رواية فتاة في زمن قاسي الفصل التاسع عشر 19 بقلم دودو محمد
رواية فتاة في زمن قاسي الجزء التاسع عشر
رواية فتاة في زمن قاسي البارت التاسع عشر
رواية فتاة في زمن قاسي الحلقة التاسعة عشر
🥀الفصل التاسع عشر 🥀
اشرقت شمس صباح يوم جديد بنورها الساطع فى سماء القاهره لتبدء سمر بفتح عيونها قامت بتعب شديد من على سريرها دخلت الحمام وبعد وقت خرجت لبست هدومها ونزلت لاقت مياده قاعده اتنهدت وراحت عندها وقالت
سمر :- بتعب صباح الخير
مياده :- صباح النور رايحه فين كده
سمر :- نازله الشغل
مياده :- بس شكلك لسه تعبانه
سمر :- لاء انا كويسه
مياده :- طيب اقعدى كلى
سمر :- مليش نفس انا ماشيه
مياده :- بصت ليها بأستغراب وقالت اول مره اشوفك خارجه وانتى كده
سمر :- وانا كده ازاى
مياده :- يعنى مش مهتمه بشكلك ولا حطه ميكاب زى ما متعوده
سمر :- ها م.م.ما انا محطتش علشان عمر مينفعش صح
مياده :- بصت ليها بقلق وقالت صح يا سمر صح
سمر :- ا.ا انا ماشيه وخرجت ركبت عربيتها ودموعها نزلت منها شغلت العربيه وراحت على المعمل دخلت بصت فى المكان وسألت على حازم بس الكل أكد ليها أنه مجاش بقاله فتره اتنهدت بوجع ودخلت مسكت تليفونها ودورت فى الأرقام عندها لاقت رقم انجى مسحت دموعها واتصلت عليها وانتظرت الرد
انجى :- السلام عليكم مين معايا
سمر :- ا.ا.انا يا انجى
انجى :- بأستغراب انتى مين
سمر :- انا سمر يا انجى
انجى :- ياااااااه سمر انتى لسه معاكى رقمى لحد دلوقتى يا سمر
سمر :- ايوه لسه معايا ارقام الشله كلها عامله ايه انتى وهيثم
انجى :- كويسين انتى ايه اخبارك
سمر :- محتاجه وجودك جمبى يا انجي
انجى :- محتاجه وجودى جمبك مين اللى بيقول الكلام ده انتى يا سمر فاكره اخر مره قولتى ليا ايه
سمر :- بوجع فاكره ياريت تنسى كل اللى حصل زمان يا انجى انا فعلا مفتقداكى اوى اوى فى حياتى
انجى :- مالك يا سمر حاسه انك واقعه فى مشكله كبيره
سمر :- فاضيه تقابلينى
انجى :- انا فى الشغل دلوقتى بس ممكن اقابلك بعد الشغل
سمر :- اتنهدت وقالت ماشى وقفلت السكه ودموعها نزلت على خدها وقالت اعمل ايه بس يا ربى انا لازم اتخلص منه فى اسرع وقت ومسحت دموعها وخرجت بره وراحت عند واحده زميلتها فى الشغل وقالت منه كنت عايزه أسألك سؤال
منه :- اتفضلى
سمر :- ه.ه.هو الدكتور اللى اختك راحت نزلت البيبى عنده عنوانه ايه
منه :- ليه خير يا سمر
سمر :- ها ا.ا اصل فيه واحده جارتنا زى اختك حملت وجوزها مش عايز البيبى فسألتنى على اسم دكتور كويس وعنوانه قولت اجى اسالك عليه
منه :- ااااه عنوانه (………) بس يعنى
سمر :- بس ايه
منه :- هو الدكتور شاطر بس أيده طويله شويه وكده يعنى تاخد راجل معاها علشان لما بيلاقى واحده رايحه لوحدها بيعمل حاجات مش كويسه
سمر :- بقلق ح.ح.حاضر هقولها كده انا همشى واستلمى انتى مكانى اصل انا تعبانه شويه
منه :- ماشى يا حبيبتى الف سلامه عليكى متشليش هم الشغل
سمر :- ابتسمت ليها وقالت شكرآ يا منه وسابتها وخرجت نزلت ركبت عربيتها ودموعها نازله على خدها وحطت ايديها على بطنها وقالت انا لازم انزلك مهما كان التمن وغمضت عينيها بوجع وشغلت عربيتها وراحت العنوان اللى قالت عليه منه ودخلت على السكرتيره وقالت ل.ل.لو سمحتى ك.ك.كنت عايزه اعمل عملية إجهاض
السكرتيره :- معاكى قسيمة الزواج
سمر :- ها ل.ل.لاء
السكرتيره :- اه يبقى جاى غلطه وبصت ليها بقرف وقالت وتحبى بقى تعملى اجهاض بس ولا كمان نرجعك بنت زى الاول
سمر :- بعدم فهم م.م.مش فاهمه
السكرتيره :- يعنى لما بتكون بنت وعاشت يومين حلوين مع راجل وحملت منه احنا بنزل الحمل ده وبنحط ليها غشاء بكاره وبترجع بنت تانى من اول وجديد
سمر :- بخوف ل.ل.لاء انا عايزه انزل البيبى بس
السكرتيره :- براحتك عمومآ تكاليف العمليه عشرة الف جنيه خمسه قبل العمليه وخمسه بعدها
سمر :- ايه عشره؛ بس ده كتير اوى
السكرتيره :- مفيش حاجه كتيره على ستر المكشوف والفضيحه ده احنا عندنا الدكتور قلبه طيب اوى وعامل تخفيضات علشان يسترك ويستر اللى زيك
سمر :- ب.ب بس انا مش معايا المبلغ ده
السكرتيره :- يبقى مع السلامه والعياده مفتوحه ليكى فى اى وقت
سمر :- بصت ليها بحزن وخرجت ركبت عربيتها وقالت اعمل ايه دلوقتى المبلغ كبير اوى وبصت على ايديها لاقت الانسيال اللى كان جايبه ليها عمر فى عيد ميلادها قلعته وبصت ليه بوجع وراحت عند الصايغ ودخلت وقالت لو سمحت عايزه ابيع ده
الصايغ:- اخده ووزنه وقال عامل سبعة الاف
سمر :- سبعه بس ومدت ايديها على رقابتها وقلعت السلسله وقالت ودى
الصايغ :- دى عامله اربعه
سمر :- ماشى موافقه
الصايغ :- اخدهم وجاب ليها الفلوس
سمر :- اخدت الفلوس وحطتهم فى شنتطها وخرجت ركبت عربيتها وراحت تانى على العياده ودخلت عند السكرتيره
السكرتيره :- شايفه انك رجعتى تانى اهو
سمر :- انا جبت الفلوس بس هى العمليه بتقعد قد ايه
السكرتيره :- على حسب التساهيل
سمر :- طيب لو سمحتى انا مش عايزه أتأخر
السكرتيره :- اقعدى هنا طيب وسابتها ودخلت عند الدكتور وشويه وخرجت السكرتيره وقالت اتفضلى مع الممرضه هتجهزك
سمر :- بصت ليها بخوف وقالت م.م.ماشى وراحت مع الممرضه وجهزتها ونامت على السرير تنتظر دخول الدكتور وشويه ودخل الدكتور عليها وقال
الدكتور :- منوره يا قمر
سمر :- ش.ش.شكرآ
الدكتور :- بص لجسمها بأعجاب وقال ليه حق يعمل فيكى كده
سمر :- بخوف ه.ه.هو مين
الدكتور :- مشى أيده على رجليها وقال اللى بقيتى حامل منه معذور مين يقدر يشوف الجسم الجامد ده وميلمسهوش
سمر :- بدموع ارجوك شيل ايدك
الدكتور :- رفع أيده عند رقابتها ورفع شعرها وقال من حقى انا كمان اتمتع بالجسم ده قبل ما إدارى فضحتك بأيدى
سمر :- زقته وقالت ابعد عنى يا حيوان
الدكتور :-ضربها بالقلم وقال وحياة امك هتعملى عليا شريفه يا بت واللى فى بطنك ده جاى منين مش من نومك مع الرجاله
سمر :- انت حيوان انا غلطانه أن جيت لواحد زيك وحاولت تقوم
الدكتور :- ضحك وقال بتعملى ايه يا حلوه مش هتقدرى تتحركى وداس على شفايفه وقال اصلك متكتفه من تحت وفتح زارير القميص بتاعه وقرب منها
سمر :- قعدت تصرخ وتزق فيه وتقول ابعد عنى يا حيوان ابعد وبصت جمبها لاقت العده اللى الدكتور بيشتغل بيها مسكت المقص وضربته بي فى كتفه
الدكتور :- بعد عنها بألم وحط أيده على الجرح
سمر :- بصت ليه بخوف وفكت رجليها وقامت اخدت هدومها وشنتطها وخرجت وطلعت تجرى من العياده وركبت عربيتها وطلعت تجرى بيها وبعدت عن المكان ووقفت بدموع وانهيار وقعدت تصرخ وقالت انا قتلته بقيت قاتله وبصت على الدم فى ايديها وقعدت تصرخ ولبست هدومها فى العربيه وشغلتها وروحت على البيت وطلعت تجرى على اوضتها وقفلت الباب على نفسها وقعدت على السرير بخوف وضمت رجليها عند صدرها وقعدت تعيط
«««««««««««««««««««««««««««««
فى اوضت علياء
صحيت علياء من نومها قامت من على سريرها بصعوبه وبصت على الجواب اللى فى ايديها بدموع وقامت حطته فى الدولاب وبصت على صورة عمر وقالت
علياء :- واحشتنى اوى يا عمر واحشنى ضحكتك وكلمة صباح الخير من شفايفك ودلعك ليا اول ما افتح عينى اااااه يا حبيبى ربنا يرحمك واتنهدت ودخلت الحمام وبعد شويه خرجت أدت فرضها وفى الوقت ده سمعت صوت جرس الباب فتحت باب اوضتها وخرجت وقفت فوق علشان تشوف مين على الباب لاقته مراد اتعصبت ودخلت غيرت هدومها وخرجت وقالت من على السلم وهى نازله جاى عندى ليه؛ الفيلا دى اطهر وانضف من أن واحد زيك يدخل فيها
مراد :- رفع راسه لفوق وبص لعلياء بحب واتنهد وقال جاى اخدك الشركه يا علياء
علياء :- وقفت قصاده وقالت وانا مش محتاجه واحد زيك يجى يخدنى لشركه انا مش طايقه اشوف وشك اصلا
مراد :- علياء ياريت ننسى شويه المشاكل الشخصيه وننتبه لشركه لأن عمر الله يرحمه تعب اوى فيها لحد ما كبرها ولازم نخلى بالنا عليها
علياء :- لاء شهم اوى وراجل بلاش تعيش دور مش دورك علشان مش لايق عليك انا اكتر واحده عارفه الوش الحقيقى بتاعك يا مراد
مياده :- عيب كده يا علياء الراجل فى بيتك اتفضل يا استاذ مراد نورت
علياء :- بصوت عالى ميااااااده متدخليش فى اللى ملكيش فيه وبصت لمراد وقالت اطلع بره وياريت رجلك متخطيش المكان ده تانى فاهم
مراد :- علياء
علياء :- قطعته وقالت قولتلك متقولش أسمى على لسانك اطلع بره لو سمحت
مراد :- مقدرش اطلع بره عمر موصينى عليكى وعلى. الشركه وانا لازم انفذ وصيته
علياء :- يووووووه بقى وسابته وطلعت على اوضتها
مياده :- اتفضل اقعد متزعلش من علياء هى بس أعصابها تعبانه بعد موت عمر اتفضل وانا هطلع ليها
مراد :- ابتسم ليها وقعد ومياده طلعت الاوضه عند علياء ودخلت وقالت
مياده :- عيب اللى انتى عملتيه فى الراجل ده يا علياء مالك ايه حصلك احنا طول عمرنا متربين معاهم وعارفين مراد ايه وهو يشكر الراجل كان بيرد عليكى بكل ذوق انتى زوديها اوى يا علياء اوى
علياء :- محدش عارف قذارة البنى ادم ده قدى ده شيطان على هيئة بنى أدم انا بكرهوا ومش بطيق اشوف شكله
مياده :- انتى من امته اتحولتى لشخص عدائى كده يا علياء مراد عمره ما عمل معنا حاجه وحشه ولا عمره رفع عينه فى واحده فينا ولما انتى اختفيتى كان بيدور عليكى معانا وكان قلقان عليكى اكتر مننا
علياء :- ما هو يقتل القتيل ويمشى فى جنازته
مياده :- يعنى ايه مش فاهمه
علياء :- انا بكرهوا يا مياده ومهما تقولى هفضل برضه اكرهوا
مياده :- طيب يا ستى انتى بتكرهيه مفيش مانع بس ممكن بقى تخلى كرهك ده على جمب وتركزى فى الشركه ومصلحتها انتى متعرفيش حاجه فى شغل الشركات وعبدالرحمن آخره شغل الحسابات إنما مراد شغال مع عمر من زمان اوى وفاهم وعارف كل حاجه فى الشركه وانتى اللى محتاجه يا علياء جوزك عمر الله يرحمه تعب وشقى لحد ما عمل الشركه دى وكبرها لو بتحبى عمر بجد لازم تستحملى وجوده معاكى الفتره دى فى الشركه لحد ما تفهمى كل حاجه ابقى يا ستى استغنى عنه براحتك
علياء :- بصت ليها وسكتت
مياده :- كملت كلامها وقالت ومتنسيش أن مراد اكتر واحد كان عمر بيثق فيه وبيحبه وقال لينا الكلام ده كتير اوى وعلشان تفرحى جوزك فى قبره لازم تنفذى وصيته لمراد
علياء :- اتنهدت وقالت ماشى
مياده :- ايوه كده هى دى اختى علياء اللى بتحكم عقلها قبل قلبها يلا جهزى نفسك علشان تروحى الشركه
علياء :- ماشى وقامت دخلت الحمام
مياده :- ربنا يهديكى يا علياء يارب وخرجت من الاوضه نزلت عند مراد وقالت علياء بتجهز ونازله ورايا علطول
مراد :- ابتسم ليها وقال شكرآ يا مياده
مياده :- ابتسمت ليه وقالت العفو هروح اجبلك حاجه تشربها
مراد :- لاء شكرآ مش عايز
مياده :- لاء ازاى لازم تشرب حاجه اجبلك ايه
مراد :- فنجان قهوه مظبوظ
مياده :- عينيا حاضر عن اذنك وراحت تجيب ليه القهوه
مراد :- شاف صورة علياء قام وراح عند الصوره وابتسم بحب ومشى أيده على الصوره واتنهد بوجع وفى الوقت ده سمع صوت منار وهى بتقول
منار :- سيب صورة مامى
مراد :- بصلها وقال مامى يبقى انتى منار صح
منار :- اممم انا
مراد :- ابتسم ليها ونزل عندها وقال وانا مراد ومد أيده ليها
منار :- مامى قالت ليا مسلمش على حد غريب
مراد :- ضحك وقال ماشى
منار :- انت عارف مكان بابى فين
مراد :- بزعل عند ربنا
منار :- طيب تعرف تودينى عند ربنا علشان اشوفه اصل هو وحشنى اوى
مراد :- غمض عينه بوجع وقال بعد الشر عليكى يا حبيبتى انتى عايزه تشوفى بابى
منار :- ايوه
مراد :- قبل ما تنامى اقرى الفاتحه حافظها
منار :- لاء
مراد :- هحفظهالك اقريها كل يوم قبل ما تنامى وبابى هيجى ليكى وانتى نايمه
منار :- طيب انت مش رايح ليه
مراد :- يا عالم هروح ليه امته
منار :- طيب لما تروح ليه قوله منار زعلانه منك اوى علشان انت قولت ليها انك جاى ومجتش
مراد :- بزعل حاضر
منار :- ممكن اديك حاجه توديها ليه
مراد :- ممكن
منار :- هطلع اجبها ليك من اوضى وطلعت وشويه ونزلت وقالت اهى اديها لبابى
مراد :- ايه دى
منار :- صورتى علشان يخليها معاه
مراد :- بص لصوره وقال انتى حلوه اوى يا منار
منار :- مرسى يا عمو
وفى الوقت ده نزلت علياء من فوق وشافت منار واقفه مع مراد اتعصبت وقالت
علياء :- واقفه هنا بتعملى ايه
منار :- واقفه مع عمو مراد
علياء :- اطلعى اوضك وحسك عينك اشوفك واقفه معاه تانى فاهمه
منار :- بصت ليها بخوف ودموعها نزلت منها
مراد :- حط الصوره فى جيبه ولسه هيروح عند منار علشان يطبطب عليها ويسكتها
علياء :- اياك تلمس بنتى فاهم
مراد :- براحه عليها هى طفله متعرفش حاجه
علياء :- ملكش دعوه متدخلش فى اللى ملكش فيه وقالت بصوت عالى مياده مياااااااده
مياده :- جات تجرى وقالت ايه فيه ايه يا علياء
علياء :- خدى منار فوق فى اوضتها
مياده :- شالتها وقالت مالها بتعيط ليه
علياء :- بعصبيه طلعى البنت اوضتها يا مياده
مياده :- حاضر يا علياء حاضر بس أهدى وطلعت بمنار اوضتها
مراد :- مهما كانت عصبيتك منى البنت مذنبهاش حاجه علشان تطلعى عصبيتك دى فيها
علياء :- بنتى وانا حره فيها وبصت ليه بقرف وسابته ومشيت
مراد :- غمض عينه واتنهد وراح وراها
علياء :- بصت ليه وقالت رايح فين
مراد :- هركب معاكى علشان اسوق العربيه
علياء :- لاء شكرآ معايا السواق بتاعى وركبت العربيه وقالت اتفضل اطلع لو سمحت
مراد :- بص ليها لحد ما العربيه مشيت وراح وقف تاكسى وركبه وراح على الشركه
«««««««««««««««««««««««««««««
فى بيت عبده
صحيت مريم من نومها وخرجت بره قعدت على الكنبه بزهق وقالت
مريم :- صباح الخير
حكمت :- صباح النور يا بنتى منزلتيش الشغل ليه
مريم :- خلاص بح مفيش شغل
حكمت :- ليه كده مش انتى شغاله فى نفس الشركه اللى اخوكى مراد شغال فيها
مريم :- ايوه بس اتخانقت مع المدير الجديد وسبت الشغل
حكمت :- هو انتى كنتى لحقتى؛ تلاقى لسانك ده اللى عايز قطعه غلط فى الراجل
مريم :- والله هو كل حاجه انا السبب
حكمت :- علشان انا عارفه طولت لسانك يا مريم
مريم :- هوف بقى انتى ليه محسسانى انى انا مش بنتك
حكمت :- هو علشان بقول حقيقتك ابقى كده محسساكى انك مش بنتى
مريم :- بصت ليها وقالت انا جعانه
حكمت :- لما اخوكى مهند يصحه هنفطر كلنا مع بعض
مريم :- وانا ذنبى ايه استحمل الجوع لحد ما سى مهند يقوم من نومه
مهند :- خرج من اوضه وقال حطى لسانك جوه بؤقك انا صحيت خلاص يا اختى ودخل الحمام
حكمت :- قومى يلا حضرى معايا الفطار
مريم :- لاء انا تعبانه
حكمت :- تعبانه؛ عمرك ما هتعمرى فى بيت يا مريم وقامت وسابتها وفى الوقت ده جرس الباب رن قامت فتحت الباب وقالت
مريم :- خير
الراجل :- انا محضر معايا انذار لحضرتك من الشركه اللى حضرتك ماضيه العقد معاها انك مش ملتزمه بقوانين العقد
مريم :- نعم مين اللى عامل المحضر ده
المحضر :- اتفضلى أمضى هنا واستلمى منى الانذار
مريم :- داست على أسنانها وقالت تلاقيك انت يا زباله ماشى هوريك ومضت واستلمت الإنذار وقفلت الباب
حكمت :- مين يا بنتى
حكمت :- ها د.د.ده واحد بيسأل على شقه تانيه ودخلت على اوضتها ولبست هدومها وخرجت وقالت ماما انا ماشيه
حكمت :- رايحه فين
مريم :- الشركه
حكمت :- مش قولتى انك سبتيها
مريم :- ا ا اه بس ليا فيها شوية حاجات هروح اجبها
حكمت :- ماشى متتأخريش
مريم :- ماشى ونزلت ركبت عربيتها وراحت على الشركه
مهند :- البت دى راحت فين
حكمت :- راحت الشركه
مهند :- دلوقتى
حكمت :- هى سبتها بس رايحه تجيب الحاجه بتاعتها
مهند :- ماشى وبص فى ساعته وقال كان ورايا مشوار واتأخرت عليه مش مهم بكره بقى هدخل البس هدومى على ما تحضرى الفطار علشان انزل افتح المحل ودخل اوضه وغير هدومه وخرج وقعد علشان يفطر
حكمت :- على فكره شوفت ليك بنت كويسه اوى زى القمر واهلها ناس طيبين اوى والبنت خام متعرفش اى حاجه فى اى حاجه
مهند :- تانى يا اما ما عندك مراد اهو رجع شوفيها ليه هو انا مش بفكر فى الجواز دلوقتى
حكمت :- ومين قالك هسيبه هو كمان بدوره على عروسه انتو مش صغيرين اللى قدكم متجوزين ومعاهم عيال
مهند :- يا امى يا حبيبتى انا مش بفكر فى الجواز مش عايز اتجووووووز ارحمينى بقى
حكمت :- طيب شوفها يمكن تعجبك
مهند :- نهار اسوح وقام وقف وقال انا نازل نفسى اتسدت وسابها و مشى
حكمت :- مبقاش انا لو مكنتش جوزتك انت واخوك يا مهند هبقى جده امته لما اموت وقامت شالت الاطباق
«««««««««««««««««««««««««««««
فى الشركه
وصلت علياء الشركه ودخلت على مكتب عمر وقعدت على الكرسى وبصت على صورته بدموع وقالت
علياء :- عمرى ما كنت أتخيل أن هيجى يوم واقعد مكانك وانت تكون مش فى الدنيا يارب يريح قلبى من النار اللى قايده فيه على فراقه وسمعت الباب بيخبط مسحت دموعها وقالت اتفضل
مراد :- دخل وقال هجيب ليكى كل الملفات المتعلقه بالشركه وهقعد افهمك كل حاجه
علياء :- لاء انا هخلى اى حد تانى يفهمنى اطلع بره
مراد :- غمض عينه علشان يهدا وقال مش هينفع حد غيرى يعلمك يا علياء لأن الملفات دى بيبقى فيها اسرار محدش ينفع يشوفها غيرنا
علياء :- وقفت وراحت عنده وقالت انت ايه بارد جبله بقولك متجيبش أسمى على لسانك بقرف من نفسى لما بشوفك بتعصب لما بسمع صوتك اطلع بره مش عايزه اشوف وشك
مراد :- اتنهد وقال انا عذرك علشان الظروف اللى بتمرى بيها دلوقتى علشان كده مش هلوم عليكى فى اى كلمه تقوليها
علياء :- لاااااا انت معندكش دم خالص
مراد :- أهدى يا علياء
علياء :- مش ههدا غير لما تغور من وشى
مراد :- حاولى تتقبلى الوضع لأن انا هبقى معاكى علطول
علياء :- انا الموت عندى اهون من اشوفك قدامى علطول عارف ليه علشان لما بشوفك بفتكر عملتك فيا القذره بفتكر حاجات كتير اخد فيها وقت كبير اوى على ما قدرت انساها انا بكرهك وهفضل اكرهك لاخر يوم فى عمرى
مراد:- بوجع انا عارف ان ليكى حقى فى كل اللى انتى بتعمليه وبتقوليه بس ادينى فرصه واحده بس احكيلك كل حاجه اقولك فيها الحقيقه
علياء :- مش عايزه اسمع حاجه هتقول ايه ما الحقيقه واضحه انت واحد واطى وزباله وقالت بعصبيه اطلع بره ورفعت ايديها ولسه هتضربه بالقلم
مراد :- مسك ايديها وقال أهدى يا علياء انا قولتلك عذرك فى كل اللى بتعمليه ده مع انا كمان عندى اعذارى ومبرراتى ومع ذلك سايبك تطلعى كل اللى وجعك فيا
علياء :- كانت بتحاول تشد ايديها من أيده وقالت بدموع ابعد عنى متلمسنيش ابعد عنى
مراد :- حس برعشت ايد علياء بصلها بخوف وقال أهدى يا علياء والله العظيم ما هعملك حاجه ودموعه نزلت منه
علياء :- بدموع ابعد عنك متلمسنيش ابعد عنى
مراد :- ساب ايديها وطلع يجرى من المكتب
علياء :- قعدت فى الارض وقعدت تعيط وتقول ابعد عنى متلمسنيش ابعد عنى وقعدت تعيط وتكرر فى الكلمه دى كتير
«««««««««««««««««««««««««««««
فى مكتب عبدالرحمن
دخلت مريم وهى متعصبه وحدفت الانذار على المكتب وقالت
مريم :- ممكن افهم ايه ده
عبدالرحمن :- بهدوء بصلها ومردش عليها
مريم :- انا بكلمك رد عليا بلاش اسلوب الاستفزاز بتاعك ده
عبدالرحمن :- وقف وقال انتى واحده مهمله ومش بتهتم بشغلها وانا من حقى اعقبك
مريم :- فين ده اللى مش بهتم بشغلى انا اصلا مشوفتكش غير امبارح
عبدالرحمن :- راح عندها وسند على المكتب وقال وعملتى ايه سيبتى الشغل واكيد عارفه البند اللى فى العقد بخصوص الموضوع ده ايه صح
مريم :- كنت هقدم استقالتى النهارده مش عايزه اشتغل معاك يا اخى ميشرفنيش الشغل معاك فى نفس المكان
عبدالرحمن :- ولا انا هموت عليكى علشان تشتغلى معايا بس مزاجى بقى اعمل كده
مريم :- بغيظ لاء مش بمزاجك وانا بقى مش هشتغل معاك يا عبدالرحمن ويا انا يا انت؛ مش مريم اللى هيجى واحد زيك يتحكم فيها
عبدالرحمن :- رجع قعد على المكتب بتاعه وقال روحى هاتي ليا واحد قهوه زياده بسرعه
مريم :- بغيظ مش هجبلك حاجه ومش هقعد هنا ولا ثانيه واحده ولسه هتمشى
عبدالرحمن :- انا منستش اللى عملتيه فى اختى ولا لما دخلتيها الحجز وعندى استعداد اعمل فيكى زى ما عملتى فيها بالظبط ؛ لو فكرتى تكسرى كلمتى وتمشى متلوميش غير نفسك يا مريم
مريم :- بصت ليه بقرف وخرجت تجرى من عنده قعدت على المكتب بتاعها وقعدت تاكل فى ضوافيرها وتهز رجليها بغيظ وقالت ماشى يا عبدالرحمن مبقاش انا مريم ولو مكنتش اعرفك قيمتك يا معفن وراحت تجيب ليه القهوه ودخلتها ليه وحطتها على المكتب وقالت عايز حاجه تانى
عبدالرحمن :- شاور بأيده ليها انها تخرج
مريم :- بصت ليه بغيظ وخرجت من المكتب وقعدت على الكرسى بغيظ وقالت اصبر عليا هتشوف انا هعمل ايه فيك يا عبدالرحمن
«««««««««««««««««««««««««««««
فى فيلا عمر
اتصلت مياده بمروان كتير ومردش عليها قلقت عليه وكانت مش عارفه تعمل ايه افتكرت مهند اتصلت عليه وانتظرت رده
مياده :- السلام عليكم
مهند :- وعليكم السلام ورحمه الله وبركاته عامله ايه
مياده :- الحمدالله انت ايه اخبارك
مهند :- تمام والله اتصلت عليكى كتير مكنتيش بتردى عليا
مياده :- اه انا اسفه بس اليومين اللى فاتوا كنت مشغوله بأختى علياء بعد موت جوزها
مهند :- اه عرفت ربنا يصبر قلبها على فراقه يارب
مياده :- يارب
مهند :- وسمر عامله ايه
مياده :- والله يا مهند حالها مش عجبنى اليومين دول معرفش مالها
مهند :- انا روحت كتير عند المعمل ووقفت استناها بس هى كانت مش بتيجى
مياده :- فعلا هى بقالها كذا يوم مش بتروح لسه النهارده اول يوم تنزل الشغل
مهند :- حظى بقى النهارده راحت عليا نومه ومنزلتش
مياده :- هى اصلا رجعت تانى معرفش ليه
مهند :- لو محتاجه اى حاجه انا ممكن اجيلك دلوقتى
مياده :- ها ل.ل لاء مينفعش بس لو فيه حاجه هشوفك بره
مهند :- ماشى مفيش مشكله
مياده :- كنت عايزه أسألك سؤال
مهند :- اسألى
مياده :- مشوفتش مروان
مهند :- اه ده لسه طالع من شويه كان واقف معايا فى المحل وقال هيطلع ينام شويه
مياده :- اه خلاص ماشى
مهند :- فيه حاجه تحبى اقولها ليه
مياده :- لاء شكرآ
مهند :- ماشى اسيبك بقى علشان عندى شغل
مياده :- اوك باى وقفلت مع مهند واتنهدت وقالت الحمدالله كنت قلقانه عليك اوى يا مروان وبصت لفوق وقالت لما اطلع اشوف البت سمر رجعت ليه من الشغل وطلعت فوق وخبطت على الباب ودخلت لاقت سمر قاعده على السرير بخوف وبتعيط اتخضت عليها وقالت سمر مالك
سمر :- بدموع م.م.مفيش
مياده :- لاء فيه وحاجه كبيره اوى كمان مش سمر اختى اللى دموعها تنزل على حاجه سهله
سمر :- بدموع سبينى لوحدى واطلعى يا مياده ارجوكى
مياده :- قعدت جمبها وقالت سمر لو فيه حاجه اتكلمى وقوليها ليا وانا هقدر اساعدك واحلها ليكى
سمر :- بصت لأختها بوجع واترمت فى حضنها ومسكت فيها وقعدت تعيط
مياده :- ياااااه يا سمر اول مره اشوفك كده ايه اللى حصل وصلك للحاله دى
سمر :- مسكت اكتر فيها وقعدت تعيط
مياده :- ضمتها اكتر وطبطبت عليها وقالت طيب قوليلى انتى كنتى بتحبى واحد وسيبتوا بعض صح
سمر :- كانت بتعيط ومردتش عليها
مياده :- ريحى قلبى وردى عليا يا سمر وطمنينى بلاش تخلى دماغى تروح وتيجى كده
سمر :- اتنهدت وبعدت عنها وقالت انا مش قادره اتكلم وعايزه انام يا مياده
مياده :- طيب نامى يا سمر وفضلت تمشى ايديها على شعرها لحد ما سمر عينيها راحت فى النوم حطت الغطا عليها وقالت يا ترى مخبيه ايه يا سمر عمرك ما وصلتى للحاله دى أبدآ وطفت النور وخرجت من الاوضه وقفلت الباب وراها
«««««««««««««««««««««««««««««
فى بيت عبده
دخل مراد اوضه وقعد على السرير ودموعه نزلت منه وقال
مراد :- انت واحد مجرم وغبى خلتها تكرهك وتخاف منك نظرت عيونها سكينه حاميه بتدبحنى بيها انا اسف يا علياء اسف
مهند :- دخل وقال فيه ايه مالك جاى تجرى وندهت عليك مردتش عليا
مراد :- علياء يا مهند بتكرهنى اوى وعمرها ما هتسامحنى نظرتها ليا فيها كره كبير ليا مش قادر استحملها يا مهند مش قادر
مهند :- انسى يا مراد بقى وعيش هى قدرت تعيش حياتها واتجوزت وخلفت وأنت اللى موقف حياتك عليها
مراد :- مقدرش انساها علياء هى كل حياتى يا مهند انا حياتى واقفه على اللحظه اللى دبحتها فيها وقام وقف وقلع الجاكت بتاعه والصوره بتاعة منار وقعت من جيبه
مهند :- مسك الصوره وقال ايه ده صورة مين دى يا مراد
مراد :- دى صورة منار بنت علياء
مهند :- بص فى الصوره بأستغراب وقال مش ملاحظ حاجه
مراد :- ايه
مهند :- بص كده البنت دى فيها شبه كبير اوى منك
مراد :- مسك الصوره وبص فيها اوى وقال فعلا شبهى يا مهند
مهند :- غريبه دى اللى يشوفها يقول عليها بنتك انت مش بنت الراجل التانى
مراد :- استحاله طبعآ مش من مره يا مهند واكيد عمر عمره ما يقبل يعمل كده
مهند :- انا مقولتش أنها بنتك انا بقولك من كتر الشبه اللى يشوفها يقول كده
مراد :- قعد على السرير وفضل يبص على صورة منار
«««««««««««««««««««««««««««««
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة في زمن قاسي)
