رواية فتاة في زمن قاسي الفصل الحادي والعشرون 21 بقلم دودو محمد
رواية فتاة في زمن قاسي الجزء الحادي والعشرون
رواية فتاة في زمن قاسي البارت الحادي والعشرون
رواية فتاة في زمن قاسي الحلقة الحادية والعشرون
فى اوضت سمر
كانت قاعده سمر على سريرها وضمه رجليها عند صدرها بخوف وعماله تعيط وفى الوقت ده تليفونها رن بصت فيه لاقيتها انجى ردت عليها بسرعه وقالت
سمر:- ها طمينى يا انجى الدكتور عايش ولا ميت
انجى :- اطمنى عايش ولسه وسخ زى ما هو
سمر :- بجد عرفتى منين
انجى :- عملت نفسى رايحه انزل البيبى وسألت على الدكتور لاقيته موجود وبيعمل عمليه لبنت وشكل البنت وهى خارجه من عنده صعب وشكله عمل معاها زى ما عمل معاكى لان البنت كان جسمها كله بيترعش ومش طبيعيه وعماله تغطى فى جسمها بخوف
سمر :- الحمدالله أنه لسه عايش انا كنت خايفه لكون قتلته
انجى :- المهم دلوقتى البيبى اللى فى بطنك هتنزليه ازاى
سمر :- مش عارفه
انجى :- بصى انا اعرف اسم حبوب بتتاخد علشان ينزل الحمل
سمر :- بجد طيب اسمه ايه
انجى :- خايفه اقولك اسمه وتخديه ويعملك حاجه
سمر :- مش مهم يا انجى المهم اخلص منه بقى
انجى :- طيب هقولك على اسمه وربنا يستر اسمه (…….) بتخدى منه اتنين فى اتنين تالت مره هيحصل اجهاض بس لازم تكونى فى مكان جمب مستشفى علشان النزيف اللى هينزل منك لازم عنايه طبيه بعد الاجهاض
سمر :- طيب ما المستشفى هتطلب قسيمة الجواز
انجى :- هما هيحاولوا ينقذوكى الاول وبعد كده لما تفؤقى ويطلبوا منك القسيمه قولى ليهم أن جوزك جاى فى السكه وجيبها واهربى من المستشفى من غير ما حد يحس
سمر :- صح كده شكرآ يا انجى انتى طيبه اوى وانا ندمانه على كل اللى عملته معاكى زمان
انجى :- مش وقته الكلام ده المهم نخلص من المصيبه دى قبل ما تتكشف يلا نامى دلوقتى وبكره الصبح أن شاءالله هجبلك انا الحبوب دى تصبحى على خير
سمر :- وانتى من أهله باى وقفلت السكه مع انجى واتنهدت بأرتياح وغمضت عينيها ونامت
««««««««««««««««««««««««««««
اشرقت شمس صباح يوم جديد بنورها الساطع فى سماء القاهره لتبدء علياء بفتح عيونها على صوت منار بنتها بتقولها
منار :- مامى يا مامى قومى بسرعه
علياء :- فيه ايه يا مونى بس
منار :- بفرحه انا شوفت بابى
علياء :- بأستغراب شوفتى بابى
منار :- ايوه جه وانا نايمه وابتسم ليا وقالى أن انا وحشته وكمان ادانى بوسه
علياء :- بفرحه بجد وقالك ايه كمان
منار :- بس كده وبعد كده لاقيت بابا ده عمو مراد وبيحضنى ويبوسنى وبيقولى بحبك اوى يا بنتى
علياء :- اتعصبت وقالت متجبيش اسم الراجل ده على لسانك تانى فاهمه
منار :- بخوف بس أنا مالى يا مامى هو اللى جالى وانا نايمه
علياء :- يووووه اسمعى الكلام اللى بقوله ليكى وبس فاهمه
منار :- دموعها نزلت منها وخرجت تجرى من اوضة امها
علياء :- اتنهدت ورجعت شعرها لوراه وقالت زفت الطين زفت الطين يارب ريحنى منه بقى وقامت من على سريرها دخلت الحمام وبعد وقت خرجت وجهزت نفسها وأدت فرضها وخرجت من اوضتها لاقت منار قاعده فى الارض جمب اوضتها وعماله تعيط راحت تجرى عليها وشالتها واخدتها فى حضنها وقعدت تطبطب عليها وقالت انا اسفه يا حبيبتى متزعليش من مامى انا بحبك والله ومقصدش ازعلك وقعدت تبوس فيها وقالت خلاص بقى علشان خاطرى متعيطيش
منار :- كانت عماله تعيط ومش راضيه تسكت
علياء:- طيب متزعليش تيجى معايا الشركه
منار :- بفرحه بجد يا مامى
علياء :- ابتسمت وقالت بجد ايه رأيك
منار :- طبعآ موافقه
علياء :- طيب يلا خلى الداده تجهزك وانزلى ورايا بسرعه
منار :- طلعت تجرى بفرحه ودخلت اوضتها
علياء :- بصت على منار وهى بتجرى وابتسمت ونزلت تحت وفى الوقت ده جرس الباب رن راحت فتحت الباب وقالت انت
أدم :- عامله ايه يا مرات اخويا
علياء :- انت جاى هنا ليه
أدم :- جاى اطمن عليكى واشوف بنت اخويا
علياء :- وايه بقى غير رأيك من نحيتنا
أدم :- انا عارف انك زعلانه منى من يوم اللى حصل فى الشركه بس انا كان غصب عنى خبر موت عمر كان تعبنى نفسيآ ومكنتش عارف بعمل ايه ولا بقول ايه انا اسف ليكى بجد متزعليش منى
علياء :- بصت ليه بأستغراب
أدم :- هفضل واقف كده على الباب
علياء :- وسعت ليه السكه وقالت اتفضل
أدم :- ابتسم ليها ودخل
علياء :- قفلت الباب وقالت اتفضل اقعد وقالت بصوت عالى مياده يا مياده
مياده :- صباح الخير يا علياء وبصت بأستغراب لادم وقالت شكلك مش غريب عليا انت أدم اخوه عمر الله يرحمه صح
أدم :- ايوه وانتى مين
مياده :- انا مياده اخت علياء
أدم :- اه اهلا وسهلا
علياء :- هاتى حاجه لادم يشربها
مياده :- حاضر وسابتهم ودخلت المطبخ ووقفت وقالت ايه العمل دلوقتى سمر لو شافته هنا مش هيحصل خير علشان اللى حصل زمان منه فيها اطلع اقولها متنزلش ولا اعمل ايه ياربى وفى الوقت ده جرس الباب رن وقامت علياء فتحت الباب وقالت
علياء :- انجى عامله ايه فينك يا بنتى من زمان
انجى :- سلمت عليها وقالت اهو فى الدنيا انتى اخبارك ايه
علياء :- تمام الحمدالله
انجى :- سمر موجوده
علياء :- مش عارفه والله استنى أسأل مياده وفى الوقت ده مياده جات ومعاها العصير وقالت
مياده :- انجى صباح الخير
انجى :- صباح النور سمر موجوده
مياده :- اه فى اوضتها اطلعلها
انجى :- عن اذنكم وطلعت عند سمر
مياده :- بصوت واطى الحمدالله أن انجى جات وسمر مش هتنزل دلوقتى
علياء :- بتقولى ايه يا مياده
مياده :- ها ولا حاجه خدى العصير اهو بس هو هيمشى امته
علياء :- مش عارفه والله انا عايزاه يمشى قبل ما عبدالرحمن ينزل الاتنين مش بيطيقوا بعض
مياده :- انا هطلع اعطل عبدالرحمن وانتى حاولى تخليه يمشى
علياء :- ماشى واخدت العصير وراحت عند أدم
ومياده طلعت الاوضه عند عبدالرحمن علشان تعطله ومينزلش تحت
«««««««««««««««««««««««««««««
فى اوضت سمر
خبطت انجى على الباب ودخلت لاقت سمر لسه نايمه راحت عندها وخبطت على كتفها وقالت
انجى :- سمر يا سمر
سمر :- قامت مفزوعه وقالت ايه ايه
انجى :- أهدى يا سمر دى انا
سمر :- قامت قعدت واتنهدت وقالت انا تعبت من الكوابيس اللى بقيت اشوفها فى منامى علطول
انجى :- معلش فتره وهتعدى
سمر :- جبتى الحبوب
انجى :- بتوتر ا.ا.اه اهى بس خلى بالك اوعى تكترى عن الجرعه ممكن تعمل ليكى مضاعفات
سمر :- اخدته منها وقالت انا عارفه الحبوب دى يا انجى بس مجاتش فى دماغى ولما قولتيلى عليها افتكرتها وعارفه ايه هى الأعراض الجانبيه للحبوب وايه مضاعفاتها متقلقيش
انجى :- م.م.ماشى انا هروح بقى علشان هيثم مستنينى تحت
سمر :- اوك شكرآ يا انجى
انجى :- بطلى هبل احنا اخوات؛ هروح انا بقى هبقى اكلمك اطمن عليكى وسابتها ونزلت ولسه هتخرج من الباب لاقت أدم قصادها بصت ليه بصدمه وقالت انت
أدم :- مين انتى
انجى :- انت بتعمل ايه هنا
أدم :- انتى مالك مين انتى اصلا
انجى :- بصت ليه بقرف ومشيت وسابته
أدم :- مين بنت المجنونه دى وخرج ركب عربيته ومشى
انجى :- ركبت العربيه وقالت معقول هو
هيثم :- هو مين ده
انجى :- انت فاكر اللى احنا روحنا جبنا من فيلته سمر
هيثم :- ماله
انجى :- بأستغراب كان جوه فى الفيلا
هيثم :- جوه فين عند سمر يعنى
انجى :- لاء مش عند سمر كان خارج من الباب وانا خارجه غريبه بيعمل ايه هنا معقول تكون سمر لسه على علاقه بي يووووه مش عارفه بقى
هيثم :- انتى شاغله بالك ليه ما يولعوا هما الاتنين وشغل العربيه ومشى
«««««««««««««««««««««««««««««
فى بيت عبده
فى اوضت مراد
دخلت حكمت الاوضه لاقت مراد لسه نايم راحت عنده وقالت
حكمت :- مراد قوم يلا يا ابنى
مراد :- كان نايم ووشه كله جايب عرق وحرارته مرتفعه
حكمت :- حطت ايديها على وش مراد وقالت يا لهوى مالك يا ابنى حرارتك مرتفعه كده ليه
مراد :- فتح عينه بتعب وقال هى الساعه كام
حكمت :- ساعة ايه بس يا ابنى انت شكلك تعبان اوى وحرارتك مرتفعه
مراد :- انا كويس يا ماما متقلقيش ولسه هيقوم
حكمت :- رايح فين يا ابنى بلاش تنزل وانت حالتك كده
مراد :- وقف بتعب وقال انا لازم اروح الشغل يا امى
حكمت :- هفضل قلقانه عليك يا حبيبى
مراد :- هطمنك عليا بالتليفون وسابها ودخل الحمام
حكمت :- بصت لمهند وقالت وانت يا آخرة صبرى مش هتقوم
مهند :- صبرى غرقان فى العسل مع حبيبته سبينى انام يا اما
حكمت :- ضربته على كتفه وقالت قوم شوف وراك ايه
مهند :- قام قعد وقال يعنى ورايا الديوان يا اما المحل مش هيطير هنام شويه ولما اقوم ابقى انزل افتحه
حكمت :- وليك عين تتكلم بعد اللى عملته فى البت امبارح
مهند :- اهو بسبب انهيار دى منمتش طول ليل
حكمت :- ليه بتفكر فيها
مهند :- لاء بفكر هى كانت شيفانى على اى كرسى بالظبط
حكمت :- وحياة امك
مهند :- وحياتك انت يا غالى وقام وفضل يزغزغ فيها
حكمت :- بضحك يا ولا اتلم اختشى يا ابن الجزمه
مهند :- وليه الغلط بس عايزه تغلطى اغلطى فى انهيار إنما فى امى لاء وبسها فى خدها وقال إنبى عسل وخرج وسابها
حكمت :- ضحكت وقالت يوه كتك ايه يا منيل دمك عسل وخرجت وراهم
مراد :- خرج من الحمام بتعب وقعد على الكنبه وهو حاسس بدوخه
مهند :- مالك يا مراد
مراد :- بتعب مفيش عندى بس شوية إرهاق
مهند :- ده مش شكل إرهاق خالص وحط أيده على دماغ مراد وقال انت حرارتك مرتفعه يا ابنى شكلها بداية حمى
مراد :- متكبرش الموضوع يا مهند انا كويس وقام وقف ودخل اوضه
مهند :- هز راسه يمين وشمال ودخل الحمام
مريم :- خرجت من اوضتها وقالت صباح الخير
حكمت:- صباح النور
مريم :- حد فى الحمام
حكمت :- اخوكى مهند
مريم :- مش هيخلص فى يومه ده ودخلت تانى اوضتها وبعد وقت اجتمعوا كلهم على السفره
مراد :- قعد يكح ومكانش بياكل
عبده :- ما تاكل يا ابنى
مراد :- مليش نفس يا بابا ووقف وقال انا همشى علشان متأخرش
حكمت :- يا ابنى انت مأكلتش حاجه خالص
مراد :- معلش يا ماما والله مليش نفس
مريم :- استنا خدنى معاك عربيتى عطلانه من امبارح عند الشركه
مهند :- ولما هى عطلانه جيتى ازاى
مريم :- ها ف.ف فى تاكسى يعنى هكون جيت ازاى يلا يا مراد هنتأخر وخرجوا الاتنين مع بعض
مهند :- وقف وقال وانا كمان الحمدالله انا نازل
حكمت :- اعمل حسابك هدورك على عروسه تانيه
مهند :- سبحان الله اشمعنا انا اللى حطانى فى دماغك؛ والمرادى بقى ناويه تجبيها ايه قرعه انا نازل احسن هتجيلى جلطه من البيت ده وسابهم ومشى
عبده :- الجواز مش بالعافيه يا حكمت
حكمت :- لاء بالعافيه انا نفسى ابقى جده وعيالك ولا شاغلين بالهم بحاجه
عبده :- هز راسه يمين وشمال وقام دخل اوضه
حكمت :- هجوزهم يعنى هجوزهم ها وقامت شالت الاطباق
«««««««««««««««««««««««««««««
فى فيلا علياء
الكل خرج وفضلت مياده لوحدها فى الفيلا مسكت تليفونها واتصلت بمروان بس مردش عليها استغربت وقالت
مياده :- هو فيه ايه مش بيرد عليا من امبارح ليه وجربت تانى ومردش عليها قالت انا لازم افهم فيه ايه وطلعت اوضتها وغيرت هدومها ونزلت ركبت العربيه والسواق شغل العربيه وراحت عند الشركه اللى شغال فيها مروان ونزلت وقالت للامن انها عايزه تقابل مروان وشويه وخرج مروان ليها وقال
مروان :- انتى ازاى تيجى ليا عند شغلى
مياده :- انا جيت لما لاقيتك من امبارح مش بترد على اتصالاتى ممكن افهم فيه ايه
مروان :- امشى دلوقتى يا مياده انا مش فاضي بعدين نتكلم
مياده :- لاء مش همشى يا مروان غير لما تقولى فيه ايه
مروان :- مفيش امشى بقى
مياده :- انت لو مجاوبتش على سؤالى دلوقتى انا همشى ومش هتشوفنى تانى خالص
مروان :- عايزه تعرفى يا مياده
مياده :- ايوه يا مروان
مروان :- ماشى يا مياده انتى بتتصلى بمهند ليه
مياده :- بتوتر ب.ب.بتصل مين قالك
مروان :- محدش قالى انا امبارح كنت عنده فى المحل وتليفونى فصل شحن اخد تليفون مهند علشان اتصل بيكى بطلب الرقم لاقيته موجود عنده وفى سجل المكالمات لاقيتك متصله بيه وهو متصل بيكى كتير
مياده :- ب.ب.بص انا فعلا كلمته بس مش علشانى والله انا كلمته علشان يساعدنى فى موضوع يخص سمر والمكالمات اللى هو كان متصل بيا فيها ومردتش عليه علشان اليومين لللى فاتوا انشغلت بعلياء اختى مكانش عندى وقت ارد عليه
مروان :- كام مره اقولك بلاش مهند يا مياده
مياده :- وانا كام مره اقولك مهند مش وحش وبعدين بدل المره مليون مره طلبت منك تثق فيا وقولتلك مش معنى أننا بنتعامل مع الناس كويس يبقى فيه حاجه ما بينا وعمومآ شكرآ جدآ ليك عن اذنك
مروان :- اتنهد وراح وراها ومسكها من دراعها وقال مياده استنى
مياده :- شدت دراعها وقالت متلمسنيش لو سمحت وركبت العربيه
مروان :- انزلى يا مياده نتكلم
مياده :- خلاص يا مروان هى خلصت كده وبصت لسواق وقالت بدموع امشى لو سمحت
مروان :- مياده ايه اللى انتى بتقوليه ده والعربيه مشيت وطلع يجرى وراها وينادى عليها
مياده :- حطت ايديها على وشها وقعدت تعيط
مروان :- فضل يبص على العربيه لحد ما اختفت ونفخ ورجع تانى شغله
««««««««««««««««««««««««««««
فى الشركه
فى مكتب عبدالرحمن
مسك عبدالرحمن تليفون المكتب واتصل على مريم وقال
عبدالرحمن :- هاتى الملفات الخاصه بالعمال علشان صرف المرتبات
مريم :- اوك
عبدالرحمن :- اسمها حاضر يا اختى مش اوك
مريم :- هوف حاضر وقفلت السكه معاه ونفخت وقالت غتت واخدت الملفات ودخلت عنده
عبدالرحمن :- بعد كده اتعلمى الادب ابقى خبطى على الباب قبل ما تدخلى فاهمه
مريم :- داست على أسنانها وقالت حاضر
عبدالرحمن :- شكلك مش عجبك الكلام
مريم :- لاء ازاى دى السعاده هتشر من وشى من كتر ما انا عجبنى كلامك
عبدالرحمن :- ابتسم وقال لاء واضح
مريم :- حطت قدامه الملفات وقالت خد
عبدالرحمن :- اسمها اتفضل
مريم :- استغفر الله العظيم اتفضل
عبدالرحمن :- شكرآ
مريم :- عايز حاجه تانى
عبدالرحمن :- اسمها تأمر بحاجه تانى حضرتك
مريم :- بعصبيه يووووه بطل تعلمنى الكلام كأنى طفله صغيره والله هى دى طريقة كلامى ومش هغيرها وسابته ومشيت
عبدالرحمن :- رجع لوراه وضحك وقال انتى لسه شوفتى حاجه يا مريم وبدء يشوف شغله
«««««««««««««««««««««««««««««
فى مكتب علياء
دخل مراد مكتب علياء وهو ظاهر عليه التعب واتفاجئ بوجود منار ابتسم ليها بتعب وقال
مراد :- بحب الانسه منار بحالها منوره الشركه ده انا هروح افرشلك الأرض ورد يا مونى
علياء :- داست على أسنانها وقالت ملكش دعوه ببنتى
منار :- ممكن اسلم عليه يا مامى
علياء :- لاء يا منار واسمعى الكلام علشان مخليش السواق يروحك فاهمه
منار :- بدموع حاضر
مراد :- خلاص متعيطيش يا حبيبتى انا همشى من وش ماما علشان متتعصبش عليكى
علياء :- احسن برضه اول مره تعمل حاجه صح فى حياتك
مراد :- بصلها واتنهد وخرج من المكتب وراح على المكتب بتاعه وهو حاسس بتعب شديد نام على الكنبه وجسمه كله بيرتعش وغمض عينه
منار :- مامى عايزه اروح عند خالوا عبدالرحمن
علياء :- لاء خالوا شغال ومش فاضى اقعدى هنا
منار :- طيب هطلع أقف بره شويه
علياء :- يوووووه اسكتى بقى يا منار انا غلطانه أن جبتك معايا
منار :- قعدت تعيط
علياء :- نفخت وقالت خلاص اسكتى اطلعى اقفى قدام الباب واوعى تروحى كده ولا كده وطلبت السكرتير وقالت ليه يخلى باله من منار
منار :- فرحت وطلعت بره ولسه هتجرى السكرتير مناعها وقعدها جمبه بصت ليه وقالت عمو ممكن اعرف فين مكتب عمو مراد
السكرتير :- ليه
منار :- هدخل اقعد معاه شويه
السكرتير :- بس
منار :- علشان خاطرى يا عمو هقعد ساكته ومش هعمل شقاوه
السكرتير :- ماشى تعالى وراح خبط على باب مكتب مراد وفتح الباب
منار :- دخلت تجرى وقالت خلاص يا عمو روح انت انا هقعد جمبه ساكته
السكرتير :- ماشى وخرج وقفل الباب وراه
منار :- قعدت جمبه على الكنبه وقالت عمو مراد يا عمو
مراد :- فتح عينه بتعب وابتسم وقال منار
منار :- انت نايم ولا ايه
مراد :- لاء يا حبيبتى تعبان شويه
منار :- حطت ايديها على راسه وقالت فيه ميه كتير على وشك يا عمو
مراد :- مسك ايديها وباسها وقال أنا كده هبقى كويس علشان ايد الاميره منار لمستنى
منار :- بس مامى لما بابى كان يتعب كده كانت بتخده تديه حقنه وانت لازم تاخد حقنه زى بابى يا عمو
مراد :- حقن لاء انا بخاف منها اوى
منار :- ايه ده زى انا بخاف منها برضه
مراد :- هى مامى عارفه انك هنا
منار :- لاء
مراد :- امال جيتى ازاى
منار :- عمو اللى قاعد بره هو اللى دخلنى عندك
مراد :- ابتسم ليها وقال شكلك عايزه تنامى صح
منار :- اممم
مراد :- تعالى جمبى
منار :- نامت فى حضن مراد وغمضت عينيها
مراد :- بص على منار وهى نايمه فى حضنه وحس بشعور غريب ضمها اكتر فى حضنه وباس راسها وغمض عينه ونام هو كمان
علياء :- خرجت من المكتب بتاعها وبصت على منار ملاقتهاش قلقت عليها وسألت السكرتير وقال ليها انها فى مكتب مراد اتعصبت عليه وراحت فتحت الباب بغيظ ودخلت لاقت مراد واخد منار فى حضنه ونايم بصت ليهم بصدمه واتوترت وراحت شدت منار من حضن مراد
مراد :- فتح عينه بخضه وبص لاقه علياء شايله منار قال سيبى البنت حرام نايمه
علياء :- بعصبيه مليون مره اقولك ابعد عن بنتى مش هسمحلك تقرب منها فاهم لو عايز تشوف الوش التانى ليا جرب تقرب من بنتى يا مراد متلومش غير روحك فاهم وخرجت تجرى من مكتب مراد
مراد :- انتى بحركات دى يا علياء بتأكدى ليا شك مهند اخويا وقام قعد على الكنبه وحط راسه ما بين ايديه واتنهد وقال انا لازم اعرف الحقيقه واتأكد وحط أيده مكان لمست منار وابتسم وقال اكيد الاحساس اللى حسيته ده ليه معنى كبير وقعد يفكر هيعمل ايه علشان يتأكد
««««««««««««««««««««««««««««
فى فيلا علياء
وصلت مياده الفيلا وهى منهاره من الدموع دخلت قعدت على الكنبه ومسكت تليفونها وطلبت رقم مهند وانتظرت الرد
مهند :- خير يا مياده
مياده :- بدموع ممكن تيجى ليا دلوقتى
مهند :- اجى فين
مياده :- بدموع الفيلا
مهند :- بقلق خير سمر فيها حاجه
مياده :- لاء عايزه أشهدك على صاحبك مروان
مهند :- اوك انا جاي باى
مياده :- قعدت تعيط وبعد وقت وصل مهند ودخل وقال
مهند :- خير يا مياده
مياده :- اقعد يا مهند
مهند :- قعد وقال خير
مياده :- صاحبك مروان من امبارح مش بيرد على تليفوناتى وروحت ليه الشغل علشان كنت قلقانه عليه بس اتفاجئت أنه مش بيرد عليا بمزاجه قال ايه شاف رقمى على تليفونك وغيران ياريت تعقله وتعرفه أن اللى بينا أنا وأنت مش اكتر من علاقة اخوات وفيه احترام ما بينا
مهند :- بصى يا مياده انا فعلا زى اخوكى بس اكيد هو عمل كده علشان خايف عليكى وبيحبك وهو مش قادر ينسى مهند القديم اللى كانت سمعته وحشه واى حد مكان مروان كان هيعمل زيه وزياده
مياده :- بس المفروض يكون واثق فيا وفيك اكتر من كده
مهند :- أهدى بس وانا هكلمه وهو لما يهدا هيكلمك ويصالحك
مياده :- انا ولا عايزاه يصالحنى ولا نيله انا كل اللى عايزاه أنه يعرف ان انا مش وحشه ومتربيه كويس وعيب اوى شكه فيا
مهند :- هو مش بيشك فيكى يا بنتى هو غيران عليكى مش اكتر وعمومآ يا ستى انا هشدلك ودانه وهعرفه قيمتك كويس اوى
مياده :- شكرآ يا مهند
مهند :- ابتسم ليها وقال العفو احم ه.ه.هو انا ممكن اطلب منك طلب
مياده :- اه طبعآ اتفضل
مهند :- ممكن اشوف سمر
مياده :- مش عارفه هى صاحيه ولا نايمه ثوانى هطلع اشوفها وسابته وطلعت تشوفها
مهند :- قام و وراح وقف قصاد صورة سمر وابتسم وقال شكلك قويه زى ما انتى وفى الوقت ده سمع صوت صريخ مياده اتخض وطلع يجرى على الصوت ووقف مكانه مصدوم من المنظر
««««««««««««««««««««««««««««
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة في زمن قاسي)
