رواية غيرة الحب الفصل الرابع 4 بقلم هند إيهاب

رواية غيرة الحب الجزء الرابع

رواية غيرة الحب البارت الرابع

رواية غيرة الحب الحلقة الرابعة

فضلت فتره بتابع في چيم جديد، حاولت أنسي اللي أتعرضت له وأكمل عادي، حاولت أكون في حالي ومتعاملش مع حد نهائي، بخلص التمرين وبروح علي البيت علي طول، وفي يوم دخلت الچيم، كُنت مُرهقه من قلة النوم، كانت عيوني منفخه وهالاتي زايده المره دي، كُنت ماشيه زي التايهه، مش واخده بالي بأي حد، وفجأه خبطت في شخص.
اتوجعت وحطيت أيدي علي كتفي من غير ما أبص له، فضل واقف قُدامي
– أنتِ كويسه!!
عقدت حواجبي وأنا مازلت عيوني بعيده عنه، بصيت علي الشخص اللي واقف كان هو، رفعت حواجبي من الصدمه، كان شايل الشنطه علي كتفه ولابس لبس التمرين
بعدت عيوني عنه وقولت:
– آه كويسه
هز راسه ومشي، راح ناحية الحديد وقعد يتمرن، قعدت علي العجله وفضلت أتمرن وأنا عيوني عليه وفي دماغي أسئله كتيره
خلصت التمرين وكُنت همشي بس لقيته بيمشي معايّ وقال:
– هتغيري مكان الچيم تاني!!
بصيت له ورفعت حاجبي وقال:
– ليه مشيتي من الچيم!!
– نفس السبب اللي أنتَ مشيت منه
– أنا مشيت لأن الچيم بقى بايخ أوي
هزيت راسي وقولت:
– فعلًا بقى بايخ عشان كده مشيت
– بس أنا مقصُدش كده
بصيت له بستغراب وقال:
– هو باخ من ساعة ما مشيتي
رفعت حواجبي وحاولت أداري ابتسامتي بس هو لاحظها، ابتسم وغمز لي ومشي، بس مشي وضحكته عليت فجأه.