رواية غيرني حبها الفصل السابع 7 بقلم جهاد محمود
رواية غيرني حبها الجزء السابع
رواية غيرني حبها البارت السابع
رواية غيرني حبها الحلقة السابعة
اسلام : ازاي طب وانا
سلمي: باستفزاز : وانت اي
سما بغيظ: لا ولا حاجه تخديش في بالك
سلمي كانت هترد عليها لكن اسلام قاطعها
اسلام : تمام نعمل خطوبتي انا وسما في نفس اليوم ونخلي الفرح فرحين
ليان بمكر: امممم خلاص نشوف مصطفى ونرد عليك
اسلام: ممكن اعرف اسمه مصطفى ايه
ليان : مصطفى صالح ابن عمي
اسلام: مصطفي صالح الكيلاني
ليان : اه اكيد تعرفه ما هو أكبر جراح
اسلام بص بحزن علي أخته ريم اللي من اول ما سمعت الاسم وهي في وادي تاني
مصطفي بحزن: تمام واخد ريم من أيدها ودخل اوضه: بعد اذنكم دقيقه عايز ريم في حاجه
بعد ما مشيوا ودخلوا الأوضه
اسلام: ريم انتي كنتي تعرفي أنه هو مصطفي صحبي
ريم بحزن: لا والله انا مش عارفه ازاي بيكون ابن عم ليان
اسلام : وهتعملي اي انتي مش هتقدري تشوفيهم مع بعض
ريم وهي عارفه أن ليان بتحب اسلام بس مش هتقدر تقول : يلا مش مشكله ربنا يتمم علي الخير
اسلام بحزن علي أخته: ماشي يا حبيبتي ومتخفيش انا معاكي
ريم: تسلم يا اسلام يلا بينا عشان مينفعش ليان وطنط سلمي يقعدوا كتير مع سما وحدهم والا انت عارف ههه
اسلام : اه والله فعلا هههه مش عارف اي سر الكره دا
ريم بمغزي: هتعرف متخفش
اسلام بالامبالاه: تمام يلا
ليان : اخيرا جيتي يا ريم عايزاكي بس بسرعه
ريم: هههه لا استني بعد الاكل روحي نادي والدك
ليان بصوت واطي: واسيب الحربايه دي مع إسلام علي جثتي
سلمي سمعتها : هههههههه فعلا انا رايحه نادي عليه
ليان: حبيبتي يا سوو
سلمي : عدي الجمايل
ليان: رقم واحد ههههه
سلمي: ظريفه يلا انا رايحه
مشيت سلمي تنادي علي محسن
ريم: اه صح ليان
ليان وهي بتبص علي سما نظرات كره : نعم يا قلب ليان
ريم: مش دا نفسه الدكتور المشهور وكملت كلامها وهي بتبص علي سما: اللي نص البنات بتموت عليه
ليان بمكر : لا متقوليش كده لاني بغير
ريم : العب اي يا بت الكلام دا
ليان : بس بقا بتكسف
اسلام بغيره وضيق: مخلاص هنفضل نتكلم كتير عليه
ريم : ماشي يلا يا ليان نجهز الاكل عشان أنا جعت
ليان : وانا اكتر يلا
سما بغيظ: طول عمرك همك علي بطنك وياريت طالع
ليان بسخريه وبرود: ما دا اللي غيظني الاكل دا بيروح فين نفسي اعرف يلا الحمدلله ابقي عود فرنساوي احسن ما ابقي مدلوقه
سما بغضب: قصدك اي
ليان: اهدي بس يطق لك عرق يلا يا ريم
ريم بضحك مكتوم: يلا
بعد ما مشيت ليان وريم
سما بغضب: شوفت بتلحق بالكلام عليا ازاي
اسلام ببرود : اولا الفوق رأسه بطحه بيحس بيها ثانيا دا شغل بنات انا ماليش دعوه
سما: اه طبعا ملكش دعوه وسايبها تغلط في خطيبتك المستقبليه
اسلام: وشكلي هغير رأي
سما بخوف: لا لا خلاص رايحه اساعدهم
اسلام: بلاش احسن خليكي هنا
سما بدلع: ماشي
عند ريم وليان
ليان: ها قولي لي اسلام قال لك اي
ريم: مصطفى ابن عمك نفسه صاحب اسلام اللي انا بحبه بس حصلت مشكله خلتهم بعدوا عن بعض
ليان بصدمه: ازاااي
ريم: موضوع كبير بعدين
ليان : تمام
بعد فتره سلمي ومحسن جو واكلوا مع بعض وكل واحد راح بيته وناموا بعد يوم طويل علي الجميع
في صباح يوم جديد استيقظت ليان نشيطه
ليان لسلمي: ماما فينك
سلمي من المطبخ : اديني في المطبخ
ليان : صباح الخير يا ست الكل
سلمي: صباح الفل شكلك مبسوطه انهارده وصاحبه نشيطه اي السر وغمزت لها
ليان : بما أن انهارده مش عندي محاضرات فقولت اصحي بدري عشان اتفق مع مصطفي لأن سما مش ناويه تجيبها البر معايا
سلمي: ليه عملت اي تاني
ليان: امبارح ريم قالت لي انها بتخطط لحاجه هي ومامتها
سلمي: سما من يومها مش كويسه واكيد هتعمل حاجه كبيره بس انتي لازم تكوني واثقه في إسلام
ليان بقلق: ليه بتقولي كده
سلمي : مش عارفه مش مطمنه وقلقانه حسه أن في حاجه هتحصل وقطع حديثهم صوت صريخ سما
سلمي : استر يارب في أي
ليان : مش عارفه تعالي نشوف
راحت ليان جري ومستنتش سلمي
ليان وصلت ووقفت مصدومه من الشيفاه كانت سما بتبكي ومنهاره وباين عليها أن في حاجه حصلت بينها وبين اسلام واسلام كان مصدوم وفي وادي تاني
ليان مصدومه حرفيا وبترحع لورا وكانت هتقع لولا سلمي مسكتها : اي في يا ليان ومال وشك مخطوف ليه كده وبتبص بتلاقي ريم منهاره عياط فبتسيب ليان وتروح علي اوضه اسلام وبتشوف المنظر وتتصدم
سما ببكاء: اااااه حرام عليك ليه عملت فيا كده حرام عليك وجريت علي الحمام واسلام لسه واقف مصدوم زي ما هو كأنه مش مستوعب اي حصل
ريم راحت له وبتكلمه بصوت عالي: انت ازاي تعمل كده انت مستحيل تكون اسلام اللي انا اعرفه هاااا قولي عملت ازاي كده وانهارت علي الارض وسلمي راحت لها بسرعه : اهدي يا ريم عشان نفهم ازاي دا حصل
ريم : اهدي ازاي هااا قولي اهدي ازاي
حضنتها سلمي بحزن وهي بتبص علي اسلام بلوم اسلام فاق لنفسه وبيبص لقي ليان مصدومه جدا وبتبص عليه بكره وقرف
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غيرني حبها)
تعليق واحد