رواية فتاة في زمن قاسي الفصل السابع عشر 17 بقلم دودو محمد
رواية فتاة في زمن قاسي الجزء السابع عشر
رواية فتاة في زمن قاسي البارت السابع عشر
رواية فتاة في زمن قاسي الحلقة السابعة عشر
فى الملاهى
كانت علياء قاعده على الكرسى وسعيده وهى شايفه الكل فرحانين وبيضحكوا وبيهزروا وأن منار عماله تلعب مع عمر بس لاحظت أن عمر بدأ يظهر عليه التعب قامت راحت عنده وقالت
علياء :- عمر انت شكلك تعبت تعال ريح شويه
عمر :- وهو بيحاول يظهر طبيعى قال متقلقيش عليا يا حبيبتى انا كويس
علياء :- ماشى انت كويس ممكن بقى تيجى تقعد معايا شويه بدل ما انا قاعده لوحدى
منار :- لا يا مامى سبيه يلعب معايا شويه
علياء :- روحى يا حبيبت مامى العبى مع خالو عبدالرحمن ولا خالتو سمر علشان عايزه اتكلم مع بابى شويه
منار :- حاضر وطلعت تجرى
علياء :- تعال يا عمر
عمر :- قعد وقال انا عارف انك عايزه تقعدينى جمبك علشان خايفه عليا بس انا كويس وزى الفل اهو وصحتى بومب
علياء :- يا حبيبى ربنا يديك الصحه ويخليك لينا يارب
عمر :- غمض عينه بألم ومسك قلبه
علياء :- بخوف عمر انت كويس
عمر :- بتعب كويس متقلقيش
علياء :- طيب يلا بينا نروح
عمر :- شويه بس خليهم يفرحوا
علياء :- بصت ليه بقلق وقالت ماشى
عمر :- حاول يستحمل الالم بس مع مرور الوقت الالم بدأ يزيد عنده وبدء يتألم جامد وقال ااااااه
علياء :- عمر مالك
عمر :- بتعب ااااااه الم رهيب يا علياء
علياء :- طيب تعال اوديك المستشفى
عمر :- اااااه
علياء :- وقفت وقالت تعال بسرعه يا عبدالرحمن
عبدالرحمن :- جه يجرى وقال ايه فيه ايه
علياء :- بدموع عمر تعبان اوى يا عبدالرحمن
عمر :- اااااه بلاش دموعك يا علياء علشان خاطرى ااااااه
علياء :- اتصل بالاسعاف بسرعه
مياده :- خد انا اتصلت اهو كلمهم
عبدالرحمن :- كلم الإسعاف وقال يارب يجوا بسرعه بس
مياده :- بصت لسمر وقالت خدى انتى منار وروحى بيها الفيلا وخلى بالك عليها
سمر :- لاء انا هروح معاكم
مياده :- هو احنا رايحين رحله مينفعش البنت الصغيره دى تروح المستشفى خديها وروحى بيها الفيلا
منار :- جريت على عمر وعيطت وقالت لاء انا عايزه بابى بابى خدنى معاك
عمر :- بتعب روحى انت مع خالتو يا منار وانا ااااه وانا هجبلك حاجه حلوه وجاى اااااه وراكى علطول
منار :- لاء يا بابى انت بتضحك عليا انت مش جاى ورايا صح
عمر :- حضنها وقال بتعب روحى يا حبيبتى مع خالتو متتعبهاش وباسها من خدها وقال خديها يا سمر
سمر :- حاضر واخدت منار ومشيت بيها
علياء :- عمر استحمل علشان خاطرى
عمر :- بتعب متقلقيش يا حبيبتى واهدى
مياده :- اهى الاسعاف جات اهى
عبدالرحمن :- راح سند عمر وركبه عربية الإسعاف
علياء :- انا مراته هركب معاه وركبت معاه العربيه
عبدالرحمن :- تعالى يلا يا مياده نروح وراهم
علياء:- مسكت ايد عمر وباستها وقالت بعد الشر عليك انشالله انا وانت لاء
عمر :- بتعب بعد الشر عليكى يا حبيبتى ومد أيده على خدها ومسح دموعها وقال لو بتحبينى بجد بلاش دموعك دى تنزل علشان غاليين عليا اوى يا علياء
علياء :- قوم انت بالسلامه وارجع ليا وانا اوعدك انك مش هتشوفها أبدآ
عمر :- مسك قلبه بألم وقال تعرفى انك انتى السبب فى تعبى ده
علياء :- بدموع انا
عمر :- ابتسم ليها ومشى أيده على وشها وقال ايوه انتى حبك كبير اوى على قلبى ومستحملش الحب ده كله فتعب
علياء :- ابتسمت وهى الدموع نازله منها وباست أيده وقالت انا مهما اعمل معاك وأحبك مش هقدر اردلك ربع اللى انت عملته معايا يا عمر انت اديتنى الحب والحنان والاهتمام من غير اى مقابل كنت دايمآ صبور عليا مهما اتعصبت عمرك ما قولت ليا كلمه وجعتنى ولا جرحت مشاعرى
عمر :- انا لو فى ايدى اعمل معاكى اكتر من كده كنت عملت يا علياء انتى احلى واجمل نجمه نورت حياتى
علياء :- بدموع طيب بلاش تتكلم كتير علشان خاطرى
عمر :- بتعب حاضر
علياء :- حطت أيده عند بؤقها وقعدت تبوس فيها لحد ما وصلوا المستشفى دخلوا اوضت الكشف ودخل الدكتور يكشف عليه ودموع علياء نازله على خدها
مياده :- راحت اخدتها فى حضنها وقالت أهدى يا علياء علشان اللى فى بطنك أن شاءالله هيكون كويس
علياء :- لو عمر جراره حاجه انا هموت يا مياده انا ما صدقت حسيت معاه بالامان
مياده :- لاء أن شاءالله مش هيحصل حاجه وانتوا الاتنين هتفرحوا بأولادك وهما بيكبروا قصاد عيونكم
علياء :- بدموع يارب يا مياده يارب وقعدت تعيط فى حضن مياده
وبعد وقت خرج الدكتور
التلاته طلعوا يجروا عليه
علياء :- خير يا دكتور طمنى
الدكتور :- عضلة القلب ضعفة جدآ انا حظرته من المجهود الزياده وهو مسمعش الكلام
عبدالرحمن :- طيب ايه هيحصل دلوقتى يادكتور
الدكتور :- هيتحط تحت الاجهزه تمانيه وأربعين ساعة لحد ما تعدى مرحلة الخطر وان شاءالله يبقى كويس
علياء :- بدموع ممكن ادخله يا دكتور
الدكتور :- ممكن بس بلاش الكلام الكتير لو سمحتى وسابهم ومشى
علياء :- اخدت نفس علشان تهدا ودخلت وابتسمت ليه وقالت انت عايز تشوف غلاوتك عندنا قد ايه صح اهو يا سيدى احنا هنموت عليك
عمر :- ابتسم بتعب ليها وقال مش محتاج اعمل كده علشان اشوف غلاوتى وبالذات عندك يا علياء علشان حبى باين هنا وشاور على عينيها
علياء :- دموعها نزلت وقالت عمر لو بتحبينى بجد عدى مرحلة الخطر دى بسرعه انا محتاجك جمبى
عمر :- ممكن تحطى راسك هنا وشاور على قلبه
علياء :- حطت راسها ودموعها نازله منها
عمر :- باس راسها وقال حتى وهو نبضاته ضعيفه بيدق بأسمك
علياء:- بدموع عمر بلاش كلام كتير علشان خاطرى بكره تخرج معايا ونتكلم براحتنا كتير
عمر :- غمض عينه بألم وقال ياااااه حضنك ده كان بالنسبه ليا حلم بعيد اوى يا علياء كل مره تكونى فى حضنى ببقى مش مصدق نفسى انك فعلا نايمه هنا
علياء:- ارجوك بس كفايه
عمر :- غمض عينه
علياء :- حست بهدوء رفعت راسها وقالت عمر انت نمت عمر يا عمر وهزته جامد وقالت عمر رد عليا ودموعها نزلت منها اكتر وقالت لاء رد عليا علشان خاطرى
عمر :- فتح عينه بتعب وقال مالك يا قلبى
علياء :- اترمت فى حضنه ومسكت فيه اكتر وقعدت تعيط وقالت خضتنى حرام عليك وقعدت تعيط
عمر :- شششش أهدى يا علياء انا كويس وحياتى عندك أهدى علشان خاطرى اللى فى بطنك لو بتحبينى بجد حافظى عليه وخلى بالك منه
علياء :- بدموع حاضر
عمر :- مسح دموعها وقال تعالى جمبى على السرير نامى شويه
علياء :- مش عايزه انام انا هفضل صاحيه جمبك
عمر :- هتتعبى
علياء :- تعب الدنيا فداك المهم انك ترجع معايا الفيلا وتنور بيتك واوضك
عمر :- ربنا يبارك ليا فيكى ومسك ايديها وباسها
علياء :- نام يا حبيبى شويه
عمر :- ماشى تصبحى على خير وابتسم ليها وغمض عينه
علياء :- وانت من أهله يا حبيبى ومسكت أيده وهو نام
««««««««««««««««««««««««««««««
فى الفيلا
وصلت سمر الفيلا طلعت منار على اوضتها ودخلت هى كمان اوضتها ومسكت تليفونها رنت على حازم بس بيديها مقفول قالت
سمر :- يا ترى تليفونك مقفول من بدرى ليه يا حازم ربنا يستر احسن ما يكون تعبان ولا حاجه وجربت تانى بس برضه مقفول اتنهدت بقلق وحطت التليفون على المكتب بتاعها وقامت دخلت الحمام اخدت شاور وخرجت لبست هدومها ومسكت تليفونها لاقت وصلت رساله ليها أن تليفون حازم اتفتح فرحت ولسه هتتصل بيه لاقت رساله تانيه وصلت ليها منه ابتسمت وفتحت الرساله واتصدمت من المكتوب
محتوى الرساله
حازم:- ياريت متتصليش عليا تانى علشان انا هكسر الخط ده خالص انسينى يا سمر انا مش بتاع جواز انا اخد منك اللى عايزه وزياده ومتتعبيش نفسك علشان مش هتعرفى توصلى ليا شوفى نفسك بقى واه انتى لا مراتى ولا حاجه دى ورقه جبتها من المكتبه ومضيتى عليها وانا كمان مضيت واترمت فى الزباله يعنى انتى حره شوفتى بطمنك ازاى اشوف وشك على خير اقصد اللهى ما اشوف وشك تانى باى
سمر :- قرت الكلام ده وهى مصدومه وحاولت تتصل بيه بس تليفونه كان اتقفل قالت نهار اسود ومنيل اعمل ايه دلوقتى منك لله يا حازم الكلب منك لله اتفضحت خلاص اقول ايه لاخواتى لو عرفوا الموضوع اقولهم أن اختكم اللى عامله نفسها واعيه اضحك عليها يا مصيبتى السوده ياربى ربنا ينتقم منك يا حازم ربنا ينتقم منك وقعدت تعيط
«««««««««««««««««««««««««««««
عند مراد
كان نايم وسمع صوت علياء بتصرخ وبتنادى عليه بص حاوليه وقال
مراد :- انتى فين يا علياء
علياء :- بدموع انا اهو يا مراد
مراد :- لاقها طفله صغيره قال بأستغراب انتى مين
البنت :- انا علياء يا مراد
مراد :- علياء ازاى لاء انتى مش علياء
علياء :- انا جوه الطفله دى يا مراد ومش عارفه أخرج
مراد :- ازاى يا علياء
علياء :- بدموع حاول تخرجنى منها يا مراد حاول واختفت
مراد :- بص حاوليه وقال انتوا رحتوا فين
علياء :- تعال بسرعه يا مراد تعال
مراد :- اجى فين
علياء:- الحقنى بسرعه يا مراد وقعدت تصرخ وتعيط
مراد :- بخوف قال علياء انتى فين علياء علياااااااء وفتح عينه وهو بينده عليها ونفسه سريع ووشه كله عرقان
حط أيده على وشه واتنهد وقال واخرت الكوابيس دى ايه انا تعبت وقام دخل الحمام غسل وشه واتوضه وصلى الفجر وقعد يقرأه فى المصحف
««««««««««««««««««««««««««««««
اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها بصت حاوليها وقالت
علياء :- ايه ده انا نمت ازاى بس وبصت على عمر لاقته لسه نايم وماسك ايديها دعكت أيده بحب وقالت عمر حبيبى عمر اصحى يلا يا عمر وخبطت على وشه وقالت عمر يا عمر مردش عليها قلقت وقالت ع.ع.عمر رد عليا وقربت عند نفسه علشان تسمع حاجه لاقت مفيش نفس وقفت وهزت راسها يمين وشمال ودموعها نزلت منها وقالت ل.ل لاء اكيد ده محصلش وخرجت تجرى من الاوضه
عبدالرحمن :- فيه ايه يا علياء عمر كويس
علياء :- بدموع شوف دكتور بسرعه عمر مش بيرد عليا
مياده :- بصدمه ايه بسرعه يا عبدالرحمن
عبدالرحمن :- طلع يجرى وراح يجيب الدكتور وشويه وجه هو والدكتور
علياء :- بدموع عمر يا دكتور مش بيرد عليا
الدكتور :- ربنا يستر ودخل يجرى على الاوضه وقفل الباب وراه
علياء :- اترمت فى حضن مياده وقالت بدموع انا خايفه اوى يا مياده يارب استر انا مقدرش اعيش من غيره
مياده :- بدموع أن شاءالله خير يارب قومه بالسلامه يارب
وشويه وخرج الدكتور وطلعت علياء تجرى عليه وقالت
علياء :- خير يا دكتور اكيد فاق صح ادخله هو اكيد عايزنى جمبه
الدكتور :- بأسف البقاء لله
علياء :- ها يعنى ايه تقصد ايه يا دكتور اكيد هو مامتش اكيد انت غلطان عمر مستحيل يموت هو قالى هيفضل جمبى ده هو حتى فرحان أن طلعت حامل ادخل اكشف عليه تانى بالله عليك
الدكتور :- بزعل ربنا يصبر قلوبكم على فراقه عن اذنكم وسابهم ومشى
علياء :- بصت لعبدالرحمن لاقته بيعيط وبصت لمياده لاقتها بتعيط قالت انتوا بتعيطوا ليه ها ه.ه.هو الدكتور ده يقصد ايه ردوا عليا عمر كويس صح وبصت على الباب ودخلت تجرى لاقت الممرضه بتحط الملايه على وشه راحت زقتها وقالت انتى بتعملى ايه يتخنق كده شيلى البتاعه دى من على وشه ومسكت ايده وقالت عمر قوم معايا الناس دى مش بتفهم حاجه بيقولوا انك انت موت قوم وريهم انهم غلطانين رد عليا يا عمر انت قولتلى هتفضل معايا ومش هتبعد عنى ثانيه عمرك ما خلفت وعدك معايا قوم اثبت ليهم انك عايش عمر رد عليا انت زعلان منى علشان نمت وسيبتك خلاص حقك عليا قوم بقى ومسكته من كتافه وهزته وقالت بصريخ عمرررررر رد عليا متسكتش كده عمررررررر
الممرضه :- البقاء لله يا مدام مينفعش تعملى كده فى المتوفى
علياء :- هزت راسها وقالت تقصدى مين متوفى عمر مامتش فاهمه مامتش
عبدالرحمن :- بدموع تعالى يا علياء معايا
علياء :- لاء مش هسيب عمر لوحده من يوم ما عرفته وهو عمره ما سبنى لوحدى قوم يا عمر بقى
مياده :- بدموع ربنا يرحمه يا حبيبتى أهدى علشان اللى فى بطنك
علياء :- حطت ايديها على بطنها وقالت عمر علشان خاطر البيبى ده قوم رد عليا طبطب عليا زى ما متعود خدنى فى حضنك وامسح دموعى وحلفنى بحبك أن منزلش دموع علشان غاليين عليك قوم علشان خاطرى يا عمر انا ما صدقت أن الدنيا ضحكت ليا معاك ما صدقت أن الزمن بقى حنين عليا من ساعة ما بقيت معاك كده يا عمر تسيبنى مع الزمن القاسي ده لوحدى تانى قوم يا عمررررررررر واغمى عليها
مياده :- علياء وطلعت تجرى عليها
عبدالرحمن :- طلع يجرى عليها وشالها من الأرض ودخلها اوضه والدكتور كشف عليها وقال إن هى عندها انهيار عصبى واداها حقنه مهدأه وراح عبدالرحمن خلص إجراءات الدفن واتغسل عمر واندفن وكل ده وعلياء نايمه ومش حاسه بحاجه وبلغ عبدالرحمن كل اللى يعرفهم ونزل منشور فى الشركه بخبر وفاة عمر واخد العزاء فى المقابر ورجع تانى على المستشفى علشان يفضل جمب علياء ومر يوم وبدأت علياء تفوق وتفتح عينيها وتنادى على عمر
مياده :- قامت تجرى وراحت عند علياء وقالت علياء انتى كويسه
علياء :- بدموع انا عايزه عمر يا مياده مش هقدر اتقبل فكرت أن خلاص مات وسابنى قوليلى أن كل ده كابوس وهيفتح عليا الباب دلوقتى وهشوف ضحكته ونظرت عينه ليا
مياده :- بدموع حرام عليكى بقى ادعيلوا بالرحمه هو دلوقتى عند اللى احسن من الكل هو فى دار الحق واحنا فى دار الباطل
علياء :- حتى دى حرمتونى منها يعنى خلاص دفنتوا من غير ما أودعه واشوفه لاخر مره ليه كنتوا سبونى اشبع منه شويه
عبدالرحمن :- بدموع إكرام الميت دفنه يا علياء
علياء :- بوجع اااااه يا وجع قلبى عليك يا عمر هعيش تانى ازاى من غيرك هفتح عينى ومش هشوفك خلاص ياااااارب الصبر من عندك يارب وقعدت تعيط
مياده :- اخدت علياء فى حضنها وقعدت تعيط وتطبطب عليها
علياء :- انا عايزه اروح الفيلا
عبدالرحمن :- هروحك بس لما تبقى كويسه
علياء :- ابقى كويسه ازاى واللى كان بلسم لروحى راح وسبنى عمومآ انا عايزه اروح مكان يكون ريحته فيها ابوس ايديكم روحونى
مياده :- بدموع خلاص يا عبدالرحمن خلص كل حاجه ونفذ ليها كل اللى هى عايزاه
عبدالرحمن :- حاضر وخرج ودفع الحساب وجاب ليها إذن الخروج وروحوا على الفيلا
سمر :- اول ما شافتهم طلعت تجرى على علياء وقعدت تعيط وقالت يعنى كده خلاص مفيش عمر تانى مش هشوفه واضحك واهزر معاه زى ما انا متعوده
علياء :- قعدت تعيط
مياده :- يا بنتى حرام عليكى هى مش ناقصه أهدى عليها شويه
سمر :- انا كنت بحبه اوى بعتبره زى أبويه عمر ما كنت أتوقع أنه يمشى ويسبنا بسرعه كده وقعدت تعيط
وفى الوقت ده نزلت منار تجرى وقالت
منار :- بابى بابى فين بابى يا مامى
علياء :- بدموع ياااااارب صبرنى يارب
عبدالرحمن :- شالها وقال بابى سافر علشان عنده شغل كتير
منار :- بس هو قالى جاى وهيجيب ليا حاجات حلوه كتير
عبدالرحمن :- حضنها ودموعه نزلت منه وقال هيجيب ليكى كل حاجه وهو جاى من السفر
علياء :- بصت ليهم بدموع وقالت انا طالعه اوضى وسابتهم وطلعت على اوضتها ودخلت وقفلت الباب وراها وبصت على الاوضه بوجع ودموع وراحت اخدت صورت عمر من على الحيطه وحضنتها وقالت واحشتنى اوى يا عمر كده تسبنى لوحدى يا عمر اهون عليك تبعد عنى كده ونامت على السرير وحضنت الصوره وقالت يارب الصبر من عندك قوينى على فراقه ومشيت ايديها مكان ما كان عمر بينام وقعدت تعيط
««««««««««««««««««««««««««««
مر يومين على موت عمر والكل عرف بخبر وفاته حالة علياء كانت صعبه ورافضه الاكل والشرب وقافله على نفسها باب اوضتها بتفكر فى ذكرياتها مع عمر
فى اوضت سمر
خرجت سمر من الحمام وهى دموعها على خدها وماسكه اختبار الحمل فى ايديها وقعدت على. الارض بدموع وقالت
سمر :- يا فضحتك السوده يا سمر هتعملى ايه دلوقتى هتقوليلهم ايه لما يعرفوا انك حامل يا مصيبتك السوده يا سمر انتى اللى عملتى فى نفسك كده اعمل ايه بس انا لازم اروح أنزله قبل ما بطنى تكبر والفضيحه تكتشف ومسكت التليفون بتاعها ورنت على رقم حازم لاقته مقفول حدفت التليفون جمبها وقالت منك لله يا حازم الكلب انا غلطانه ان صدقتك الله يرحمك يا عمر انت الوحيد اللى كنت هتوقف جمبى فى المصيبه دى يارب استر يارب وقعدت تعيط
««««««««««««««««««««««««««««««
فى اوضت علياء
كانت قاعده على السرير وضمه رجليها عند صدرها وحطه صورة عمر على رجليها وعماله تعيط وقالت
علياء :- بدموع واحشتينى اوى يا عمر اوى مكنتش أتخيل انك تبعد عنى وتسبنى بسرعه كده واحشنى كلامك وحنيتك عليا اااااه يارب فراقك نار بتكوى قلبى يا حبيبى حاسه ان حياتى وقفت من يوم فراقك يا عمر وحطت راسها على الصوره وقعدت تعيط وتفتكر ذكرياتها معاه
««««««««««««««««««««««««««««
فلاش باااك
خرجت علياء من الحمام تجرى بعد ما اخدت شاور وكانت لابسه البورنص ولفه الفوطه على شعرها وكانت منار عندها اربع شهور ونايمه على السرير وبتعيط وقالت
علياء :- منار مالك يا حبيبتى وقفت بصدمه قالت بكسوف ع.ع.عمر بتعمل ايه هنا
عمر :- اتوتر وبص فى الارض وقال احم ا.ا.اصل سمعت صوت منار بتعيط كتير دخلت اخدها وك.ك.كنت هخرج علطول
علياء :- بكسوف ا.ا.اصل انا كنت باخد شاور
عمر :- ع.ع.عمومآ ا.ا.انا اديتها الببرونه ونامت وحط منار على السرير وقال انا اسف لو دخلت الاوضه وانتى كده
علياء :- ح.ح.حصل خير
عمر :- بص عليها ومشى أيده على شعره وقال ط.ط.طيب اناااا هخرج علشان تكونى براحتك
علياء :- م.م.ماشي
عمر :- بص لعلياء وقال انا خارج اهو
علياء :- بتوتر م.م.ماشي
عمر :- مشى لحد الباب ووقف وقال علياء هو انتى عملتى ايه مع الدكتور
علياء :- اخر مره قال أن انا بدأت اتحسن والعلاج عمل نتيجه كويسه معايا
عمر :- طيب كويس ان حالتك النفسيه اتحسنت
علياء :- ا.ا انا عارفه انك صابر عليا كتير ب.ب.بس هانت
عمر :- وقف قصاد علياء ومسك وشها ما بين ايديه وقال متقوليش كده يا علياء انا اصبر عليكى العمر كله انا سبق وقولتلك عمرى ما هاخد منك حاجه وانتى مش مستعده ليها المره الوحيده اللى حصلت ما بينا كانت بناءآ على رغبتك انتى ولما لاقيتك تعبتى وهيأثر عليكى نفسيآ قولتلك مش هلمسك تانى غير لما تتعالجى وتبقى كويسه أنا بحبك انتى يا لولو مش اى حاجه تانيه وبص على شفايفها وغمض عينه وقرب منها وباسها
علياء :- اتوترت ومسكت فى دراعه وداست عليه اكتر وغمضت عينيها بخوف
عمر :- حس بخوفها بعد عنها وحضنها وباس راسها وقال يلا يا حبيبتى البسى هدومك وانا خارج وطبطب على كتفها وخرج
علياء :- بصت عليه وهو خارج من الأوضه بحب وراحت تلبس هدومها
«««««««««««««««««««««««««««««
بااااااك
فاقت علياء على صوت خبط على الباب اتنهدت بوجع وقالت
علياء :- مين
مياده :- انا يا علياء افتحى الباب بقى بقالك يومين قافله على نفسك لا بتاكلى ولا بتشربى انتى ناسيه انك حامل
علياء :- حطت ايديها على بطنها بدموع وقالت لاء مش ناسيه يا مياده دى الحاجه الوحيده اللى مصبرانى على فراق عمر
مياده :- طيب افتحى انا جايبه ليكى اكل
علياء :- مليش نفس يا مياده علشان خاطرى
مياده :- طيب افتحى يا علياء
علياء :- قامت من على السرير وهى حاسه بدوخه وراحت فتحت الباب
مياده :- حرام عليكى نفسك والله وسندتها وقالت تعالى نامى على السرير
علياء :- نامت على السرير وقالت بدموع عمر واحشنى اوى يا مياده
مياده :- ادعيلوا يا حبيبتى بلاش تعذيبه بدموعك دى
علياء :- بوجع انا اللى بتعذب يا مياده حاسه ان انا فى كابوس ونفسى اصحى منه
مياده :- قعدت جمبها وقالت طيب وغلاوة عمر عندك كلى لقمه
علياء :- ربنا يرحمك يا حبيبى واخدت سندوتش من ايد مياده واكلت منه حته
مياده :- علياء كنت عايزه اقولك حاجه
علياء :- قولى
مياده :- المحامى بتاع عمر عامل ليكم اجتماع النهارده فى الشركه علشان يفتح الوصيه بتاعته
علياء :- بدموع الصبر من عندك يارب مين اللى هيكون فى الاجتماع ده
مياده :- عبدالرحمن بيقول اخوه راجع كمان ساعه من السفر
علياء :- بدموع ماشى
مياده :- هو اخوه ميعرفش أنه متجوزك صح
علياء :- بدموع لاء عمر الله يرحمه مكانش عايز يقوله علشان كان خايف عليا انا وبنته من جشعه احسن يأذينا علشان الفلوس
مياده :- لدرجاتى
علياء :- عمر كان بيحب اخوه اوى رغم أنه كان متأكد أن ادم ده عنده الفلوس اهم من اخوه عمر مليون مره وانه ممكن يعمل اى حاجه علشان الفلوس دى ده كان عمر بيقولى أنه ممكن اخوه يتمنى موته علشان يورثه
مياده :- يااااه هو فيه اخ بيتمنى موت اخوه علشان الفلوس ربنا يرحمه كان حنين على الكل
علياء :- بدموع كان حنين اوى اوى يا مياده
مياده :- يلا كلى اللى فى ايدك ده علشان اساعدك تلبسى هدومك وتروحى الشركه
علياء :- بلاش تغصبى عليا يا مياده انا الحمدالله شبعت وسابت السندوتش وحاولت توقف
مياده :- وقفت وسندت علياء تقف وقالت انتى مأكلتيش حاجه
علياء :- قولتلك شبعت يا مياده خلى عبدالرحمن يجهز علشان يجى معايا الشركه وسابتها ودخلت الحمام
مياده :- راحت عند عبدالرحمن وبلغته يجهز علشان يروح مع علياء الشركه
عبدالرحمن :- بحزن مش قادر ادخل الشركه تانى وهو مش فيها يا مياده
مياده :- مينفعش يا عبدالرحمن انت لازم تبقى مع اختك وتخلى بالك على الشركه انت من يوم ما عمر مات وانت مدخلتش الشركه خالص
عبدالرحمن :- موت عمر كسرنا كلنا يا مياده كان بالنسبه ليا احسن اخ كنت بحب كلامه ونصايحه ليا قطع بينا كلنا الله يرحمه
مياده :- اقوى كده علشان تقدر تقوى اختك علياء هى محتاجنا كلنا جمبها علشان تقوى بينا يلا يا حبيبى اجهز
عبدالرحمن :- دخل اوضه يجهز ونزلت مياده على تحت
وبعد وقت نزلت علياء مع عبدالرحمن وركبوا العربيه وراحوا على الشركه
علياء :- بصت علي الشركه من بره بدموع واتنهدت
عبدالرحمن :- وهو بيحاول يدارى دموعه قال يلا يا حبيبتى ندخل
علياء :- بصت ليه بدموع ودخلوا الاتنين الشركه وراحوا على مكتب عمر
عبدالرحمن :- اول ما دخل المكتب وبص مكان ما عمر كان بيبقى قاعد مقدرش يمسك دموعه
علياء :- راحت قعدت مكان عمر ومشيت ايديها على المكتب وقعدت تعيط
عبدالرحمن :- مسح دموعه وقال تعالى يا علياء هنقعد هنا علشان المحامى بره وراحوا قعدوا ودخل المحامي وقعد على الكرسي وقال
المحامى :- البقاءلله
عبدالرحمن :- شكر الله سعيكم
المحامى :- استاذ عمر الله يرحمه كان اخ لينا كلنا
علياء :- بدموع الله يرحمه اتفضل حضرتك قول الوصيه بتاعته
المحامى :- لازم يبقى الكل موجود
علياء :- تقصد بأيه الكل موجود
وفى الوقت ده الباب اتفتح ودخل أدم ومعاه مراد
علياء :- بتبص اتفاجئت بمراد وقفت وقالت انت
مراد :- بصدمه علياء
«««««««««««««««««««««««««««««
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة في زمن قاسي)
