رواية غيرة الحب الفصل الثاني 2 بقلم هند إيهاب
رواية غيرة الحب الجزء الثاني
رواية غيرة الحب البارت الثاني
رواية غيرة الحب الحلقة الثانية
فتحت باب الشقه بالمُفتاح، دخلت التويليت خدت دُش يطرُد كُل مجهود التمرين، طلعت ودخلت المطبخ، قررت أعمل بيتزا، بيتزا علي شكل قلب.
أنا شخص بيدلدق رومانسيه جدًا، شخص بيحب الحُب، ويحب اللي بيحب الحُب، دخلتها الفُرن بعد ما خلصتها ودخلت الأوضه.
قررت أقضي سهره لطيفه مع نفسي، فتحت اللابتوب وحضرت مسلسل تُركي طلعت عصير للمون بالنعناع ومعاه قطع تلج ف الكوبايه، فتحت الفُرن وكانت البيتزا جهزت.
طلعتها في صينيه وجمبها كوباية العصير، رجعت الأوضه وقفلت الأنوار وبدأت أتابع المُسلسل، فضلت كتير أوي لدرجة أني نمت وأنا بتفرج.
صحيت علي الساعه ١٢ الضُهر، فضلت أقلب في التليفون لحد ما قررت أقوم وأدخُل المطبخ، فكرت أعمل فطار بعد وقت طويل أوي كُنت مانعه الفطار.
عملت توست ومعاه كوباية نيسكافيه، فطرت ويا دوب قومت ألبس عشان ألحق ميعاد الچيم، نزلت وركبت العربيه، لبست الأيربودز وشغلت أُغنيه.
وصلت الچيم، قفلت العربيه ودخلت، أزازة المايه في أيدي، نفس الأشخاص موجوده، مهتمتش لنظرتها ليّ، قعدت عشان أستعد للتمرين وأظبط حاجتي.
– هو أنتِ تعرفي تميم!!
كانت واقفه ورايّ، وبتسألني، بصيت لها وبعدين رجعت عدلت نفسي من تاني وقولت:
– يعني
لفت ووقفت قُدامي وعيونها حرفيًا كانت بتطق شراره وقالت:
– يعني أيه يعني!! تعرفيه!! ومن أمتي!!
رفعت حاجبي وقولت:
– هو تحقيق!! أنتِ بتسألي حاجات متخُصكيش
– لاء تخُصني، تميم يخُصني
هزيت راسها وقولت:
– مقولتش حاجه، بس ميخُصكيش تيجي تسأليني أنا وتحققي معايّ، حابه تعرفي!!
هزت راسها، شاورت عليه وقولت:
– روحي أسأليه هو
قومت ومشيت عشان أتمرن، كان لسه داخل من باب الچيم وأتفاجئ لما لقانا واقفين وبنتكلم وأكيد عرف أن الكلام عليه.
مقربش منها بالعكس هو أتجاهلها تمامًا ولقيته بيقرب مني وقال:
– أخبارك!!
– أحسن من حالتها أكيد
قولتها وأنا عيوني علي البنت، بص لي بستغراب وقولت:
– تميم هو أنتَ مُدرك اللي بتعمله!!
بستغراب أكتر قال:
– بعمل أيه!!
بصيت له وقولت:
– طب مش واخد بالك أن تصرُفاتك بتضايق شخص مُمكن يكون بيحبك!!
بص عليها ورجع بص لي وقال:
– بس أنا ماليش أي مشاعر نحيتها
هزيت راسي وقولت:
– يبقى تروح وتفهمها دا، لأن سكوتك ده مخلي عندها أمل
– عندها أمل أزاي وأنا ملمحتش بحاجه ولا عشمتها!!
– عارفه، بس أنتَ ساكت وعارف أنها مُعجبه بيك دي لو مكنتش بتحبك، والغيره أكتر حاجه تقتل الشخص
– وأنتِ عرفتي منين أنها غيرانه!!
ابتسمت وقولت:
– تميم أنا بنت وعارفه كويس شعور بنت زيي في الحُب والغيره، وعارفه الغيره بتعمل أيه
سند خده علي أيديه وقال:
– بتعمل أيه!!
– قتاله، قادره تنهش في الشخص وخصوصًا لو كانت شخص مش من حقه يغير، مسيرك تحب شخص وتغير عليه ساعتها بس هتجرب الأحساس
– معني كدا أنك جربتي!!
هزيت راسي وقولت:
– مره كُنت زي حالتها كدا بالظبط، مكنش عندي الحق أني أغير علي الشخص ده
– طب وأزاي بطلتي تغيري!!
– خطب، خطب وعرفت أنه خلاص كدا، مليش نصيب فيه
ابتسم وقال:
– ياااه ده معني كدا بقى أني المفروض أروح أخطُب عشان تعرف أني مش ليها
ضحكت وأنا بهز راسي ولقيتها قربت مننا وقالت:
– طب ما أنتَ بتعرف تاخُد وتدي في الكلام أهو وتهزر ولا الحاجات دي مبتطلعش غير للست هانم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غيرة الحب)
