رواية غموض امرأة الفصل السادس 6 بقلم زينب رشدي
رواية غموض امرأة الجزء السادس
رواية غموض امرأة البارت السادس
رواية غموض امرأة الحلقة السادسة
اسلام بعصبيه: لا انتى مجنونه بجد من يوم الفرح وانتى كل حاجه اتغيرت فيكى طريقتك كلامك لبسك انا مش هستحمل ده اوعى من وشى
زقها ودخل الاوضه ورزع الباب جامد
غرام: اى ده هو زعل بس ليه عشان بهزر معا يعنى
دخلت وراه الاوضه وقعدت جنبه
غرام: احم على فكره انا مبحبش حد يقفل الباب بالطريقه دي
اسلام مسك ايدها:بصى ي روان انا هقولك حاجه وبكل صراحه ومش هكدب عليكى ايوه انا بحبك وبحبك اوى كمان وانا اللى اقنعت ابوكى يجوزنى ليكى وحتى لو غصب عنك وهفهمك انا كمان هتجوزك غصب عنى واقنعته ان هخليكى تحبينى معرفش جبت الثقه دي منين بس مكنتش اقدر اسيبك لحد غيرى وعلى فكره انا اللى كنت بطفش كل العرسان بتوعك وانتى حته مش طايقه اقولك اسمك ولا اقعد معاكى في نفس الاوضه وانا مش معترض على ده بس انا عايزك تسبينى اخليكى تحبينى او تتقبلينى
غرام للحظه حاست انها غلطانه واسلام ملهوش ذنب ولازم تتعامل معا كويس لحد متتاكد من الموضوع ده
اسلام: سمعانى
غرام: بص ي اسلام مش هكدب عليك انا يوم الفرح اتبدلت متسالش ازاى بس انا من اليوم الفرح مش انا واذن واضح بتغيرى ده
اسلام: حتى لو مش انتى انا بحبك حتى لو اسمك غرام انا بحبك حتى لو اتغيرتى انا بحبك حتى لو طريقتك وكلامك ولبسك اتغيروا انا بحبك حتى لو بتكرهينى انا بحبك
غرام بضيق: افهم انا طول عمري ماشيه بمبدا ان مفيش حب حتى بين الاخوات وفجاءه الاقى واحد بيحبنى كل الحب ده كله اللى انا اصلا مش بؤمن بيه
اسلام: ده كان امتى المبدأ ده
غرام وقفت: قولتلك انا مش روان صدقنى
اسلام: طيب ي غرام انا بحبك انتى
غرام بصدمه: انت ازاى
اسلام: انا واحد بيحبك
غرام بعصبيه:وانا عمري ما هحب حد
اسلام ببرود:متأكده ؟
غرام: طبعا متأكده
اسلام: انا شخصيا مش متأكد
غرام: قصدك ايه ؟
اسلام: قصدي انك هتحبيني .. هتحبيني أنا ، هتصبحي ف يوم من الصبح وتكتشفي انك بتحبيني
غرام: ياريت يبقى عندي ثقة ف نفسي زيك كده يا إسلام ..
اسلام: مش فاهم حاجه !
غرام: ايه اللي مخليك متأكد اوي بالشكل ده زي ما اكون انا شخصيا قولت لك اني .. اني بحبك !
اسلام: الحاجات دي الواحد مابيقولهاش بلسانه قد مابيقولها بعنيه
غرام: و عنيا قالت لك ايه بقا ؟
اسلام: كفايه انها مابتلمعش الا ليا انا بس .. كفايه ان وشك ما بتنوروش الابتسامة الا ليا انا بس
غرام: وانا وشي منورش ولا ابتسم زي ما بتقول
اسلام: صدقينى قريب هينور وهيبتسم وهتحبينى
غرام بضيق: عن اذنك
اسلام: استنى انا اقولتلك اننا هنخرج
غرام: مش قادره
إسلام: عشان خاطري انا عملك مفاجأة
غرام: مش عايزة
إسلام: لو سمحتي
غرام بضيق: طيب
اسلام: اااه ياريت تلبسى بنطلون
غرام: طيب
خرج اسلام بعد ما اخد هدومه وغرام خرجت بنطلون وبلوزه قصيره جدا بكمام شفافه وفردت شعرها وخرجت
غرام: انا خلصت
إسلام: طيب ما تغيرى البلوزه دي
غرام: اشمعنا
إسلام: عادي عشان تبقى لايقه على المشوار اللى ريحينه
غرام: اممم طيب ي اسلام ثانيه واحده
دخلت غرام ولبست تيشرت اسود بنص على بنطلون جينز ولمت شعرها وخرجت
غرام: كويس كده
اسلام: اعتقد الاول احسن ده التيشرت ده مقسم صد*رك اوى
غرام بخجل: اسلااام
اسلام بغيره: مليش دعوه ضيق
غرام: كويس ي اسلام مش هغير تانى
اسلام: استنى هنا
دخل اسلام وخرج قرب منها جامد
غرام بخوف: في اي انت بتعمل ايه
اسلام بيلبسها جاكت:قولتلك مش هعمل حاجه غصب عنك الجاكت ده ميتقلعش فاهمه
غرام بابتسامة غصب عنها: طيب
خرجت غرام وركبت معا العربيه ولاحظت لاول مره انهم ساكنين بعيد جدا عن بيتها ويعتبر انهم ساكنين لوحدهم لان باقى العماير لسه مكتملتش بناها
غرام: إسلام
إسلام: نعم
غرام: هو انت ساكن هنا ليه دي يعتبر صحره مفهاش غيرنا اقصد
إسلام: عادى مبحبش الزحمه وحاسيتها هاديه
غرام: طيب
إسلام: مش حابه تعرفى رايحين فين
غرام ببرود: لا مش بحب الاستعجال ثم انا مش هممنى نروح فين
إسلام بصوت واطى: اخربيت برودك
وصلوا بعد فتره وغرام لحظة انها في مكان زي سباق مستوكلات انصدمت
غرام: انا مش فاهمه
إسلام: انتى قولتى نفسك تركبى موستيكل وعشان كده جبتك هنا بس عشان مخفش عليكى مش هنسابق معاهم هنركب عادى لوحدنا
غرام: لا عايزة اسابق
إسلام: مره تانى عشان ده لازمه إجراءات وامتحانات كتير
غرام: مش مشكله بس يلا انا متحمسه اووووووى.
اسلام: يلا ي حبيبتي
ركبت غرام الموستيكل ومكنتش مصدقه نفسها بقالها سنين مركبتهوش واسلام كمان ركب وكان فرحان بس عشان فرح غرام
اسلام: جاهزه
غرام بابتسامة لأول مره من قلبها: جاهزه جدآ
إسلام: 3 2 1
اول لما بدئوا وانطلقت غرام اسلام انصدم من سرعتها وانها عرفت تسوق وهو كان متوقع مش هتعرف وهيركب معا فاق من صدمته وحاول يوصلها بس غرام كانت بتسوق بسرعه وبترفع عجل وبتسابقه
غرام: متحلمش ي اسلام
اسلام بقلق: غرام اهدى عشان خاطري احسن تتعورى
غرام:شطور انك قولت غرام مش روان
اسلام بزعيق:غرام مش وقته بقولك اقفى كفايه
غرام:يووووووه عن اذنك
مشت من قدامه واسلام ماشي وراها وقلقان من تصرفاته وحركاته اللى مش متخيل انها بتعرف تعملها لحد ما وصلوا لنهايه ووقفوا نزل وحضنها جامد
غرام بصدمه: اسلام انت بتعمل ايه
إسلام: انا مستحيل اسيبك تركبيه تانى قلبى كان هيقف من القلق عليكى
غرام بتوتر: طيب ابعد بس
اسلام بعدت: حرام عليكي بجد
غرام: ما انا كويسه اهو هو انا صغيره
اسلام: اتعلمتى كل ده ازاى وامتى
غرام بابتسامة:طارق كان معا واحد وكنت بركب معا وبعدين اصريت يعلمنى لحد ما خاف عليا لتعور وحظرنى ان مركبهوش تانى بس كملت تعليم لوحدي وبعدين اتشغلت بقا ومبقاش ينقع اركبه بسبب المعجبين والتصوير اللى فى كل مكان
اسلام: ومين سي طارق ده وتركبى معا بصفته اي ثم معجبين اي وتصوير اي
غرام بتذكر: اااه لا متخدش في بالك
اسلام بغيره:طيب امشى قدامى
غرام بخبث:فكرتنى ب طروق والله
اسلام مسكها من قفها: وحيات طروق ده لو اتكلمتى تانى لتشوفى وش عمرك ما شوفتى
غرام: طيب يلا شوف هتودينا فين
اسلام: مع انك عصبتينى بس هوديكى ياكش يتمر
ركبوا العربيه وراحوا اسطبل صغير في اربع احصنه 🐎
غرام: الله شكلهم لطيف اوووى
اسلام: الاسطبل ده يخص العيله
غرام: الله بتاعكم يعنى اركب اللى عيزاه
اسلام:التلاته دول اركبى اللى انتى عيزاه فيهم
غرام: وده اشمعنا مركبهوش
اسلام: لان ده بتاع ابن عمى ومحدش بيتاقلم معا غيره والحصان نفسه مش بيحب حد يركب عليه غيره
غرام بتفكير: طيب اختارى واحد اركبه
اسلام: اركبى انتى ريحانه وانا هركب فهد
غرام:اممم والباشا اللى رافض حد يركبه
اسلام:ده ي ستى مسميه ليل
غرام: اممم طيب ندخل رهان هنركب ونعمل سباق ولو كسبت اركب سى ليل ولا خسرت تطلب اللى انت عايزه
اسلام: لا ي غرام
غرام: خايف تخسر ي قلب غرام
اسلام بحب وقرب: انتى قولتى اي دلوقتي حالا
غرام بتوتر: قولت خايف تخسر
اسلام: اللى بعدها
غرام حمحمت: احم احم مقصدش المهم موافق
اسلام بخبث وغمزه: موافق ي قلب اسلام
غرام ضربت على صدره بخفه: طب ابعد ي خفيف
اسلام: طيب تعالى نجهز ونجهز الحصنه
جهزوا ولبسوا لبس السباق حمايه ليهم وركبت غرام وعندها اصرار انها تكسب
اسلام بقلق: غرام عشان خاطري اهدى وبراحه ريحانه مش بتحب انك تقسي عليها
غرام: متقلقش بقا يلا
اسلام بقلق: طيب امشى بشويش فهد لو شافك بتضربى ريحانه هيتعصب عليا وعليكى
غرام: يعم متخفش بقا مكنتش فسحه دى
اسلام بتنهيده: امرى لله يلااا
ركبت غرام ريحانه واسلام ركب فهد واسلام كان متعود على فهد ومسابق غرام بمسافه
اسلام: انسى ي غرام انا اللى هكسب
غرام بضيق: مستحيل غرام مش بتخسر
اسلام: فهد يلااااااا
غرام كانت مضايقه ان مسابقها وقرب يوصل وهي مش متعوده حد يسبقها اضطرت تضرب ريحانه كذا مره وده خلاها تهيج وتمشى بسرعه ولاحظ ده اسلام
اسلام بقلق: غرام لا اوعى
غرام بتضرب ريحانه: هكسبك ي اسلام
فجاءه ريحانه هاجت وفضلت ترفع رجلها الاماميه ورافضه وجود غرام وفهد لما شافها هاج على اسلام وعايز يرميه من على ضهره ولما اسلام حاول يتحكم فيه ويوقفه ومعرفش وقرب من غرام
اسلام: غرام شدى اللجام
حاولت غرام تشد اللجام بس ريحانه كانت رافضه توقف وبتسرع
غرام بخوف:مش راضيه تقف
اسلام:ريحانه مش هتقف انا هقرب منك وانتى مدى ايدك ليا انا هخدك معايا بس خالى بالك
غرام حاست بخوف فى عينه.ولاحظت ان ريحانه اتجرحت بسبب اللجام لانها بتشده جامد عشان توقف خافت مش عارفه تعمل حاجه غير انها تسمح لمساعدته اسلام بيقرب منها وهى حاولت تقرب بس الفرسه بتجرى بجنون. كمان فهد عصبى وغضبان لما شاف ريحانه بتنزف كل ما اسلام يقرب منها فهد يبعد مش عايز ينقذها اسلام لقى السرج خلاص فك وغرام بقت في خطر.
اسلام: غرام بسرعه هاتى ايدك
غرام بتحاول تمد ايدها ومسكت ايده بس كان السرج فك ووقع وغرام كمان وقعت
اسلام برعب متمسك بايدها: غراااام
اسلام مسك ايد غرام بقوه ورفعها وغرام مسكت ايده بكل قوتها بس طبعا كل وزنها محمل على دراعها ودراع اسلام. اسلام رفعها قصاده على الفرس. بس فى الرفعه دي غرام صرخت بألم من دراعها. اسلام غصب عنه ضمها بقوه وقلق.
اسلام:انتى كويسه.
غرام بألم:دراعى شكله اتخلع.ااااه.
اسلام: معلش حاجه بسيطه اول لما ننزل هرجعهولك مكانه. بس انتى امسكى نفسك.
اسلام بيحاول يوقف فهد وفهد غضبان وبيجرى بقوه علشان يحصل ريحانه. اسلام غضبان منه وضربه بس فهد اتعصب اكتر وابتدا يرفع رجليه الاماميه بيحاول يوقعهم لان مش حابب غرام فاكر انها السبب فى جرح ريحانه.وفعلا بجنونه وجموحه العنيف.وقعهم اسلام كان كل همه غرام. ما تقعش هى لانها متالمه كفايه. حضنها بقوه ولما وقعه هو اللى اخد الصدمه. وهى وقعت فوقيه اسلام راسه انجرحت وحس ان ضلعه انكسر واتالم
غرام بدون تفكير ونسيت الم دراعها وحطت ايديها على جرح راسه.
غرام:انت انجرحت جامد
اسلام بالم: مش مهم انا المهم انتى كويسة
غرام بتعب وخوف ظاهر:اسلام لازم نروح المستشفى دلوقتي
اسلام حضنها جامد: اهدى متخفيش
غرام بالم: ااااه
اسلام خرج الموبايل وكلم البواب جابله عربيه وراحوا المستشفى ومرداش يدخل لدكتور ويسيب غرام الا لما يطمن عليها
الدكتوره: بصي هو هيالمك بس حاولى تستحملى هعد ٣ وبعدين هرده
غرام بخوف: طيب
اسلام قرب منها ومسك ايدها:متخفيش انا جنبك
غرام: صعب صح
اسلام بيدى اشاره لدركتوره: لا ي حبيبتى مش صعب ثم اي الجمال ده هو كل اللى بيتعبه بيبقوا قمر كده
غرام متناسيه الالم: اسلام بس
اسلام: والله قم..
فى اللحظه دي غرام صرخت لان الدكتوره فهمت ان بيحاول يشاغلها عشان متحسش وردته
غرام بصراخ ودموع: ااااه
اسلام بحضن: سلامتك ي قلبى انا اسف اسف
غرام شدت على الحضن: انا تعبانه اوووى
الدكتوره: هديكى مسكن بس استاذ اسلام لازم تيجى معايا اردلك ضلعك وكمان اشوف الجرح
غرام بقلق وبعدت: ايوه ي اسلام روح معاها
اسلام: اطمن عليكى الاول
غرام: انا كويسه روح بس
الدكتوره: يلااا
اسلام: حاضر
خرج اسلام وكانت غرام حاسه بالذنب لان كل ده بسببها وافتكرت قلق اسلام عليها ومكنتش قادره تصدق ان بيحبها وبيخاف عليها كده وقلقت اكتر لما الدكتوره اتاخرت مع اسلام وشويه ودخلت ممرضه
غرام: لو سمحتى الشخص اللى كان معايا فين
الممرضه: الحمدلله الجرح مكنش عميق ومحتش خياطه وهما دلوقتي بيجبسوا دراعه لان انكسر
غرام بشهقه: ه ه ه اتكسر
الممرضه: ايوه محتاجه حاجه
غرام: انا عيزاكى تساعدينى اروح اوضته
الممرضه: مش هينفع
غرام: لو سمحتي متمتعنيش
الممرضه اخدت غرام الاوضه ودخلت بسرعه من غير اذن وكان الدكتور انتهى
الدكتور: اي ده في ايه
الممرضه: معلش ي دكتور المدام كانت قلقانه ومصره تطمن عليه
اسلام: جيتى ليه ي غرام وانتى تعبانه
غرام: انت اللى تعبان انا اسفه كل ده بسببى
اسلام: ي حبيبتى مش مهم المهم انك بخير
الدكتور: متقلقيش ي مدام الحمدلله ان الجرح محتجش خياطه
غرام بضيق من كلمه مدام بس محبتش تضايق اسلام: طيب ممكن نخرج امتى
الدكتور: هو استاذ اسلام رافض يقعد ف انا هكتبلكم خروج ويغير على الجرح كل يوم وانتى كمان متعمليش مجهود عشان الدراع ميتخلعش تانى
غرام: حاضر
استأذن الدكتور والممرضه
غرام: انت كويس
اسلام بابتسامة: لما شوفت قلقك وخوفك عليا خفيت
غرام بتوتر: لا ابدا انا خوفت تموت بسببى
اسلام بضيق: اموت طب اقولك اي
غرام: احم عايزه اقولك شكرا يعنى عشان ساعتنى وكنت خايف عليا
اسلام بابتسامة: لا ابدا انا خوفت تموتى وابوكى وامك يقتلونى
غرام بضيق: امممم طيب يلا نمشى من هنا بقا
رجعوا البيت وغرام اخدت شاور و غيرت وخرجت شافت اسلام زي ما هو
غرام: انت لسه مغيرتش
اسلام: ما انتى لو زوجه ناصحه تعرفى ان جوزك مكسور ومش عارف يغير لوحده
غرام ببرود: ايوه يعنى عايز اي
اسلام: تغيربلى
غرام: ي صغنن اغير لمين
اسلام بخبث: خلاص ي غرام براحتك اقعد كده بترابى بالبس ده
غرام: ما تقعد انا مالى
اسلام بتمثيل: آآآآآه ي دراعى آآآه بس انا اللي غلطان مش كنت سبتك توقعى كنتى هتبقى مكانى دلوقتى
غرام بضيق: بس بس صدعت خلاص هساعدك
اسلام:كويس تعالى بقا قلعينى عشان اخد شاور
غرام: طيب
قربت منه غرام وهى متوتره جداً اول مره تقرب من شخص كده مسكت التيشرت بدات تقلعه وهي مكسوفه ويكاد وشها يولع من السخنيه غمضت عينها
غرام: حاجه تاني
اسلام بابتسامة ولم شعره على ناحيه واحده: هو انتى كده قلعتينى
غرام بتوتر: اااه
اسلام: تؤ تؤ ي حياتى كملى انا ايدى مكسوره اكيد مش هعرف لوحدي
غرام بلعت ريقها بتوتر: طيب
بدات تقلعه بايد مرتعشه ومغمضه عينها وكل ما تلمسه تبعد ايدها بسرعه لحد ما خلصت وجريت على اوضتها بسرعه
غرام بخجل: ي لهوى وشي سخن انا احسن حل اعمل روحى نايمه
قعدت على السرير واول لما دخل اسلام غمضت عينها
اسلام: ي غرامى قومي اكيد ملحقتيش تنامى
غرام: لا نمت
اسلام بضحك: ههه طيب قومى لبسينى كفايه ان معرفتش اخد شاور بسبب ايدى
غرام بصدمه: اسلام آآآآآه انت ازاى تخرج كده
اسلام بضحك: طيب فتحى عينك ثم ما انا لابس البو’كسر اهو
غرام: اخرس ي مش محترم
اسلام: طيب فتحى ولبسينى التيشرت والبنطلون ولا اقعد وابرد
غرام بعصبيه: ما تبرد ولا تروح في داهيه انا مالي
اسلام نام علي السرير: خلاص براحتك
غرام: قوم عايزة انام
اسلام: هنام هنا واي مكان هتروحي في جاي وراكى يتغيرلى
غرام بعصبيه: اشبع بيها
اسلام سحبها فى حضنه: اشبع بايه
غرام بلعه ريقها بتوتر: الاوضه
اسلام بحب: طيب ما اشبع بيكى انتى مش مراتى برضو
غرام حطت ايدها على صدره تبعده بس معرفتش وحست بكهربا في جسمها: ا اسلام ابعد
اسلام قرب: مش هبعد
غرام غمضت عينها: الوضع ده ميصحش اقسم بالله انت قاعد عر’يان ليه بس
اسلام قرب من شفا’يفها: حلوه
غرام بتوتر: هي ايه
اسلام: شفا’يفك
غرام زقته جامد وخدت نفسها
غرام: اسلام انت اتجننت صح
اسلام: مش انتى مش عايزه تلبسينى
غرام: خلاص هلبسك متجوزه طفل
اسلام: لا انا اللى متجوز ست عنديه وبتسمعش الكلام وبسببها ده حصلنا
غرام: قولتلك اسفه مقصدش ثم كنت سبتنى وقعت
اسلام: غبيه مش بتفهم اقسم بالله
ساعدته غرام ولبسته هدومه وفجاءه جاله اتصال
اسلام بصدمه وقام مفزوع: ي نهار اسود
غرام: في اي
اسلام بتوتر: لا ابدا مفيش
الووو
…..: انت ي حيو’ان انزل انا تحت البيت
اسلام: لا مش هنزل
…..: انزل احسن اقسم بالله اطلع انا
اسلام: طيب هنزل
غرام باستغراب: انت رايح فين
اسلام بتوتر: اصل الحصان اتعور جامد وابن عمى مضايق ف هروح اشوفه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غموض امرأة)
