رواية فتاة من نار الفصل السادس 6 بقلم سلوى منير
رواية فتاة من نار الجزء السادس
رواية فتاة من نار البارت السادس
رواية فتاة من نار الحلقة السادسة
تخيلوا كده انى اكون متهمة فى جريمة قتل بسبب شباب معندهمش ضمير ولا نخوة ولا دين ، بدل ماالمجتمع يكافئنى على اللى عملته ، انى حرقتهم وخلصت المجتمع منهم ، عايزين يحاسبونى وبيطعنونى فى شرفى ، الظابط معذور لان بيمر عليه بنات كتير شمال وممكن يكون مر عليه نفس الموقف مع واحدة منهم وقتلت علشان لقت حقها بيضيع ، انا مقدرة كل اللى قاله لكن كان لازم يكون عنده تمييز ويعرف ان البنت اللى قدامه مش وش الكلام ده من اول نظرة.
انا اتحبست وشايفة ان حبسي ظلم ، اربع ايام على زمة التحقيق ، مش زعلانة انى هكون بعيد عن البيت اربع ايام قد مانا خايفة ومرعوبة من دخول الزنزانة مع ناس الله اعلم ماهيتها ايه ، او هتتعامل معايا ازاى.
لما دخلت الحجز ، لقيت البنات ريحتهم وحشة بجد ، معفنين جدًا ، اللى بتعمل حمام فى جردل قدام الكل ومبتمسحش ، واللى ماسكة صاحبتها ولا واحدة متعرفهاش ونازلة فيها بوس واحضان وحاجات كتير غريبة ، واللى قالعة خالص ولما حواليها كام بنت وبتعمل مكالمة جنسية مع واحد وفاتحة الاسبيكر وصوته لوحده كفيل ان الواحدة تطفش منه ، مش تنام معاه على التليفون.
ولا المعلمة الكبيرة بقى اللى لما اتنين نسوان جنبها ، شكلهم يقطع الخميرة من البيت ، ومن طلتهم الاولى كده ، دول اكيد يااما جايين مخدرات ياهجامين ، يااما قتل .
انا قولت اقعد وماليش دعوة بحد ، يادوب ملحقتش لقيت واحد جاى بينده على اسمى وبيقولى:
= تعالى يابنت الو… عندك عرض على الطب الشرعى
طبعًا وانا خارجة لمحت نظرات كل اللى فى الحجز ناحيتى وكأنهم عايزين يعرفوا الحكاية بتاعتى ، روحت معاه والدكتور كشف عليا وبعد ماخلص قالى:
= ايه اللى حصل معاكى؟
حكيتله الموضوع من اوله لاخره ، افتكرت انه هيتعاطف معايا ، لكن لاقيته بينادى على الامين وقاله:
= خد البنت الش…. دى رجعها الحجز
انا بقيت فى ذهول مش عارفة هما بيتعاملوا معايا كده ليه ؟! ، ولا هي دى طريقتهم الطبيعية فى التعامل مع المساجين ايا كان موقفهم او الظروف اللى جابتهم ، ده طبعًا غير انهم مانعين عني الزيارة ، والمحامى بس هو اللى كان عنده الامكانية انه يدخلى ويطمن عليا.
لما رجعت الحجز واحدة من البنات قربت مني وسألتنى بلطف على حكايتى ، لما حسيت انها لطيفة شوية وكمان عرفت انها جاية فى جريمة سرقة معملتهاش علشان صاحب محل كانت شغالة فيه كان عايز ينام معاها ولما رفضت واكتشف انها بتحب شاب شغال عنده ، فبلغ عنها بالسرقة وحط حاجات من المحل فى شنطتها علشان يلبسها التهمة وينتقم منها.
بعد مااتكلمنا وكانت مذهولة انى ازاى خرجت من النار حية ، لقيتها قامت من جنبي وراحت على المعلمة بتاعة الحجز ومعرفش وشوشتها قالتلها ايه فى ودنها ، لكن اللى استشفيته من الموضوع ، ان المعلمة كانت زقاها عليا علشان تعرف حكايتى ايه .
يادوب دقايق ولقيتها جاية عليا، وماسكة الولاعة ومصممة انها تكتفنى وتحرقنى فى جسمى علشان تعرف انا كدابة ولا لأ ، قعدت اصوت وواحدة منهم حطت ايديها على بقى وحوالى اربع نسوان مسكونى ، والمعلمة دى شغلت الولاعة ومشيتها على جسمى ، لقت ان فعلًا جسمى مبيتحرقش ، كلهم كانوا مذهولين وسابونى فجأة وانا كنت فى قمة غضبى ، زقيت المعلمة بتاعتهم وقعتها على الارض ومسكت الطرحة بتاعتى اللى كانت موجودة على الارض ونتشت منها الولاعة وولعت فى الطرحة وقولتلهم :
= قبل كده انا حرقت رجالة وشوفتهم بيعيطوا قصادى زى النسوان ، وعندى استعداد احرقكم كلكم وهيبقى قضاء وقدر
الرواية موجوده كاملة علي صفحتي الان
كله بعد عنى وبدأوا يترجونى ويتأسفولى وعرفوا ان الموضوع معايا مش سهل انا بنت لكن بمليون واحدة من عينتهم ويمكن ربنا ليه حكمة فى كده انا معرفهاش ، وابتدت كل واحدة فى الحجز تقرب مني وتعملى الف حساب ، حتى المعلمة مبقتش واخدة وضعها زى الاول ، وعدت الايام فى الحجز شبه بعضها ويادوب المحامى كان بيجيلي كل يوم يبص عليا ويطمن انى كويسة ويسبلى اكل ويمشي وهكذا ، لحد ماالاربع ايام خلصوا وبابا طبعًا واخواتى وماما جم علشان العرض على النيابة وكلنا مستنيين تقرير الطب الشرعى ، بابا والمحامى دخلوا معايا قصاد وكيل النيابة ، اللى سألنى وقالى :
= اللى قولتيه فى المحضر ان الشباب اغتصبوكى وانتى قتلتيهم كرد فعل ده صح؟
.. ايوة يافندم
هز راسه ، وبعد كده قال للكاتب اللى جنبه مضيها ياابنى ، بعد مامضيت لقيته بيقوله اكتب
= تحول المتهمة شيماء …… الى محكمة الجنايات بتهمة القتل العمد مع سبق الاصرار والترصد
بابا انهار وقاله :
… ازاى يافندم !!!! تقرير الطب الشرعى ايه
بصله وقاله :……….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية فتاة من نار)
