رواية غموض الحب الفصل السادس 6 بقلم لولا
رواية غموض الحب الجزء السادس
رواية غموض الحب البارت السادس
رواية غموض الحب الحلقة السادسة
الدكتور بحزن شد حيلك البقاء لله
عمر اتصدم واكمل بوجع ودموع اشد حيلي !!!! والبقاء لله ازاي يعني ومسك ايد الدكتور واكمل بدموع لالا ادخل شوف تاني ادخل شوف انا مليش غيرها مش هينفع تسبني ادخل يلا
الدكتور بحزن ربنا يصبرك يا عمر بيه بس قدر الله ومشاء فعل
عمر بعصبيه ودموع انت بتخرف بتقول ايييه امي ايه اللي ماتت انت اتجننت هي كانت كويسه شويه تعب تقولي ماتت
الدكتور بحزن الساكته القلبيه دي بتفاجئنا زينا زيك دي اراده ربنا ويارب يصبر قلبك عن اذنك
ومشي
عمر بصدمه ودموع لنفسه ايوه بس….. بس انا لوحدي انا مش عايش غير علشانها وانهارت دموعه واكمل بوجع انا ماليش غيرهاا اصلا زينب .. زينب اللي كنت بوعدها هتجوزها علشان بحبها واجبلها احفاد طلعت مش في دماغها وامي تسبني طب انا عايش بعمل ايه وبص للسما وااكمل بدموع ووجع اللهم لا اعتراض بس مش قادر يارب والله ما قادر ودخل الاوضه واتوجع لما شافها نايمه ومغطين وشها فرفع الملايه واكمل بدموع ووجع ايه يحبيبتي كده هونت عليكي وعيط واكمل هونت عليكي تسيبي عمر انا والله عارف اني قصرت معاكي لما قضيت كل وقتي للشغل وسبتك لوحدك بس مش ده كان حلمك مش انتي قولتيلي تطلع راجل بتدافع عن بلدك وانا حققتلك حلمك ومسك ايديها باسها واكمل بعياط ووجع حرام عليكي يا امي سبتيني لوحدي في اكتر وقت محتاج ليكي فيه شوفتي زينب .. زينب طلعت مبتحبنيش وهتقعد مع عريس كمان .. البنت اللي عشت احكيلك عنها وقولتلك هيجي يوم تفرحي بيا ياست الكل وتشيلي عيالي من اكتر انسانه حبيتها … ساعتها انتي قولتيلي ياريت يا واد يا عمر يارب يا ابني اشوف عيالك طب مين هيشيل عيالي دلوقتي هاا ردي عليا ابوس ايدك انا مش قادر اصدق وهتجنن وعيط اكتر واكمل طب احضنيني خديني في حضنك وقوليلي حقك عليا علشان انا مكسور وتعبان اوي انا كنت نازل حالف هتخفي وترجعي زي الفل وتاخديني في حضنك اللي بينسيني وجعي ده وهرجع بكره شغلي طبيعي وحضنها ورفع ايديها عليه واكمل بوجع وانهيااار يا امي لااا ارجوكي لاا انا مليش غيرك في الدنيا هتسبيني لميين احضنيني انا موجوع اوي ومحتاج حضنك طب طبطبي علياا او خديني معاكي طيب انا مش مرتاح كده والله وانهار عياط في حضنها واكمل اللهم لا اعتراض اللهم لا اعتراض بس قلبي واجعني يارب قلبي واجعني فاجاه نمت صحيت لقيت ضهري اتكسر وكل حاجه اتغيرت ولتاني مره اشوف اغلى ناس في حياتي بتفارق الحياه صبرني يارب ارجوك صبرني
——————————————–
عند احمد وشهد
شهد بابتسامه الف هنا على قلبك فين الدوا بقى اجبهولك
احمد بحب تعبتك والله يا شهوده
شهد قامت واكملت بحب لالا متقولش كده تعبك راحه فين ادويتك
احمد في الدرج هنا
شهد طلعت الادويه ومدتها ليه وكوبايه المايه وساعدته ياخدها
فتنهد بارتياح ورجع ضهره لورا
شهد بابتسامه هتنام اطفليك النور
احمد هز راسه ب لا واكمل بحب لا قاعد شويه
شهد بحب طيب هروح انا اذاكر عن اذنك ورايحه تمشي لاحظ احمد حاجه فاكمل ثواني يا شهد
شهد لفتله واكملت بانتباه ايه معاك
احمد مسك ايديها واكمل اي العلامات دي كلها من ايه
شهد بصت لايديها بحزن واكملت ده بسبب الضغط النفسي من السنه دي
احمد بصدمه ضغط نفسي ايه اللي تخليه يبوظ جسمك بلشكل ده انتي عبيطه
شهد بتنهيده ولسه هو كده وبس وشعري بيقع وبخس وتحت عيني بيسود وبتهد والله يا احمد
احمد اتعدل واكمل اقعدي بس كده ثواني
شهد قعدت قدامه فاكمل بتنهيده انا عايز اسالك سؤال
شهد بابتسامه اتفضل
احمد هو حضرتك لما تتعبي وتعلقي محاليل ونفسيتك تبوظ وتعيطي وتندبي ومتقدريش تفتحي كتاب هل حد فينا كلنا هيذاكر مكانك وهيدخل يمتحن مكانك ??
شهد بحزن لا طبعا
احمد واما هو لا طبعا بتهلكي اكتر حد ليكي عليه حق ليه ?? بتهلكي « نفسك » ليه حبيبتي نفسك هي اللي هتديكي كل ماتقدريها وتحافظي عليها ربنا مستحيل يظلمك ودي حاجه مفيهاش نقاش ده كلام ربنا انتي عليكي السعي وبس النتيجه اي ان كانت بتاعته هو
شهد بدموع يا احمد انا فاهمه كل ده ومؤمنه بالله وبقضائه جدا ويونس قالي كده قالي ربنا مستحيل يضرك بس انا بتمنى ونفسي
احمد بحب حبيبتي كلنا بنتمى وبيحصل حاجه من ال3 حاجات يا ربنا بيتسجيب يا بيأجل الاستجابه يا مش بيستجيب ودي استجابه في النهايه لازم هتفرحي
شهد بدموع ازاي بقى منا بطلب ان نفسي في كليه طب هو مش ربنا كريم وقادر يكرمني بيها ويحقق دعايا لان الصلاه بتعمل معجزات ازاي بقى حتي انه مستجبش استجابه
احمد بحب هقولك اولا هو طبعا قادر اللي شق البحر وخلى العذرا تحمل يعني خالف المنطق والعقل البشري يقدر يعمل اي حاجه دي مفيهاش نقاش بس هفهمك قصدي انتي بتطلبي تدخلي كليه طب بس ممكن لما تدخليها فعلا اما تحسيها تقيله عليكي اما تبقي مش منوره فيها اوي ولا النجاح اللي في بالك لانها مش بلالقاب محمد صلاح مكنش ثانويه عامه اصلا ومعروف عالمياا ومكسر الدنيا و احمد حلمي سقط فيها 3 مرات بس ربنا عوضه في حاجه تانيه اللي عايز افهمولك ان عدم الاستجابه استجابه لانك بتتمني طب طمعا في النجاح الباهر واللقب مش كده ?
شهد هزت راسها ب اه فاكمل هو طب مانتي ممكن يستجيب ويخليكي ناجحه جدا وليكي اسمك ومكانتك فعلا بس مش في طب لانك في طب مكنتيش هتنجحي زي مابتتمني فهنا هو استجاب لشهد ورفع مكانتها بس مش في طب لانها مكانتش هتترفع اوي ومش عيب لان كلنا مش نفس القدرات ولا كلنا نفس الارزاق ربك موزع الارزاق على عباده كلهم واللي معاه طب ده شوفي خسران قصادها ايه تسمعي عن دكتور ادم الشافعي
شهد بابتسامه اه ناجح جدا ربنا يحميه بجد بتمنى ابقى زيه
احمد بس دكتور ادم مامته وباباه ماتوا وهو صغير وعاش مع ناس غريبه هي اللي ربيتوا واهله رفضوه وسمعت كمان ان قعد من غير بنته ومراته 4 سنين ومشافهاش خالص غير بعدها واتحرم من اخواته البنات اللي كانوا فاضلين ليه من اهله عمره كله وكان عايش يتيم مالوش حد نهائي كله ايه رايك في حياته ?
شهد بابتسامه حزينه : صعبه ومش اي حد يستحملها وباينه من برا جميله وناجحه بس
احمد بماقطعه بس قاسيه ومستحيل حد يتحملها ولان ربنا شايف دكتور ادم قد التجربه دي سابه ليه بس عوضه بنجاح الكل يحلم بيه .. ايه رايك في حياه دكتور ادم يا شهد لسه بتتمني تبقي زيه ??
شهد سكتت بحزن
احمد بابتسامه شوفتي بقى سكتي ازاي لانك لو اتحطيتي انك تعيشي حياته مش هتعيشيها نهائي مع ان عوضه جميل ومبسوط دلوقتي
شهد بحزن بس ناقص حاجات كتير متكتبش انه يعيشها وكمان قضى اغلبيه عمره في وجع
احمد بابتسامه وهو كذلك علشان كده بردو محدش خد العوض الكبير ده زيه ومش اي حد يوصله بصي يا شهوده انا عارف ان كل طلاب ثانوي بيعيشوا سنه صعبه اوي ومطلوب منهم الاستمراريه رغم انعدام الشغف والتعب والامراض ولو حد اتوفى وحاجات كتير بتحصل بس هو مطلوب منه يعيش سنه لمستقبله وصلاته وبس مفيش حاجه جمبها مش كده
شهد بحزن بلظبط
احمد بابتسامه لا مش بلظبط كل كلامي صح معادا اخر جمله وانتي ليه تعيشي بتصلي وتذاكري بس ?? حبيبتي دي سنه كامله لو عملتي كده وقفلتي على نفسك هتخرجي منها متوحده ومش عارفه تتعاملي مع الناس زي الاول وخسرانه اغلبيه علاقتك بللي حواليكي ومش لاقيه نفسك ليه تاخديها بلشكل الجد ده والله مش مستاهله كده كده ليكي عوض وزرقك مكتوبلك انتي بس اسعي تعرفي مدرس الجيولوجيا بتاعك ماجد امام ده اصلا كان نفسه يبقى صيدلي ومجموعه مجبش كليه صيدله جاب علوم كليه يونس ونور ودخلها بلفعل وهو زعلان بس حمد ربنا ويشاء النصيب ان يدخل احلى قسم فيها وهو الجيو فيزيا دول المهندسين اللي شغلتهم التنقيب على البترول في الصحرا والكلام ده وبيدخلها صفوه الصفوه من المجتمع مش اي حد لانها صعبه وهو دخلها واثناء كليته كان بيتشغل كأي شاب مسئول وبيصرف على نفسه فكان معندوش تيم ولا الكلام ده وبدأ في سنتر صغير مع كام طالب بياكل بيهم عيش علشان كليته انتي متخيله !!! وكان معاه عربيه بيزقها اكتر ما بيركبها كانت بتتشرخ من المطبات وبينزل في الطين يزقها على رجله ويروح يعمل الملازم للطلاب ويسهر ويشوف كليته ويذاكر وشاف حاجات كتير اوي والنهايه مبهره ربنا عوضه وبقى مشهور في مصر كلها وكل انحاء الجمهوريه بياخدوا معاه وبيعشقوا لانه صاحب ليهم قبل مدرس وكلامه وتشجيعه كان بيخلي طالب فاقد الشغف يقوم ياكل الكتاب ووصل وبقى حاجه كبيره ونجح من بدايه هو مكنش حاببها وهو بنفسه يا شهد قالك لو الزمن رجع بيا مش هدخل صيدله لانه عرف خطه ربنا ليه في حياته انتي متوجدتيش صدفه كل واحد مننا ليه حياته بصعوباتها وعوض هيشوفه على قد تعبه وادي قصه حقيقه من صميم الواقع
شهد بتنهيده عندك حق والله انا لازم ازود ثقه في ربنا واخفف توتر شويه .. طب في رايك اعمل ايه يا احمد
احمد بابتسامه في البدايه تثقي في ربنا يعني ان اي مكان هو يختاره خير لينا مش شرط دعوتنا تستجاب ولو صالحه لينا ممكن تستجاب او زي مافهمتك عدم الاستجابه استجابه او هو شايف ان لسه مش الكليه عوضك فهيحطك في مكان مناسب ليكي وتنجحي جداا وتعبك بردو متشال سواء دنيا او اخره وكده كده هتتعوضي لا محاله فرايي زي ما قولتي نزود ثقه في اراده ربنا وان نصحى بدري نصلي ونبدا يومنا ونذاكر ونروح دروسنا نيجي ننام شويه نصحى نذاكر ونقعد على الفون ترسمي لو بتحبي تكتبي لو دي موهبتك مش اي حاجه منهم تقري حاجه بتحبيها تقعدي مع اهلك لان لو عملتي كده هتحسي ان ضغط اليوم بيقل وبيعدي بسرعه من غير ماتقعدي تجلدي في نفسك وتخصصي كمان يوم الجمعه تعملي فيه كل حاجه بتحبيها بس ومتذاكريش
شهد بصدمه بتهزر
احمد لا مبهزرش كده كده المذاكره مش هتخلص فمجتش على اليوم واالسنه طويله وهتذاكري وتراجعي كذا مره وكمان ليالي الامتحان كافيه جداا كمراجعه فا ليه تموتي نفسك من الاول كده خدي بالك لو فضلتي كده هتندمي لان محدش بيوصل غير الشخص الهادي اللي بيعمل في صمت وبيعيش حياته بردو وسايبها على الله
شهد بحزن بخاف اكون مقصره
احمد بحب بصي شعور التقصير طبيعي مش هيروح منك لانك كده بنت شاطره بس متخليهوش يجي بلسلب يعني متقوليش انا كده مستحقش اوصل ومش هقدر وده قليل وصاحبتي عملت اكتر وهكذا … لان حبيبتي محدش هيصدقك في الاول ومحدش مؤمن بيكي غير نفسك فالازم تصدقيها وتقدريها واديها ثقه انك تقدري عادي وده فكل حيااتك في اي مجال مش دراسه بس ولو صاحبتك عملت اكتر منك ملكيش دعوه ربنا مدينا كل واحد قدره فهم وطاقه مختلفه وكمان حياه مختلفه يعني وارد انتي يحصلك ازمات توقعك هي لا يقوم ربنا يديها اكتر لا طبعا هيدي كل واحد نصيبه ربنا كريم وعارف ان شهد قصرت لانها حصلها كذا كذا مش دلع منها وهي مقدرتها 3 كتب انتي 2 عادي خالص لان كل واحد جاب اخره وطاقته وربنا شهد على كده وده المهم فهمتي ??
شهد بحب اه فهمت
احمد بحب كمان انتي مش قدامنا رقم اخر السنه احنا كلنا شاهدين على تعبك وامنتك فا اللي يجي ده اختيار ربنا ليكي مش تقدير لتعب شهد لان تعبك ميتقدرش بارقام ومحدش عاش ولا شاف اللي شوفتيه معاكي فيغور كل الناس قصاد صحتك وراحتك النفسيه الحياه مش هتقف وهتكمل واي كليه هتنجحي فيها اعرف ناس اتريقوا على مجموع ولد وقالوا انه مفتحش كتاب علشان كده جاب المجموع ده وهو كان ابوه متوفي ومأثر في نفسيته وغيره نفس النظام كان مريض كانسر فا ورا كل بيت حكايه محدش يعلمها الا الله كده كده الناس مش هتبطل تتكلم المهم شهوده تبقي بخير
شهد ابتسمت بحب واكملت بجد كلامك كله قمر اوي اوي
احمد بحب المهم نعمل بيه مش كلام وخلاص
شهد بحب حاضر والله
احمد بضحك طيب اما نشوف راهنتهم اني هفوقك .. بتذاكري ازاي بقى
شهد بضحك قد الرهان باذن الله وابتسمت وتابعت بحضر الدرس واركز مع المستر وبكتب اي ملاحظات زياده بعدين بروح الخصه بايدي في كشكول بطريقتي بلعاميه عادي وانا بشرحه تاني لنفسي وبحل من الامتحان ومن كتاب المستر على الدرس ده ولما السنه تقدم شويه هحل كتابين كمان
احمد بحب وابتسامه حلو اوي كده الكشاكيل دي هتتعبك بس هتنقذك ليالي الامتحانات برافو
شهد بحب اه منا قولت علشان كده اذاكر منهم للشوامل والامتحانات بتاعت اخر السنه واحل انا بقى امتحانات سابقه بدل الفيديوهات بتبقي طويله اوي
احمد بحب ربنا يوفقك يا شهوده ونشوفك شاطره وناجحه في اي مكان
شهد ابتسمت بحب واكملت يارب اللهم امين يا احمد
احمد بابتسامه الواضح عجبتك السلسله
شهد ضحكت واكملت بحب جداا انا مش بقلعها اصلا
احمد بحب هي اصلا قمر عليكي بس خبيها لما تنزلي دروسك الخطف اليومين دول زايد
شهد بضحك يابني انت عارفني حد يقدر عليا
احمد بضحك لا بصراحه ده لو حد تجرأ وعملها هيرجعك تاني من اللي هيشوفه
شهد بضحك اه منا مش ساهله واهلي مش اي حد
احمد بضحك على رايك صحيح محدش هيجيب لنفسه بلوه وياخدك
شهد ضحكت واكملت تمام تشكر هروح اذاكر عايز حاجه
احمد بابتسامه سلامتك وربنا معاكي
شهد ابتسمتله بحب ومشيت
———————————————–
بعد حلول المساء في اوضه ياسمين جودي قاعده معاها وبيحكوا
جودي يابت والله انتي عبيطه ده يوم في العمر فيها ايه لما تسيبي شعرك يعني
ياسمين بس يحبيبتي انتي عبيطه وربنا موجود كل الايام ومش موجود يوم فرحي ولا ايه استغفر الله العظيم يارب يعني اليوم ده بدل ما ابدا حياه جديده ابدائها بذنوب وكمان معرفش اعلق اي صوره لفرحي في شقتي بعد كده لان كله بشعري ازاي يعني
جودي بضحك خلاص هتقومي عليا كده ليه براحتك انا مقصدش بشوف ناس بتعمل كده فبقترح عليكي
ياسمين بحب عارفه ان ناس كتير بتعمل كده وعارفه انك عايزه تفرحي بيا و مش بقوم عليكي بس دي الحقيقه ربنا يهديكي وتاخدي خطوه الحجاب وهتعرفي قصدي انما اكون لبساه واقلعه في فرحي !!!! وضحكت واكملت يعني مازن لو سمع كده يقلع راسي من مكانها
جودي بضحك ومين كان هيقوله بس
ياسمين بضحك يحبيبتي انتي عبيطه ماهيشوفني وهينكد عليا في اكتر يوم بتمناه و ده اذا كنت طاوعتك يعني وغير كده انا مبخبيش عليه حاجه
جودي بضحك هو انا ازاي صح اسأل السؤال ده ما طبيعي انتي كل حاجه بتحكيها لمازن حتى اللي يخصه وميخصوش
ياسمين بضحك الله وانتي ايه مضايقك انتي يا بومه وفتحت فونها واكملت بالله بصي وريته اني عملت كيكه بصي بيقولي ايه
جودي بصت واكملت بضحك ياالهوي هو ايه اللي قمر يحبيبتي تسلم ايديكي اشطر سمسم هو انتي عملاله عمل عند انهي دجال بجد ده انتي حارقه الكيكه
ياسمين بضحك بس يحيوانه محروقه ايه دي شكولاته اخرسي
جودي فضلت تضحك واكملت بت بطلي حورات لو هو صدق ان دي شكولاته انا مش عبيطه
ياسمين بضحك لا منا قولتله بعدها اني حرقاها قالي قمر بردو يحبيبتي كفايه انك حاولتي بس ابقي فكريني احفظ نمره الاسعاف
جودي فضلت تضحك واكملت اه كده طبيعي مفيش اعمال
ياسمين بضحك والله انتي كلبه ومش صاحبه جدعه غوري
جودي حضنتها واكملت بحب يا سمسم ده انا بحبك وباست خدها واكملت ادعيلي ربنا يهديني زيك انا والله مش قصدي اضايقك لما قولتلك تقلعي الطرحه بس انا نفسي اشوفك اجمل بنت في الدنيا مش بقول كده لاني مش محجبه زي مافهمتي وابتسمت بحزن
ياسمين بحب بطلي عبط ومتزعليش احنا اخوات انا فاهمه قصدك بس فرحتي الحقيقه هبتقى ان مازن بقى جوزي مش بشعري يا جودي انا ضدد البنات اللي بتعمل كده وانا مقصدش احسسك بكده حقك عليا والله بدعيلك ربنا يهديكي وتاخدي الخطوه دي
جودي بحب يارب واشوفك اسعد واحده مع مازن قريب يارب
ياسمين ابتسمت بحب واكملت يارب
وفونها رن فكانت امنيه
ياسمين بحب دي امنيه استني اعلي الصوت ونكلمها
جودي بمرح اه يلا واحشتني خالص الجزمه
ياسمين ردت واكملت بمرح امنيه واحشاني يا كلبه عاش من سمع صوتك
جودي بحب اخبارك ايه يا قلبي
امنيه بحزن الحمدلله يا بنات انتوا ايه الاخبار طمنوني
ياسمين بستغراب مال صوتك يا امنيه
امنيه بخنقه مفيش مفيش كويسه المهم
جودي لالا المهم ايه انتي مش كويسه خالص
ياسمين جابت اللاب توب واكملت هرن بيكي كول افتحي
امنيه بحزن مش لازم يا ياسمين صدقيني انا بخير
ياسمين يلا بس بلا بخير افتحي وريني وشك وانا اعرف بخير ولالا … يلا ردي
امنيه ردت وكانت باين عليها معيطه وعينيها حمرا دم
جودي بخضه ايه ده مالك فيكي ايه
ياسمين بصدمه في ايه حد مات عندك ??
امنيه بدموع هشش اهدي انتي وهي و لا محدش مات ووطوا صوتكم ماما وبابا برا وصاحيين
ياسمين بحزن طب مالك في ايه يحبيبتي
امنيه بدموع انا حصلي موقف انهارده ابشع من ما اتخيل
جودي بخوف يابت قولي هو انتي هتفضلي تنقطينا
امنيه بدموع فاكرين امين اللي كنت باخد منه فلوس بلقسط وبسددها بشغلي
ياسمين اه مالو خرا
امنيه بدموع اتاخرت عليه شهرين فخدني من الشغل زي الحراميه وطلع بيا على القسم
جودي بصدمه يالهوي وعملتي ايه
ياسمين بقلق استني يا جودي ها كملي
امنيه بدموع تخيلوا بقى مين كان هناك
ياسمين غمضت عينيها واكملت بخوف لالا اوعي تقولي روحتي القسم اللي فيه حسام
امنيه بعياط اه هو ده اللي حصل
ياسمين بخضه نعممم يعني فعلا حساام يا حزييي ياحزنيي وتابعت بخوف وبعدين قالك ايه??? وحصل ايه ???
جودي بصدمه يالهوي وعملتي ايه انطقي متوتريناش
امنيه بعياط ووجع جماعه حسام كان شهم معايا وجدع بس لو سمحتوا انا كلمت ياسمين علشان اقولها تقفل السيره دي للابد خلاص
ياسمين بصدمه للدرجه دي ?? هو لو صح كان شهم يعني فهم موقفك يبقى ليه نقفل الموضوع
جودي بحزن علشان شكلك يعني ?
امنيه بدموع انا اه شكلي كان زي الزفت طبعا واتحرجت متنسوش ان ده الشخص اللي بحبه وهو دفع لامين الفلوس وبهدله علشاني وضربه علشان مسك دراعي وقالي ان انا موطيش راسي ولا اتكسف منه اللي حصل مش عيب
ياسمين بحب طيب حلو يا شيخه خضتيني انتي ليه كرامتك ناقحه عليكي ما الدنيا عدت اهي
امنيه بدموع ووجع بس يا ياسمين اسكتي .. حسام قالي لما شكرته عيب يا امنيه انتي زي زينب
ياسمين بصدمه نعمم زينب مين !!!!
جودي لوت بوقها واكملت يانهاري وقت صدمات انتي التانيه بتقولك زينب حسام شك انها بتحبه من ساعه موضوع الكليه وكده جابها على بلاطه ونفخت بضيق
امنيه ابتسمت بوجع واكملت مش عيب والله يجماعه بلعكس ده راجل وشهم ووقف جمبي وكان صريح معايا علشان متعشمش
ياسمين بحزن امنيه انا رايي
امنيه بمقاطعه ودموع رايي ان بلاش نتكلم في الموضوع ده تاني حفظا على مشاعري ارجوكم خلاص
جودي بصدمه انا بجد مش مصدقه ده كان باين بيعشقك
امنيه بوجع واهو طلعت زي زينب
ياسمين بحزن طب اكلمهولك
امنيه بحده ودموع لا طبعا انتي مجنونه خلاص ربنا يوفقه في حياته انا مش هتحايل على حد كرامتي فوق الكل وهو مش ذمبه اني حبيته
جودي بحزن ربنا يطبطب على قلبك بجد يا امنيه الحب اللي في حالتك دي صعب وبيموت صاحبه
امنيه بوجع اممم منا عارفه بس مفيش بايدي حاجه انا اديني بعيد عنه ربك بقى يشيل حبه زي ماوضعه
ياسمين بحزن حقك عليا بجد انا مش عارفه اقولك ايه
امنيه بابتسامه مليانه وجع اكملت نقول الحمدلله على كل حال انا اه بحبه ومقهوره وربنا وحده يعلم وجعي بس مفيش بايدي حاجه مش هقدر انساه ولا هقدر ابقي معاه وعيطت واكملت ولا هقدر اشوفه جمب غيري فيارب يهون بجد اللهم الهوان مش قادره بنات معلش هقفل علشان مش قادره اتكلم اكتر من كده
ياسمين بحزن طب خليكي معانا
جودي بحزن هتقفلي هتهري في نفسك وتتعبيها اكتر خليكي معانا احسن
امنيه بدموع لا علشان خاطري سبوني على راحتي
ياسمين بحزن ربنا يطبطب على قلبك يحبيبتي
امنيه بوجع يارب سلام
وقفلت
جودي بحزن متوقعتش الصراحه
ياسمين بتنهيده ربنا يريح قلبها
وفونها رن
بصت فكان مازن فردت
ياسمين بتنهيده ايه يحبيبي
مازن بستغراب مال صوتك
ياسمين بحزن مفيش حاجه يا مازن انا زي الفل
مازن انتي بتستعبطي عليا انا يابت مالك في ايه انطقي
ياسمين بحزن مش هقدر اتكلم لان الموضوع ميخصنيش يخص امنيه
مازن بقلق مالها امنيه
ياسمين بحزن وحياتك يا حبيبي مش هقدر دي مهما كان صاحبتي
مازن بقلق معاها مشكله طيب ولا ايه ??
ياسمين بحزن لا هي كانت بتحب حد وطلع مش بيحبها
مازن بصدمه بتحب !!!!
ياسمين بستغراب اه مالك يا مازن في ايه
مازن بتوتر لالا مفيش بس انتي متاكده من الكلام ده
ياسمين بستغراب ان متاكده طبعا في ايه يا مازن واصلا انت فين وايه صوت الوش ده
مازن بتنهيده مفيش يا ياسمين انا قاعد فوق السطح بشم هوا وحسام بيعملنا شاي
حسام جيه واكمل امسك يا باشا
مازن مسكها منه بحزن واكمل تسلم
حسام مالك قالب خلقتك كده ليه وتابع بمرح منكده ولا ايه يا سمسمه
ياسمين كتمت صوت الفون واكملت لجودي : هشتمه هشتمه بجد نفسي امسكه اديه علقه
جودي بس يخربيتك اهدي هتفضحي البت اللي حصل حصل المهم كرامتها اتكتمي
مازن بستغراب يابنتي روحتي فين
ياسمين رجعت الصوت واكملت بحزن معاك وقول للباشا اللي جمبك ان سمسم مبتنكدش
مازن ضحك واكمل سمسم دي قلبي منا عارف
حسام بيشرب الشاي واكمل بمرح اخبار امنيه ايه يا ياسمين متعرفيش عنها اي حاجه
ياسمين نفخت بضيق وكتمت الصوت واكملت اقسم بربي يا حسام لاطلع اجيبك من شعرك سبحان ما مصبرني عليه بجد
جودي بضحك متمثليش اوي كده حسام مين ده اللي تجيبيه من شعره مش لما تطولي شعره الاول اتلمي قولت خلاص ده ابن عمك
ياسمين ما ده اللي قاهرني وصادمني عارفه انه لمح كتير بافعال تدل على الحب مش حركاتنا اننا نكسر بنات الناس كده لو مكنش نيته مكنش يلمح
جودي بحزن فعل بس موعدش فمالوش ذمب وردي على مازن هيطين عيشتك
ياسمين بحزن انتي صح بس الفعل اهم من ااكلام 100 مره بردو وردت واكملت سوري يحبيبي معاك اهو
مازن بحده بت انتي بتروحي فين هتعصبيني عليكي ليه على المسا
حسام بضحك يمكن راحت تعرفلي اخبار امنيه
((حسام كان واثق ان امنيه لو شيفاه زي ما شايفها فهتقول لياسمين لان بتعتبرها اختها فاهو بيستفزها لان ياسمين طيبه اوي ولما بتتعصب بتتكلم كلام مش واخده بالها منه))
ياسمين بحده قول لابن عمك يتلم بعيد صاحبتي يا مازن ومالوش علاقه بيها بأي شكل من الاشكال تاني خلاص
حسام بمرح يس هو ده خلصت كده ورجع ضهره لورا بارتياح
مازن بحده انتي بتعلي صوتك عليا انا ليه ?? انا مال امي بلحوار ده ماتتعدلي كده يا ياسمين فيكي ايه انهارده ثم ان خلصت اي يعم انت التاني هنستعبط امنيه بتحب اصلاا
حسام بضحك منا عارف بتحبني انا
ياسمين وجودي بصوا لبعض بصدمه
فاكمل مازن بصدمه يابني انت اهبل بقولك طلعت بتحب قالت لياسمين كده اقسم بالله انت الصدمه هبلتك ولا ايه
حسام بضحك يابني انا انهارده قولتلها انتي زي زينب علشان اتاكد من حبها ليا وعلى الرغم ان وشها اتقلب شويه بس كنت واثق لو فعلا شيفاني زوج ليها هتيجي تحكي لياسمين وجعها وانا لما استفز ياسمين هيبان عليها انها اتحكالها او لا ولو اتحكى يبقى انا وصلت لهدفي فهمت
جودي بضحك يخربيتك دماغ ظباط بصحيح
حسام بضحك عيب عليكي مالك يا مازن في ايه
مازن بصدمه لا مصدوم في قد ايه انت جاحد ازاي جالك قلب يا حيوان يا ابن الجزمه تقهر البت كده
ياسمين بصدمه انا نفس الصدمه والله العظيم مش قادره انطق هو انت يابني حكم معندكش قلب خلاص تكسر البت طلما بتتنيل بتحبها مقولتش ليه
حسام بضحك الله مش اتاكد يجماعه ولا انتوا عايزين كاريزمت عليه الرفاعي تبقي في الارض لما واحده طول علبه الكانز ترفضني
جودي بضحك بجد انت بارد وعديت الليفل ده من زمان
حسام بضحك تسلمي والله كلك ذوق اما حبستك يا جودي مبقاش انا
مازن بضحك يا عم اتلهي واقعد على جمب
جودي بضحك سيبك منه ده طول عمره بيتكلم بس
حسام بضحك تمام بكره اوريكم يا كلاب انا في شغلي مشوفتش ربايه لتكونوا اتعودتوا على خفه الدم والادب ده فوقوا انا حسام الرفاعي
مازن ضربه بلقوع في جمبه جامد واكمل بضحك احترم نفسك يا حيوان انا الكبير
حسام تأوه واكمل بضحك ااه اوامرك يا باشا
ياسمين بضحك والله يستاهل بهدله اكتر المستفز البارد اللي البت دخلت اكتئاب بسببه
حسام اتعدل في قعدته واكمل بقلق بعيدا عن الهزار مالها امنيه
ياسمين بحده شوف لسه بيقول مالها
مازن بنبره تحذيريه: ياسمين صوتك علشان مقلبش عليكي
ياسمين يا مازن ما هو اللي بيتسفزني هو ايه اللي مالها امنيه ما بتحبك يا للي مبتحسش يا بارد وانت قولتلها انتي زي زينب طبيعي تحس بايه يعني
حسام بتنهيده ياسمين وغلاوه زينب انا مقصدش كل ده انا نيتي هزار اصلا بس قولت اتاكد بلمره
جودي بتنهيده متهيالك يا حسام وجع القلوب مش هين وهي فعلا خلاص استودعت قلبها لله انه يشيل حبك منه لانها مش هتقدر تعيش من غيرك
ياسمين بحزن وعيطت وقاالت انك شهم وجدع بس مش ذمبك انك محبتهاش وهي حبتك
جودي اه وكانت منهاره وقفلت تكمل عياط
ياسمين واصلا ابن خالتها عايزها وشغال زن على ابوها وهي رافضه كل اللي يجيلها امل في ربنا يجعلك ليها وتحس
جودي والشهاده لله بتحبك بجد وانت كسرتها بكلامك كانت بتتشحتف وهي بتتكلم كده وبتقول مش هقدر اشوفه مع غيري و
حسام رمى كوبايه الشاي اتكسرت واكمل بحده خلاص خلاص كفايه انتي وهي هتفضلوا تغنوا وتردوا على بعض نكدتوا عليا الله يحرقكم وقام دخل الاوضه اللي في السطح
ياسمين اتخضت من الصوت هي وجودي واكملت هو رمى كوبايه الشاي???
مازن بضحك اه مانتوا بصراحه مستفزين بردو ما كفاياكم رغي عرفتوا بيحبها يعني طبيعي كلامكم يضايقه
ياسمين بضحك مش بنقوله كل اللي حصل وقسما بالله ده مرات عمي نرمين لو اكتشفت ان الكوبايه اتكسرت لتطبخ حسام بكره على الغدا لان البيه بيحب يشرب في كوبايه من كوبايات النيش
جودي بضحك انتي في ايه ولا ايه يا بارده
مازن فضل يضحك واكمل والله العظيم ده هي عيله كلها بارده
ياسمين بضحك طب بمناسبه البرود نكمل اليوم واطلب منك طلب بارد شويه
مازن بضحك خير ياختي انتي التانيه
ياسمين بضحك اختك في عينك.. المهم غمزت لجودي وتابعت انا عايزه اقلع الطرحه يوم الفرح
مازن بحده نعم ?? تعملي ايه ???
ياسمين ايه يا مازن بقولك عايزه اقلع الطرحه
مازن اه وده على اساس ايه شيفاني مركب قرون ???
ياسمين بضحك مازن انا بتكلم جددد
مازن بحده انا اللي لحد دلوقتي واخد الموضوع بهزار ومش عايز اهزقك لان ده مش موضوع نتناقش فيه فبقول معلش عيله وبتهزر فمتخلنيش انزل اكسر راسك دلوقتي هو انتي عبيطه يابت انتي ولا ايه طرحه ايه اللي تتقلع
ياسمين بضحك خلاص خلاص بهزر والله
مازن بحده ده انتي والله بقيتي مستفزه اوي بقالك كام يوم
ياسمين برفعه حاجب لا يجدع طب بحيث كده بدلني
مازن بحده طب انا مبهزرش متقعديش تدخلي الهزار في الجد
ياسمين برقه : حقك عليا طب اضايق مين وادلع علي مين طيب يا مازن مش انت حبيبي
مازن غمض عينيه وابتسم وتنهد وتابع مش عارف ارد اقول ايه والله
ياسمين بضحك قول ضايقيني براحتك علشان مزعلكش
مازن بضحك كماان !!!! طيب يا ياسمين ناقري فيا براحتك الا في الحاجات اللي عارفه انها هتعصبني ممكن ??
ياسمين بضحك منا بحب اعصبك والله بتكلم جد
مازن بضحك يابنت الناس مش عايز اشتمك انا لساني طويل الواد جوه وجودي جمبك
ياسمين بضحك خلاص خلاص هبعتلك بجد فستانين تنقيلي منهم واحد ماشي
مازن بستغراب ليه في ايه
ياسمين انت نسيت ان جايلنا بكره ضيوف عيله الخولي علشان زينب
مازن اه وانتي مال اهلك يعني هو انتي العروسه
ياسمين بضحك يامازن والله شكلهم عادي زي اللي بنزل بيهم بس محتاره البس انهي .. استني بس اهو وبعتتهم
مازن بص للفون واكمل البينك احلى
ياسمين بضحك والله كنت عارفه اشمعنا البينك بقى
مازن بحب علشان انتي بيضه وخدودك بينك نفس لون الفستان هيبقى جميل عليكي
ياسمين بضحك والله كنت عارفه هتختاره علشان كده .. طب بص في فساتين عجبتني بس للعروسه بقى نقيلي منهم واحد لكتب الكتاب بتاعنا
مازن بضحك لكتب الكتاب بتاعنا !!!! ده امتى ده محدش قالي
ياسمين بضحك بطل بواخه بجد وشوف معايا علشان انا بشيل الحاجات دي في الفون لساعتها ياك هو بيبقى في ساعتها كده بنختار لا طبعا بنختار ونفكر قبلها بكتير
مازن بضحك والله انتوا صنف ليكم دماغ تانيه لوحدكم
ياسمين بضحك هشش نقي وانت ساكت هاودني وبعتت
مازن شافهم واكمل التاني احلى
ياسمين بحب نفس رايي ياخي بحبك الله
مازن بضحك اخوكي في عينك وعين اهلك يا شيخه وطلما محدده بتاخدي رايي ليه
ياسمين بضحك علشان تعرف انها بتضايق وبعدين منتا عارف رايك انت اللي بيمشي
مازن ضحك واكمل ثبتيني ثبتيني وها مبعتيش الجزمه والحاجات الباقيه ليه
ياسمين والله يا مازن لسه ملقتش حاجه عجباني هبعتلك لما الاقي
مازن بضحك انتي بتتكلمي جد ??
ياسمين بضحك اه بجد اومال انت بتهاودني
مازن بضحك اه بصراحه وفضل يضحك واكمل الحق اختار البدله انا كمان يعالم يمكن الفرح يفاجئنا او انتي محدداه ومش قيلالي
ياسمين فضلت تضحك واكملت والله انت بايخ الحق عليا مبسوطه يعني وبحلم بليوم ده من دلوقتي
مازن ابتسم بحب واكمل ربنا يعجل بيه ويجعلك نصيبي يا ست البنات في اقرب وقت والله العظيم انا اكتر منك بكتير
ياسمين بحب يارب يانورعيني بجد
مازن بحب هقفل معاكي اشوف حسام علشان انتوا ضايقتوا بس اعملي حسابك ملناش دعوه الكلام ده ميتقالش لامنيه هو يراضيها
ياسمين حاضر والله
مازن بتحذير ياسمين
ياسمين بضحك والله حاضر وهنبه على جودي كمان متقولهاش
مازن بحب ماشي يحبيبتي هتنامي ??
ياسمين بحب قاعده مع جودي شويه بعدين هنام
مازن بحب ماشي لو نمتي هصحيكي علشان الفجر
ياسمين بابتسامه تمام ماشي
مازن بحب باي
ياسمين باي
وقفلت معاه
جودي يعني مش هنقول للبت اللي مموته نفسها عياط دي
ياسمين ارجوكي اتكتمي اديكي سامعه ومش عايزه مشاكل وطوله لسان منه
جودي بضحك خلاص خلاص مش هقول بجد
شهد دخلت واكملت ياسمين معلش عايزه كوبايه قهوه
ياسمين بصت للساعه واكملت ماتتخمدي يابت عندك درس بكره نامي ساعتين تلاته واصحيكي
شهد بتنهيده لسه ورايا حاجات مش هعرف انام هتعملي ولا اعمل انا
ياسمين بضحك روحي ياختي اقعدي هعملك كلنا تحت امرك السنه دي بس بعد كده هتساعدينا
شهد بضحك ياااه مش لو خرجت عايشه
جودي بضحك كلنا ياختي دخلنا وخرجنا متقلقيش الحياه ماشيه اهي
ياسمين بضحك اه والله على رايك
———————————————–
عند مازن وحسام
مازن بضحك يابني افرض وشك هما والله كانوا بيحكولك عادي اللي حصل انت عارف مفيش اهبل من ياسمين وجودي مش في نيتهم فعلا يضايقوك عليها
حسام بحزن طب اهبب ايه انا دلوقتي معرفش ممكن تكون حاسه بايه
مازن طبطب على كتفه واكمل راضيها شوف اقرب وقت وقولها انك بتحبها هي وهي مش بس هتنسى اللي حصلى ده لا ده هتنسى كل حاجه تعبتها في يوم من الايام
حسام بتنهيده على الله يا مازن ادعيلي
مازن بحب ربنا معاك يحبيبي ويبارك خطوتك الجايه ونفرح بيك
حسام والله ساعات بخاف اهلها يرفضوني فعايز اصبر شويه
مازن برفعه حاجب يرفضوا مين يالا انت اتجننت ولا ايه
حسام بتنهيده مش بقولك اللي حاسه
مازن بضحك ياحبيبي انت حتى لو صبرت مش هتغير حاجه انت متخرج وشغال ومخلص جيشك ومعاك شقتك اللي قدام ابوك ناقصه التشطيب يعني مفيش سبب انك تصبر ده الشيطان بيخوفك من الحلال مش عايزك تاخد خطوه
حسام بتنهيده ربك يتصرف انا هعمل كل اللي اقدر عليه
مازن بحب ربنا يسعدك يحبيبي
حسام بحب وانت وياسمين يارب
مازن بحب اللهم امين يارب
—————————————-
عند نور في البلكونه واقفه بتتكلم فون مع قاسم
قاسم بحب طب يحبيبتي نامي شويه وانا هصحيكي تكملي اللي وراكي
نور قعدت على الكرسي اللي قدامها واكملت والله يا قاسم تعبت علوم مش سهله نهائي انا هبطت بدري اوي وفيه حاجات مفهمتهاش اوي امبارح
قاسم بحنان حقك عليا والله لو اعرف اساعدك كنت ساعدتك بس اسالي فيهم يونس
نور بضيق ماهي مش مادته
قاسم بضحك حبيبتي يونس ما كان طالب فيها انتي عبيطه اساليه اي وقت هيقولك
نور حاضر
قاسم بحب مالك يانور ليه صوتك مضايق
نور عادي يا حبيبي كويسه
قاسم كويسه دي علي اي حد مش قاسم انا بعرفك من صوتك في ايه يحبيبي قولي
نور خايفه يا قاسم خايفه من كل حاجه جايه وبقيت بتخنق كتير واعيط معرفش مالي وبقالي كام يوم بحلم بكوابيس وحشه
قاسم بقلق طب ممكن تهدي وتفهميني واحده واحده مالك يحبيبتي قلقتيني اي مخوفك
نور بدموع قاسم بصراحه هو انت شايفني طفله
قاسم بستغراب مش فاهم قصدك من السؤال … هو انا لما بقولك انك طفله بتحسيها بانهي معنى بس علشان افهم
نور بدموع كلكم مش شايفني كبيره خالص مع اني دخلت الكليه ومخطوبه الا انكم كل حاجه دي عيله دي صغيره دي ميعتمدش عليها هو معلش بس مين علمني وانا قولت مش عايزه كلامكم ده خوفني اني اتجوز واخلف بفضل اقول هو انا هعرف اعمل كل ده اصلا ??? غير خوفي اني افشل في الكليه غير خوفي انك تزهق مني وبحلم اننا سيبنا بعض بسبب كل ده وتندم انك اتجوزتني هما بياخدوها بهزار بس عمرها ما كانت هزار عكس يونس لما احمد قال على شهد الصغيره يونس قال دي كبرت وبقيت عروسه طب ليه انا بيقللوا مني مع اني الكبيره
قاسم بتنهيده خلصتي ?
نور بدموع اه
قاسم في الاول امسحي دموعك علشان نعرف نتكلم
نور مسحت دموعها واكملت سمعاك
قاسم بتنهيده سبتي نفسك ليه لدماغك كده يا نور واحنا متعودين لما تحسي حاجه تقوليلي علطول
نور بحزن منا قولتلك يا قاسم اهو
قاسم اممم بس بعد ما عملتي فيلم واخراجتيه وحددتي النهايه كمان .. بعد ما دماغك جابلتك كل حاجه ممكن تخطر على بالك
نور بحزن حقك عليا
قاسم بحب من غير حقك عليا احنا واحد بصي يا حبيبتي في البدايه انا وانتي فرق كام سنه
نور سته
قاسم تمام حلو اوي الفرق بينا لاهو كتير ولا هو قليل هو معقول بس انا بقولك انك طفله حكم كنتي قدامي ليل نهار ولسه نفس الشقاوه وخفت الدم اه عقلتي وكبرتي واتغيرتي ونضجتي كتير بس فيكي حته كده لسه طفله عايزه تعيش انا كل قصدي بيها انك مرحه مش باين عليكي سنك وكده وبلنسبه ليهم في البيت انهم معلموكيش فا هما معلموش حد خالص كلكم كبنات الرفاعي على قدكم في شغل البيت وانتي وشهد بلذات علشان الصغيرين فمدلعينكم وانا معاكي وتتعلمي براحتك ياست البنات وبلنسبه لمازن واحمد والعيله ليه شايفينك صغيره فا الفرق بينك وبين مازن 10 سنين مش قليل نهائي هو مش شايفك اخته على قد ما شايفك بنته ده انتي كبرتي على ايده وقدامه فمش عايز افاجئك بس لحد ماتتجوزي وتخلفي هيفضل شايفك الصغيره بردو هو بس بيتكلم علي نقطه الجواز دلوقتي انك هتتعبي اوي وحقه انا نفسي نتجوز بس باصص بلعقل عليكي بردو لسه لازم كام سنه كمان وانا صابر ومعترضتش وولا عمري هزهق منك واسيبك ولا الكلام الفاضي اللي بتقوليه ده ولا انتي عايزه اي تلكيك علشان تهربي
نور ضحكت واكملت اخص عليك اهرب ايه بس ده انا ماهصدق منتا عارف بحبك ازاي يا قاسم ونفسي في اليوم ده زيي زيك
قاسم بضحك طب يابت اتقلي مش قدامي كده
نور بضحك منتا عارف اللي فيها هنحور على بعض
قاسم ضحك واكمل بحب ممكن بقى يا انسه نور لما دماغك الحلوه دي تقولك كلمتين تيجي تقوليهم علطول
نور بحب من عيوني لعيوني
قاسم بحب تسلملي عيونك يارب يحبيبتي يلا نامي بقى واصحيكي شويه كده تكملي والله
نور بضيق طيب ساعتين بس يا قاسم
قاسم متخافيش والله هظبط المنبه وهصحيكي مش هنام الا لما اطمن انك صحيتي
نور بحب تمام تصبح على خير
قاسم بحب وانتي من اهلي يا نوري يلا باي
نور بحب باي
——————————————–
بعد شويه في الكتيبه عند سيف
سيف كان قاعد بيصلي الفجر واحد من جنوده خبط ودخل وشافه كده وقف احتراما لصلاته وقال يستناه
وبلفعل شويه وقام سيف وشال السجاده والمصحف واكمل خير يا حسن في ايه
حسن بحزن البقاء لله في والده عمر يا فندم
سيف بصدمه انت بتتكلم جد .. حصل امتى الكلام ده وعرفت منين
حسن بحزن هو يا قائد اتصل قالي وقالي ابلغك انه مش هيقدر يكون متواجد بكره على الاقل
سيف بصدمه لا حول ولا قوه الا بالله الله يرحمها ويصبر قلبه ان الله وان اليه راجعون
وراح فتح الدولاب واكمل خلاص يا حسن روح انت
حسن بستغراب انا اسف بس حضرتك هتروح فين يا قائد دلوقتي
سيف وهو بيلبس قميصه اكمل راجع اسيوط اعزي عمر واقف جمبه وجاي تاني علطول بسلمك الكتيبه في رعايتك ورعايه الله قبلك لحد ما اروح واجي حاول متحسسش حد بغيابي
حسن متخافش يا فندم تحت امرك وعمل التحيه
——————————————
تاني يوم الصبح في بيت معتز
نرمين خبطت علي اوضه زينب
زينب ادخل
نرمين بصدمه انتي لسه مجهزتيش
زينب بصت على نفسها واكملت مجهزتش ازاي منا لابسه الدريس اهو
نرمين انا مبتكلمش على الدريس يا اخره صبري انا بتكلم على وشك ده مش تحطي في خلقتك حاجه
زينب بضحك لا دي اوامر القائد مقدرش اعارضها ابداا وطلعت من الاوضه
نرمين بحده خدي هنا متشلنيش انتي عايزه تفهميني ان سيف قالك متحطيش ميكاب في وشك
زينب بضحك والله العظيم اه هو انا هكدب ليه
حسام في ايه انتي وهي بتتخانقوا على الصبح ليه الناس زمانها جايه
نرمين بحده اختك معصباني قاال سيف قالها ان متحطش ميكاب ده منظر عروسه هتقابل ناس جايه تتقدملها
زينب بحده ماما والله انتي عارفه اني قاعده مش عايزه اقعد ولولا خاطر سيف وحسام عندي وكلامهم ليا مكنتش اتنيلت خالص
نرمين بحده شايف اختك يا حسام
حسام بضحك في ايه يا ماما اهدي مانتي عارفه صح انها مش عايزاه وبص على زينب وخدها في حضنه واكمل بعدين ماهي بسم الله مشاء الله قمر اهي من غير حاجه وهو اساسا اللي ميطولش ياخد النيرس الجميله بتاعتنا وباس جبينها
زينب ضحكت في حضنه وبصت لنرمين واكملت بضحك اهو مش شهدتيه اسكتي بقى
نرمين بحده ده والله كلكم ما فيكم واحد مريحني وانا لما اكلمه بتاع متحطيش ميكاب ده كمان اخلصي انزلي ورايا الناس زمانها جايه ونزلت
زينب بتنهيده اتخنقت بجد
حسام بحب هي قصه ساعه زمن وهتخلصي كبري دماغك
زينب بضيق عدي اليوم ده على خير يارب طهقت حد يجي يتقدم لحد الصبح دي حاجه تقرف
حسام ضحك على كلامها ونزلوا
في شقه منصور الرفاعي متجمعين العيله معادا يونس علشان عنده شغل ضروي ونور لانها في الكليه
احمد بضحك مبروك يا زوز
زينب بضحك يابني متستفزنيش
نرمين ده والله محدش مستفزني الا انتي واخواتك
حسام بضحك نعيش ونستفزك يا ست الكل الله
عايده بضحك ربنا يهديكم عليها والله هتموتوها مره
نرمين بضيق ده والله عايزين يتربوا من جديد كلهم
صافيه بضحك ليه ياختي مالهم حبايب تيته ما عسل اهم
حسام بضحك وربنا انتي قلبي يا صفصف
مازن بضحك انا قولت محدش يقولها يا صفصف غيري علشان مزعلكوش انا بغير
منصور بضحك اه رد يا جوزها رد
صافيه بضحك ده حبيبي ونورعيني ده
مازن باس ايديها واكمل بحب ربنا ميحرمني منك يارب وتابع بضحك وقولي للحج منصور يشلني من دماغه
صافيه بضحك ده علشان بيغير منك يا واد يا مازن
مازن بضحك منا عارف نظرته باينه اساسا مفيهاش خير
منصور بضحك ماشي يا ابن الكلب ماشي صبرك عليا
عز الدين قومي يا ياسمين انتي واختك وزينب حضروا حاجه للناس زمانهم على وصول
ياسمين حاضر يا بابا تعالوا يلا
ودخلوا
في المطبخ
زينب بدموع انا مش عايزاه ولا عايزه اقعد وقلبي واجعني ومش طايقه نفسي من صباحيه ربنا
ياسمين بحب اهدي وهاوديهم محدش هيجبرك على حاجه شويه ونخلص وبعدين محطتيش ميكاب ليه ده شكل عروسه كده
زينب وهي بتمسح دموعها اكملت سيف مرضيش
شهد بضحك طلما سيف مرضيش يبقى ميتحطش صح خطيبها ده مش اخوها
زينب ضحكت من بين دموعها واكملت بس يا حيوانه هو غيران عليا علشان مش عايز اسر وعنده حق انا اصلا اتزوق لواحد مش عايزاه ليه
ياسمين بحب انتي اصلا قمر كده
شهد حضنت زينب واكملت بخبث وربي لاربيهولك
زينب بحماس ازاي قوليلي
شهد مسكت الكنكه واكملت وهي بتحط قهوه احنا عايشين في انهي بلد ?
ياسمين بستغراب مصر ايه السؤال ده
شهد بضحك وهي بتحط ملح اكملت مفيهاش حاجه لو استحضرنا بعد عادات تركيا
زينب فضلت تضحك واكملت يخربيتك لالا بجد هنتفضح هيبخها في وشنا
ياسمين بخوف بت كبي القهوه دي يعني يقتلونا لو اسر قال ان فيها حاجه
شهد بس هشش يابت منك ليها يا خوافين انا هعملها وحطت فيها مايه واكملت يبقى ينطق هقوله انا اللي عملتها هو يطول زينب الرفاعي مره واحده وكمان طلما حاطط عينه على بنتنا يبقى يستحمل بقى
زينب حضنتها واكملت بضحك بتضحي بنفسها علشاني بموت فيهااا
شهد بضحك يخش يطمر
ياسمين بحده بت كبيها يعني يهزقونا لما الناس تمشي عيب دول ضيوف ميصحش
شهد بخبث هو مش السكر بتاعنا ناعم يا زوزا
زينب بضحك اه يا قلب زوزا
شهد بخبث خلاص وانا تالته ثانوي ومطبقه وتعبانه وهما بيعملوا الكيك والعصير عملت انا القهوه واتلغبطت
زينب بضحك شوف البت الممثله ناقصها نظره بريئه وتتصدق
شهد بنظره بريئه ولطف صدقوني يجماعه دي غلطي انا .. انا اتلغبطت بسبب ضغط ثانوي عليا والتفكير مخدتش بالي سحبت انهي برطمان وهما زي بعض اوي
ياسمين بضحك والله انتي حربايه وقادره
زينب فضلت تضحك واكملت مش مصدقه بجد لولا واقفه معاكي كنت صدقتك يخربيت اللئوم
شهد بضحك علشان يتربى كده كده هيترفض بس نهزر شويه واهو يضحكنا ويبقي جيه بأي فايده جته الهم لازق
ياسمين بضحك وناكل جاتو
زينب بضحك والله انتي مهزقه كل اللي همك الجاتو
ياسمين بضحك اه يعني ولا يبقى عندنا عروسه ولا جاتو
شهد وهي بتصب القهوه اكملت بضحك وجهه نظر بردو يلا انجزوا خلصوا اللي في ايديكم
وسمعوا الباب بيخبط
شهد بخبث جيه الحيوان
زينب بضيق اه والله و 60 حيوان
ياسمين بضحك وهي بترص الكيك والبسكويت اكملت طب يلا بينا اخلصوا
زينب قلبها واجعها ودموعها نزلت ومسحتها بسرعه
شهد بحب متخافيش احنا جمبك وهتعدي
زينب بحب يارب
برا في الصالون
منصور بابتسامه منورين يا حج عادل
الاب عادل الخولي: بنورك يا حج منصور تسلم
الام ثريا بحب: اومال فين زينه البنات كل ده
صافيه بحب جايه يحبيبتي ثواني بس
حسام بابتسامه منور يا اسر
اسر بابتسامه تسلم يا حسام باشا
نرمين بضحك لا باشا ايه بقى ده احنا هنبقى اهل
مازن كان عايز يضحك فلف وشه فاكمل احمد بهمس وضحك يعلم الله زينب لو كانت هنا كانت صوتت في وشها
مازن بضحك مرات عمك دي مشكله والله العظيم
حسام بص لامه برفعه حاجب واكمل بتنهيده اكيد هنبقى اهل بس ده في حاله ارتياح الطرفين
معتز بابتسامه واحنا يشرفنا اننا نناسب عيله الخولي بردو يابني فربنا يقدم اللي فيه الخير
اسر بتنهيده تسلم يا عمي وانا لما جيت اختار اختارت منكم علشان عارف تربيتكم واصلكم وانا معايا كليه تجاره وشغال في شركه ابويا زي ماحضرتك عارف وشقتي جاهزه كلها بلعفش واي حاجه مش عاجبه العروسه تبقى تغيرها فاحنا عايزين بس موافقتها
منصور بس منتعداش الاصول بردو يابني علينا حاجات وعليك حاجات واللي زينب تختاره هيجي
ايمن بلظبط كده احنا عارفين انك جاهز بس بردو هنجيب لبنتنا ونفرح بيها
عادل بحب اللي تشوفوا يا حج احنا بس بنعرفكم مش هنختلف في الحاجات دي
في طلوع زينب من المطبخ ومعاها البنات وحطت الصنيه على التربيزه وقعدت جمب حسام
زغرطت ثريا واكملت ايه القمر ده يابت يا زينب
زينب ابتسمت بتصنع واكملت تسلمي
اسر مشالش عينه من عليها وخد باله مازن وحسام وشهد
حسام برفعه حاجب خدت كام صوره لحد دلوقتي مش فاهم ??
مازن طب احترم اخواتها واهلها اللي قاعدين ياجدع مش كده
اسر بحرج انا مقصدش حاجه بعتذر
عز الدين خلاص خلاص يجماعه حصل خير
حسام اصل هياكلها بعنيه واحنا قاعدين
عادل بضحك يا بني هو ميقصدش ده علشان رايدها وفرحان انه قاعد يتقدملها
منصور خلاص يا حسام اهدى احنا عارفين ان اسر نيته خير ده داخل البيت من بابه
شهد رفعت حاجبها وهي بتبصله وقصدت وهي بتحطله القهوه تدلق حبه
اسر بوجع ااه مش تخلي بالك وبص على رجله
شهد بتمثيل سوري سوري انا مش واخده بالي خالص دايخه يظهر الضغط واطي ولا ايه وحطت ايديها على راسها
احمد فهمها وضحك واكمل اممم شكله واطي صح
شهد بتمثيل وهي بتقعد اكملت اه يا احمد والله واطي اوي اوي وبصت لاسر بقرف
احمد قعد في الكرسي اللي جمبها واكمل بضحك طب مثلتي حلو بلاش النظره دي علشان متتفضحيش
شهد كتمت ضحكها واكملت بس اسكت متضحكنيش
زينب ضحكت بصمت وبصت لشهد بحب وشهد بعتتلها بوسه في الهوا
منصور معلش يابني شهد بتتعب الفتره دي فعلا اكيد متقصدش
اسر لالا ولا يهمها حضرتك محصلش حاجه خلاص
شهد بتمثيل انا اللي عملالك القهوه يارب تعجبك يا عريس
اسر بابتسامه تعبتي نفسك يا قمر
مازن امر بلستر يا حبيبي انت جاي تعاكس واحده وتبص لواحده
ايمن بضحك بس انت يا مازن
مازن اصل الواحد قاعد هيتشل الصراحه
ياسمين همست بضحك بس يا مازن عيب
مازن بهمس الواد ده عايز علقه يعلم الله لو سيف كان هنا كان وقعله صف سنانه
ياسمين ضحكت بهمس واكملت بس طيب خلاص دول ضيوف يمكن بيتكلم بتلقائيه ميقصدش
مازن اممم منا عارف هتقوليلي
ياسمين حرام عليك والله شكله غلبان
مازن بس يا ياسمين اخرصي خالص لان كل اللي بتقولي عليهم كده بيطلعوا مايه من تحت تبن عمر مانظرتك في الناس صدقت
معتز بضحك خلاص محصلش حاجه اتفضل اشرب قهوتك يا اسر
صافيه فين الكيك يا ياسمين
ياسمين انتبهت ليهم لانها كانت بتتهمس مع مازن واكملت اهو يا تيته وقربته وحطته قدام الناس
ثريا بابتسامه عقبالك يابتي
ياسمين بابتسامه تسلمي
اسر بتلقائيه عارفه يا ياسمين انتي بنت مؤدبه وجميله بس الوحش ان مش هتعرفي تتجوزي بسهوله من هنا ربنا يعوضك
ياسمين اتصدمت وسكتت
منصور بحده انت جاي لزينب مالك بياسمين وبجوازها
مازن بحده بعدين هو ايه اللي مؤدبه وجميله انت يالا متعلمتش انك تغض بصرك وقام مسك فيه وضربه بلبوكس واكمل بحده ماتحترم نفسك اهلك بقى قاعد تعاكس في بنات العيله كلهم انت اصلا تنسي انك تتجوز زينب
زينب بحماس ايوه انا معاك يا مازن
حسام بحده ينسى طبعااا هي خلصت خلاص بصراحه دي مهزله وقله ادب مالك انت بياسمين اصلا
ياسمين قلبها واجعها ودموعها نزلت
معتز وهو بيفك بينهم اكمل بحده خلاص يا مازن اهدى ميصحش تمسكوا في بعض في وجود كبار العيله اتلموا
اسر بحده يابني انا بتلقائيه مش قصدي والله اعاكس ولا انيل كلنا عارفين حكايتها بس
نرمين بحده بس يابني انت وهو خلاص عيب كده
مازن بعصبيه انتوا مش سامعين من الصبح بيقول ايه وضربه بلبوكس جامد وتابع انت حيوان يالا وزينب خليك احلم بيها بس ومش هطولها
منصور بحده اسكتي انتي كمان يا نرمين قايلكم مفيش حريم تتكلم طول الاتفاق وبص لمازن واكمل بحده سيبه يا مازن خلاص
اسر تأوه بوجع وتابع بحده يابني اوعا انا مقصدش حاجه قسما بالله
احمد راح يسلك بينهم واكمل خلاص يا مازن علشان خاطري عيب ده في بيتنا وبعد اخوه بلعافيه
ثريا بقلق يابني مش مستاهله كل اللي عملتوا ده هو يقصد ان ياسمين مش معروف مين اهلها واحنا عندنا مينفعش نناسب حد في حالتها بس وربنا يكتبلها نصيبها في اي مكان
ايمن بحده اي ان كان يا ام اسر ميتكلمش عنها
عز الدين بحده وهو مال اهله اصلا بيها دي بنتي وشايله اسمي والف مين يتمناها واللي مش عايز في ستين داهيه
مازن بص لياسمين بحده واكمل اطلعي فوق
ياسمين كانت بتعيط ووشها وعينيها حمر واكملت بدموع خلاص محصلش حاجه انا ..
مازن بمقاطعه وعصبيه انا قوووولت اطلعي
ياسمين اتخضت وهزت راسها ب اه كذا مره واكملت بدموع حاضر وطلعت
صافيه بحزن عملت الصح كفايه اللي سمعتوا
عادل بحزن حقكم عليا بس الكلام اللي قالوا ابني الصعيد كلها عارفاه هو ميقصدش والله
منصور بحزن بس مكنش يصح دي حفيدتي وحبيبتي بردو يا حج عادل هو جاي لواحده ميجبش سيره غيرها
شهد ياسمين اسمها ياسمين عز الدين منصور الرفاعي وده غصب عن اي حد اللي عايزها يزيده شرف واللي مش عايزها في ستين الف داهيه اختي الكل يتمناها
احمد بلظبط كده فمكنش له لزوم الكلام ده يا اسر الصراحه
اسر انا بعتذر جدا منكم بجد
حسام بحده انت من ساعه ماقعدت بتعتذر بس
ايمن خلاص يا حسام اهدى
اسر انا اسف يا جماعه ليكم كلكم وحقكم عليا على اي كلمه ضايقتكم انا والله متربي وسطكم وعارفني ولسه شاري زينب فالو سمحتوا اقعد معاها وتسيبوها تحدد
حسام رايح يتكلم قاطعه معتز واكمل اقعد واللي البنت تشوفه
حسام بسخريه وبلنسبه لرأي اخوها !!!!
منصور خلاص يا حسام زينب محدش هيجبرها الناس في بيتنا نعمل الاصول وتقعد وخلاص
مازن بهمس لنفسه بضيق قسما بالله بيتصرفوا غلط ولا ااكنها بايره معرفش ماسكين فيه على ايه بلا قرف
حسام بص لزينب لقاها قالبه وشها فاكمل بتنهيده طب بحيث كده انا ماليش لازمه ورايح يقوم
مسكته زينب واكملت بدموع وهمس ليه انا ماليش غيرك ارجوك خليك
حسام غمض عينيه بحزن من دموعها وحضنها وباس راسها واكمل بهمس اهدي قسما بالله ماهتاخديه متعيطيش
ايمن بتنهيده حسام خليك يا حبيبي انت كبيرها بعد ابوك محصلش حاجه لكل ده موضوع وخلص والواد اعتذر
مازن كان متعصب جدا من اهله ومن تقديرهم للناس اللي في بيتهم مع انهم مقدروش ده فاتنفس بغضب وسكت
اسر مسك كوبايه القهوه واكمل انا فعلا مقصدش حقكم عليا وشرب منها فشرق وفضل يكح فشهد فضلت تضحك بصوت واطي وكتمت بوقها
احمد بصله وبصلها واكمل بضحك وهمس تبقي وراها يا سوسه
شهد بضحك هشش اسكت
صافيه بستغراب مالك يابني فيك ايه
اسر فضل يكح وبعدين مسك كوبايه مايه وشرب واكمل بضيق القهوه دي
شهد بمقاطعه ورفعه حاجب مالها القهوه ماهي فل مشكرش واقفه عملاها وانا ثانويه عااامه
اسر شرب واكمل بضيق لالا حلوه تسلمي
شهد بابتسامه طب بحيث كده كملها علشان اتاكد انها عجبتك ده انت هتبقي جوز اختي
اسر بضيق اممم اكيد وشرب علشان محدش ياخد بااله
زينب كانت عماله تضحك وبتحاول تكتم ضحكها
ثريا شافتها واكملت مشاء الله لما ضحكتي وشك بدر منور
زينب كشرت لما سمعتها واكملت امممم تسلمي
اسر شرب القهوه وحطها بضيق واكمل شكرا جدا يا انسه شهد
شهد ببرأه يخرابي ده انت تؤمر يا اسور كل ماتيجي هعملك
منصور بضحك هتغلب قصادها دي بلسانين
اسر بضحك مصتنع اممم منا واخد بالي عسل
احمد بابتسامه اسود
اسر افندم ??
احمد ايه بقولك عسل اسود
عايده بهمس بس يا احمد اسكت عدي اليوم على خير
مازن اتنهد بضيق منه واكمل شهد اطلعي ورا اختك اظن وجود زينب الخمس الدقايق اللي فاضلين دول مهم انتي روحي حضري نفسك علشان الدرس
حسام اه يلا يا شهد اخدك في طريقي وانا نازل
شهد بابتسامه حاضر وطلعت
عايده بحرج لمازن بس انت بتطرد الناس كده
مازن بهمس هشش بلا قرف يخش يحسوا ويغوروا صح
نرمين بهمس اتلم في بيتنا مهما كان يا مازن عيب مش دي الاصول
مازن اممم يعرفوها اووي
اسر بضحك طب بما اني فاضلي خمس دقايق فا ممكن اقعد مع العروسه ولا ايه
حسام بهمس قومي علشان نخلص من الليله السودا دي
زينب تنهدت بضيق وقامت وقفت
منصور دخليهم البلكونه يا صافيه
صافيه فاتحتها واكملت تعالوا يحبيبتي
اسر تسلمي يارب ودخل قعد وزينب وراه وقعدت قدامه بضيق واضح
اسر بضحك لا بس عجبتني لقطه القهوه اصل انا بشجع اللعبه الحلوه وشابو جدا
زينب بضيق قهوه ايه انا معرفش حاجه اظن سمعت شهد اللي عملتها
اسر بضحك اممم طيب تمام ادخل بقى في الجد انا عايزك وشاريكي
زينب بابتسامه وانا مش طيقاك ولا عايزاك وقامت وقفت
اسر بضحك لالا مش بلسرعه دي اقعدي بس
زينب بضيق هو انت تقبلها تتجوز واحده مش عايزاك ??
اسر اصل انا مترفضش فهل رفضك بيدل علي راجل تاني ??
زينب بحده اخرس واعرف انت بتتكلم مع مين انا زينب الرفاعي مش زي الاشكال اللي انت تعرفهم
اسر بضحك ياستي بهزر معاكي في ايه اقعدي بجد
زينب قعدت واكملت بضيق ارغي
اسر بضحك ارغي! !! على العموم انا بحبك يا زينب وعايزك وشاريكي ووالله هسعدك جربي نتخطب وقرري براحتك
زينب بضيق حبتك عقربه يا بعيد بص يا اسر انا زينب الرفاعي اخت الرائد سيف الرفاعي والرائد حسام الرفاعي والف من يتمناني وانت من ضمن الالف انما انا مستنيه مواصفات معينه ولسه ملقتهاش ومعقتدش انت فيك 1% منها فخلصت خلاص لازمته ايه الرغي الكتير ده
اسر بحب بس انا اعرف ان كل شئ مسموح بيه في الحب والحرب فعندي استعداد احاول علشان اتجوز زينب الرفاعي ليوم ما اموت وعارف انها تستاهل وعلي فكره عارف انك مش قبلاني ومرضتيش تجهزي زي اي عروسه بس واثق هتقبلي بعدين وشكلك قمر من غير حاجه بجد متفكريش كنت هتهز في اختيارك لما تظهري بطبيعتك بلعكس حبيتك كده اكتر
زينب بضحك وانت مين قالك كنت هتزوقلك اصلا ولو كنت اعرف ان كده هيعجبك اكتر كنت حطيت ميكاب وهفضل احط وعارفه شكلي قمر من غير حاجه ومن غير كلام حد وعاجبني اصرارك عارف محاولاتك دي زي ايه ?
اسر بابتسامه احب اسمع زي ايه
زينب بابتسامه زي واحد ماسك مساحا وواقف علي الشط وبيتحدى الدنيا كلها انه هيلم البحر ويجي هنا يلاقي المايه طلعت من هنا ويجي هنا يلاقيها طلعت من هنا خليه بقي ليوم القيامه يحاول زي كمان ما ابليس عشمان في الجنه بلظبط
اسر بضحك لا مثال حلو طب ولو لم البحر يا زينب تعملي ايه
زينب بضحك ابقى قابلني عارف لو وقفت على شعر راسك والبحر نشف انا مش هتجوزك
اسر بضحك لا صدقيني مش هتوصل لكده بس ها تتحديني
زينب بضحك معركه خسرانه بس وماله هدخلها اصل انا متربيه وسط اخوات بتدخل المعارك عارفه انها هتكسبها عن اذنك احلم كتير وانا مستنيه وقامت وطلعت ووقع من فونها صوره
اسر كان رايح ينادي عليها بس سابها ووطي شاف الصوره فابتسم بخبث واكمل بضحك ده انتي سهلتيها خالص يا بنت الرفاعي وتنهد واكمل قبل ماتدخل حرب لازم تحاول تعرف نقاط ضعف الخصم وانا معايا الفوز خلاص وشال الصوره في جيبه وطلع
منصور ها يا بني
اسر بضحك هي العروسه مش راضيه تحن بس انا هسيبلكم كام يوم وتسالوها تاني يا جدي وتقولولي الرد
معتز بابتسامه على خير انشاء الله
حسام بهمس خليه يحلم بقي
زينب بضحك بلظبط والله وبصتلهم واكملت عن اذنكم طالعه اريح علشان عندي شيفت ليلي
نرمين بحب روحي يابنتي ربنا يهديكي
زينب تنهدت بضيق وطلعت
حسام يلا احنا يا شهد جهزتي
شهد بحب اه يلا
مازن انا نازل عايزين حاجه
منصور استني يا مازن عايزك لوحدنا في اوضتي
مازن بحب تمام يا جدي يلا
ودخل اوضته ومازن قعد قدامه وفتح الدرج وطلع ورق ووراه لمازن
واكمل مازن بستغراب ايه ده يا جدي
منصور بتنهيده ده ورق حتتين الاراضي بتوعي اللي بدات بيهم ومفروض كنت مقرر هيتقمسوا بينكم كاحفاد بعد عمر طويل
مازن بستغراب مش مفروض لعيالك يا جدي
منصور لا ابوك وعمامك خدوا نصيبهم فلوس من زمان وكل واحد بدا مشروع ليه ودي تخصني انا لوحدي محدش ليه فيها
مازن بستغراب طب منا مش فاهم حضرتك بردو عايز ايه يا جدي
منصور بتنهيده انا بعد تفكير كتير وصلت للحل ده وشايفه هو الصح انت اكتر واحد تستحق الاراضي دي فاتنازلت عنها ليك بيع وشراء وخلاص بقيت حقك لوحدك وهما مالهمش فيها
بصدمه لوحدي ازاي يعني
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
