رواية فتاة الملجأ الفصل الثامن 8 بقلم آية صالح
رواية فتاة الملجأ الجزء الثامن
رواية فتاة الملجأ البارت الثامن
رواية فتاة الملجأ الحلقة الثامنة
مرت الأيام بسرعة حيث خرجت جهاد من المشفى وأصبحت حالتها الصحية جيدة،تجهزت للذهاب الي الكلية
جهاد:سلوي بقولك عايزة التليفون بتاعي فين هو
سلوي:حاضر هجبهولك
أحضرت لها الهاتف وفتحته وجدت رقم غريب اتصل عليها كثيراً ولكنها عرفت أنه شادي
جهاد:مش هتروحي انتي وروان ولا اي
سلوى:لا مش هنروح انهاردة روحي انتي ربنا معاكي
جهاد:ماشي
خرجت جهاد حتى سمعت صوت منار تنادي بصوت مختنق،نظرت خلفها
منار:استني انا هاجي معاكي
جهاد:طيب
لم تتحدث اي واحدة الي الأخري،حتى وقفت جهاد لحظة في وسط الطريق
جهاد:انتي ازاي كدا
منار وهي تحدق إليها وكأنها كانت تنتظر هذه اللحظة
جهاد:ليه مسمعتيش كلامي يا منار
اقتربت منها منار وهي دامعت العينين
منار:عشان ديما كنت حاسة إني لوحدي برغم إن ماما موجودة في حياتي بس عمري ما افتكر إنها قعدت تكلمني زي اي ام وبنتها،كنت ديما بحس إني حاجة قليلة في نظرها ياجهاد ملقتش حد يعوضني بالحنية غير عمر لما لقيته بيهتم بيا فرحت زي العيلة الصغيرة وصدقت كل كلمة كان بيقولها
احتضنتها جهاد وقالت:خلاص يا منار الحمدلله إن كل حاجة عدت على خير
منار ببكاء:كنت خايفة اوي يا جهاد كنت خايفة تحصلك حاجة وحشة أو تموتي
جهاد وهي تبكي:ربنا ستر في الآخر،وبعدين خلاص بقى متفتحيش السيرة دي تاني ومن النهاردة مش هتحسي تاني بإحسان الوحدة انا جمبك وهفضل العمر كله جمبك
مسحت دموعها واعطتها منديل وذهبت كل واحدة الي مكان محاضرتها
دخلت جهاد الي المحاضرة ولاحظها شادي وجاء وجلس الي جانبها
شادي:اي يابنتي فينك انا رنيت عليكي كتير اوي
جهاد:كان عندي شوية مشاكل
شادي:علي العموم اتفضلي الكشكول دا موجود فيه حاجة كل حاجة نقصاكي من محاضرات
جهاد:حقيقي مش عارفة اقولك اي شكرا
حضرت جهاد ثلاث محاضرات وتركت واحدة،جلست في كفاتريا الكلية كانت تذاكر من كشكول شادي
اقتربت منها رنا هي والبعض من الفتيات
رنا:ياعيني على الإجتهاد،تعالي عايزاكي
ذهبت معاها جهاد
رنا:عايزة 300جنيه بسرعة
جهاد:نعم دا ليه إن شاء الله
رنا:اي انتي نسيتي انا معايا اي
جهاد:امممم المفروض بقى إن اديكي فلوس عشان معاكي فيديو ملوش اى لازمة،من الاخر هما كلمتين اعملي الي انتي عايزاه
وتركتها وذهبت الي الطاولة وجلست
رنا:بقى كدا والله لاوريكي النجوم في عز الظهر
دخلت الي اخر محاضرة وكانت محاضرة الدكتور خالد
_…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة الملجأ)
