رواية الاتفـاق الحلقة السابعة 7 بقلم ميشو محمد
 |
| رواية الاتفـاق الحلقة السابعة 7 بقلم ميشو محمد |
رواية الاتفـاق الحلقة السابعة 7 بقلم ميشو محمد
بعد رجعو من المستشفى
فهد ومنصور نزلو: انت انزل اوصلنا
منصور ف السيارة: انزل نشربوك حاجه
فهد: اني مش راجع بنشرب شي اني راجع لحوشي نرجع لشقتي ناخد حاجاتي الضروريات
منصور: ايه مرحبتين..ونزل
فهد يشوف ف المرايا لجنب الباب يشوف ف سيارة جابر نازله منها رهف تضحك مع يوسف
…
فهد شاف روحه ف المرايا لقدامه: الهدية شن رح تكون ????♂️
فهد قعد ف السيارة: شن فهمني ف البنات اني ال???????? لكن الفرخه ساعدتني ضروري منها الهدية
فهد نزل لمحل تغليف الهداية: سلاام عليكم
صاحب المحل: وعليكم السلام
فهد شاف المحل: لو سمحت اني من الاخير مانعرفش ف الهداية نبي هدية لشخص نجح ف الشهادة التانوية
صاحب المحل ابتسم: لـ بنت او ولد
فهد: بنت ❤
صاحب المحل: ماتعرفش هيا بالك خاطرها تاخد حاجه او عاجبتها حاجه
فهد: مانعرفش ????♂️
صاحب المحل ضحك: اني خايف نجهزلك هدية وماتعجبكش
فهد: اهاا اوكي اني رح نشوف لعندك ممكن تعجبني حاجه
صاحب المحل:اوكي تفضل
فهد يتفرج شاف هلباا حاجات رجع لصاحب المحل:لو سمحت نبيك تصمملي تاكم خاص
صاحب المحل:اي عادي تاكم كامل؟
فهد: اي ويكون حاجه حلوة
صاحب المحل طلعله تصميمات مكتوب غليهم اسماء بنات:نكتبلك اسمها ع السلسال؟
فهد: اي عادي لكن بالانجليزي اكتبه
صاحب محل عطاه ورقه:اكتبلي كيف تبيه الاسم
فهد كتبله رهف بالانجليزي حس انه اسمه يشبه اسمها هلباا
Rahaf رهف ❤
Fahadفهد❤
فهد مدله الورقه: هدا الاسم امتى يجهز؟
صاحب المحل: عطيني رقمك ولم يجهز نتصل بيك
#بااختصار عشان ماتملوو
بعد مجهز التصميم خداه ورجع لحوشه والهدية عنده
تاني يوم
بعد العصر
خدي الهدية وطللع شنطته عشان راجع لـ دبي وحطهم ف السيارة
رهف وقفت ع شباك شافت الشنطه ????????????
طققق طققق
عايده فتحت: اهلا
فهد:اهلا بيك كيف الحال
عايده:الحمدلله تفضل خش
فهد خش:مستغربه من زيارتي صح؟
عايده:لا ولله ماصارت تفضل ف اي وقت
فهد:الله يعزك اني سمعت لشفت الناتيجه لـ رهف وقلت عيب شفتلها الناتيجه ومدرتلهاش هدية ????
فهد قام البوكس: هدا لـ رهف عطيه لها
عايده خدت الهدية : اشششيه صحيت نردهالك ف عرسك نشالله
فهد وقف:هي نستاذن ملا
عايده حطت الهدية ع الطاولة: خل نضيفك حاجه قعمز
رهف تسمع فيهم من غرفتها ????????
فهد: مانقدرش عندي طيارة مستعجل صحيتي
عايده:مسافر؟
فهد:اي راجع
عايده:خلاص توا ليبيا مش عجباتك
فهد ابتسم:لا وللهي ماهكي
عايده ساكت
فهد:باهي ملا مانعطلش عليك نشوفك بخير سلام
عايده:توصل بسلامه نشاالله ????
فهد:الله يسلمك..ونزل
رهف بعتتله رساله ع ايميله ( لو سافرت معادش تتواصل معاي فاهمممم )
بعتتله تاني ( تقيس ف غلاك انت؟)
بعتتله ( صدقني لو تسافر معاد يجي بيني وبينك حرف)
وصكرت النت
#_بااختصار
فهد بعد ماوصل لـ دبي خش للفندق وخش غرفته قبل مايشوف الغرفه قعمز اتكه ع السرير
فهد: خلي نشوف الغزالة عجبتها الهدية او لا؟
فتح نت ووصلوه الرسايل قام حاجبه وضحك ????
فهد لقها فاتحه (رهف)
رهف(وصلت؟..)
فهد(اي وصلت )
فهد (علاش تبي حاجه من هني؟)
رهف (علااش مسافر؟)
فهد(خدمتي وملافاتي ووراقي كلهم هني)
رهف (علااش راجع لليبيا مدام وراقك وحاجاتك المهمه ف دبي)
فهد(الوراق والملافات اني مقلتش حاجاتي المهمه الوراق والملافات مش مهمات بنسبه ليا)
رهف (مدام مش مهمات علاش رجعت)
فهد (علاش مندفعه انتي اني نشتغل هني)
رهف( خود ملافاتك وسجل ف ليبيا)
فهد( شغلي ف دبي ماشي تمام ???? علاش بنغير مكان خدمتي….؟)
رهف( لا شي انت حررر ????????♀️)
فهد( بزببط حرر واني لنقرر مش انتي ولا صدقتي روحك انه اني بنسمع كلامك ونصايحك انتي مجرد فرخه صغيرة نساير فها)
رهف ( صغيرة لكن خطيرة حطها ف دماغك باهي اني صغيرة واذكى منك ماتنساش)
فهد( التاكم لبعته ليك يعني اني دفعتلك تمن الخدمه متعك)
رهف ( مش كل شي فلوس انت عقليتك مدمره اعرف اني شنو درت بعدين تعلا وناقشني وعفكره اني خدمتك لانك بريئ وبسسسس)
فهد (مش مهم بنسبه ليا كل شي درتيه انتي كلك ع بعضك مش مهمه انتي مجرد بنت عمي زيك زي اي بنات عمي التانيين )
رهف ( علاش جاي تقولي هكي اني مسألتكش)
فهد ( اي شي تبيه مني اطلبيه وزي اي ولد عم رح امفدلك انتي واخواتك وامك)
رهف ( لالا سلامتك مانبي شي تصبح ع خير)
فهد(وانتي بخير)
رهف حطت الهاتف ع الطاوله:توا بدي اللعب الصح
#بعد_مرور_خمسه_شهور_كاملات
رهف تكلم فها ولد اسمه اصيل يعني خطبها لكن مادرتش خطبه رسميه
اووول مكالمه بين اصيل ورهف
اصيل اتصل..
اصيل:السلام عليكم
رهف: وعليكم السلام
اصيل:كيف الحال
رهف:كويسه الحمدلله كيف حالك انت؟
اصيل:الحمدلله
رهف سكتت
اصيل: رقمك عطتهولي اختي
رهف:اي نعرف هي طلباته مني استاذنت امي ووافقة
اصيل: عجبتيني انك استاذنتي من امك
رهف: تسلم
اصيل:انتي اكيد مشغوله توا وعرس اختك وهكي نعطل فيك؟
رهف:لالا عادي اصلا مافي شي نديروه
اصيل: اهااا ربي يهنيهم
رهف: تسلم اصيل ماما تنادي عليا بنستاذن
اصيل: اذنك معاك سلام
رهف:سلامات..وصكرت الخط
رهف: هدا نصيبي اصيل هو رح يكون راجلي مافيش غيره خلاص رهف ياسرك وهم اصيل رح يكون زوجك مافيش غيرهه..بكتتت لعند ماتعبت وختمت دموعها بكلمة
رهف مسحت دموعها: لنبكي عشانه مايستاهلش حتى دمعه من دموعي ربي يرزقه بكل خير..ونزلت وكان الكل عندهم يجهزو لـ عرس نصيب
فهد ف المستشفى ف دبي
ع المسنجر تررررن تررررن
فهد:ايووه فايز كيف الحال
فايز:تمام الحمدلله شن اخبارك انت
فهد:اهوو تمام بخير
فايز:نشالله قعد ف دبي؟
فهد:اي ف دبي علااش؟
فايز: عزمك عمي جابر ولا؟
فهد:اي عزمني وكلمني حتى جدي ومرت عمي عايده اتصلت لكن مش جاي
فايز:علاااش
فهد: هكي
فايز بمكر:عادي ملا تعالى ف عرس رهف ملا مش تقول لا
فهد:عرس منوو؟
فايز:بنت جابر الصغيرة
فهد غمض عيونه:نخطبت؟
فايز ابتسم بمكر :صح النوم
فهد: ربي يفرحهم
فايز:فكرتك بتجي باهي ملا سلام
فهد: سلام…صكرالخط
رهف تتفرج ع نصيب من بعيد
عمتها حست علها وخلاتها كللهم بدو يشوفو ف رهف لنظراته ع نصيب رهف دمعتها نزلت وناضت حضنت اختها زي ماتقولو تودع فهاا
(محلاااااه شعور انه يكون عندك خوات…اني ماعنديش خوات ????????????????????)
نصيب حضنتها وبدت تبكي معاها:اششش خلااص ????????
رهف حضنتها وتبكي: ????????
عايده وتهاني ناضو فصلوهم ع بعض
عايده: خلاص علاش الدموع
رهف مسحت دموعها ابتسمت:بنرتاح منها مهو ????
تهاني ونصيب:????????
نصيب بدموعها ضحكت:حيوانه ????????
رهف ابتسمت:اني مليت بننزل لجنان شوية
اسماء اخت فايز: ننزل معاك
رهف:يلا
نزلو رهف واسماء
مقلتلكمش انه فايز واصيل صحاب هلبااا
رهف: وووه بننفجر يانااس
اسماء:خيرك علاش
رهف تشوف ف العشب ف الجنان الجنان كله كان اخضر:تعرفي خاطر نقعمز ع العشب ونرتااااح وماحد يتصل بيا وماحد يكلمني وماحد يسمعني
اسماء ورهف قعمزو ع الارض
فهد قعمز ف مكتبه: باهي وخلي تنخطب وتتزوج مالي ومالها
خشله المريض: مرحبا
فهد متعصب لكن مش مبين:مرحبتين تفضل اجلس
وقروو الفاتحه ????????
تاني يوم نصيب مشت للحمام ومشو معها البنات كلهم من غير رهف
رهف وامها وخالاتها قعدو
خالتها صبريه:خيرك مامشتيش مع اختك
رهف بصوت واطي وقفت:ماخاطريش
عايده: رهفف اختك بتتزوج معادش اديري هكي حرام علييك
رهف متجها لغرفتها
عايده بصوت عالي: رهففف نكلم فيك
وجهزو الغدي وتغدو ورجعت نصيب والبنات وعمتها وتهاني والكل تغدى من غير رهف
عايده خشت لغرفة رهف:نوضي تغدي
رخف:خاطريش ياماما
عايده: حتى امس ماكليتي شي شوفي شفايفك كيف جافات
رهف: مافيهم شي ياماما ماتبالغيش ماخطريش بس
عايده صكرت الباب ونزلت
رهف:خااايفه بنموووت ي امييي كان تسمعيني بس نبي حد نحكيله كللل شي ????????????????????????????????
رهف مسحت دموعها: اششش خلااااص اني خديت قراري اصيل هو نصيبي خلاص اني بنفتح صفحه جديده بيضه فيها اصيل وبس ..ناضت خشت لدوش وطلعت جففت شعرها ولبسة سروال ازرق جينز وفوقه بلوزه حمراء مع مكياج وشعرها ديل وهو طوويل وناعم..ونزلت
كللللهم شافولها
رهف قربت من المنظومه طفتها ابتسمت: ياسر من المنظومه توا دربوكه وين
اسماء جابت زوز دربوكات وحده خدتها رهف والتانيه خدتها تهاني
رهف بدت ادربك: هي ولعوها عشان نصوبه يلا…وبدت ادربك
احيييي ي حييي
اهم جو الزمزمات ي حي يحييي ????????كمشه عزايز سكرانات
ياحييي ي حييييي????????????
اهم جو عرب عشاقي ي حييي???????? يحييي يلي بيهم قلبي شاقي ياحيييي يحييي????????
اهم جو عرب طيور الميناء ي حيييي ي حييي
جابوو عريسك يازينه ي حيييي ي حييي
اهم جو عرب الزحمه ي حييييي يحيييي
كل عيل ف ايده لحمه ي حيييي ي حيييي
حييييييييييي حي حي حي ????????????
رهف رغم الحزن لـ في قلبها اضحك فيهم بااغنيها: اليوم مشت لدوش ياحي ياحي وغضوا بتقعمز ف الحوش
ليله الفرحه بـ حنته ياحيي ياحيي وغضوا لمه لبنيتها
بسام ياحبيبها ياحيييي ياحييي خميس وجمعه جيبها ياحييي ياحيييي
وبدو رقص وهياجه ورهف تغني مولعتها لكن ????????????
تاني يوم
رهف ف الخيمه لـ في الجنان وكللهم يتغدوو
عايده:رهفف تلاته ايام ماكليتي شي تعالي كولي نهارك اسود ع راسك تعالليييي
رهف وقفت وخدت هاتف:خاطريش تغدوا انتم صحتين… وركبه من الدروج شدت راسها دايخخخه شافت الباب الكبير متع الجنان خش فهد حوشه وف ايده شنطه
فهد قام عيونه شافها واقفه ف الدروج ابتسملها
رهف شدت راسها وداخت ف نص الدروج من بدايت الدروج وصلت لنهايته
كلهم ف الخيمه طلعولها وتجمعو علها
فهد كان يبي يقرب لكن كانو جنبها نساوين قعد واقف ف مكانه لعند ماشفهم وقفوها وهي دايخه ودخلوها وهي دايخه
فهد خش لحوشه وحدف الشنطه بعصبيه:شن المهزله هادي
رهف خشت وواقفه وقعده دايخه
عايده تتلامس ف وجه بنتها: ياساتر هدا من قلت الماكله
رهف ساكته ????
تفاعلوو ????????????????????????
يتبع…
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أدوار وهمية للكاتبة أروى طاهر المسلاتي
