رواية غموض الفصل الثاني 2 بقلم ملك
رواية غموض الجزء الثاني
رواية غموض البارت الثاني
رواية غموض الحلقة الثانية
وفجأه النور قطع وصوت صويت قومت بسرعه ودخلنا نجري انا وماما علي اوضه اختي هنا لقيتها نايمه وبعدها النور رجع تاني وبعد نص ساعه صليت انا وماما الفجر وكنا داخلين عشان ننام لقيت صوت الباب بيخبط روحت اشوف مين لسه راحه احط ايدي علي الباب النور قطع فتحت الباب ملقتش حد والدنيا كانت ضلمه ولقيت خيال قدامي فجأه واختفي بسرعه
وفوسط الخوف والضلمه لقيت خبط علي ايدي صرخت ولفيت اشوف مين لقيت هنا اختي
هنا : في اي يا فيروز بتتكلمي مع مين
فيروز:مش بتكلم مع حد يا حببتي ادخلي نامي
هنا: لا انا سمعتك وانتي بتتكلمي وبتقولي انك مش عاوزه تروحي معاه
فيروز :مع مين يا حبيبتي مفيش حد حتي اسألي ماما صح يا ماما
ببص ملقتش ماما
هنا:مامانايمه
فيروز: خشي نامي يلاا
هنا :متسبنيش يا فيروز
فيروز :مش هسيبك يا حبيبتي ادخلي يلاا
هنا :ماشي
هنا مشت بس ف نص الطريق وقفت ولفتلي وقالتلي
هنا : بيقولك انو مش هيتأخر
فيروز :هو مين
مردتش ورجعت تمشي تاني ناديت عليها
فيروز:هنا ،هو مين
هنا : مين يا فيروز
فيروز : اللي بتقولي عليه مش هيتأخر
هنا : انا مقولتش كده انا قولت تصبحي على خير
فيروز :ماشي روحي نامى
هنا :تصبحي على خير
فيروز : وانتي من اهله
استغفرت وقرأت قرأن ودخلت نمت
عدا علي الموضوع دا أسبوعين بابا لسه مجاش
صحيت الصبح علي صوت نفس حد
حد بيتنفس فوشي فتحت عيني ملقتش حاجه بس حسيت اني متكتفه مش قادره اتحرك ولا اعمل صوت مش قادره اتكلم اصوت في حاجه منعاني ثواني وحسيت اني خلاص بقيت قادره اتحرك
واتكلم استغفرت وقومت اتوضيت وصليت
وماما كانت خارجه مع هنا وانا روحت الجامعه
لما وصلت الجامعه بس في ناس كتيره كانت باصه عليه لا مش ناس كتير دا كل اللي في الجامعه
دخلت الحمام عشان اشوف في اي في وشي
لقيت
لقيت وشي كله جروح ودم اول ماشوفت وشي صرخت بصوت عالي والغريب اني محستش بوجع بس بعدها غسلت وشي وفضلت جوا هطلع بره ازاي وانا كده
بصيت في المرايا لقيت الجروح بتختفي بتتلاشي
في حاجه عدت من ورايا بصيت ملقتش حد رجعت ابص تاني في المرايا كانت كل الجروح اختفت وفجأه لقيت حد مسك دماغي وخبطها في المرايا
فوقت و لقيت ماما قاعده جمبي بتعيط هي وهنا
فيروز :في اي يا ماما انتي كويسه
والده فيروز بعياط:انا اللي كويسه انتي اللي كويسه ليه كده يافيروز ليه كده يا حبيبتي
فيروز :ليه كده اي يا ماما هو اي اللي حصل
والده فيروز :عاوزه تموتي كافره يا فيروز ،بقاا كده عاوزه تموتيني ب الحياا
فيروز :فهميني يا ماما
والده فيروز : بتنتحري يافيروز ليه كده يا بنتي احكيلي قوليلي
فيروز :بس بقاا يا ماما لو سمحت كفايه لحد كده ،وفهميني اي اللي حصل
والده فيروز :الناس شفوكي وانتي بتضربي نفسك في المرايا حاولو يمنعوكي منعتيهم
فيروز :بضرب نفسي والمرايا ،المرايا
قومت بسرعه من علي السرير ودخلت الحمام بصيت ف وشي ملقتش حاجه الجروح اللي كانت ف وشي مش موجوده
ماما دخلتلي بسرعه وهي بتقولي :تاني يا فيروز تاني قوليلي يا بنتي مالك احكيلي اي اللي مزعلك
فيروز :طيب تعالي نروح وهحكيلك كل حاجه
روحنا وحكيتلها كل حاجه لاكن
والده فيروز : اي يا فيروز التخريف دي ،مفيش حاجه اسمها كده
فيروز :يا ماما انا مش بخرف دا اللي حصل والله
والده فيروز :عشان بقيتي مهمله ف صلاتك
فيروز :لا والله انا بصلي الفرض بفرضه ،صدقيني
والده فيروز :وبعدين انا من أسبوعين مصلتش الفجر علشان راحت عليا نومه
فيروز: ياماما صدقيني انا مش بكدب
والده فيروز : يابنتي انا لو عليا اصدقك بس مفيش عقل بيقول كده
فيروز : طيب ثواني
مسكت التلفون ودخلت علي الرسايل
فتحت المحادثه والكلام اللي كان بعته
ملقتهوش لقيت المحادثه فاضيه
فيروز : اا خلاص ياماما انتي عندك حق انا ممكن يكون بيتهيألي من التعب
والده فيروز : ماشي انا هقوم اعملك حاجه تاكليها
ماما دخلت وبعدها بدقايق لقيت اختي هنا وقفت قدامي وقالتلي بصوت مش صوتها صوت صوت غريب خشن واشبه بصوت راجل عجوز
قالتلي : مش قولتلك مش هيتأخر …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غموض)
