رواية غيرتني صعيدية الفصل الخامس عشر 15 بقلم آية علي الشربيني
رواية غيرتني صعيدية البارت الخامس عشر
رواية غيرتني صعيدية الجزء الخامس عشر
رواية غيرتني صعيدية الحلقة الخامسة عشر
أستغفر الله العظيم الذي لا اله إلا هو عدد خلقة ورضا نفسه وزنة عرشه ومداد كلماته
التفت أمير بحب وعرف صوتها وقال :
مجدرش أزعلك ياجمري
ردت ورد بحب وقالت :
ولا أنا أجدر أزعل منيك واصل ياحبه جلبي
رد أمير وهو يضربها ويقول :
تغيبي يومين ابحالهم ياورد يعني هملتينا اجده جلبك جاسي جوى
ردت جميلة وقالت :
علشان أنا اهنية والله ياولدى أنت خابر زين ورد عتحبكم ومتفرجوش واصل ربنا يخليكم لبعض ياولدى
رد أمير وهو يقبل عمته وقال :
ربنا ما يحرمنا منيكي ياعمتي أنتي خابرة زين أحنا عنحبها ومنجدرش نستغنا عنيها
ردت ورد بحب وقالت له :
جلبي ياناس والله عحبك جوى بس أنا حزينة جوى
رد أمير بلهفة وقال :
زعلانه ليه ياجلبي مين زعلك وأنا اطخهولك
ردت ورد ب ابتسامة وقالت :
لا مجصديش حد واصل بس رهف هتتجوز وهتملني
رد أمير بحنية وهو يقبل جبنها وقال :
رهف عتاجي وأنا كل ما تشتجيلها هاخدك أوديكي عنديها بس المهم الجمر ميكشرش
وظلو يتضحكون أمير وورد ورهف تركتهم حورية عاوزها حتي خرج حازم وشادى ونظر كل منهم الي حيث يقف امير وورد وهو حاطط أيدو علي كتفها قال حازم :
ايه دة أمير واقف مع مين دى خبط علي راسة وقال رهف دى
رد شادى بحزن وقال :
لا دى الا خبط فيها الصبح
نظر له حازم وقال :
هو أنت حبتها ولا ايه ياشادى
رد شادى وقال له :
متشغلش بالك ياله علشان وعد قربت توصل
سمع كل منهم شادى وحازم أمير وهو يقول ياله ياجمري أدخلي عند رهف وأني هتطلع اغير خلجاتي وذهب وهي ماشية لقت في وشها شادى وحازم وذهبت حيث تمكث رهف
ذهب حازم وشادى الي الجنينة ينتظرون وعد وقال حازم :
تصدق الصعيد فيها بنات حلوة وليك حق انك تتجوزها
رد شادى وقال له :
مش بس علشان حلوة جذبني طريقتها ياحازم وبعدين انت بتعكسها قدامي مش كفاية الزفت أمير
رد حازم بضحك وقال :
يالهوى علي الحب الا بيبهدل صاحبة
خبطه شادى وظلو يجرو ورا بعض وهناك أعين تراقبهم وهي ورد ورهف وقالت ورد :
عريسك زين جوى ليجين علي بعض ياخيتي وتلجي لما شافك اتجنن
ردت رهف وقالت لها :
لحد دلوجت مشفنيش ياورد جدي رافض
ردت ورد ب ااستغرب وقالت :
ليه جدى رافض ما هو في مجام خطيبك
ردت رهف وقالت لها :
جدك رافض وقصت لها كل حاجه
ردت ورد بصدمه وقالت :
بس يارهف اجدة هتتعبي ياخيتي جوى وهمت لتكمل وقطعهم صوت جميلة وهي بتقول :
تعالو اهنية اجعدو معانا
ردت كل من ورد ورهف :
ماشي جايين
وجلسه معهم وظلو يتحدثون حتي قالت سعاد :
شوية كدة ووعد توصل
ردت ورد وقالت :
مين وعد يامرت خالي
ردت سعاد بحب وقالت :
بنتي ياورد بس كانت مسافرة
ردت ورد وقالت لها :
توصل بالسلامة ان شاء الله
ونظر حازم الي البوابة هب واقفا عندما رأي عم أحمد وتنزل وعد من السيارة وجرت علي حازم وحضنته وقالت :
وحشتني اوووى اووى يازومي
رد حازم وقال له :
حبيبتي وانتي وحشتيني اوي اوي اوي
ونظر شادى لهم وقال :
والله تأثرت
ردت وعدت بضحك وقالت :
لسه زى ما أنت مجنون عامل ايه ياشادى
رد شادى وقال لها :
الحمدلله يابت انتي عاملة ايه
ردت وعد وهي تدبدب علي الأرض وقالت :
متقوليش بت يارخم
رد حازم وهو يضحك وقال :
يابني بلاش ترخم عليها بقا
رد شادى وقال له :
انت مالك دى أختي وبعدين براحتي
ظلو يضحكون حتي قال حازم :
ماما هتتجن وتشوفك تعالي ندخل
ردت وعد وقالت له :
بس طلع المكان جميل اووى
رد شادى وقال لها :
وقمر كمان
رد حازم وقال له :
خليني ساكت
رد شادى وقال له :
اهو خيط بؤقي
ودخلو البيت وخبط علي الباب وقال :
ماما تعالي وعد جات
ردت سعاد ب لهفة وقالت :
ياحبيبتي يابنتي وجرت فتحت الباب وحضنت وعد ووعد ظلت ماسكة فيها وهي تقول :
وحشتيني اوي اوي يامامي
ردت سعاد بحب وقالت :
وانتي وحشتيني يانور عيون ماما
وكل هذا السلامات والحب والكل ينظر اليهم حتي قالت جميلة :
يامري يامري الحجي ياحورية بت كارم شوفي جاية بشعرها :
ردت حورية وقالت لها :
ياجميلة ياخيتي هم ليهم عوايد واحنا لينا عوايد متزعليش سعاد هي طيبه
ردت جميلة وقالت :
بس ابوي لو شاف اجدة مش هيسكت واصل
ردت حورية وقالت لها :
هي لبسها زين بس ناجص الحجاب وهتلبس مع الوجت
اخذت سعاد وعد وقالت :
تعالي اعرفك علي مرات عمك وعمتك ياوعد
ذهبت وعد معاها وقالت سعاد :
دة عمتك جميلة ودى وعد ياجميلة
ردت وعد وقالت لها :
عاملة ايه ياعمتو
ردت جميلة بحب وقالت :
زينه يابتي كيفك أنتي
ردت وعد بحب وقالت :
الحمدلله
ردت سعاد وقالت لها :
دى مرات عمك ادهم
ردت وعد وقالت لها :
اخبارك ايه يامرات عمو
ردت حورية بحب وقالت :
زينه بشوفتك يابتي وانتي كيفك
ردت وعد بحب وقالت لها :
الحمدلله بخير
وقالت سعاد :
اعرفك بقي دى ورد بنت عمتك جميلة
ردت وعد وقالت لها :
عاملة ايه ياورد
ردت ورد ب ابتسامة وقالت :
زينة ياخيتي كيفك انتي
ردت وعد وقالت بحب :
الحمدلله
قالت سعاد وهي تشيل الشال من علي وجه رهف وتقول :
هوريكي عروسة حازم رهف الجميلة بس أوعي تعرفي أنك شوفتيها
ردت وعد ب استغراب وقالت :
ليه يامامي دى بقيت خطبته عادى
ردت سعاد بحب وقالت :
يابنتي جدك مانع ان يشوفها وهحكيلك كل حاجه بعدين
ردت وعد وقالت :
أوكي يامامي
نزلت سعاد الشال حتي ظهرت رهف بجمالها الجذاب حين نظرت اليها وعد بصدمة وقالت :
هي دى خطيبة حازم
ردت سعاد بحب وقالت :
اه ايه رأيك
ردت وعد وقالت لها :
ما شاء الله بجد جميلة جدا جدا دة أنتي أجمل من بنات فرنسا يابنتي عامله ايه يامرات اخويا
ردت رهف بحب وقالت لها :
زينه جوى ياخيتي كيفك أنتي
ردت وعد وقالت لها :
الحمدلله مبسوطة اني شوفتكم والله كنت متوقعه غير كدة والله والمكان جميل جدا
ردت حورية وقالت لها :
المكان زين بوجودك ياجمر
ردت وعد بحب وقالت لها :
والله أنتي الا قمر انتو عيلة حلوة أوووى كلكم جمال كدة
ضحكه الجميع علي مغازلتها حتي خبط الباب واذنه بدخول وكان كارم وقال :
حبيبتي ياوعد وحشتيني ياحبيبتي وظل حاضنها
وهي تقول :
وأنت كمان وحشتني اوووى اووى يابابي
وجلس معاها وقال لها تعالي ياحبيبتي اعرفك علي جدك وعمك أدهم قطعه دخول قاسم وهو يقول :
أنا جي أتعرف عليها بنفسي ياولدى ونظر لها قاسم الذي فتح يدية لها وجرت وعد عليه فجأة وأحتضنها وقال لها :
كيفك يابتي مبسوط جوى أنك جيتي نورتي الصعيد كليتها
ردت وعد بحب وقالت له :
الله ياجدو دة أنت حنين اووى
رد قاسم وهو يربط علي ظهرها وقال :
أنتي الا ما شاء الله جمر ياحبيبة جدك ثم قال عندى تلت عرايس في البيت جمر مفيش حد جدى
نظرت سعاد وكارم والسعادة تغمرهم وقال كارم :
شوفتي ياوعد جدك قاسم هو دة الا كنت بحكيلك عنه انتي وحازم
ردت وعد وقالت له :
بس معرفتش توصفه يابابي دة هو طلع حنين وعسل كمان
ضحك قاسم علي مغزلتها وقال :
تعرفو أنتو مستغربين معاملتي مع الشباب غير البنته أني عحب البنات لأنهم حنين جوى وزى ما بيجولة البنات سكر نبات
ردت رهف وقالت له :
وأنت أحلي من السكر ياجدى ياجمر أنت
نظر لها قاسم وهو يضحك وقال :
دة أنتي السكر والشهد كلياته يارهف ياحبيبه جدك
ردت ورد وهي تقول :
واه واه وأني فين من كل الجلع دة خلاص نسيت ورد ياجدى
ضحك الجميع ونظر لها قاسم بحب وهو يقترب منها وقال :
صباح الورد يااجمل وردة في الجنينة
ردت ورد ب ابتسامة وقالت كما كانت صغيرة مع جدها :
أوع تقطفها ياجدى
رد قاسم بضحك وقال :
أني أجدر دة أنا عحبك جد الدنيا
واحتضنه الثلاث بنات جدهم وسط سعادة العائلة وتعرفت وعد علي أدهم وظل يضحك معاها حتي قال قاسم :
ياله خدو وعد علي غرفتها تغير خلجاتها وتحضرو ليها الوكل شيعي لسيدة تجهز وانصرف قاسم وكارم وأدهم ورهف وورد ووعد ووصلو الي الغرفة حتي جلست وعد هي والبنات والباب خبط وذهبت ورد لتفتح الباب وفجأة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غيرتني صعيدية)
