رواية فتاة الملجأ الفصل الثاني عشر 12 بقلم آية صالح
رواية فتاة الملجأ الجزء الثاني عشر
رواية فتاة الملجأ البارت الثاني عشر
رواية فتاة الملجأ الحلقة الثانية عشر
كان يجلس وأمامه اللاب توب،وفي تلك اللحظة أضاءت شاشة الهاتف،حتى كانت اثر الصدمة على وجهه
كان مكتوبا تحت الفيديو
_عشان تبقى تلعب مع الكبار يادكتور
:بقى كدا طيب والله لاوريكي النجوم ف عز الضهر
كانت جهاد في نفس ذات اللحظة تشاهد الفيديو وهي تبكي تحت فراشها حتى لا يلاحظها أحد
_اعمل اي دلوقتي يارب اعمل لو محدش هيعرف دلوقتي بكره كل حاجة هتتكشف وهروح في داهية
بينما الأخرى كانت أيضاً تبكي بسبب ذلك العريس الذى سوف يطلب يدها ولن يكون لها ابدا حرية الرفض أو القبول
سمعت جهاد نحيبها مسحت دموعها وذهبت إليها
جهاد:منار انتي بتعيطي ليه؟؟
منار:انتي مسمعتيش ماما هتعمل اي بكره،احب اقولك أنها عايزة تجوزني عشان فكراني مش ب….
جهاد:عشان اي ما تقولي
نظرت إليها منار وظلت تبكي بحرقة حتى وضعت راسها على قدميها
جهاد: متقلقيش يا منار انا جمبك وهي مش هتقدر تعملك حاجة غصب عنك
منار:عشان خاطري متسبنيش انا دلوقتي مليش غيرك
جهاد:يابنتي انا هفضل افكرك لحد امتى إن احنا أخوات،بس كنت عايزة اقولك على حاجة
جهاد:عارفة دكتور خالد
منار:ماله
جهاد:اتخانقت معاه وو…
دخلت عليهم روان وهي تقول
روان:يلا عشان العشا
___
على:انا كدا خلصت كل شغلي معاكي
رنا:دول باقى الفلوس
على:انتي من طريق وانا من طريق ولا كأنك شوفتيني ولا تعرفيني
رنا:بس لما ابقى عايزاك ترد على تليفوناتي
على:تمام
رنا:ياترى نويين تعملوا اي انتوا الجوز
” في الصباح ”
ليلى:ماما انا عاااايييزة اروح لبابا
فريدة:اخفي دلوقتي من وشي انا مش فاضية لدلعك دا
سيف:صباح الخير
فريدة:صباح الخير يا روحي
سيف:اقترب من ليلى كان يقبلها من راسها،لكن دفعته بعيداً وقالت:ابعد عنى انا بكرهك ومش بحبك
أمسكت فريدة شعرها وهى تقول:عارفة لو شوفتك بتعملي الحركة دي تاني هتزعلي مني غوري على اوضتك
ذهبت إلى غرفتها واغلقت الباب وظلت تبكي بشدة
_
كانت في الكلية حيث ظلت النظرات من حولها تتزايد والهمسات
:شوفتي الي عملالنا فيها محترمة ومفيش منها ماهى تربية شوارع
:اوف وازاي اصلا عملت كدا مع الدكتور مكانتش خايفة من أهلها
:تفتكروا الدكتور هيعمل اي
لم تفكر كثيرا حين تركت مكانها وذهبت الي غرفة الدكتور
فتحت الباب بقوة
:شوفت الي حصل من ورا ضهرك
:ادخلي طيب واقفلي الباب وبلاش فضايح
:انا اعمل اي دلوقتي اهلي زمانهم شافوا الفيديو من زمان وسمعتي باظت في الكلية
:ممكن تهدي شوية بعد اذنك
:أهدى ازاي؟!!! طبعا ما انت مش هيجرالك حاجة عشان الراجل والست ديما الي بتبقى غلطانة ياشيخ ربنا ينتقم منك
:تمام لو شايفة انو بطريقتك دي تقدري تحلي حاجة اتفضلى شوفي طريقك بس متجيش تعيطي
:ما انت السبب اصلا في كل الي حصلي دا
:ممكن تسمعيني انا عندي حل للموضوع دا
:اي هو
:الجواز
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة الملجأ)
