رواية فتاة انحنت من أجل الحب الفصل التاسع والثلاثون 39 بقلم دودو محمد

انتهى اليوم سريعآ بدون احداث تذكر ونام الجميع فى منهم على وجع وحنين ومنهم من نام سعيد بأنتصاره وجاء يوم جديد بنوره الساطع فى سماء العاصمة ليبدأ ابطالنا بالاستيقاظ وانتهى النهار مابين تحضير حفل افتتاح الشركه وجاء معاد الاحتفال بأفتتاح الشركه الجديده وبدأت رجال الأعمال تتجمع ووصل عاطف وزهراء الحفله ونزل عاطف من العربيه وفتح الباب بتاع العربيه ومد أيده لزهراء
زهراء / مدت ايديها ببطئ لعاطف وضحكة ليه بتوتر
عاطف / ضحك ليها بحب ونزلها من العربيه وبدأ الصحفين ووسائل الإعلام تصور عاطف وزهره وهما مع بعض وحاولو يتكلمو مع عاطف ويعملو سبق صحفى معاه لكن هو رفض بس لفت انتباه سؤال خلى عاطف وقف فاجئه
أمير / كان واقف بيستقبل رجال الأعمال وشاف عاطف وهو ماسك ايد زهره بص ليها بوجع وحبس دموعه فى عينه
احد الصحفين / سمعنا أن مرات حضرتك كانت خطيبة شريكك الأستاذ امير سابقآ
عاطف / وقف فاجئه و راح عند الصحفى ومسكه من هدومه وقال وهو بيدوس على سنانه الكلام ده كدب واياك تتكلم نص حرف عن مراتى فاهم
الصحفى / وهو خايف هز راسه بمعنى ماشى
صحفى تانى / بس مدام حضرتك كانت بتعيش فى نفس العقار الذي يوجد فيه شريكك استاذ امير
عاطف / راح عند التانى وضربه بالبوكس فى وشه وقال انا لسه قايل محدش يجيب سيرة مراتى
زهراء / راحت عن عاطف ومسكته من دراعه وقالت عاطف اهدا مينفعش كده الناس كلها بتتفرج علينا
عاطف / بعصبيه لازم اطلع روحهم بايديه
زهراء / مسكت أيده وقالت علشان خاطرى امشى
عاطف / بص على ايديها اللى ماسكه أيده ومشى معاها
أمير / شاف ايد زهره وهى ماسكه ايد عاطف اتعصب وداس على سنانه وبص ليهم ودخل الحفله
زهراء / بصت على امير وهو داخل وحبست دموعها فى عينيها ودخلت مع عاطف الحفله وسلمو على رجال الأعمال ووقف عاطف يتكلم مع رجال الأعمال وزهره سابته وراحت عند اخوها شريف
شريف / اول ما شاف أخته أداها ضهره ومرضاش يكلمها
زهراء / لفت ليه ووقفت قصاده ومسكت أيده وقالت عارفه انك زعلان منى
شريف / ليه عملتى كده يا زهره ليه روحتى معاه قولتلك ارجعى معانا وانا هقدر احميكى منه
زهراء / خوفت عليكم يا شريف وانا جانبه اقدر احتوى شره انما لو بعد ممكن يأذيكم وانا مش هقدر اشوف حد منكم يتعرض للخطر
شريف / ولا احنا هنستحمل نشوفك راميه نفسك فى نار عاطف وهنسكت
زهراء / ارجوك يا شريف انا فى الوقت المناسب هبعد عن عاطف بلاش حد يدخل علشان ميروحش كل اللى بعملو ده على الفاضى وبعدين عاطف معاملته اتغيرت معايا خالص للاحسن طبعآ متقلقش عليا
شريف / بس شكلك مش بيقول انك سعيده معاه يا زهره
زهراء / سعادى مع واحد بس يا شريف
شريف/ فهم أخته شدها واخدها فى حضنه وطبطب عليها وقال واحشتينى اوى يا زوزو واحشنى ضحكتك وكلامك وهزارنا مع بعض
زهراء / يااااااه يا شريف انا نسيت الضحك والهزار ده من زمان اوى
شريف / نفسى اعمل اى حاجه ترجعلك ضحكتك
زهراء / أن اشوفك انت و سامح وريم مبسوطين هى دى السعاده بجد ومش محتاجه حاجه من الدنيا اكتر من كده
وفى الوقت ده وصلت لميس وراحت عند شريف وقالت
لميس / ازيك يا زهره
زهراء / الحمدالله يا لميس انتى عامله ايه
لميس / بزعل مش كويسه خالص يا زهره
زهراء / ليه كده يا حبيبتى
شريف / لميس مش وقته الكلام ده
زهراء / بصت لشريف وقالت انتو متخانقين ولا ايه
لميس / بدموع شريف محملنى ذنب اللى بيحصل فيكى من ابن خالتى
زهراء / بصت لشريف بأستغراب وقالت لا بجد انت تعمل كده يا شريف طيب ليه وذنبها ايه علشان تعقبها هى انا اللى اخترت هى ملهاش دعوه
شريف / لو مكانتش شكرت فيه قدام امك مكانتش طلبت منه يتجوزك العذاب اللى انتى فيه ده بسببها هى
زهراء / لاء مش بسببها هى اللى بيحصل ده كله بسببى انا انا اللى اختارت اعيش مع عاطف علشان ابعد عن امير عنادى هو السبب بلاش تظلمها يا شريف لميس بتحبك وانت بتحبها وكلها كام يوم وهيتقفل عليكم باب واحد عيشو ايامكم من غير زعل اليوم اللى بيروح مش بيرجع تانى وبيتحسب من عمرنا
لميس / اترمت فى حضن زهره وقالت انا اسفه بجد يا زهره مكنتش اقصد اذيكى والله معرفش أن عاطف كده
زهراء / طبطبت عليها وقالت انا مصدقاكى وعارفه أن ملكيش ذنب فى اى حاجه وبصت لشريف وقالت وغلاوتى عندك بلاش تزعلها
شريف / بص الاتجاه التانى
زهراء / خلاص بقى يا شيفو البت هتموت عليك بلاش التقل ده
شريف / انا ماشى
زهراء / استنا هنا مش هتمشى غير لما تصالح البونيه دى
شريف / زهره
زهراء / مفيش زهره انا هسيبكم شويه مع بعض ورحمة بابا تسامحها هى معملتش حاجه وسابتهم ومشيت
لميس / وقفت قدامه وقالت انا اسفه يا شريف وقعدت تعيط
شريف / مرضاش يرد عليها
لميس / مسكت أيده وبستها وقالت وحياة اغلى حاجه عندك سامحنى انا بموت من غيرك يا شريف
شريف / صعبت عليه شدها من ايديها وراح بيها مكان مفيهوش حد ومسك وشها بين ايديه ومسح دموعها وشدها فى حضنه
لميس / اتشعلقت فيه اكتر وقعدت تعيط وتقول بلاش تبعد عنى تانى يا شريف انا الموت اهون عليا من أن اعيش بعيد عنك
شريف / بعدها عن حضنه وقال بعد الشر عليكى يا قلبى
لميس / يعنى مش زعلان منى
شريف / ضحك وقال لاء
لميس / مهما يحصل اياك تبعد عنى كده تانى
شريف / هههههههه حاضر
لميس / اترمت فى حضنه وقالت بحبك اوى يا شريف فوق ما تتخيل
شريف / بسها فى راسها وقال وانا بموت فيكى يا قلب شريف
لميس / بعدت عنه وقالت كانت واحشانى الكلمه دى اوى منك قلب شريف
شريف / مسك وشها بين ايديه وبص فى عينيها وقال قلب شريف وعمر شريف كله وقرب من شفايفها ولسه هيبوسها
لميس / بعدت عنه ورجعت شعرها وراه ودنها وقالت احم ا.ا.انا هروح اشوف بابا فين ولسه هتمشى
شريف / شدها من دراعها وقعت فى حضنه وبص فى عينيها وقال انتى مراتى يا عبيطه يعنى مفيهاش حاجه لما اخد بوسه
لميس / ش.ش.شريف بس بقى
شريف /قرب من شفايفها وبسها وبعد وقت طويل بعد عنها واتنهد وقال امته بقى يجى يوم فرحنا بسرعه
لميس / وهى بصه على الأرض بكسوف قالت خ.خ.خلاص قرب كلها كام يوم
شريف / شكل الفرج جاى على ايدك يا قلبى أن شاءالله
لميس / بعدم فهم قصدك ايه
شريف / لاء هبقى اقولك بعدين امشى يلا بدل ما حد يجى يشوفنا كده يلفنا فى ملايات وياخدنا بوليس الاداب
لميس / شريف بطل قلة ادب
شريف / هو انتى لسه شوفتى حاجه امشى يا ضنايا وحط أيده على كتفها وراحو عند الناس تانى
عند امير
كان واقف بيتكلم مع رجال الأعمال وعينه بدور على زهره وشافها وهى واقفه لوحدها استأذن من الناس اللى واقف معاهم وراح عند زهره
أمير / شايف يعنى أن جوزك مشغول عنك ومش سأل فيكى
زهراء / شئ ميخصكش
أمير / صح على رأيك شئ ميخصنيش لأنك انتى كلك على بعضك متخصنيش
زهراء / وهى حابسه دموعها فى عينيها ولما انا مخصكش جاى عندى ليه وشاغل بالك بيا
أمير / هههههههه شاغل بالى بيكى هههههههه الكلام ده كان زمان لكن دلوقتى انتى ولا حاجه بالنسبه ليا انا دلوقتى كل اللى شاغل تفكيرى مراتى وابنى بس
زهراء / خلاص روح عندهم جاى عندى ليه
أمير / جيت اعرفك مقامك انك هتعيشى طول عمرك وحيده كده مكسوره ومذلوله لعاطف واللى زيه
زهراء / بدموع اعمل اللى اعملو ملكش فيه روح لمراتك زمانها بدور عليك
سهى / جت وقفت جنب امير وقالت انا جيت اهو جيبه سيرتى ليه بقى يا حلوه
زهراء / وانتى مين علشان اجيب سيرتك
سهى / حطت دراعها فى دراع امير وقالت انا ابقى مرات امير وام ابنه اللى جاى
زهراء / بغيظ هههههه مراته وام ابنه اه بس مقدرتيش تخدى قلبه لحد دلوقتى وبصت ليهم بقرف ومشيت ودموعها نزلت منها
سهى / اتغاظت وقالت عجبك كده
أمير / وانا مالى وسابها ومشى
سهى / ماشى يا زهره انا هوريكى
وشويه ومضى سمير وعاطف وشريف وامير على عقود انضمام الشركتين لبعض واحتفلو مع بعض وانتهى اليوم وكل واحد روح على بيته
______________________________
اشرقت شمس صباح يوم جديد بنورها الساطع فى سماء العاصمة لتبدأ زهراء بفتح عيونها حطت ايديها على وشها بتعب ورجعت بأيديها لوراه على شعرها وقامت من على السرير دخلت الحمام اخدت شاور واتوضت وخرجت لبست هدومها وأدت فرضها ونزلت لاقت عاطف قاعد على السفره وبيشرب القهوه وبيقراه فى الجريده قعدت جنبه وقالت
زهراء/ صباح الخير
عاطف / بعصبيه صباح النور
زهراء / بأستغراب مالك متعصب كده ليه
عاطف / مصورينى وانا بضرب الصحافيين امبارح فى الحفله وكاتبين كلام كتير بيتنقد اسلوبى فى التعامل ورفض الرأى الآخر وان انا متكبر والكلام ده
زهراء / كبر سيبك منهم مهما تعمل هيتكلمو عليك وينتقدوك
عاطف / حط أيده على ايد زهره وقال انا أقبل اى حاجه عليا بس اللى يفكر يقول كلمه واحده عليكى امحيه من على وش الارض
زهراء / سحبت ايديها من تحت أيده وضحكة ليه بتوتر وقالت ش.ش.شكرآ وبصت على فوق وقالت هى ملك والاولاد منزلوش
عاطف / مشوفتش حد فيهم من امبارح
زهراء / بلاش معملتك القاسيه دى مع ملك تلاقيها خايفه تنزل منك
عاطف / زهره ملكيش دعوه بالبنأدمه دى ومتتكلميش معاها كتير
زهراء / ليه يا عاطف ملك طيبه وكويسه جدآ انا حبيتها بجد ياريت لو تديها فرصه
عاطف / زهره انا قولتلك بلاش تتكلمى فى الموضوع ده قبل كده وبعدين انتى ازاى بتحبينى وازاى مش غيرانه عليا وعايزانى اقرب لملك
زهراء / ها ع.ع.علشان الاولاد هى مهما كان امهم والمفروض يشوفو ابوهم بيتعامل مع امهم كويس ويبقو فرحانين
عاطف / سكت ومردش عليها
زهراء / عاطف انا حجزت ليك النهارده عند الدكتور علشان نروح اول جلسه
عاطف / ليه يا زهره ما انا كويس اهو وانتى غيرتى فيا حاجات كتير
زهراء / علشان خاطرى يا عاطف انت وعدنى انك هتابع مع دكتور وتتعالج
عاطف / مسك ايديها وقال علشان خاطرك اعمل اى حاجه حتى لو قولتى ليا ارمى نفسك فى النار هرمى نفسى من غير تفكير
زهراء / سحبت ايديها وقالت احم هروح انادى ملك والاولاد
عاطف / ماشى يا زهره
زهراء / طلعت ندهت على ملك والاولاد ونزلت ونزلو وراها
رائف وبيلار / طلعو يجرو على عاطف وحضنوه وقالو واحشتنا اوى يا بابا
عاطف / باسهم وقال انتو اكتر يا حبايب بابا
ملك / احم صباح الخير
عاطف / من غير ما يبص ليها صباح النور
زهراء / تعالى يا ملك اقعدى هنا مكانى
عاطف / اقعدى يا زهره ده مكانك الكراسى كتير
ملك / بأحراج خليكى يا زهره انا هقعد هنا وقعدت جنب الاولاد
زهراء / مقولتش ايه رأيك فى القصه واللون الجداد بتوع ملك
عاطف/ معرفش مشوفتهاش اصلا
زهراء /ما اهى قدامك
عاطف / معرفش انا فى شغل الستات ده
زهراء / احم ماشى وقعدو يفطرو وقالت البنت الجديده اللى جت نفاسها حلو اوى فى الاكل
ملك / خالتها اللى شغاله فى الفيلا بتاعة الاسكندريه
زهراء / تعرفيهم من زمان
ملك / ايوه اتجوزت عاطف وهما شغالين فى الفيلا يعنى فيها من قبل ما انا اجى
زهراء / بجد يا عاطف خالتها قديمه اوى كده عندك
عاطف / ايوه من اول يوم اشتريت الفيلا بتاعة اسكندريه جت هى واختها واشتغلو عندى اختها ماتت اللى هى ام البنت اللى جت تشتغل هنا والتانيه شغاله فى الفيلا بتاعة اسكندريه
ملك / بس ست مشكله فاكر يا عاطف لما الخاتم بتاعى راح واغمى عليها من الخوف احسن نقول أن هى اللى سرقته
عاطف / ايوه واول ما لاقينه الخاتم قامت وقعدت ترقص من الفرحه
ملك / هههههههههه ست كانت فظيعه تحب تحشر نفسها فى اللى ملهاش فيه هههههههههه
زهراء / كانت فرحانه بالحوار اللى ما بين عاطف وملك
عاطف / اخد باله من كلامه مع ملك واستغرب نفسه ووقف وبص لزهره وقال احم انا رايح الشركه الجديده عايزه حاجه
زهراء / هعدى عليك الساعه تلاته نروح الدكتور
عاطف / عارفه عنوان الشركه
زهراء / لاء
عاطف / هبعت ليكى العنوان فى رساله على التليفون اه صح انتى ليه مش بتروحى الجامعه بتاعتك
زهراء / اعتذرت السنادى اجلتها السنه الجايه إن شاءالله
عاطف / اللى يريحك سلام وخرج ركب عربيته ومشى
زهراء / بفرحه انا مبسوطه اوى أن عاطف بدأ يتجاوب معاكى
ملك / بفرحه وانا كمان اول مره يتكلم معايا كده بجد مش عارفه اقولك ايه شكرآ يا زهره انك رجعتى ليا الامل من جديد بعد ما كنت يأست
زهراء / متشكرنيش ده واجب عليا ولازم ارده عاطف ساعدنى فى اصعب وقت فى حياتى ولازم اقف جنبه علشان أرجعه لحياته الطبيعيه لمراته وأولاده
ملك / انتى طيبه اوى يا زهره ربنا يريح قلبك يارب
زهراء / يارب يا ملك دى اكتر دعوه محتاجها المهم انتى اتعرفتى على عاطف ازاى بقى
ملك / عن طريق اخويه
زهراء / ازاى
ملك / لما زينب دخلت المستشفى عاطف حالته كانت وحشه اوى واخويه كان لسه متخرج جديد والدكتور المعالج لمراته ولما ماتت اخويه هو اللى قال الخبر لعاطف ودخل فى انهيار عصبى وأخويه كان بيدى ليه المهدأت لحد ما خرج من المستشفى واتقطعت صلة عاطف بأخويه وبعد وقت طويل عاطف راح المستشفى اللى اخويه شغال فيها وقابلو وطلب منه اى حاله محتاجه تتعالج ومش مقتدره يتصل بيه يبلغه وهو هيتكفل بكل المصاريف واخدو ارقام بعض وفى يوم انا كنت خارجه من الجامعه وروحت المستشفى واتقابلت بعاطف هناك وهو أعجب بيا وطلب ايدى من اخويه لان بابا متوفى وجه اتقدم واتجوزنى فى شهر واحد من اول يوم دخلت الفيلا حسيت برهبه كبيره شوفت صور كتير لواحده وهو متصور معاها وشكلهم كانو مبسوطين ولما سألتو قال صور مراته ومستحيل يشيلهم وانا احترمت رأيه ومعترضتش وشويه شويه بدأت اشوف منه حاجات غريبه يضربنى وينادى عليا بأسم زينب ويعذب فيا بطريقه وحشيه خوفت منه وطلبت الطلاق بس فى الوقت ده طلعت حامل فى بيلار ورجعت علشان اللى فى بطنى وبقى يعذب فيا استحملت وبدأت احبه رغم كل اللى بيعملوا فيا ده وبعد فتره جبت رائف وبقى عندى حب استطلاع اعرف ليه تملى يعمل كده وينادى عليا بأسم مراته اللى ماتت سألت كتير وبقيت اجمع معلومات وعرفت قصة زينب وعرفت أن كان فيه قبلى ضحايه كتير منهم اللى انتحر ومنهم اللى دخل مستشفى المجانين والجده ساعدتنى كتير على فكره بس بحكم انها عايشه هنا فى القاهره وانا عايشه فى اسكندريه مكانتش عارفه تعمل حاجه ليا اكتر من اللى عملتو وعاطف عرف ان انا بسأل وراه بقى يزيد من طرق تعذيبه ليا وبقت تزيد الحاله عنده وبقى يشوف تملى أن انا معايا حد فى الاوضه ويكلم نفسه على أساس أن بيتكلم مع راجل معايا فى الاوضه ومع كترة التعذيب اللى شوفته سلمت للامر الواقع ودخلت مستشفى الامراض العقليه وبعد العلاج اتحسنت حالتى بس هو عرف ورفض يخرجنى بس حصلت حاجه غريبه
زهراء / ايه هى
ملك/ فى يوم لاقيت ممرضه اول مره أشوفها ساعدتنى وهربتنى من المستشفى معرفش عملت كده ليه ولما سألتها قالت ليا امشى من غير أسأله كتير ولا حابه ترجعى تعيشى وسط المجانين خرجت بسرعه من غير ولا كلمه روحت لاهلى لاقتهم سابو البيت ومحدش يعرف حاجه عنهم روحت سالت على اخويه فى المستشفى لاقيته سابها روحت الفيلا اللى فى اسكندريه الشغاله اللى كنا بنحكى عنها قالت ليا أن هو اتجوز وجه يعيش فى فيلا القاهره اخد منها فلوس وجيت على هنا
زهراء / طيب أهلك مكنش حد بيسأل عليكى وانتى فى المستشفى
ملك / الدكتور كان مانع عنى الزياره طبعآ بأمر من عاطف ومره او اتنين اخويه جه ليا ومشفتهوش تانى
زهراء / ياااااااه انتى اتعذبتى اوى فى حياتك
ملك / اوى يا زهره
زهراء / إن شاءالله ربنا هيعوضك عن الايام دى
ملك / الحمدالله انا مهما حصل عندى ثق فى ربنا أن مش بيجيب حاجه وحشه لحد اكيد خير من عنده
زهراء / ونعمه بالله ووقفت وقالت انا طالعه اكلم ماما اطمن عليها
ملك / ماشى يا حبيبتى وانا هشوف الولاد راحو فين
وطلعت زهره اوضتها وخرجت ملك الجنينه
_______________________________
فى شقة توفيق
فى اوضت ريم
صحيت من نومهم على صوت رساله وصلت لتليفونها ضحكت وفتحتها على أساس أن اللى بعتها محمود بس اتفاجئت لما شافت صورة محمود مع سلمى البنت اللى كان يعرفها قبلها دموعها نزلت منها وفى الوقت ده تليفونها رن برقم غريب ردت عليها وقالت
ريم / السلام عليكم مين معايا
……/وعليكم السلام انا اللى بعت ليكى الصور
ريم / انتى سلمى صح
……../ لاء طبعآ انا واحده اعرفك واعرفها من الجامعه وشوفت الاتنين مع بعض بليل متأخر سهرانين وضحك ومرقعه صورتهم ليكى وجبت رقمك وبعتهم ليكى
ريم / انتى واحده كدابه مستحيل محمود يعمل كده انا بثق فيه
………/والله لو انا كدابه الصور مش بتكدب
ريم / اكيد الصور دى قديمه
………/ركزى شويه على صوبعه الدبله بتاعتك اهى فى أيده
ريم / بدموع برضه مش مصدقاكى انتى واحده كدابه وقولى اللى بعتتك توقعى بينى وبين محمود تخبط راسها فى الحيط علشان مستحيل ابعد عنه واسيبه وانا بثق فيه اكتر من نفسى وقفلت السكه فى وشها وفتحت الصور وبصت فيها شافت الدبله بتاعتها فى أيده قالت بدموع مستحيل تعمل كده فيا يا محمود مستحيل وفى الوقت ده تليفونها رن برقم محمود ردت عليه وقالت ايوه يا محمود
محمود / صباح الخير يا قلبى
ريم / صباح النور
محمود / مال صوتك
ريم / مفيش
محمود / وانا عبيط عنك انا حفظك اكتر من نفسى
ريم / مفيش بقى يا محمود
محمود / خلاص كنت عايز احكى ليكى حاجه بس شكل الوقت مش مناسب
ريم / تحكى ايه قول يا محمود
محمود / بلاش احسن شكلك مش رايقه
ريم / وغلاوتى عندك اتكلم ومتتعبنيش
محمود /ماشى يا ريم امبارح بليل بعد ما وصلتك اصحابى اتصلوا بيا علشان اروح اسهر معاهم شويه علشان فرح واحد صاحبنا بكره وعامل حفلة توديع العزوبيه مقدرتش ارفض لان صاحبى ده حبيبى وملهوش فى السكه الشمال زى التانين قفلت معاهم واتصلت عليكى علشان اقولك بس لاقيت تليفونك مقفول وتليفون خالتى نبيله بيرن ومحدش بيرد المهم طلعت غيرت هدومى ونزلت روحت ليهم الكافتيريا وقعدنا نهزر ونضحك مع بعض بس اتفاجئت أن سلمى ومعاها كام بنت جاين وبيسلمو علينا انا اول ما شوفت كده باركت لصاحبى ده واستأذنت منهم وقومت بس سلمى ندهت عليا وجت عندى سألتنى همشى ليه رديت عليها وقولتلها أن انا مبقاش ليا فى الجو ده ردت عليا وقالت انت خايف منها ولا ايه وهى هتشوفك فين قولتلها أن حبى واحترامى ليكى ملهوش دعوه بالخوف انا اللى مقبلهوش على نفسى مقبلهوش عليها ولازم اكون قد ثقتها فيا بس اتفاجئت بحد وهو معدى زقها وقعها فى حضنى بس والله العظيم بعد عنها بسرعه وسبتها ومشيت هو ده كل اللى حصل وحكيت ليكى علشان مبقاش مخبى عنك حاجه
ريم / سكتت ومردتش عليه
محمود / ريم انتى زعلتى منى والله العظيم انا معملتش حاجه انتى ماليه قلبى وعنيا ومستحيل اخون ثقتك فيا مهما حصل وربنا يعلم أن انا مكذبتش عليكى فى ولا كلمه
ريم /انا مصدقاك يا محمود ووثقه فيك وفرحانه اوى بصراحتك دى وان انت حكيت ليا فى الوقت المناسب لان سلمى دى قذره وكانت عامله لعبه علشان توقع بينى وبينك بس انا قولتلها أن واثقه فيك ومتأكده ان انت مستحيل تعمل كده
محمود / مش فاهم يعنى انتى كنتى عارفه بموضوع سلمى من قبل ما اقولك عليه طيب ازاى
ريم / لما وقعت فى حضنك مكنتش صدفه دى متفقه مع حد يصوركم بالمنظر ده ويبعتها ليا علشان نبعد عن بعض
محمود / دى طلعت بنأدمه زباله بجد بس فرحان اوى بثقتك فيا وأن محدش قدر يضحك عليكى ويأثر على علاقتنا
ريم / الحب اللى ما بنا اقوى من اى حد بيحاول يوقعنا فى بعض واهم حاجه لاى علاقه ناجحه الثقه وانا بثق فيكى اكتر من نفسى يا محمود
محمود / بحبك اوى يا ريمو يسلملى الواد العاقل الفهمان ده يا ناس
ريم / هههههههههههه بس متغاظه اوى أن البنأدمه دى لمستك واترمت فى حضنك
محمود / والله احنا فيها حضنى موجود ومفتوح ليكى
ريم / هه خفه
محمود / بس بموت فيكى
ريم / طيب اقفل بقى علشان اقوم اجهز نفسى
محمود / اجى اساعدك هههههههه
ريم / بنأدم قليل الادب
محمود / اموت انا هههههههه
ريم / عاااااا غلس
محمود / هههههههههه اجهزى وانا جاى هرن عليكى تنزلى علطول
ريم / حاضر باى وقفلت التليفون وحضنته وقالت الحمدالله ياربى انت الصور دى مش حقيقيه وحطت التليفون على السرير وخرجت من الاوضه وقالت صباح الخير يا ماما
نبيله / صباح النور يا حبيبتى
ريم / بتكلمى مين زوزو
نبيله / ايوه هى
ريم / هاتى اسلم عليها واخدت التليفون وقالت واحشانى يا زوزو
زهراء / انتى اكتر يا ريمو عامله ايه يا حبيبتى
ريم / الحمدالله كويسه انتى ايه اخبارك مع اللى ما يتسمى
نبيله / يا بنتى عيب كده
زهراء / هههههههه اهو عايشه انتى عامله ايه مع محمود
ريم / تمام الحمدالله كله عال العال وهننزل بكره نختار الفرش
زهراء / ربنا يسعدكم يارب ليه محدش جه الحفله امبارح
ريم / انتى عارفه ولا انا ولا محمود لينا فى الجو ده وسامح انتى عارفه وقته كله رايح فى الدروس أبيه شريف قال مفيش داعى يعنى نروح
زهراء/ بينى وبينك الحفله كانت دمها تقيل وكله بيتكلم على الفلوس وعلى الشركات ورجال أعمال كتير وستات لبسها كله مفضوح جو مش بتاعنا خالص كانت قاعده ممله
ريم / احسن أن محدش راح مننا المهم مش هتيجى الفيلا تساعدينى فى فرش الحاجه بتاعتى
زهراء / انتى عارفه يا ريم بس هحاول اكون جنبك
ريم / لو هسبب ليكى مشكله مع جوزك بلاش تيجى
زهراء / هشوف ظروفى ايه يا ريمو
ريم / ماشى خدى ماما معاكى اهى علشان الحق اجهز
زهراء / ماشى يا حبيبتى مع السلامه
نبيله / بلاش تعملى لنفسك مشكله يا زهره اختك معاها ساره تبقى تساعدها
زهراء/ بس انا اختها يا ماما المفروض اكون جنبها فى وقت زى ده
نبيله / معلش يا بنتى وضعك مش هيسمح بكده
زهراء / ربنا يسهل هسيبك بقى علشان الحق اجهز علشان خارجه عايزه حاجه
نبيله / عايزه سعادتك وراحتك يا حبيبتى ربنا يفرح قلبك يارب
زهراء / اللهم امين مع السلامه يا امى
نبيله / مع السلامه يا حبيبتى فى رعاية الله
_____________________________
فى فيلا امير
فى اوضت امير
صحى امير من نومه على صوت تليفونه بص جنبه على سهى وقام براحه من على سريره وفتح باب الاوضه براحه وخرج من الاوضه ونزل اوضت المكتب وقفل الباب وراه واتصل بالرقم اللى رن عليه وانتظر الرد
أمير / السلام عليكم
……./وعليكم السلام
أمير / ها عملت ايه
………./معلش اتأخرت عليك بس كان فيه صعوبه اوصل للمعلومات اللى طلبتها منى
أمير / ولا يهمك بس قدرت توصل لحاجه
………/طبعآ انت عارفنى مش بسكت غير لما اوصل لاساس الموضوع
أمير / انطق بقى اخلص
………./طيب طيب متزقش كده بص يا سيدى ريان ساب المستشفى من فتره صغيره واتنقل عندكم القاهره هو وأهله وساكن هو واهله فى العنوان ده (……..) وعنده شقه مخصوص ليه وعنده عياده بأسمه عنوانها (……..)
أمير / يعنى طلع عايش زى ما اتوقعت بس فيه سر وراه كل العز ده ده مكنش لاقى يجوز أخته
……../موضوع اختفائه من اسكندريه وراه شخصيه كبيره بس معرفتش مين استخدم نفوذه فى اخفاء المعلومات اللى تخص ريان ده بس صاحبك مفيش حاجه تصعب عليه
أمير / انا بشكرك اوى يا هيثم مش عارف ارد جمايلك ازاى والله
هيثم / عايز ترد الجميل ابقى تعال اشوفك هتجن عليك واحشتنى القعده الحلوه والله معاك ومع الشله
أمير / إن شاءالله نتفق على يوم نشوف بعض فيه
هيثم / إن شاءالله ومبروك افتتاح الشركه الجديده ربنا يوفقك يا صاحبى
أمير / الله يبارك فيك يا حبيبى تسلم يارب مع السلامه وقفل مع هيثم وقال انا لازم اوصل للحقيقه وخرج من المكتب وقال صباح الخير يا ماما
امينه / صباح النور يا حبيبى فين مراتك
أمير / لسه نايمه أنا قمت من جنبها ونزلت المكتب علشان بتكلم فى التليفون
امينه / فيه حاجه ولا ايه يا حبيبى
أمير / لاء يا امى دى مكلمه تبع الشغل
امينه / ربنا يعلى مراتبك ويرزقك كمان وكمان يا ابن بطنى ويفرحنا بنزول ابنك بالسلامه يارب
أمير / ويخليكى لينا يا ست الكل
محمود / صباح الخير
امينه وامير / صباح النور
محمود / ايه وصلة الحنيه اللى على الصبح دى ما تخلى شويه لينا يا عم امير
أمير / ده انت طماع يا اخى انا كل فين وفين لما بقعد شويه مع امك لكن انت علطول لازق فيها
محمود / اه اوى الصراحه وبعدين مش ناوى تحجز القاعه ولا مستنى تحجزها يوم الفرح
أمير / وانت نغه ما تحجزها انت
محمود / عيب عليك اخوك مزنوق زنقه سوده فين الاخوه يا جدعان
أمير / هههههههه لا تصدق اتأثرت حاضر هحجزها ليك حاجه تانى
محمود / متحرمش منك يا حبيب قلبى
أمير / اعمل حسابك انك هتيجى تشتغل معايا فى الشركه
محمود / وانا هشتغل فيها ايه إن شاءالله
أمير / والله انت مش محامى يالا
محمود / اه يعنى هعمل ايه برضه
أمير / اتنهد وقال صبرنى ياربى محمود بعد فرحك هتنزل الشركه اشتغل اى حاجه أنشالله فى البوفيه بنأدم مستفز وقام وقف وقال اوعى كده خلينى الحق اجهز علشان انزل الشركه وزق محمود وطلع على اوضه
محمود / مالو ده اتعصب ليه بسرعه كده وبعدين قال فين البت ساره
امينه /لسه نايمه
ساره / صباح الخير انا صحيت اهو
محمود / صباح النور يا اختى اخيرآ نولت الشرف وشوفتك
ساره / الله اعملك ايه يا حوده ما انت يا بتكون نايم يا بتكون عند ريمو
محمود / لا اقتنعت انا كده
ساره / مالك بس يا حوده
محمود / يحرق حوده وسنينه يا جماعه انا فرحى كمان كام يوم ومحدش فيكم واقف جنبى
ساره / اهدا بس يا حوده واللى انت عايزه هيتعمل شوف عايزينى اساعدك فى ايه واول ما ارجع من الجامعه اعملو ليك علطول
محمود / عايز حد يحجز بتاع المكياج ده اللى اسمه مركز التجميل
ساره / بيوتى سنتر
محمود / ايوه يا اختى ده
ساره / عيونى علشانك يا حوده هخرج من الجامعه على أحسن بيوتى سنتر واحجز فيه حاجه تانى
محمود / متشكر افضلكم الصراحه مش عارفه اقولكم ايه ونعمه الاخوه والله
ساره / العفو العفو مفيش داعى لشكر عارفه انك من غير ولا تعرف تعمل حاجه
محمود/ والله
ساره / هههههههههه روق كده يا حوده كلها كام يوم وهتكون عريس يا ابن المحظوظه
محمود / ربنا يستر بعينك دى
ساره /هههههه انا مش بحسد انا بأقر عليك بس هههههههه
محمود / هه خفه
ساره / يلا انا ماشيه
امينه / مش هتاكلى
ساره / لاء هفطر فى الكافتيريا مع أحمد
محمود / ساره خفى شويه مش عايزين حد يتكلم علينا احمد راح ولا جه واحد غريب
ساره / بس هو كلم امير عليا وهيخطبنى بس ظروف أخته اخرته
محمود / حتى لو كده بلاش خروجك ومروحك معاه غير لما يكون فيه حاجه رسمى
ساره / حاضر يا محمود عن اذنكم وخرجت وسابتهم
محمود / انا ماشى اتأخرت على ريم
امينه / فيه ايه كلكم ماشين من غير اكل كده
محمود / علشان جامعة ريم متتأخرش عليها هبقى اكل اى لقمه فى السكه سلام وخرج ركب عربيته وراح عند بيت ريم ونزلت ليه وراح يوصلها الجامعه
____________________________
فى اوضت امير
دخل اوضه وبص على سهى ملاقهاش نايمه على السرير سمع صوت فى الحمام عرف أن هى صحيت وفى الحمام راح عند الدولاب وفتحه وطلع هدوم ليه وحطها على السرير وفى الوقت ده خرجت سهى وهى لابسه البورنص وقالت
سهى / صباح الخير يا حبيبى
أمير / صباح النور يا سهى
سهى / صاحى من بدرى
أمير / لاء من شويه
سهى / راحت عنده ولفت دراعها حاولين رقبت امير وقالت احسن يوم انا نمت فيه هو امبارح علشان انت نمت جنبى على السرير
أمير / شال ايد سهى وقال انا عارف ان مقصر فى حقوقك بس غصب عنى
سهى / مسكت دراعه وحطت راسها عليه وقالت وانا مش مستعجله كفايه اكون نايمه جنبك وفى حضنك
أمير / احم ماشى يا سهى هدخل اخد شاور على السريع علشان متأخرش على الشركه
سهى / وفيها ايه لما تتأخر براحتك انت صاحب الشركه
أمير / بس لازم اكون قدوه للعمال وبعدين ده النهارده اول يوم عمل رسمى مش عايز حد يأخد عنى فكره انى مستهتر
سهى / ماشى على ما تاخد شاور اكون جهزت
أمير / بأستغراب جهزتى لايه
سهى / هروح معاك الشركه
أمير / وهتعملى ايه فى الشركه
سهى / هكون السكرتيره بتاعتك
أمير / وده مين اللى قال كده إن شاءالله
سهى / انا اللى قولت كده مستحيل اسيب سكرتيره تانيه تشتغل عندك ويحصل زى ما بنشوف فى الافلام السكرتيره تخدك منى
أمير / طيب ما انتى اخدينى من واحده تانيه
سهى / قصدك ايه
أمير / ولا حاجه أجهزى اجهزى وسابها ودخل الحمام اخد شاور واتوضه وخرج لبس هدومه واده فرضه كانت سهى كمان جهزت ونزلو الاتنين مع بعض وخرجو ركبو العربيه وراحو على الشركه
______________________________
فى المدرسه عند روز
وصلت روز المدرسه وقعدت لوحدها لحد ما وصل سامح راحت عنده بزعل وقالت
روز / صباح الخير
سامح / صباح النور مالك زعلانه كده
روز / المدرسه وحشه اوى من غير جهاد
سامح / وهى جهاد بس اللى بتحلى المدرسه
روز / ايوه طول ما هى معايا بنفضل نتكلم ونضحك ونهزر مع بعض إنما وهى مش هنا حاسه ان انا وحيده جهاد مش مجرد صديقه جهاد اختى يا سامح
سامح / وانا روحت فين يا رورو
روز / ها م.م.ما انت بتبقى مش فاضى ومش بشوفك غير وقت الحصه بتاعتك وبس
سامح / امممممم مشكله صح طيب لو قولتلك هتبقى معايا علطول ايه رأيك
روز / ازاى مش فاهمه
سامح / يعنى انا اتفقت مع باباكى هنعمل الخطوبه وكتب الكتاب يوم فرح شريف وريم
روز / بفرحه بجد يا سامح
سامح /ايه رأيك فى الخبر ده
روز / احلى خبر سمعته فى حياتى
سامح/ بحب ربنا يقدرنى واقدر احافظ على الضحكه دى تملى
روز / ربنا يخليك ليا
سامح / بحبك اوى يا روز
روز / بصت على الارض بكسوف وداست على شفتها اللى من تحت بسنانها
سامح / اتلمى يا روز وسيبى شفيتك علشان احنا فى المدرسه ومتهورش عليكى
روز / بكسوف احم م.م.ماشى
سامح / ربنا يصبرنى عليكى امشى قدامى يا آخرة صبرى
روز / هههههههههه انت ظلمنى على فكره عملت ليك ايه انا
سامح / ولا حاجه انجرى يا بت بدل ما اتهور
روز / ضحكت وقالت حاضر حاضر ومشيت ومشى وراها سامح وقال
سامح / يارب قرب البعيد
_______________________________
فى المستشفى
كان اسلام قاعد وماسك ايد أخته ودموعه نازله منه وقال
اسلام / شوفتى اللى بيحصل يا عبير بقالنا قد ايه غايبين عن الفيلا ومحدش سأل علينا لا ابوكى ولا امك ولا حتى حد فكر يتصل بينا على التليفون هه احنا لو موتنا هيكون اهون لينا من العيشه دى على قد ما انتى واحشانى على قد ما انا خايف ترجعى تانى للعيشه القديمه بس انا حاسس بالواحده يا عبير اوى انا من غيرك وحيد حتى اصحابى محدش فيهم فكر يسأل عليا الكل يعرفنى بس علشان الفلوس غير كده ولا حد يفكر يسأل عليا
عبير / اممممم
اسلام / بعدم صدق عبير انتى اتحركتى صح
عبير / بصوت واطى ومتعب امممم انا فين
اسلام / بفرحه حمدالله على سلامتك يا عبير
عبير / اسلام احنا فين
اسلام / انتى فى المستشفى يا عبير عملتى حادثه بالعربيه وانتى بتهربى
عبير / بتعب حادثه
اسلام / ايوه متتعبيش نفسك بالكلام هروح ابلغ الدكتور انك فؤقتى وبسها فى راسها وطلع يجرى بلغ الدكتور وجه الدكتور كشف عليها وطمن اسلام وقال ليه انها كويسه وهتتنقل اوضه عاديه بعد اربعه وعشرين ساعه تحت الملاحظه
عبير / ايه حصل يا اسلام احكى ليا كل اللى حصل من ساعة ما هربت
اسلام / حكى ليها كل حاجه حصلت وهو دموعه على خده
عبير / جهاد عملت كده
اسلام / ايوه انا مديون ليها بعمرى كله اخدت الرصاصه مكانى وكانت هى السبب فى خروجى وخروجك من القضيه دى
عبير / لدرجاتى بتحبك
اسلام / انا غبى وحمار علشان محستش بحبها ده من زمان
عبير / والغريبه أن كمان روز قالت كده انا قولت هينتقمو مننا
اسلام / لاء يا عبير طلعو احسن مننا
عبير / وماما وبابا محدش فيهم سأل علينا
اسلام / هز راسه بمعنى لاء
عبير / بدموع لدرجاتى احنا مش مهمين فى حياتهم ولا مهتمين بينا
اسلام / احنا لازم نصلح من نفسنا يا عبير بلاش نرجع لحياتنا القديمه اللى حصل لينا ده قرصة ودن علشان نفوق من اللى كنا بنعملو
عبير / عندك حق يا اسلام احنا لازم نتغير
اسلام / مسك ايديها وقال احنا ملناش غير بعض يا عبير ومحدش فينا يقدر يستغنا عن التانى علشان كده لازم نمسك ايد بعض لحد ما نوصل لبر الامان
عبير / ربنا يخليك ليا يا اسلام انت مش بس اخويه انت ابويه وقدوتى فى الدنيا دى
اسلام / ربنا ميحرمناش من بعض ابدآ
عبير / عايزه اشرب
اسلام / مش عارف مسموح ولا لاء هسأل الدكتور واجى وخرج راح عند الدكتور
____________________________
فى الجامعه عند أحمد وساره
دخلت ساره الجامعه ودورت بعنيها على احمد ملاقتهوش ولسه بتلف اتفاجئت بأحمد واقف وراها
ساره / بخضه أحمد اخس عليك خضتنى
أحمد / يقطعنى
ساره/ بعد الشر
أحمد / خايفه عليا
ساره / احم ك.ك.كنت فين
أحمد / خايفه عليا متهربيش من السؤال
ساره / احم ا.ا.ايوه
أحمد / ايوه بقى يا مسهل اخيرآ قولتى حاجه ترفع من روحى المعنويه كنتى بدورى على مين كده
ساره / عليك اصل سألت عليك فى الفيلا قالو انك نزلت من بدرى
أحمد / اه كنت فى مشوار مهم
ساره / فين
أحمد / عند روز
ساره / نعم وبتعمل ايه هناك إن شاءالله
أحمد / اصلها واحشتنى اوى
ساره / كده يا احمد ماشى ولسه هتمشى
أحمد. / استنى هنا يا مجنونه هو انتى بتصدقى علطول كده يا بنتى ثقى فيا اكتر من كده
ساره / يعنى مكنتش عندها
أحمد / يا لهوى على الغباء هروح عندها اعمل ايه انا بشوفك بتثقى فيا ولا مجنونه زى ما انتى بس الحمدالله طلعتى مجنونه زى ما انتى
ساره / اتلم وبعدين كنت فين الصبح
أحمد / للاسف اختى جهاد صممت اروح المستشفى اللى فيها عبير واعرف حالتها ايه واطمنها على اسلام
ساره / اختك صعبانه عليا اوى قلبها متعلق بواحد ميستهلش
أحمد / انا طول عمرى بحاول اكون صديق جهاد قبل ما اكون اخوها بس عمرى ما اخد بالى من موضوع حبها لاسلام وأتصدمت لما عرفت بس مش عارف اخد قرار أبعدها عنه ولا اعمل ايه بالظبط
ساره / جهاد من النوع اللى بيكتم فى قلبه ومش بيبان عليها واجعها تحب تضحك وتضحك اللى حاوليها حتى لو قلبها موجوع وده اصعب شئ فى الدنيا بيتعب الواحد ويموتو
أحمد / نفسى اعمل اى حاجه تريح قلبها مش قادر أشوفها بتتعذب كده
ساره / احنا ممكن نحاول نقرب من اسلام ونصلح منه وخصوصآ انت قولت قبل كده ان هو كويس ومعدنه كويس بس اللى غيره كده انفصال أمه عن ابوه والفلوس الكتير اللى فى أيده وعدم مراقبته
أحمد / اسلام كان صاحبى فتره كبيره مبعدناش عن بعض غير واحنا كبار وكل واحد راح فى سكه غير التانى
ساره / اللى فيه الخير يقدمه ربنا
أحمد / اكلتى
ساره / لاء لسه
أحمد / طيب يلا بينا ناكل
وراحو على الكافتيريا يفطرو
______________________________
عند زهراء
لبست هدومها ونزلت ركبت العربيه وراحت على الشركه الجديده ونزلت من العربيه وسألت على مكتب عاطف وركبت الاسانسير ولسه الباب هيتقفل اتفتح تانى وركب امير
زهراء / اتصدمت اول ما شافت امير وقعدت تبص فى عينيه
أمير / ركب واتفاجئ بوجود زهره وسرح فى عينيها
زهراء / انتبهت لنفسها ورجعت شعرها وراه ودنها وبصت الاتجاه التانى
أمير / انتبه لنفسه وبص الاتجاه التانى وغمض عينه لما شم برفان زهره واتنهد وقال شايف رجلك هتاخد على المكان
زهراء / ما هى زى شركتك شركة جوزى برضه
أمير / اتعصب وحاول يتحكم فى أعصابه وقال ههه جوزك اللى بيعذبك ويهينك
زهراء / دى حاجه متخصكش
امير/ وقف الاسانسير وبص لزهراء بغيظ وقال انتى واحده رخيصه ممكن تبيعى اى حاجه علشان الفلوس حتى لو هتبيعى كرامتك وانا اللي صدقتك يوم ما هربتى من المستشفى انك بتحبينى انا اكتر من الفلوس واحد غبى بقى طول عمرى جنبك بتحول لواحد غبى بس فؤقت متأخر
زهراء / بدموع انت فعلا واحد غبى وهتفضل طول عمرك غبى مش بتشوف غير اللى عايز تشوفه مش بتفكر مندفع تملى لو فكرت لو لحظه واحده هتعرف أن انا بعمل كل ده علشانك بحاول أحميك من تهورك ومن شر عاطف بس انت لاء مش شايف غير اللى عايز تشوفه شيفنى واحده ماديه واحده ممكن تبيع حب عمرها علشان شوية ورق ملهومش اى اهميه يمكن زمان مكنتش بفكر كده بس دلوقتى انا اتغيرت يا أمير شوف شكلى بص فى عنيا ومدت ايديها وقالت شوف رعشة ايدى لما اكون جنبك اكيد بتسمع دقات قلبى وهى بتنادى عليك
أمير / لاء بجد مقنعه اوى فى التمثيل كام مره قولتلك ارجعيلى وهحميكى كام مره طلبت منك متوجعنيش وبتوجعينى عايشه دور المضحيه وده مش لايق عليكى الصراحه
زهراء / ضربته على صدره بدموع وقالت انت ايه يا شيخ عمرك ما كنت قاسى كده ليه بتعمل كل ده فيا كنت بتحس بيا قبل اى حد اصبحت واحد غريب عنى مش بتحس بوجعى
أمير / مسك ايديها وداس عليها وقال علشان قلبى خلاص تعب من وجعك يا زهره
زهراء / اااااه ايدى يا أمير
أمير / ايه بوجعك ومش قادره تستحملى امال ازاى بتستحملى ضربه فيكى وتعذيبه فيكى ولا حبيتى الموضوع وبقى برضاكى
زهراء / رفعت ايديها وقالت انا واحد سافل ولسه هتضربه
امير / مسك ايديها التانيه وقال ايه وجعك اوى الكلام
زهراء / بدموع سيب ايدى يا أمير
أمير / وهو بيقرب منها قال لاء يا زهره
زهراء / بدموع امير انت بتوجعنى
أمير / وهو بيدوس اكتر وبيقرب قال والوجع ده يجى ايه جنب وجع قلبى منك
زهراء / بألم ودموع امير
أمير / قرب اكتر ليها وسند ضهرها على الحيطه وقرب من شفايفها
زهراء / بصت الاتجاه التانى وقالت أمير ارجوك بلاش تنزل نفسك من نظرى اكتر من كده
أمير / وهو بيمشى صوابعه على خدها وقال ايه قرفانه من لمستى ليكى ولا حابه العنف زى جوزك
زهراء / زقته ووقفت رجعت وقالت بتعب ودموع كفايه بقى حرام عليك انت عمرك ما كنت كده ولا بالاخلاق دى ليه يا امير ليه وحطت ايديها على بطنها
أمير / بص على ايديها اللى على بطنها وقال بصدمه انتى حامل
زهراء / بصدمه حامل
وفى الوقت ده باب الاسانسير اتفتح وقالت عاطف
______________________________