رواية غموض الحب الفصل الثاني 2 بقلم لولا
رواية غموض الحب الجزء الثاني
رواية غموض الحب البارت الثاني
رواية غموض الحب الحلقة الثانية
قاسم : يعني مش بنت عمك يا مازن
مازن بتنهيده: انا معرفش الكلام ده ومش شايف غير ان ياسمين بنت عمي وحبيبتي ومراتي المستقبليه ومش هسيبها علشان الهبل ده محدش بيختار نصيبه هي مش ذمبها حاجه وبعدين ما كلهم بيحبوها ميقدروش يرفضوا البت اتربت وسطينا وعارفينها كويس ولو سمحت يا قاسم لو باقي على العشره اللي بينا بلاش تجيب سيره الموضوع ده نهائي
قاسم حاضر يا صاحبي مش هجيب سيره الموضوع ده تاني حقك عليا انا فعلا مقصدش وانت صح في حته اهلك بيحبوها وعارفينها كويس دي فا اتمني ميرفضوش على حاجه زي كده بجد وربنا يتمملك بخير يا حبيبي وطبطب على كتفه وهو بيبتسم
مازن بابتسامه تسلم يا قاسم ربنا يخليك ليا يا صاحبي علطول جمبي وعمرك ماخيبت ظني فيك في اي حاجه ولما بقع بلاقي ايدك اول ايد تتمدلي
قاسم بابتسامه يامازن انت اخويا عيب عليك الكلام ده ويخليك ليا يا غالي وضحك وتابع بغمز مش ناوي تحن عليا وتجوزني البت بقى
مازن بضحك وهو بيرجع ضهره لورا اكمل على شغلك يا شاطر روح شوف لو وراك حاجه واحترم نفسك البت لسه صغيره تفهم اي في الجواز دي
غمز قاسم وهو بيضحك واكمل لو على الفهم فمتقلقش نوري مش صغيره بردو بتدرس الكلام ده
ضحك مازن بشده علشان ميقصدش اللي فهمه قاسم وحدفه بازازه المياه وهو بيقول يا حيوان انا مقصدش كده انا اقصد انها لسه مش قد مسئوليه الجواز وبتدرس ياللي مش سالك
تأوه قاسم من الضربه واكمل وهو بيضحك خلص بجد يا مازن الواحد جاب اخره وربنا
مازن بضحك احترم نفسك يا حبيبي واتلم البت 18 سنه ده انا 28 ومعملتهاش انت بتهزر وبعدين نور دي على الله حكايتها ولا هتقدر على المسئوليه دلوقتي وغمز وهو بيضحك وتابع ولا عليك انت بلذات .. انت لما جيت قولتلي عايزها ومش حابب يكون من وراكم وعملت حساب للاخوه والعشره اللي بينا انا قولتلك انا وابويا واخويا تمام انما جواز مش دلوقتي
نفخ قاسم بضيق واكمل بالله انت صاحب مش جدع ومش حاسس باخوك يارب اشوفك في ضيقتي يا مازن يا ابن ايمن وضحك
مازن بضحك اتنيل على عين اهلك واسكت يا قاسم مازن متنيل بنيله اكتر منك محسسني اني انا اللي عايش ونفخ بضيق شديد وحط ايديه على راسه
قام قاسم من مكانه وراح قعد قدامه علطول واكمل بابتسامه هتتحل يا مازن والله هتتحل بس لقيت صعوبات ورفضوا اوي خلاص دول اهلك بردو اكيد مش هتخسرهم وساعتها كل شئ قسمه و
مازن رفع نظره ليه واكمل لا يا قاسم متكملش انا هاخدها غصب عن اي حد حتى لو النصيب وقف قدامنا الكلمه دي مش في قاموسي انا وياسمين
ابتسم قاسم بتعجب واكمل حتى لو النصيب! !!!! وتنهد بحزن وتابع بس النصيب غلاب يا صاحبي
بص مازن لصوره ياسمين المحطوطه قدامه على مكتبه واكمل ده على العاجز اللي مبيقدرش عارف يا قاسم اي مشكلتنا كمجتمع .. هي الكلمه دي. النصيب ده اكبر كدبه الناس بتضحك بيها على نفسها علشان الايام تعدي كل اللي يطلع مش راجل قدام البنت اللي حبته يقولها معلش اصل ده نصيب واللي بيقول الكلمه دي محبش ابداا بجد في يوم من الايام لانه لو بس فكر وتخيل ان البنت دي في حضن راجل غيره لو بيحبها بجد هيموت الف مره وهينحت في الصخر ويمشي بلاد الدنيا علشان ياخدها اشرف من انه يقول ده نصيب وتبقى ملگ لغيره .. اللي بيحب بجد يا قاسم بيعافر وبيواجه اي حاجه ومفيش حاجه هتوقف راجل حب بجد ان يكون مع اللي بيحبها لان احنا كرجاله غيرهم في الحته دي نقدر نعمل كتير علشان ناخدهم انما هما ميعرفوش يقفوا قدام حد دول مخلوقين احنا نكملهم ونكون ليهم سند ولو الراجل قدم اكتر العلاقه بتنجح فا الجواز مش نصيب انا مش بتفق مع المقوله دي ربنا وهب للانسان وميزه بلعقل واداله الحريه الكامله في اختيار كل حاجه في حياته هو اه طبعا عارف اللي جاي بس ده لانه عارف انت هتختار اي وهتعمل اي انما عمره ما اجبرك والا يبقي ظلم انه بيخلي بعض العباد وحشين وفاسدين والبعض زي الفل ودول يروحوا الجنه ودول جهنم فا لا ربنا عمره مايظلم وهو ادالك نعمه العقل والحريه وانت اللي بتقول دي اه ودي لا انما النصيب صح هو اللقاء انا شوفت ياسمين نصيب يوم ما عمي جابها وجيه البيت انما انا اختارت احبها واكمل معاها حياتي انت يا قاسم شوفت نور اختي وحبيتها نصيب لانها اخت صاحبك وجيران انما انت عايز نور هتكمل او لا دي باختيارك ولو دلوقتي مش عايزها انت اللي هتسيبها مش النصيب وانا مش هسيب ياسمين
ابتسم قاسم بحب على كلام مازن واكمل بفخر والله سايبك تتكلم مستمتع بيك انا فخور بيك جدا يا مازن كلامك موزون وعقلك يوزن بلد الكلمه دي عُرف زي الاعراف الكتير اللي طلعنا لقيناها وانا معاك يا صاحبي متقلقش سيبها على ربك
ابتسم مازن واكمل ربنل مايحرمني منك يا جوز اختي
قاسم بضحك هو انت راضي قول يارب ياخويا ابقي جوز اختك ده انا هموت وابقي جوزها … يااااه ده لو حصل انا ممكن .. ولقى مازن باصصله برفعه حاجب فسكت واكمل بضحك خلاص مش ممكن
مازن برفعه حاجب لا كمل كمل يا حبيب اخوك سكت ليه اعمل فيها احمد شوقي واشعر اكتر يلا
قاسم بضحك خلاص خلاص يا برو انا قايم خالص وهريحك مني اهو
مازن وهو بيشاور على الباب ويضحك اكمل بلسلامه يخويا وامسك نفسك قدامي احسنلك علشان انت صاحبي وعشره عمر ومش عايزك توحشني هاا
قاسم بضحك وهو ماشي اكمل بالله انت صاحب واطي بس ماشي يا ابو نسب
ولقى حسام في الطرقه وداخل فاكمل بضحك اهلا نورت يا باشا
حسام بضحك بنورك يحبيبي يلا انطر ابلكاش بقى علشان مش فاضيلك ورايا مهمه شاقه دلوقتي
قاسم بضحك لا منا عرفت انت جيت ليه ادخل يحبيبي ادخل
ضحك حسام وخرج قاسم
والباب خبط
مازن ادخل
حسام بمرح حبيبي يا ابن عمي واحشتني اقسم بالله الكام ساعه دول وراح قعد قدامه واكمل شوف ياخي يعني كنت معايا الصبح وبردو بتوحشني و
قاطعه مازن بضحك واكمل روح هاتهم انت انهارده يا حسام وكفاياك حورات
ضحك حسام بشده واكمل انت قفشتني يعني؟
مازن بضحك ده علشان انت اخويا الصغير وحافظك اكتر من نفسك بس مش عيب الكدب يا حضره الرائد
ضحك حسام وحضنه واكمل قلب اخوك انت والله بس وحياتك يا مازن الحب بيبهدل اجدعها وزير مش رائد وضحك
ابتسم مازن واكمل بتحبها خد خطوه يا حسام كفياك سكوت انت مش محسس البت بأي حاجه
تنهد حسام واكمل كله على الله يا ابن عمي ربك يسهل لما اتأكد ان مفيش حد في حياتها وقبلاني ولالا
مازن بحب باذن الله خير ياحبيبي ونفرح بيك يارب
حسام بحب يارب يا حبيبي هروح انا بقى زمانهم هيخرجوا وضحك وتابع معلش قطعت عليك لحظه انك تجيب الجو بس هموت واشوفها بجد
ضحك مازن واكمل عادي يا حبيبي ياسمين قدامي ليل نهار روح انت
حسام بابتسامه ربنا يفرحنا بيكم يارب يا غالي وميحرمكوش من بعض
مازن بحب تسلم يا حبيبي يلا اجري بقى علشان زمانهم طلعوا وقول لسمسم تروح تكلمني اطمن
حسام بضحك طب همشي انا يلا في رعايه الله يا بتاع سمسم وقفل الباب
مازن بضحك ابن جزمه مترباش بس هقول اي انا الكبير مضطر استحملهم
ورجع يشوف شغله
في الجامعه عند نور قاعده بريك في الكافيتريا مع هند صاحبتها اللي اتعرفت عليها جديد
هند ها هتطلبي اي
نور لا انا مش جعانه هجيب قهوه
هند بابتسامه خلاص هجيب معاكي وبصت للراجل واكملت معلش لو سمحت
الراجل افندم اؤمريني
هند بابتسامه الامر لله احنا عايزين واحد قهوه مظبوط صح يا نور
نور بحب اه مظبوط
هند اه وواحده كنز بيبس
الراجل اي اوامر تانيه
هند بابتسامه لا شكرا
ومشي
هند بحب مبسوطه اني عرفتك اوي بجد
نور بحب ده انا اكتر والله يا نوده
هند بحب تسلميلي يعمري
نور بحزن عايزه اتكلم معاكي في حاجه وجعاني اوي يا هند ممكن ??
هند بحب اتفضلي يحبيبتي سمعاكي طبعا
نور بحزن انا اول مره اشوفك بس حسيت اني فعلا محتاجه اكلمك وتنهدت بحزن واكملت تعرفي ان انا ليا اخوات اتقتلوا وفي منهم مات محروق
هند شهقت واكملت ازاي يعني مين عمل كده
نور الدموع اتجمعت في عنيها واكملت ناس كفره معندهمش دين ولا مبدأ هحكيلك احنا زمان اووي كنا عيله كبيره اوي ومبسوطه اوي وعايشين بسلام وشايفين الكل طيب ايام الزمن الجميل بقى بعدين جم عيله يبان انهم غلابه وطلبوا مننا انهم يقعدوا في المضيفه كام يوم لحد ما يلاقوا مكان
نور بتركيز كملي وبعدين
نور بحزن وفعلا قعدوا وتمر الايام والسنين بقيوا معانا في البيت اكتر وبدل ما كانت المضيفه بس لا ده البيت كله بقى بيتهم زيهم زينا مش نشكر على حسن استضافتهم لانهم ملهمش مكان لا متشكرناش وغدروا بينا وبان وشهم الحقيقي وقتلوا اخواتي ومره ولعوا في جزء تاني من عيلتي
هند بدموع انتي بتقولي اي هو مفيش قانون يحاسب ازاي يعملوا كده
نور بسخريه ودموع قانون !!! اومال لو قولتلك ان البلد كلها عرفت والحكومه عرفت ومحدش قدر يفتح بوقه هتقوليلي اي
هند بدموع ازاي هما خايفين منهم مثلا
نور بصت للارض بحزن واكملت ومش خايفين وساكتين عن اللي حصلنا وبس لا كمان اهل البلد بيساعدوهم في اذيه الناس اكتر من غير ماياخدوا بالهم
شهقت هند بصدمه واكملت بدموع اي الكلام ده وصلنا لانهي زمن ياربي الناس بقيت وحشه كده امتى هو لو عيالهم اللي اتحرقوا يعيني واتقتلوا هيشجعوهم على كده او يسكتوا حسبي يالله ونعم الوكيل بجد انا لو مكانهم كنت وقفت قصاد الظلم ومش مهم اموت
نور بحزن وهي بتهز راسها ب لا اكملت للاسف مش هتعرفي تعملي كده لانك حتى انتي ساعدتيهم من غير ماتقصدي ولو دول اخواتك صح مكنتيش فكرتي تساعديهم كنتي كالتيهم بسنانك لو تقدري
هند بصدمه وتعجب نور انتي بتقولي اي ليه هو انا عملت اي
نور بتنهيده بصي يا هند اولا كل اللي قولتهولك ده مش حقيقي دي حكايه يونس ابن عمي قالهالي مره بس باختلاف شويه كلام عن انهم صحابه مش قرايبه المهم البلد هي فلسطين الحبيبه والناس اللي دخلوها ضيافه واعتبروا البيت بيتهم هما اللي ربنا ينتقم منهم واخواتي اللي ماتوا واتحرقوا هما اخواتي اللي كل يوم بيموتوا في غزة و رفح وغيره كتييير والبلد اللي كلها عارفه هي العالم كله والحكومه بتاعت الدنيا كلها كلنا شايفين بعنينا اللي بيحصل صوت وصوره ومحدش قادر يتكلم ولا يفتح بوقه وما بليد حيله سوى الدعاء
هند بدموع انا قلبي بيتقطع عليهم ومعاكي فكل ده بس انا عملت اي يقول اني بشجعهم
نور بحزن اهي دي اخر نقطه في حكايه يونس ان الناس كمان بتساعدهم وتشجعهم على ده من غير ماياخدوا بالهم عارفه قالي كده ليه ؟
هند بحزن ليه ؟
نور بتنهيده علشان كنت بذاكر مره جزء كبير من المنهج وهو ومازن اخويا شجعوني اني لو خلصت هيجبولي اللي عايزاه فقولتله عايزه بيبس وشكولاته لاني بحبه جداا راح قالي هجيبلك اللي عايزاه بس لما تسمعي حكايه وفعلا حكالي ساعتها زعلت من نفسي اوي واتقهرت قولت منا كان ممكن ابقي وسطهم او اهلي منهم او اخواتي هل هستحمل اساعد الكلا.ب دول بحاجه ولا هاكلهم بسناني واحنا كل جنيه بندفعه للشركات بتاعتهم بنساعدهم يموتوا ارواح ملهاش ذمب في اي حاجه اطفال وكبار وحوامل واعتداء واحنا قاعدين نتفرج طب طلما مش قادرين نساعدهم نبطل نأذيهم ولا اي
هند بعياط عندك حق يا نور بس انا والله بقول يعني مقاطعتي انا اللي هتفرق ما كله بيجيب
نور بحب بس تسلمي انتي من الذمب وده عيبنا كشعب مصري بنقول يعني هي جات عليا فكله فعلا مش بيتغير ولا يتحرك انما لو كله فكر انه يعدل نفسه صدقيني هيفرق كتير ولو عايزين نقاطع هنقاطع وبدليل جيه ايام الشركات دي خسرت ملايين بس وبعد كده ??? نسيوا لما الاوضاع هديت ورجعوا تاني فهما قاطعوا او لا انتي هتتسألي لوحدك ياهند كده كده اللي ربنا عايزه هيكون وكل اللي بيحصل لاخواتنا ده مكتوب بس مش بنساعد يبقى منضرش
هند بعياط حاضر والله وعد خلاص هقاطع
الراجل جيه واكمل الحاجه يا فندم
هند وهي بتمسح دموعها لا شكرا انا عايزه عصير رجع البيبس
الراجل باستغراب تمام على راحتك
ومشي
نور بحب فخوره بيكي اوي بجد
هند بحب ده الفضل ليكي
نور بحب حبيبتي كلنا عندنا غلطات بس نشجع بعض احنا مش هنموت من غير الكلام ده
هند بحب عندك حق بجد وكده ضميري يبقى مرتاح مليش دعوه بحد
————————————–
عند ياسمين في كافيه قريب من كليتها قاعده هي وجودي جارتها وصاحبتها ومعاها في حقوق وامنيه صاحبتها التانيه في كليه طب اسنان
امنية بحب وهي بتبتسم اكملت بجد يا ياسمين انتي متعرفيش قد اي بطلبه من ربنا في الصلاه وبحبه ازاي انا لما بشوفه بحس اني اتولدت من جديد بحب كل حاجه فيه حتى ملامحه
ياسمين بضحك شوف البت طب اتكسفي ياللي تنشكي شويه اعملي حساب انه ابن عمي
جودي بضحك اللي يشوف شكلها وهي كيوت كده ووشها ميعديش 17 سنه ميشوفش كلامها وجرائتها واقعه واقعه يعني
امنيه بضحك لالا مش واقعه قولي مدلوقه واقعه ايه بس
ياسمين ضحكت بشده واكملت يخربيتك بيعتي كرامتك علشان الحب ده ساحرلك اصل مش طبيعي كده
امنيه بضحك يا شيخه اتنيلي يعني هو يعرف حاجه ده انا معاه عسكري عيب عليكم كرامتي محفوظه انا اعشقه وادوب فيه من وراه اه .. انما ابين لا والف لا
ياسمين بضحك اممم تفقعينا احنا بس
امنيه بضحك شوف مين اللي بيتكلم ليه يا ست ياسمين هو انتي مش مدلوقه وبعدين ده انيل لان مازن عارف انما انا قدامه ايه البت التقيله دي
ضحكت جودي واكملت تقيله مين صلي على النبي في قلبك بس انتي بتشوفيه بتنحي
ضحكت ياسمين على كلام جودي واكملت اهو انا منطقتش وحقي جيه وبعدين لو عليا فانا مدلوقه ونص مزونتي حبيبي وادلق براحتشييي انتي لسه بقالك كام شهر بس بتحبيه وتعرفيه فا حلاوه البدايات بقى
امنيه بضحك والله انتوا حيوانات متجادلش معاكم احسن وخصوصا ياسمين علشان ملزقه اووي
جودي بضحك اومال انا اعمل اي مستحمله تلزيقها هي ومازن ليل نهار لان الاتنين جيراني
امنيه بضحك لا انتي يتعملك تمثال
ياسمين بضحك بقى كده يعني هتقلبوا التربيزه عليا وضربتها على دراعها واكملت بضحك طب اتلمي ومتتجوزيش حد مننا يحبيبتي
ابتسمت امنيه بحب وشرود واكملت عليا الطلاق بلتلاته من قبل ما اتجوز انا مش عايزه من عيله الرفاعي دي كلها وما داخل دماغي وعاجبني غير واحد وتنهدت واكملت بحب حسام
-تحت الطلب يا فندم
كان ده رد حسام اللي لسه واصل وسمع اسمه منها هي حبيبته اللي خطفت قلبه بجمالها ورقتها وغمازتها اللي بتوضح جدا لما بتبتسم وتزيد جمالها اكتر واكتر
اتصدمت امنيه بشده وفتحت عنيها جامد لما سمعت صوته وراها ولفت بخجل شديد شافته واقف بهدومه الرسميه المناسبه لوظيفته كضابط شرطه وكان في قمه الوسامه والاناقه فاكملت بتوتر وتقطع شديد : اهلا يا سياده الرا … رائد لسه …. لسه كنت بقول لياسمين اني بيعجبني … قصدي يعني اني بعز … يوووه لالا قصدي يعني اني بيعجبني اجتهادات حد في شغله فلما سالتني مين قولت حسام يعني مش قصدي حاجه ولا ايه يا ياسمين
ياسمين كانت بتضحك بشده على الموقف المحرج اللي اتعرضت ليه امنيه وتوترها من نظرات حسام اللي بتبين انه كشف حبها بلفعل مع انه مسمعش غير اسمه بس وبتحاول تكتم صوت ضحكها واكملت ايوه ايوه صح
حسام بضحك طب انا مبسوط جدا اني عجبتك ….وابتسم بخبث وتابع سوري قصدي يعني ان عجبك اجتهداتي في الشغل مش كده ولا في اي اضافات ؟
اتكسفت امنيه واتمنت الارض تتشق وتبلعها من الموقف وضحكت جودي واكملت لا هو كده يا بااشا ويلا علشان شكلك جاي تروحنا بدل مازن انهارده
رفعه ياسمين حواجبها واكملت وده ليه انشاء الله لعل المانع خير
حسام بضحك لا ابوس ايدك نكد على الراجل لا كل الحكايه معرفش يسيب الشغل انهارده مضغوط شويه ممكن يلا بقى علشان اروحكم والحق اروح الدكتوره
امنيه بخجل لالا مالوش لزوم تتعب نفسك انا هاخد تاكسي
حسام بضحك وغمز بالله عيب على النسر اللي على كتافي ليه شيفاني سوسن علشان اسيبك تروحي لوحدك
ضحكت ياسمين وغمزت واكملت صاحب واجب يا قلب اختك
حسام بضحك وهو بيركب عربيته اكمل عيب عليكي يا بنت عمي الاصول اصول بردو
ياسمين بضحك منا بقولك صاحب واجب ياغالي وركبت جمبه وجودي وامنيه ركبوا ورا وامنيه كانت بتلاحظ نظرات حسام ليها في المرايا بين كل وقت والتاني وكانت مبسوطه جدا ومرسوم علي وشها ابتسامه جميله بتعبر عن فرحتها بنظراته
وبعد شويه وقت وصل حسام للبيت ونزلت ياسمين وجودي لانها جارتهم فاكمل حسام يلا على فوق وكلمي مازن طمنيه
ياسمين بابتسامه حاضر هكلموا وغمزت لامنيه وهي بتضحك ومشيت هي وجودي
بص حسام لامنيه في المرايا واكمل بضحك تعالي قدام طلما ياسمين نزلت هو انا السواق بتاعك .. بس سكت ثواني خاف يكون بيكسفها فاكمل بسرعه: بس لو مش عايزه خلاص مفيهاش احراج
ابتسمت امنيه ونزلت ركبت جمبه وقفلت الباب فابتسم ليها حسام ومشي بلعربيه
امنيه بحب هو انا ينفع اسالك سؤال ???
بصلها حسام بعد كده بص للطريق واكمل بحب اسألي براحتك طبعا
ابتسمت امنيه واكملت هتصدقني لو قولتلك حاسه اني اعرفك من زمان ولما شوفتك وشوفت هيبتك دي مستغربتهاش كاني فعلا شوفتك في خيالي مره او قابلتك من زمان
ضحك حسام واكمل بحب ايه الكلام الحلو ده يا ست امنيه بس لا انا بأكدلك ان ده ممكن يكون احساسك الداخلي او صوره معينه كنتي رسماها في خيالك ولقيتيها انما انا لما شوفتك بسبب ياسمين لما رجعت من سفري كان من 6 شهور
حست امنيه باحراج شديد من كلامه واكملت بتوتر وانا احساسي الداخلي هيقولي اني شوفتك ليه يا سي حسام وهرسملك صوره في خيالي ليه
ابتسم حسام بحب واكمل والله اسالي نفسك انا معرفش الاجابه دي
ارتبكت امنيه بشده واكملت خلاص خلاص انسى موضوع اني حسيت اني شوفتك ده
بصلها حسام وابتسم ابتسامه خفيفه بعدين بص للطريق واكمل بثبات اللي يريحك يا امنيه
حست امنيه انها ضايقته فابتسمت واكملت حسام متزعلش مني ممكن ?? .. انا فعلا مقصدش حاجه ممكن حسيت بكده لاني فعلا برتحلك كشخص في ناس كده تقعد معاها تحس انك تعرفها من زمان
ابتسم حسام بحب واكمل انا مش زعلان علشان حاجه واحده بس
ضحكت امنيه واكملت وتطلع ايه دي بقى
ابتسم حسام واكمل بحب انك اول مره تنطقي اسمي قدامي من غير الرائد وجو الرسميات اللي بيخنقني ده
ووقف بلعربيه لانه وصل بيتها
فابتسمت امنيه بحب واكلمت خلاص هقولك يا حسام علطول تعبتك اوي يا باشا
حسام بضحك باشا !!!! اللي يشوف شكلك ميشوفش كلامك على العموم تعبك راحه يا دكتوره
ضحكت امنيه وهي بتنزل وقفلت الباب وطلعت السلالم بسرعه وهي بتبتسم بفرح والسعاده باينه على وشها
فضل حسام يبصلها لحد ما اختفت من قدامه علشان طلعت وحرك العربيه واكمل بضحك مجنونه والله بس بحبها
————————————-
في شقه منصور الرفاعي كانت العيله كلها متجمعه الرجاله بتتكلم عن الشغل والستات بتتفرج على مسلسل تركي على الشاشه ورن تليفون نرمين فبصتله وبسرعه اتبدلت ملامحها لفرح ولهفه لما لقيت ان سيف اللي بيتصل فردت بسرعه
نرمين بدموع فرح ولهفه سيف اخيرااا يا حبيبي كلمتني كل ده يا سيف منعرفش عنك حاجه واحشتني يا نورعين ماما
سيف بضحك اي كل الحب ده .. حقك عليا ياست الكل والله غصب عني انتي عارفه مش بعرف امسك الفون خالص ادعيلي
نرمين بدموع بدعيلك يا حبيبي بدعيلك وهفضل ادعيلك يا ابني
سيف بحب يسمع منك يا غاليه
معتز بلهفه هاتيه يا نرمين واحشني هاتي اطمن عليه
نرمين بدموع امسك يا حبيبي كلم ابوك
سيف بحب عامل اي يا حبيبي واحشتني
معتز بدموع مش بخير يا ابني مش بخير طول منتا مش في بيتك ووسط اهلك
غمض سيف عنيه بحزن وتنهد واكمل هو انا كل ما اكلمكم تزعلوني كده .. انا والله زي الفل متقلقش عليا ابنك راجل يا حج سيبك مني وطمني عليكم انتوا عاملين ايه كلكم وحسام والبت زينب
معتز بدموع كلنا بخير يا ابني بس دموعنا غصب عننا نفسنا تطل وتفرحنا بشوفتك واحشتنا اوي
غمض سيف عينيه بحزن شديد من صوت والده وصوت عياط امه اللي سامعه وحاول جاهدا ميبينش واكمل بثبات هانت يا حج هانت يا حبيبي ادعولي
معتز بدموع ربنا معاك يا حبيبي وينصرك
مسكت نرمين التليفون وعلت الاسبيكر واكملت بدموع ولهفه هترجع امتى يا سيف ارجوك طمن قلب امك يا ابني
تنهد سيف واكمل هانت باذن الله ياست الكل بس انتي عارفه مبعرفش احدد معاد معين انتي بس متبطليش تدعيلي
نرمين بدموع وحزن بدعيلك يا نورعينيا وهفضل ادعيلك ربنا ينصرك ويقويك ويثبت عزيمتك انت واللي زيك يا ابني
وفي الوقت ده دخل حسام اللي فهم امه ليه بتعيط بلشكل ده علطول فاسرع وخد منها التليفون واكمل بدموع واشتياق سيف واحشني اوي اوي يحبيبي كل دي غيبه
سيف حس بضعف من صوت اخوه فتنهد بعمق شديد واكمل بنفس الثبات وانت اكتر يا حبيبي والله طمني عليك وعلى زوزا عامله ايه
حسام بدموع سيبك مننا كلنا انت ايه الدنيا عندك طمني انت بخير
بص سيف لدراعه المصاب واكمل بضحك يالا اجمد كده ميبقاش قلبك خفيف اخوك رائد في الجيش مش حاجه قليله علشان تخاف عليا كده عيب عليك زي الفل طبعا يا حبيبي نحمد ربنا
حسام بضحك من بين دموعه عارف طبعا انك قد اي حاجه بس انا بخاف عليك اوي بجد يا سيف والله
سيف بابتسامه متخافش يا غالي انا زي الفل الحاجه الوحيده اللي ممكن تخوفني ان يحصلكم انتوا حاجه انا مليش غيركم انتوا نورعيني يا حسام ودنيتي كلها المهم انت بدالي اختك والعيله في عنيك وخلي بالك من نفسك يا حسام
ابتسم حسام واكمل متقلقش يا غالي المهم انت تخلي بالك من نفسك انا بخير والله
سيف بحب حبيبي والله عامله اي صفصف بوسوهالي
صافيه بدموع صفصف مش هتكلمك غير لما ترجع وتحضني وتبوس راسي زي زمان انما شغل سلامات الفون ووجع القلب ده ماليش فيه
سيف بضحك الله كده يا صفصف تقلبي عليا ده انا سيف حبيبك
صافيه بدموع معلشان حبيبي ارجعلي يابني مش كده والله خد هدنه شويه
سيف بابتسامه حقك على راسي يا غاليه والله هانت وهرجع احضنك وابوس راسك و ايدك زي مانتي عايزه بس اهم حاجه رضاكي مبحبش تزعلي مني كده انتي عارفه غلاوتك
صافيه بدموع وحب عمري ما مرضاش عنك يحبيبي راضيه وبدعيلك علطول انا وجدك والله يابني
سيف بحب متحرمنش منك ابدا يارب
منصور بحب انت واحشتنا كلنا والله يا ابني بس سيبك منهم انت بطل شوف وراك اي كلنا فخورين بيك
سيف بضحك حبيبي والله يا حج شايفين الناس اللي بتشجع
نرمين بحزن ماشي يا سيف تشكر علشان خايفه عليك يعني
سيف بضحك ياست الكل انتي في قلبي مقدرش على زعلك عيب عليكي
نرمين بحب وهي بتحاول تمسك دموعها ربنا يقويك ويحميك ينورعيني
سيف بحب يارب يا حبيبتي يلا عايزه حاجه
حسام بحب عايزين سلامتك
سيف حبيبي وسلملي على زوزا لما ترجع قولها سيف سال عليكي ولو عرفت اكلمكم تاني هكلمكم
نرمين وهي بتحاول تمسك نفسها اكملت خلي بالك على نفسك يا سيف وكل كويس يا ضنايا
حسام بحب ماشي يا غالي يوصل ربنا معاك
سيف بحب يارب وقول لماما حاضر والله متقلقش سلام
وقفل الفون وفضلت نرمين بتعيط بوجع زي كل مره بينهي فيها سيف الاتصال
صافيه بحزن ماخلاص يا نرمين كل مره يا حبه عيني تهري في نفسك كده
حضنتها عايده مواسيه ليها واكملت بحزن بس يا حبيبتي اهدي بكره يرجع ويفرح قلبك وهو زي الفل وتفرحي بيه هو وحسام
نرمين بدموع يارب يارب بقى انا مش عارفه ليه بختي مايل في عيالي الاتنين بجد
حسام بضحك الله وانا مالي يا لمبي ابنك اللي عاملنا فيها انور السادات التاني
ضحكوا كلهم على كلامه فاكملت نرمين بحده ده على اساس ان حضرتك ايه هاااا
حسام بضحك لالا متقارنيش انا ظابط شرطه يعني في خدمه الشعب بس في منطقه معينه انما سيف ابنك ده في خدمه مصر كلهااا
ضحكوا كلهم بشده على كلامه فاكمل منصور بضحك عندك حق والله يا واد فعلا يابنتي شغل سيف اصعب ربنا يعينه حربيه مش سهله خالص
نرمين عيطت اكتر واكملت يعني هو حسام اللي مريحني يا بابا ما بيخليني مبعرفش نام لما يخرج مهمه انا واحد من عيالك هيجيب اجلي قريب يا معتز
حسام بضحك وهو بيمسك خدودها اكمل بعد الشر عليكي يا نيروو
نرمين بس اخرس خالص
ضحك معتز واكمل يا نرمين ميبقاش قلبك خفيف كده سيبي العيال تحقق طموحاتها
عايده هي مش قصه طموحات والله يا معتز علي قد ما فعلا الضنا غالي منا حاسه بيها احنا كامهات غيركم بردو وبعدين انا لو واحد من عيالي ظابط هبقي زيها ده كتر الف خيرها مستحمله الاتنين
ايمن بضحك ما خلاص يا عايده اسكتي عايزاها تولع فيهم ولا اي مادخلوا خلاص
نرمين بدموع لا ماهي عندها حق انا اصلا حاسه سيف مش كويس
معتز بتعجب ياحول الله يارب ماهو كلمنا وزي الفل اهو
نرمين بدموع انت تقول كده انما ده ابني وحته مني وبقولك مش كويس لو مثل عليكم ميمثلش عليا هو بس اتعود انه قوي وبيشيل شيلته لوحده وبصت لحسام بدموع واكملت مش ناوي تستقيل وتفرح قلب امك يا حسام
حسام بضحك لا انا اطلع اخد شاور احسن قبل ما تبدأ المرشح بتاع كل يوم ما هو سيف مسافر مش حاسس بحاجه وانا مش هاخد المرشح ده لوحدي وطلع وهو بيضحك
نرمين بحده ماشي يا حيوان ماشي اتريق براحتك منا اللي دلعتكم فعلااا
وفي الوقت ده دخل يونس ونور وزينب وشهد
فاكملت نرمين بحب اهلا اهلا بحبيبت ماما نورتي اهي دي اللي مريحاني تربيتي بنتي حبيبتي انما هما تربيه معتز .. مالها ما اهي في تمريض لا قاتله ولا مقتوله ولا الرعب اللي معيشني فيه الحيوان اللي طلع ده واخوه وحضنتها بحب
زينب بضحك خير يا ماما مالك يا حبيبتي انتي عيانه ??
ضحكوا كلهم فاكلمت نرمين بضيق انا معرفتش اربي حد خالص
عز الدين بضحك على الاقل هي في عيالك ولا قاتله ولا مقتوله كتر خيرها بتشوفهم بس
ضحكوا كلهم فاكملت زينب بضحك والله عندك حق يا عمي دي لوحدها عايزه نوبل تعب اعصاب مش طبيعي بس اتعودت يعني
شهد بضحك عيالك التلاته يا مرات عمي معندهمش قلب
نرمين بضيق ايوه متربوش اساسا ودخلت المطبخ
ضحكوا كلهم فاكملت صافيه بحب ربنا يقويكي يا قلب تيته هي مهنه ملايكه الرحمه اللي زيك يستحقها وقدها وقدود يابنتي
ابتسمت زينب وباست ايديهى واكملت بحب يديمك لينا يا صفصف بجد
صافيه بحب يارب يحبيبتي وحضنتها واكملت واشوفكم كلكم اعلى المراكز يارب
زينب بحب يارب يا صفصف وباست خدها
دخل مازن في الوقت ده وتجاهل وجود ياسمين اللي كانت واقفه قدامه علطول وده خلاها تستغرب حصل اي يزعله منها وان مفروض هي اللي تزعل انه مجاش ياخدها كعادته واكمل بضحك لا انا محدش غيري يقولها يا صفصف انا بقولكم اهو
منصور بضحك شرف جوزها التاني اهو
مازن بضحك الحق عليا جيت اخدك للدكتور يعني
منصور بضحك لا ازاي
زينب بضحك بس يا سكر هي ستك لوحدك ولا ايه
باس مازن جبين صافيه واكمل بضحك انا الاول يا حبيبتي واللي بعديا اللي ليه الحق يونس
يونس بضحك تسلم يا كبير
ضحكت صافيه واكملت هو مازن هيمشيها بلدور خلاص
زينب بغيظ ردي عليه يا تييييته
ضحكت صافيه بشده وحضنتهم واكملت بحب كلكم حته من قلبي وبحبكم زي بعض وباست جبينهم
ابتسم مازن واكمل بحب يخليكي لينا يا صفصف قلبي
زينب بحب هاخد شاور ونزلالكم
وطلعت
منصور بضحك وانت ولا كأن في احترام لجدك اللي قاعد
عز الدين بضحك خلاص يا بابا بقى متعملش نقرك من نقره
مازن بضحك اسمع كلام ابنك يا حج بيتكلم صح
عز الدين بضحك بطبلك اهو علشان تعرف
مازن بضحك انت حبيبي انت والله يا عمي
ياسمين كانت بتبتسم فرحانه بعلاقه باباها ومازن اوي ونفسها يجي اليوم اللي يكون حقها تتكلم معاه بصفته جوزها قدامهم عادي ومسكت الكوبايه تشرب
ضحكت صافيه واكملت سيبه يا منصور ده الغالي ده اول حفيد وابتسمت وتابعت مش ناوي تفرحني بيك يا مازن ده انا عندي ليك حته عروسه هتعجبك والله بس جرب شوفها
وقعت الكوبايه من ايد ياسمين من الصدمه واتكسرت وداست على حته منها من غير قصد فتأوهت بوجع ياسمين بعياط ووجع اااااه
شهد بشقهه يخربيتك حاسبي
يونس بخضه مش تخلي بالك يا ياسمين اقعدي اقعدي وسندها من ناحيه
ومازن برغم ان مضايق منها جري عليها بلهفه وسندها تقعد مع يونس واكمل بقلق كنتي خلي بالك يا ياسمين مش عارفه تمسكي كوبايه عدل حرام عليكي وبيبص يشوف رجليها لقى حته ازاز كبيره نصها جوه رجليها فاتصدم وتابع يخربيتك ايه دي كلها
ياسمين بعياط ووجع ااه مش قادره وجعاني اووي حد يشيلها ومسكت في جاكت يونس بوجع وعيطت
يونس وطي بركبته وحط رجليها على رجليه واكمل بقلق اهدي يحبيبتي بسيطه هشيلهالك متخافيش هتوجعك بس في ساعتها في الشده وخلاص
مازن حس بغيره منه لانه في النهايه يونس مش اخوها بجد علشان يسند رجليها عليه بلشكل ده ويقرب كده منها وهي كمان مسكت فيه
ياسمين بعياط يا يونس مش قادره
يونس بقلق طب اعمل اي خايف اشدها واحده واحده تتعوري جامد وطبطب عليها واكمل اهدي مش مستاهله كل العياط ده
عز الدين بقلق حد يشوف زينب طيب تعرف تعملهالها
شهد بصت علي الجرح واكملت بقلق زينب بتاخد شاور لالا مش لسه هتستنى شوف يا يونس لو تعرف
وكل ده ومازن متابع بصمت تام وغيران جداا فامسك يونس كعب رجل ياسمين بيرفعه كويس على رجله لانه قاعد على ركبته قدامها على الارض
تحت عياط ياسمين من الوجع
فاكمل مازن بعصبيه وغيره يووونس لو سمحت ابعد عنها انت اتجننتتت ازاااي تقربلهااا كدددده
ياسمين بصتله بصدمه من تحوله المفاجئ وشكله الواضح انه غيران ومتعصب اوي وكلهم بصوله بستغراب شديد من رده فعله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
