترجم)
سيلينا:مستر احمد…..مستر محمود بالخارج ويريد ان يراك
احمد:دعيه يتفضل بالدخول فورا انه ابي يأتي دون اذن افهمتي
محمود:اهدي يا مدب انا اللي اصريت البنت ملهاش دعوة
احمد:حسنا سيلينا اعتذر تستطيعين ان تذهبي الان
غادرت سيلينا فقال احمد:اي الزيارة السعيدة دى يا والدى
محمود:اسمع يا احمد احنا كنا مأجلين رجعونا لمصر زي ما انت عايز لغاية ما تحقق احلامك واديك حققتها وفتحت شركة يعني تقدر ترجع معانا علي مصر صح
احمد:لا طبعا مش صح يا بابا انت بنفسك قولتها اني اخيرا قدرت احقق حلمي هنا وشركتي هنا ازاي عايزني اسيب شركتي وشغلي وارجع مصر انت عارف ومتأكد اننا مش هقدر
محمود:لا هتقدر….انت عارف اني بسهولة اقدر اخليك تصفي شغلك كله هنا واخليك تأسس شغل جديد ف مصر ودة مش صعب بسبب علاقتي واسمك اللي بنيته وسمع ف العالم كله
احمد:يا بابا ارجوك افهمني انا اتأقلمت خلاص علي هنا مقدرش ارجع تاني
محمود:احمد تعالي نتكلم بصراحة انت مش عايز ترجع مصر عشان شغلك بس ولا عشان حاجة تانية
احمد:حاجة تانية زي اي
محمود:زى مثلا ان تكون ريتاچ عرفت بخطوبتك من ايلين وخلفت بوعدك معاها ومش قادر تواجها
احمد بتوتر:انت بتقول اي بس يا بابا انا وايلين سيبنا بعض وبعدين ريتاچ اي ووعد اى بس اللي بتتكلم عنه دة كان لعب عيال
محمود بصرامة:حلو اوووي بما انه كان لعب عيال ومش هامك زي ما بتقول يبقي تصفي كل حاجة هنا وترجع معانا انا ووالدتك علي مصر والا هسحب التمويل بتاعي من شركتك ومخليش اي ممول يمولك وانت عارف اني اقدر اعمل كدة……هسيبك تفكر براحتك
تركه في حيرته وافكاره…..فقد تذكر ايام طفولته مع ريتاچ
Flash Back
ريتاچ بتذمر:يوووووووه بقي يا احمد خليني العب مع معاذ بقي مترخمش
احمد بغضب:انا مش رخم يا ريتاچ ومش مسموحلك تلعبي مع اي ولد غيرى
ريتاچ:لي بقي انشاء الله
احمد:عشان انا بحبك وبغير عليكي ولما اكبر هتجوزك
ريتاچ بأبتسامة:انا كمان بحبك….بس توعدني انك مش تعرف ولا تحب اي بنت غيرى ولما نكبر نتجوز فعلا…… وعد؟!
احمد بأبتسامة:وعد يا تاجي❤
Back
احمد بتعب:لي كدة يا بابا حرام عليك صعبتها عليا اووي ومش عارف اعمل اي……يا ترى عاملة اي يا تاجي لسة فاكراني ولا نستيني
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية فتاتي المسترجلة)
