رواية غموض الحب الفصل السابع عشر 17 بقلم لولا
رواية غموض الحب البارت السابع عشر
رواية غموض الحب الجزء السابع عشر
رواية غموض الحب الحلقة السابعة عشر
زينب خرجت من جوه واكملت انا اللي قولتله يجي
كلهم اتصدموا وبصولها فاتابعت وموافقه اتجوزه
سيف قام وقف واكمل بحده نعممم موافقه ايه ياروح امك ??? سمعيني تاااني كدده
معتز بحده انتي اتجننتي يا زينب هو انتي مش قولتي لجدك رافضه وقولنا للراجل كل شئ قسمه ونصيب ايه اللي حصل
زينب بتنهيده رجعت في كلامي لان انا بعد ما قعدت وفكرت شويه مع نفسي لقيت ان اسر عريس ميترفضش وبيحبني هو انا هعوز ايه اكتر من كده مثلا
حسام بعصبيه تعوزي رأي اللي ليهم حكم عليكي مش تقرري من نفسك انك ترفضي بعدين انك توافقي
نرمين هو في ايه يا حسام البت رفضت ورجعت فكرت ورضيت بنات وبتدلع خلاص يعني مش هنلزق في الكلمه
صافيه بابتسامه ربنا يهديكي يابنتي طلما عايزه كده خلاص سيبوها يجماعه
شهد بصدمه زينب بتهزري انتي فعلا عايزه اسر
اسر بصلها من فوق لتحت واكمل بابتسامه اومال هتقولي اجي ليه يعني يقمر
احمد بصله بحده وتابع شهد
شهد بصتله بتوتر واكملت نعم
احمد بحده خدي اختك واطلعي فوق
شهد بس يا احمد لا سبني اشوف زينب علشان
مازن بحده اسمعوا الكلام واطلعوااا وجودكم مالوش لازمه كده كده
سيف بص لشهد بحده بمعنى تسمع الكلام فاتوترت وهزت راسها بحاضر وبصت لزينب واكملت بحزن بلاش يا زينب علشان خاطري انتي مش
ولقيت احمد جاي ناحيتها فاكملت ياسمين بخوف يلا يا شهد مش وقته كلام وشدتها وطلعت
احمد طلع وقف عند الباب واكمل بحده ماشي يا شهد هكسر راسك دي في مره بس الصبررر الكبيره تسمع الكلام وانتي تعملي كده
عمر بص لزينب بوجع ووجه نظره لأسر بغل شديد وغمض عينيه بعصبيه فاكمل منصور بتنهيده انتي متاكده من قرارك ده يا زينب ??
زينب بحزن رايحه تنطق قاطعها منصور واكمل قبل ماتتكلمي انا معنديش بنات تفك خطوبه والكلمه اللي هقولها هتتنفذ غصب عن الكل فقرري براحتك وقوليلي
عمر اتصدم من كلام منصور وبصلها منتظر جوابها فاكمل اسر بحب مفيهاش فك خطوبه باذن الله يا حج متقولش كده
نرمين بحب اللهم امين يارب يابني ويهديكم على بعض ونفرح بيكم
اسر بحب يارب ياست الكل يسمع منك ربنا
صافيه بحب ها يازينب هتعملي ايه يحبيبتي
زينب غمضت عينيها بوجع ورايحه تتكلم قاطعها سيف واكمل استني ثواني
زينب بصتله بحزن فقام وقف قدامها واكمل انتي فعلا عايزه تتجوزي البني ادم ده ???? عايزة تكسريني انا واخوكي بعد ما قولنا لو اخر واحد في العالم مش هتاخديه ووقفنا قدام الكل علشان خطوبتكم متمش ..جايه دلوقتي تقولي عايزاه عادي !!! انا حقيقي مصدوم فيكي دي كلمه قليله بس عموما انا من انهارده يا زينب اي حاجه تخصك مليش علاقه بيها لو وافقتي وقولتي اه عايزاه وهتخسريني فعلا
زينب بدموع سيف ومسكت ايده وااكملت بعياط انت ابويا يا سيف ازاي عايز تخسرني علشان باخد قرار مهم زي ده في حيااتي وانا اللي عايزاه وراضيه بيه بدل ماتفرحلي وتقف حمبي
سيف بعصبيه شد ايديه منها واكمل قصدددك بتدمرييي حياااتك افرحلك على ايه ???? انا مش عاارف مين لعب في دماغك شقلبها كدده انتي كنتي رفضاااه ومش عايزااه وانا عارف كويس عينك كانت بتنطق بتقول ايه وعايزه ايه طول الفتره اللي فاتت ازاي فاجاه بقيتي عايزااه مش فاهم
زينب بصت للارض وعيطت واكملت عادي يا سيف هو مناسب فحبيت اجرب ومظلموش خصوصا انه حارب علشان اوافق كتير يعني بيحبني اوي
حسام بحده بيحبك ايه وهبل ايه هو اي حد بيحبك هنجوزك ليه انتي اتجننتي ولا ايه
اسر بحده احترم نفسك هو ايه اللي اي حد دي شايفني جاي من الشارع
حسام بعصبيه احترم نفسي ايه يحيوان هو انت فاكرني شغال عندك فوق لنفسك انت بتكلم حسااام الرفااعي
سيف بعصبيه حسااام بس خلاص
حسام بعصبيه انت مش سامع بيقول ايه
منصور بحده حتى لو قال ايه الراجل في بيتك يا محترم مينفعش اللي انت بتعملوا ددده وعيب وميصحشش احترم وجودنا على الاقل
حسام بحده زينب انا قولت رايي ومش هغيره الواد ده لا يعني لا
اسر بحده هو بمزاجك ولا ايه يعني مش فاهم
حسام بحده اه بمزاجي اختي يعني بمزاجي وكلمه كمان قسما بالله ما ابيتك فيهااا
نرمين راحت طبطبت على صدره واكملت بس يحبيبي بس استهدى بالله ومتخربش على اختك وبصت لاسر واكملت حقك عليا يا اسر يا ابني امسحها فيا انا
حسام بحده انتي بتقولي ايه انتي كمان انتي ماصدقتي
اسر بتنهيده لا يا امي ولا يهمك حصل خير انا والله مستحمل علشان شاري زينب وبحبها وعامل حساب النسب اللي بينا انما غير كده مكنتش هسكتله حقيقي
عمر بصله بغضب وكور ايديه بعصبيه
فاكمل سيف بحده ولا تعرف تعمل حاجه معاه انا اللي يفكر يهوب لاخويا بس بمحيه ومش كنايه عن اللي بعملوا لا فعلا بمحيه واظن انا اسمي مسمع اووي ومعروف بعمل ايه فامتلعبش مع حد يخصني يا اسر احسنلك انت
اسر يا ابو نسب ربنا مايجيب لعب ولا خناق انا جاي طالب القرب مش عايز مشاكل اصلا
سيف اتنفس بعصبيه وبص لزينب اللي بتعيط بصمت واكمل جوابك النهائي علشان نفض المهزله دي
زينب بصت لعمر بحزن بعدين بصت لسيف وافتكرت كلامه بس مقدمهاش حل لازم تكمل خطتها حتى لو سيف هيزعل منها مؤقتا فغمضت عينيها واكملت موافقه يا سيف وعايزه اتجوزه
سيف وحسام اتصدموا بينما الستات زغرطت وعمر كان باصصلها وقلبه واجعه اوي
سيف يبقى انتي اللي اختارتي تخسريني يا زينب وعلطول من انهارده تحديداا اخوكي سيف مات
ورايح يمشي زينب مسكته واكملت بعياط وانهيار لالا يا سيف ابوس ايدك ماتقولش كده انا ماليش غيركم ارجوك ما تتخلاش عني انت بتقولي انتي بنتي يازينب طب حد يعمل كده في بنته ????
سيف بسخريه بنتي مبتعصاش امري .. بنتي بتفهم خوفي عليهااا.. بنتي بتثق في رايي في حياتهاا والاهم من كل ده مسك ايديها وشدها ليه وهمس بنتي متروحش ترمي نفسها لراجل مش عايزاه وهي قلبها مع غيره يعني مش بس بتغلط في حق نفسها لا وكمان خاينه للي عايزة تتجوزه
زينب بصتله بصدمه والدموع نزلت بقهر من عينيها واكملت انا كده يا سيف ??? اختك كده ???
سيف بحده اللي بتعمل زيك بتبقي اااه كده ودي الحقيقه وانا وانتي عارفينها كويس اووي كفايه نضحك على بعض وانتي كده مش بس هتدمري حياتك بجوازتك منه اللي انا مش مقتنع بيهاا انتي هتظلميه معاكي لان هو كمان عارف انك مش بتحبيه
اسر ببرود ومالو الحب يجي بعد الجواز متخافش انت عليها المهم انا بحبها
حسام بحده يا جدع بجد انا مشوفتش في برودك ورايح يضربه احمد مسكه واكمل بس بس يا حسام اهدى ميصحش هي اختك االلي عايزاه مينفعش انتوا تقفوا فيها خصوصا كباركم مش رافضين
معتز بحده خلاص يا حسام انت واخوك البت رفضت ورجعت رضيت محصلش حاجه اه غلطت انها مقالتش لينا الاول انما مكفرتش فيها ايه يعني اسر ميعبوش حاجه
اسر بحب تسلم يعمي والله
سيف مهددك مش كده ???
كلهم اتصدموا فاكملت زينب بصدمه ودموع ايه ???
سيف بعصبيه ردي علياااا مهددك ????
زينب اتخضت واكملت بعياط لالا طبعا هيهددني بايه انت بتهزر صح
اسر بحده انت ايه اللي انت بتقوله ده ???? انا بعد كده مش هسكتلك تاني ومش هعمل احترام لحد
منصور بحده انت اتجننت يا سيف هيهددها بايه يعني اسر محترم وابن ناس وبعدين انت ازاي تقول كده عن اختككك
سيف بعصبيه انا مقولتش ماسك عليها حاجه دي زينب الرفااعي محدش يقدر يهوب ناحيتها ولا يهددها بحاجه تمس شرفها بس انا بقول الحقيقه والمنطقي لكل اللي بيحصل ده هي متهدده بحاجه لان زينب مكانتش طيقاااه دي كلمتني بتعيط ومنهاره ومش عايزاه حصل ايييه لكل ده هااا ايه اتغييير
نرمين بحده محصلش حاجه انت اللي شغلك اثر عليك يا ابني ومخليك معتبر كل حاجه مهمه صعبه وعايز تحلهاااا
سيف بحده لا يا امي شغلي مأثرش عليا بلعكس فتح دماغي اكتر وبكره الايام تثبتلك لما حياه بنتك تخرب ان كل كلمه قولتها صح لو مسمعتوش كلامي بس ساعتها متزعلوش لما تجيلكم مطلقه
صافيه بشهقه ياابني بس فال الله ولا فالك بعد الشر
سيف بحده دي الحقيقه اللي انتوا مش قادرين تشوفوها ومسك دراع زينب واكمل بعصبيه لو وقفتي على شعر راسك الواد ده مش هيتجوزك انا حطيت الموضوع في دماغي خلاص ف يانا يا هو اخلصي بقى وقولي قالك ايه خلاكي توافقي بيه
زينب بعياط وخوف مقالش حاجه انا عايزاه من نفسي بطل الاوهام دي الحياه ابسط من كده ده عريس جالي وانا وافقت بعد مافكرت تاني كويس لا اكتر ولا اقل
سيف فكر ثواني واكمل بعصبيه زينب متجننيش انطقي وقولي الواد ده قااالك ايه وخبط السفره وقع الشاي من عليها نزلت كوبايه على صدر عمر لانه كان جمب السفره فصرخ بوجع
فشهقت زينب بخوف واضح وفلتت ايديها من سيف واكملت بلهفه وخوف وهي بتجري على عمر: يا سيف حراااام عليك مش تاااخد بااالك حرقته وعيطت بانهيار وهي بتفك زراير قميصه قدامهم كلهم من غير اي احراج كل اللي همها انها تطمن عليه وبس
سيف الوحيد اللي نظرته ليها مكانتش متعجبه زيهم كلهم حتي اسر كان هيطق من الغيره
فغمض سيف عينيه وتابع بحزن في سره انا اسف يا عمر اني حرقتك بس كنت عايز اتاكد من حاجه واتاكدت خلاص .. انت التهديد اللي بيهدده اسر لزينب علشان زينب بتحبك اوي وبتخاف عليك ..بس ياتاارا قايلها عليك ايه خلاها تقبل تتجوزه وتسيبك كده ?? وازاي انت بتحبها وسبتها تعمل كده ?? في مجهول كتير في الموضوع ده بس لازم اعرفه ومش هخليكي تتجوزي الكلب ده مهما حصل ولا تدمري حياتك مين ده علشان يهددك ويجبر زينب الرفاعي توافق بيه ماشي يحيوان حسابنا بعدين وهوريك وبصله بغل وكور ايديه جامد
عمر بوجع خلاص خلاص انا كويس متخافيش
زينب بعياط كويس ايه بس يعمر انت مش شايف حمرت ازاي
عمر بص حواليه بحرج منهم ومن لهفه زينب عليه قدامهم ولانه قميصه مفتوح وهي بتحطله مرهم وفي عالم تاني خالص ومش مركزه ان كلهم واخدين بالهم منها فاكمل برسميه انسه زينب تعبتك بس حقيقي خلاص دي بسيطه الشاي مكنش سخن اوي الحمدلله
سيف بتنهيده حقك عليا يا عمر الحمدلله انها بسيطه
عمر يغالي ولا يهمك هو والله محمره بس اهو مفيهاش اي حاجه
صافيه بحزن سلامتك يا ابني حقك عليا
عمر لا يا تيته ولا اي حاجه والله خلاص وغمض عينيه بألم من لمسه زينب على مكان الحرق
زينب بصتله بلهفه واكملت بدموع ايه وجعتك ???
عمر بص لعينيها اللي باين فيها العشق ليه والخوف عليه واكمل بوجع هتروح … مسيرها هتروح وتخف وتبطل توجعني بس عارفه هتسيب اثر يفكرني كل ما اشوفها ….. اثر مش هيروح ابداا وهيخليني افتكر الوجع ده تاني فكل مره اشوفه
زينب فهمت كلامه ودمعت عينيها واكملت باذن الله تخف خالص سلامتك يا عمر وجات تقوم سلسلتها شبكت في زرار من زراير قميصه فرجعت لا ارادي وخبطت فيه بخفه
عمر اتوتر من قربها وقلبه دق بعنف فغمض عينيه ومسك السلسله بايديه السليمه وفكها
زينب قامت بحرج واكملت سلامتك بسيطه انشاء الله
عمر بابتسامه خفيفه الله يسلمك يارب
اسر بحده هو مفيش غيرك كان يعملوا الكلام ده
سيف بحده احترم نفسك وخد بالك من كلامك عمر متربي معاها وخافت عليه وعملت واجبها كممرضه طبيعي جدااا مفيش اي حاجه تاني
منصور بتنهيده خلاص يا سيف كفياكم نقير في بعض وبص لزينب واكمل ها يابنتي قولتي ايه
زينب تنهدت بوجع واكملت موافقه
اسر بابتسامه على خير الله كتب الكتاب والدخله كمان 3 ايام ها ايه رايك يا حج انا شقتي خلصانه ومتوضبه وحاجات زينب تجيبها خلال اليومين دول
زينب اتصدمت وعمر زيها فاكملت بدموع بس ده بدري اوي اوي يعني خليها خطوبه و
نرمين بمقاطعه وحب بدري من عمرك يا قلب ماما انتي خلاص سنك مناسب ومتخرجه وشقه اسر مش ناقصها غير حاجتك ننزل نجيبها ونشوف انتي هتعملي ايه وخلاص مالوش لازمه التاخير
سيف بعصبيه لا طبعاا هو سلق بيض ولا ايه
معتز بحده سيف متتكلمش تاني لا انت ولا اخوك زينب خلاص وافقت تحديد الفرح والكلام ده ميخصكوش
زينب بدموع متحجره اه بس ياباابا 3 ايام ده قليل فعلا و
اسر بمقاطعه ولا قليل ولا حاجه يا عروسه يلا ننزل من دلوقتي نلف براحتك ونجيب الفستان وشويه حاجات وعلي بكره اخر اليوم هنخلص حاجه الشقه الناقصه وهتجهزي انتي في يومين براحتك
زينب بصت لعمر اللي بصته ليها تحمل نفس المعاني
صدمه وذهول ووجع
منصور بابتسامه طيب على خير باذن الله موافقين يا اسر يا ابني
والستات زغرطت ونرمين حضنت زينب اللي كانت في عالم تاني خالص ومصدومه
حسام بسخريه مبروك يا عروسه بس من انهارده انا زي سيف بلظبط اعتبريني مت
زينب بدموع حسام… حساااام
لكن كان نزل ومردش عليها
سيف بصلها بحزن على حالها وراح سند عمر واكمل انا طالع اودي عمر يرتاح عن اذنكم
عمر بجمود روحني بيتي يا سيف
سيف بحده انسى الكلام ده لما تخف وتفك الجبس لسه بدري عليه تبقى تروح بيتك غير كده مفيش مرواح
عمر غمض عينيه واكمل لو سمحت ارجوووك روحني بيتي يااا سيف
سيف بحده قولت لا انت مبتفهمش ولا ايه لما تخف هروحك انت متعرفش تخدم نفسك كده
منصور بحب خليك يا ابني سيف عنده حق انت مش هتعرف تخدم نفسك بلوضع ده
صافيه بحب طلعه يرتاح يا سيف هو مش هيمشي خلاص يلا
سيف كده كده مش هسيبه ده شكله اتجنن وسنده
اسر بشماته مفيش مبروك يا حضره الظابط ولا ايه
سيف بحده معنديش مبروك اقولها لحد
اسر بضحك لا انا اقصد حضره الظابط التاني
عمر بصله بغل وبص لزينب اللي عيطت بصمت وغمضت عينيها واكمل يلا بينا يا سيف
سيف بص لاسر بكرهه واكمل يلا وطلعوا
اسر بابتسامه استأذنكم يا جماعه اخد زينب علشان ننزل نجيب باقي الحاجه ومش هنتاخر
معتز بحب اذنك معاك يا ابني روحي يازينب معاه
زينب بوجع حاضر هظبط طرحتي وجايه
ودخلت الحمام وقفلت وفتحت الحنفيه على الاخر وفضلت تعيط بانهيااار واكملت في سرها وهي بتعيط كده مش هلحق اعمل اي حاجه.. اعمل ايه يارب قوليي ?? انا كل تفكيري خرب بمعاد الفرح ده انا ازاي ازاي هكون لحد تاااني غير عمر ??? انا مكنتش مخططه لكل ده !!!! انا مش هقدر اعمل كده يارب ارجوك ساعدني وكون معاياا
وطلعت ونزلت مع اسر من غير ولا كلمه
عايده شوفتي هنعزم مين يا نرمين
نرمين بحماس تعالي جمبي ونتصل نعزم
صافيه بحب وانا هروح اوصي ام سعيد على حاجات الخبيز علشان نبدا نجهز الحاجه بتاعت المخبوزات بتاعت الصباحيه
ولقيوا نور جات فاكمل مازن بتنهيده حمدلله على السلامه يحبيبتي قاسم مشي ???
نور بابتسامه اه راح ينام اتهد انهارده في تحضيرات كتب الكتاب والخروج معايا
مازن بحب ربنا يسعدكم يحبيبتي
نور بحب يارب يا غالي .. مالكم فرحانين يعني والضحكه من الودن للودن
نرمين بفرح اصل زينب ربنا هداها يابت يا نور ووافقت بآسر وفرحهم بعد 3 ايام
نور بستغراب ايه ده مش كانت رافضه
مازن تنهد بحيره فاكملت نرمين بفرح واهو الحمدلله دعواتي جابت نتيجه ورجعت رضيت
نور بستغراب بس قليل اوي 3 ايام ايه المده دي
احمد بتنهيده حتى العيله مستغربه الاستعجال بتاعكم
نرمين مالك يا احمد في ايه زينب مبقيتش صغيره
مازن بس مش بايره للي بتعملوا ده يا مرات عمي حقيقي انا مع حسام وسيف بس عموما براحتكم انا ماليش اني اتدخل وقام ينزل
عايده رايح فين يا مازن
مازن صاحب الكافيه بعتلي هخلص شويه حسابات وراجع
عايده طب خد بالك من نفسك يا ابني
مازن بحب حاضر يا ست الكل
ونزل
نرمين بتنهيده تفتكري ياما اني صح متسربعه علي جواز زينب
صافيه بحب وهو بتكتب الطلباات والله يا نرمين هي رضيت والواد ميعبوش حاجه وزي الفل اظن خلاص ده معادها متشيليش نفسك فوق طاقتها زينب مش صغيره ومحدش اجبرها ومن نفسها رجعت وافقت
نور وهي بتتاوب طب انا هطلع انام بقي علشان تعبت
عايده بحب روحي يا قلب امك
احمد خديني في سكتك يا بنتي القاعده مبقتش جايبه همها
نور بضحك يلا يا برو تعالي
وطلعوا واحمد فتح الباب لنور وبص لناحيه السلم الصاعد اللي جمب بابهم واكمل ادخلي انتي طالع ونازل تاني
نور بحب ماشي بس خد المفتاح علشان هكون باخد شاور
احمد تمام وخد المفتاح وطلع وهي قفلت
——————————————
في شقه عز الدين الباب بيخبط
ياسمين وهي قاعده بتكتب شيتات بتاعت كليتها اكلمت شهد تعالي شوفي مين
شهد حطت القهوه على السفره لانها كانت في المطبخ وفتحت واكملت بتوتر يا ماما هو انت وطلعت تجري ورا ياسمين
احمد دخل واكمل بحده اه اجري اجري مانتي عارفه انك هتتهزقي
ياسمين بضحك يابت اوعي من ورايا يخربيت اهلك انا ماالي انا على اساس هحميكي مثلااا
شهد بتوتر بالله انا كنت خايفه على البت فا واقفه بنصحها مقصدش مسمعش الكلام
احمد راح وشدها من ورا ياسمين وهي عماله تحاول تفلت منه واكملت يا ياسمين الحقيني ….يااا ياااسمين امسكي فياا …..يا حيوووانه انتييي
فاكمل احمد بحده اقفي كده واعدلي نفسكك واتلمي
شهد وقفت بتوتر واكملت نعم عايز ايه
احمد بحده هما كلمتين ابرك من جورنال تاني مره اقول لاهلك كلمه قدام اي مخلوق تسمعيها من اول مره فاااهمه
شهد اتخضت واكملت والله يا احمد صعبت عليا زينب مكنتش عايزاها توافق بلحيوان ده فعلشان كده كنت واقفه اكلمها
احمد بحده انتي واقفه تكلميها انما ابن الكلب الزباله واقف يتفرج عليكي وياكلك بعنيه يبقى لما اقول تتنيلي تغوري فوق يبقى تتنيلي مش لازم العيللله كلهااا تتحايل على اهلك علشان تطلعي احنا شايفين حاجه انتي مش شيفاها
شهد بحزن حاضر والله خلاص
احمد بحده قسما بالله يا شهد تاني مره متسمعيش الكلمه هتشوفي مني وش مش هيعجبك ما اختك اهي كبيره وسمعت الكلام من اول مره مش لازم العند وقله الادب
شهد بحزن ماشي يا احمد مش هتتقرر تاني
ياسمين بحب خلاص يا احمد عيله وعرفت غلطها بعد كده هتنفذ من سكات
احمد بحده ماهي فعلا عيله وغلطاتها كترت ومبتعملش احترام لكلمتي ولا لكلمه حد قدام الناس لازم الزن وقله الادب علشان تسمع الكلام بس تمام يا شهد تبقي تقرريها تاني وانا افصل راسك عن جسمك واريح ورمى ايديها ومسك الباب لانه كان مفتوح خرج وقفل برزع
ياسمين بتنهيده قصري من سكاات عيال عمك مبيحبوش الاسلوب ده
شهد بحزن احمد اللي خلقه ضيق محصلش حاجه لكل ده
ياسمين لا احمد مش خلقه ضيق .. احمد راجل اه عصبي شويتين ولما بيتعصب مبيشوفش قدامه بس متنسيش اللي حصل ساعه لما اسر جيه اتقدم لزينب كان عمال يعاكس ازاي وكمان انهارده كان هياكلك بعنيه حتى سيف خد باله وبصلك متعصب وكان هيقوم يديكي علقه من عدم سمعان كلامك فاسمعي الكلمه من اول مره بعد كده يا شهد
شهد بتنهيده حاضر يا ياسمين
ياسمين بضحك ومتزعليش اوي كده ده انتي علشان مزة فعيال عمك غيرانين عليكي
شهد بضحك طيب ياختي
ولقيوا يونس داخل واكمل السلام عليكم
شهد حضنته واكملت وعليكم السلام يحبيبي ايه كل ده
يونس بحب معلش يحبيبتي كان عندي شويه مشواير روحتها
ياسمين قامت واكملت بحب طب يحبيبي هحطلك تاكل ادخل غير هدومك وارتاح لحد ما الاكل يسخن
يونس قعد ومسك ايديها قعدها واكمل لالا ولا تعملي اي حاجه انا جعان نوم مش قادر افتح عيني يادوبك هاخد شاور وانام
ياسمين ازاي يا يونس من غير مااتاكل مينفعش
يونس بحب متشغليش بالك يحبيبتي انا لو جعان والله كنت قولتلك وباس جبينها وتابع كملي بس شوفي بتعملي ايه
شهد قعدت في حضنه واكملت شوفت زينب بنت عمك عملت ايه
يونس بستغراب ايه مالها عملت ايه
شهد وافقت تتجوز اسر
يونس بصدمه ايه بتهزري
ياسمين بتنهيده مش فاهمه دماغها فيها ايه بجد اومال رفضت ليه من الاول
يونس بستغراب فعلا حاجه غريبه طب وسيف وحسام رايهم ايه في الموضوع ده
شهد مش طايقين نفسهم طبعاا وحسام نزل معرفش راح فين شيفاه من البلكونه وسيف طلع فوق مع عمر سمعاهم وهما طالعين
يونس ولعت مش كده ??
شهد بضحك والشياط وصل لاخر دور كمان ده احنا سامعين صوتهم من هنا
يونس بتنهيده هو الواحد ناقص يعني يا زينب رايحه تبوظي حياتك بايدك وقام وقف واكمل انا هطلع اشوف سيف شويه ها
ياسمين بحب ماشي يحبيبي روح
وطلع بلفعل
ياسمين بضحك قولتي ياختي المصيبه ليونس روحي بقي ذاكريلك كلمه تنفعك
شهد بضحك اه بحب انا اقول الاخبار اول واحده هروح بقى اشوف بعمل ايه
ياسمين بضحك لا وفرحانه محسساني اخبار عدله جتك الارف
شهد ضحكت وخدت القهوه ودخلت اوضتها وياسمين قعدت تكمل
———————————————-
في الكافيه
مازن كان قاعد مع صاحبه بيخلصوا الحسابات
مازن رجع ضهره لورا وتابع بتنهيده عميقه بس كده اخيرااا يا جدع ده ايه التعب ده
جاسر بضحك هاديتك معايا حقك عليا بس المدير صمم انك انت اللي تراجع معايا
مازن بحب لالا عادي يغالي ولا يهمك
جاسر عايزك تاخدلي منه اجازه بكره بقى انا عارف انه مش هيقولك لا
مازن بضحك يا ابني انت جايب الثقه دي منين
جاسر بضحك جرب بس علشان خاطر اخوك محتاج الاجازه ضروري اختي جايلها عريس
مازن بحب الف مليون مبروك لاختك وعيني حاضر هقوله يخش يطمر
جاسر بضحك الله يبارك فيك يحبيبي و هيطمر يغالي متقلقش
مازن بستغراب بس مش اختك كان جايلها عريس من قيمه شهرين ازاي هيجيلها تاني مش فاهم
جاسر اه منا هفهمك اللي جالها ده احنا رفضناه
مازن بستغراب طب وايه السبب انت كنت قايلي انه شاب كويس
جاسر اه سمعته وسيرته كويسه انما هو مش متعلم
مازن وهي اللي رفضت ولا انتوا ??
جاسر بتنهيده الحقيقه اختي بتمشي ورا العاطفه اكتر من الامور الاجتماعيه دي هي واخده بكالوريوس لغاات ترجمه وهو مش متعلم تقريبا واخد اعدادي بس مقتدر ماديا وبيحبها وهيعيشها مبسوطه
مازن يعني يجدع فيه كل ده وترفضوا علشان التعليم طب شوف في تفاهم سوا ولالا
جاسر بتنهيده ماهما قعدوا سوا وبلفعل هي عواطفها خلتها اعجبت بيه لانه بيحبها جداا بس انا رفضت اصل الحب مش كفايه يا مازن يعني انت ترضاها نور كانت تتجوز حد مش زيها انت عارف ان قاسم معاه بكالوريوس في اداره الاعمال وشغال نائب مدير في شركه محترمه دلوقتي بعد ما كان شغال معاناا هنا اكيد مكنتش هترضي ليها باقل منها انما كده الاتنين متعلمين زي بعض
مازن تنهد بحزن واكمل بس انت متعرفش ظروف الشاب ده ايه اللي خلتوا ميكونش زي اختك
جاسر بتنهيده فاهم قصدك بس لو فكرت زيك عيالها كمان هيتظلموا مش هي بس لان ده في النهايه ابوهم فا لا تستنى نصيبها وهيجيلها حد زيها وحاليا اللي متقدملها ده صيدلي وبيحبها بردو فهي توافق بيه وتتخطب وتشوف ان انا كنت صح لما تاخد اللي شبها فكريا وعلميا
مازن بوجع اممم معاك حق بس تفتكر لو مش صالونات وهي بتحبه كانت رفضت ولا قبلت
جاسر بص انا اختي عاطفيه بزياده زي ماقولتلك فاكانت هتقبل عادي بس بلوقت ولما تتجوز وتشوف صحابها وتستوعب اللي عملته في نفسها هتندم وساعتها الندم هيوجع اوي ومش هيفيد وممكن هو نفسه يحس انه قليل قدامها لان الراجل لما بيكون اعلى تمام انما الست اعلى مينفعش
مازن كلام جاسر دخله في حيره صعبه اوي ووجع
وتفكير اول مره يفكر فيه معقول ياسمين تحس بكده معاه مع مرور الوقت ?? معقول تندم ان خلته اب لاولادها ?? حس انه اتظلم اوي ففكره انه متعلمش ومبقاش عارف بعد كلام جاسر يرجع نظرته لنفسه زي الاول هو حس انه اتجرح اوي واقل منها
جاسر يابني انت معاايا
مازن بانتباه ااه معاك معاك وابتسم واكمل ويارب يتمم لاختك على خير يحبيبي
جاسر بحب تسلم يا غالي يلا هطير انا وقول للمدير هاا
مازن بابتسامه حاضر متقلقش عندي خلاص
جاسر بحب ده العشم بردو يا اخويا يلا السلام عليكم
مازن وعليكم السلام
ومشي وفون مازن رن
مازن بص للفون ورد واكمل بتنهيده ايه يحبيبتي
ياسمين بحب ايه يحبيبي فينك كل ده
مازن بتنهيده كنت بخلص شغل يا ياسمين وجاي خلاص
ياسمين بستغراب مالك يا مازن فيك ايه
مازن مفيش يحبيبتي كويس
ياسمين بستغراب مش حاسه صوتك متغير
مازن ده ارهاق شغل بس يا ياسمين مفيش حاجه
ياسمين بحب ربنا يقويك يارب طيب خلاص بقى يحبيبي كفايه كده وتعالى يلا
مازن حاضر هقفل المكتب وجاي
ياسمين بستغراب مازن مش عايز تقول حاجه ???
مازن بتنهيده لا يحبيبتي صدقيني انا بخير
ياسمين بحب يارب دايما ينورعيني يلا تعالى وخلي بالك من نفسك
مازن حاضر متقلقيش
ياسمين بحب عقبال يارب ماترجع من شغلك بس على بيتنا بقى وافتحلك اخدك في حضني
مازن بتنهيده حزينه يارب يحبيبتي يارب بجد
ياسمين بفرح قولي بقى هتفاتح بابا امتى
مازن بتنهيده الايام دي بس نشوف موضوع بنت عمك ده هيرسي على ايه … بس خلاص هانت هتلاقي عمي جاي يقولك اني كلمته قريب باذن الله
ياسمين بفرح خلاص اتفقنا ينورعيني يارب يعجل بقى بجد
مازن بحب يارب يحبيبتي
———————————————-
في الاتيليه
اسر زينب انا شايف ده حلو انتي ايه رايك
زينب بضيق حلو وخلاص هاته ويلا
ورايحه تقوم فمسك ايديها واكمل بحده ماتتنيلي تقعدي تتفرجي هو انا اللي هلبسه ولا انتي
بنت من الاتيليه: سيبها يا استاذ احنا هنعرف طلبها ها يا عروسه انتي عايزه شكل الفستان يكون ايه
زينب بضيق هاتي اي حاجه يحبيبتي حقيقي مفيش في دماغي حاجه
اسر بنفاذ صبر نفخ واكمل يا مثبت العقل والدين يارب
البنت بابتسامه سيبها انا هوريها وهي تختار تلاقيها متوتره ومش قادره تحدد اختيارها دي ليله العمر بردو
زينب بصت بسخريه للناحيه التانيه واكملت بهمس يخش عمره اللي يخلص وارتاح يارب
اسر بتقولي حاجه ???
زينب بصتله وابتسمت بمجامله واكملت لا خاالص
البنت بابتسامه ها ايه رايك في الكولكشن ده لسه نازل جديد وكلهم اول لبسه محدش لبسهم قبلك
اسر بابتسامه ها شوفي
زينب الدموع اتجمعت في عينيها واكملت بتنهيده عميقه تاني واحد ده حلو
اسر بابتسامه حقيقي هو اللي لفت نظري بردو
البنت بابتسامه طب مانتي ذوقك تحفه اوي اهو ده فعلا اكتر واحد عجبني بس قولت اسيبك تختاري قومي قيسيه علشان نظبطه
زينب بضيق مينفعش اخده كده ???
البنت لالا قومي قيسيه لازم نظبطه الاول قبل الاستلام
زينب نفخت بضيق وقامت مسكته ودخلت تقيسه ولبسته وبصت لنفسها بحزن ودموعها نزلت واكملت لنفسها على اساس ايه بجد بلبس فستان زي كده ??? ولمين ??? حقيقي قلبي واجعني اوي يارب
البنت دخلت واكملت باعجاب تحفه اوي عليكي بجد يا عروسه يا استاذ
ورايحه تكمل اكملت زينب بس بس هتناديه ليه انا السوسته مفتوحه على ضهري وشعري باين
البنت بستغراب انتوا مش كاتبين كتاب
زينب ضحكت بدموع واكملت لا ياختي مش كاتبين ممكن اقلعه بقى
البنت قفلت ااسوسته واكملت الحمدلله عليكي زي الفل مش عايز اي تظبيط حابه تضيفي او تشيلي حاجه ???
زينب بوجع لا حابه امشي من هنا ارجوكي يلا
البنت بحزن حاضر خلاص … مغصوبه صح ???
زينب بصدمه افندم ???
البنت بحزن علي جوازك
زينب بتنهيده عميقه لا انا اللي مختاره وبمزاجي
البنت بتنيهده ربنا يسعدك ويهدي سرك يارب
وغطتلها شعرها وطلعت بيها فشافها اسر فاكمل باعجاب ايه احلاوه دي جميل اوي ورايح يقرب يبوس جبينها بعدت لورا اوي واكملت بجمود انت مش كاتب كتابك يا اسر فا لو سمحت الزم حدودك معايا
اسر بابتسامه ومالو نستني لما نكتب خشي غيري يلا عبال ما احاسب علي الفستان
زينب تنهدت بضيق ودخلت تغير وهو حاسب لحد ماخرجت وخدوا الفستان حطوه مع كل الحاجات اللي جابوها وركبوا العربيه
زينب بتنهيده اسر انا عايزه اتكلم معاك في كلمتين
اسر وهو سايق قولي يحبيبتي
زينب هو مش مفروض معاد الفرح ده تسألني فيه ??? ولا هو من دماغك تقرر وتفاجئني ????
اسر بستغراب وهتفرق معاكي ايه ماهو كده كده مسيرنا هنتجوز
زينب اتوترت واكملت اصل بصراحه انا وسكتت ولعبت في ايديها بتوتر واضح واكملت اصل
اسر بص عليها بطرف عينيه واكمل قولي يا زينب في ايه
زينب بحرج وكدب : المفروض انك تاخد رايي في معاد الفرح وانا اقولك على يوم مناسب انما الصراحه ده مش مناسبني خالص فاهم ???
اسر شك انها بتكدب فاكمل بابتسامه : اه يحبيبي فهمت طبعا وحط ايديه على خدها وتابع قلبك عليا بقى وكده وعايزه تختاري اليوم المناسب علشاني بس عموما عادي هستناكي براحتك بعد الفرح لحد ماتبقي تمام اي حجج تانيه ???
زينب بعدت عنه واكملت بحده اسر قولتلك متقربش مني تاااني انت مش كاتب كتااابك
اسر بضحك هو وحش ليا وحلو للباشا اللي كنتي في حضنه من شويه ولازقه فيه بتعمليله صدره طب احمدي ربك اني وافقت الملم من وراه اما قدام الناس بتعملوا كده من وراهم عملتوا ايه
زينب بعصبيه انت بتقول ايه يحيوان انت اتجننت انا زينب الرفاااعي يتقالي الكلام الزباااله ده
اسر ضربها بلقلم بقوه وتني دراعها ورا ضهرها وتابع بعصبيه الحيوان صح هتشوفي معاملته لو لسان اهلك ده غلط تاااني انتي فاااهمه ????
زينب كانت موجوعه وبتعيط فاكملت طب سيب ايدي اااه مش قااادره
اسر بعصبيه قرر الكلمه : فاااهمه ??????
زينب بعياط فاهمه خلاص
فسابها اسر ففضلت تعيط بوجع من خدها ودراعها واكملت في سرها ارجوك يارب ساعدني بجد انا مش عايزه البني ادم ده وغمضت عينيها واكملت في سرها عمر ميتقارنش بيه في حنيته عليا ولا حبه لياا ولا ضعفه قدام دموعي عمر ميتقارنش بحد اصلا في الدنيا كلها وحقيقي يبخت قلبي بيه بس ياريت اقدر اهرب من كل ده واكون ليك انت بس يا عمر ياريت اعرف انجد نفسي من القرف ده وبصت للسما برجاء وهي بتعيط وبتتمنى من ربنا يساعدها
ومشي اسر في اتجاه انه يروحها
———————————————-
تاني يوم الصبح في بيت الرفاعي في شقه منصور قاعدين كلهم بيفطروا وسيف وحسام متجاهلين وجود زينب وده مضايق زينب جداا
الباب خبط
صافيه قومي يا شهد شوفي مين
شهد حاضر وقامت فتحت لقيت واحد غريب
منصور مين يا شهد
شهد بستغراب معرفش يا جدو
الراجل دخل واكمل ده انا جيت لعز الدين
عز شافه اتصدم فقام وقف واكمل صالح! !!!
ياسمين بستغراب انت تعرفه يا بابا
صالح بصلها بشوق وحب ولاول مره يشوف ملامحها وشكلها بعد ماكبرت راحت دموعه غلبته واكمل انتي ياسمين ????
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
