رواية فارس الصعيد الفصل الثاني والعشرون 22 بقلم ريهام محمد

رواية فارس الصعيد الفصل الثاني والعشرون 22 بقلم ريهام محمد

رواية فارس الصعيد الجزء الثاني والعشرون

رواية فارس الصعيد البارت الثاني والعشرون

رواية فارس الصعيد الحلقة الثانية والعشرون

(هي ست الحسن والمحاسين والحسان هي احسن واحده حبتني هي الي مش لاقي في وصفها زي هي الي ساكنه وريدي و شعرها زي جدايل ضي هي الي لما بتضحك بيحلا في عيني عمر الجي هي الي لما بتجرح قلبي بيحلا لقلبي قوله ايي هي ست البنات كلها)
.
.
زياد عاد الي المنزل ومعه مؤمن ولم يتحدث طول الطريق فستغرب مؤمن
.
مؤمن::غريبه يعني طول الطريق متكلمتش
.
زياد::معلش يا مؤمن اليوم كان فيه ضغط كبير اتفضل
.
.
وجد زياد ومؤمن فارس في انتظارهم
.
مؤمن بتوتر::ازي حضرتك يا فارس بيه
.
فارس::اهلا اتفضل
.
زياد::طيب اسيبكوا انتو مع بعض واروح اشوف ورايا اي
.
ذهب زياد وجلس مؤمن وفارس ٥ دقائق بدون كلام
.
فارس::ساكت ليه ولا جاي عشان تسكت سمعنا صوتك
.
مؤمن بتوتر وهو يفرك يديه::حضرتك انا…..
.
فارس::بدأتها بحضرتك علي العموم يا مؤمن طلبك مجبول
.
مؤمن بفرحه كبيره::اي ده بجد حضرتك بتتكلم بجد ازاي دانا لسه مقلتش حاجه
.
فارس بأبتسامه::ايوه بتكلم بجد بس انا عندي سؤال انت ليه طلبت يدها واخترتها تكون عروسه ليك وهي قعيده
.
مؤمن بثقه::انا ممكن اجاوب عليك بس الاول هو حضرتك اخترت مدام هنا ليه
.
فارس بأستغراب::لاني حبيتها وشوفت كل مستقبلي معاها
.
مؤمن::هو ده نفس اجابتي الحب لما بيدخل القلب مبيستأذنش وغير كدا انا قابلها بكل مافيها وعايزها زي ماهي
.
فارس ابتسم بفرح::صدجت لما قالت ان اختيارتها كلها صح
.
مؤمن::تقصد اي
.
فارس اعتدل في وقفته كلجبل::اجصد يشرفنا نسبك يا صهر
.
احتضن مؤمن فارس بسعاده
.
فارس::طيب نشوف رأي العروسه بلمره تعالي يا فاتن
.
دخلت وهي ترتدي عبائتها التي تناسبها بشكل جميل وتلف حجابها مع خدين متوردين من الخجل
.
مؤمن بصدمه لما يراه واعجاب بها::مين دي
.
فاتن بخجل كبير وتوتر::طيب استأذن انا
.
مؤمن بسرعه::استني
.
لم تنتظر من خجلها ورحلت تاركه فارس يبرر له ما يراه::ودي فاتن بعد ما ربنا كتب لها الشفا علي يد هنا واجدر اقول ربنا يكمل لكم علي خير يابو نسب انت كبرت في عيني ومقامك علي حافظ علي الجوهره الي معاك وربنا يكرمك
.
.
مؤمن والفرحه تجتاح كل قلبه::الحمد لله يارب الحمد لله في عنيا بأذن الله
.
…………….
مع رنين هاتفه المتواصل والرسائل رد زياد علي عزه اخيرا
.
زياد::خير يا عزه
.
عزه بحزن::تعاله خد شبكتك
.
زياد وهو يمسح علي وجهه بضيق::طيب هاجي في حاجه تانيه
.
.
عزه وهي تمسح دموعها::اااه امسح رقمي من عندك
.
.
زياد::همسحه
.
عزه بأستغراب::اي ده انت بارد ليه
.
زياد::مش انتي عايزه كدا من الاول وبتطلبي
.
عزه::بص مش عاد ليك دعوه بيا خالص ولا حتي تديني محاضرات
.
زياد::ده الي هعمله
.
عزه ببكاء::انا كنت عارفه انك مبتحبنيش
.
زياد::لا انا بحبك
.
عزه::انت زعلتني
.
زياد::حجك علي راسي
.
عزه::هتتجوزني
.
زياد ضحك عليها وعلي جنونها في مصالحته::هتجوزك وانا ليا مين غيرك
.
عزه::انت مش زعلان بجد
.
زياد::لا انا بحبك بجد
.
عزه بأبتسامه::وانا كمان
.
زياد::طيب مكنتيش تصالحيني وانا عندكم
.
عزه::ما انت مشيت زي المتكهرب وقعدت تزعق وتقول كلام كتير
.
زياد::واستفدتي منه الكلام ده
.
عزه::ااه اني بحب واحد صعيدي وقمر
.
زياد::بتغلبيني في الكلام
.
……………………
هنا::فارس
.
فارس:: نعم يا هنايا
.
هنا::فارس انا عايزه اروح ارض الهنا
.
فارس::يا بنتي اعجلي بجي شويه بكره هوديكي الجو برد دلوجتي
.
هنا::انت بخيل جدا وبص بقي انا وابني مخصمينك
.
فارس::صبرني يارب
.
هنا ::فارس
.
فارس::نعم يا اخره صبري من الدنيا
.
.
هنا::هو مؤمن راح فين
.
.
فارس وهو يتابع عمله علي حاسوبه::راح الشقه الي كنتي فيها اول ما جيتي
.
.
هنا اقتربت من فارس وابعدت الابتوب واحتضنته::فارس انا بحبك
.
ابتسم فارس وضمها لصدره بحب::وانا بعشقك يا ست الحسن والجمال
.
.
ابتعدت هنا ::انا هروح اكل حاجه واروح لفاتن وخليك فاكر اني مخصامك عشان انا بنسي يأمه همسك دراعك اخليك متعرفش تحركه وانا دكتوره وعارفه انا هعمل اي
.
.
امسكها فارس من يدها واخرجها خارج الغرفه ::ربنا يهديكي
……………
ذهبت هنا لغرفه فاتن ووجدتها سرحانه تبتسم
.
.
هنا::من اولها كدا
.
فاتن::انا مبسوطه جوي جوي يا هنا ربنا يخليكي ليا والله انا لو كان ليا اخت مكانتك هتعمل معايا ربع الي عملتيه
.
هنا::انا اختك وصاحبتك والله انتو الي ليا من الدنيا
..
.
فاتن احضتنتها::ربنا يجومك بسلامه
.
.
هنا::يارب …..صحيح انا عايزاكي في طلب
.
.
فاتن::خير
.
……………………
اماني ::ليه يا علي قلتله كدا وكسرت بخاطره مانت عارف انه بيحب البت وعايزها
.
.
علي::لاني عارف اني كدا ضغط عليه وهيجيب اهله ويجي
.
.
اماني::يعني انت عايز اهله يدخلوا
.
.
علي::ااه عشان لازم نوضع حد للنقطه دي مش عايز حد يتكلم في يوم علي شهد وانس وغير ده كلوا نريحه بدل ماهو عامل زي المجنون وفي الاول والاخر احنا عارفين ان نيته خير
.
اماني::انت ادري يابو شهد
.
علي::الا صحيح يا اماني
.
اماني::نعم
.
علي::راجعه محلويه ليه هو الصعيد بيحلي كدا
.
ابتسمت اماني علي غزل زوجها
.
……………………….
.
دخلت هنا غرفتها الساعه ١٢مساءا وجدت فارس بعقده حاجبيه وتكتيفت يده وهو جالس علي الكرسي ويضع قدم فوق الاخري بمنتهي الثبات والرقي وكانه بطل سينمائي يمثل في فلم عالمي هذا المشهد
.
.
هنا::خير يا حبيبي قاعد كدا ليه .
فارس::لا ابدا اصل مستني المدام تتفضل وتيجي الاوضه والساعه بجت ١٢
.
.
هنا بتلقائيه::كنت قاعده مع فاتن والكلام اخدنا
.
اقترب منها فارس فهي تراجت للخلف
.
.
هنا بعد ان التصقت في الباب الخاص بلغرفه::خير يا فارس انت بتخوف ليه
.
فارس همس لها في اذنها بحب::مفيش حاجه في الدنيا تاخدك مني يا ست البنات مفهوم لا فاتن ولا غيرها
.
هنا بهيام في هذا الفارس الذي لا يكف عن جعلها في عالم وردي ويحيطها بأمانه وحبه الكبير لها::مفهوم يا سيد الرجال
.
نقطه للسعاده وبدايه اخري
.
………………………………
.
بعد مرور الوقت استيقظت هنا بنفس علامات الحزن والاكتئاب التي تراودها من سنتين بعد ان فقدت رجل حياتها بسبب طلق ناري كان موجهه لها من ايه ولكن تلقاه الفارس وفقد الحياه
.
اجل مات الفارس
.
.
اقتربت هنا من السرير الذي ينام فيه صغيرها الذي لم يري وجه ابيه ولا ابياه رأه سقطت دمعه علي وجه صغيرها
هنا امسكته وضمته بحزن بالغ وبكت بحرقه جعلت صغيرها يبكي لبكاء امه
.
حملته هنا ودخلت به الحمام كي تغسل له وجهه ولكنه بدون قصد وقعت علي الارض المبلله هي وطفلها فصرخت هنا بقوه عندما رات الدماء تخرج من فم طفلها الصغير
.
…………………………..
.
استيقظت هنا تبكي وترتعش علي هذا الحلم الذي شل اوصالها فأخذها فارس بحضنه وهدأها
.
.
فارس بقلق::اهدي يا هنا انا موجود ده حلم وانا جنبك اهدي
.
.
هنا وهي تتشبث به كلطفله::أيه يا فارس أيه هتموتك أيه هتبعدك عني ايه …..
.
.
فارس بصوت هادي يحاول ان يبعث به الاطمئنان لقلبها::محدش يجدر يبعدني عنك انا جنبك اهو متخافيش أيه مبجتش موجوده في حياتنا تاني اهدي كل ده كابوس وانتهي
.
هنا نظرت لعيناه ببكاء وصوت متعب::متسبنيش انا حياتي في ايدك
.
.
فارس مسح دموعها وامسك يدها قبلها::وانتي كل حياتي وحياه لا اله الا الله مهبعد عنك حتي لو وصلت نعيش انا وانتي وابننا الي جاي علي جزيزه لوحدنا
.
.
ارتمت هنا في حضنه وشعرت بامان الدنيا كلها في حضنه الذي لا يسع احد الا هي فقط
.
.
بعد مرور ثلاث شهور
.
.
.
هنا دخلت علي فارس المكتب ::فارس انا بولد
.
.
نظر مؤمن وزياد لفارس يحاولون عدم الضحك
.
زياد::طيب انا هروح اشوف اي الي ناجص تعال معايا يا مؤمن
.
مؤمن::ماشي يا عريس
.
.
فارس انتظر خروج مؤمن وزياد ونظر لهنا بضيق
.
.
فارس بغضب يحاول اخفاءه::عاجبك الي عملتيه ده بعدين يا هنا انتي لسه في اول الخامس يعني لسه ٤ شهور
.
.
هنا::اسفه متزعلش بس اصلي اتوترت
.
فارس اغمض عيناه وتنهد:: تعالي يا هنا جربي
.
.
اقتربت هنا منه و جعلها فارس تجلس علي قدمه ويده علي بطنها::العيال الي جوه دول تعبينك جد اكده
.
.
هنا بتنهيده::بيضربو بطني ومش مخليني عارفه اكل الاكل الي بحبه مفتريين زي بباهم
.
.
فارس::بجي انا مفتري
.
هنا تلمس لحيته بحب::ايون بس مفتري قمر
.
.
………………….
.
.
زياد::كلها اربع ايام والجمر هيكون عندي
.
.
عزه::متستعجلش بس انا ممكن اأجل الفرح عسان فستاني باظ ولسه ملقتش فستان
.
زياد::يابنتي لو هاخدك بشوال بعدين في واحده عاجله تاكل وتشرب وهي لابسه فستان فرحها ولسه بتجربه انتي هبله وبكرش
.
.
عزه::الجوع كافر يا حبيبي لو مش عاجبك خلاص شوفلك واحده عاقله
.
.
زياد::مخلاص بجي ادبسنا وكتبنا الكتاب
.
.
عزه::بمناسبه كتب الكتاب انتي مجبتليش ورد ليه يومها او حتي صباره ياخي تفرحني بيها
.
.
زياد::اتحرج جدام الناس شايل بوكيه ورد عيل انا اياك
.
عزه::زياد انا هقفل عشان الصعيدي الي جواك هيطلع وانا ورايا شغل باي
.
.
زياد::يا بت استني
.
.
لم تنتظر عزه واغلقت المكالمه
.
.
……………….
.
مؤمن::يعني اي يعني افهم تاني
.
.
فاتن::اي يا مؤمن مقلتش حاجه غريبه
.
.
مؤمن::لا يا شيخه خالص عايزه تصبغي شعرك وتخليه مفرود يوم الفرح ودي حاجه غريبه خلاص انا اخترلك لون الصبغه وانتي اختريلي القرون الي هركبها
.
.
فاتن انفجرت ضحك علي غيرته :: لا انا خطيبي راجل وسيد الرجاله بعدين انا بهزر معاك والله
.
.
مؤمن ::انا هقوم امشي وهزارك دمه تقيل
.
فاتن::اي ده مؤمن استني
.
.
.
…………………………
.
جاء اليوم الموعود يوم زفاف عزه وزياد كان في احد القاعات الملكيه وكانت العروس ترتدي فستان اميرات مرصع بلاحجار المتلئلئه وكان محتشم وهذا بطلب من زياد الذي جعل مصمم الازياء يضع بعض التعديلات التي تناسبه وكان العريس يرتدي بدله سوداء واقام الفرح نهارأ وذلك طلب عزه
.
.
.
طلت بفستانها وخرجت عليه خطفت قلبه كاول مره راها بها اما هي رغم جراتها الا انها كانت تشعر بخجل كبير وفرحه بهذا الفستان وهذا الزوج الذي في اكبر احلامها لم تكن تتخيله اقترب منها وامسك يدها قبلها بحب وهي ضربات قلبه تكاد تسمع
.
عزه بخجل::شكلي حلو
.
.
نظر لها زياد بحب بالغ ::انتي حلوه بعجل دانتي أيه من الجمال
.
امسكت عزه يدها وقبلتها ::كان نفسي اعمل كدا لما اتجوز بس لبابا وانا دلوقتي شيفاك كل حاجه بلنسبه ليه
.
زياد::ربنا يباركلي فيكي
.
…………………..
.
هنا وهي تنظر لعزه بفرحه::الله جميله قوي وفستناها حلو جدا ربنا يكملها علي خير ويسعدهم
.
.
فارس نظر لها::عاجبك الفرح
.
.
هنا نظرت له نظره وكانه تخبره انها ليست حزينه علي عدم ارتدئها هذا الفستان ::علي فكره انا مش زعلانه خالص ومبفكرش في الي في دماغك بلعكس لو اتعادت الظروف مره واتنين وتلاته هختار اتجوزك من غير فرح او فستان وكفايه انك معايا
.
.
فارس اخدها بين ذراعيه::انتي ست الحسن والمحاسين والحسان
………………..
.
مؤمن::عقبالي يارب يارب
.
.
فاتن::هانت كلها سنه
.
.
مؤمن::سنه اي داهو شهر بس وبعدها هحدد مع فارس معاد الفرح يا ماما
.
.
فاتن::لما اوافق بجي ولا انا مش العروسه والمفروض احدد معاكوا
.
.
مؤمن::غصب عنك هتوافقي
.
فاتن::عافيه اياك
.
.
مؤمن::ايوه هي عافيه بقي وخلينا نتفرج علي الفرح بدل مرزغك قلم اخليكي مش شايفه او بوسه ايهم اقرب
.
فاتن ::هههههه ربنا يهديك
.
………………….
.
اماني::شكلهم حلو قووي
.
.
انس نظر لشهد::الواحد عايز السنين دول يعدوا وتيجي اللحظه دي يارب
.
علي::يبني الجواز ده مش زي مانت فاكر
.
.
اماني::ماله يا استاذ علي ان شاء الله
.
.
علي::جميل زيك
.
.
اماني::هههه راجل بكاش
.
……………………
.
.
بعد ان انتهي الفرح ذهب كل منهم الي مكانه مع فرحه عارمه تجتاح قلوبهم
.
.
سعاد ولبني وباقي العائله ذهبوا الي غرفهم المحجوزه في الفندق
.
اما الزوجين بعد ان ودعوهم واميمه التي اطلقت العنان لبكائها ولكن غلبتها عزه بمزاحها وفرحتهت بعدها دخلوا الي شقتهم التي بلقاهره لان زياد اخذها بحكم عمله وايضا تكون مكان مخصص لهم .
.
زياد::نورتي شجتك يا عروستي
.
.
عزه بتوتر::الله ينورك
.
زياد::اي ده انتي متوتره يا جلبي
.
عزه::بص انا هقولك كلمتين لو قربت مني هصوت والم عليك الناس وهقدم فيك بلاغ انك بتتعدي عليا
.
زياد انفجر ضحك
.
عزه::بتضحك ليه دانت بجح وبايخ
.
زياد::استني عايز اوريكي حاجه استني
.
اخرج زياد من بوكيه ورد لونه احمر ملفوف بقماشه بيضاء مزينه بلؤلؤ
.
.
عزه باندهاش::الللللللللله ده ليا
.
.
اعطها زياد البوكيه ::ايون انا مجدرش اتأخر عنك في حاجه يمكن في حاجات مجدرش اعملها جدام الناس بس معاكي انتي اجدر فستحمليني
.
.
عزه ضمته::انا بحبك
.
زياد اخرج فلوس من جيبه ونظر لعزه
.
عزه::اي دول
.
.
زياد::دول الخمستاشر جنيه الي اديتيهم ليا لما كسرتي نظارتي
.
.
عزه بمزاح::انت لسه محتفظ بيهم يا لئيم
.
زياد بحب::دول البدايه الي خلتنا نوصل للحظه دي
.
عزه بأمتنان::ربنا يحفظك ليا ويباركلي فيك وميحرمني منك ابدا
.
.
زياد قربها منه::طيب تعالي انا عايز اجولك كلمه بمناسبه الدعوه الحلوه دي
.
عزه بحذر::كلمه اي وبعدين انت بتبصلي كدا ليه يا قليل الادب
.
.
زياد::استعنا علي جله الادب و عشجي بلله
.
…………………
.
هنا::احنا رايحين فين دلوقتي
.
.
فارس::في حفله هوديكي ليها
.
.
هنا::حفله اي دي ولمين يا فارس ملهوش لازمه انا تعبانه من الفرح
.
.
فارس::لهشام الجخ
.
.
هنا بفرحه كبيره::انا كويسه ويلا بسرعه بقي عشان نلحق القصائد من اولها
.
.
فارس::دي هديه ليكي
.
هنا امسكت يدها قبلتها ::انت جميل قوي يا فارس
.
.
فارس::لا منا عارف
.
.
هنا::بطل غرور يا رخم
.
فارس ابتسم لها::المهم في سندوتشات في الكرسي الي ورا عشان تاكلي
.
.
هنا::ايون انا جعانه قووووي
.
.
فارس::كلعاده دانتي من يوم ما حملتي وانتي بتاكلي بجيتي١٠٠ كيلو ولا لسه
.
..
هنا::١٠٠ كيلو في عينك انا زي القمر وجميله وحتي الدكتوره بتقولي اني وزني مثالي بلنسبه لوحده حامل
.
.
فارس::يا ستي لو بجيتي ١٠٠ كيلو شاريكي وعايزك ورايدك برضوا
.
.
هنا::ميرسي يا بيبي
.
فارس::بيبي اي الكلمه الماصخه دي
.
هنا::راجل متبلد المشاعر
.
فارس بغمزه::بذمتك انا متبلد
.
هنا بضحكه علي تعابير وجهه::بصراحه لا وسوق يلا كويس عشان نلحق القصايد القمر بتاعتوا
.
.
فارس::عغير انا كدا وهرجع في كلمي
.
هنا امسكت يده::اصلا مفيش قمر غيرك يلا بقي
.
.
فارس::يا بت
.
.
هنا::ااه والله يلا بس عشان اسمع قصيده نانا
.
.
فارس:تؤمري يام الولاد
.
………………………
.
.
مرت الايام عليهم مرور الكرام حياتهم تتراوح ما بين الحب والسعاده العارمه ولكن للحياه وجهين سعاده وحزن ضيق وفرج ولكن حبهم جعلهم يتغلبون علي الكثير
.
اميمه تركت القاهره وسكنت في القصر معهم بعد اصرار والحاح من عزه وزياد
.
عزه وزياد كلقط والفأر فمع مرور الثواني يثقل حبهم ويكلل بلعشق
.
.
ايه وحسن كمن في منفي وهذا جعل هنا ترتاح من ايه ومكرها وكيدها
.
فوزي وخالد يقضون عقباتهم في السجن مع مراقبتهم وهذا طلب من فارس
.
.
فاتن ومؤمن كل يوم بدايه جديده لحبهم فهمي مازالت ممتنه جدا له عندما طلب يدها علي الرغم من علمه انها قعيده مؤمن الذي يريدها في بيته بأسرع وقت طلب من فارس تحديد العرس ولكن هنا طلبت منهم تأجيلها لحين مولدها
.
.
.
………………
هنا وفارس
.
.
كانت هنا تأكل مكسرات وتشاهد التلفاز وفارس يعمل علي حاسوبه بتركيز
.
.
هنا::يا فارس
.
فارس::نعم
.
هنا::انا بولد
.
فارس نظر لها بلهفه::بجد اتصل بلدكتور
.
.
هنا انفجرت ضحك::هههههههه كل مره بتصدق
.
.
فارس::دهول تجولي اي اما ارجع لشغلي احسنلي
.
.
هنا عادت للاكل مره اخري ولكنها توقفت عندما شعرت بمغص والم لا يطاق حاولت تجاهله ولكنها لم تستطيع
.
فارس احس بشئ غريب فاخبرها بقلق::بصي لو ده مجلب تاني فاحسنلك توجقفي
.
.
انفجرت صرختها تملئ ارجاء القصر
.
فارس بتوتر وخوف عليه وحزن علي تالمها::جوليلي اعمل اي
.
هنا بصراخ::انا الي هقولك اااااااااااه الدكتور المستشفي خدني
.
.
فارس وضع عبائتها عليها لانها كانت ترتدي قميص منزلي قصير بحكم انهم في غرفتهم واخذها علي سيارته وانطلق الي المستشفي بسرعه وصرختها تاكل قلبه
.
.
فارس بصوت عالي::بسرعه يا زياد هاتو الحاجه وحصلونا اغلق المكالمه ونظر لها بحزن
.
فارس::قربنا نوصل يا هنايا
.
هنا ببكاء::انا مش قادره يا فارس
.
فارس::والله ما بيدي شي غير الدعا ان ربنا يجومك بسلامه يا ست البنات اتحملي عشان خاطر اولادنا
.
.
.
…………………..
.
في غرفه العمليات الجميع عليه علامات القلق وعلي شفتهم ترديد الادعيه
.
فارس اخذ مكان بعيد نسبيا عنهم يغمض عينيه بقله حيله وقلق كبير علي زوجته::يارب قومها بسلامه دانا محلتيش غيرها
…………….
.
.
عزه التي تمسك يد زياد بحزن
.
.
عزه::انا خايفه مش عايزه اولد
.
.
زياد قبل يدها وضمها بذراعه::لسه بدري دانتي لسه في التالت وان شاء الله ربنا هيجومك بسلامه
.
.
عزه::زياد انت بتحبني مش بتحب اتوجع صح
.
زياد::اكيد
.
عزه::طب ما تولد مكاني
.
زياد ربت علي ظهرها::ربنا يهديكي يارب يا بنتي ويديكي عقل
.
.
كانت ستتحدث قاطعها خروج الطبيبه وهي سعيده
.
.
الدكتوره::مبروك المدام والاولاد بالف خير
.
.
فارس بلهفه::الف حمد وشكر ليك يارب
.
.
بعد ان دخلت هنا الغرفه هي والاطفال التف الجميع حولها شاكرين الله علي كرمه وفارس يمسك يدها يقبلها بين الحين والاخر
.
.
سعاد::بقيت جده
.
زياد::استني يا امي كمان ٦ شهور وهتكوني جده للمره التنايه باذن الله
.
.
عزه::لا انا هفضل حامل مش هولد
.
.
ضحك الجميع عليها
.
.
مؤمن::هتسمي الشباب اي يابو الفوارس
.
..
نظر فارس لهنا::ان شاء الله سيف ورعد
.
.
فاتن::اشمعنا الاسماء دي مين اخترها
.
هنا بأبتسامه::انا من يوم معرفت انهم ولاد قلت لفارس علي الاسمين دول وهو حبهم فقررنا نسميهم كدا
.
.
عزه::ايوه ليه برضوا الاسمين دول
.
فارس::جولي لهم تفسيرك يا دكتوره
.
.
هنا::انا بحب اسم فارس بحسه في قوه فحبه عيالي اسمأهم فيها قوه زي بباهم سيف ورعد اسماء لايقه جدا علي اولاد فارس العربي
.
.
نظر لها بحب وكانه راها لاول مره الان ووقع بحبها ايضا لاول مره
.
……………………….
.
هنا بعد ان وضعت اطفاله في السرير
.
اقتربت من فارس ونامت بتعب::هدولي حيلي ولاد العربي
.
.
فارس::خدوكي مني
.
هنا وضعت يدها علي خده::متقولش كدا انا عارفه اني قصرت شويه معاك بس انت سيد الكل
.
فارس::علي اخر الزمن بيتاكل بعجلي حلاوه ماشي يام العيال هعدهالك
.
هنا اعتدلت في جلستها وكانها تذكرت شي::فارس
.
.
فارس::ياساتر يارب في اي يا بت انتي
.
.
هنا::اول ما تجوزنا بعدها بشويه انت غبت حوالي اسبوع كنت فين
.
فارس::يابوي لساكي فاكره
.
هنا::ايون وجاوبني
.
.
فارس::كنت مسافر عند ولد عمك المشؤم فوزي لاني وجتها عرفت نوايا عمك فقررت اسبج واجمع معلومات عنه فاضريت اني اسافر لابنه لان ده عنده كل المعلومات عن ابوه وبحسب ما وصلني ان علاقتهم ببعض مش ولابد بس عشان كدا غبت والحمد لله قدرت اجمع الورق والادله الي كان ليها نصيب اننا نكسب القضيه
.
.
هنا عادت لنفس وضعيتها في حضنه ونامت بتعب::طيب يا حبيبي تصبح علي خير وحمد الله علي سلامتك
.
.
نامت هنا وفارس بذهول::مجنونه والعيال دول جننوها اكتر
.
…………………………
.(مع مرور الوقت )
.
عزه::يعني هناكل ولا لأ انا تعبت و قمر تعبتني قوي
.
لبني::معاكي حج يا بنتي احنا بجالنا هنا نص ساعه ومحدش عبرنا
.
فاتن::انتي يا هنا متعرفيش فارس فين وهو ومؤمن وزياد
.
.
هنا::انا زيي زيكم دول حتي اخدو سيف ورعد ومقلوليش حاجه كل الي قالوه بعد ما نزلنا من العربيه اننا نستناهم
.
.
::السلام عليكم
.
.
انتبه الجميع لذلك الصوت الانثوي
.
.
هنا::وعليكم السلام مين حضرتك
.
.
ريهام بأبتسامه::انا ريهام تبع استاذ فارس ومحتاجه حضرتك معايا يا مدام هنا دي تعليمات فارس بيه
.
.
هنا باستغراب ::في حاجه
.
ريهام:لا ابدا اتفضلي معايا وياريت انتي كمان يا اماني وبناتك وفاتن وعزه ومدام اميمه ولبني وسعاد تيجوا كمان
.
.
الجميع بذهول::انتي عرفتينا ازاي
……………….
.
هنا وهي تقف بصدمه وهي ترتدي ذلك الفستان البسيط جدا الابيض وتضع ذلك التاج البسيط فوق شعرها ولمسات الميك اب التي جعلتها كلورد في اوانه
.
.
فارس يقف بشموخ ببدلته ذات اللون الرصاصي مهندم الطله::كنت عايز احتفل بعيد جوازنا ملجتش غير الطريجه دي اعبرلك بيها عن ان وجودك في حياتي مهم وانك عروستي الي بشوفها بلفستان الابيض وفرحان بجمالك عليه وانك الي بتزيديه جمال مش هو وانك حلالي واماني وام ولادي وانك جنت ربنا ليا علي الارض واني والله لا عايز جبلك ولا بعدك حاجه واني بحبك وبعشجك فوق ما تتصوري وانك ملكتي فارس الصعيد يا هنايا وكل الهنا الي في حياتي
.
.
احتضنته هنا بدموع سعاده طاغيه::ربنا يباركلي فيك يا كل ما ليا ….ثم احتضنته بحب وتملك
.
.
.
صفق الجميع لهم ودعوا لهم بطول العمر معا
.
.
فاتن تحمل سيف ومؤمن رعد
.
مؤمن::ربنا يقومك بسلامه وامسحي دموعك دي بقي
.
فاتن وهي تمسح دموعها لفرحه اخاها::هههه حاضر
.
.
عزه::زياد انا عايزه اتجوز
.
.
زياد::نعم يا روح امك
.
عزه::يا حبيبي اقصد اتجوزك انت تاني
.
زياد::طيب ياختي حافظي علي كلامك
.
ثم اخذها زياد لحضنه
.
.
اماني ::ربنا يخليهم لبعض
.
انس::والنبي يا حماتي ادعيلي انا كمان ربنا يعدي السنه الاخيره دي علي خير
.
.
اماني بضحكه سعيده::حاضر بدعي والله

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية فارس الصعيد)