رواية غموض الفصل الأول 1 بقلم ملك
رواية غموض الجزء الأول
رواية غموض البارت الأول
رواية غموض الحلقة الأولى
صحيت الصبح علي صوت رنه تلفوني
مسكت التلفون عشان اشوف مين لقيت رقم معرفوش فا مهتمتش ومارديتش
قولت اكيد حد بيعاكس
قومت اتوضيت وصليت ولبست وطلعت بره الاوضه لقيت اختي قاعده بتتفرج علي التلفزيون
فيروز:ماما فين يا هنا
هنا بطفوله :ماما راحت السوق
فيروز: وبابا
هنا:راح الشغل من شويه
فيروز:ماشي لو ماما جت قوليلها ان انا روحت الكليه
هنا:ماشي
روحت الكليه
ولقيت الرقم دا بيرن عليا تاني
لاكن المره دي رديت
فيروز : الو
: …………….
فيروز :الو
مفيش رد قفلت و خلصت محضراتي ورجعت البيت تاني
وكانت ماما رجعت وفي المطبخ
فيروز:عامله اي يا ماما
والده فيروز:الحمدلله ،مكلمتنيش لي قبل ما تمشي
فيروز :كنت متأخره وبعدين انا قولت ل هنا تقولك، هي مقلتلكيش
والده فيروز : قالتلي ، ادخلي يلاا غيري وصلي وتعالي عشان ناكل
فيروز : بابا جه
والده فيروز :ابوكي جالو سافريه شغل ومش هيرجع غير بعد شهر
فيروز :تاني
والده فيروز :اه ،ادخلي يلاا عشان تيجي تساعديني
دخلت الاوضه وغيرت هدومي واتوضيت وصليت خلصت وقبل ما اطلع من الاوضه لقيت اشعار ان في رساله جديده وصلتلي رجعت تاني قعدت علي السرير ومسكت التلفون فتحته لقيت رساله من الرقم اللي كان بيرن عليه الصبح مكتوب فيها
: فضولك هيوديكي في حته مش هتعجبك يا فيروز
فيروز :انت مين وعرفت اسمي منين
: مش مهم تعرفي انما بقاا انا مين هتعرفي كل حاجه في وقتها
فيروز : انا مش فاهمه حاجه ،ولو مقولتش انت مين هعملك بلوك
: سلام ي فيروز
عملتلو بلوك وخرجت من الاوضه ورحت جهزت الاكل مع ماما وبعد ما اليوم خلص دخلت اوضتي عشان انام لقيني فجأه وبدون مقدمات فكيت البلوك واستنيت منه رساله بس مبعتش حاجه او بمعني اصح فضولي خلاني افك البلوك
قولت اكيد هزار وبيعاكس وكده
قفلت التلفون ونمت
صحيت الصبح اتوضيت وصليت وكان يوم جمعه
دخلت الاوضه اغير هدومي عشان انزل اجيب حاجات
لقيت رساله اتبعتتلي
فتحتها لقيته هو اللي بعتلي بيقولي
فيروز : مشقولتلك فضولك هيوديكي في مكان مش هتحبيه ،بس مش مهم ساعات الفضول بيبقي حلو
استغربت من كلامه
ومردتش نزلت وبعد ساعه رجعت البيت وفتحت التلفون لقيت رساله تانيه بيقول فيها
: انا هاجي يا فيروز
فيروز :تيجي فين وانت مين اصلا
: هاجي عشان نتعرف ،صدقيني هتحبيني
فيروز :انت عرفت بيتنا ازاي اصلا
مردش علي السؤال وجاوبني بأجابه تانيه
: اشوفك بكره
قفلت التلفون ودخلت انام
لقيت بعدها ماما داخله تصحيني وبتقولي ان في حد بيخبط علي الباب كانت الساعه ساعتها 3الفجر
قولتلها وانا شبه نايمه
فيروز :مفيش حاجه يا ماما ،انا عاوزه انام
وفجأه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غموض)
