رواية غموض امرأة الفصل الرابع 4 بقلم زينب رشدي
رواية غموض امرأة الجزء الرابع
رواية غموض امرأة البارت الرابع
رواية غموض امرأة الحلقة الرابعة
غرام بصدمه: معقول يكون متهيالى
مسكت الاب شافت كل حاجه زى ما هى ومفيش اي تغير دخلت ندى
ندى: صباح الخير
غرام: في حاجه غلط ي ندى انا صحيت هنا مش في الروايه
ندى: قولتلك انك عشان مضفوطه بس
غرام: يعنى كل ده كانت تخيل
ندى: سيبك من الموضوع ده عشان نفطر حضرت الفطار على البحر
خرجوا يفطروا وبعدين ندى غيرت هدومها ونزلت تجرى تهدى اعصابها واقنعت نفسها مؤقت ان كل ده حلم ورجعت بعدين البيت
ندى: رئيس التحرير كلمك
غرام بتذكر: اكيد عايز المقاله انا نسيت خالص
ندى:انتى لسه مخلصتهاش
غرام: لسه غيرى هدومك ننزل سوا في الطريق اخلصها واسلمها
ندى: ما بلاش نخرج الناس هتفضل تسأل علي الروايه
غرام ببرود: يسالوا وانا مش هرد من امتى بيهمنى كلام الناس
ندى: طيب
غيروا هما الاتنين وندى ساقت العربية وغرام بتظبط المقال وصلوا وغرام راحت على رئيس التحرير وخبطت ودخلت علي طول
غرام: طلبتنى
اسماعيل: نفسي تدخلى تقولى صباح الخير، ازى حضرتك، السلام عليكم اي حاجه مش تدخلي في الشغل على طول
غرام ببرود: يعنى لو قولت صباح الخير وكل الكلام هياثر على يومك
إسماعيل بفقدان امل: ادخلى في الموضوع
غرام بابتسامة: الله ما انا كنت داخله اتكلم في الموضوع حضرتك وقفتى
اسماعيل: فين المقال
غرام بجديه: اتفضل
اسماعيل: ده المفروض من يومين على مكتبى
غرام: ومخلصش غير النهارده
اسماعيل بضيق: طيب ي غرام عايز مقال عن شركه…. يخلص بكره ومفيش حاجه اسمها لما يخلص معاكى براحته
غرام بضيق: تماما يخلص بكره وماله
إسماعيل: وحكايه روايتك الجديدة اللى عامله مشكله من قبل ما تنزل دى
غرام بصيغه لا تحمل الهزار: تؤمر بحاجه تانى
إسماعيل بضيق: لا اتفضلى
خرجت غرام ودخلت مكتبها بعصبيه
ندى: خير ضايقك
غرام: يضايق مين هو بس كلفنى بشغل ونبه ان يكون بكره
ندى:عن مين بقا
غرام: عن شركه…. اي حكايتها دي
ندى: اااه دول شكلهم موضوع كبير ومش موافقين يقولوا لصحافه يعنى مش هتعرفى تكتبى من مكانك هتنزلى دورى شويه
غرام بضيق: وطبعا قبل ما اى صحفى يوصل
ندى: اكيد
غرام بتخطيط: تمام اوى انا رايحة وانتى اجازه النهارده بااااى
ندى: ربنا يسطر
نزلت غرام الشركه وقعدت مع كذا واحد معرفتش تجيب معلومات وفجاءه قعدت في الكافتريا قعدوا بنتين جنبها وكانوا بيتكلموا عن المشكله اللى فى الشركه
غرام بابتسامة: طب حلو اوى المعلومات تيجى لحد عندى من غير مجهود ونازله خبطت في واحد
غرام: مش تفتح
ادم باستغراب: انتى بتكلمينى انا
غرام: لا شكلك اعمى بجد مفيش غيرك ي استاذ فى المكان
ادم: حضرتك اللى غلطانه
غرام ببرود: انا مبغلطش واوعى كده ضيعت وقتى
ادم بضيق: اي قله الذوق دي
غرام رجعت بضيق: انت تقصدنى انا
ادم باستفزاز: مفيش غيرك في المكان ي انسه ولا انتى عاميه
غرام بضيق: لولا ان مش فاضيه كنت رديت عليك
ادم: اوعى كده جاتك القرف
غرام بصدمه: ده شتمنى
فجاءه غرام مسكته من دراعه رجعته وبعدين ضربته فى وشه اتحرك من مكانه من عزم الضربه
غرام بابتسامة: اسأل عن غرام محمد الجارحى مش بتسيب حقها
ادم بعصبيه: تمام ي غرام مش هسكتلك
غرام: باااى
ادم بعصبيه: معقول دي اللى بيحبها مروان؟ طيب والله لندمك
وصلت غرام البيت وفضلت تكتب المقال وبعد شويه وصلت ندى وعلى
غرام باستغراب: خير دخلتك مش عجبانى
على:فى واحد رافع قضيه عنك انك ضربتيه
انتى فعلا عملتى كده؟
غرام ببرود وهي بتكمل الشغل: اااه ضربت واحد في الشركه النهارده هو اللى غلطان
على: ي غرام فوقى انتى مش ناقصه مشاكل ثم ده صاحب الشركه والكاميرات صورتك وانتى بتضربيه
غرام بتخطيط: صاحب الشركه تمام اوى
على: بكره عايزين ياخدوا اقوالك
غرام ببرود: من عيوني
على بخنقه: لا انا مش هستحمل اكتر من كده
غرام: عملتوا اي فى موضوع القصه
على: سايب عمك واخوكى يحلوها (وخرج)
ندى: غرام
غرام: نعم
ندى: لسه مش مصدقه ان في حب
غرام: واى لازمه الكلام ده دلوقتي
ندى: لو مفيش حب ليه طارق بيساعدك في شغلك من غير اى مقابل ليه انكل اكرم هو و طارق اي مصيبه هما بيحلوها واللى بتكونى عيزاه بينفذوه ليه علي وانا مستحملين طريقتك معانا غير عشان بحبك وعارفين انك طيبه انا بعد ما كنت اعز صديقه عندك بقا اخرى شغاله عندك
غرام بتعاطف: انتى لسه صاحبتى ي ندى انتى عارفة ان مليش غيرك بس مفهومى عن الحب مش هيتغير مفيش حاجه اسمها حب
ندى: وانكل اكرم وطارق مش بيحبوكى
غرام: ندى انتى عارفة مش بحب اتكلم في الموضوع ده وسبينى لوحدي بقا
ندى بتنهيده: حاضر
خرجت ندى وغرام رافضه التفكير في اللى قالته وجابت رقم ادم وكلمته
ادم: الووو
غرام: انا غرام
ادم: اهلا
غرام: بترفع عليا قضيه بدل ما تجيب حقك بنفسك
ادم: للاسف متربى بقا ومش متعود امد ايدى على ستات مش ذنبى ان اهلك مربوكيش انك تحترمى الناس
غرام بعصبيه: تتكلم معايا كويس انت فاهم
ادم: انا اتكلم زي ما انا عايز اخلصى قولى عايزة اي انا مش فضيلك
غرام: تمام بص انا صحفيه وكنت جايه عندك اكتب مقال عن موضوع شركتك ووصلت لكل المعلومات وهنزلها بكره
ادم: المعلومات دي مينفعش تنزل
غرام: والله الموضوع ده بايدك
ادم: يعنى ايه
غرام: يعنى تتنازل عن المحضر ومش بس كده تقولى معلومات اكتر بس هنزلها لما انت تحب
ادم: بتلوى دراعي
غرام: متقولش كده ده بزنص المهم تقول للموظفين عندك يقفلوا بوقهم مش كل مره هيبقى صحفيه محترمه زي تسمع الكلام ومتنزلش
ادم بضيق: تمام هتنازل عن المحضر
غرام بابتسامة: مستنيه منك مكالمه عشان تقولى باقى المعلومات باااى
ادم: منك لله ي مروان لولا انك حظرتنى مقربش منها لكنت كسرت دماغها دلوقتي
قفل ادم مع غرام وكلم مروان
ادم: منك لله ي اخى بتحب فيها اي دى انا نفسى اكسر رقبتها
مروان: اتكلم كويس على مرات اخوك يلااا
ادم: ي عم اتوكس اللى بتقول عليها مراتك دي متعرفكش اصلا مكلمتكش ولا شافتك ولا مره
مروان: من اول ما شوفتها حبيتها وحياتها عندى لا هتحبنى وهتبقى مراتى
آدم: غير طريقتها الاول
مروان: اول لما الحب يدخل قلبها هتتغير انا متأكد
آدم بتنهيده: زي ما تحب
مروان: قولى عملت معاك اي
ادم: قالوا اللى حصل
مروان بحب: حبيبت قلبى قويه مبتحبش حد ياذيها
ادم بضيق: غور جاتك القرف متخلف
اما غرام نامت وهي بكل هدوء عن اللى عملته فى ادم نامت وقد تناست موضوع الروايه صحيت تانى يوم بكل نشاط وفرحه ان كابوس اسلام خلص اخدت شاور ونزلت الشغل دخلت على مكتب رئيس التحرير
اسماعيل: ابعتك تجيبي اخبار تضربى المدير
غرام: دي مساله شخصيه تخصنى ملهاش علاقه بالشغل
اسماعيل بعصبيه: ولما تضربى المدير ده مش هيضر شغلك
غرام: لا مش هيضر بالعكس انا تعاونت مع ادم وهنتقابل قريب عشان يقولى المعلومات اللى محتاجها
اسماعيل: ادم؟ مستحيل اصلا ادم شخصيته قويه واكيد ناوى على حاجه
غرام: قويه مع اى حد مش انا عن اذنك
رجعت غرام المكتب شافت ندى
ندى: مالك
غرام: ادم ده مش مريحنى
ندى: ليه بس ده على بيقول ان اتنازل
غرام: وعشان كده مش مرتاحه هو ليه اتنازل كان يقدر لما انزل المقاله يحبسنى عشان نزلت حاجه من غير علمه
ندى: تقصدي اي
غرام: فى حد بيلم ورايا اى مصيبه اي مشكله بعملها بيحلها
ندى: مش فاهمه
غرام بحيره: دي مش اول مشكله اعملها وتتحل من غير تدخل منى اكيد مش صدفه يعني
ندى بتفكير: طيب ما ممكن انكل اكرم او طارق يعنى
غرام: كنت فاكره كده بس فى حجات هما مش بيبقوا عارفينها وبتتحل برضو وبصراحه ده خلانى اعمل اي حاجه وانا متشجعه ان فى شخص هيساعدنى
ندى بخبث: الشخص ده شكله عاشق ولهان
غرام بضيق: وبعدين معاكى
ندى: بالله انا لو في واحد بيساعدنى كده من غير ما اطلب منه ومن غير ما يبقى عايز حاجه لاحبه
غرام بغضب: برضو بتقول حب
على دخل: السلام عليكم
غرام: اي الاخبار ي على
على: والله مش فاهم حاجه فى حد قابل الشخص اللى فى الروايه وحلها
ندى بابتسامة: شخص
على: ايوه روحت اقابله قالى كل حاجه خلصت عشان الراجل اللى قعد معا اقنعه بكده
غرام بضيق: وبعدين معاه بقا
ندى: نفسي اشوف المتخفى ده صاحب قناع الحب
على باستغراب: بتكلمى عن مين
ندى: متخدش فى بالك ايه ي غرام روحتى فين
غرام بابتسامة: بفكر في صاحب القناع اللى بتقولى عليه
على بابتسامة: هو اي الحكايه
غرام رجعت لبرودها: ولا حكايه ولا حاجه انا ماشيه
ندى: اجى معاكى
غرام: لا انا هروح انام راسي وجعانى
ندى: طيب كلى قبل ما تنامى
غرام: طيب باااى
رجعت غرام البيت اتعشت وكانت ندى مجهزالها عصير اخدت كوبايه ودخلت اوضتها خلصت العصير ونامت على طول
فتحت عنيها لما حست بحد بيلعب في شعرها
غرام بنوم بضيق: فى اي ندى على الصبح
اسلام: وحشتينى
غرام بخضه: انت اي اللى جابك هنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غموض امرأة)
