رواية غيرة الحب الفصل الأول 1 بقلم هند إيهاب

رواية غيرة الحب الجزء الأول

رواية غيرة الحب البارت الأول

رواية غيرة الحب الحلقة الأولى

أكيد مش هييجي
– حتي لو مجاش النهارده، هفضل هنا لحد ما ييجي
– يا بنتي أرحمي نفسك، أنتِ مش في دماغه أصلًا
– بكرا أبقى في دماغه وهتشوفي
ابتسمت وأنا بسمع كلامهم، سرعت المشايه وفضلت أمشي عليها بسُرعه، أوقات بحس أن الچيم دا غريب، وبقابل أشخاص أغرب، شديت أزازة المايه وخدت بُق منها
دقيقه ولقيت نفس البنت بتصرخ وهي عيونها في أتجاه، بصيت علي نفس الأتجاه بتاعها، كانت بتبُص علي شخص، عرفت أن هو الشخص اللي بتتكلم عنه
هزيت راسي بسخُريه، لقيتها راحت ناحيته وعوجت رجليها وقامت سندت نفسها عليه، بعدها عنه بس مازالت لسه حاطه أيديها علي دراعه
– أنتِ كويسه!!
بوجع مصتنع قالت:
– لاء لاء رجلي بتوجعني أوي
غصب عني ضحكت، ومكنتش أعرف أن صوت ضحكتي مسموع أوي كدا، لقيتهُم بصوا عليّ، بعدت عيوني عنهُم وفضلت أندمج في التمرين
مسكت أزازة المايه والفوطه ونزلت من علي المشايه، روحت قعدت علي كُرسي، فتحت شنطتي وحطيت كُل حاجتي، شيلت الشنطه علي ضهري وطلعت، فتحت العربيه وركبت، بس للأسف جيت أشغلها لقيتها مبتدورش.
نزلت من العربيه ورفعت الكبوت، بس حقيقي معرفتش أيه المُشكله، اتنهدت وأنا عيوني علي العربيه
– في حاجه ولا أيه!!
بصيت علي مصدر الصوت، لقيته هو الشخص وقولت:
– مش عارفه بس العربيه مش راضيه تشتغل
فتح العربيه اللي ورا عربيتي ودخل شنطته وقفل الباب، قرب من العربيه، وبدأ يعمل فيها حاجات غريبه فيها
– تقدري كدا تجربي
ركبت العربيه وفعلًا أشتغلت، نزلت الأزاز ولقيته قفل الكبوت وقولت:
– شُكرًا
قرب من الشباك وقال:
– العفو أنا في الخدمه
ابتسمت وعيوني أجت علي البنت، كانت واقفه شايطه وهي شايفانا
غصب عني ضحكت وقولت:
– عيوني قتلتني في مكاني
بص عليها بستغراب وقال:
– مش عارف حكايتها أيه معايّ!!
– مُعجبه بقى
بستغراب أكتر قال:
– مُعجبه!! عرفتي أزاي!!
ابتسمت وقولت بثقه:
– سر المهنه بقى
– لاء بجد عرفتي أزاي!!
ضحكت وأنا شايفه فضوله وقولت:
– مع السلامه يا
عدل وقفته وقال وهو بيهندم هدومه:
– تميم يا
هندمت هدومي كنوع من التقليد وقولت:
– هند
ضحكنا علي بعض وبعدين مشيت بالعربيه، بصيت في المرايّ لقيته واقفه معاه، ضحكت وهي بتشاور عليّ من بعيد وكأنها بتسأله عن وقفتنا سوا.