رواية غموض الحب الفصل الثامن عشر 18 بقلم لولا
رواية غموض الحب البارت الثامن عشر
رواية غموض الحب الجزء الثامن عشر
رواية غموض الحب الحلقة الثامنة عشر
صلاح بصلها بشوق وحب لاول مره يشوف ملامحها وشكلها بعد ما كبرت راحت دموعه غلبته واكمل انتي ياسمين ???
ياسمين بستغراب اه انا هو انت تعرفني ??
صلاح مسح دموعه بسرعه و رايح يتكلم قاطعه عز واكمل ده صاحبي يا ياسمين وبقاله سنين مسافر اخر مره كان هنا في البلد مشافش غير يونس وهو صغير لما كنت باخده معايا على القهوه علشان كده هو ميعرفكيش واول مره يشوفك
يونس بستغراب انا مش فاكر اني شوفته خالص بصراحه
عز الدين بتوتر لا يا ابني شوفته ده حتى انت الوحيد اللي شوفته في اخواتك وبص لصلاح واكمل نورت بيت اخوك يحبيبي الف حمدلله على السلامه
صلاح ابتسم واكمل الله يسلمك يارب تسلم وتابع بكدب : وفعلا انا شوفت يونس بس من عيالك وكان صغير اوي بسم الله مشاء الله كبر
صافيه بحب طب اقعد يا ابني كل لقمه معانا اتفضل نورت وبصت لعز وتابعت قعد صاحبك يا عز
عز الدين بتوتر حاضر حاضر تعالى يا صلاح يلا اقعد جمبي
صلاح بحب وهو باصص لياسمين: لالا انا مش جاي اكل انا جاي اطمن عليك وعلى الاولاد وهمشي
منصور بحب اقعد يا ابني كل لقمتين متكسفنيش علشان يبقى عيش وملح ده انت جاي من سفر بعد غربه سنين تلاقي الاكل هنا وحشك
صلاح قعد واكمل بابتسامه تسلم ياحج ربنا يخليك وبص لياسمين وتابع حقيقي عندك حق الغربه مش بس نستنا طعم الاكل اللي بنحبه .. دي كمان بعدتنا عن الناس اللي بنحبها بس غصب عننا والله
ياسمين بابتسامه وانت كنت مسافر فين يا عمو
صلاح ابتسم اوي ورايح يتكلم قاطعه عز وتابع في امريكا يحبيبتي ماسك اداره شركه كبيره هناك
ياسمين بحب ربنا معاك يارب
صلاح بحب يارب يحبيبتي يسمع منك ربنا
عز بصله بطرف عينه بحده واكمل بهدوء كل يا صلاح علشان نطلع نشرب الشاي فوق ونحكي براحتنا وخبط على رجله وتابع بغضب مكتوم منور يحبيبي
صلاح مكنش همه غضب عز كل اللي همه انه شاف ياسمين فاكمل بابتسامه تمام ماشي ونشرب الشاي من ايد ياسمين
ياسمين ضحكت واكملت تمام عيوني
مازن بصله بحده ووجه نظره لياسمين ونفخ وقام واكمل الحمدلله عايده اقعد يحبيبي كمل هو انت لحقت تاكل
مازن بضيق لا كده كويس اوي وبص لاحمد وتابع اعمل حسابك معاد الدكتور بليل هتصل بيك تنزلي
احمد بتنهيده تمام ماشي
ياسمين استغربت تصرفه وبصت عليه لقيته دخل البلكونه اخر الطرقه
شهد بستغراب هو مازن لحق ياكل ماله
ياسمين بستغراب مش عارفه بردو
منصور قومي يا بنتي شوفيه ليكون اضايق من حاجه انتي عارفه بيحب يحكي معاكي
ياسمين ابتسمت بحب واكملت حاضر يا جدو كنت فعلا هقوم اشوفه والله
احمد بحب اصيله وبنت اصله حقيقي اكتر واحده في بنات الرفاعي عاقله وبتعرف تصلح اي مشكله وتاخد الموضوع بهدوء
ياسمين بضحك مش محاميه بقى لازم يا ابني
شهد بضحك لا والله واضح العقل وبلنسبه لانها بتعيط من اقل حاجه وبتخرب الدنيا ايه ??
احمد بضحك ده علشان كيوت مش زيكم
شهد بضحك لا والله ماشي يا عم احمد تشكر
نور بضحك زغدته بايديها واكملت اتلم واسكت علشان مزعلكش
احمد بضحك ااه حااضر حاضر خلاص ياباشا
نرمين بحب مالك يا زينب في ايه يحبيبتي
زينب بتنهيده حزينه مفيش يا ماما كويسه
معتز كويسه ايه يا بنتي ده انتي مكالتيش لقمه
زينب بتعب معلش حاسه نفسي مليش نفس يا بابا وبطني واجعاني شويه
وبصت لسيف وحسام لقيتهم بياكلوا في صمت ومش مدين الكلام اي اهتمام فتنهدت بحزن
شهد انتي صح جبتي الفستان امبارح ??
زينب بتنهيده اه فوق
ياسمين بحب طب استنوا اشوف مازن ونطلع نشوفه سوا
زينب هزت راسها ب تمام في صمت
وياسمين دخلت لمازن
عايده بس ليه يا ابويا بتدخل ياسمين تشوف مازن اشمعنا ياسمين يعني
منصور عادي يا عايده في ايه ما ولاد عم وقريبين لبعض فا لو مضايق هيحكيلها
عايده بتنهيده لا يا ابويا مش ولاد عم وبلاش تقربهم من بعض اخاف حد منهم يتشد للتاني مش ناقصين
صافيه بفرح طب ده يا الف نهار ابيض لما نفرح بياسمين مع مازن انتي بتقولي ايه بس يا عايده
ايمن بستغراب وهو فيها ايه صح لو مازن ولا غيره اتجوزوا ياسمين يا عايده
احمد ياسمين مش في دماغ مازن ولا مازن بيفكر في كده بس مالها صح دي ست البنات والف مين يتمناها
يونس بحده وانتي مين اصلااا قالك ان احنا يعني االلي هنوافق نجوزها لناس مش عايزاها
عز الدين بحده بس انت يا يونس اسكت وبص لعايده واكمل بحده انتي قصدك ايه بكلامك ده يا عايده مالها بنتي يعني
عايده بحرج مملهاش يا عز بس مش بنتنا .. في النهايه احنا منعرفش اصلها من فصلها هنقول للناس ايه
صلاح اتصدم انهم بيفرقوا بينها وبين عيال عمها كده ومش محسسينها انها منهم وقلبه وجعه من الكلام
فاكمل عز الدين بحده ريحي نفسك يا عايده ياسمين انا مش هجوزها لحد منكم خالص
احمد بحده عمي سيبك من الكلام ده ياسمين الف مين يتمناها وكلنا بنحبها وبنعزها وكلام امي ده مالوش اي معنى ولا حد فينا بيعتمدوا
يونس بحده ده كده كده اصلا وياسمين اختي وبنت العيله دي غصب عن اي حد
ايمن بحده وبعدين انتي شيفاهم عايزين بعض اوي يعني ما تتلكي وتسكتي يا عاايده
عايده بحزن خلاص انا ماليش دعوه سواء عايزين بعض او غيره انا ميخصنيش اعملوا اللي تعملوا وحقك عليا يا عز انا مقصدش انا بتكلم بللي حسيته
عز الدين بضيق خلاص يا عايده محصلش حاجه وياريت الكلام الفاضي ده ميتقالش قدام ياسمين ومازن متخلوش العيال تكره انهم يبقوا صحاب وتحسسوا بنتي بلنقص
صافيه لالا نقص ايه دي ست البنات كلهم انا اللي هشوفه بيتكلم بكلمه عليها بعد كده انا اللي هقفله
في البلكونه
ياسمين حاطه ايديها على كتف مازن وتابعت بحب طب مالك بقى هفضل اتحايل عليك كده … وبعدين كفيااك حرق سجاير يا مازن مش كده وكحت وهوت بايديها الدخان بعيد عنها
مازن بضيق: اهو بخرج فيها خنقتي وخلاص ونفخ الدخان
ياسمين بضيق يا مازن بس خلاص فعلا كفايه دي تالت سجاره تشربها دلوقتي في ايه هو ده اللي هبطلها يا ياسمين
مازن بحده ياستي اعتبري مش هبطل وبقول اي كلام وشدي بلاستر واسكتي شويه بقى يا ياسمين علشان حقيقي مش فايق للخناق
ياسمين بحده يا مازن انا عامله عليك انت ليه بتحسسني اني عدوتك كده
مازن بحده لا انتي اللي بتحسسيني ان السجاير ضرتك
ياسمين اه ضرتي طلما حاجه هتتعبك يبقى محبهاش و100 مره اقولك حاول قلل منها علشان خاطري مش كده يا مازن صحتك بجد
مازن رماها من البلكونه واكمل بحده اهي ياسمين ام السجاره يخش نبطل رغي بقى
ياسمين بحزن والله يحبيبي من خوفي عليك مش قصدي ارخم وتنهدت واكملت مالك بقى
مازن بتنهيده وهو باصص للسما اكمل مفيش حاجه يا ياسمين انا مخنوق ومضغوط ومش طايق نفسي
ياسمين وجهت وشه ليها واكملت بحب عليا انا يا مازن طب بتكدب في الفون وبقول معلش اسيبه لحد مايعوز يحكي انما قدامي مش هتعرف لان اللي لسانك مش بيقولوا عينك بتنطقه وبشوفه منها
مازن بتنهيده حقيقي يحبيبتي مفيش هو علشان مضغوط الفتره دي مابين الكافيه والارض اللي بديرها وغير موضوعنا و
ياسمين بحب كمل سكت ليه ؟؟
مازن بتنهيده لالا بلاش هتقولي مجنون فخليني ساكت احسن
ياسمين بستغراب لا طبعا وانا هقول كده ليه … قول يحبيبي سمعاك
مازن بضيق الراجل اللي برا ده انا مش مرتاحله وحاسه مش مظبوط كده وعمال ياكلك بعنيه ودي حاجه عصبتني جداا بصراحه بس مش عارف هتكلم اقول ايه
ياسمين ضحكت واكملت مازن انت بتهزر صح! !!!! انت تقصد عمو صلاح صاحب بابا ????
مازن بغيره اه هو زفت ده اللي معرفش طلعلنا منين وعمي يعرفه من امتى اصلا
ياسمين بضحك لا بجد بتهزر ده قد ابويا وفيها ايه يعني لما بيتكلم معايا بمحبه وود
مازن بحده محبه وود ايه هو يعرفك منين انتي هتعصبيني
ياسمين وهي بتحاول تهدي الموقف اكملت بحب خلاص طيب اهدى قولي بس ايه يرضيك يحبيبي وانا اعملوا
مازن بغيره متقعديش معاه تجنبيه احسن لان انا مش مطمنله الراجل ده نظرته ليكي مش مريحاني انا حاسه شويه شويه هيقوم يحضنك كأنه كان مشتاقلك وما صدق شافك
ياسمين مستغربه كلامه كله بس مش عايزه تجادل معاه علشان متعصبوش فاكملت بتنهيده حاضر يحبيبي هعمل كده بس مش شايف انك اتسرعت في حكمك على الراجل لان اللي انت بتتكلم فيه ده مش سهل ده اتهام صعب جدا وانا مش فاهمه شوفت ايه منه يخليك تقول كده
مازن مسك ايديها واكمل ياسمين انتي طيبه اوي يحبيبتي ومش هتفهمي حاجه من اللي بقولها وفي نظرك الناس كلها محترمه واصيله وبنت ناس وده مش عيب لانك بتشوفي الناس بنظرتك انتي وبتربيتك اللي نشأتي فيها وده يدل انك فعلا متربيه صح وبنت اصول ونادره ومميزه بس الدنيا مبقيتش زي زمان احنا دلوقتي بقينا في زمن الاخوات بيقتلوا بعض عادي … والناس بتاكل في بعضها …والقرايب بيبقوا اول عدو لما تاخدي خطوه وتنجحي من كتر الغيره والحقد …وبكره حبيبك يبقى عدوك …وصاحبك يصاحب عدوك ….ويجي عليكي يوم تشوفي ناس كانت روحك فيهم وتمشي وترمي وراكي عمرك اللي فات كله لانهم كانوا فيه ولانك شوفتي منهم اذي ووجع مش هتنسيه…. وهتتصدمي وهتتوجعي ولازم تشوفي كل ده وتعدي بيه علشان نظرتك تتغير بس انا متمناش ليكي كل ده ابدااا علشان مقابل التعليم والنضج ده الدرس هيبقى صعب وقاسي اوي يا ياسمين فانا بقولك من خبره كبيره في الحياه الراجل ده وجوده هنا مش مريحني ومش عارف امتى وازاي طلع لابوكي صاحب بقاله اكتر من 22 سنه مشافوش ولا جاله ولا حتى اتكلم عنه قدامكم ولا مره مش الموضوع غريب شويه؟؟؟
ياسمين بحب فهمت كل كلامك وعندك حق والله يحبيبي حاضر هسمع كلامك بس انت قلقان من ايه ده بابا مدخله وسطنا يعني متخافش علياا يا مازن والله مفيش اي حاجه انت بس علشان غيران لان لاحظت انه مستلطفني شويه
مازن اهو شوفتي قولتي ايه ?? مستلطفك انتي بلذات ليه ?? انا مش بقول عمي هيأذيكي مستحيل طبعا بس الموضوع غريب حبتين وانا مش مرتاح للراجل نفسه وعلشان منكبرش الدنيا اكتر من كده ريحيني بس ومتتعامليش مع الراجل ده طول ماهو قاعد هنا هو اه كبير وقد ابوكي بس مبقاش في حاجه تضمن الكام يوم دول خصوصا انا غيرت منه اوي ومن نظرته ليكي
ياسمين ضحكت على غيرته واكملت حاضر يحبيبي
مازن ابتسم بحب واكمل يحضرلك كل خير يارب .. ده ايه الضحكه الجميله دي يا ولاد المفروض ضحكتك دي تتباع في الصيدليه والله
ياسمين ضحكت اكتر وخدودها حمرت واكملت لا والله
مازن ابتسم بحب واكمل اه والله يخرابي عليكي وعلى جمال ضحكتك وخدودك لما بتتكسفي ايه يناس الجمال ده يبختي بيكي والله يابت يا سمسم
ياسمين ابتسمت بحب واكملت ده انا اللي يبختي بيك والله ياقلب سمسم
مازن بحب لا حقيقي يا ياسمين بحمد ربنا على وجودك في حياتي بتعيطي اكتر ما بتاكلي وحساسه اوي اه انما عاقله وبتسمعي الكلام وبتعرفي تحتوي غضبي وتخليني اهدى ودي اكتر حاجه بحبها فيكي
ياسمين بضحك اخص عليك دي بس
مازن بحب لا كلك على بعضك بصفاتك قمر والله العظيم بس دي من اكتر المميزات اللي بحبها فيكي ورفع ايديها باسها بحب
ولقيوا يونس داخل بيتكلم في الفون فياسمين بعدت عنه وساب ايديها بسرعه بتوتر
يونس وهو بيتكلم رفع حاجبه وبصلهم وتابع
– ايوه ايوه يا دكتور عارف والله
-حقك عليا انا هو زي منا فهمتك فهي غصب عنها والله
-خلاص تمام ماشي هبلغها
-تمام باي
وقفل وبصلهم برفعه حاجب واكمل انتوا كنتوا بتعملوا ايه بقى ؟؟
مازن احمم كنا بنعمل ايه يعني ولا حاجه انا مخنوق حبتين فكانت بتطيب بخاطري بس
يونس لا ياجدع وهي بقى الثيرابيست اللي مفيش منها اتنين فعرفت تطيب بخاطرك مش كده
مازن بضحك يونس احترم نفسك هاا
يونس لا ماهو لما تيجي تستعبط استعبط على واحد اهطل برياله انما مش يونس يا مازن
ياسمين بتوتر ملحوظ : لالا انت بتقول ايه هو فعلا كنت بهون عنه هيكون بنعمل ايه يعني يا يونس
يونس اممم طب اركني انتي علي جمب لان توترك ده شككني فيكم اكتر من الاول
مازن فضل يضحك واكمل ياسمين اخرسي خالص ومتتكلميش تاني علشان توترك الزياده ده حقيقي لبسنا في مصيبه ولا اللي كنت بتحرش بيكي
يونس مسكه من قميصه بايد واحده واكمل نعم يا روح امك ?? بتعمل ايه ??
مازن فضل يضحك واكمل بهزر يابرو ايه مبتهزرش يخربيت اهلك في ايه دي زي نور يا يونس متبقاش عبيط
يونس زي نور اه
ياسمين بصتله من ورا يونس برفعه حاجب فاكمل مازن بضحك اه طبعا زي نور انتوا عايزين تدبسوني ولا ايه
يونس لا يحبيبي احنا مبندبس حد دي ياسمين الرفاعي يعني ست البنات واللي يجي يتقدملها نقعد نحط رجل على رجل ونتشرط كمان
ياسمين بحب وفرح والله بموت فيك
يونس حضنها واكمل بحب وانا اكتر ورفع ايديها باسها واكمل بس مش معناه هتخلصي مني هاا لان والله العظيم انا مش مرتاحلكم
ياسمين بضحك لالا عيب عليك مفيش حاجه
مازن كان غيران عليها بس حاول ميبينش وتابع بضحك طب اتنيل بس وروح شوف وراك ايه
يونس لا منا رايح متقلقش مش فاضيلكم .. المهم مالك انت معاك ايه
مازن بص لياسمين بصه ليها مغزى فهي فهمت يقصد ايه واتعدلت من حضن يونس بتوتر
واكمل مازن بتنهيده مفيش حاجه يحبيبي ده ضغط شغل بس مش اكتر
يونس طبطب على كتفه وتابع ربنا يقويك يارب يحبيبي شد حيلك علشان نفرح بيك بقى
مازن بحب يارب يغالي .. هنزل انا عايزين حاجه
ياسمين رايح فين مش هتكمل اكلك ??
مازن لا والله خلاص شبعت كده هنزل اشوف هبدا يومي ازاي لسه هروح كام مشوار واتصلت بقاسم يجي معايا وعمال يرن اهو
ياسمين بحب طيب خلي بالك من نفسك
مازن بص ليونس بتوتر وبصلها واكمل بحب من عيني يا بنت عمي حاضر يلا باي يا برو عايز حاجه
يونس سلامتك
وبص عليه لحد ماخرج وبعدين وجه نظره لياسمين
ياسمين اتوترت من نظرته واكملت طب همشي انا بقى عايز حاجه ورايحه تخرج اكمل يونس بحده ياسمين
ياسمين وقفت وهي مدياه ضهرها واكملت بتوتر نعم
يونس تعالي هنا
ياسمين راحت وقفت قدامه واكملت بتوتر ايه يحبيبي في حاجه ??
يونس بتنهيده عميقه ايه اللي بينك وبين مازن ???
ياسمين بصدمه بيني وبين مازن لالالا انت فهمت غلط خالص مفيش اي حاجه يحبيبي ده ابن عمي وخايفه عليه عادي محبه اخويه مش اكتر ولا انت شايف ده مش من حقي علشان انا غريبه عنكم و
يونس بمقاطعه متقلبيش التربيزه يا ياسمين انتي عارفه اني مقصدش كده ومستحيل افكر كده لاني بعتبرك اختي وهفضل شايفك كده ليوم ما اموت ..انا يونس هااا ومش اي كلام هتقوليه هيدخل علياا وانتي بلذات مبتعرفيش تكدبي فقولي اللي فيها علطول
ياسمين بتوتر مش بقلب التربيزه وحقيقي مفيش حاجه وعموما مش هقف اتكلم معاه تاني يا يونس خلاص طلما بتفهم غلط
يونس بتنهيده بص للسما وافتكر كلام عايده وانها بتقلل من انهم يناسبوهم وياخدو اخته لابنها والكلام اللي هتتعرضله لو اتجوزت مازن او حبته فاكمل وهو بيبصلها وحاطط وشها بين ايديه : حبيبتي انا اخوكي الكبير وبحبك وخايف عليكي وحبك لمازن او قربك منه مش لمصلحتك
ياسمين اتصدمت ورايحه تتكلم قاطعها يونس وهو بيكمل: انا مش صغير يا ياسمين وبفهم في الحب كويس وعارف نظرتك ليه فيها ايه فمتحاوليش تنفي او تاكدي حاجه انا مش هجبرك تتكلمي بس اسمعي كلامي كويس وافهميه انا اكتر واحد هيحب يشوفك مبسوطه في بيت جوزك ولو مازن هو الشخص ده انا مش هتاخر اني احارب معاكي ان علاقتكم تكمل بس انا شايفها من بعيد اوي انها هتتعبك وصعبه فمن بدايتها بعرفك لان الواحد المفروض يحسبها قبل مايسيب قلبه يحب ان لو حس 1% ان العلاقه دي هتفشل مياخدش فيها خطوه لان الخطوه سهل جدا انك تخطيها وحلاوه البدايه والخيالات الوردي اللي بتجيلك هتخليكي توافقي تخطيها بس بعد ما تخطيها الرجوع مش سهل ابداا وممكن تعيشي عمرك كله واقفه عندها اه العالم بيتقدم ويمشي وهتعيشي بس هتفضلي واقفه عند وجعها ومش هتعرفي ترجعي وهتفضل نقطه سواد ملازماكي بقيت حياتك وهتخوفك من كل العلاقات بعد كده ….. ومش منتظر منك اجابه او اي كلام دلوقتي …. حاليا انتي بتحضري البرزنتيشن اللي هتقدميه للدكاتره بعد كام يوم فركزي على كده وبس الفتره دي
ياسمين الدموع اتجمعت في عنيها واكملت حاضر يا يونس
يونس بحب ولما تعوزي تتكلمي حضني مفتوحلك في اي وقت ياقلب يونس وباس جبينها
ياسمين بحب حاضر يحبيبي وتنهدت وتابعت طب وبلنسبه ليك انت يا يونس ???
يونس بستغراب ايه مالي انا ??
ياسمين بحزن مش ناوي تفتحلي قلبك وتقولي مالك
يونس ابتسم واكمل انا زي الفل متقلقيش عليا يحبيبتي
ياسمين بتنهيده انت اتعودت تكون كده انما مش دي الحقيقه
يونس بحب لا يحبيبتي انا فعلا كويس لما احس عكس كده هقولك علطول وبص في ساعته وتابع المهم صح روحي ناديلي نور عايزها ضروري علشان نازل
ياسمين ماشي يا يونس اهرب اهرب بس مسيرك هتقع تحت ايدي
يونس بضحك يلا بس اخلصي
ياسمين بحب حاضر هنديهالك
وطلعت ويونس بص للسما وغمض عينه وخد نفس بعمق واكمل طبطب على قلبي يارب محدش غيرك حاسس بوجعي وفاهمني
نور دخلت واكملت ياسمين قالتلي انك عايزني يا ابيه
يونس لفلها واكمل بتنهيده دكتور رأفت لسه قافل معايا
نور بستغراب دكتور رأفت ده ليه ???
يونس هز راسه بلايجاب واكمل ااه ليه صح ??? تفتكري ليه ???
نور بستغراب منا بسالك لاني مش عارفه فعلا
يونس بحده مش يمكن علشان حضرتك مهمله ومروحتيش انهارده سلمتي البحث بتاعك ????
نور اتخضت من صوته واكملت بتوتر ايه هو انهارده التسليم ??? هو كان قايل يوم الجمعه هيجي يقف قدام الجامعه يلم الابحاث ونمشي لان هيبقي مفيش كليه و
يونس بمقاطعه وبحده ليه هو انهااارده ايه ???? ماهو انهارده الجمعه انتي عايزه تعصبيني عليكي وخلاص ????
نور عيطت واكملت بتذكر: ااه صح امبارح كان كتب الكتاب الخميس حقك عليا يا ابيه والله نسيت واتهديت امبارح مقدرتش اصحى اروح اسلمه بدري خالص والله
يونس غمض عينيه بعصبيه واكمل يابنتي انتي لو كنتي افتكرتي اصلا واتنيلتي قولتيلي كنت نزلت قابلت الدكتور وسلمته مكااانك انما انتي بتستعبطي وكليتك مش سهله نهاائي والناس بتاخد فيها السنه في سنتين
نور بدموع وحرج انا اسفه يا ابيه بجد حقيقي مش هتقرر تاني
يونس بحده اسفه ايه وزفت ايه انتي خليتي شكلي قدام الراجل زي الزفت عمال اقوله حقك عليا كتب كتابها كان امبارح ونسيت وتعبت وحاجات اصلااا مفروض متحصلش انتي كلك علي بعضك 19 سنه ولسه اول سنه جامعه اهلك غلطوا لما وافقوا تكتبي الفتره دي على الاقل كان في نهايه الترم الاول انتي مش قد مسئوليه ودراسه اصلااا
نور بصت للارض بحرج واكملت بوعدك هركز في دراستي ومش هتقرر تاني يا ابيه وده كتب كتاب بس متخافش مش هنعمل الفرح دلوقتي خالص لما اتعود على دراستي واعرف اشيل مسئوليه هاخد الخطوه دي انا بعترف اني مهمله وغير مسئوله
يونس غمض عينيه بغضب واكمل بهدوء نور انا قولت اللي عندي وخلاص مستني منك اشوف فعل وتغيير جذري للي بيحصل ده واتعصب واكمل لان انا لو جاتلي شكوه منك تاني يا نور قسما بالله هقولهم هما المره دي انا لا رضيت اقول لمازن اللي طفح الدم علشان تعليمك ولا لأبوكي ولا للبيه جوزك اللي مفروض كان قدر انك لسه في الترم الاول وفتره ابحاث ومشاريع وقرف
نور بدموع قاسم ميعرفش حاجه ولو عرف هيبهدلني وهيقولي كنتي قوليلي اجل كتب الكتاب ارجوك يا ابيه متقولش حاجه لحد وانا وعد مني مش هتقرر
يونس بصلها بحزن وتنهد بعمق واكمل يعني هو انتي اللي كنتي تعرفي اوي وافتكرتي علشان قاسم يعرف ؟؟!!! .. منا عارف انه اكيد ميعرفش والا كان اجل فعلا كتب الكتاب على العموم خلاص كتبنا وخلصنا ركزي بقى في دراستك اظن اتجوزتيه وعملتي اللي انتي عايزاه مفيش حاجه تعطلك تاني ولا ايه
نور بدموع اممم اكيد بس انا مش متعوده على الوضع ده والمواد صعبه اووي الصراحه وحاسه بضغط فظيع بجد …ثانوي كانت ضغط نفسي اكبر وتوتر اه بس كمذاكره احسن واسهل بكتير انا حاسه اني كبرت فاجاه وتعبت من ضغط وروتين الجامعه الفتره اللي فاتت اوي ففرحت ان هفك شويه وهكتب كتابي على حبيبي ونسيت موضوع تسليم البحث ده خالص مع اني مخلصاه والله بس علشان بصراحه مش عارفه اتأقلم خالص يا ابيه الوضع بجد صعب اوي اوي وانا تعبت وخسيت اكتر وملحقتش ارتاح من ثانوي وكلهم بيقولوا عليا رفيعه اوفر وان مش هملى عين قاسم وعيله وانت كمان بتقول اني مش مسئوله ومهمله ودي حقيقه انا بجد مفيش مني فايده انا فاشله اووي فك حاجه وانهارت عياط
يونس صعبت عليه فشدها لحضنه وطبطب عليها واكمل بحنان : بس بس اهدي علشان خاطري خلاص انا اسف مش هفتح بوقي تاني كفايه عياط .. انتي ماصدقتي وخدتيني تلكيكه علشان تعيطي يا بت ولا وايه وضحك
نور ضحكت من بين دموعها واكملت انا بجد فعلا تعبانه اوي ومش عارفه اعمل اي حاجه في حياتي صح ومش عايزه اشيل قاسم همي كل شويه ولا عارفه احكي لحد ويفهمني انا تعبت بجد يا ابيه
يونس بابتسامه انا هنا مش بتقوليلي ابيه من فراغ يعني وانا ياستي هفضل موجود ومستعد اسمعك العمر كله وهفهمك لاني كنت في علوم زيك وهساعدك في الدراسه وبلنسبه لقاسم فاهو شايفك اجمل بنت في الدنيا سيبك من كلام اي حد عنك وعن رفعك لانك حقيقي جميله اوي واللي بيحبك مش هيشوف فيكي عيوب اصلا فمش هتستني حد يحسسك بقيمتك لازم تدركيها وتقدريها انتي الاول لان نظرتك لنفسك هتعكس نظره اللي حواليكي ليكي فخلي في ثقه في نفسك وفي جمالك شويه
نور بحب خلاص ماشي اتفقنا اوعدك اني هعمل كده
يونس بحب شطوره وبلنسبه للدراسه انتي قد اي حاجه بس التعود مطلوب وهتتعودي على كليتك وهتحبيها وهتبقي دكتوره زيي كمان
نور ضحكت واكملت بحب زيك مره واحده وسعت اوي دي
يونس بحب اه زيي انتي قدها والله وهتشوفي المهم مش عايز عياط تاني هاا ومسح دموعها
نور بحب حقيقي بشوفك ابويا واخويا وصاحبي وكل حاجه ليا زي مازن ربنا يديمك ليا يا ابيه بجد
يونس باس جبينها واكمل ويديمك ليا ينورعيني واشوفك انجح واسعد نوري في الدنيا كلها
نور بحب يارب يسمع منك يغالي وفونها رن واكملت بحب ده قاسم هروح اكلمه
يونس بحب روحي يحبيبتي ربنا يسعدك عايز شطاره الفتره اللي جايه هااا مستني اسمع اخبار حلوه من الدكاتره انا عارف انك شاطره وقدها خليني افتخر بيكي
نور بحب من عيوني والله حاضر
وخرجت ويونس خرج فونه يتفرج على صور وهو حزين جداا ووقف بص للسما بحزن واضح وشرود بعدين حط فونه في جيبه ونزل
—————————————-
فوق السطح عند عمر
زينب طلعت ودخلت الاوضه لقيت عمر مش موجود وصوت الحنفيه شغال فهمت انه في الحمام فقعدت على السرير تستناه
ودقايق لقيته فتح الباب فبصتله واكملت بتنهيده نموسيتك كحلي يا ابن عزيز
عمر تنهد بعمق واكمل كنت بغسل وشي انما انا منمتش اصلا يا زينب
زينب بحزن ليه كده يحبيبي حرام عليك صحتك تعبانه لوحدها
عمر قعد جمبها على السرير واكمل عايزاني اتخمد ويجيلي نوم ازاي بعد اللي اتقال يعني مش فاهم
زينب بحزن اسفه يا عمر انت كنت صح و
عمر بعصبيه اسفه ايه وزفت ايه هعمل ايه انا بكلمه اسفه بتاعتك دي ?????
وقلب التربيزه اللي قدامه بعصبيه شديده فا زينب اتخضت وقام وقف واداها ضهره واكمل بعصبيه: قولتلك ونبهتك ابلغ عنه واخلي رؤوف صاحبي يديله علقه محترمه لحد مايتنيل يعترف قولتيلي لا يا عمر انا هخليه يعترف بللي عمله ونسجله احسن لان مفيش معانا دليل واهي فتره خطوبه واجبرتيني اوافق اطاوعك فكل القرف ده وانا مش مقتنع اصلا واخرتها دخلتك عليه بعد بكره انتي مستوعبه انتي هببتي فينااا ايه بدماغك ولا مش مستوعبه ???????
زينب غمضت عينيها بخوف واكملت بعياط من امبارح بهرب من نظرات عينيك ليا اللي كلها لوم وعتاب كانت بتقتلني من الوجع لان كل كلامك حصل بلمللي بس افهمني ياعمر انا مكنتش اعرف ان كل ده هيحصل …حقيقي متخيلتش ابدااا ان توقعك يقلب جد واسر يعمل كده ..ودلوقتي انا ماليش غيرك ومش هعرف احل المشكله دي غير معاك فا جيتلك… انا عارفه اني غلطت لما مسمعتش كلامك من الاول واني كنت غبيه لما صممت على خطتي وحقك تتعصب عليا وتبهدلني ومقدرش افتح بوقي لاني غطلت واستاهل بس اانا مرعوبه ومش عايزه اتجوز اسر ياعمر
عمر لفلها ومسك دراعها جامد قربها منه واكمل بحده وانتي مين قالك هسمحلك تتجوزيه ده لو وصلت لموتي مش هيحصل والكلب ده مش هياخدك مني مهما حصل ولو اطبقت السما على الارض انا اللي سكتني امبارح اننا متفقين ولولا ان سُمعتك تهمني وانتي اخت صاحبي واخويا يعني شرفك من شرفه كنت خدتك دلوقتي حالا ونزلت قولتلهم اني عايزك وميهمنيش اتفاقهم مع اسر وكتبت كتابنا وسافرنا غصب عن الكل ويولع هو في ستين داااهيه بس مينفعش لان الكل عرف ان فرحك على اسر بعد بكره قوليلي اهبب ايه دلوقتي و100 ليه هتتقال لو قولت انا عايزك بداله وصممت… ده مش بعيد الناس تاكل وش اهلك وتقول اني غلطان معاكي علشان كده اتجوزتك بدل جوزك
زينب شهقت واكملت بدموع بس ياعمر انت بتقول ايه مش هتوصل لكده باذن الله وهخلي اسر يعترف ونكمل خطتنا
عمر قعد وحط ايديه السليمه على جبينه وبص للارض وهموم الدنيا بقيت فوق راسه واكمل يعترف ايه بس يا زينب ده بكره حنتك عليه خلاص انا نبهتك بس انتي مصدقتيش ولعبتي بحياتك لعبه بايخه اوي وقهراني انتي متخيله اسر عمل ايه علشان يعمل اللي في دماغه وياخدك مني ??? ده خلى الفرح بعد 3 ايام وقدام اهل البلد هو داخل طالع يتقدم وانتي رافضه ومش عايزاه ومش عايزة تتجوزي خالص اصلا … تقدري تفهميني حتى لو لاغينا الفرح هو مينفعش يتلغي خلاص لان الكل عرف ولو اتلغى هنسمع كلام كتير وكل واحد عنده كلمه هيرميها بس بفكر معاكي في كل الاحتمالات لو لاغيناه ونزلت قولت لاهلك اني عايزك وبحبك وانتي زيي ومش عايزه اسر بعيدا عن ان دي لوحدها مصيبه بنسبالهم وفضيحه لان الكل عرف ان اسر العريس خلاص بس هفترض معاكي ان اهلك رضيوا عادي وفاجاه قبل فرحك بيومين العريس اتغير وانتي بقيتي موافقه تفتكري الناس هتقول ايه غير انك غلطانه معايا علشان كده كنتي رافضه الجواز خالص ولما اتحدد فرحك على غيري اتصرفتي وعرفتيني فانا اتجوزتك بداله خصوصا اننا عشره عُمر من زمان وصاحب اخوكي المقرب يعني لابسينها لابسينها
زينب قعدت قدامه ورفعت وشه ليها واكملت بدموع هيقولوا الحقيقه يا عمر .. الحقيقه اللي مقدرش انكرها ان محدش غيرك دخل قلبي وحبيته كده ..محدش غيرك قدر يخلي قلبي يدق ولا يخاف ويتلهف على حد كده… ده انت لما بترجع مع سيف الشغل ببقي قلبي واكلني عليك معاه وخوفي بيتضاعف علشان انت انا يا عمر .. انا عمري ماغضبت ربنا في حاجه حتى يوم ماحبيتك فضلت احبك عمري كله بيني وبين نفسي وانا معرفش هتحبني ولاالا اصلا بس كنت بدعي كل يوم ربنا يجمعني بيك عايزني بعد ماوصلت لهنا اسيبك او متجوزكش علشان الناس وسُمعتي ياخي ابو الناس على ابو سُمعتي اللي هتبعدني عنك منه لله اسر على اليوم اللي شوفته فيه ده انا مفيش حاجه خلتني ادخل اللعبه دي غير حبي ليك يا عمر ازاي دي النهايه بجد! !!! وفضلت تعيط بانهيار
عمر بخوف بس بس زينب حبيبتي متعيطيش وحط ايديه السليمه على خدها واكمل بحب ودموع والله مش هسيبك لحد غيري ارجوكي بلاش تحسسيني بعجزي لان كل ده من البدايه بسبب خوفك عليا
زينب بدموع وحب لا يحبيبي انت مش عاجز وعارفه كنت تقدر تطلبني من اهلي وتروح تضربه وتبلغ عنه زي ماقولت وتجيب حقك ونخلص من كل ده …انت بس سمعت كلامي لما قولت نمشي قانوني ونجيب دليل الاول من غير مشاكل احسن
عمر بتنهيده حزينه ياريتني ماسمعت كلامك يا زينب ياريتني مشيت بدماغي قولتلك كل ده هيحصل
فلاااااش باااااك
اليوم اللي عمر كان قاعد فيه مع سيف بيتكملوا فوق السطح وقاله قدام زينب انه هيخطب بنت خالتو وسيف استغرب قرار عمر وزينب زعلت وسابتهم ونزلت ساعتها في نفس اليوم استنت لما كلهم ناموا وطلعت تاني لعمر وخبطت على الباب
عمر بستغراب مين تاني دلوقتي ده
ورفع صوته نسبيا وتابع مين ??
زينب بحده افتح يا عريس الهي تتفتح دماغك قادر ياكريم
عمر فضل يضحك ان خطته نفعت وراح فتح وتابع بتمثيل جديه: خير عايزه ايه دلوقتي
زينب دخلت وقفلت الباب بعصبيه واكملت انت ايه اللي انت قولته لسيف ده ياعمر هااا ؟؟؟ هو انت خلاص ماصدقت ولا ايييه ؟؟؟
عمر بص على الباب واكمل تؤ تؤ حد يقفل الباب بلشكل ده ؟؟ ولما يتكسر دلوقتي تخلوني انا ادفع تمنه علشان قاعد هنا ؟؟
زينب مسكت قميصه واكملت بحده عمر متعصبنيشش يخربيت برودك يا شيخ طبعا ما انت عليك ايه انا اللي هموت بحسرتي وصلت بيك بتتلكك بتعبك علشان عايز تتجوز واحده تستعبط معاها والاسم قال ايه انك تعبان وعايز ونس لوحدتك وواحده ترعاك واتعصبت اكتر واكملت وهي ماسكه قميصه جامد : هو اي واحده وخلاص ياعمر عادي يعنييي !!!!
عمر بضحك القميص يابت يتكرمش اووعي كده علشان متقلش على سيف يكويلي قمصاني كمان وبعدين مسمهاش استعبط معاها اسمها حلالي ده انتي اللي بتستعبطي شكلك ونسيتي المسمى ده لانها هتبقى مراتي … فمراتي يعني حلالي ساهله اهي
زينب بدموع وغيره : شوف بردو هيقولي مراااتي وحلالي انت بجد مفيش في بروودك وتبقي طيب اوي ياعمر لو فاكرني هسمحلك تتجوز وتدلع والجو المايع ده انت فاهم ده انا اقتلك واقتلها قبل ماتفكر تعملها
عمر بضحك الله طب منا حقي اومال هفضل عازب علطول ولا ايه انا راجل يحبيبتي وليا احتياجاتي اكيد مش هفضل لوحدي طول عمري يعني
زينب بغيره ودموع شهقت واكملت : انت بتقول ايه يا قليل الادب ياللي متربتش !!!!!! والاسم بحبك بحبك وعايز تتجوز غيري عادي وتستعبط ومش مهم مع مين المهم احتياجاتك !!! حقيقي صدمتني فيك يا عمر هو انت منهم كل اللي همك غرزيتك زيك زي اي راجل ؟؟؟!!!!
عمر زينب متستعبطيش انتي عارفه اني مش كده وفضلت شاريكي وعايزك وانتي مهمكيش ورايحه تتجوزي ولا انتي عايزه تتجوزي وانا اجي اغني في فرحك زي وائل جسار اعذريني يوم زفافك مقدرتش افرح زيهم ولا ايه علشان ابان مخلص
زينب فضلت تضحك غصب عنها من بين دموعها واكملت عمر بجد انا مبهزرش
عمر منا عارف يحبيبتي انك مبتهزريش ولا انا كمان بهزر لان زي ما سيف قال الحب مش كل حاجه احنا اه بنحب بعض ومش هنقدر ننكر كده انما النصيب كسب الحب اهو
زينب بدموع والله عملت كده علشان بحبك
عمر وانا قولتلك متعمليش كده ومش عايز تضحيتك وهعرف اجيب حقي ومش هشوفك اصلا ضحيه لو وافقتي يبقي ايه ؟؟؟
زينب سكتت فاكمل عمر وصوته مليان وجع: كنتي عادي بنسبالك يا زينب علشان خايفه عليا تقدري تسمحي لراجل غيري يقرب منك وبكره وبعده تخلفي منه وتعيشي ويبقى ليكي حياتك الاسريه معاه ؟؟؟ ومش هينفع ساعتها تفكري فيا حتى لو بينك وبين نفسك لانك هتبقي خاينه في نظر نفسك وكنت هحرم عليكي علطول كان عادي كل ده بنسبالك ؟؟
زينب غمضت عينيها بوجع وعيطت فاكمل عمر بحده ما تنطقي كنتي هتقدددري تعملي كده ؟؟؟
زينب فتحت عنيها وهي مليانه دموع وبصتله واكملت بدموع ووجع : اقدر اعمل كده ازاي يا عمر وانا والله كل ما افكر بس نفسيتي تتعب واكره نفسي لا ياعمر مش هقدر اكون لراجل غيرك ولا اشوف عيالي من راجل غيرك مش هقدر بجد ومجرد التخيل ان اللي انت قولته ده حياتي الجايه قلبي بيتعبني وبتقهر ده اانا عشت عمري كله مستنياك ويوم ماتبقى معايا وخلاص قربنا نبقى سوا اهدم حلمي بايدي! !!!! انت ليه فاكر ان انا عاجبني كده وعاوزه استغنى عنك ده انا استغنيت عن كل حاجة في حياتي عشانك لالالا مش هقدر يارب ومش قد التجربه بجد بعترف وبعلن استسلامي
عمر بوجع ودموع كل ده علشان بس تخيلنا سوا اللي هيحصل مش انه حصل بقيتي بلمنظر ده .. رايحه تعملي ايه في نفسك يا بنت الناس وبتفكري تاخدي ازاي خطوه زي دي و تقولي لجدك موافقه وانتي عارفه ان ده اللي هيحصل بعده
زينب بعياط عارفه بس مش مستوعبه او مش قادره اصدق اللي هو لالا هيحصل حاجه او اعتبره تهور مني انما لالالا انا مش عايزة اسر يا عمر انا عايزاك انت وبحبك انت ومش هشوف راجل غيرك طول حياتي
عمر مسح دموعها ومسك ايديها باسها واكمل بحب وانا والله بموت فيكي ومش هحب ولا اشوف غيرك طول حياتي وبص لملامحها وتوترها وتابع اهدي طيب وكفياكي عياط هنشوفلها حل ومتقوليش لجدك اي حاجه خلاص واسر ده سيبك منه انا هتصرف
زينب بحزن وهتعمل ايه يا عمر
عمر هبلغ عنه لرؤوف صاحبي في الداخليه واخليه يقبض عليه ويديله علقه لحد مايعترف انه هو اللي فك الفرامل والقانون يتصرف بقى
زينب انت بتقول ايه لا طبعا هيخرج منها زي الشعره من العجينه لانه مش هيفتح بوقه ويعترف اسر مش سهل وتقيل مينفعش اصلا تبلغ عنه من غير دليل
عمر برفعه حاجب يعني ايه زفت تقيل مش فاهم اهم مني كمركز هو وكل علاقاااته مثلا ؟؟؟؟
زينب لا طبعا يحبيبي كنفوذ واهميه انت طبعاا اهم بس اقصد ان القانون يعني ادله مينفعش توجهله اتهام زي ده من غير دليل لانه بردو حد ليه اسمه وسمعته
عمر حبيبتي اي مواطن حقه يبلغ ويتهم ويقول شكوكه انما تطلع صح او غلط دي شغلانه الشرطه مش بتاعتي هو رؤوف يحقق معاه بقى ويجيب اراره
زينب لالا ياعمر والله مش هيوصل معاه لحاجه هيجيب محامي يطلعه ونقدر نسال ياسمين في النقطه دي اي محامي هيدخل يترافع هيقولك مفيش عليه دليل وهيخليه مصمم انه يقول معملهاش وهيخرج مش هيطول ولما يخرج ساعتها هيعاديك اكتر وهيتفتح بينكم بحور مشاكل اكبر مش هتخلص
عمر مفيش الكلام ده هخليه يعترف بطريقتي انتي متعرفنيش لما بحط حد في دماغي …انا بردو بعرف اهدد وامسك ذله واخرب الدنيا فوق راس اللي خلفوه انا ظابط يا زينب يعني مش سهل ولو عايز البسه بلوه تانيه معملهاش اصلا هلبسه وليا علاقات كتيير تساعدني في كده
زينب ارجوك يحبيبي انا مش عايزه كل المشاكل دي اانا عايزه الموضوع يخلص بهدوء وعندي فكره ممكن تسمعني
عمر بتنهيده قولي يا زينب
زينب قعدت وقعدته قدامها واكملت بص يحبيبي انا بفكر ان عادي اقول لجدو انا موافقه
عمر رايح يتكلم قاطعته زينب واكملت اسمعني للاخر بعدين احكم .. وهقول لاسر يجي يطلبني منهم واني عايزة اتجوزه وفعلا جدو وكلهم هيوافقوا لان محدش يعرف انه زباله كده وهنحدد خطوبه وحقك على راسي تسمحلي بس اتخطبله وهما كام يوم والله هوقعه بلكلام وانت تكون واخد اذن نيابه ونخلص خالص
عمر بحده خلصتي اللي عندك ؟؟
زينب بتوتر اه وابوس ايدك اركن غيرتك دي على جمب دلوقتي ووافق
عمر بحده لا والف لا مش هوافق ولا الكلام ده داخل دماغي وليه قدام اهل البلد تتخطبي واسمك يتحط جمب الزباله ده انتي عبيطه في دماغك وبعدين مين قالك انه هيقع بلكلام اصلاا اسر مش عبيط وهيشك انك وافقتي تتجوزيه علشان توقعيه لان الطبيعي انك مش طيقاه
زينب حبيبي دي هتبقى فتره صغيره كام يوم بلظبط اخد منه ااكلام وهسيبه ومش هيشك في كده لانه عارف اني موافقه عليه خوف انه يأذيك واذا كان على كلام الناس يولع المهم عندي احبس الحيوان ده وهيتكلم عادي ياعمر وهيقع ماهو كل شويه بيقولي كده فهيتكلم
عمر لااا يا قلب عمر ده بيهددك ولما عملها بيعملها من خط مش باسمه اساسا اسر مش سهل انتي اللي تفكيرك غلط وهيودينا في ستين داهيه ده لو مكنش اذكي منك 100 مره وشك فعلا انك وافقتي تتجوزيه علشان تهاوديه وتوقعيه في الكلام يروح يقول ان عايز يكتب ويدخل علطول وقدام الكل مانتي موافقه وانا موافق وشاريين بعض ومتخرجه وراكي ايه بقى
زينب بصدمه لا طبعااا كتب كتاب ودخله ايه انا بقول خطوبه !!!!
عمر بحده وانا بقولك اسر مش هيوافق بخطوبه اسر ماهيصدق انك توافقي قدام العيله وهيقول كتب كتاب ودخله مع بعض
زينب حست جسمها قشعر وخافت واكملت بدموع لالا يا عمر انا مش عايزة كده لا
عمر بحنان اهدي يحبيبتي ومسك ايديها يفرك فيها علشان سقعت وتابع زينب اهدي متوتريش نفسك وتخافي محدش هيقدر ياخدك مني خلاص الامر منتهي انا كنت سايبك شويه علشان تعرفي غلطك انما انا كنت عارف اني لما احرق دمك ببنت خالتي هتطلعي وتتكلمي وتعقلي ونحلها سوا … لان احنا منقدرش نعيش من غير بعض يازينب فاسمعي كلامي يحبيبتي وسبيني ابلغ عنه ونمشي قانوني من غير ما اضطر لكل اللي بتقوليه ده
زينب اتوترت واكملت لالا بلاش تبلغ بص سبني اجرب ولو قال فرح علطول انا هرفض وهلاقيهم معايا يوافقوا على كلامي لان مينفعش صح الفرح يجي بسرعه
عمر يا زينب والله ماحد هيرفض انتي بنفسك قولتي اهلك ميعرفوش انه زباله فعادي
زينب بدموع بس مش لدرجه فرح يا عمر لا طبعا ده هو نفسه فاهم اني اكيد هطلب خطوبه
عمر بتنهيده الخطوبه كانت في الاول لو وافقتي من اول مره انما لانه بيهددك وعرف وادرك كويس اوي بتحبيني قد ايه لدرجه وافقتي تتجوزيه مقابل تحمي حيااتي فاواحد عامل كل ده ومجرم كده مش هيأمنلك بسهوله ان لسه تقعدوا شويه مخطوبين فهيطلب تتجوزوا علطول
زينب لالا اسمع انت كلامي عمرها ماحصلت في عيلتنا دي لازم خطوبه شويه وانا لازم هوقعه في فتره الخطوبه
عمر بتنهيده وافرض موقعش
زينب ساعتها هسيبه وهقولك بلغ واللي يحصل يحصل انما انا مش لحد غيرك
عمر غمض عينيه بحزن واكمل خلاص اللي يريحك يا زينب
زينب بدموع عمر انا اسفه مقصدش اوجعك باني هتخطبله بس
عمر بدموع ومقاطعه: لالا عادي مفيش حاجه انا فاهم والله وحط ايديه على جبينه بحزن
زينب رفعت وشه ليها واكملت بحب ودموع اسر هياخد ايدي يحط فيها دبله مؤقتا انما انت واخد قلبي وكياني متحطش نفسك في مقارنه معاه يحبيبي ولا تفكر تغير منه اصلا لان مفيش مقارنه
عمر بوجع انا غيران عليكي مش غيران منه في فرق كبير بينهم انا حاسس اني عاجز وهشوفك معاه ومش هقدر افتح بوقي انا بموت يا زينب طول عمري مباخدش حاجه عايزها بسهوله ساعه الحربيه تعبت واطمرمطت وبعدت عنك وعن امي علشان اوصل للي انا فيه دلوقتي ولما قولت خلاص وصلت وهرتاح اتحطيت تحت ضغط ومسئوليه اكبر في شغلي وكنت بفرح لما انزل الاجازه علشان هرمي نفسي في حضن امي واشكيلها كلعاده بس حتى هي مشيت وبقيت لوحدي وشكيتلها انك هيتقدملك عريس وانا مقهور وهي ميته ولما ابتديت افوق واحس انك بتحبيني والدنيا بتراضيني شويه حتى انتي الدنيا استكرت عليا افرح بيكي وبعدتك عني والله لو مكنتيش بتحبيني كان اهون عليا من احساس العجز اللي انا فيه دلوقتي هقول طلعت مش بتحبك يا عمر انما اننا قلوبنا مع بعض ومش عارفين نتجمع بسبب عيل زباله لا راح ولا جيه دي قهراني اوي خصوصا كل اللي عملوا علشان يفرق بينا بلطريقه دي وطمعه فيكي بلعافيه بلاسلوب ده اما خلاص بجد جبت اخري ونفسي اولع فيه … انا حقيقي تعبت اوي يا زينب تعبت ونفسي ارتاح
زينب بدموع حقك عليا يانورعين زينب حقك عليا يحبيبي و
الله يرحم مامتك يارب وهانت والله وهنخلص منه وهترتاح يا عمر والله هانت ومتحضرش ساعه الخطوبه وحقك انا مش هقولك اني عايزاك جمبي لانك قوتي انت عارف كده اصلا بس اليوم ده بلذات انا اللي بقولك متجيش لان نظرات وجعك هتضاعف وجعي
عمر سند جبينه على جبينها واكمل انا مش عايزك تتخطبيله اصلا يا زينب مش هستحمل يمسك ايديك حتى لو مشوفتش بعيني صدقيني مش هقدر
زينب حطت ايديها علي خده واكملت بدموع استحمل معايا شويه والله بموت زيك بس هنربيه ونعلمه درس ميتنسيش وبعدين يتمسح من حياتنا وللابد
عمر بوجع احساسي اني السبب فكل اللي احنا فيه ده ملازمني ومش راضي يسبني في حالي
زينب بضحك من بين دموعها ان جيت للحق انا السبب من البدايه مش انت خالص
عمر بستغراب ازاي مش فاهم مش هو علشان الحيوان ده السبب في الحادثه بتاعتي. ؟؟
زينب بابتسامه اممم بس آسر عرف منين يا اذكى اخواتك اني بحبك انت
عمر اااه صح عرف منين اذا كنت انا مكنتش اعرف
زينب بحب علشان كنت واخده صوره للجمر بتاعي من الانستجرام وطبعاها وحطاها في جراب فوني السامسونج فا سيف جابلي فون جديد ايفون قريب لان فوني باظ فطبعا بديهي جداا غيرت الجراب وحطيت الصوره فيه بس الجراب الجديد واسع شويه وكل شويه يتفتح حته فوقعت مني ساعه لما جيه يتقدم وشافها الحيوان وعرف ان بحبك انت خصوصا كنت عامله اضراب على الجواز فكلهم شكوا اصلا ان في حد مستنياه
وضحكت من نظرات عمر
عمر بضحك طب انا اديكي علقه محترمه دلوقتي علشان ضيعتينا بلدلع بتاعك ده ولا اقولك بموت فيكي علشان محتفظه بصورتي منا مش فاهم بصراحه احتارت اعمل ايه لا وسيف جاي يجبلك فون الفتره دي حبكت يعني
زينب بضحك المشكله مش في سيف ده الفقر صح ان فوني انا حبكت يبوظ الفتره دي ويجبرني اغيره هو والجراب وبعدين بدل ماتفرح تقولي كده ماشي ياعمر
عمر بضحك يحبيبتي فرحت اوي والله ونسيت همنا وقاعد بضحك اهو وانتي رومانسيه وقمر وكل حاجه بس بسبب صوره متجيش عشره سنتي حياتنا بتدمر انتي مستوعبه
زينب بضحك لا بعد الشر متقولش كده وريني جراب فونك بقى اشوف حاططلي انهي صوره
عمر بضحك لا يحبيبتي مفيش الكلام ده مش حاطط حاجه
زينب برفعه حاجب نعم ?? وانا اللي قاعده كل يوم اتخيل يتارا اختارت انهي صوره لياا! !!!!
عمر بضحك كلهم زي القمر طبعا بس انا متحاصر حضرتك يعني لو في صوره ليكي في جرابي ولسوء حظي سيف شافها في مره قسما بالله ماهرجع من سينا ده هيدفني هناك حي وهيقولكم استشهد
زينب فضلت تضحك بشده لدرجه عينيها دمعت واكملت يخربيتك يا عمر ..مش قا .. قا دره هموت من الضحك هو سيف عنيف اوي كده وفضلت تضحك
عمر بضحك اه والله العظيم مبهزرش فعلا سيف في الشغل بلذات بيتحول
زينب ضحكت واكملت من بين ضحكها بحب بس بردو متقولش على نفسك كده بعد الشر عليك يحبيبي ربنا يحفظكم يارب ووالله هو حنين اوي وبيحبك
عمر بضحك حنين وبيحبني اه معاكي بس برا حدود سينا انما داخل حدود سينا بيتحول قسما بالله اقعدي اقعدي انتي مبتشوفيش حاجه ده انا بقول لحسن ظابط صاحبي في الكتيبه بحب زينب الرفاعي اتخض كده وقالي يخربيت اهلك سايب كل البنات ورايح تحب اخت القائد بتاعك ومرضيش يساعدني المح حتى قدام سيف
زينب بضحك يخراابي عليك ياسيف مربيلهم الرعب وضحكت وتابعت طب انت عارف انه لما رجع وانا نزلت من عندك معيطه وسبنا بعض … يوميها بقى صارحني قالي انتي بتحبي عمر وانا عارف انه بيحبك بس خايف يصارحني
عمر بصدمه اييه بتهزري وبعدين ؟؟؟؟
زينب بحب لالا متخافش قولتله لا مبحبوش بس هو محترم ولو عريس متقدملي فاهو ميترفضش بس مفيش بينا حاجه وصممت على كده بس هو مبلعهاش يعني
عمر بتنهيده سيف عارف كل حاجه بس سايبنا نستعبط ده مفيش حاجه بتعدي منه
زينب بضحك ده حصل هو عارف اني كدابه وانا عارفه انه كشفنا بس شغالين نستعبط على بعض
عمر بحب هقوله قريب باذن الله بس نخلص من الهم ده
زينب بحب يارب يحبيبي يارب بجد
عمر بقلق مع اني قلقان يا زينب وقلبي بيقولي هتقلب ضددنا
زينب مسكت ايديه بتشجيع واكملت احنا قدها ودي فتره صعبه علينا وهتروح وده اختبار كبير لقوه حبنا يا عمر هسنتحمله ونعديه وهنبقى مع بعض ولا هنستسلم
عمر بحب لا طبعا انا مستحيل استسلم ولو اخر يوم في عمري انا دخلت حروب كتير ومتعودتش اخسر
زينب بحب يبقى اتفقنا بعد كتب كتاب نور هقولهم اني موافقه على اسر ونبدأ خطتنا
عمر بتنهيده على الله ربنا يستر وتعدي على خير همشي وراكي مع اني مش مقتنع
زينب بحب متقلقش
باااااااااك
عمر بحده فضلتي تقوليلي متقلقش متقلقش لحد ماخربت على دماغ اللي خلفونا خالص اهو
زينب بدموع انت ليه يا عمر محسسني اني كنت اعرف هيحصل كل ده ووافقت
عمر بعصبيه : منا قااايلك هو انا مقولتش ان ده هيحصل ؟؟!!!!!!!! قوليلي بقى اتنيل اتصرف ازاي دلوقتي اديه فعلا قال زي منا توقعت ومش هقدر افتح بوقي دلوقتي انا لو عندي اخت مرضهااش عليها قبل فرحها بيومين عريسها يتبدل الناس مش هتسيبها في حالها وانتي هنا في الصعيد مش في امريكا محدش هيسيبكم في حالكم قوليلي اهبب ايه متسكتيش وتعصبيني وضرب برجله الكرسي اللي قدامه وقع اتكسر
زينب اتخضت وغمضت عينيها واكملت بعياط انا شكلي غلطت لما جيت افكر معاك ونشوف هنعمل ايه ورايحه تمشي عمر شدها ليه واكمل بتنهيده رايحه فين ؟؟؟ وهتعملي ايه لوحدك في المصيبه دي ؟؟؟ انا صح مكنتش موافق بس بدانا طريق سوا ولازم هنكمله سوا انا مقصدش اتعصب عليكي بس لان فعليااا مبقاش ليها حل غير الدعا ندعي ان حاجه تيجي تغير الواقع ده
زينب بدموع هي صعبت اوي كده؟؟ وانهارت عياط واكملت يعني خلاص مفيهاش مهرب وهتجوز الزفت ده وعيطت
عمر بدموع ووجع زينب انا مش هسيبك تتجوزيه بس فعليا انا موجوع ومصدوم ده خلاص بكره حنتك عليه انا هوقف فرحك وده مفيهوش نقاش بس ازاي لسه والله معرفش معنديش حل فعلا ومينفعش اطلبك دلوقتي وتسيبي اسر لان مشاء الله اهلك قالو للبلد كلها انك هتتجوزيه ولو عملت كده سيرتك هتبقى على كل لسان واسر بردو هيطلع عليكي كلام ماهو هيبقى حقه بقى قبل فرحه بيومين تسيبيه وتختاري غيره فشوفي هو زباله ازاي وهيقول ايه يعني خطتك دي مستفدناش منها اي حاجه غير ان لو اتصرفنا دلوقتي طبيعي وطلبتك وبلغت عنه زي منا قولت سمعتك هتبوظ قولت من الاول بلاش وكنت اتقدملك بكل ادب وادخل البيت من بابه واخطبك واظبط اسر ده لحد مايعترف انما انا دلوقتي وصلت لمرحله ان حتى مش هينفع اتقدملك متخيله بقيت صعبه ازاي ???? فانا مش عارف ايه الحل وفي المده القصيره دي وعقلي من الوجع والصدمه واقف بس كل اللي اعرفه ان مش هسيبك تتجوزيه
زينب بعياط طيب والعمل يا عمر انا بجد مرعوبه ياريتني سمعت كلامك
عمر بتنهيده حزينه خلاص يحبيبتي اهدي مش وقته نندب اللي حصل حصل ومش هيتغير نفكر في حل احسن من الكلام ده انا لومتك لان من امبارح موجوع ومخنوق ومتعصب وماصدقت شوفتك طلعت غلي منك لان كنت حاسس ان ده اللي هيحصل وقولتلك اسر طلع فعلا ذكي وفهم انتي وافقتي عليه ليه حتى كنت عايز اروح بيتي افكر على رواق اعمل ايه واتصرف ازاي بهدوء من كتر منا خايف اتعصب عليكي حد ياخد باله كنت عايز ابعد عنك شويه بس سيف موافقش المهم دلوقتي نفكر هنعمل ايه وبسرعه حتى فكرت اني اقول لسيف ومش هيتأخر يساعدنا لان هو كمان هيدور وراه انا عارف صاحبي بس الدليل هيجي منين فا هي هي لان سيف لو لقى حاجه هيوقف الفرح من نفسه كده كده فمالوش لازمه يعرف هو اصلا بيدور وراه وفكرت بردو افضحه قدام اهلك بس بردو مفيش اي دليل على كلامي هنعمل رغي كتير في البلد وخلاص
زينب قعدت على الارض بهزيمه وضمت رجليها ليها وعيطت واكملت دي كانت غلطتي من البدايه كلمه ياريت مش هترجع اللي فات بس انا كده في مصيبه وانت كل كلامك صح حقيقي ملهاش مخرج ومش هقدر ارجع اقول رافضه تاني ومش عارفه كمان نفترض حتى لو قولت كده ونفع اسر رده فعله هتبقى ايه بجد تعبت يارب ياريتني سمعت كلامك ياعمر
عمر بوجع راح قعد قدامها وباس راسها واكمل ممكن تهدي والله هنلاقيلها حل حتى لو اضطريت اخد انا منه كلمتين واوقعه انه خدك مني والسبب في الحادثه بتاعتي وسجلتله باذن نيابه هعمل اي حاجه والله يا زينب بس مش هسيبك لحد غيري ولو هموت اطمني ده كابوس واختبار صغير زي ماقولتي وهنلخص منه المهم نصلي لكده حقيقي ربنا وحده قادر يجمعنا ويحل كل المشاكل دي انتي طيبه اوي يازينب وانا اللي شبهك مش اسر وربنا مش هيرضاها ليكي انك تكوني نصيبه هو فاهدي كده ومتخافيش وارمي همك على اللي لابيغفل ولا بينام … لن يفرق الله بين اتنين لهم نفس النيه ان القلوب على نواياها تلتقي .. فا والله العظيم احنا لبعض قوي ايمانك بس كده وعليكي وعلى قيام الليل
زينب ابتسمت من بين دموعها واكملت صعبه لدرجه قيام الليل ومش عايزني اخاف يا عمر
عمر ابتسم بحب واكمل هي صعبه بس متصعبش على ربك وهيستجيب ومش هيكسفنا هنصلي الفتره دي كتير ان ربنا يجمعنا على خير في حلاله وهيستجيب وياستي اعتبريها مستحيله مش صعبه وبردو تطمني لانك هتطلبي المستحيل من رب المستحيل فتنامي مطمنه وكلك يقين انه قادر يغير الواقع لان يقينك هيحقق طلبك وفي لحظه تنامي وتصحي تلاقي اللي بتحلمي بيه بين ايديكي والدنيا تتشقلب في لحظه ويراضيكي ويفرحك صدقيني ربنا قادر في ثانيه يغير الحال ونلاقي حل فاحنا غلطنا اننا اتاخرنا في الحل ده من البدايه وقعدنا نفكر واحنا لو حسبناها صح هتلاقيها من اولها لاخرها في ايد ربنا وبس لان مفيش حاجه هتم فوق ارادته ولا ايه
زينب ابتسمت بحب واكملت عندك حق هعمل كده وكلي يقين قادر يجمعنا ويارب يحميك ويزيد ايمانك يحبيبي
عمر بحب يارب يا غاليه انا وانتي
زينب بحب انا مش لاقيه احساس اوصفه معاك غير اني عشت عمري كله خايفه ومعاك بطمن شكرا لوجودك في حياتي يا عمر وبحمد ربنا انك بتحبني زي ما بحبك لان دي حقيقه نعمه احمده عليها
عمر ابتسم بحب واكمل ده والله انا اللي يبختي بيكي ياست البنات وقومها وتابع اغسلي وشك من العياط ده كله يلا مش عايز اشوف دموعك تاني
زينب ابتسمت وقامت دخلت الحمام غسلت وشها كويس وخرجت مسحت وشها بلفوطه واكملت بضحك نو فلتر نو ميكاب بقيت بافته قدامك اهو من قبل الجواااز يخرااابي اوعا تغير رايك هاا
عمر فضل يضحك واكمل لا والله زي القمر بردو اصلا انتي اللي بتحلي الميكاب مش هو اللي بيحليكي
زينب بضحك والله حبيبي ودايما رافع معنوياتي ان شاالله يجبر بخاطرك يارب
عمر بضحك لا والله بتكلم جد وركز عليها وتابع ايه ده زينب تعالي ثانيه كده
زينب بستغراب ايه في ايه
عمر مسك خدها ووجهو ناحيه المرايه وتابع بحده ايه اللي في خدك ده
زينب بصت اتصدمت ان اثر ايد اسر لسه معلمه على خدها والميكاب لما اتمسح ظهرت بوضوح
زينب بتوتر رايحه تتكلم سمعوا صوت حاجه وقعت اتكسرت جامد في السطح فاتخضت واكملت بصدمه ايه ده يا عمر مين جيه ؟؟؟
عمر بستغراب استني خليكي هنا وفتح الباب ملقاش حد وشاف القله اللي جمب باب اوضته وقعت اتكسرت وجمبها ساعه يد رجالي فاكمل بصدمه زينب كان
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
