رواية غموض الحب الفصل الرابع 4 بقلم لولا
رواية غموض الحب الجزء الرابع
رواية غموض الحب البارت الرابع
رواية غموض الحب الحلقة الرابعة
مازن اي يحبيبي طمني عنك بعدين سكت شويه واكمل بصدمه نعممم حصل امتى ددده
-واكمل بخوف تمام تمام اقفل انت انا جاي سلام
ياسمين بقلق في اي يا مازن ماله احمد وهتروحله فين دلوقتي
مازن بخوف مش وقته يا ياسمين الكلام دلوقتي بعدين نتكلم احمد تعبان اووي
حسام بخوف تعبان ماله في اي
مازن بقلق معرفش حاجه معرفش صاحبه قالي انه تعب ودخل المستشفى انا مفهمتش حاجه ومش هستنى افهم انا رايح دبي
ياسمين بصدمه بتهزر دلوقتي ???
مازن بحده لا اسيب اخويا تعبان لوحده في الغربه انتي مستفزه ليه
حسام بقلق مازن مش وقته الله يخليك يلا احنا دلوقتي
مازن بقلق يلا وبص لياسمين واكمل انزلي قدامي نامي يلا متقفيش تاني الدنيا ليلت
ياسمين بخوف ودموع انا قلقت انام اي بس
مازن ياااسمين الله يخليكي انا مش ناقص توتر انزلي نامي وهاجي اطمنك ماما لو حست مش هنخلص من العياط والقلق اللي هتعملوا فانزلي نامي واتكتمي لحد ما ارجع
ياسمين بخوف ودموع حاضر والله مش هعرفها متخافش
ونزلت ومازن وراها جات تفتح الباب فتح يونس لانه كان نازل
ياسمين اتخضت وحاولت متبينش واكملت بتوتر انت لسه صاحي يا يونس
يونس بصلها وبص لمازن واكمل بحده اه متنيل معرفتش انام نازل اتمشى شويه انتي بقى كنتي بتعملي اي فوق معاه يا ياسمين
ياسمين بتوتر بس بس وطي صوتك كنت قاعده انا ومازن وحسام فوق السطح علشان مكنتش عارفه انام وجودي سهرانه معانا عادي يعني كلنا
حسام نزل بسرعه لما سمع صوته واكمل في اي يا عم يونس كانت معانا فوق هو احنا هناكلها
يونس لا يجدع وبص في ساعته واكمل اممم الاصول هتتجزأ دلوقتي يعني مينفعش انا اقربلها لانها مش اختي بس ينفع هي تقعد مع اتنين شباب غرب عنها فوق السطح الساعه 2 بليل وسط الصعيد كمان
مازن بحده حاسب على كلامك يا يونس ورايح يمسك فيه
ياسمين وقفت بينهم واكملت بدموع بس بس انت وهو كفاياكم بقى انتوا من امتى كده
حسام بتنهيده يونس معاه حق المره دي احنا سهرنا جامد وطولنا القاعده مكنش يصح
يونس بحده كويس انكم عارفين قول لابن عمك بقى علشان بيقولي حاسب على كلامك بيحللها ليه ويحرمها لغيره
مازن اتعصب ورايح يتكلم فبصتله ياسمين برجاء واكملت ارجوك كفايه خلاص علشان خاطري
يونس بحده اتفضلي ادخلي نامي ومتطلعيش فوق السطح تاني في وقت زي ده لو حد شافكم مش هنخلص فاااهمه
ياسمين بدموع حاضر ودخلت
حسام بقلق طب مش وقته دلوقتي خناقكم عايزين نلحق نشوف احمد
يونس بستغراب احمد ??? ليه ماله احمد
مازن بقلق واحد صاحبه كلمني وقالي انه تعبان ودخل المستشفي
يونس بصدمه نعم ازاي متقولوش يعني ورايحين مع نفسكم انتوا اتجننتوا
مازن بقلق قولنا هنروح احنا نشوف الدنيا فيها ايه مش عايزين نقلقكم
يونس قفل الباب واكمل بحده قال مش عايزين تقلقونا قال يلا يا بيه منك ليه يلا اصله مش اخويا زيكم
ونزلوا هما التلاته
حسام هروح بسرعه اجيب عربيتي وجاي
يونس يابني انت متخلف وهتركن عربيتك فين احنا هنروح المطار ونسافر كلم اوبر
مازن بقلق وهو بيرفع فونه اكمل اي يا عبد الله في اي جديد
عبدالله بتنهيده لا والله يا مازن الدكاتره مطلعتش لحد دلوقتي الواحد اعصابه تعبت
مازن نفخ واكمل طب معاك من دلوقتي لحد ما اطلع الطياره لو حصل اي جديد تطمني
عبدالله بحزن تمام ماشي
وقفل
يونس بقلق ها طمني
مازن بخوف وضح في ملامحه اكمل معرفش حاجه الدكاتره لسه مطلعتش
يونس بنفخ استغفر الله العظيم يارب ربنا يستر انا من الاول قولت احمد لوحده في غربه لا ده يجماعه تعبان وبينسى مواعيد ادويته اصلا
مازن بحده عندك حق بس ازاي يسمع الكلام ده انا هطلع عين اهله
حسام والنبي اتلهي نطمن عليه الاول بعدين طلع عين اهله وبعدين اي كل ده الاوبر مجاش
يونس بص في الفون واكمل خلاص على وصول وطوا صوتكم علشان محدش يسمع هيقلبوها جنازه
مازن اه اولله على رايك وفونه رن
مازن ايه يا قاسم
قاسم بقلق اي يحبيبي واقف في البلكونه شايفكم في اي متجمعين بليل تحت كده ليه
مازن بتنهيده احمد تعبان يا قاسم وواقفين مستنين اوبر علشان رايحين المطار
قاسم نعمم طب استنى استنى متروحوش لوحدكم جاي معاكم
مازن خليك انت يا قاسم متتعبش نفسك يا حبيبي
قاسم بحده انت عبيط يا مازن ولا ايه انا بلبس خلاص احنا قبل ما نكون نسايب احنا اخوات من صغرنا عيب الكلام ده بجد مينفعش اعرف ان احمد تعبان واسيبكم
مازن بابتسامه تسلم يحبيبي طب يلا بسرعه
قاسم خلاص اهو خلصت كنت بلبس بسرعه
وبلفعل نزلهم وسلم عليهم والاوبر جيه ومشيوا كلهم في اتجاهم للمطار علشان يسافروا
في شقه ياسمين كانت بتعمل قهوه لانها مصدعه بعدين دخلت الاوضه لقيت شهد صاحيه وقاعده على المكتب
ياسمين اي اللي مصحيكي لغايه دلوقتي يا شهد
شهد بخنقه معرفش حاسه بهم على قلبي وقلبي مقبوض اوي ومش عارفه انام قولت احل صفحتين احسن.. انتي اي اللي مسهرك لدلوقتي وكنتي فين ده فكرتك نمتي عند تيته
ياسمين قعدت واكملت بتنهيده لا كنت فوق على السطح قاعده مع مازن وحسام وجودي بنشم هوا
شهد دلوقتي يا ياسمين وبصت للساعه واكملت بضحك يونس صاحي لو شافك كان علقك
ياسمين بدموع ماهو شافني ياختي وهزقنا
شهد بضحك بس بس انتي بتعيطي ليه علشان يونس زعقلك اي الجديد بتاعه لما بنغلط يعني بيعلي صوته علينا بس علشان بيحبنا وبيخاف علينا وبصراحه حقه الوقت اتاخر ياما ده خلاص كام الساعه والناس تصحى تشوف اشغالها انتي مش في المدن وسهر والحياه دي
ياسمين ايديها ارتجفت وحطت كوبايه القهوه على التربيزه واكملت بدموع انا مش بعيط بسبب يونس بس انا متوتره
شهد بصت لارتجاف ايديها باستغراب واكملت مالك متوتره من اي
ياسمين بدموع احمد
شهد قلبها واجعها واكملت بخوف ماله احمد ماله فيه ايه
ياسمين بدموع صاحبه اتصل بمازن وقاله انه تعبان في المستشفى ومازن وحسام ويونس راحوله دبي
شهد بخوف ودموع ايييه مستشفى ازاي يعني اي اللي حصله يوصله انه يدخل مستشفى
ياسمين بدموع وخوف شهد شهد ارجوكي اهدي مازن قالي لو حد عرف هيبهدلني المكالمه جاتله قدامي وقالي انام ومفتحش بوقي بس انا قلقانه
شهد بعياط طب مين يطمنا يا ياسمين مين يطمنا
ياسمين بدموع قالي لما يرجع هيطمنا اهدي
شهد بعياط وانا لسه هستناه يرجع يارب استر يارب .. يارب نجيه واحميه ويكون حاجه بسيطه مع اني عارفه طلما مازن راح وفيها مستشفى احمد تعبان اووي وفضلت تعيط وحاطه ايديها على بوقها تكتم صوتها وهي منهاره عياط من الخوف
ياسمين بصتلها بستغراب شديد من حالتها واكملت شهد انتي خايفه على احمد علشان بتعتبريه زي يونس ولا حاجه تاني
شهد اتصدمت وبصتلها بتوتر واكملت بدموع يعني انتي بذمتك شايفه ده وقت اسئله وعموما اريحك علشان هو زي يونس يا ياسمين وقامت دخلت الحمام وقفلت الباب وشغلت المايه لحد الاخر وفضلت تعيط بانهيار وبصت في المرايه لقيت عينيها حمرا اوي من الدموع فاكملت بعياط
اه علشان بحبه يا ياسمين بحبه ومش شايفه ولا هشوف غيره فعيطت وحطت ايديها على بوقها تكتم صوت عياطها
بعدين سمعوا اذاان الفجر فشهد غسلت وشها واتوضت وخرجت لبست الاسدال علشان تصلي ولقيت ياسمين لابسه زيها فاكملت بصوت مختنق من الدموع انتي اتوضيتي
ياسمين بحزن اه في حمام الصاله يلا هتصلي
شهد بدموع اه وفرشوا السجاد وصلوا وبعد ماخلصوا صلاه قرئوا في القرآن شويه
شهد قفلت المصحف ورفعت ايديها واكملت بدموع في سرها يارب ارجوك احفظه واحميه ويبقى بخير وماتوريني فيه اي شر يارب يرجعلي سالم غانم مفيهوش اي حاجه يارب بارك وطول في عمره واجعله نصيبي انت وحدك عارف انا بحبه ازاي وكاتمه جوايا وولا حد لاحظ او عرف وحدك كاشف حبي وضعفي ووجعي فاكتبه ليا يارب لانك انت تعلم اني احبه وانت وحدك من احببتني فيه
وخلصت وقامت لقيت ياسمين ماسكه الفون فاكملت يلا كلمي يونس شوفيهم وصلوا لحد فين
ياسمين بتوتر بكلمهم بس كلهم غير متاح محدش بيرد
شهد قعدت واكملت بحزن يبقى لسه في الطياره يارب استر يارب
وفعلا بعد ساعات وصلت الطياره للامارات وركبوا تاكسي وراحو المستشفى
في المستشفى
مازن بقلق ها يا عبدالله طمني احمد عرفت عنه حاجه
عبدالله بحزن لسه والله محدش قال حاجه
مازن نفخ بضيق وقعد وحط راسه مابين ايديه
يونس قعد جمبه وطبطب عليه واكمل بحزن اجمد كده متخافش احمد هيبقى بخير بس قول يارب
مازن بصوت يمتلئ بلوجع قولتله بلاش سفر يا احمد بلاش تبقى لوحدك مسمعش كلامي يا يونس ميعرفش اني بحبه وبخاف عليه اكتر من نفسي
يونس بابتسامه يا عبيط اخوك عارف انت بتحبه قد ايه طب ده انت ضحيت ومردتش تكمل تعليمك علشان تشتغل وتصرف عليه هو ونور مع ابوك انت كنت ليهم اب قبل اخ كبير يا مازن وهما مقدرين ده كويس اوي بس احمد شاب لسه في بدايه حياته حب يعمل حاجه لنفسه
مازن غمض عينيه بوجع واكمل وكنت مستعد اعمل اكتر من كده بس اشوفهم احسن الناس مش بعد كل تعبي ده يجي عليا اليوم اقعد القاعده اللي خوفت اقعدها في يوم من الايام وبص ليونس واكمل بعيون تتمتلئ بلدموع انا مش هقدر اشوفه مش بخير ده ابني مش اخويا
يونس حضنه وغمض عينيه بوجع واكمل متقولش كده يا حبيبي احمد بخير وزي الفل اكيد اهمل في ادويته وانت عارف حالته كانت عامله ازاي فمستحملش
مازن بوجع يارب يا يونس يارب بجد وانا والله مش هسيبه لوحده هنا تاني
قاسم بحزن اجمد يحبيبي اجمد اخوك زي الفل والله انا عارف احمد عندك اي كويس بس ادعيله احسن
حسام بحب باذن الله ربنا مش هيسكفنا ابدا وهيبقى زي الفل
مازن بحزن يارب يارب بجد
قاسم قعد جمبه واكمل بحب انا متعود على صاحبي اقوى من كده حصلك اي يا مازن ده اختبار صغير من ربنا
مازن بصوت مختنق اكمل مازن قوته وفرحته كلها بتتمثل في تلاته نور واحمد و
فبصله حسام بحده ووجه نظره ليونس بسرعه فاكمل بتوتر واهلي هما اغلى حاجه في حياتي
قاسم حاول يكتم ضحكته واكمل اممم منا عارف يحبيبي ربنا يطمنك يارب
وقام وقف جمب حسام وضحك
حسام بضحك همس لا لسه رايح يشعر فيها ويقولك وياسمين يخربيت الحب اللي يخلي الواحد مسطول للدرجه دي ياجدع مازن بيتكلم بتلقائيه اوي
قاسم فضل يضحك واكمل بهمس منا قومت علشان حسيت اني لو مضحكتش هطق بصراحه وخوفت يونس ياخد بااله كان حجزله سرير جمب احمد
حسام بضحك همس يجدع اخوه تعبان ومنعرفش عنه حاجه وده يقولك ياسمين يخربيت الحب وسنينه
قاسم بضحك همس الحته الطريه بقى مينفعش ينساها
حسام بضحك علي رايك صح
ولقيوا الدكتور خرج فقاموا بسرعه كلهم وراحوا ليه
مازن بقلق ها يا دكتور طمني
الدكتور بابتسامه الحمدلله لحقنا الموقف واحمد بقى كويس دلوقتي
مازن تنهد بارتياح عميق واكمل اللهم لك الحمد
يونس طب كان ماله يا دكتور
الدكتور احمد عنده القلب ومكنش ينفع اهمال في ادويته او جهد زياده عليه وهو الواضح لغبط في مواعيد الادويه جامد ونسيها احيانا وضغط نفسه جامد فوق العادي واكل وجبات سريعه ودهون كتير وده غلط عليه فتعب وكان ممكن لقدر الله القلب يتوقف بس الحمدلله لحقنا الموقف
حسام تنهد بارتياح واكمل الحمدلله نشكر ربنا
قاسم طب نخلي بالنا ازاي يا دكتور بعد كده
الدكتور امسك الادويه دي هتجيبوها ولو معاكم منها هاتو الناقص ومكتوب في الروشته هتمشوا عليها ازاي وممنوع من اي دهون او اي اكل من برا والسكريات الكتير ونفسياا اهم حاجه
مازن بستغراب نفسيا !!! وضح اكتر يا دكتور
الدكتور اكتر حاجه بتتعب القلب وتأثر عليه هي الحزن يعني وارد يكون كل اللي حصله من شويه زعل مثلا فا احمد لو حط في نفسيته تحت اي سبب من الاسباب لقدر الله ممكن نخسره فحاولوا على قد ماتقدرو تريحوا ومتزعلهوش
مازن بقلق يا دكتور فال الله ولا فالك هو هيبقى زي الفل باذن الله ومفيهاش تعب تاني
الدكتور باذن الله وربنا يطمنكم عليه عن اذنكم
عبدالله طب نقدر نشوفه
الدكتور اه طبعا فاق و اتنقل اوضه عاديه اتفضلوا
وبلفعل دخلوا الاوضه كان احمد نايم وساند ضهره ومتعلقله محاليل
مازن شافه كده غمض عينيه بوجع وحزن فطبطب عليه يونس واكمل بابتسامه يا عم اجمد ماهو خلع قلوبنا وزي القرد اهو
احمد ابتسم بتعب واكمل متخافش يحبيبي انا كويس والله
حسام قعد قدامه واكمل تصدق بالله
احمد لا اله الا الله
حسام بضحك مازن لولاش اللي انت فيه كان اداك علقه
احمد ضحك بتعب وبصله واكمل بذمتك اهون عليك
مازن بدموع للاسف لا يا حيوان وحضنه وغمض عينيه بوجع واحمد طبطب على ضهره بحب وابتسم واكمل بتعب والله بقيت كويس كفايه عليا شوفتك واحشتني اوي يا مازن
مازن بدموع وحب وانت اكتر يحبيبي الف سلامه عليك يقلب اخوك الف مليون سلامه
يونس بحب طب سبلنا شويه
مازن ضحك من بين دموعه واكمل بقالي 3 سنين مشوفتوش الجزمه بينزلنا كل كام سنه 6 شهور بس بعينه مش هيحصل تاني
احمد بضحك لا متهزرش انا مش هينفع ارجع
مازن بعد عنه واكمل ده عند امك انا قررت والموضوع خلص على كده
يونس حضنه واكمل بحب الف حمدلله على سلامتك يحبيبي واحشتني اوي والله العظيم الفيديو كول اللي كنت بتكلمهولنا ده والله مايجي حاجه قصاد وجودك قدامنا
احمد بحب الله يسلمك يا غالي ربنا ميحرمنيش منكم
عبدالله بحب سلامتك يحبيبي ربنا يقومك بالف خير يارب
احمد بحب الله يسلمك يا غالي تعتبك معايا اوي بجد انهارده
عبدالله بحب بس يا عبيط احنا اخوات
حسام حضنه واكمل بحب الف سلامه عليك يا قلب اخوك والله وقعت قلوبنا
احمد ضحك واكمل بحب ده انتوا بس واحشتوني فحبيت اجيبكم
قاسم بضحك كنت قاصد بقى
احمد بضحك طبعا اومال انت فاكرني اتعب بلساهل كده واحشني يا جوز اختي
قاسم حضنه واكمل بحب حبيبي يا احمد والله سلامتك يا غالي
احمد بحب الله يسلمك يارب
مازن اممم اصلك حضرت اوي خطوبه اختك منتا بقالك سنين هنا وتكلمنا كل فين وفين فيديو
احمد بضحك اجي علي الفرح باذن الله
قاسم بحب يجدع يسمع منك ربنا
يونس بضحك يابني انت هتموت وتتجوز وخلاص نور لسه صغيره انت متعرفش حاجه هتتصدم لعلمك دي اخرها كوبايه الشاي اللي بتعملهالك
مازن بضحك طب والنبي قوله علشان مش مصدقني البت لسه صغيره فعلا فا احلم مع نفسك يا قاسم
احمد بضحك سيبك منهم دي اختي و انا هجوزهالك يا قاسم
قاسم بضحك وربنا انت حبيبي مش زي الحقودين دول و مش خساره فيك اني هنزل اشتريلك ادويتك وباس دماغه واكمل سلامتك يا غالي يلا هروح انا اجيبله الادويه
احمد بحب الله يسلمك يارب
مازن اممم مقولتليش اي وصلك انك تتعب بلشكل ده
احمد بتنهيده ابدا ضغط شغل والاكل الجاهز وحاجات كتير من كده يعني
عبدالله والله كنت بقوله بلاش الكلام بتاع برا ده مكنش بيسمع الكلام
احمد علي اساس اي عندي الفلبينيه يعني اللي تطبخلي انت التاني
مازن بضحك لا ازاي تقوم تاكل اكل مضر بلصحه انت عارف انت لو بصحتك انا كنت عملت فيك ايه ??
احمد بضحك لا مش عايز اعرف
حسام كده كده مفيهاش قعاد تاني هنا يلا بينا كلنا على اسيوط
احمد لالا بجد متهزروش مش هقدر خالص
عبدالله يابني الشركه فتحت مقر في القاهره فانت سهله عليك اشتغل في البيت وابعت الورق للقاهره لحد ماتبقي فل عايز تيجي هنا تاني تعالى عايز تستقر هناك استقر
مازن بحده واما الشركه يا حيوان ليها مقر في القاهره اي جايبك اخر الدنيا
احمد بضحك وربنا مبقالوش الا شهر وكنت مخطط هنقل فيه واجي اعد معاكم شويه بس مش فاجاه كده ده قصدي
عبدالله بحب لا روح مع اخواتك وانا هعملك قرار النقل واوري المدير تقرير بحالتك انك تعبت
احمد بحب ربنا ميحرمني منك يا غالي
يونس بحب اه يلا سهلها كده خليك جدع عيد ميلاد شهد انهارده عايزين كلنا نبقي معاها
احمد بحب اه منا فاكر وكنت هجبلها سلسله عجبتني هنا من دبي وابعتهالها تشجيع ليها عامله اي في ثانوي دلوقتي
يونس بتنهيده منتا عارفها بتقلق اكتر ما بتاكل البت مهما تعمل بردو عياط ونفسيتها مش تمام
احمد بضحك هنزل افوقهالكم انا متقلقوش عليها
مازن بضحك ياريت ياخويا احنا عايزينك تنزل اصلا واعمل اللي يعجبك انتوا طول عمركم ناقر ونقير
احمد ضحك واكمل طب شوفوا يلا تصريح الخروج ويلا نلحق نجيب السلسله وهدومي ونرجع ونفوت على اي حد نجيب تورته
يونس بضحك ده هي اصلا من توترها وتفكيرها في ثانوي نسيته ولا جابت سيره متخيل
احمد ربنا يعينها يارب ونشوفها احلى دكتوره
الجميع اللهم امين يارب
——————————————–
بعد ساعات في بيت الرفاعي
قاعدين كلهم بياكلوا وشهد في عالم تاني وياسمين بتحاول تبقى طبيعيه
نرمين بستغراب الله اومال فينهم لسه كلهم منزلوش ليه
ياسمين بتوتر ايه اه اكيد جايين قصدي نازلين اقعدي كلي يا مرات عمي هيروحوا فين
معتز يابنتي حسام مش فوق وعمك ايمن بيقول مازن مش فوق بردو
عايده بقلق ايوه مشوفتوش خالص من ساعه ما كان مع جده هيكونوا راحو فين دول
شهد عيطت بصمت وبصت للطبق واكملت الحمدلله شبعت
ورايحه تقوم وقفتها صافيه واكملت استني يا شهد ده مش منظر اكل اقعدي كملي فطارك انتي ملمستيش الطبق مالكم انهارده كلكم في ايه
ياسمين بتوتر مفيش يا تيته مفيش
نور بقلق في اي حتى قاسم برن عليه مش بيرد خالص
عز الدين بحده مجتش علي البيه ابني اكيد معاهم هو كمان راحو فين دول كلهم كده
زينب بقلق اكيد كلهم سوا يجماعه حاولوا اوصلوا لاي حد فيهم
منصور ياسمين يابنتي لو تعرفي حاجه طمنينا
شهد عيطت اكتر فاكملت ياسمين وهي بتبصلها بحده بس هشش اسكتي يخربيتك
عز الدين بحده في اي انتي وهي ماتخلصوااا
ياسمين وشهد اتفزعوا فاكملت شهد بعياط احمدد
كلهم اتخضوا فاكملت عايده بدموع وخوف ماله احمد انطقي
شهد بعياط معرفش بس قالو من بليل انه تعب ودخل المستشفي وكلهم راحوله
كلهم اتصدموا وشهقت عايده واكملت بعياط وخوف مستشفى! !!!! مسشتفى ليه ماله ابني ماله حصله ايه علشان يدخل مستشفيات اخص عليك يا مازن اخص عليك تخبي علي امك وانهارت عياط
ايمن بخوف اهدي اهدي يحبيبتي السكر هيعلى عليكي اانا هكلمولك دلوقتي
عايده بعياط وخوف اهدى ايه يا ايمن اهدى دي بتقولك احمد ابني في المستشفى انا عايزه ابني يا ايمن عايزه ابني وفضلت تعيط
ياسمين بعياط يخربيتك يا شيخه هتهزق قالي اسكتي
شهد فضلت تعيط ومردتش عليها
صافيه بدموع وخوف جيب العواقب سليمه يارب .. يارب احفظه ويبقى بخير
معتز بحده وبيتصرفوا من دماغهم ولا اكن ليهم اهل
عز الدين بحده والله ولا واحد فيهم شاف ربايه
نرمين بدموع اهدي يحبيبتي اهدي ربنا يهدي قلبك ويطمنك يارب خليكي وراهم يانور
نور بدموع وخوف منا وراهم والله بس محدش بيرد يارب استر يارب ارجوك
زينب بقلق خير باذن الله ادعوا وربنا هيطمنا والله
عايده بعياط انا قولت بلاش يسافر كل السنين دي لوحده قولت خليك وسطنا مسمعش كلامي
ايمن هز راسه بيأس واكمل عنيد ودماغه ناشفه ومبيسمعش الكلام
والباب خبط
صافيه بلهفه اهو شوفي
شهد جريت فتحت بلهفه لقيت احمد اللي في الوش وابتسملها فضحكت بفرح مش مصدقه من بين دموعها واكملت احمددد
عايده بلهفه وعياط شافته جريت عليه احمد يحبيبي وحضنته جامد واكملت بعياط يا قلب امك يابني يا قلب امك كده تخوفني عليك يا احمد كده تقهرني واحشتني اوي يا ابني واحشتني اوي وعيطت اكتر
احمد بحزن بس بس يحبيبتي اهدي مالك انا كويس قدامك اهو حقك عليا يا غاليه وباس ايديها واكمل وانتي والله واحشتني اكتر
مازن شاف منظر امه فهم انها عرفت وبص لياسمين بحده اللي خافت وعملت نفسها مش واخده بالها
مازن في سره ماشي الصبر يا ياسمين وبص لامه واكمل بمرح ماخلاص يا ست الكل هغير كده
عايده بعياط خوفت على اخوك يامازن وواحشني اوي غصب عني يابني والله
نور بعياط واحشتني اوي
احمد شافها ابتسم شكلها اختلف وكبرت وبقيت عروسه فحضنها بحب وهي شددت من حضنه وعيطت واكملت خضتني عليك يحبيبي الف سلامه يعمر وقلب نور
احمد باس راسها وايديها واكمل بحب الله يسلمك يحبيبت قلب احمد من جوه ايه يابت القمر ده بقينا عرايس حلوين
قاسم بضحك متاخدش راحتك اوي كده طيب علشان مزعلكش
احمد بضحك اختي وانا حر يا حيوان طب اي رايك مش هجوزهالك
قاسم بضحك لا خلاص طلما كده خد راحتك
نور بضحك هو اصلا براحته ده حبيبي ده وحضنته
احمد بضحك حبيبت قلبي والله انتي وباس راسها
ياسمين بحب سلامتك الف سلامه يا احمد
احمد بحب الله يسلمك يا سمسمه
عايده بدموع كان مالك يابني دخلت المستشفى ليه
مازن بحب ياست الكل ده بيدلع طلع بياكل اكل مش صحي جابله تسمم بس كده
احمد بضحك اه اديه قالك وانا زي الفل قدامك اهو كفاياكي دموع بقى ابوس ايدك
ايمن حضنه واكمل بحب واحشتني يا حبيبي واحشتني اوي
احمد ابتسم بحب وطبطب على ضهره واكمل وانت اكتر والله يا غالي
منصور بحده انتوا اصلا ماتربيتوش مش مفروض تعرفونا رايحين فين ولا نفضل قلقانين عليكم كده
حسام بتنهيده يا جدي كان عندنا امل نروح ونيجي بسرعه من غير مانخوفكم على حاجه بسيطه يعني
زينب بحب المهم انه زي الفل حمدلله علي سلامتك يا احمد
احمد بحب الله يسلمك يا زوز
صافيه بدموع تعالى واحشتني وفتحت ايديها
احمد حضنها فصافيه عيطت في حضنه واكملت كل السنين دي بعيد عننا يا احمد اخص عليك واحشتنا اوي يابني
احمد باس راسها وايديها واكمل بحب وانتي اكتر يا صفصف والله حقك عليا هشتغل الفتره الجايه من هنا مش هسيبكم تاني
عايده بفرح الحمدلله الف حمد وشكر ليك يارب
وشهد ابتسمت بفرح شديد مش مصدقه انه قدامها ومش هيسافر تاني وكان بتتمنى لو تقدر تحضنه زيهم كده
نرمين بحب الف حمدلله علي سلامتك يحبيبي
احمد بحب الله يسلمك يا مرات عمي تسلميلي
معتز حضنه واكمل نورت مصر ياغالي
احمد بحب منوره بيك يا حبيبي عقبال سيف يارب
نرمين بتنهيده اللهم امين يارب
منصور حضنه واكمل بحب الف حمدلله على سلامتك يا غالي
احمد باس ايديه واكمل بحب الله يسلمك يا حج ربنا يديمك لينا
عز الدين بحب حمدلله على سلامتك يا احمد نورت بيتك يا حبيبي
احمد بحب منور بيك يا غالي
شهد ابتسمتله واكملت الف حمدلله على سلامتك ورجوعك لينا يا احمد
احمد وقف قدامها واكمل بابتسامه الله يسلمك يا شهوده .. بسم الله مشاء الله سايبك 3 اعدادي جايلك 3 ثانوي كبرتي وبقيتي زي القمر واحلويتي بس لسه قصيره زي مانتي وضحك
يونس بضحك طب ماتحترم نفسك يا بطل علشان ماجيش اعلقك على باب البيت
احمد بضحك بطل اي بقى دي شهوده اللي بقيت بطل والله العظيم كبرتي امتى كده يابت يخرب عقلك
شهد اتكسفت وبصت للارض ف يونس مسكه من تيشرته واكمل بضحك طب انا مش عايز اديك علقه دلوقتي اهلك لسه مفرحوش برجوعك اتلم احسنلك
صافيه بضحك يا يونس سيبه اخته الصغيره وبيهزر معاها الله مالك انت
شهد زعلت من الكلمه بس حاولت متبينش
فاكمل احمد بضحك بالله بهزر حقك عليا وربنا خلاص هتكتم
يونس بضحك ايوه كده اتربى
مازن بابتسامه حقك عليا يا يونس مكنش يصح اننا نمسك في بعض مهما حصل
حسام بحب بالله كنتوا زعلانين من بعض بس وقت الجد حطيتوا ايديكم في ايد بعض
منصور بحب هما دول رجاله الرفاعي اخوات لبعض وسند لبعض
يونس حضن مازن واكمل بحب خلاص محصلش حاجه يا قلب اخوك
مازن بحب طبطب على ضهره واكمل تسلم يا غالي
وياسمين ابتسمت بحب
عايده ايه بقي العلبه اللي جايبينها معاكم دي
احمد بحب دي علشان عيد ميلاد شهوده وفتح التورته
شهد اتفاجئت ودموعها نزلت بفرح واكملت بتقطع وفرح انا … انا والله نسيت خالص
يونس حضنها واكمل بحب كل سنه وانتي طيبه يا دكتوره وباس جبينها
شهد بدموع فرح وانت طيب يا حبيبي
صافيه بحب كل سنه وانتي طيبه يا قلب تيته من جوه
شهد بحب ودموع وانتي طيبه يا قلبي
ياسمين حضنتها ومسحت دموعها واكملت بحب كل سنه وانتي اجمل اخت في الدنيا
شهد بحب وانتي معايا يا عمري
مازن بحب كل سنه وانتي طيبه يا شوش
شهد بابتسامه وانت طيب يا ميزو
نور حضنتها واكملت بحب كل سنه وانتي طيبه يا دكتورتي
شهد بحب وابتسامه قلب دكتورتك والله
احمد بحب طب يلا نحتفل بلصغنن بتاع عيله الرفاعي
شهد بضحك يابني احترموني بقي خلاص هدخل الجامعه
حسام بضحك بس بردو هتفضلي اصغر واحده نعملك اي بقى
شهد بضحك ما للاسف الشديد
يونس بحب اصغر واحده اي دي بقيت قمر اهي وهجوزها كمان
شهد بضحك حبيبي والله الوحيد اللي بيرفع من معنوياتي
نرمين بضحك طب قول انت الاول
يونس بضحك لالا انا مش هتجوز اساسا
مازن بضحك ريحت والله كلهم صنف نكدي ميتعاشرش
ياسمين رفعت حاجبها وبصتله فعمل نفسه مش واخد باله فاكملت في سرها ماشي يا مازن
نور بضحك قاسم فاكر لما جيت تاخدني من الكليه امبارح وكان واقف مع سيليا الطالبه عنده وبيضحك
قاسم بضحك اه كنت واقع وش يسطا متحورش
يونس بضحك والله انت وهي مفيش اغبى منكم دي طالبه عندي انتوا عبط
نور بضحك وفيها اي عادي بتحصل كتير اصلا البت قمر يلا يا يونس فرحنا والنبي ده انتوا عيله كئيبه مفيهاش افراح خالص
يونس بضحك بس يا عسل اخوكي اهو يفرحك
مازن بضحك عينيا حاضر ادعيلي وانا هفرحك
قاسم بضحك وربنا ابن عمك ده مابيفهم البت باينه واقعه فيه وهو عامل من بنها واي يا مازن حته قمر
مازن بضحك ابن عمي ده فقري
يونس بضحك مش احسن ما اعشمها بحاجه مش موجوده
نور بحده لحظه بس هي مين اللي حته قمر يا قاسم
قاسم بضحك اعتبري ماقولتش حاجه يا قلب قاسم
نور بجد انا مبهززررش
قاسم بضحك هي حته من القمر انما انتي كله يعمري
نور برفعه حاجب لا والله
قاسم بضحك اه والله عيب عليكي القلب والعين مش شايفين غيرك
نو بغيره امممم ما واضح
قاسم بضحك خلاص بقى بلاش قلبه بوزك دي
نور تمام
قاسم بحب وغلاوتك بهزر خلاص حقك عليا
نور مردتش
قاسم بحب طب يخش تعدميني لو
نور بمقاطعه وخوف بس بعد الشر خلاص سامحتك بس متقولش كده
قاسم بضحك وربنا مش بموت فيكي من فراغ
مازن بضحك ما اجبلكم شجره واتنين ليمون
نور ضحكت فاكمل قاسم لا هو كده زي الفل
احمد بضحك طب مش يلا نحتفل بلبت علشان ثانويه عامه ونفسيتها تعبانه
شهد بضحك اه والله يا احمد ده حقيقي
احمد بضحك لا منا حاسس بيكي ربنا يعينك يارب
شهد بحب يارب
وبلفعل وقفوا كلهم دايره واحتفلوا بشهد وكانت مبسوطه اوي وهي شيفاه قدامها عينيها كانت متثبته عليه هو بس ومش قادره تصدق انه بعد كل الغياب ده رجع ومعاها
ياسمين هزتها واكملت بضحك شهد روحتي فين عمالين نقولك طفي الشمع من بدري
شهد بانتباه اه اه معلش وطفت الشمع وكلهم سقفوا وعيدوا عليها فاكمل احمد بحب غمضي عينيكي وتعالي اقفي هنا قدام المرايه
شهد راحت بحماس بلفعل ووقفت فهمس احمد لنور تلبس شهد السلسله وكانت سلسله دهب مكتوب عليها اسمها
وبلفعل نور لبستهالها
شهد بحب افتح
احمد بابتسامه اه
شهد فتحت واكملت بدموع فرح الله ايه ده تسلم ايدك بجد وضحكت بفرح واكملت بجد تحفههه
احمد بضحك طب الحمدلله عجبتك عقبال السنه الجايه يارب اجبلك البالطو والسماعه
شهد بحب يارب يارب تجعل كل امنياتي نصيبي يارب
احمد بحب يارب يشهوده
يونس بحب فكريني كده كنتي عاجبك اي من النت وقولتيلي هاتهولي يا يونس
شهد بضحك لا متقولش خاتم Pandora
يونس بضحك ده حصل فعلا وفتحلها العلبه
شهد حضنته واكملت بفرح بجد بحبك جداا ربنا ميحرمنيش منك ابدااا يارب ولبست الخاتم وبصت لايديها باعجاب شديد واكلمت وهي بتحضنه تاني بجد بموت فيك ومش هجوزك
كلهم ضحكوا فاكمل يونس بضحك وانا عينيا لدكتورتنا وطلباتها وباس جبينها واكمل عقبال العمر كله يحبيبتي
شهد بحب وانت جمبي يا غالي بجد
يونس بحب يلا كلي بقي علشان وراكي درس وترجعي كملي احتفال
شهد بحب حاضر
صافيه دخلي السلسله جوه هدومك يا شهد علشان متتخطفش منك يحبيبتي
شهد عملت كده واكملت اهو وبصت لاحمد بحب واكملت تعبتك بجد
احمد بحب ولا اي حاجه … يلا حد يجيب طباق علشان التورته
ياسمين بحب هروح انا اجبلكم الطباق
احمد بحب هنتعبك يا سمسم
ياسمين بحب مفيش تعب والله
وقعدوا كلهم ياكلوا وقطعوا التورته وفضلوا يتكملوا في جو من البهجه كان مفقتد جداا
——————————————-
عند سيف
سيف كان في التدريب مع كتيبته واكمل اولا انا واثق في ربنا جداا ان ربنا هيكرمنا في المهمه دي فا ايمانكم بالله مهم وبيشيل منكم اي خوف وانا عارف كده كده انكم مبتهابوش حد
ثانيا عايزكم تنفذوا اللي اتفقنا عليه بلحرف الواحد واي تغير نبلغ بعض لازم يكون في نظام اي غلطه مننا هيستخدموها ضددنا حد معرفش يتصرف يطلب مساعده وهنلاقي بعض مفهوم
الجميع مفهوم يا فندم
سيف بتنهيده طب تمام حد عنده اي اسئله على اي حاجه
الجميع لا يا فندم
سيف تمام روحوا شوفوا كل واحد وراه ايه
كلهم عملوا التحيه ومشيوا
على جمب عند عمر
عمر باصص على سيف وهو بيتمرن واكمل معرفش اقوله ولالا خايف ياخد مني موقف
حسن يابني انت هتتجنني هو مش بيعتبرك اكتر من اخوه ومش بتخبوا على بعض حاجه ليه بقى دي بلذاات مش عايز تعرفهاله
عمر بقلق اصل هي تبقى
حسن بستغراب هي مين ?? حبيبتك يعني مالها
عمر بتنهيده انا بحب زينب الرفاعي
حسن بصدمه نعممم
عمر هشش يخربيت اهلك في ايه
حسن بقلق لا طلعني منها انت رايح تحب اخت القائد عليا النعمه لو عرف ليلعب بيك انت اثقال بدل الحديد اللي ماسكه ده
عمر بص علي سيف ورجع بص لحسن واكمل بقلق ورحمه امك ماتقلق اهلي انا قلقان لوحدي
حسن بضحك انا بقولك الصراحه سيف بيه بيحبك وهيوافق يناسبك عادي بس المشكله هتتفهم خيانه ليه لانه دخلك وسط اهله مره هيقولك حطيت عينك على اختي ومش هتخلص
عمر نفخ واكمل انت عقدتني اكتر طب اعمل يا حسن قسما بالله ما شايف غيرها
حسن بضحك في الحالات اللي زي دي العمل عمل ربنا
عمر بضحك والله انت بارد يا جدع ومستفز
حسن بضحك انا اللي بارد اه اصل انا اللي رايح احب اخت القائد بتاعي
عمر بضحك ماتروح تسمعوا يا حسن مش معقوله بتتكلم بصوت واطي ليه
حسن ضحك واكمل ياجدع ده اللي يشوف بلاوي الناس تهون عليه بلوته بصحيح
عمر بضحك يابني متستفزنيش الله يحرقك عملتها بلاوي كمان
حسن بضحك انت عايز تناسب سيف الرفاعي ومش شايفها بلاوي انك تفاتحه اصلا
عمر بتنهيده كده او كده لازم يعرف انا فعلا بحبها فسكوتي مش حل لان البت بكره وبعده ممكن تتخطب اعمل انا ايه ساعتها
حسن بضحك مش هيكون اكتر من اللي هيحصلك لما تتكلم
عمر بضحك والله انت حيوان .. بس لا سيف اه هياخدها بحساسيه شويه انما مش هيقول لا بس هياخد رايها انت عارف بيحب اخواته قد اي فهيشوف هي بقى ترضى ولالا
حسن بحب يابني منا عارف ربنا يعملك اللي فيه الخير يارب
عمر بحب يارب
حسن طب تفتكر هي بقى هتوافق
عمر بضحك لو اتوقفت على زينب انا هقرفها في عيشتها لحد ماتوافق
حسن بضحك لازق بغرااا
عمر بضحك الحب بقى
عند سيف بعد ساعتين خلص تدريبه ودخل اوضته خد شاور وقعد على السرير شويه وفتح محفظته ومسك صوره البنت وابتسم بحب واكمل واحشاني اوي بجد على قد مانفسي ارجع واشوفك على قد ماخايف اتوجع لما اشوفك وانا مليش حق فيكي ولا حتى اقدر اعبرلك عن اي حاجه جوايا وتنهد بوجع واكمل تعرفي انا عشت طول حياتي مبأمنش بلحب اللي بيجي فاجاه ده بس لما حبيتك عرفت يعني اي تشوف انسانه تقول هي دي اللي انا عايزها وسبحان مادخلتي قلبي ومعرفش يدخل حد بعدك ..انا ولا عارف اكون معاكي ولا عارف اتخطاكي وفي نفس الوقت في صراع مابين اجرب اتقدملك ولا بلاش اظلمك انا واحد شايل روحي على كفي طب علي الاقل انا هقدر اسيطر علي حبي ليكي انما انتي لو حبيتيني زي مابحبك هضعف لاني هبقي عندي اللي اخاف عليه وانا عمري ماخوفت ومينفعش اخاف فمكنش ينفع احبك وتنهد بوجع واكمل مكنش ينفع احب خالص وشال صورتها في المحفظه وغمض عينيه
——————————————
في بيت الرفاعي شهد وياسمين ويونس ونور ومازن نزلوا واحمد طلع ينام والباقي كانوا قاعدين مع زينب
نرمين بحده يابنتي مش معقول كلنا هنتحايل عليكي كده بقولك شوفيه ولو مرتاحتيش ارفضي
زينب بدموع قولت مش عايزه يعني مش عايزه
منصور بحب طب علشان خاطري يحبيبت جدو متكسفيناش الراجل كلم ابوكي وقالوا انهم يجوا بكره اقعدي معاه ومرتاحتيش براحتك
زينب بدموع يا جدي انا مش حابه اتجوز دلوقتي مش بلعافيه هي
صافيه بحزن يابنتي متعيطيش هو احنا هنجوزك ده بنقولك اقعدي وشوفي
حسام نزل واكمل امي انا رايح القسم عايزين حاجه
نرمين اه يا حسام تعالى شوف اختك الهانم
حسام بقلق ايه ده مالك في ايه
زينب عيطت وحضنته واكلمت قولهم اني مش عايزه اقعد مع حد علشان خاطري
حسام بتنيهده بردو يا ماما لسه بتتكلموا في الموضوع ده
ايمن مينفعش ياابني ابوك ادا للناس كلمه تقعد وترفض مقولناش حاجه
حسام باس جبينها واكمل طب تعالي ودخل بيها اوضه وقعدها قدامه ومسح دموعها واكمل وغلاوتك عندي محدش هيجبرك عليه انتي بس اقعدي خمس دقايق وقولي مرتاحتش
زينب بدموع طب وليه كل ده يا حسام منا مش هوافق هو اي فرهده وخلاص انا مش عايزه اشوف حد
حسام حبيبتي من غير عياط علشان خاطري ومسح دموعها واكمل بصي هنا في الصعيد كلنا اهل وسط بعض فلما حد يعشم في حد بنقوله يجي ينور ونرفض بعدها زي ما احنا عايزين وابوكي اداهم كلمه علشان خاطري انا اقعدي وارفضي براحتك
زينب بحزن حاضر يا حسام
حسام باس جبينها واكمل يحضرلك الخير يا قلب حسام يلا هروح انا علشان متاخرش تمام
زينب بابتسامه مصتنعه تمام
وبلفعل باس راسها وطلع واكمل اقنعتها خلاص
نرمين اخيرااا دي غلبتني
حسام بتحذير بس محدش هيجبرها
عز الدين يابني كده كده براحتها. والله علشان الاحراج بس تقعد معاهم
زينب قامت قفلت باب الاوضه وقعدت تعيط وبعد شويه وقت فونها رن بتبص لقيت سيف فرحت اوي وجات ترد الفون علق فوقفت في البلكونه وحاولت ترن معرفتش فاستنت هو رن تاني فردت واكملت بلهفه الو سيف
سيف بحب حبيبت وقلب سيف
زينب بعياط واحشتني يا عمري طمني عليك
سيف بحب انا زي الفل يحبيبتي متعيطيش اي اخبار اميرتي اهم حاجه ومردتيش علطول ليه
زينب بعياط فوني مشروخ وبيعلق وانا مش كويسه خالص يا سيف
سيف قام وقف واكمل بقلق مالك يا زينب في ايه
زينب بعياط ياريتك هنا عايزين يقعدوني مع عريس مش طيقاه بلعافيه
سيف بحده ازاي يعني الكلام ده
زينب بعياط اه والله وبيقولولي مش عايزه ارفضي بس انا مش طايقه اقعد اصلا وحسام اقنعني بلعافيه اقعد وخلاص علشان الاحراج من الناس بس انا مش مبسوطه خالص وعيطت
عمر خبط ودخل واكمل يا قائد كنت عايز
سيف بصله وعمله بصباعه يسكت واكمل بحده ماتغور الناس ولا تولع يا زينب بس انتي متقعديش مع عريس انتي مش عايزاه هما اتجننوا ولا ايه
عمر سمع كده اتصدم وقلبه واجعه اوي
———————————————
في القسم
حسام قاعد ومرجع ضهره لورا واكمل اممم يعني انت عايز تفهمني انك انت مشوفتش القتيله اليومين اللي فاتوا دول خالص مش كده يا مسعد
مسعد بتوتر اه كده يا بيه والله
حسام قام واكمل اممم طبعا طبعا منا مصدقك هتحلف كدب ليه مثلا ومسكه من قميصه وضربه بلبوكس واكمل بعصبيه وبلنسبه للكاميرات اللي جيباك وانت داخل ووانت طالع وبصماتك اللي على المسدس والسكينه انت هتصيع عليا ياررروح امك
مسعد بخوف يا بيه انا اقسملك بالله مقتلتهاش
حسام شمر اكمام قميصه واكمل بهدوء بس يا مسعد هي القضيه خلصانه خلصانه هتعترف ونخلص وضربه بلقلم جامد واكمل بحده ولا افضل الطش في اهلك لحد ماتعترف ماهو انا استعباط مش عاااايز هي كل الادله لبساااك لبساااك
مسعد بص للارض وسكت فضربه واكمل بحده اخلللص قتلتها ليييه
مسعد بوجع ااااه يا باشا انا عبد المأمور مليش صالح في قتلها والله
حسام مسكه من قميصه واكمل بحده اه مين قالك اقتلهااا اخلللص مين ليه صالح بانها تموت
مسعد بخوف مش هينفع يا بيه هددوني بعيالي لو اتكلمت
حسام بعصبيه لا منتا هتقول يعني هتقول ياروح امك القضيه جاتلي انا خلاص وطلما جاتلي لو قعدت عمري كله الطش فيك لحد ما تقول مين قالك تقتلها هعمل كده وضربه جامد فوقع على الارض واكمل بعصبيه اخلصصص يلااااا
مسعد بدموع لو عليا كنت قولت انما هما محذرني وانا خايف على اللي ورايا
حسام ضربه واكمل بعصبيه هو انت ياروح امك لو كنت عاملهم حساب كنت قتلت بني ادمه ملهاش ذمب طب اعتبر القانون اعمى ومتحاسبتش مفيش رب يتخاف منه يا كفره تضربها 10 طعنات غير المسدس ياللي منك لله وضربه بلرجل فتأوه بوجع
الباب خبط فاكمل حسام ادخل
العسكري عمل التحيه واكمل تمام يا فندم في واحد برا عايز يقدم بلاغ في واحده ادخله ولا اعمل ايه
حسام بتنهيده خد الحيوان ده ارميه في الحجز لحد ما اقولك هاتهولي تاني وابعت واحد قهوه مظبوط ودخل اللي برا
العسكري تمام يا فندم وعمل التحيه وخد مسعد وخرج
وقعد حسام على كرسيه وريح ضهره لورا واكمل بضيق قسما بالله اشكال زباله ده الواحد دخل الشغلانه دي للمرار
والباب خبط
حسام بتنهيده ادخل
العسكري تمام يا فندم الراجل والبنت اللي عايز يبلغ عليها اهي
حسام اتصدم وقام وقف واكمل نعمم امنية !!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
