رواية فتاة انحنت من أجل الحب الفصل الرابع والثلاثون 34 بقلم دودو محمد

وصلت الا سعاف المستشفى ونزلوها من العربيه على النقاله وكان ماشى جنبها امير وماسك ايديها وعمال يعيط ونبيله وشريف وعاطف ولميس وأبو لميس طالعين يجرو وراهم
أمير / بدموع اوعى تسبينى يا زهره ارجوكى انا اموت لو حصلك حاجه زهره رودى عليا يا زهره رودى عليا
الممرض / لو سمحت ممكن تبعد علشان ندخلوها يتكشف عليها
أمير / لالالا مش هسيبها هدخل معاكم
الممرض / مينفعش لو سمحت كده فى خطوره على حياتها
أمير / بعد عنها وهو دموعه نازله منه وشاف الباب وهو بيتقفل على زهره خبط بأيده على الحيطه بعصبيه وشاف عاطف واقف وبيبص ليه بغيظ راح عنده ومسكه من هدومه وضربه فى وشه وقال انت السبب عملت فيها ايه وصلتها لحالة دى وصلتها انها تكره الحياه انطق عملت ليها اااااايه وقعد يضرب فيه
شريف /مسك امير وبعده عن عاطف وقال مش وقته الكلام ده يا أمير ومسك عاطف من هدومه وقال ودينى وما اعبد لو اختى حصل ليها حاجه همحيك من على وش الارض وسابه وبصله بقرف وراح وقف قدام الاوضه اللى فيها زهره وفضل رايح جاى هو وامير ودموعهم على خداهم
نبيله /بدموع يارب ما توجع قلبى عليها يارب قومها ليا بالسلامه يارب انا قلبى نار عليها يارب خد من عمرى واديها
لميس / حضنتها وقالت أهدى يا ماما أن شاءالله هتقوم بالسلامه
نبيله / يارب يا بنتى يارب
وفى الوقت ده خرج الدكتور والكل جرى عليه
أمير / ها يا دكتور طمنى قولى انها كويسه ارجوك
الدكتور / هى كويسه بدنين مفيش غير كسر فى الدراع وصوبع مكسور فى ايد واحده وشوية كدمات فى جسمها
شريف / بفرحه الف حمد والف شكر الحمدالله يارب
عاطف / يعنى هتخرج امته
الدكتور / هتدخل اوضت العمليات تتجبس وتخرج من المستشفى النهارده عادى وسابهم ومشى
شريف / بعصبيه اوعى تكون مفكر انها هتروح معاك يبقى بتحلم
عاطف / والله دى مراتى ومحدش هيقدر يمنعنى أن انا اخد مراتى
أمير / زنقه فى الحيطه ومسكه من رقبته وقال كل اللى هى فيه دلوقتى بسببك انت ليك عين تتكلم زهره مش هتروح معاك وورينى هتقدر تخدها ازاى
عاطف / زقه وقال انا من بدرى ساكت ليكم بس يا ويلكم يا سواد ليلكم لو حطتكم فى دماغى هخليكم تتمنو الموت
أمير / وهو بيدوس على سنانه حذره بصوبعه وقال اياك تفكر تتعرض لزهره انا اللى هعرفك أن الله حق
عاطف / مسكه من هدومه وقال ده انت واحد جربوع ادوس عليه بجزمتى
سمير / بعدهم عن بعض وقال يا جماعه اهدو احنا فى مستشفى مينفعش الازعاج ده
شريف / تعال يا أمير كده كده اختى هتيجى معانا ويبقى يورينى هيمنعنا ازاى
عاطف / ههههههههه شكوى فيكم انتو الاتنين تنامو فى الحجز
أمير / ابقى ورينى هتعرف تشتكينا ازاى وفى الوقت ده الدكتور طلب حد من أهل المريضه
عاطف / انا جوزها
شريف / بقولك بالذوق اهو ابعد عن اختى وملكش دعوه بيها وقال امير تعال معايه عند الدكتور
عاطف / لسه هيروح وراهم
سمير / عاطف خليك هنا بلاش تروح وراهم
عاطف / دى مراتى يا عمى
سمير / الوضع مش مستحمل وجودك فى نفس المكان اللى هما فيه خليك انت ولما هما يجو تبقى تروح لدكتور أسأله فى ايه
عاطف / وهو بيدوس على سنانه ماشى انا هعرفهم مين عاطف وازاى يفكرو يتحدونى
_____________________________
عند الدكتور
دخل شريف وامير المكتب عند الدكتور
الدكتور / اتفضلو اقعدو
شريف وامير قعدو
شريف / خير يا دكتور انا اخو المريضه
الدكتور / بص لامير وقال وحضرتك
شريف / ده جارنا وزى اخوها متربين مع بعض
الدكتور / تمام اولا الكلام اللى هقولو ده مش لازم حد يعرفو
أمير / خير يا دكتور قلقتنا
الدكتور / من الواضح أن المريضه كانت بتتعرض لتعذيب بأسلوب واحشى
أمير / بصدمه ازاى يا دكتور مش فاهم
الدكتور / يعنى جسمها كله إصابات
شريف / ما يمكن الاصابات دى بسبب سقوطها من البلكونه
الدكتور / هى حدفت نفسها من البلكونه
شريف / ايوه
الدكتور / بس الجروح دى مش من النهارده دى بقالها ايام والواضح انها مضروبه بحزام أو بحاجه شبيها لمده وثانيآ ايديها فيها حرق شكله جديد والكسر اللى فى صوبعها ده مش من السقوط ده مكسور بطريقه تانيه
أمير / بدموع ايوه الحرق ده انا شوفته فى ايديها النهارده
شريف / الندل الجبان تملى كنت بشوف الوجع فى عينيها وهى كانت رافضه تحكى حاجه
أمير/ بغيظ ابن ال ودينى لادفعه تمن كل الالم اللى حسيت بيه زهره معاه ووقف
الدكتور / ارجوك المشاكل دى تكون خارج المستشفى مش هنا فى مراضه محتاجين الراحه والهدوء
شريف / اهدا يا أمير الدكتور عنده حق احنا كده كده هنخدوها معنا وبره نتصرف معاه
أمير / بدموع مش قادر استحمل الوجع عليها ومش متخيل قد ايه هى اتعذبت العذاب ده
شريف / وانا زيك واكتر يا امير بس برضه نراعى الناس التعبانه هنا ووقف وقال شكرآ يا دكتور
الدكتور / العفو بس زى ما طلبت منكم محدش يعرف بالكلام ده
شريف / اكيد طبعآ وسلمو عليه وخرجو
أمير / اه الواطى الجبان بيتشطر عليها وبيعذبها ايامه سوده معايا
شريف / اهدا علشان ميبنش حاجه عليك ولما يسألو كان الدكتور عايز ايه نقول مثلا كان بيسأل على اللى حصل لزهره ده من ايه
أمير / ماشى وراحو عند اوضت زهره ووقفو تحت نظرات عاطف وفضلو الاتنين يبصو لبعض بتوعد وغيظ وشويه وجت ساره وامينه ومحمود وريم وسامح وقعدو يستنو خروج زهره من اوضت العمليات وبعد وقت طويل خرجت زهره من العمليات ودخلت الاوضه بتاعتها ودخلو كلهم يطمنو عليها
زهراء / حركة راسها وقالت امممممم تعبانه امير انت فين يا أمير انا بحبك متسبنيش ارجوك
عاطف / سمع كلام زهره قفل ايده بعصبيه
أمير / ايوه يا زهره انا جنبك اهو
زهراء / ابعد عنى يا عاطف انا بكرهك بكرهك
أمير / بص على عاطف بغيظ وبعدين بص لزهره وقال انا جنبك يا زهره متخفيش محدش هيقدر يعملك حاجه ومسك ايديها
عاطف / راح مسك امير من هدومه وقال سيب ايد مراتى
أمير / مسكه هو كمان من هدومه وقال انت اعمل حسابك انك هطلقها فاهم
عاطف / انت بتحلم انا مش هبعد عن زهره
ادخلت الشباب وقدرت تفصل الاتنين عن بعض
أمير / هطلق زهره برضاك أو غصب عنك
عاطف / ورينى هطلقها منى ازاى لو راجل
أمير / سبونى عليه اوعى يا شريف انت ومحمود
محمود / اهدا يا أمير مش كده راعو أن زهره لسه تعبانه
عاطف / زهره هتخرج من هنا على فيلتى اللى فى اسكندريه وورونى هتمنعونى ازاى اخدها
سمير / تعال معايه يا عاطف
عاطف / لاء مش هسيب مراتى واخرج
سمير / مراتك لسه مفقتش يا ابنى تعال بس
عاطف / بص لامير بغيظ وبص على زهره وخرج مع سمير
أمير / راح تانى عند زهره وقال زهره ردى عليا ارجوكى حاسه بأيه
زهراء / امممم امير
أمير / ايوه يا زهره انا جنبك اهو
زهراء / فتحت عينيها بصعوبه وقالت اااااه انا تعبانه اوى ااه امير
أمير / مسك ايديها وقال بعد الشر عنك يا زهره
زهراء / بصت بدموع لامير وقالت ليه بعد عنى ليه وسبتنى عايشه فى العذاب لوحدى انا اتعذبت كتير وانت بعيد عنى
أمير / بدموع حقك عليا وبوعدك مش هسمح لاى مخلوق على الأرض يلمس شعره تانى منك
زهراء / بدموع بعد ايه بعد ما خسرت كل حاجه
ساره / قعدت جنبها على السرير وقالت أهدى يا زهره انتى لسه تعبانه
زهراء/ بدموع وانتو مفكرنى حاسه بوجع دراعى ههههه ده الوجع ده ميجيش حاجه جنب الوجع اللى شوفته على ايد البنأدم المجنون ده انا كنت بموت فى اليوم مليون مره
نبيله / بدموع يا قلب امك يا بنتى
ريم / بدموع انا من الاول مكنتش مرتاحه لبنأدم ده
امينه / انتى عملتى كده ليه فى نفسك يا بنتى
زهراء / بدموع تعبت يا خالتى من العيشه معاه
سامح / كان بيعملك ايه بيضربك مثلا
زهراء / بضحكة وجع ياريت الوجع كان من الضرب بس يا سامح فيه حاجات كتير وجعتى اكتر من الضرب
شريف / زى ايه
زهراء/ متحطوش فى بالكم
أمير / قعد على ركبه فى الارض وقال وعد منى من هنا ورايح مش هسمحلو يأذيكى يا زهره
زهراء /بصت الاتجاه التانى وقالت انت بالذات بلاش يا أمير تقرب منه
أمير / ليه يا زهره
زهراء / كده وخلاص يا أمير
شريف / ولما هو كان بيعمل معاكى كل ده ليه مجتيش قولتى لينا واحنا كنا انقذناكى من تحت أيده
زهراء / خوفت
سامح / خوفتى من ايه يا زهره
زهراء / ايوه خوفت عليكم من شره اللى زى عاطف ده مريض نفسى وكان ممكن يأذى اى حد فيكم انا استحمل الاذيه فى نفسى لكن مقدرش استحمل حاجه فيكم
شريف / العيب مش عليكى العيب على اللى كان تملى بيشكر فيه وبيقول على مميزاته ومقلش على عيوبه وان هو واحد مجنون وبص على لميس
لميس / فهمت الكلام عليها زعلت وقالت احم الف سلامه عليكى يا زهره وبعدين قالت هروح اشوف بابا عن اذنكم وخرجت من الاوضه
نبيله / ليه كده يا ابنى زعلتها البنت كويسه وبنت حلال ومش ذنبها حاجه
شريف / ليه مين قعد يلعب فى دماغك وتشكر فيه مش هى وخليتك تجوزيه زهره
نبيله / يا حبيبى الجواز قسمه ونصيب وده مقدر ومكتوب روح حايلها بكلمتين لميس كويسه وبتحبك
شريف / مش دلوقتى يا ماما
أمير / شاف دموع زهره نازله مد أيده مسحها وقال ششششش بلاش دموعك ده يا زهره انا جنبك ومش هبعد واسيبك مهما حصل
زهراء / لو سمحتو انا تعبانه ممكن تسبونى لوحدى
ساره / طيب انا هقعد معاكى علشان لو محتاجه حاجه
زهراء / شكرآ يا ساره مش محتاجه حاجه
أمير / محمود خد ساره وريم وخالتى وامى روحهم واحنا هنقعد لحد ما الدكتور يكتب خروج لزهره هنجبها ونيجى
محمود / ماشى يلا يا جماعه
ريم / لاء انا هستنى زهره واجى معاها
أمير / لاء يا ريم روحى انتى وشويه واحنا جاين وراكم
ريم / حاضر يا أبيه
محمود / اروح خالتى على الشقه ولا فين
نبيله / ايوه يا ابنى امال هنروح فين
أمير / لاء يا خالتى انتو هتروحو على الفيلا عندنا
نبيله / لاء يا ابنى انا مش هسيب شقة المرحوم
محمود / ليه بس يا خالتى الفيلا كبيره وتخدنا كلنا ياريت يا خالتى وافقى بالله عليكى
امينه / ياريت يا نبيله تيجى تعيشو معانا انا من يوم ما روحت الفيلا دى وانا مش بلاقى حد يقعد معايا
نبيله / والله انا نفسى اكتر منكم بس صدقونى مش هينفع لأسباب كتيره
أمير / خلاص يا خالتى اللى يريحك وديها على الشقه يا محمود
محمود / حاضر يلا بينا
ونزلو الحريم مع محمود وركبو العربيه ووصل ريم ونبيله الشقه وبعد كده روح امينه وساره
وخرج امير وسامح وشريف وقفو بره الاوضه وسابو زهره تريح شويه
عند عاطف وسمير ولميس
لميس / انت عملت ايه فى زهره خلتها كرها الحياه وانتحرت
عاطف / معملتش معاها حاجه هى موضوع جواز الزفت ده من واحده غيرها مجننها وعملها اكتئاب حاولت بكل الطرق انسيها بس معرفتش
سمير / بس مش هو ده السبب يا عاطف دى قالت انت السبب وقالت إنها بتكرهك
عاطف / هو مش استجواب يا عمى دى مراتى ومش من حق اى حد يدخل ما بنا عن اذنكم
لميس / شايف يا بابا اللى بيعملوا وبسببه شريف زعلان منى ذنبى ايه انا
سمير / متنسيش أن هو زعلان على أخته
لميس / عارفه يا بابا بس انا مكذبتش عليهم انا قولت اللى انا شيفاه فى عاطف مزوتش ولا نقصت
سمير / معلش راح ولا جه ده ابن خالتك يعنى من طرفك اصبرى شويه واول ما يروق ابقى روحى كلميه ده جوزك برضه
لميس / ما انا هعمل كده وياريت ما كان عاطف اتجوز زهره ياريت
عند امير وشريف وسامح
شريف / انا دماغى هتفرتك حد فيكم يشرب قهوه
سامح / انا عايز
شريف / وانت يا أمير
أمير / لاء مليش نفس لاى حاجه
شريف / خلاص تعال ياسامح نشرب قهوه ونرجع تانى ونزلو الاتنين وسابو امير لوحدو
أمير/ فتح الباب عند زهره لاقها نايمه قفل الباب تانى وراح يدخل الحمام
وفى الوقت ده جه عاطف ودخل عند زهره لاقها نايمه قعد جنبها ومسك ايديها وداس على صوابعها جامد
زهراء / حست بألم صحيت من نومها وقالت اااااه ا.ا انت انت ايه جايبك هنا اطلع بره
عاطف / انتى ناسيه انك مراتى ولا ايه يا زوزو
زهراء / بقولك ابعد عنى واطلع بره مش طايقه اشوفك انا بكرهك يا عاطف بكرهك
عاطف / قرب منها ومسكها من شعرها وقال انا قدرك الاسود يا زهره ومش هتعرفى تبعدى عنى حتى لو بالموت واى حد يحاول يبعدك عنى هنصفه نصف وهبعته رحله للاخره انا سبق وقولتلك أن مش بفرط فى الحاجه اللى تخصنى ابدآ وانتى بتاعتى انا انا وبس يا زهره وساب شعرها ووقف وقال لو خايفه على حبيب القلب ابعدى عنه يا زهره
زهراء / بدموع انت ليه بتعمل معايا كده عملت ليك ايه علشان تعذبنى العذاب ده انت كرهتنى فى نفسى والحياه طلقنى وسبنى فى حالى بقى ضرب وضربتنى حرق وحرقتنى كسر وكسرتنى حتى الاغتصاب اغتصبتنى فيه ايه تانى ناقص معملتهوش فيا حتى الموت جملته فى عينى وخلتنى احدف نفسى من البلكونه حرام عليك ارحمنى بقى
عاطف / ولسه كمان يا زهره لو مبعديش عن امير هخليكى تشوفيه جثه قدامك
زهراء / بدموع ارجوك متأذهوش حرام عليك معملش ليك حاجه
عاطف / وهو بيدوس على سنانه قال عمل لما تبقى مراتى بتفكر فيه وهى معايه يبقى عمل لما يكون مستحوذ على قلبك وحرمنى منك يبقى عمل هو سبب فى كل مشاكلى معاكى يا زهره
زهراء / بدموع حرام عليك بلاش تعمل حاجه فيه ارجوك
عاطف / يبقى تبعدى عنه وتروحى معايا الفيلا لو خايفه عليه بجد
زهراء / بوجع حاضر يا عاطف حاضر
عند امير كان خارج من الحمام وسمع ناس بتتكلم وسمع حاجه عن زهره خليته يوقف يسمع بيقولو ايه
سميحه / يا عينى على البنت دى الدنيا ملطشه معاها
الممرضه / بنت مين يا اختى اللى بتقوليه عليها دى
سميحه / البنت اللى وقعت من البلكونه
الممرضه / اااااه انتى تعرفيها
سميحه / ايوه جت هنا المستشفى من كام شهر وكانت حالتها صعبه ووشها كان مش باين ليه ملامح والدكاتره عملو ليها عمليه ودخلت فى غيبوبه ودخلت العنايه والدكتور أمر أنها تتشال من على الاجهزه مدام مش معروف ليها اهل وانا صعبت عليا علشان لو اتشالت من على الاجهزه هتموت واتصلت بواحد اللى هو جوزها دلوقتى اخدها فى طياره مخصوص للاسكندريه وقعدت فى الغيبوبه فتره ولما فاقت اكتشفوا انها فاقده الذاكره واتصل بيا عاطف باشا وسألنى اذا كنت اعرف حاجه عن اهلها وانا معرفهاش اصلا ومعرفش بعد كده ايه حصل واتجوزو معرفش رجعت ليها الذاكره ولا لاء
الممرضه / وانتى عرفتيها ازاى وانتى بتقولى وملامحها كانت مش واضحه
سميحه / شوفت عاطف باشا ونبه عليا أن مقولش حاجه من دى قدام اهلها معرفش ليه وبعدين اه هى كانت ملامحها مش واضحه بس اكيد يعنى فى كذا حاجه عرفتها منها زى طول جسمها ولون شعرها تدويرة وشها واضحه يعنى
الممرضه / ربنا يقومها بالسلامه احنا ملناش دعوه هما ناس أكابر مع بعضها
سميحه / على رأيك تعالى نشوف شغلنا احسن لو حد شافنا قاعدين كده مش هيرحمونا وراحو يشوفو شغلهم
أمير/ كان مصدوم لما سمع كده وقعد فى الارض ودموعه نزلت منه وقال انا غبى غبى ظلمتها وكنت مفكرها انها بعدت عننا برضاها حقك عليا يا زهره حقك عليا واجعتك وجرحتك بالكلام وانتى مظلومه وسكتى ومتكلمتيش قد ايه انا واحد ضعيف هربت علشان متتجوزش غيرى وعرضت حياتها للموت وفى المقابل روحت واتجوزت ووجعتها بالكلام وظلمتها اااااااه يارب انا اتعذبت اكتر لما عرفت الحقيقه وان هى بعدت عننا غصب عنها ومسح دموعه وقال من هنا ورايح هعوضك عن كل اللى فات يا زهره هصلح القديم وهطلق سهى وهنعيش مع بعض العمر كله ومش هبعدك عنى لو لحظه واحده وراح عندها ودخل وقعد جنبها وقال زوزو حبيبتى عامله ايه دلوقتى
زهراء / وهى حابسه دموعها فى عينيها لو سمحت ابعد عنى متنساش أن انا واحده متجوزه
أمير/ مسك ايديها وقال زهره انا هطلقك منه ونتجوز زى ما كنا بنحلم طول عمرنا ومش هنبعد عن بعض لو لحظه واحده
زهراء / ومين قالك أن انا عايزه أطلق من عاطف انا هرجع معاه
أمير / وقف وقال بأستغراب ترجعى معاه فين
زهراء / هرجع فيلتى وانت مفكرنى أن انا هفرط فى الملايين دى بسهوله ده انا ابقى مجنونه لو بعد عن العز ده كله ورجعت لفقر
أمير / بصدمه ايه اللى انتى بتقوليه ده يا زهره انتى قولتى انك بتكرهى وحدفت نفسك من البلكونه بسببه هو
زهراء / ع.ع.عادى اى راجل وست بيحصل ما بنهم مشاكل ويمكن انا اه محبتهوش بس حبيت فلوسه وده كفايه بالنسبه ليا
أمير / بضحكة سخريه هه وانا فكرتك انك اتغيرتى وعرفتى أن الحب اهم من اى حاجه بس كالعاده طلعت عبيط واهبل صح اللى فيه طبع عمره ما يغيره انتى هتفضلى زهره اللى بتعشق الفلوس اكتر من اى حاجه تانيه حتى لو هتيجى على حساب نفسها وعلى حساب كل اللى بيحبوها حتى لو هتخسر كرامتها وتتهان وتضرب بالحزام شبه العبيد كله يهون قصاد فيلا وعربيه وملايين فى البنوك
زهراء / وهى بتحاول تحبس دموعها ايوه انا كده بالظبط الفلوس عندى اهم من اى حاجه حتى اهم منك انت كمان اتفضل روح لمراتك وابنك هما اولى بيك منى
أمير / بصلها بدموع وقال هتخسرى كتير يا زهره كتير وخرج ورزع الباب وراه
شريف / امير مالك
أمير / سابه ومردش عليه
زهراء / اول ما امير خرج عيطت وقالت حقك عليا يا أمير انا عملت كده علشان أحميك من شر عاطف انا بحبك وهفضل احبك انت وبس
شريف وسامح دخلو عليها
شريف / هو في ايه انتى وامير
زهراء / مسحت دموعها وقالت مفيش بس انا قررت هرجع مع عاطف
سامح / ايه اللى انتى بتقوليه ده يا زهره بعد ما كان هو السبب فى انك ترمى نفسك من البلكونه هترجعى ليه
زهراء / دى حياتى وانا حره فيها
شريف / زهره انا متأكد أن وراه كلامك ده حاجه كبيره ومدريها عننا قولى يا زهره ومتخفيش
زهراء / اتوترت وقالت م.م.مفيش يا شريف كل الحكايه أن انا اتعلقت بالاولاد ومقدرش ابعد عنهم
شريف / برضه مش مقتنع فيه سبب تانى
الجده / هقولك انا السبب التانى
شريف / تيته حضرتك جيتى امته
الجده / رجعت الفيلا من شويه والخدم حكو ليا اللى حصل وجيت هنا علطول علشان اعرفكم حقيقة عاطف ابن بنتى واللى متأكده منه أن وراه كلام زهره ده خوف منه ومن شره انا لو اعرف ان اختك هى اللى هيتجوزها عاطف انا كنت منعت الجوازه دى تكمل
شريف / ايوه يا تيته انا عايز اعرف ايه السر اللى وراه اللى اسمه عاطف ده
الجده / قعدت على السرير واخدت زهره فى حضنها وقالت انا عارفه المأساه اللى عشتيها مع عاطف واللى وصلتك للحاله دى وانتى مش اول واحده يعمل معاها كده فيه قبلك كتير اوى وللأسف مش بيسلمو منه فيه اللى موت نفسه زى ما انتى عملتى كده وفيه اللى كانت اخرتها مستشفى الامراض العقليه وكله بسبب واحده حبها عاطف زمان اسمها زينب وكان لسه شاب صغير وفقير ومش معاه ولا مليم وبعد اكتر من اربع سنين حب وخطبها وكان خلاص فاضل ايام على الفرح سابته وراحت لواحد مع فلوس يعنى سابته علشان الفلوس طبعآ دخل فى حاله نفسيه وادويه وقعد فتره كبيره بيتعالج وبعد وقت اتحسن عاطف واجتهد وفتح شركه وفى وقت قصير جدآ بقت من أكبر الشركات وهو من أكبر رجال الأعمال وبعد كذا سنه زينب رجعت ليه وهى دموعها على خدها وعملت نفسها ندمانه على اللى حصل وهو علشان كان لسه بيحبها صدقها واتجوزها كمان وكانت بتاخد منه فلوس كتير اوى وهو حتى عمره ما سأل الفلوس دى بتروح فين وكل ما تطلب يديها علطول ومره جت ليه سفريه وسابها وراح علشان يركب الطياره بس السفر اتأجل لتانى يوم لأسباب أمنية ورجع تانى على الفيلا وشاف ابشع منظر شاف زينب مراته فى حضن جوزها الاولانى على سريره بقميص النوم طبعآ اتغيب تمآمآ ومسك الراجل ده وقعد يضرب فيه لحد ما اغمى عليه وزينب دى من الخوف طلعت تجرى بقميص النوم فى الشارع وهى بتجرى وعاطف بيجرى وراها بتبص وتشوف المسافه اللى ما بنهم كانت فيه عربيه جايه وخبطت زينب وطلع عاطف يجرى عليها بخوف واخدها فى حضنه وقعد يعيط شبه الاطفال وبقى يقولها قومى يا زينب انا والله مكنتش ناوى اذيكى انا بحبك وشالها واخدها فى العربيه ووداها المستشفى وحالتها كانت خطر ودخلت فى غيبوبه بس للاسف ماتت حالته بقت اصعب من الاول وحاول أن هو يموت نفسه كذا مره علشان يروح ليها وكان مفيش غير الكلام ده على لسانه انتى ليه بعدى وسبتينى وانا بحبك ليه تعملى فيا كده ومع الاسف دخل المصحه وعاش فتره فيها ولما اتحسن خرج وبدأ يكبر شركته تانى وبقى يساعد اى حد يجى المستشفى فى حادثه ويصرف عليه لحد ما يقوم من مرضه وبعد كده قولنا نجوزو واحده تنسيه حبها بس للاسف كل ما يتجوز حد يعذبها ويقعد يضرب فيها ويقولها انا بحبك ليه تعملى فيا كده فى منهم استسلم لأفكاره ويأس وانتحر وفيه منهم بقى يهرب من الواقع المؤلم لحد ما يتجن ويدخل المصحه وفى يوم قابل واحده اسمها ملك واتجوزها دى اكتر واحده عاشت معاه شافت عذاب منه اشكال والوان و رغم كده استحملت وجابت منه رائف وبيلار وللاسف حبته بس كانت عندها حب استطلاع فحاولت تعرف ايه حكاية زينب اللى تملى يناديها بأسمها دى ودورت وراه وعرف عاطف عذبها بجميع طرق التعذيب لدرجة حلق ليها شعرها خالص ومره نيمها فى الحمام من غير هدوم فى عز السقعه ومره تانيه قعدها فى اوضه ضلمه وفيها فيران طبعآ مقدرتش تستحمل اكتر من كده وكل ما حد يجى يقرب منها تصرخ وتبعد عنه وتترعش وتقول ابعدو عنى انا حرمت مش هعمل كده تانى وتقول كلام غريب وطبعآ عاطف دخلها مستشفى الامراض العقليه ولما بقت كويسه دفع فلوس للمستشفى علشان متخرجش من هناك وبعد سنه قابلك انتى يا زهره وقرر نفس اللى كان بيعملو مع اللى قبلك وكالعاده وصلتى لنفس النقطه اللى بيوصلو ليها كل اللى فاتو الانتحار
زهراء / بصدمه ا.ا.ايوه ل.ل.لما كان بيعذبنى بيكلمنى على أساس انا زينب ويقولى كلكم خاينين
الجده / وكان بيعمل كده مع ملك ام الاولاد علطول يقولها انتى بتخونينى
زهراء / بس هو ليه قال إن مراته ميته
الجده / هو لما حد يسأله على ملك يقول انها ماتت حتى الاولاد قال ليهم أن امهم ميته
سامح /وليه ساكتين عليه لحد دلوقتى ليه مدخلتهوش المستشفى تانى
عاطف / بيبقى طبيعى ومحدش يشك فيه وبيتعامل مع أى حد بزوق واحترام الحاله دى مش بتيجى غير مع اللى متجوزهم
شريف / ولميس تعرف كل ده
الجده / لميس تعرف أن هو كان تعبان وخف لكن متعرفش اى حاجه من اللى بتحصل دى
زهراء /طيب والصور اللى فى الفيلا دى بتاعة مين انا شوفت ملك دى واستغربت لما عرفت أن هى دى ام الاولاد علشان مش شبه الصور خالص زى ما هو فهمنى وقال إن دى مراته
الجده / الصور اللى فى فيلا الاسكندريه وفيلا القاهره بتوع زينب وكل واحده يتجوزها يقولها أن دى صور مراته ومستحيل يشيلهم علشان كده علطول محطوطين على الحيطه
حتى اسامى أولاده بيلار ورائف زينب اللى كانت عايزه تسمى كده واول ما ملك ولدت بيلار سمها زى ما زينب عايزه ونفس الحكايه مع رائف
سامح / مستحيل اختى تروح معاه ده ممكن يأذيها
الجده / انت كده بتزود الخطر عليها وعلى اللى حواليها اكتر
شريف / والحل
الجده / تروح مع عاطف
سامح/ لاء طبعآ واحنا قادرين نحميها منه
الجده / على فكره محدش يقدر على عاطف وعلى شره غير زهره
زهراء / بدموع انا
الجده / ايوه انتى عاطف حبك بجد ودليل على كلامه ده روحى شوفى الفيلا اللى فى اسكندريه هتلاقي عاطف شال صور زينب وحاطط صورك انتى معنى كده انتى قدرتى تنسيه زينب والامل فى ايدك انتى ترجعي عاطف بتاع زمان
زهراء / وانتى عرفتى ازاى ان هو حاطط صورى انا
الجده / لان انا زورت عاطف فى الفيلا بتاعة اسكندريه وانتى هنا ولما كلمته حسيت أن هو بيحبك بجد واللى بيعملو فيكى ده من غيرته عليكى علشان عارف ومتأكد انك بتحبى حد غيره
زهراء / فعلا انا بحب غيره ومستحيل احبه
الجده / انتى كده بتفتحى النار عليكى وعلى الناس اللى بتحبيهم
شريف / ولا يقدر يعملها حاجه
زهراء / بدموع ممكن تسبونى لوحدى
سامح / اوعى تخافى يا زهره احنا هنحميكى منه
زهراء / سبونى لوحدى لو سمحتو
الجده / تعالو معايا يا ولاد وسبوها براحتها وخرجت هى وسامح وشريف وراحو يقعدو على الكافتيريا
زهراء / قامت بصعوبه من على السرير وفتحت الباب براحه وبصت منه ملاقتش حد واقف خرجت منه بسرعه ونزلت الشارع ووقفت تاكسى وراحت عند المقابر وقالت لسواق بدموع اسفه معيش فلوس اديها ليك وبعدين بصت على دبلتها قلعتها وقالت معيش غير دى خدها بعها وخد فلوسها كلها ليك
السواق / صعبت عليه وقال البسى دبلتك يا بنتى وانزلى وربنا يرحم الميت متزعليش كلنا هنموت
زهراء / بأستغراب ميت مين
السواق / اللى انتى عامله فى نفسك كده علشانه واللى انت داخله عنده دلوقتى
زهراء / ا.ا.اه ده ابويه
السواق / ربنا يرحمه ويصبر قلبك
زهراء / نزلت وقالت ش.ش.شكرآ ليك
السواق هستناكى اروحك مكان ما انتى عايزه
زهراء / بدموع لا متعطلش نفسك امشى انت وانا هعرف اروح
السواق / ربنا معاكى يا بنتى
زهراء / دخلت المقابر وراحت عند قبر ابوها وقعدت فى الارض وقالت شوفت اللى بيحصل لبنتك يا بابا انا تعبت اوى وبتعذب اوى اوى يا بابا عايزه ابقى جنب امير وفى نفس الوقت خايفه عليه وعلى اخواتى من شر عاطف قولى اعمل ايه يا بابا حتى الموت فشلت فيه انا بجد تعبت ومبقتش قادره استحمل الوجع اكتر من كده مش لو كنت عايش دلوقتى كنت ضمتنى فى حضنك وحسستنى بالأمان طبطبت عليا ومسحت دمعتى بأيدك الحنينه انا ضعيفه اوى من غيرك يا بابا انا محتاجه حضنك اوى يا بابا وحطت راسها على قبر ابوها وقعدت تعيط وفى نفس الوقت سمعت صوت حد بيعيط جنبها قامت وراحت لاقته امير بيعيط عند قبر ابوه حطت ايديها على كتفه
أمير / بيبص لاقها زهره زق ايديها وقال ابعدى عنى متلمسنيش انا تعبت من حبك يا زهره مشوفتش منه غير عذاب ووجع قلب ورغم كل ده مش قادر اكرهك وحبك فى قلبى بيزيد انا تعبت بجد تعبت
زهراء / لاء انا اللى عايشه سعيده ومبسوطه انا اللى الدنيا كلها بتضحك ليا والحياة بمبى قدامى ههه قولى عذاب ايه اللى انت شايفه روحت اتجوزت وربنا فتحها عليك ورزقك بطفل محتاج ايه تانى من الدنيا
أمير / محتاجك انتى يا زهره مش عايز فلوس مش عايز حاجه من الدنيا غيرك انتى وبس يا زهره
زهراء / صعب يا أمير انا صعب ابقى ليك يا أمير صعب وسابته وطلعت تجرى
أمير / قام جرى وراها وخرجو من المقابر وقال صعب ليه ها علشان فلوسه وشركاته صح
زهراء / ضربته على صدره وقالت علشان بحبك يا أمير بحبك وخايفه عليك واترمت فى حضن امير وقعدت تعيط وقالت انا تعبت واتعذبت يا أمير صدقنى انا ولا يهمنى فلوس ولا يهمنى اى حاجه من الدنيا دى غير سلامتك يا أمير انا لو حصل ليك حاجه هموت يا أمير هموت
امير / ولو انتى زى ما بتقولى كده وانك بتحبينى ليه اتجوزتى غيرى
زهراء /بعدت عنه وقالت انت السبب يا أمير انت اللى روحت اتجوزت واحده غيرى اتصدمت فيك يا أمير اخترت اتجوز وابعد عنك علشان مكنتش هقدر استحمل اشوفك مع غيرى عرفت انا اتجوزت ليه مش علشان فلوسه يا أمير وراحت قعدت جنب الحيطه فى الارض وقالت فكرت أن كده هرتاح لما ابعد عنك لكن كنت غلطانه رميت نفسى فى نار اكبر صدقنى انا موجعنيش الضرب قد ما كان وجعنى بعدى عنك يا أمير انا بحبك ولا عمرى كرهتك وهفضل احبك رغم كل اللى بيحصل ما بنا ده
أمير / قعد جنبها وقال ولما انتى بتحبينى كده ليه مش عايزه تفضلى جنبى
زهراء / بدموع علشان خايفه عليك
أمير / خايفه عليا من ايه يا زهره
زهراء / بدموع خايفه عليك من شر عاطف خايفه يأذيك يا أمير انا اموت ولا أن اشوفك بتتوجع يا أمير
أمير / مسك ايديها وقال متخفيش عليا يا زهره انا اقدر احميكى واحمى نفسى بس بلاش تبعدى عنى
زهراء / بدموع ومراتك وابنك اللى فى بطنها
أمير / سكت شويه وقال زهره جوازى من سهى مش زى ما انتى مفكره
زهراء / مش عايزه اعرف يا أمير حاجه
أمير / لازم تعرفى الحقيقه اللى هى السبب فى اللى احنا وصلنا ليه ده انا جوازى من سهى جواز صورى جواز علشان استرها من الفضيحه لما طلبت منى اتجوزها علشان خايفه ابوها يعرف ويقتلها وانتى عارفه أن عمرى ما هقبل بكده يا زهره اتجوزتها ويوم ما شوفتك عند عاطف فى اسكندريه كنت عند الدكتور اللى عمل كده فيها واتفقت معاه أن هو هيجى يتجوزها بعد فرح أخته بس القدر لعب لعبته والدكتور ده مات يوم فرح أخته وسهى بقت ملزومه منى بس اكيد هطلقها يا زهره
زهراء / واللى فى بطنها ده مش منك
أمير / بص على الأرض وقال احم منى
زهراء / ازاى وانت قولت جواز صورى
أمير / ما هو كان كده بس يوم ضعفت وشوفتها انتى و.و.و
زهراء / بدموع ونمت معاها
أمير / والله العظيم هى المره دى بس وعلى أساس أنها انتى
زهراء / هه مش هتفرق مره ولا اكتر المهم بقى عندها ابن منك
أمير / بس اكيد هاخد ابنى منها وهطلقها انا اتجوزتها على أساس أنها هترجع لدكتور ريان
زهراء / بصدمه اسمه ايه
أمير / ريان
زهراء / فى مستشفى ايه
أمير / اسمها (……..)
زهراء / المستشفى دى اللى كنت محجوزه فيها لما كنت فاقده الذاكره وهو اللى كان بيعالجنى
هو مات امته
أمير / من شهر تقريبآ
زهراء / ازاى وانا لسه شيفاه فى اسكندريه اليوم اللى جيت فيه القاهره
أمير / بصدمه قصدك ايه أن هو عايش
زهراء / لو انت قصدك على الدكتور ريان اللى كان بيعالجنى فى المستشفى ايوه عايش
أمير / لو فعلا عايش هيبقى أيامه سوده معايا
زهراء / بدموع احنا الاتنين ظلمنا بعض جامد اوى يا امير
أمير / ورغم ظلمك ليا بحبك اوى يا زهره وعمرى ما كرهتك بالعكس حبك بيزيد فى قلبى اكتر من الاول
زهراء / بدموع وانا بحبك بحبك اوى يا امير ومقدرش اكرهك مهما حصل ارجوك خليك جنبى ومتبعدش عنى انا من غيرك بموت يا أمير انا محتاجك اوى جنبى وباست ايده
أمير /بدموع يعنى مش هترجعى لعاطف تانى يا زهره
زهراء / ………….
___________________________