رواية فارس الصعيد الفصل الثلاثون 30 بقلم ريهام محمد
رواية فارس الصعيد الجزء الثلاثون
رواية فارس الصعيد البارت الثلاثون
رواية فارس الصعيد الحلقة الثلاثون
الحلقة التامنة
#فارس_الصعيد
(وكأنها سهام تخترق قلبي بقوه تلك الدموع انها قاتله وخاصه منها)
.
.
.
فتحت هنا عيناها وجدت اماني وسعاد واميمه وفاتن ولبني بجانبها نظرت لهم وكانها تقول اخبروني ان كل هذا مزحه وان اطفالي يلعبون لعبه الغميضه
.
هنا بصوت مكتوم من البكاء التي تأبي ان تخرجه::عايزه فارس
.
اماني::هنا يا حببتي طمنيني عليكي
.
هنا::عايزه جوزي
.
فاتن::اهدي بس يا هنا احنا معاكي اها
.
هنا بصوت عالي::انتو ليه مش فاهمني انا عايزه جوزي
.
لبني::خلاص يا بنتي هنادم عليه اها بس انتي اهدي
.
.
نزلت لبني المكتب حيث فارس الذي لا يقل ألم عن زوجته ولكنه قوي جدا لاخفاء ذلك ومعه زياد ومؤمن وعلي زوج اماني الذان ما ان سمعا الخبر حتي جاؤا
.
لبني طرقت علي الباب ودخلت بعد ان سمح لها زياد ::فارس بيه المدام هنا فاجت وطالبه حضرتك
.
فارس وقف وبمنتهي البرود::سيبوها انتو دلوجتي وانا طالع لها
.
صعدت لبني تخبرهم بما قاله فارس
.
زياد::فارس انت ليه مش راضي تدينا عجاد نافع
.
فارس بدون ان يلتفت له::كله بوجته يا زياد وخرج بره المكتب
.
زياد::ربنا يعينه
.
مؤمن::زياد انت مش شاكك في حد
.
زياد::لا بس اكيد فارس في دماغه حاجه
.
علي::نبلغ البوليس
.
زياد::هيحصل بس بعد ما الولاد يرجعوا
.
.
دخل الغرفه وجدها جالسه علي السرير والحزن يملئ وجهه وعيناها الحمراء كلدم من كثره البكاء
.
اقتربت منه بلهفه وصوت باكي::فارس الولاد رجعوا صح هما تحت فارس قولي ان ده كلو لعبه او مقلب انا هسامحكوا والله انت مبيهونش عليك اعيط
.
ضربته بيداها علي صدره::قولي ولادي فين
.
فارس ضمها لصدره وهي سمحت لدموعها بلنزول وظلت تبكي بحرقه::انا عايزه ولادي وحياتي عندك يا فارس لو بتحبني زي ما بتقول رجعلي ولادي انا مش هقدر استحمل اكتر من كدا
.
نزلت دموع فارس الصعيد بصمت فعقله الان لا يقوي علي استيعاب هذا كله اولاده وزوجته انه كلسجين بلصحراء
.
فارس استجمع قوته مره اخري ومسح دموعها ::وحياه الي جمعني بيكي وعزه جلال الله لهيرجعوا بخير وغلاوتك الي ما بحلف بيها باطل
.
هنا بضعف::بس امته امته
.
فارس بصوت عالي ::فاتن
.
سمعته فاتن واسرعت بدخول له ::نعم يا خوي
.
فارس::نادي الممرضه بسرعه
.
هنا بسرعه ورفض::لا يا فارس انا مش عايزه مهدئ ولا عايزه انام
.
فارس بحزن::سامحيني مهجدرش اشوف اكده نامي وارتاحي شويه
.
هنا برفض تشبثت في حضنه عندما رات الممرضه تدخل الغرفه فهي هنا من الساعه ٣ فجرا
.
هنا وهي تحتضنه بقوه وهي تبكي ::والنبي يا فارس خليني صاحيه انا هاديه اهو
.
فارس وهو يناجي ربه(يارب الحمل كبير عني يارب)
.
هنا ::فارس وغلوتي عندك خليها تطلع
.
فارس بحده::اطلعي دلوجتي انتي
.
لبت الممرضه طلبه وهنا ظلت تبكي .
.
فارس اخذها وجعلها تنام علي السرير وجلس بجانبها::مش انتي بتثقي فيا
.
اؤمت هنا
.
فارس::كفياكي بكي وهرجعهم صدجيني من غير ما يجرا ليهم اي حاجه
.
هنا وهي تبكي بحرقه::فارس اشمعنا ولادي انا ليه حظي كدا
ولادي يا فارس لا انا هقوم ادور عليهم
.
ابتعدت هنا عنه واسرعت تفتح الباب ولكنه سحبها وبصوت عالي::اعجلي شويه انتي بتزيدي الحمل عليا
.
هنا ابعدت يده عنها::انت ليه مش حاسس بنار الي فيا انا عايزه ولادي افهمني
.
فارس بعصبيه نادي علي الممرضه التي دخلت بسرعه وامسك فارس هنا بقوه وبعد ان انتهت الممرضه من الابره خرجت
.
هنا وهي تترنح ::مش هسامحك لو ولادي حصل ليهم حاجه لانك وعدتني يرجعوا
.
وقعت بين يديه التي حملتها بسرعه ووضعها علي السرير وضع الغطاء عليها وقبل رأسها وخرج
.
.
فارس::خليكي اهنه وكل شويه ادخلي شوفيها
.
الممرضه::حاضر
.
.
……………
عزه وهي تبكي وتحتضن ابنتها النائمه::زمان هنا منهاره جدا
.
زياد::علي القليل هنا حزنها ظاهر ام فارس حمله اكبر ولاده ومرته وكل ده مستحمل ومعيظهرش حاجه
.
عزه::خليك جنبه يا زياد وخلي بالك لانه متهور
.
زياد::بلعكس المره دي فارس حريص جوي
.
.
……………..
.
شهد::والله يا انس معرف هنيجي امته لان زي ما حكتلك الظروف هنا صعبه
.
انس بعصبيه::شهد انتي رحتي المرادي وانا مش موافق بس جيت علي نفسي عشانك وكمان دلوقتي بتقولي مش هعرف اجي
.
شهد::يعني اعمل اي
.
انس::انتي عارفه هتعملي اي سلام
.
شهد بحزن وغضب::يادي النيله اصل الحكايه ناقصه
.
اماني::اتخانقتو تاني
.
شهد::كلعاده
.
اماني::بسبب اي بقي
.
شهد::عشان لسه مرجعناش
.
اماني::معاه حق لانه قالك انه مش موافق تيجي اصلا معانا
.
شهد::ماما الي حصل بقي انا تعبت
.
اماني::هنتكلم في الموضوع ده بعدين
.
.
…………………
..
.
ايه::مبتكلوش ليه عاد
.
رعد بقرف::انا مبكلش الاكل ده
.
ايه بأستهزاء::اجيبلك اكل بشوات مهو ده الي يليج بأبن فارس
.
سيف::طنط ايه احنا هنروح امته لبابا وماما
.
ايه بتأفف::مبحبش الاسأله الكتير الاكل جدامكو كلوا وبعدها ناموا منجصاش شغل عيال
.
خرجت واغلفت البابا بقوه
.
سيف::انا عايز اروح لماما
.
رعد::وانا كمان
.
………………….
كان يجلس علي الكرسي بجانب سريرها وينظر لها بوجه خالي من المشاعر او اي علامان ظاهره عليه
.
فارس يناجي نفسه(اعمل اي دلوجتي كل الشكوك مش عطيني اي دليل علي حد رعد وسيف خرجوا من القصر مع بعض ودي غريبه من غير حتي ما يستأذنوا امهم تاني حاجه الرجاله جدام الجصر كلهم اترشوا مخدر يعني دي مش عمليه خطف حصلت صدفه دي مجصوده)
.
فتحت عيناها الذابله ونظرت بجانبها وبصوت واهن متعب::رجعوا وصلتوا لحاجه
.
اقترب منها وامسك يدها ::هنا حبيبتي عايزك تركزي معاي عشان ولادنا يرجعوا
.
اعتدلت هنا ومسحت دموعها ونظرت له بضعف::انا مستعده اعمل اي حاجه في الدنيا بس ولادي يرجعولي
.
فارس::سيف ورعد كانوا خارجين وعارفين ان في حد هياخدهم مش ملاحظه انهم اولا مره يخرجوا من غير استأذان
.
هنا بتفكير::صح طيب انت شاكك في حد
.
فارس بحزم::لسه بس دلوقتي لازم اعرف ايه الي حصل جبل ما يخرجوا
.
هنا تتذكر ماحدث::مفيش انا كنت بغير لهم ورعد مكنش عايز يقعد وبعدها سيف قال….قال طنط ايه
.
لمعت عيناه بشر::ايه
.
هنا بشك::ايون بعدها سكتوا ونزلنا تحت و..
صمتت لتنظر له بصدمه::معقول تكون هي
.
.
فارس بشر وغضب كبير::كنت عارف انها ليها يد في الموضوع ديل الكلب عمره ما يتعدل
.
اخذ هاتفه واتصل بها واجابت علي علي الفور
.
.
ايه بدلع ولطافه زائفه::مش مصدجه ولد عمي اخيرا حن واتصل
.
فارس بحده::اسمعي انا اول مره سامحتك عشان الدم وعشان ابوكي لكن قسم بأيات الله المره دي مش هتعدي علي خير
.
.
ايه تغيرت ملامح وجهه::اسمع انا مش عايزه كلام ملهوش عازه عايز ولادك يبجي تنفذ الي هجوله وتاخدهم يوم كتب كتابي انا وانت وده اخر كلام عندي يأهم هبعتهم متجطعين علي القصر يا…يا ولد عمي
.
.
اغلقت المكالمه في وجهه
.
وقف فارس بعصبيه كلنار المشتعله نظرت له هنا بشك ماذا حدث لاطفاله::فارس في اي
.
فارس لم يرد عليها واخذ هاتفه وخرج هنا صرخت::فارس فهمني متسبنيش كدا
.
وقفت واتبعت خطواته وهي تنادي بكل قوتها::يا فارس
.
تجمع كل من بلقصر علي صوتهم فتح فارس باب القصر ونظر لاماني::خليها تطلع الاوضه ومحدش يسيبها لوحدها ولو حصل اي حاجه كلمو زياد
.
هنا بصوت عالي::فارس انا مش هسمع كلامك ومش هتحبس تاني
.
.
خرج بدون اي رد علي كلامها وركب سيارته بسرعه كبيره
.
اماني وفاتن سحبوا هنا الي غرفتها بهدوء وهي بدون حيله ولا قوه::هو بيعمل معايا كدا ليه بس
.
……………..
فارس يجلس ببرود عكس ما يحدث بداخله::بنتك فين يا حسن ومتفكرش تخبي حاجه عليا جيتك هنا مش من فراغ
.
حسن بخوف من الرجال المحاوطين له::يابني والله معرف اخر مره جالت انها عندها شغل في المدرسه ومن يومها مشفتهاش غير بس اتصالات بينا
.
فارس بعصبيه::مدرسه اي بجي المدرسه الي فيها ولادي بنتك الي راحتها جاصده وبتخطط لده كله بنتك بتكتب اخر ساعات في عمرها وصدجني المرادي مش هرحمها ولو عرفت انك ليك يد في الموضوع هنسي انك اخو ابويا
.
.
رخل فارس تارك عمه يلعن يوم ولادته ابنته
.
…………………….
.
هنا بعصبيه::كفايه بقي كفايه انتو من جهه وفارس الي سابني زي الكلبه ولا عبرني ولا قالي اي حاجه واولادي من جهه
.
.
عزه التي تبكي علي هنا وعلي الم معدتها ايضا فلقد ازداد عليها::حاسه بيكي يا هنا بس والله فارس مهيسكت واكيد كل ده في مصلحه عيالك
.
هنا بابتسامه ساخره::عيالي هما فين دول وانا معرفش عنهم اي حاجه من امبارح
.
طرق زياد الباب ودخل وجهه مرهق ومتعب فمنذ امس لم يغفل له جفن::فاتن جوزك عايزك تحت وانتي يا عزه تعالي معايا
.
هنا تنظر لزياد برجاء::زياد عرفت حاجه فارس قالك حاجه
.
زياد بأسف::مفيش جديد
.
خرجت عزه مع زياد وفاتن حملت ابنتها وذهبت لزوجها اماني واميمه ولبني وسعاد مازالو بجانبها
.
سعاد بحزن واسي::هيرجعوا
.
اميمه::ايوه ان شاء الله ويا بنتي تفألوا بلخير تجدوه وعيالك بأذن واحد احد هيرجعوا
.
هنا بيأس::كلكوا بتواسوني بس محدش حاسس بلي فيا محدش عارف ايه الي جوايا
.
.
.
زياد وهو يجلس علي السرير بأرهاق::جسمي كله مكسر
.
عزه::ناملك شويه عشان تقدر تكمل
.
زياد::لا هيكون فيه نوم ولا راحه الا لما ينتهي الموضوع ده
.
عزه::زياد.
.
زياد اعتدل في جلسته::خير يا عيوني
.
عزه::انا اسفه عارفه انه مش وقته بس انا تعبانه قوي
.
انتفض من مكانه واقترب منها::الجرح بيوجعك صح جومي البسي ويلا هنروح المستشفي
.
عزه لم تجادل فهي حقا متعبه ولكنه طلبت منه ان يذهبوا بدون علم احد فلوضع لا يتحمل المزيد
.
اخذها الي المستشفي بسرعه تكاد تكون معقوله حتي لا تتألم اكثر دخل بسرعه الي الطبيبه المختصه لحالتها وانتظر حتي انتهت من فحصها
.
زياد بلهفه::طمنيني مالها
.
الدكتوره::متقلقش المدام الظاهر نسيت العلاج بتاعها وكمان الجرح كان لازم اشوفه امبارح عشان اغير عليه بس في العموم الحمد لله هي كويسه
.
زياد تنهد براحه::ربنا يطمنك
.
………
فارس في سيارته من ينظر له يعتقد انه لا يفكر في شي ولكن اذا دخلت عقله ستجد حرب كبيره بين افكاره
.
فارس::لازم اعرف هي فين والاهم اطمن الاول علي ولادي لعبتي في عداد عمرك يا ايه
.
.
.
هنا بعد ان طلبت منهم الذهاب وتركها بمفردها لانها تود النوم
.
اتصلت بزوجها الذي جاوب علي الفور وكأنه كان ينتظر هذا الاتصال
.
هنا بدموع تنزل بدون اراده::سايبني لوحدي ليه
.
فارس اغمض عيناه بضيق وحزن عليها ::عشان مش عايز اسأله انا معرفش اجابتها
.
هنا::اكتر وقت محتجاك فيه هو الوقت ده يا فارس
.
فارس::انتي عارفه اني رهن اشاره منك وان بعدك عني زي الغرق بس انا بحاول بكل جوتي عشان ارجع اولادنا
.
هنا::انت وهما حاسه انكم رحتم من ايدي
.
فارس::متجوليش اكده يا ست البنات انا جايلك
.
اغلق المكالمه وعزم علي الذهاب لها واحتوائها لتعويضها عن كل هذا التعب وارحه قلبها وعقلها من كثره الاسأله
.
…………..
.
عزه::انا اسفه
.
زياد وهو يقود دون ان ينظر لها::بتتأسفي ليه
.
عزه::عشان المفروض كنت اكون واخده بالي اكتر من كده انا كل الي عملته اني خلتك تقلق
.
زياد::كنت عارف انك هبله بس غبيه دي جديده
.
عزه::متستهزأش بيا
.
زياد::انتي فكرك اني لو في النار حتي مهكونش واخد بالي منيكي انا عندي ينجلع لي عين ولا اشوفك تعبانه
.
عزه ::طيب انا اسفه
.
زياد::ممنوش لازمه الاسف خدي بالك من نفسك واكلك بس وانا هخلي الحاجه اميمه تاخد بالها منيكي اكتر
.
عزه::طيب
.
.
.
دخل الغرفه عليها وجدها جالسه علي الكرسي تنظر له ببرود
.
فارس::مالك جاعده اكده يا هنا
.
هنا بحده وغضب::طلقني يا فارس
.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فارس الصعيد)
