رواية فتاة من نار الفصل الثاني 2 بقلم سلوى منير
رواية فتاة من نار الجزء الثاني
رواية فتاة من نار البارت الثاني
رواية فتاة من نار الحلقة الثانية
انا خرجت من النار كل اللى أثر فى جسمي هو الهباب بتاع الدخان اللى خرج من النار
تقريبًا نسيوا الحريق واللى حصل والبيت ورجالة المطافى ووقفوا قدامى وهما مش فاهمين ولاعارفين اللى شايفينه قصادهم ده حقيقي ولالأ
ماما جريت عليا وحضنتنى وواحدة جارتنا جريت جابت عباية قماش بتاعتها غطتنى بيها ودخلنا عند جارتنا ، الكل ساكت وباصصلوانا مش عارفة هما بيبصولى ليه ولا علشان ايه ، دماغى صغيرة ومش مستوعبة كل ده ،بابا جه جري من الشغل طبعًا بعد ما ماما اتصلت بيه وكمان اخواتى سالى وعادل جم من المدرسة ، وبابا اول مادخل ، شالنى بسرعة وقالى:= حبيبتى انتى كويسة ؟!
احكيلى اللى حصل قولتله بإرتباك ومش عارفة اجمع جملة على بعضها= اقلع هدومى وانا زعقت لا ، ودخان وحريقة كبيرة وماما صوتت طبعًا هومفهمش مني اى حاجة لكن ماما حكتله اللى شافته وازاى انا خرجت من النار سليمة وبعد الموضوع بكام يوم ، كنا نقلنا فى الشقة الجديدة جوه منطقة عشوائية ، وبابا كنت سامعاه بيقول لماما لازم نوديها لحد نفهم منه معنى اللى حصل ده ايه ، ولازم كمان نطمن عليها لايكون لابسها جن ولا حاجة ، بابا خدنى وروحنا عند شيخ ، شكله راجل كبير وطيب جدًا ، فى الاول كنت خايفة لانى كنت فاكرة انه هيدينى حقنة ، لكن لما روحت عند الشيخ اطمنت وهديت كتير ، قعد يقول آيات قرآنية ويرقينى وانا كنت مبسوطة اوى وانا سامعة الدعاء اللى كان بيدعيهولى والقرآن اللى كان بيرقينى بيه .
ولما خلص بابا قاله:= طمنى ياعم الشيخ؟..
بنتك كويسة مفيهاش اى حاجة يااستاذ عبد الكريم= ازاى كويسة
صفحه محمد خلف صالح.. تقرا القصة من طاطا لسلاموعليكو
ومفيهاش حاجة والبت اتحرقت فى النار ومجرالهاش حاجة ، انا شوفت بنفسي اثار الدخان على جسمها.. يااستاذعبد الكريم ، خلينا نتفق ان مش كل حاجة غريبة تحصل نقول ان ده شيطان وجن والكلامده ولعياذ بالله ، لكن ممكن يكون لربنا حكمة معينة محدش يعرفها ، وبعدين مش يمكن الناس غلطانة يااستاذ عبد الكريم وشافوا غلط والبنت النار ملمستهاش اساسا = والله ممكن، بس نتأكد ازاى ؟ احاول احرقها فى صوباعها بالراحة كده؟!!.. حرام يااستاذ عبد الكريم ، ربنا يحفظ بنتك ، اجتهد انت بس فى تربيتها وسيب الباقى علىربنا ، لعلها معجزة من المعجزات يمكن الناس اللى شافوها يتعظوا خرجنا من عندالشيخ وسامعة ماما بتكلم بابا وبتقوله := لازم اعرفا للى شوفته ده حقيقة ولا لأ ، انا مش هستنى على بنتى ، علشان لو فيه اى حاجة هتأثرعليها فى المستقبل اعرفها بابا قالها :.. يعنى عايزانى اعمل ايه تانى ياسومة ، مابنتنا كويسة وزى الفل اهو والشيخ طمنا = لازم نكشفعليها ونفهم الدنيابابا علشان يريح ماما خدنى وطلعنا على المستشفى ، كنت مرعوبة من الحقن وده كان مفرح باباوماما ، لان اى طفل طبيعى انه يخاف من الحقن وقبل ما الدكتور يشكنى بالحقنة علشان يسحب تحاليل فضلت اصوت واعيط والدكتور كان عمال يلاعبنى وعايزنى اهدا وقالى انه خلص الغريبة انى فعلا محسيتش بوجع الحقنة ، لكن احساس الخوف جوايا هو اللى خلانى انى اعيط واصوت بالشكل ده ، روحنا البيت وبعدها بيومين ، بابا دخل البيت ومعاه التحاليل ، وكان وشه مقفول وباصص لماما وهو متضايق ، ماما مستنتش انه يتكلم وقالتله:.. التحاليل طلعت صح؟بابا هزدماغه بالموافقة ، ماما مسكته من ايده وقالتله:= قولى ياعبدالكريم بنتنا فيها ايه ؟! ، قولى متخبيش حاجة عليا فى اللحظة دى بابا ابتسم لماما وقالها :.. انا كنت بهزر معاكى وبمثل عليكى البت زى الفل اهو وبالتحاليل كمان ، متوجعيش دماغى بقى بعد كده وخلينى اركز فى شغلى لاحسن قصرت كتير اوى الايام اللى فاتوا ، الايام والسنين كانت بتمر علينا وكنت لما بتلسع او بتشك ، مبرضاش اقول لماما ان
الرواية موجوده كاملة علي صفحتي يبنات
مبحسش بأىحاجة من الكلام ده وان مفيش حاجة بتعلم فى جسمى .لحد ماوصلت للجامعة وكبرت وبقى شكلي حلو ، وانا كمان من نوع البنات اللى بتهتم بنفسها جدًا ،لبسي حلو وشيك والميكب بتاعى من اغلى الانواع ، وانا عارفة ان لبسي ضيق شويتين بس جميل عليا وانا بحب شكلى كده ، شباب كتير اوى من وانا فى ثانوى حاولوا يكلمونى لكن انا كنت برفض وبشوف انهم عيال وان مش اى حد يملى عينى ، لحد مادخلت جامعة وكانت تانى محاضرة احضرها فى اول يوم ليا ، قعدت فى المدرج لقيت اللى حط ايده على ايدى فى المدرج وشبكها فى صوابعى وانا معرفوش ….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية فتاة من نار)
