رواية فارس الصعيد الفصل الثاني 2 بقلم ريهام محمد
رواية فارس الصعيد الجزء الثاني
رواية فارس الصعيد البارت الثاني
رواية فارس الصعيد الحلقة الثانية
كان فارس ينظر لعيناها ليجد فيها اي شى يدل علي خوفها منه ولكن ما وجده عينان ثابته بقوه تنظر له بدون اي خوف
.
فارس بحزم::اسمعي هما كلمتين ملهمش تالت يا بنت البندر خروج من البلد مش هيحصل قبل ١٠٠ يوم ما يخلصوا وتعالجي اختي يأمه وأيمنات الله ميصيرلك طيب ابدا بقيه حياتك فاتن ريداكي وعايزه تكمل علاجها ودي اول مره من ٦ سنين توافق وتكون فرحانه انها تتعالج متجيش انتي بجي وتهدمي ده كله انا بكلمك بلحسنه دلوجتي لكن لو فكرتي للحظه انك تروحي فتاكدي انك بتروحي لعزرئيل مش مكان تاني
.
القي فارس هذه الكلمات دفعه واحده وبمنتهي الغضب وبعدها نظر في عيناها دقيقتين ورحل تاركا ايها تفكر في كلامه ربما هي فكرت بقليل من الانانيه ونسيت فاتن التي تعلقت بها واستبشرت بها خيرا ف علاجها ماذا تفعل الان غرورها لن يسمح لهذا الشخص ان يكسرها وايضا واجبها الانساني والمهني تجاه اخته
.
.
هنا جلست وتنهدت بحرقه ::هتعملي اي دلوقتي يا هنا اووووف
.
.
………………………
اما هو فكان مازال في سيارته تحت شقتها يفكر من اين ظهرت هذه الجنيه الصغيره اهي حقا لا تخشاه لما يفكر بها
و من اين لها كل هذا الثبات والشموخ هل اصبحت انا من اخشها واخشي لسانها الذي لا يتلزم باي حدود معي ولكنها ربما لا تعرف من انا لذلك تتحدث معي هكذا
.
.
ظل فارس مايقارب النصف ساعه تحت شقتها ثم ادار محرك سيارته وذهب الي قصره لينهي الاسأله الكثيره التي تدور في عقله
.
………………….
فتح غرفه اخته وجدها نائمه قبل جبينها ورحل فهو يعرف انها نامت من حزنها وحتي لا تواجهه لاينكر استغرابه من تعلقها المفاجئ بتلك الفتاه ولكن كل شئ متعلق بها غريب
.
دخل غرفته وذهب الي النوم شعر وكان هذا اليوم بمئه يوم
.
.
……………..
في الصباح الساعه ١٠
.
.
دخلت وهي تضع نظارته الشمسيه وترتدي حذائها الابيض وبنطال اسود وبلوزه حمراء ومعها حقيبه عملها
.
.
لبني باندهاش ::ست الدكتوره انتي عاودتي اهن
.
هنا بجديه::ايون يا داده لبني اصلي مش عيله عشان اسيب شغلي والحاله الي معايا قوليلي بقي فين فاتن
.
لبني::ست فاتن قدامها ربع ساعه وتنزل تجدري حضرتك تقعدي اهن في الجنينه او جوا كيف ما تحبي
.
.
هنا::لا هقعد هنا في الجنينه الجو جميل انهارده
.
لبني بأبتسامه::خلاص اعملك كوبايه عصير تعدل مزاجك
.
.
هنا بابتسامه::ماشي
.
.
جلست هنا في الطاوله الموضوعه في الجنينه وظلت تنظر للمكان بأنبهار فهنا الكثير من الورود الحمراء فهي تعشق هذا اللون والاشجار والخضره
.
هنا::شكلهم مهتميين جدا بلجنينه
.
.
فارس::شى طبيعي في قصر العربي
.
هنا صرخت من الخضه ::انت اي يا بني ادم انت
.
فارس حاول كتم ضحكته التي لا تظهر لاي احد ::انا فارس العربي او كيف ما يقولو فارس الصعيد
.
.
هنا بسخريه::حصل لنا الرعب
.
فارس حاول التحكم في اعصابه::شايفك جيتي يعني
.
هنا بصوت جاد::انا جيت فعلا بس مش خوفا من كلامك ولا حاجه انا جايه بس عشان حاجتين الاولي ان فاتن ملهاش ذنب في حاجه وملهاش ذنب انك اخوها انا استلمت حالتها وان شاء الله هكمل فيها
.
.
فارس رفع حاجبه ::والسبب التاني
.
اقتربت منه هنا ورفعت عينها في عينه::السبب التاني عشان اثبت لامثالك ان كليه الطب دي كليه عظيمه ومش بتلم زي ما بتقول
.
.
فارس بصوت حاد وبارد::شغلك اهنه تخلصيه وتعاودي شقتك ولسانك ده خليه يكمل معاكي ١٠٠ يوم احسن ما اجصهولك واقلب علي الوش التاني وساعتها مش هيعجبك ابدا الي هتشوفيه
..
هنا بتحدي ::٩٩ يوم وانا لا بخاف من وش اولاني ولا وش تاني يا استاذ
.
كان فارس سيتحدث قاطعته لبني
.
لبني::الست فاتن نزلت يا دكتوره
.
اغمض فارس عيناه من الغيظ فكان سيلجم لسانها ويعطيها كلام قاسي ولكن في كل مره تضيع فرصته
.
نظرت هنا لفارس بتحدي::يله يا داده عشان اخلص شغلي وامشي من هنا
.
مرت من جنابه بمنتهي اللامبالاه التي اشعلت في قلبه نيران الغيظ منها
.
نظر لها وهي تدخل من باب القصر ::والله ماهمرقها ليكي بلساهل يا بنت البندر
.
رحل فارس من القصر وهو يركب سيارته الي مكان عمله الذي اهمله امس بسبب هذه الجنيه الصغيره
.
………………..
فاتن بسعاده بالغه::ممصدجاش انك اهنه يا هنا
.
هنا تبادلها الابتسامه::انا هنا بس بسببك والله يا فاتونه
.
.
…………………
زياد::وبس اكده حتت الارض دي هتتبني عماره ٥ ادوار بس عشان صاحبها عايزها زي متكون بيت عيله له ولاولاده
.
فارس بجديه::تمام اكده هنبدء فيها من اول السبوع الجاي جهز انت بس العمال لاني احتمال علي اخر الاسبوع ده اروح القاهره اتباع امور الشركه أهناك
.
.
زياد بمرح ::متقلقش يا ريس كل حاجه هتبقي تمام ..بعيدا بقا عن الشغل مين القمر الي كانت قاعده مع اختك
.
فارس باستغراب::بتسأل عليها ليه
.
زياد::شكلها يهبل
.
فارس بغيظ مكتوم::زياد معحبش الكلام ده ياتقول كلام زين يترجع علي شغلك
.
زياد::الله بشويش شوي ياخوي انا عتكلم عادي واخد الموضوع جد ليه
.
فارس بنفاذ صبر ::اباي عليك يا زياد جيبها البر معاي
.
زياد في نفسه””والله وشكل فارس الصعيد وقع””.
.
.
زياد بأبتسامه::خلاص راجع علي شغلي اها
.
………………………
.
لبني ::ياضنايا يا بتي كل ده حصولك
.
هنا::الحمد لله علي كل شئ يا داده
.
فاتن::يتمه كيف بعض بس الحمد لله انا ربنا انعم علي بفارس اخوي وزياد ولد عمي وخالتي سعاد وداده لبني ودلوقتي انتي جزء من العيله ربنا انعم بيها علي
.
.
ايه ظهرت فجاه وتحدثت بتكبر::مسمعتش اسمي ولا اسم ابوي يا فاتن لا والعجيبه قولتي اسم الغريبه دي واحنا لا
.
.
فاتن بانزعاج::في اي عاد يا ايه مش شايفه اني باخد كورس العلاج
.
ايه بخبث::لا شايفه كلام ملهوش اي عازه كلام فارغ جوي بسرعه دي خليتيها واحده من العيله
.
.
لبني تحاول تلطيف الجو::ايه يا بتي عيب هي ضيفه عندنا
.
ايه بحده::مش عاد ناقص غير الخدمين الي يتحدتوا
..
هنا بنفاذ صبر وغيظ مكتوم:: اسمعي اولا دخولك لهنا بلطريقه دي تاني غير مسموح لان ده مكان شغل واعتقد ان مش مسموحلك تدخلي الاوضه دي طول مانا فيها لاني بعالج المريضه وكلامك ده كلوا ملوش اي لازمه وفارغ علي قولتك انا دكتوره وفي فتره وجودي هنا مسمحش لاي حد يتطاول بلكلام معايا ثانيا اتمني بعد كدا يا داده فاتن ان الاوضه تتقفل وميكونش فيها غيري انا وانتي وفاتن
.
.
ايه بغيظ وحده::البيت بيت ابونا ويجي الغرب يطردونا
.
فاتن بنفاذ صبر::ايه خلاص عاد الي عملتيه ده
.
ايه::مسمعاش قله ادبها
.
هنا بحده::احفظي لسانك كويس انا ادبي المفروض يتعلموا منه الي زيك
.
ايه بصوت عالي::اطلعي بره يا قليله الحيا
.
هنا بأبتسامه بارده وجهتها لايه::فاتن اعتقد ان خلصت الكورس انهارده وكدا كفايه قوي ورقمي معاكي يا داده لو احتجتوا حاجه كلموني
.
خرجت هنا من القصر وهي تكافح دموعها في عدم النزول هي ليست ضعيفه ولكنها جرحت كرامتها لن تبكي حتي تصل لمنزلها
.
.
……………………….
فاتن ببكاء ::يا واقعه مربره حظي مقندل يا داده ماصدقت تعاود تيجي ايه الحدايه تقلب الدنيا وتجرحها اكده لا وكمان تطردها
.
.
لبني بحزن::فارس بيه لما يعاود اكيد هيحل الموضوع
.
فاتن بحزن::فارس كيف بس وهما اتنينتهم متخانقين البارحه
.
لبني::بس هو يعرف بس وصدقيني هو معيرداش حد يخرج من بيته اكده
.
.
دخلت عليهم سعاد::جرا اي يا فاتن قاتله نفسك من البكا لي اكده
.
فاتن ببكاء::الي ما توعا تتسمي ايه طردت الدكتوره الي بتعالجني يا خاله
.
سعاد ::وتبكي البكا ده كله
.
فاتن::انا حبيتها يا خاله ولقيت شفي ربنا بعته علي يدها افهموني بجي يا ناس
.
………………………
.
زياد::كدا كل الشغل بقي جاهز يا ريس نروح بقي حكمن واقع من الجوع
.
فارس بسخريه::ساعه البطون تغيب العقول قوم بينا نروح
.
فارس وهو يركب سيارته مع زياد””ياترا لساتك بلقصرولا لأ يا بنت البندر”
.
.
……………………….
.
.
ايه::بنت المركوب والله لقص لسانها واخليها عبره للبلد هي والمشلوله الي عدافع عنيها
.
حسن وهو يشرب سجاير::هدي روحك يا بتي بعدين انتي كرهاهه اكده ليه عملت وياكي اي
.
ايه::اصلك مشفتهاش كيف البدر المقصوفه استني انا بجي لما تعمل حاجه لزياد او فارس وخصوصا فارس البت جريئه مش مكسوره زي بقيت البنات الي قبلناهم
.
حسن::ناويه علي اي يا بت ابوكي
.
ايه بخبث::ولا حاجه مستنيه اشوف رد فعل فارس علي الي سويته انهارده لازم اطلع حالي مغلوبه علي امري وهي بت كلب وبعدها هحط خطه زينه عشان اوقعه
.
حسن بأبتسامه شريره::دماغك سم والله وعرفت اربي
..
.
………………..
.
فاتن::ملياش نفس اتسمم
.
لبني وسعاد::فارس وزياد جم
.
فاتن::انا هفضل اهن في اوضتي لو فارس سأل خليه يجيني
.
دخل فارس وزياد الاوضه
.
زياد::مهملين القصر وقاعدين في اوضه فتونه ليه
.
فاتن والدموع في عنيها::فارس
.
لاحظ فارس نبره صوت اخته الحزينه وعيناها التي كانت تبكي ومازالت بها اثار البكاء
.
فارس بهدوء::هملونا لحالنا شويه
.
خرج زياد ولبني وسعاد والدته
.
…………………..
.
فارس جلس بجانب اخته وامسك يدها::مالك يا حبه عيني خير اي بكاكي
.
.
فاتن ببكاء::هنا
.
قبض قلبه للوهله الاول هل حدث لها شي هل هي بخير استجمع شجاعته::مالها بنت البندر
.
.
.
……
هنا جالسه امام طاوله الطعام تحاول عدم البكاء فليس من الساهل ان تبكي وخصوصا بسبب فتاه لا تستحق دمعها منها ولكن جرحت كرامتها وهذا امر مؤلم بلنسبه لها
.
..
………………….
.
فارس بغضب مكتوم وصوت حاد::وهي ايه جاتها الجرأه منين تطرد حد من قصر فارس العربي وضيف عندنا والدكتوره بتاعتك كمان هي جنت ولا اي قسم بلله لطربجها علي راسها
.
.
خرج فارس من الغرفه وبصوت عالي::ايه ايه
.
ايه خرجت من غرفتها وهي مخضوضه من صوت فارس::خير يا ولد عمي
.
فارس بغيظ وحده::هيجي الخير منين انتي مين اداكي الحق تطردي حد داخل بيتي
.
ايه تمثل الحزن والضعف::قله ادبها علي معرفتش اعمل حاجه ادافع بيها عن نفسي غير اني اطردها بس والله مكنت اقصد حاجه عفشه
.
فارس بتحذير::قسم بأيات الله يا ايه لو اتخطيطي حدودك في القصر ده مهيكون ليكي قعاد فيه وانا بحذرك ضيوفي كرامتهم من كرامتي وحطي ده حلقه في ودنك فهمتي
.
ايه تمثل البكاء::فهمت يا ولد عمي
………………………
.
.
في المساء الساعه ١٠
.
هنا بضيق::خلاص يا دكتور فوزي هدفع انا الشرط الجزاي مش هغرمك حاجه بس انا قعاد هنا تاني مش هيحصل
.
فوزي بحده::هو شغل عيال ولا اي يا هنا وانتي فاكره ان الناس دي سهله
.
هنا بنفاذ صبر::شغلي وانا حره فيه وبدال كدا كدا مش هتخسر حاجه فلافضل حضرتك متدخلش انا هقفل سلام
.
ولم تعطيه هنا الفرصه واغلقت الهاتف بعدها سمعت طرق علي الباب
.
فتحت هنا ووجدته امامها بهئته الصعيديه القاتله
.
هنا امتلأت عيناها بدموع::خير جاي انت كمان تطردني من بلدك
.
فارس ارتعش قلبه لشكل عيناها التي توحي بلحزن فهو كان يري بها دأئما القوه والثبات
.
هنا::لو سمحت اعتبر شغلي خلص لهنا لاني مش هستحمل اهانات في كرامتي بعد كدا ولا حد يطردني من بيته والشرط الجزئي انا…………
.
قاطعها فارس بحزم::في حد يطرد من داره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فارس الصعيد)
