رواية غموض امرأة الفصل الثامن 8 بقلم زينب رشدي

رواية غموض امرأة الجزء الثامن

رواية غموض امرأة البارت الثامن

رواية غموض امرأة الحلقة الثامنة

اسلام: مش مهم اسمك اي ولا انا مين بس اتاكدى ان بحبك ولو حاسيت ان باذيكى هبعد عنك فورا
غرام في نفسها: انا هعمل زي ما قولت ي طارق هشوف اكيد ربنا ليه حكمه في ده
اسلام بعد بقلق: انتى كويسه
غرام: كويسه
اسلام: طيب نحب نخرج
غرام: لا مليش نفس
اسلام بخبث: الظاهر انك مقدرتيش تقعدى من غيرى وضيقتى
غرام بضيق: مغرور اوعى هحضرلك الغدا
اسلام: غدا ومقالب وانا اصلا راجع تعبان
غرام: لا المره دى مفيش اى مقالب
اسلام: ربنا يستر
غرام: طيب انا هروح احضر الغدا
حضرت الغدا وفضلت تنادى عليه لحد ما خرج
غرام: انت لسه مغيرتش
اسلام: ايدى وجعانى قولت تخف شويه وابقى اغير
غرام بتذكر: اومال لبست الصبح ازاى
اسلام: ما لو مراتى مهتميه بيا فضلت ساعه بحاول البس
غرام: طيب ومطلبتش اساعدك ليه
اسلام قعد ياكل جنبها: مردتش اضايقك وبعدين انتى المفروض تساعدينى من نفسك
غرام: اممم هحاول
اسلام باعجاب: اممم الاكل تحفه انتى اللى عملتيه ولا مامتك بعتت اكل
غرام: لا انا
اسلام باستغراب: بس طعمه حلو اوى اومال ليه كان طالع عنك سمعه انك مش بتدخلى المطبخ
غرام: على روان يعنى بس انا بحب المطبخ اووى هو بس انشغال الشغل مش بيخلينى ادخله اوى
اسلام: شغل اي
غرام بضيق: متخدش في بالك
اسلام: طيب
غرام: اسلام
اسلام بحب: عيونه
غرام: وهو فهد وريحانه عاملين اي
اسلام: ريحانه انجرحت وبتتعالج دلوقتي
غرام: وفهد
اسلام: مش طايقنى
غرام: انا متاسفه
اسلام: ولا يهمك المهم انك كويسه دلوقتي بس عشان خاطرى متبقيش متهوره بعد كده
غرام: حاضر
اسلام: انا هدخل انام شويه
غرام: ماشي
دخل اسلام ينام وغرام فضلت تدور في البيت على اي حاجه تفهمها اللى بيحصل ده بس ملقتش لحد ما الباب خبط وكانت مامتها
بسمه حضنتها: ازيك ي حبيب ماما
غرام: الحمدلله اتفضلى
بسمه: كنتى وحشانى قولت اعملك حاجه حلوه واجيلك
غرام بحب: تعبتى نفسك والله
بسمه: تعبك راحه ي حبيبتي اومال جوزك فين
اسلام: حماتى هنا وانا اقول البيت نور ليه
بسمه: بكاااش مال كتفك ي حبيبي
اسلام: حاجه بسيطه اومال فين عمي
بسمه: تعبان شويه مقدرش يجي
غرام بقلق: مالو ي ماما
بسمه: متقلقيش تعب بسيط
اسلام: انتى بتضحكي علينا ولا اي ده عمى مهما كان تعبان كان جااه ل ريوان ده روحه فيها
بسمه: ما قولتلك حاجه بسيطه ي واد
غرام: خلاص نروحله بكره ي اسلام
اسلام: من عيوني ي حبيبتي
غرام: تشربى اي ي ماما
بسمه: ولا حاجه ي حبيبتي انا جايه اقعد معاكي شويه
اسلام بمرح: اااه اقوم انا اجبلك حاجه تشربيها تكونوا نميتوا على خلق ربنا
بسمه: شوف الواد
غرام بابتسامة: سبيه حسابي معاه بعدين
بسمه: عامله اي مع جوزك
غرام: الحمدلله
بسمه: حافظى على جوزك ي ريوان اسلام بيعشق التراب اللى بتمشي عليه اوعى تزعليه
غرام باستغراب: ليه بتقولى كده ثم حضرتك امى انا المفروض توصيه هو
بسمه: مش هوصيه لان عارفه انه عمره ما يزعلك
غرام بضيق: وانا ازعله عادي
بسمه: اااه تعمليها ي بت بطنى بصي ي ريوان اسلام عمل المستحيل عشان ابوكى يوافق عليه بس مش عشان اسلام وحش لا اسلام مفيش احسن منه بس عشان ابوكى مدلعك وانتى راسك كانت ناشفه ورافضه الجواز بس لحد اسلام ومكنش ينفع
غرام: عايزه توصلى لايه ي ماما
بسمه: عيزاكى تفوقى وتعرفى قيمه الراجل اللى معاكى قبل ما النعمه تزول منك مهما كان حب الراجل مش هيجى على كرامته
غرام: انا مش فاهمه اي لازمه الكلام ده دلوقتي بس متقلقيش
اسلام: خلصتوا تنمر
بسمه: ي واد هقوم اضربك
اسلام حاوط كتف غرام:ريوان مش هتسمحلك
غرام: اكيد طبعا مش هسمحلها لان انا هقوم بالمهمه دي لوحدى
اسلام: اهون عليكى ي قلبو
بسمه: لا انا مليش في كلام ده اقوم امشي
اسلام: متخليكى اتعشي معانا
بسمه: لا مره تانى انتوا اللى بكره تيجوا تتغدوا معانا
اسلام: ان شاءلله تعالى اوصلك
مشيت امي مع اسلام وانا فضلت افكر في كلامها معقول اسلام بيحبنى لدرجه ان امى توصينى اخلي بالى منه يعني في حب بجد يعني اعمل بكلامها وكلام اخويا
غرام: انتى اتجننتى ي غرام تعملى بكلام مين انتى ناسيه دي شخصيه انتى بتمشيها اتلمى ي غرام ومتسنيش نفسك
دخل اسلام: انتى بتكلمى نفسك
غرام بخضه: انت جيت امته
اسلام: لسه حالا ثم اخدها في حضنه: بتفكرى في اي
غرام بتوتر: مش فى حاجه
اسلام بابتسامة: مالك ي حبيبتي مضايقه من اي
غرام بخجل: ولا حاجه بس ابعد كده
اسلام: نفسي اعرف هتقتنعى امتى ان جوزك
غرام: اسلام انت بتحبنى بجد
اسلام: ياااه انتى لسه بتسالى ي حبيبتي انا عديت مرحله الحب انا بعشقك بجد انتى مش عارفه انا عملت اي عشان نتجوز ولسه هعمل عشان تحبينى انتى اول واخر حب في حياتى كل يوم لما بصحي ولقيكى معايا بحمد ربنا على وجودك انتى احسن حاجه فى حياتى انتى روحى
غرام بسرعه: بجد ي اسلام انت بتحبنى لدرجه دي
اسلام: واكتر ي روان انتى نفسي اللى بتنفسه
غرام بحزن: اااه روان طيب تصبح على خير
اسلام: اي بس مالك ما كنه كويسين
غرام: معلش انا تعبانه وعايزه انام
اسلام: فيكي حاجه ي حبيبتي
غرام: لا متقلقش بس بعد كده متقولش روان دي مش انت قولت انك حبيت اسم غرام
اسلام: حبيته عشان بيعبر عن اللى فى قلبى ليكى ي غرامى
غرام بابتسامة: طيب تصبح على خير
مش عارفه ليه فرحت لما اعترف بحبه بس بمجرد ما سمعت اسمها افتكرت ان كل ده خيال وكل الكلام ده مش ليا دخلت الاوضه ونمت على طول من غير ما افكر
صحيت تانى واسلام نايم جنبى
غرام: وبعدين بقا
اسلام بنوم: نامى ي حبيبتي
غرام بضيق: اسلام انت نايم جنبى ليه
اسلام: بصراحه مبقتش اعرف ابعد عن حضنك
غرام قامت:قليل الادب
اسلام: اغلطى اغلطى مسيرك ي ملوخيه تقعي تحت المخرطه وسعتها مش هرحمك
غرام: بلدى اوى
اسلام بابتسامة: هو في احسن من البلدى
دخلت غرام اخدت شاور وخرجت وكان اسلام في الحمام التانى دخلت المطبخ تحضر الفطار لحد ما يخلص
غرام: يلا ي اسلام
اسلام: خلصت اهو
غرام باستغراب: رايح فين
اسلام: نازل الشغل
غرام: بس انت لسه تعبان
اسلام: متقلقيش انا بقيت كويس
غرام: طيب تعالا افطر
اسلام: لا مستعجل اوى المهم اخلص الساعه اربعه تكوني جاهزه عشان منتاخرش على اهلك
غرام: حاضر
اسلام باس راسها: لا اله الا الله
غرام بابتسامة: محمد رسول الله
غرام بتذكر: لا استني
اسلام: في اي
غرام: دول سندوتشين عشان متتعبش في الشغل
اسلام: ي حبيبتي مينفعش انا مدير محترم
غرام: خد ي اسلام مش قادره اناهد معاك
اسلام: طريقتك متغيره النهارده من امتى غرام هانم بتهتم بجوزها وتعمله سندوتشات كمان
غرام: لا متخدش على كده يلا سكه السلامه
اسلام: سلاااام
نزل اسلام الشركه وقابل ابن عمه في الشركه
اسلام: هتفضل قالب وشك كتير
ادم: اخرص يااااد مش طايقك بجد
اسلام: ما خلاص ي عم ماهم غالين عليا انا كمان احمد ربنا اننا مركبناش ليل
ادم بضيق: لا كنت ركبته كمان عشان اقطع راسك وراسها
اسلام: طب اتكلم عليها كويس
ادم: ي برودك ي اخى
اسلام: خلاص بقا ي آدم متزعلش والله هي مكنش قصدها تاذيهم
ادم: طيب ربنا يهديكم
اسلام: طيب اي ورانا اي النهارده
ادم: اجتماع من عشره ل اتناشر وهننزل نشوف العمال واجتماع نهائى بقا للمشروع من واحده لاربعه
اسلام: يوم طويل ومتعب يعني
آدم: اي الجديد ما ده العادي
وعند غرام زهقانه رايحه جاي في الشقه مش عارفه تعمل اي فكرت تنزل تتمشي بس مش معاها عربيه فضلت مستنياه وبعدين قامت تلبس وجات اربعه وكلمها تجهز وتنزل بعد ربع ساعه
اسلام: عاملة اي
غرام: كويسه انت مالك شكلك تعبان
اسلام: كان يوم طويل النهارده
غرام: اكلت السندوتشات
اسلام: ااه والله اكلت انا واحد وادم واحد ياكش يرضي علينا
غرام: مين ادم
اسلام: ابن عمى وزعلان على الحصنه
غرام: اااه هما كويسين دلوقتي
اسلاك: اااه احسن بكتير الحمدلله
غرام بتنهيده: الحمدلله
اسلام: وصلنا يلا
وقفوا قدام الباب وقبل ما غرام ترن الجرس كان الباب اتفتح واكرم اخد غرام في حضنه
اكرم: حبيبت بابا كل دي غيبه
غرام:معلش غصب عنى
اكرم بعد: ولا يهمك ي حبيبتي معلش نسيتك ي اسلام ازيك ي بنى
اسلام: الحمدلله
غرام: بابا انت كويس ماما كانت بتقول انك تعبان
اكرم: بقيت كويس لما شوفتك
بسمه: اول لما عرف انك جايه هو بيلف حوالين نفسه
اسلام: لا انا كده هغير
بسمه: والله حقك
غرام بفرحه: غير براحتك ده بابا ده الحب الاول
اكرم: طيب يلا ي حبيبتي غيرى عشان نتغدا ونقضي اليوم سوا
غرام: حاضر
بسمه:في بجامه ليك في اوضه غرام
دخلوا سوا وغرام غيرت في الحمام وخرجت ساعدت اسلام يلبس
غرام: انت كويس دلوقتي
اسلام: الحمد الله
غرام: انت مالك النهارده
اسلام: مفيش ضغط شغل بس
غرام: اول مره اشوفك هادي ده بشكر الشغل على كده
اسلام قرب منها: والله
غرام بتوتر: اه والله
اسلام بيرتب في شعرها: يعني عاجبك منظرى كده
غرام بخجل: كده ازاى
اسلام قرب بحب: وانا مضايق ومخنوق يعني
غرام بتوهان وباصه في عنيه:لا انا اتعودت عليك بتهزر كتير وبتضحك ومش هامك حاجه
اسلام قرب اكتر: مفيش حاجه في الدنيا دي تهمنى غيرك
ولسه هيقرب سمع صوت مامتها من برا بتستعجلهم بعدته بسرعه غرام وخرجت
اسلام بضيق: ي خي منك لله
خرج اسلام وقضوا اليوم كله سوا وغرام كانت مبسوطه جدا وحاسه ان اول مره تعيش جو العيله والدفئ ده ورجعت هي واسلام البيت قعد اسلام في مكتبه يكمل شغل بس وقف اول لما شم ريحه برفانها اللى يجنن رفع عينه اتصدم وهي لابسه بجامه شورت من غير اكمام اقسم انها اجمل امراءه في العالم
اسلام بتوتر: اي الجمال ده
غرام بخجل: شكرا انا كنت عايزه اتكلم معاك في موضوع
اسلام قرب منها: وبزمتك ده وقته
غرام: ايوه حاجه مهمه
اسلام ضمها لحضنه: وفي اهم من اللحظه دي
غرام بتوتر: اسلام
اسلام قرب من شف’ايفها: اسلام خلاص انهار
قطع كلامهم تلفون اسلام حاول يطنشه بس غرام بعدت ودخلت اوضتها رد اسلام بضيق
اسلام بضيق: اي
…..: اتلم احسن اقسم بالله اطلع اكسر باقي جسمك