رواية غموض الحب الفصل الثالث 3 بقلم لولا
رواية غموض الحب الجزء الثالث
رواية غموض الحب البارت الثالث
رواية غموض الحب الحلقة الثالثة
فاكمل مازن بعصبيه وغيره يووونس لو سمحت ابعد عنها انت اتجننتتت ازاااي تقربلهااا كدددده
ياسمين بصتله بصدمه من تحوله المفاجئ وشكله الواضح انه غيران ومتعصب اوي وكلهم بصوله بستغراب شديد من رده فعله
يونس قام وقف واكمل بستغراب: افندم !!!! هو ايه اللي ازاي اقربلها كده دي اختي انت عبيط صح ؟؟؟
مازن بحده لا انت مش اخوهاااا ودي الحقيقه سواء عجبتكم او لا
اتصدمت ياسمين من جوابه وقلبها وجعها جداا ودموعها نزلت واكملت بصوت متقطع مليئ بلدموع: لا يونس اخويا يا مازن و ولا انت ولا غيرك ولا حد هيقدر يغير الكلام ده
منصور بحده انت مش متربي ازاي تقول لبنت عمك كده يا مازن انت اتجننت
حسام نزل واكمل بقلق بس بس صوتكم جايب اخر الدنيا ليه
مازن بعصبيه اصل يونس بيه قاعد ماسكلي رجل ياسمين يخرج الازاز تقربله اي علشان يقرب منها بلشكل ده انا عايز اعرف بس
تنهد حسام واكمل مؤيداً: جدي مازن مغلطش ياسمين اختنا وكل حاجه بس مينفعش يونس يمسك رجلها ولا يقرب منها بلشكل ده الاصول مش هتتجزأ
منصور بحده حلو والله مبقاش الا انتوا اللي تعرفوني انا الاصول
مازن بحده انا قولت اللي عندي ومش هغير الواقع علشان عواطفكم وراح فتح الباب بعصبيه واكمل زييينب انتي يا بنتيييي
زينب من فوق بقلق اي في اي يامازن
مازن بحده انزليلي بسرعه
زينب طب ينفع لما اخد شاور خلاص انا داخله اهو
مازن بحده انزلي شوفي عايزك في اي واطلعي تاااني اخلصي
زينب بقلق حاضر حاضر جايه
نور بصراحه انتوا كبرتوا الموضوع يونس طول عمره متربي وسط شهد وياسمين والاتنين عنده واحد مش مستاهله كل ده
مازن بعصبيه انتي تسكتي خالص ومتدخليش لما الكبار يتكلموا انتي تسكتي فاهمه
يونس بعصبيه ده علي اساس اي انك محترم حد اصلااا
مازن بعصبيه لا انت اللي محترم الصراحه لما تقعد تمسك رجلها قدامنا كلنا
يونس مسكه من تيشرته واكمل بعصبيه مااازن متخبطش في كلاااامك يااااسمين اختتيي وانا نيتي تجاها سلييمه وكل كلامك ده ولا يفرقلييي
ايمن بعصبيه حلو والله لا برااافو امسكوا في بعض كمان في وجودنا ولا اكن في احترااام لاي حددد خااالص
مازن بعصبيه بابا انا بتكلم في الصح هو
ايمن بمقاطعه وعصبيه انت متربتش اساساا ومعملتش احترام لكبير ولا صغير يا حيوان علشان عايز اختك تحترم
عايده بحزن بس يجماعه خلاص مازن راجل ودمه غلي حبتين ميقصدش هو عليها والله لان يونس مش من محارمها
نرمين بتنهيده هو غلط في طريقته انما كمبدا كلامه صح يا ايمن
زينب نزلت واكملت بقلق ها في اي
مازن بص لرجل ياسمين وجاب كرسي صغير واكمل شهد ارفعي رجل ياسمين عليه
شهد حاضر ورفعتها وياسمين بتعيط فاكمل مازن بحده وهو بيجيب علبه الاسعافات من الدرج: حضرتك ممرضه شيلي الازازه دي لبنت عمك
زينب بقلق ايه ده حصل كده ازاي
حسام مش وقته اسئله يا زينب اخلصي
زينب بقلق حاضر حاضر وراحت قعدت قدامها وابتدت تعملها وياسمين عيطت ومسكت في شهد وشهد طبطبت عليها فمازن اداهم ضهره وغمض عنيه بحزن من صوت عياطها
ياسمين بوجع ودموع يا زينب اي كل ده
زينب بحب خلاص يا قلبي اهو وشالتها رمتها في السله وعقمت رجليها واكملت الف سلامه عليكي يا ياسمينا
ياسمين وهي بتقعد كويس وبتنزل رجلها اكملت بدموع الله يسلمك يارب
شهد بحب بس يا قلبي خلاص عارفه كبيره بس اتشالت اهو
زينب بصتلهم بستغراب واكملت في اي بقى مش مستاهله كل الصوت بتاعكم ده
ايمن بحده مفيش يا بنتي مفيش ابن عمك عايز يتربى شويه بس ومسمعش صوتك يا عايده انتي ونرمين خالص ابني ومحدش يدخل
عايده اتكتمت خالص انتوا احرار
ياسمين صعبت عليها نفسها وعيطت اكتر
نور بصتلها بحزن واكملت بعصبيه انت ازاي تسمح لنفسك انك تزعل ياسمين بلشكل ده يا مازن
مازن بعصبيه وهو رايح ناحيتها اكمل انتي ازاي ياحيوانه انتي تعلي صوتك في وجود عمامك وابوكي وجدك هو انتي الصبح وبليل محدش عارف يحكمك خااالص انتي فعلا عايزه تتربي وانا غلطان لما دافعت عنك ورفع ايديه يضربها فغمضت عنيها بخوف لكن يونس مسك ايده واكمل بحده انت اتجننت يا مازن مالك في اييه مهما عملت احنا مبنمدش ايدينا على حريم موضوعك معااايا انا دي عيله 18 سنه هتمد ايديك عليهااا ازاي يعنيي
مازن بحده علشان هي مش محترمه وبتعلي صوتها عليااا وبتبجح يا يونس هي بتستعبط ولا ايه
منصور وقف قدامه واكمل ده على اساس انك انت اللي محترم مش كده؟
مازن بعصبيه اه محترم لانه ميخصهاااش ياسمين غريبه علينااا ويونس ينفع يتجوزهااا كماان اما هو انهارده قدامنا كلنا بيقرب منها بلشكل ده بكره يعمل ايه يعني مالازم تقولوا على الغلط غلط والصح صح ولا انتوا عايزين تطبلوااا وخلاص
شهقت عايده من كلام ابنها ونزلت دموع ياسمين بوجع شديد وضرب منصور مازن بلقلم فاتصدمت كل العيله لانها اول مره منصور يضرب مازن
بصله مازن بانكسار واكمل يعني انت شايف كده علشان انا بقول ال
منصور بمقاطعه وبحده : ولا كلمه ياا ماااازن خلاص اسسكت خاالص
يونس بحده وعهد الله يا مازن لشرب من دمك انت اتجننت ياااالا اي اللي بتقولوا ددده
مازن بعصبيه بقول الحقيقه بس هي صح بتوجع و
معتز بعصبيه بسس انت وهو ايه عايزين تمسكوا في بعض تااني قدامنااا يا بهووات كفايه انتوا ايه ملكوش كبيرر
عز الدين بعصبيه اسمع يا مااازن ياااسمين بنتي وانا اللي جبتها واخت يونس وده غصب عن اي حد واذا كان على اللي يصح وميصحش فاحنا مش هنتعلم منك انت الاصول يا ابن اخويا احنا عارفينها كويس اووي و
قاطعته ياسمين بدموع وهي بتقف على رجليها بوجع وشهد سندتها واكملت بس هو مغلطش يا بابا .. مازن عنده حق وبصت لمازن وتابعت بقهر ودموع هو بردو عامل عليا وراجل واتحمق انا فعلا بنت غريبه همسك في ابن عمه واسيبه يقرب مني ازاي
حس مازن بوجع في قلبه من نظرات ياسمين ليه وكلامها هو ميقصدش كل اللي قالته هو بس غيران عليها .. غيران من اي شخص حتى لو كان اخوها بجد كان هيغير لكن يونس بلفعل غريب عنها فحس بفوران في دمه لما شافه قريب منها بلشكل ده فبصلها بانكسار واكمل بوجع ياسمين انا مقصدش كده بس
قاطعته ياسمين واردفت بدموع والله انا عارفه قصدك وانت كلامك صح ومش زعلانه يا ابن عمي اهو بقولك يا ابن عمي علشان تعرف اني فعلا مش زعلانه ومعتبره نفسي منكم
واتجهت انها تطلع لكن ايد يونس منعتها ومسكها ولفها ليه واكمل بحده انتي اختي وغصب عن اي حد وملكيش دعوه بكلامه يا ياسمين
حطت ياسمين كف ايديها على وشه واكملت بدموع عارفه ياحبيبي انت اخويا الكبير وسندي ومتزعلش انت مني لما قولت اني غريبه بس اللي بيني وبينك يا يونس اكبر من رابط الدم بكتير
باس جبينها فكور مازن ايديه بغيره شديده وعصبيه فمسح يونس دموعها واكمل عارف يا قلب اخوكي يلا روحي انتي ريحي اعصابك شويه
ابتسمت ياسمين وخرجت من جمب مازن من غير ماتبصله واتجهت انها تطلع
عز الدين بحزن حقك عليا يا بنتي على كل كلمه سمعتيها انتي بنتي وعارفه بحبك قد ايه وكل الكلام ده ولا يفرقلك
ابتسمت ياسمين بوجع وهي مدياه ضهرها واكملت عارفه طبعا يا بابا عن اذنكم وطلعت وهي بتتسابق مع دموعها فطلعت وراها شهد
ايمن بحده حلو كده يا بيه
مازن نفخ بضيق واكمل بابا لو سمحت انتوا فاهمين انا اقصد ايه وبتكلم صح فعلا مينفعش
زينب بحزن خلاص يا جماعه كفاياكم الدنيا كلها سمعت صوتنا مش كده
يونس وقف قدامه واكمل بقولك ايه يا ابن عمي خرج نفسك من الموضوع ده علشان منخسرش بعض
وطلع
قعد منصور واكمل بحده اللي حصل ده تنسوا محدش يفتح الموضوع ده تاني
مازن بجمود تمام يا جدي يلا بقى علشان معاد حضرتك مع الدكتور
منصور اشرب الشاي وننزل الشاي يا ام مازن
عايده حاضر يا ابويا هعلموا اهو ودخلت
معتز بص لحسام واكمل ماتقعد واقف ليه علينا دين ليك
حسام قعد جمب زينب واكمل بمرح ادينا قعدنا ده انتوا عيله النكد بيجري في دمكم يا جدع
ضحكت نرمين واكملت طب احترم نفسك يا حيوان واتلم
منصور بحده اهو موضوع وخلص
ايمن خلاص يابا محصلش حاجه عدت على خير مازن بس اتحمق شويتين
حسام ياسمين غاليه علينا كلنا واذا كان على كلام مازن فكان بديهي جداا لانه بيحبها و
فبصله مازن بحده وداس على رجله فاكمل حسام بتوتر اااه اقصد يعني ان كلنا بنحبها فهو قال كده علشانها وكمان لان يونس مش من محارمها وعموما حصل خير
مازن قعد جمبه واكمل بهمس ده انا هطبق وشك بس الصبر
حسام بضحك همس اقسم بالله بتكلم من قلبي مقصدش
مازن اممم من قلبك اه صبرك عليا يا ابن معتز
حسام بضحك طيب بلاش انا هزعلك اسأل عني في الداخليه
مازن بضحك يا شيخ اتنيل على عين اهلك واقعد ساكت
عايده بحب الشاي يا عمي
منصور تسلمي يابنتي
صافيه ها يا مازن مقولتليش ايه رايك في موضوع العروسه
مازن بتنهيده انا مبفكرش في الجواز يا صفصف دلوقتي بلاش ضغط في الموضوع ده علشان خاطري لما اعوز هقولك علطول
صافيه بضيق ولا واحد راضي يفتح نفسي
حسام وهو بيرجع ضهره لورا اكمل بابتسامه ادعيلي بس يا صفصف شكلي هعملها انا
الستات كلهم زغرطوا بفرح فاكمل حسام بضحك لالا بقول شكلي مش اكيد انتوا اتعشمتوا اوي كده ليه
زينب بفرح لالا خلاص انا هحضر الفستان يا حسام متبقاش رخم
مازن بضحك البس بقى
نور بفرح هي مين دي يا حسام وعرفتها امتى وفين
نرمين بفرح يا قلب امك اخيرااا واحده عجبتك مين هي ونروح نخطبهالك
مازن بضحك يلا احنا يا جدي علشان الدكتور ونسيبهم هما يحققوا معاه
منصور بضحك لا منا عايز اعرف انا كمان
كلهم فضلوا يضحكوا فاكمل حسام بضحك يالهوي انتوا ميتقالش قدامكم حاجه بجد
زينب بفرح يا حسام اخللص بجدد مين دي
حسام بحب دكتوره امنيه صاحبه ياسمين
نور بفرح بجد دي سكررر وزي القمر بجدد
زينب بفرح لا عاش يا زين ما اختارت بت زي القمر فعلا
حسام جماعه الكلام ده ميتقالش لياسمين علشان انا عايز اتاكد بنفسي الاول البنت قبلاني ولالا ولو كده نروح نتقدم
نرمين بفرح مش هنقول حاجه بس خير البر عاجله بردو
مازن بضحك ماقال هيتاكد الاول يا مرات عمي بعدين تتقدموا وهو انتي سمعتي بخير البر عاجله ومسمعتيش بكل تاخيره وفيها خيره
نرمين بفرح نفسي اشوفه عريس يا مازن واشيل عياله مش مصدقه انه خلاص هيتجوز
صافيه زغرطت تاني واكملت بفرح يا فرحه قلبي بيك بجد يا حسام ايوه كده عقبالكم كلكم يارب وباذن الله هتطلع رايداك ده انت حسام الرفاعي هو في في جمال ولا ادب واخلاق عيله الرفاعي
حسام بحب يارب يا تيته والله يسمع منك ربنا
زينب حضنته واكملت بفرح مبروك يا قلب زوزاا من جوه
حسام حضنها واكمل بحب الله يبارك فيكي يا نورعيني
منصور قام وقف واكمل بحب مبروك يابني ويوم ماتقولنا يلا هنيجي معاك نخطبهالك … يلا يا مازن
مازن قام وقف واكمل يلا
حسام بحب تعيش يا جدي ربنا ميحرمنيش منك
منصور بحب ولا يحرمني منكم يارب
ونزل مازن ومنصور
بص حسام على زينب لقاها مضايقه فاكمل بحب مالك يا زوزا مكنتي كويسه
زينب بتنهيده عمالين نفرح بس فرحتنا ناقصه انا سيف واحشني اوي
حسام بتذكر اه صحيح اتصل وكلمنا وبيقولك انك واحشتيه اووي واطمن عليكي
زينب بلفهه ايه يعني سيف اتصل اصلاا
حسام طبطب عليها واكمل اه يحبيبتي اتصل وكويس متخافيش اهدي وباس جبينها واكمل وقرب يجي كمان
زينب بحزن واحشني اوي ياريتني كنت هنا
حسام خدها في حضنه وطبطب عليها واكمل بحب هانت خلاص باذن الله ويرجع
زينب بحزن يارب
حسام بحب خلاص بقى يازوزا مبحبش اشوفك زعلانه
زينب وهي بتمنع نزول دموعها اكملت بحب خلاص يا حسام انا بخير
حسام بتقليدها بسخريه : خلاص يا حسام انا بخير وضحك واكمل عليا انا ااكلام ده هو ده منظر واحده كويسه
زينب ابتسمت بتصنع واكملت اه كويسه بس مضايقه اوي بسبب ان فوني بيعلق بص
اتعدل في قاعدته واكمل وريني ماله في ايه ومسكه وفضل يشوفه وتابع ده تلاقي الشاشه يا زينب سبب انه تقيل وبيعلق كده في الحركه لان مشروخه اهي
نفخت زينب بضيق واكملت خلاص هات فونك اعمل مكالمه وارجعهولك مليش خلق بصراحه
حسام بضحك امسكي اهو بس اعملي حسابك هحاسبك عليها
ضربته زينب في كتفه واكملت بضحك يلا يا معفن يا جلده فينك يا سيف كان زمانك مدلعني
معتز بضحك هانت ياختي ويرجعلك سيف بس ساعتها متجيش تستخبي في حسام زي كل مره
ايمن بضحك اهي هي دي بنتك تقول كده ومجرد مايتعصب سيف تجري ورا حسام
حسام بضحك حصل وهيحصل خليها بقى بتاعت سيف لو جات جمبي تاني هسلمهالوا تسليم اهالي
عايده بضحك انا رايي تاخدي بوينت عند حسام احسنلك يا زوزا علشان هتحتاجيه
نرمين بضحك اه بلظبط كده انتي مش قد سيف محدش هيقفلك الا حسام فاكسبيه احسنلك
حضنت زينب حسام وهي بتضحك واكملت والله ده حضره الظابط ده قلب اخته من جوه يانااس بموت فيك وباست خده
ضحكو كلهم فاكمل حسام بضحك قد ايه ندله ومنافقه بس ماشي
زينب بضحك لالا والله بتكلم جد عيب عليك يا روح قلب اختك انت عارف غلاوتك يا حسام ده انت نورعين زوزا صح ولالا
ضحك حسام وحضنها واكمل ربنا ميحرمنيش منك يارب يا زوزا واشوفك اجمل عروسه يارب يا قلب اخوكي
زينب بضحك ادينا جينا بقى للسيره اللي مبحبهاش اقوم انا اعمل المكالمه احسن وقامت دخلت البلكونه بسرعه
ضحك الجميع عليها فاكملت نور بضحك بردو مش هتتغير وتشوف نصيبها
نرمين بتنهيده على رايك يا نور ازاي متتعبنيش زينب
حسام ماما لو سمحتي زينب لسه 22 سنه ويادوبك اتخرجت وبتشتغل مبقيتش بايره يعني سيبوها براحتهاا
عز الدين مؤيداً: ده رايي انا كمان ماهي سن ياسمين اهي وسايبها سبيها يا نرمين ده كله بلخناق الا الجواز بلاتفاق
عايده بتنيهده ايوه عندك حق يا عز بس بردو مش كده زينب كل عريس يجلها ترفضه من برا لبرا مبتديش نفسها فرصه تقعد وتشوفه اصلا وامها عامله عليها هتعوز اي غير تشوفها مبسوطه في بيتها
نور بتفكير حسام طب ماتقعد معاها يمكن دماغها مع حد ومش عايزانا نعرف
معتز بحده دماغها مع مين بس يانور هو احنا عندنا الكلام ده وبنات تكلم شباب من ورانا ليه هي صغيره ولا ايه لو عايزها صح يجي يتقدم
ايمن بتنهيده اهدى يا حبيبي هي بتفكر معانا بصوت عالي انما مش اساسي يعني
عز الدين هز راسه بلنفي واكمل معتقدش يا نور لا لو كده كان جيه اتقدملها علطول لان محدش هيلعب مع زينب خصوصا معروف مين اهلها ومين اخواتها
حسام بتنهيده خلاص يا جماعه انا هشوفها ونبقى نقعد مع بعض واشوف هي بتفكر في ايه
صافيه بحب ياريت يابني واهي تفرحنا بيها هي كمان وتلين دماغها
حسام بحب ربنا يقدم اللي فيه الخير يا صفصف
فرن تليفون نور فابتسمت لما لقيت انه قاسم وقامت دخلت تتكلم معاه
حسام بضحك ده قاسم وش اللي رن
معتز بضحك طبعا مشوفتش الابتسامه اللي من الودن للودن
صافيه بحب ربنا يسعدك يا نور يا بنتي انتي واخواتك وعيال عمك يارب
الجميع اللهم امين يارب
صافيه يلا انا طالعه دققتين للواد يونس وجيالكم
نرمين روحي يا ماما
وبلفعل طلعت صافيه وخبطت علي شقتهم ففتحت شهد
صافيه بحب فين يونس يابنتي
شهد بحب جوه يا تيته في اوضته اتفضلي
دخلت صافيه وقفلت الباب وشهد دخلت اوضتها هي وياسمين وصافيه خبطت ودخلت اوضه يونس لقيته واقف في البلكونه وسرحان فحطت ايديها على كتفه واكملت بحزن مالك يابني فيك ايه يا حبيبي
يونس لفلها واكمل بوجع مفيش يا تيته انا بس مخنوق شويه
صافيه بحزن مخنوق شويه ولا علشان كنت متعود اي وقت تزعل تترمي في حضنها ودلوقتي هي مش موجوده
يونس الدموع ملت عينيه واكمل محدش كان بيفهمني غيرها انا اتكسرت بجد
حضنته صافيه واكملت بدموع بعيد الشر عنك من الكسره يا نورعيني الله يرحمك يا لبنى يابنتي ويصبر قلبك يحبيبي على قد غلاوتها حقك عليا ياقلبي حقك عليا انا هنا اهو جمبك اي وقت ناديني بس وانا اسمعك وافهمك ده انت نورعيني يا يونس انت عارف معزتكم في قلبي قد ايه
غمض يونس عينيه بوجع شديد واكمل ربنا ميحرمنيش منك يحبيبتي وباس جبينها واكمل انا هبقى كويس متشغليش بالك
صافيه بدموع مشغلش بالي ازاي يعني ده انت ابني مش بس حفيدي انت عارف انا مبحبش اشوفك زعلان ازاي ارجوك كفاياك يا يونس متوجعش قلبي عليك
غمض يونس عينيه بوجع واكمل حاضر صدقيني هحاول
صافيه بحزن عارفه انك مش كويس وعارفه ان كلام مازن زودها عليك انت اصلا بتمثل طول اليوم انك بخير علشانا وعلشان اخواتك انما من جواك عمرك ماكنت بخير
يونس بتنهيده عميقه وهفضل كده يا تيته خلاص اتعودت انا بنسبالي دلوقتي اهم حاجه عندي شهد وياسمين وسعادتهم وبس
ابتسمت صافيه واكملت يارب يابني يسعدهم ويسعدك ويديني طوله العمر واشيل عيالك
يونس بضحك لا عيالي مين بس ربنا يديكي طوله العمر بس انا مش هتجوز كده كده
صافيه بضحك كلنا قولنا كده بس هتتجوز وهتيجي اللي تدخل قلبك تنوروا وهتيجي تقولنا يلا تيته تعالوا معايا اروح اتقدملها كمان
ابتسم يونس بوجع واكمل متهيالك انا مش هعرف احب حد بعدها يا تيته كبري دماغك من موضوع الجواز ده علشان خاطري
صافيه بحزن عليه اكملت ربنا يربط على قلبك يا ابني بس الحياه مينفعش تقف هتحب تاني وتتحب وتعيش حياه جميله وهتقول تيته قالت
ضحك يونس واكمل بوجع لالا معتقدش تفتكري انتي هعرف احب غيرها في يوم من الايام
صافيه ابتسمت بحزن واكملت طالع لابوك في الحب برغم انه اتجوز لبنى بنت عمو الا انه فضل يحب مريم البت اللي كانت يتيمه من القاهره دي وطبعا جدك رفض قالك نعرفها منين انت تتجوز بنت عمك وحصل واتجوز امك بس لحد الان لو قعدت معاه وجات سيره مريم دي يدمع زي العيال الصغيره
يونس بابتسامه عارف الموضوع ده حكالي عليه قولتله يعني مريم دي احلى من امي قالي امك ست البنات وكنت عارف تربيتها وبنت عمي واتقيت فيها الله لحد ماسبقتنا بس القلب ومايهوى بقى فا فعلا انا طالع لابويا ياتيته ومعتقدش هحب بعدها بس انا مش هعمل زي ابويا واظلم بنت ملهاش ذمب واتجوز
صافيه بحزن زي ماحبيتها هتحب غيرها الدنيا يا يونس مينفعش تقف عند حد معين وخصوصا زي ماحصل معاك اصل مش هتفضل تبكي على اللي راح وطبطبت على كتفه وتابعت ربنا يريح قلبك يا بني واشوفك سعيد ومرتاح البال
حضنها يونس وغمض عينيه بوجع واكمل يارب يا تيته ويارب ميحرمنيش منك ابداا يا غاليه دايما جمبي وحاسه بيا وباس جبينها
طبطبت صافيه على ضهره واكملت بحب يلا اسيبك انا
يونس روحي يحبيبتي وخرجت صافيه وفضل يونس يبص للسما ويبكي بصمت وبيخرج كل ما كان بيجاهد في اخفائه طول اليوم
في اوضه ياسمين خبطت صافيه
شهد بحزن ادخل
صافيه دخلت واكملت بحزن ايه ده بقى انتي لسه بتعيطي
ياسمين مسحت دموعها واكملت لا ابدا انا كويسه يا تيته
شهد بحزن لا مش كويسه وعماله احايل فيها مش راضيه تسكت
صافيه راحت قعدت وخدتها في حضنها واكملت بحب وهي بتمسح على شعرها طب لو مبطلتيش تعيطي هتصل بمازن اجيبه ابهدله قدامك واعرفه ان
ياسمين بمقاطعه ودموع لالا ياتيته كفايه جدو احرجه وبعدين مازن مغلطش انا فعلا غريبه وعيطت
صافيه بدموع اخص عليكي يا ياسمين كل ده عياط وحضنتها واكملت قطع لسانك قال غريبه قال انتي حفيدتي وحبيبتي بس يابت عبط ويونس اخوكي الكبير وغير كده ميهمكيش اي كلام
شهد بدموع بجد لو فضلتي تقولي كده هعيط ومش هذاكر بس
صافيه ضحكت فاكملت ياسمين بضحك من بين دموعها انتي بتتلككي
شهد بدموع بصراحه اه اصل كيرشوف ده صعب اوي
ياسمين بضحك شوف البت في ايه وانا في ايه
شهد مسحتلها دموعها واكملت وهي بتحضنها ده لاني مش عامله لكلامك اعتبار انتي اختي غصب عنك وباست خدها واكملت بجد لو قولتي كده تاني مش هذاكر
صافيه بضحك لا اوعي يا ياسمين مستقبل البت
ياسمين ضحكت واكملت خلاص والله مش هعيط
شهد بحزن وغلاوتي عندك يا ياسمين ؟
ياسمين بابتسامه وغلاوتك عندي يا دكتوره بس دكتوره ازاي وانتي مبتعرفيش تحلي كيرشوف بقى
صافيه بضحك علميها طيب انتي
ياسمين بضحك ليه هو انا اللي دكتوره روحي ليونس ياحبيبتي هو كان دحيح تلاقيه يعرف
شهد حضنتها واكملت بحب لما اطمن انك مش هتعيطي تاني
ياسمين بحب قولتلك وغلاوتك مش هعيط تاني
شهد طب انتي اسمك ايه
ياسمين بضحك ياسمين عز الدين الرفاعي اوريكي البطاقه
شهد بضحك ايوه كده شاطره وحضنتها
صافيه بحب ربنا يديمكم لبعض يا نورعيوني انتوا وباست جبينهم
شهد بحب ويديمك لينا يا تيته
ياسمين بحب ويديمك لينا يا غاليه
شهد مسكت الكتاب واكملت اروح لحبيبي يشرحلي كيرشوف بقى
ياسمين بضحك اه روحي لحبيبك ياختي
صافيه بضحك حبيبها دي هتطلع عين مراته
شهد وهي خارجه اكملت مش هجوزه اصلا
فضحكت صافيه وياسمين واكملت صافيه بحب تعالي بقى اقعدي معانا تحت
ياسمين بحب انا كويسه والله بس عايزه ارتاح شويه
صافيه بحزن لا ماهو لو مجتيش معايا يبقى لسه زعلانه وهتزعلي ستك يا ياسمين
ياسمين باست ايديها واكملت بحب طب هوريكي ان عادي اهو ياتيته يلا بينا ننزل
صافيه بحب يلا يا قلب تيته اعملي طرحتك بس
وبلفعل لفت طرحتها ونزلوا بلفعل
عند يونس الباب بيخبط
يونس مسح دموعه واكمل ادخل
شهد بابتسامه ممكن شويه من وقت الدكتور حبيبي
يونس بضحك ده وقت الدكتور حبيبك كله ملگ للأميره الصغيره
شهد بضحك والله انت قلبي وراحت قعدت جمبه في البلكونه وقربت التربيزه
يونس ها قولي
شهد بحزن بص انا مبعرفش خاالص احل كيرشوف وبجد مخنوقه اوي
يونس بضحك انتي جيتي للشخص الغلط علشان انا مكنتش بحب كيرشوف ده نهائي
شهد بصدمه متهزرش يا يونس اومال مين يشرحهولي وتبدلت ملامحها للحزن واكملت انا كده مش هدخل طب ابدا
يونس بضحك مين العبيط اللي ربط مذاكرتك لكيرشوف بلطب مش فاهم
شهد بدموع وتوتر ياسمين قالتلي كده قالتلي ازاي دكتوره مش بتعرف تحل كيرشوف
يونس بس بس في ايه يا شهد انتي هتعيطي ولا ايه اهدي يا حبيبتي وحضنها واكمل لالا انتي مينفعش اللي بتعمليه ده لسه الفصل التالت والرابع عايزين مذاكره حلوه انتي بتعيطي من الاول كده مينفعش يحبيبتي
شهد بدموع انا خايفه محققش حلم ماما يا يونس وعيطت واكملت انا مش قد ثقه ماما وبابا وانت وياسمين انا مش بعرف اعمل كل حاجه عليا صح
يونس بقلق بس بس يحبيبتي اهدي وحضنها ومسح دموعها واكمل بحب ممكن نتكلم شويه قبل ما اقولك اي حل مشكله استاذ كيرشوف اللي عيطك كده ده
شهد بشهقات اه طبعا قول
يونس شهدد
شهد بحزن نعم
يونس مسح دموعها وباس راسها واكمل مش عايز عياط تاني ابدااا لو بتحبي يونس
شهد بحزن غصب عني والله
يونس بحب عارف يحبيبي بس عايزه اقولك كلمتين اولا كده انتي عندي وعند بابا واختك اهم من 1000 كليه طب يا فرحتنا لو بقيتي دكتوره بس ناقصه نفسيااا ودخلتي في اكتئاب او صحتك ادمرت وصحتك دي اهم من اي حاجه في الدنيا اصلااا بصي يا قلب يونس اول حاجه انا عايز اسالك سؤال هل ممكن انا اضرك
شهد وهي في حضنه اكملت بحب لا طبعا انا بثق فيك
يونس باس جبينها واكمل بحب طب حلو اوي مبالك بربنا هيضرك
شهد لا بردو مستحيل
يونس طب ولنفترض ان ربنا شايف ان شهد متدخلش طب هنعترض؟
شهد الدموع ابتدت تتجمع في عينيها واكملت بس ده حلمي و
يونس بمقاطعه وده ربنا يعني يعرف اكتر مني ومنك ومن الدنيا كلها ومبيتعارضش على مشيئته صح ولا ايه
شهد بوجع اكيد طبعا بس بتمنى ونفسي
يونس هو انتي لما تتجوزي وتبقي ام ويجي ابنك عايز يحط ايديه في الكهربا هتعملي ايه
شهد اكيد هزعقله واقوله ميجيش جمب الكهربا تاني
يونس بحب بلظبط ولما تعملي كده هو هيعيط جامد ومش هيبقى فاهم ليه ماما بتزعقلي جامد كده بس ده لانك انتي فاهمه وعارفه انه كان هيضر نفسه صح
شهد بحزن فهمتك
يونس انا مش عايزك تفهميني بزعل لا انتي ممكن عادي جدا تجيبي طب وملهاش علاقه بكيرشوف هقولك ازاي بس انا بكلمك في المطلق طب افرض لا ??? تقومي تروحي مننا لا طبعا حبيبتي تظني انك حرمتي لكنك في الحقيقه رحمتي ياما صحابي دخلوا ومكملوش ومرتاحوش ربنا بس حب يعرفهم ان ادي اختياركم مش قادرين عليه طب اقولك حاجه تاني انا كنت دحيح جداا ومش بسيب الكتاب وكنت نفسي في طب اووي وتعبت وذاكرت وسهرت وجات النتيجه دخلتني علوم مش طب ودخلتها وتعبت لعلمك علوم صعبه جدا واديني كمان كملت و بقيت دكتور فيها تخيلي كده لو كنت دخلت طب بشري زي ماحلمت كنت هبقى بقالي 4 سنين بس متخرج وبشتغل في مستشفى عاديه ومستني اجمع فلوس علشان افتح عياده ولسه بقى لما يبقى ليا سمعه وحد يجيلي وابتدي اشتغل حلو شوفي هاااخد كام سنه فهنا ربنا اختار ليونس المكان الصح اللي هيعرف يعمل فيه احسن حاجه عنده بس هل ده معناه ان كليه الطب وحشه ?? لا طبعا بس هو ربنا مقسم الارزاق على كل عباده بحيث كل الكليات تتملي والدنيا تكمل لان دي دايره وكلهم بيكملوا بعض ولو كان بايد البشر كان كله دخل طب وملقيناش صيدلانين ولا محسابين ولا مترجمين فا النجاح مش طب يا حبيبتي وبلنسبه لكيرشوف انا مكنتش بعرف احله وربنا كرمني بمجموع حلو وصاحبي كان انيل مني ودخل طب فمش مقياس الجامعه غير الثانوي خالص نور كانت زيك وبقيت زي الفل اهي مسمحناش تتعب نفسيتها وهي مبسوطه بكليتها فا اهم حاجه عندنا انتي وصحتك يا شهد النفسيه بتدمر الصحه يحبيبتي وساعتها مش هتقدري تعملي اي حاجه بجد
شهد بحب حاضر والله يحبيبي
يونس لا عايز حاضر بجد مش حاضر تهاوديني
شهد بحب والله العظيم بتكلم جد انا يبختي بيك اصلا والله كل كلامك فهمته كويس انا هعمل اللي عليا واكيد اختيار ربنا افضل ليا مهما كان
يونس بحب بلظبط كده انتي بنتي الشطوره وباس جبينها واكمل اوعي اشوفك بتعيطي تاني
شهد بحب حاضر يحبيبي
يونس بصي بقى سمعت ان في قناه على اليوتيوب اسمها ( الدكتور في الفيزيا) بيشرح حلو جدا فيزيا وكيرشوف بطريقه سهله نور كانت بتسمعه
شهد فتحت التاب وبحثت عنه وجابته
يونس ايوه هو ده جربي شغليه وانا معاكي هنذاكر كيرشوف سوا علشاان افهمك لو وقف قصادك حاجه بس كده ولا تزعلي يا عمري
شهد بفرح والله انت قلبي وحضنته واكملت يارب ميحرمني منك ابداا يا يونس
يونس بحب ولا منك يا شوش
—————————————-
عند سيف
سيف يا فندم انا وافقت انت اي مقلق حضرتك
وائل لان العمليه دي مش سهله يا سيف وفيها مخاطر كتير اوي
سيف بعون الله يا فندم قدها انا وكتيبتي سيب الموضوع ده عليا من فضلك
وائل بابتسامه انا لو مش بثق فيك مكنتش اختارتك بس انا بعرفك الدنيا فيها ايه
سيف بابتسامه حضرتك اانا عارف كل حاجه ومحدش رجله بتخطي المكان ده غير وهو عارف ان ممكن ميرجعش وكلنا فداء بلدنا
وائل بابتسامه مليانه فخر اكمل عفارم عليك يا سياده الرائد مستني منك تعرفني الجديد وهتبدا المهمه امتى
سيف قام وقف وعمل التحيه واكمل تحت امرك يا فندم وخرج
عمر سياده الرائد عايزك في موضوع
سيف بستغراب دلوقتي يا عمر انا ورايا شغل
عمر ده اذا سمح وقت حضرتك يا فندم
سيف بتنهيده تمام تعالى ونزلوا ودخل اوضته واكمل قول يا عمر
عمر بتنهيده انا هتكلم بصفتي صاحبك ولا ظابط من كتيبتك
سيف بابتسامه بصفتك اخويا يا عمر بطل عبط احنا واحد
عمر قعد واكمل بحيث كده يبقى بلاش تدخل المهمه دي طلما الكلام بينا اخوي دلوقتي وانت مش القائد بتاعي
سيف قعد قدامه واكمل بستغراب وده ليه انشاء الله احنا امتى قولنا لشغلنا لا انا وانت وكلنا عارفين ان حياتنا ملگ لشغلنا قبل اي حاجه تاني ولا خايف يا سياده النقيب مع اني معتقدش ان حد من رجالتي انا يخاف
عمر بتنهيده سيف ارجوك افهمني دي مهمه تقيله اوي انا خايف اه بس عليك انت بتشيل العمليه كلها على كتافك واي تاثير هتسأل عنه وانا مش عايز اخسرك او اشوف فيك حاجه وحشه كفايه اللي راحوا. روح اعتذر لسياده العميد مش عيب العمر غالي يا صاحبي
سيف واظن انت داخل حربيه وعارف جاي تعمل ايه وايه ممكن يحصل ولا ايه يا حضره الظابط
عمر بحزن ايوه بس
سيف بمقاطعه مبسش … مبسش يا عمر ناس كتير نايمه في بيوتها مطمنه علشان احنا هنا بنعمل كل اللي نقدر عليه علشان نحميهم ونمنع اي مخاطر تدخلنا حتى لو كان التمن حياتنا فا اللي انت بتقولوا ده دلوقتي مالوش معنى لان احنا ولا بنخاف انت واحد من خير اجناد الارض ولا ينفع نسيب البلد للكلاب اللي عايزين يدخلوها او يهربوا من حدودنا اسلحه واثار انت هنا بتحمي مصر كلها يا حضره الظابط احنا مش جايين نلعب احنا شغلنا صعب وكلنا عارفين فطلما دخلت هنا يبقي نسمع وننفذ بس ملهاش حل تالت والعمر في ايد ربك تعددت الاسباب والموت واحد فكك من الكلام ده
عمر بتنهيده طب اهلك يا سيف لو عرفوا حاجه زي كده مش هيسمحولك تكمل المهمه
سيف وهو بيفك زراير قميصه اكمل وانت مين قالك هقولهم اهلي في عيني حتى وانا هنا وموصي ناس عليهم واخبارهم بتوصلي انا مبخافش صح وقلبي يوجعني غير لو هما حصلهم حاجه هما نقطه ضعفي ياعمر وبكلمهم لما اقدر واطمن عليهم انما انا مبحكيش تفاصيل شغلي لحد وانت عارف كده كويس وخلع قميصه واكمل ابقي قول لمحمد يجي يغيرلي على الجرح معلش
عمر بابتسامه من عنيا يا صاحبي طب كل ده فهمته وبلنسبه ليها هي بقى ورفع صوره صغيره قدامه
سيف شافها اتصدم وشدها منه بحده واكمل انت جبتها منين
عمر بضحك حيلك حيلك وقعت من محفظتك وغمز واكمل مكنتش اعرف انك عندك قلب ورومانسي كده يا قائد
سيف غمض عنيه واكمل بثبات امشي اطلع برا يا عمر علشان متتهزقش
عمر بتكلم جد وهي مش فارقلك لو حصلك حاجه علشانها
سيف بسخريه لا مش فارقلي لان هي متعرفش عني حاجه اصلا انا بحبها بيني وبين نفسي وبس يا عمر
عمر بتنهيده عارف بس عارف بردو انك فكل سجده بتدعي تكون نصيبك
سيف بضحك اسكت مش انا شلت الفكره دي من دماغي خالص
عمر بعدم تصديق لا يا راجل
سيف بضحك اه اومال ههزر معاك ولا ايه انا فعلا مينفعش اتجوز
عمر بتنهيده مش كل ظباط ال
سيف بمقاطعه اطلع وابعتلي محمد ياعمر انا معنديش وقت اناقش حاجه هي خلصانه اساسا وبصله واكمل مش وقته علشان خاطري
عمر بحب ربنا يريح قلبك يارب يا صاحبي حاضر هروح ابعتهولك
وخرج
تنهد سيف بحزن وباس صوره البنت واكمل بابتسامه بحبك على قد بعدك عني واستحاله قربنا ومسك محفظته وحطاها فيها ونفخ بضيق شديد
————————
اخر اليوم اغلبيه البلد كانوا نايمين والعيله كمان وياسمين كانت مخنوقه اوي فمعرفتش تنام فطلعت وقفت على السطح لانهم مرتبين المكان وحطين فيه ارضيه خضره وزرع وورد وكنب وشكله مريح جداا للاعصاب وجايب البلد كلها من فوق كانت واقفه ياسمين بتبص للسما ودموعها بتنزل بحزن
وتحت كان مازن وصل من عند الدكتور مع جدو وبيبص لفوق شافها واقفه غمض عينيه بغضب واكمل بثبات الف سلامه عليك يا حج انتظم على الدوا وباذن الله هتبقى زي الفل
منصور سيبك مني وصالح عيال عمك متزعلش يونس وياسمين دول اخواتك
مازن بتمثيل اممم اممم اخواتي طبعاا
منصور مازن انا مبهزرش صالحهم علشان ارضى عنك ولا انت ملكش كبير خالص
مازن بتنهيده مقدرش اقول كده بس يرضيك اللي حصل ده ياجدي ده انا بقول عليك بتقول الحق
منصور انا معاك البت مش من دمنا ولحمنا بس اتربت وسطنا ويونس معتبرها زيها زي شهد حتى في نظرته وطريقته اه هي تجوز ليه بس هما اتربوا ان النظره دي مش موجوده اساسا
مازن بتنهيده جدي انا فاهم كل ده الدين مش هيتجزأ اللي كان بيحصل ده مسخره وقله ادب
منصور بضحك لتكون بتغير على ياسمين يا واد
مازن بتوتر ايه لا طبعاا ياسمين زي نور انا بتكلم في الاصول اللي اتعلمناها
منصور بتنهيده واللي حصل حصل بس مينفعش عيال الرفاعي يمسكوا في بعض مهما حصل احنا مش مربينكم على كده فصالح يونس انت الكبير
مازن بحب حاضر يا جدي يلا بقى علشان اطلعك
وبلفعل شويه كان طلعوا وطلع على السطح كانت ياسمين واقفه زي ماهي فاكمل الهاانم واقفه بتعمل اي في انصاص الليالي هنا
ياسمين لفتله واكملت بتنهيده عادي بشم شويه هوا مخنوقه ولا في مانع في دي كمان
مازن بحده ياسمين اتعدلي في الكلام علشان قسما عظما اديكي قلم ابلعك لسانك
ياسمين بضيق اه خير يا مازن عايز ايه علشان والله مش طايقه نفسي
مازن بحده وده ليه انشاء الله حصل ايه يخليكي مش طايقه نفسك غلطت في ايه انا يونس اخوكي بجد ومنعته يقربلك مثلااا ولا فعلا غريب
ياسمين بدموع لا انا اللي غريبه وانت الصادق
مازن بحده اه يا ياسمين اه غريبه بس بلنسبه للكل هنا دي الحقيقه انتي مش بنت عيله الرفاعي بس انتي هتبقي مراتي اناا وانا مش فارق معاايا انتي بنت ميين
ياسمين بدموع انت وجعتني بكلامك وحرمتني بسببه من اكتر حد انا بتسند عليه ومعتبراه ابويا واخويا وصاحبي
مازن مسك دراعها جامد واكمل بشي من الحده انا مش عايز اعلي صوتي عليكي علشان احنا في الصعيد مش الزمالك والدنيا كلها هتتفرج بس المبدأ والاصول مبتتجزأش يحبيبتي يونس غريب عنك وهيفضل غريب ومش من محارمك يعني اي الكلام ده ??? يعني ولا اشوفك بتحضنيه ولا تسمحيله يقرب منك تااااني زي انهاارده هاااا وكمان يبوس دماغك وانا واقف وحرقلي دمي ولا اصلا تقلعي طرحتك قدامه واكمل بحده مفهووووم ????
ياسمين بصتله بوجع واكملت بدموع بس ده يونس و
مازن بمقاطعه مفهوووم ?????
ياسمين بصت للارض ودموعها نزلت واكملت مفهوم يا مازن حاضر
مازن اممم وفكريني كده انا قولت لحسام يقولك ايه
ياسمين بستغراب قولتله يقولي ايه
مازن بضحك اه انتي هتستعبطي
ياسمين بتعجب استعبط اي وغلاوتك عندي معرفش قصدك ايه
مازن بحده هو انا مش قايل لحسام يقولك انك تكلميني اطمن انك رجعتي البيت ????
ياسمين بتذكر اااه قالي بس والله نسيت و
مازن بحده نسيتي ولا علشان مجتش اخدك فمتتصليش منا عارف حركات العياال دي تطلع منك
ياسمين والدموع في عينيها مازن انت بتقول اي انا والله نسيت وبعدين اي حركات العيال دي هو للدرجه دي
مازن بحده ليه مكنتيش بتعمليها ???
ياسمين بلعت ريقها واكملت لا عملتها بس المره دي
حسام طلع واكمل بتوتر بس بس يخربيت امك انت وهي صوتك واضح سمعتكم من اوضتي
ياسمين بتوتر لطمت واكملت يالهوي ده حسام سمعك علشان اقولك وطي صوتك
مازن بحده انتي اللي تحرقي الدم بحب بنت اختي والله
حسام بضحك بس يابني انت وهي كفاياكم نقير في بعض
ياسمين بدموع وتوتر انا رايحه انزل مش ناقصه لغيرك يسمع خليه يتخانق هو مع نفسه
مازن بتنهيده حسام سمع علشان شقتهم اخر دور يا ياسمين اهدي
حسام بضحك على اساس شقتي لوحدي يعسل
مازن بضحك لا ياروح امك بس كلهم ناموا دلوقتي
حسام بضحك لا ذكي جاوبت صح
مازن بضحك عيب عليك
ياسمين على العموم يا مازن انا فعلا نسيت مكنتش قصدي اعمل حركات عيال زي مابتقول تصبح على خير
مازن بتنهيده تعالي هنا يا ياسمين
ياسمين بدموع نعم
مازن بضحك عارفه اني بضعف من دموعها ونعم الرقيقه دي فتعملهوملي مره واحده
وراح وقف قدامها ومسك ايديها باسها واكمل بحب من امتى بنيمك زعلانه
جودي من البلكونه اللي قدامهم اكملت بضحك اه والنبي اهو انا مستنيه الجمله دي من الصبح بقول من امتى بينيمها زعلانه
ياسمين بخضه يانهااار اسود انتي واقفه من امتى يابت يخربيتك
حسام بضحك لا ده شكله كده اتفضحتوا صح
جودي بضحك من بدري اوي من اول غيرته من يونس لحد الاخر بس حمش يا مازن عاش يا صاحبي
مازن بضحك حتى صاحبتك معايا
ياسمين بضحك صاحبتي دي واطيه
جودي بضحك لا يا ماما انا مع الحق ااه بلا صاحبتك بلا تطبيل الراجل غيران ومغلطش
حسام بضحك يانهار ابيض دي متابعه الموضوع صح
جودي بضحك اومال فاكرني بهزر ولا ايه عيب عليك
ياسمين بضحك عاجبك كده اتفضحنا
مازن ضحك و باس جبينها واكمل بحب حقك عليا على دموعك دي انما بلنسبه لكلامنا علشان خاطري يا ياسمين متحرقيش دمي
حسام بضحك اه ابوس ايدك لحسن ده بيغير بيتحول هيفضحكم مره
ياسمين ضحكت واكمل مازن اممم ده انت اللي ليك معايا حته علقه على اللي قولتوا تحت ده
حسام بضحك عيب عليك في بنات حقك بينا وبين بعض علشان عيب على كاريزمتي بردو
مازن بضحك ده انا هوريك استنى بس وفونه رن فاكمل بستغراب احمد في وقت زي ده غريبه منامش ورد واكمل بحب ايه يحبيبي طمني عنك بعدين سكت شويه واكمل بصدمه نعمم حصل امتى دددده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
