رواية غموض الحب الفصل الثالث والعشرون 23 بقلم لولا
رواية غموض الحب البارت الثالث والعشرون
رواية غموض الحب الجزء الثالث والعشرون
رواية غموض الحب الحلقة الثالثة والعشرون
فاكمل عمر بلهفه وخوف وهو بينهج من الجري لااا يا زينب متواافقيش
زينب شافته قامت وقفت بسرعه ودموعها نزلت وهي مش قادره تصدق انه قدامها وتابعت بعياط من الفرح عمررر !!!!!
اسر اتصدم بشده انه قدامه والاهل والمعازيم كمان كانوا مستغربين فراح عمر بكل عصبيه وشده من جاكت بدلته وتابع بعصبيه قوم قوم ياروح امك قاااعد بتعمل ايه هاا ??? ده انا هطلع عين اهلك شوفت مين بقى اللي عنده روح حماس وطموح عالي
البنات كانوا فرحانين جداا ومش مصدقين ان عمر جيه وحمدوا ربنا بدموع ونرمين اكملت بحده ايه اللي بتعلملوا ده يا عمر سيبه ميصحش طريقتك دي
سيف بحده بس انتي يا ماما دلوقتي لو سمحتي علشان من وراا تصميمك على جوازها اختي كانت حياتها هتخرب
المأذون بستغراب ازاي يعني يا ابني هي مش موافقه واختارته بنفسها
زينب بعياط لاا يا شيخنا مش مواافقه ولا عااايزااه ورفعت فستانها علشان تعرف تمشي وراحت وقفت ورا عمر وتابعت بعياط انا محبتش غير عمر طول حياتي وعمري ما خالفت الدين والاصول وفضلت اكلمه لا عشت عمري كله بدعي بيه بيني وبين نفسي ولسه قريب عارفه انه بيبادلني نفس المشاعر وكان هيتقدم عادي بس الحيوان ده فك فرامل عربيته وخلاه عمل حادثه زي ما انت شايف وخطفه كمان وهددني بيه علشان كده كنت هتجوزه
الكل اتصدم بشده فاكملت نرمين بدموع ايه ??? انتي بتقولي اييه ازاي ?? ازاي كل ده حصل ومتعرفينااش انتي اتجننتي! !!!!
زينب رايحه تتكلم قاطعها اسر بعصبيه دي كدابه وحيوانه وبتتلكك علشاان مش عايزه تتجوزني فين الدليل اني عملت كل دده محدش هيصدقك من مجرد كلام
عمر بعصبيه وهو ماسكه اكمل دي ايه ياروح امك?? كدابه وايه ??? ده انت قسما بالله هتدفع تمن كل كلمه وكل حاجه حصلتلنا من وراك قولتلك انت متعرفش بتواجه مين بس اديك هتعرف انا عمر عزيز الهواري الاسم اللي هيفضل معلم في ذاكرتك العمر كله وضربه بلبوكس بقوه فراح في اتجاه سيف فا سيف مسكه واكمل بحده بقى انت يا حيوان يا زباله تضرب اختي بلقلم وتجبرها تتجوزك وكمان تخطف صاحبي لا حقيقي قلبك ميت متعرفش وقعت مع مين وضربه بلبوكس بقوه كذا مره وقعه على الارض وفضل يضرب فيه تحت صراخ اسر وفرحه زينب والبنات وصدمه الكل فتابع عمر بضحك لااا يا صاحبي كفااايه ده حقي انا وانا حلفت برحمه امي وغلاوه زينب ان انا اللي هجيبه
سيف بضحك واحد يا غالي كفاءه تقوم بيه ومسكه قومه وهو تعبان ومجهد ورماه ناحيه عمر فمسكه عمر وضربه بلبوكس كذا مره وتابع بعصبيه فاكر لما كنت بتستغل ربطتي في العمود وتعصبني وتمد ايدك عليااا قولتلك ساعتها هيجي وقت هتفك وهقف قدامك ومش هرحمك هخليك تتمنى الموت ومطلهوش واديه هيحصل
اسر بتعب كفاايه انا معملتش فيك كل ده زينب عندك واهي خدها ونخلص على كده
عمر ضحك واكمل ايه ?? قولت ايه ?? زينب عندي ? زينب دي مكتوبالي من يوم ما اتولدت وولا انت ولا عشره زيك يقدروا ياخدوها مني ده وعد من فوق
فزينب ابتسمت ودموعها نزلت بفرح واكمل عمر بعصبيه كده كده كنت هاخدها انما حادثتي وتهديد زينب بيا وخطفك لياا ضربك ليها بلقلم وكل اللي عملته ده تمنه غالي اوي وطلع المسدس وضربه في رجله مرتين ب الرصاص فصرخ اسر بوجع شديد ووقع على ركبته
زينب والبنات كانوا واقفين شمتانين فيه ومبسوطين اوي وبيضحكوا بانتصار كل ما عمر يضربه فاكملت ثريا بدموع ابوس ايدك يا ابني خلاص علشان خاطري انا والله هربيه وابعده عنكم خالص بس ارحمه علشان خاطري
عمر باس راسها وتابع خاطرك غالي يا امي بس خلفتك وسخه وهي دايما كده الخلفه الوسخه تجيب لاهلها الهم واذا كان على حقي والخطف والمعامله اللي شوفتها منه وكل ده انا مسامح فيه لاجل عيونك بس ورحمه امي حق زينب وضربها بلقلم ده مش هسااامح فيه لو على موتي
اسر بوجع ودموع من الضربه ارجوكي يا زينب تعالي قوليله انك سامحتيني علشاان خاطري وغلاوته عندك مش قااادر
زينب كانت خايفه تقرب وجسمها بيترعش
فعمر بص لمعتز وتابع عن اذنك يا عمي وراح مسك ايديها وجابها وقفت جمبه فبصتله بخوف وهمست لا يا عمر ابعدني عنه انا بكرهو اوي بكرهووو ارجوك وعيطت بارتعاش
عمر طبطب على ايديها وتابع بحب عمر جمبك من انهارده ولاخر العمر مفيش خوف تاني وانا مش هسامح في حقك حتى لو انتي سامحتي بس جايبك تشوفيه وهو بيترجاكي يا ست البنات انه يخليني اسيبه
اسر بوجع زينب .. زينب انتي طيبه خلاص حقيقي انا اتهديت حاولت كتير اخليكي معايا بس ربنا كان ضددي ومحدش يقدر على اراده ربنا انا ضربته وهو ضربني سامحيني وخليه يسبني وغلاوته عندك
زينب مسكت ايد عمر جامد علشان متخافش وهو بصلها يشجعها وتابعت بدموع والقهر باين في عينها: ده وغلاوته عندي وبحق دموعي وقهرتي واني مش قادره اصدق بسبب اللي انت عملته فيا انه عمر جمبي وواقف قدامي وبحق ضربك وخطفك ليه وهو تعبان ياحيوان وبحق الحادثه اللي كانت هتضيع عمره انا مش مسمحاك ولو عمر سامح في حقه وحقي لا فانا مش مهم حقي وحق عمر لااا واتعصبت بدموع واكملت علشان كلله الا عمررر يا حيواااان قولتلك كده وهقررهالك تااني عمر الدنيااا كلها بنسبالي انت اذتني في اغلى حاجه في حياتي وحسستني بلضعف وموتني بلبطئ بسكينه تلمه علشان ماسكني بيه وكنت بتبعده عني بعد ما كنا قربنا نبقى سوا خلاص وخلتني اتقهر من كتر خوفي وعياطي ان يحصله حاجه .. لااا يا اسر انا لو هموت مش مسامحه انت اذتني في روحي وقلبي واجبرتني عليك وخلتني عايشه جسد بس من غير روح خلتيني اكره نفسي علشان كانت هتبقى ليك ولما بسمعهم يقولولي قومي حضري نفسك انتي عروسه كاني بسمع ان معاد موتي جيه وانت اللي هتقبض روحي محدش كان فاهم جوايا ايه ولا حد حاسس بيا اصلا وكنت بطولي في كل ده انت خلتني كرهت اصحى من نومي علشان هبقى من غير عمر ومعاك بس خلاص كل ده انتهى فاكر لما قولتلك هيجي وقت تترجاني اخلي عمر يرحمك ومش هخليه يرحمك فانسى اني اسامحك حتى بعد ماعمر يجيب حقنا وعيطت بقهر وهي بتفتكر كل اللي مرت بيه وتابعت انا لو بيني وبينك الجنه مش مسامحه ومش هسامح انت قتلتني روح منك لله حسبي يالله ونعم الوكيل فيك
عمر غمض عينيه بوجع من شكلها المقهور وهو حاسس بكل كلمه طالعه منها والعيله كانت مصدومه من كميه اللي عاشته زينب لوحدها وازاي اتحملته جواها وسكتت كده والبنات كانوا بيعيطوا على عياطها فسيف جيه شدها لحضنه جامد وهو مقهور عليها وهي ماصدقت وعيطت في حضنه بتخرج كل اللي كتماه فاكمل سيف بحزن وهو بيطبطب عليها بس بس خلاص عمر جيه وكابوسك خلص وهتبدائي حياه انتي حباها وربنا سمعك واستجاب وهيعوضك يا نورعيني اهدي علشان خاطري
وعمر اضايق جداا من شكلها وتابع بحده لاسر شايف يا ابن الكلب وصلتها لايه ??? وحياه دموعك يا زينب وخوفك وقهرك اللي عشتيه ده وكلامه عنك قدام الناس دلوقتي وكل اللي عمله لا هيدفع تمنه غالي اوي وقومه وهو بيصرخ ويتوجع وامه بتعيط عليه وضربه بلبوكس بقوه كذا مره متتاليه لحد ما جاب دم وضربه بلرجل بقوه في رجله المصابه فوقع جامد على الارض وتابع بصرااخ ارجووك خلاص كفااايه مش قااادر انا اسف حقكم عليااا غلطت
عمر بضحك الله ورجعت في كلامك ليه مش كنت عامل فيها رئيس عصابه وخاطف وبتجبر واحده تتجوزك وواقف بتضحك عليا لما قولت هاخد زينب وقولت عليا اني عندي طموح وحماس??? بس انت كنت بتحاربني بعصابه وانا بحاربك بايماني ومحدش فعلا بيكسب على اراده ربنا ياحيوان انت بس اللي تجاره السلاح والوساخه نستك يعني ايه ربنا كبير وبص لعاصم اللي ماسكه يونس فيونس ضربه على ضهره وتابع بحده اتكلم
عاصم بوجع ااه وغمض عينيه بخوف وتابع اسر فعلا خطف عمر بيه وكان بيقوله انه هيتجوز الهانم مع انها مش عايزاه وهيهددها بيه لانه خاطفه ومنعه يهرب علشان يجي يوقف الفرح وفعلا بيتاجر في ااسلاح عالميا انا واحد من رجالته
الجميع اتصدم ولطمت نرمين وتابعت بدموع يامورك يا بنتي كنت هعمل فيكي ايه بايدي ???
معتز بعصبيه ابن الكلب الحيوان مجرم وتاجر سلاح وجاي عايز يتجوز بنتي يبجاحتك ياجدع عيل زباله
يونس بحده لا ولسه لما تشوفوا الشات بينه وبين اسر هتعرفوا اكتر كنتوا هتدمروا حياه بنتكم ازاي احنا شوفنها من فون عاصم بس للمصداقيه هنشغلها من فون اسر وراح وطى حط ايديه في جيب اسر خرج فونه وراح للراجل اللي في القاعه وتابع خد الشات ده اسكرينات وشغلوا على الشاشه
الراجل حاضر يا فندم تحت امرك وبدا بلفعل في تشغيل الصور قدام الناس اللي بيقروا كلامه مع عاصم عن خطف عمر والحادثه والتجاره عالميا في الممنوعات ومصدومين جداا فتابع مازن بحده قولت ماسكين فيه على ايه بلا قرف زباله وحيوان وعايز الحرق ياما حذرتكم بس مين كان يسمع خليتوا عيل زباله زي ده يتجرأ ويهدد ويذل بنت من بنات الرفاعي
احمد بحده والله العظيم ما خساره فيك العلقه اللي خدتها يا حيوان زينب مين اللي كنت تتجوزها يا مجرم يا زباله ده انت تعيش عمرك كله تحلم بزيها وبردو مش هتلاقي نحمد ربنا اتكشفت على حقيقتك وربنا مرضاش بلظلم
عمر لا ولسه مخلصتش بردو وقومه فاكمل اسر بوجع ابوس ايدك كفايه مش قادر حقك عليا فضحك عمر وتابع حقي على مين يحيوان ???? هو انت فاكر ان شغل الحريم ده هيحرك فياا حاجه ده انا ظابط جيش يااالا يعني اخواتي اللي مني قبل العدو بيقعوا قدام عيني وبكمل بدم بارد علشان مينفعش اقف فكرك ان انت يا حيوان هتصعب عليا علشان شكلك ده ?? تؤ تؤ تبقى غلبان اوي ومتعرفش مين هو عمر الهواري انت اذتني في اغلى حاجه في حياتي وضربه بلقلم بقوه ففرحت زينب وبصتله بحب وامتنان شديد والبنات كانوا فرحانين فيه اوي
عمر انت ضربتها قلم بس انا صاحب واجب والقلم عندي بعشره وقولتلك هردلك كل حاجه بلضعف وفضل يضربه بلقلم وهو بيتكلم بعصبيه علشان تفكر يا حيوان انك ترفع عينك على زينب تاني وحته انك بس فكرت فيها انها ليك دي بردو مش هعديهالك انت عموما حسابك تقيل اوي ومش هيخلص وفضل يضربه بلقلام كتير تحت صراخ اسر وترجيه انه يسيبه بعدين عمر رفع رجله ضربه في بطنه بقوه فصرخ بوجع شديد وتابع ووشه وعينه حمر وبوقه بينزف دم :مش قادر حقيقي كفايه خلاص انا تعبت ووقع تحت رجلع وتابع سامحني وارحمني خلاص
فعمر مسكه من جاكته رفع وشه عن الاارض وتابع بحده زينب تعاالي هاتي حقك واضربيه القلم اللي ضربهولك يلااا
زينب بتوتر لالالا انت عملت الواجب وزياده ابعدني انا عنه ارجوك
عمر بصلها بحده ورفع حاجبه فبلعت ريقها بتوتر ومشيت خطوات بطيئه ووصلت لعنده وبصت لعمر فتابع اضربيه
فزينب بصتله بكرهه وضربته بلقلم بكل قوتها فصرخ اسر بوجع فاكملت شهد وهي بتضحك وبتسقف عااش يا زوزاا برافو قلم حكومي
ياسمين بضحك متربيه وسط ظباط يابنتي لازم تبقى جامده كده طبعا عايزه ايه انتي
عمر بضحك تسلم ايدك يا زوز عاش مرضيه ولا ايه
زينب بضحك مرضيه طبعا هو انت سبت فيه حته سليمه
عمر رماه على الارض بقوه فتأوه بوجع وتابع علشان لا عاش ولا كان اللي ينزل دموعك ويمد ايده عليكي ياست البنات وبص على ايد اسر اللي على الارض وتابع اخر وعد وعدتهولك ايديك دي اللي مدتها عليها تتكسر تحت رجلي
اسر بصله بتعب وخوف وبلفعل عمر داس بجزمته على ايديه تحت صراخه وتابع بوجع ودموع خلاص خلاص ابوس ايدك يا زينب خليه يسبني ارجوكي مش قااادر
عمر بعصبيه وهو بيضغط اكتر تابع اسمها زينب هانم يا حيواان ومتنطقش اسمها خالص احسنلك
اسر بدموع ووجع يا هانم انا اسف ارجوكي بعتذر منك ارجوكي خلاص اااه خلااص مش قاادر حقك عليااا انا غلطان ومتربتش خليه يسيب ايدي مش قااادر
زينب حست ان غرورها اترد لما فضل يترجاها كده بس هي فعلا فرحانه فيه ومش قادره تسامحه فاكملت بحب لا انا سايبه قرار ان يسيبك امتى ده في ايد سياده النقيب اصل انا وهو واحد
عمر بحب تسلميلي يا غاليه وبص لاسر بكرهه وتابع بحده وانت ايوه جدع كمل انك تترجاها وتعتذر منها برافو بس بردو مش هسيبك غير بمزاجي انا وداس اكتر
ثريا بعياط ابوس ايدك يا ابني يارب يفرح قلبك انت وهي وتشيل عيالكم ابني مترباش وغلطان ويستاهل بس انت عاقبته بزياده ارجوك كفايه كده ولو عايزني ابوس ايدك هبوسها
عمر لا طبعاا انتي زي امي ورفع رجله فاسر تنهد برتياح وشال ايديه اللي زرقت جامد وحاسس ان صوابعه منها مش قادر يحركه وجسمه كله واجعه ورجليه اللي فيها رصاص مش قاجر يحركها من الالم وبينهج بتعب
فتابع عمر قسما بالله ده علشانك انما كنت ناوي افضل اهين في اهله ومش هزهق
ثريا بعياط تسلم يا ابني وراحت قعدت على الارض جمب اسر واكملت بعياط منك لله يا ابني ربنا يسامحك على اللي عملته فينا
عادل بحرج انا مش عارف اقول ايه لحضرتك يا حج بس اقسم بالله انا ما كنت اعرف كل ده
منصور بحده تعرف ولا متعرفش احنا ميخصناش الكلام ده وفي عمده اديه شاف وسمع كل حاجه بودنه ويحكم
العمده بحده ميرضنيش اللي حصل يا منصور زينب زيها زي حفيداتي واللي وجعها وجعنا كلنا وانهارده اخر يوم لعيله الخولي في البلد تغوروا ومنشوفش وشكم هنا تااني
ثريا بعياط ولهفه حاضر حاضر والله هنعمل كده تحت امرك
منصور بحده ده انتي وجوزك بس انما ابنك المجرم هنبلغ عنه وحق بنتنا وعمر لازم يرجع بلقانون ده انتوا ليله ابوكم سودا انكم استغفلتونا كلنا وجايين بكل بجاحه عايزين بنتنا
صافيه بحده مايه من تحت تبن بصحيح حقيقي عالم متتعاشرش جتكم الارف
نرمين بدموع بحمد ربنا وبشكر فضله جيت يا عمر ربنا يريح قلبك وبالك يا ابني حقك عليا يا بنتي والله ماكنت اعرف انه كده
زينب راحت حضنتها وتابعت بدموع والله ماتعيطي حقك عليا خلاص اللي حصل حصل وربنا الحمدلله مسبناش ابداا
فاكمل عمر بحب انا لو عملت كده فا ده علشان انا بحبها وعايزها يا ست الكل فمش حاجه تشكريني عليها زينب فداها عمري والفضل يرجع لربنا اول حاجه
منصور نحمد ربنا انها جات على قد كده وبلنسبه لابنك يا عادل انا مش هسيبه غير في القسم وحق حفيدتي وعمر لازم يرجع ده زيه زي احفادي ومتربي وسطنا واحنا مبنسامحش
عادل بحرج حقك يا حج مش هقدر اتكلم بس بلاش الحكومه بينا الله يخليك واحنا مش هنوريك وشنا في البلد تاني
منصور بحده لا هيتحبس يعني هيتحبس ده مجرم وبجح جاي يناسب عيله الرفاعي شكلكم نسيتوا احنا مين واخواتها مين
حسام سمعه وهو داخل مع القوات وتابع بحده لا ده كده كده هيتحبس ابن الكلب وراح مسكه من امه اللي كانت سندته وضربه بلبوكس جامد وتابع بعصبيه بقي انت تبقى تاجر في الممنوعات عالميااا والمحرض على قتل زينه لانها كانت حامل منك بسبب اعتدائك عليهااا وجاي عايز تتجوز اختي يا بجح ياحيوان
الكل اتصدم فاكمل عمر بصدمه كمااان !!!!! ده انت اللي هيدور وراك هيتعب ومش هيخلص بلاوي
اسر بصدمه انت مين قالك الكلام ده يا حسام
حسام بعصبيه اسمي حسام بيه يا حيوان وملكش دعوه مين قال ولا يخصك انا عرفت زي ماعرفت ده انت ليله اهلك مش هتعدي
ثريا بعياط وصدمه انت ايه اللي انت عملتوا ده روح منك لله مش عارفين نحط وشنا في وش النااس رد علياااا اانا وابوك من امتى مربينك على كده يا حيوان وضربته بلقلم
وهو مردش ودموعه نزلت وبص للارض فتابع عادل بحزن شديد انا همشي ومش عايز اشوف وشك ولا اعرفك تاني ومن انهارده معتبر ابني مات
ورايح يمشي فتابع العمده بحده انت هتمشي فعلا انت مراتك من كل البللد مش عايزين نشوف خلقتكم تاني وهتسيب ابنك للقانون سامع يا عاادل
عادل بحزن تحت امرك يا عمده وبص لابنه بخذلان شديد وتابع ياريتني ماكنت جبتك على الدنيا ربنا ينتقم منك مش مسامحك ليوم الدين بهدلتنا
اسر بوجع رايح يتكلم فنطق ابوه وتابع بعصبيه مش عايز اسمع صوتك تاااني انا من انهارده ابنيي ماااات انت سااامع
ومشي وسابه بلفعل
نرمين بحده ده كده كده لازم هيموت ومش هيطلع منها جتك الارف زباله ندمتني على كل لحظه اتحايلت على بنتي توافق عليك حسبي يالله ونعم الوكيل فيك يا بعيد
ايمن بحده الحمدلله غار في داهيه ربنا رحيم بينا والله
منصور بحده من هنا ورايح ده درس يعلمكم في جوزات بناتكم متاخدوش بلشكل والظاهر علشان كنا هندمر حياه بنتنا من سمعتهم الحلوه قال
سيف راح مسكه من حسام وتابع الحيوان ده المجهول اللي كنت بتدور عليه في قضيتك صح ???
حسام بحده تخييل كل ده يطلع منه وبص لزينب وتابع بعصبيه اديهم كلهم اهو بقيوا رايهم من رايي انا واخوكي واستوعبوا بعض فوات الااون منا ياماااا حذرتك بس حيواانه مبتفهميييش وبص لاسر وتابع بنفس العصبيه اتفضل طلقهاااا اتفضلللل اناا اه اتاخرت بسبب الاذن بلقبض عليك خدته متااخر بس قسما بالله لو مطلقتها انا
سيف بمقاطعه اهدى يحبيبي هو متجوزهاااش اصلا وهتتجوز عمر مش اسر ده بلاويه طلعت كتير خد عمر معاك يعمل عليه محضر بللي عمله فيه ويفهمك كل حاجه ولبس ده في ده كله مع بعضه وضحك وتابع واسمع الكلام الحلو من العميد بقى يا برو وغمز
حسام بفرح انت بتتكلم جد يعني هو متجوزهاش !!!!! ده انا جاي شايل الهم الحمدلله يارب الحمدلله
سيف بضحك لا متجوزهاش وفخور بيك اوي اوي بجد عااش يا حضره الظابط كل مره بتثبتلي انك قد مكانتك
حسام حضنه بفرح واكمل بحب من عشرتي معاك يا غالي ربنا يديمك ليا يارب وبص لزينب بعتاب فتابعت بحزن حقك على راسي كان غصب عني وعمر هيفهمك والله وعيطت
حسام راح باس جبينها واكمل بحب بس بس اهدي خلاص والله لو زعلتك فعلشان خايف عليكي شايفه طلع زباله ازاي شوفتي ان انا واخوكي كنا صح ده انتي بنتنا يا زينب واغلى حاجه في حياتنا والورده اللي منوره بيتنا
زينب حضنته وتابعت بحب ودموع حقك عليا بجد يا حسام عارفه يحبيبي والله انكم كنتوا خايفين عليا وعمري مازعلت منكم
حسام مسح دموعها ولاحظ نظرات عمر الحزينه لدموعها وكلامها فتابع بحب خلاص يحبيبتي نحمد ربنا جات علي قد كده هروح ارمي الحيوان ده في القسم وجاي نشوف الباشا اللي بيقف على الحدود مش عارف يقف على حيله من دموعك ليه
كلهم ضحكوا فتابع سيف بضحك انت لسه واخد بالك دلوقتي ده انت طيب اوي وعلى نياتك
حسام بضحك اكتشفت كده فعلا
عمر بضحك كده يا حسام بقى تاخد بالك من نظراتي تفضحني بلشكل ده
حسام بضحك ده انت اللي ليلتك سودا بس اروقلك علشان بتحب اختي من ورايا
سيف بضحك لا انا كنت عارف يا برو سماح المره دي
حسام بضحك لا خلاص طلما سيف بيه عارف واحد
سيف بضحك حبيبي والله
معتز بحزن ياريتك يا ابني والله طلبتها من الاول مكنش كل ده حصل ده انت زي سيف وحسام مكناش هنعزها عنك
عمر بحب كنت هطلبها بس اللي حصل حصل قبل مااتكلم واضطرينا لكل ده والحمدلله ربنا رفع التجربه عنا ووصلنا لهنا ويسعدني ويشرفني اني اطلب ايد الانسه زينب منك وانت والحج منصور قدام الكل بعد ما كل حاجه وضحت وضحك وتابع والقائد وحسام باشا طبعا
معتز بحب انا مقدرش ارفض بعد اللي شوفته ربنا يفرحكم يا ابني
منصور بابتسامه زينب بنت حلال وانت زيها وتستاهلها وربنا بيحبها انه وقعها في نصيبك ولحقها قبل كل ده
حسام بحب وانا عن نفسي مقدرش اعترض على عمر اصلا
زينب فرحت وزغرطت بفرح فا الكل ضحك عليها والبنات زغرطتلها بفرح وتابعت ياسمين بفرح الف الف مليون مبروك يا نورعيني
شهد بدموع فرح والله ما قادره اصدق الحمدلله
نور بحب ودموع صلاتنا استجابت اهو الحمدلله بجد يارب
جودي بحب ودموع يحبيبتي ربنا يسعدك ويبارك حياتك الجديده بجد
زينب حضنتهم بفرح وتابعت بدموع فرح ربنا ميحرمنيش منكم ابدا يا حبايب قلبي الله يبارك فيكم يارب عقبالكم
سيف بضحك هو انا وافقت يا بت انتي علشان تزغرطوا وتعيطوا ولا المره دي كمان رايي مش مهم ????
عمر بضحك اه هنبدأ بقى شغل النسايب من دلوقتي سهلها يا قائد وخليك سالك
سيف بضحك بس يحيوان انت اخرس خالص
زينب حضنته وتابعت بضحك مش هتزعل اختك حبيبتك قول موافق علشان خاطري
عمر بضحك لا يا شيخه هو رايه مهم اوي كده
زينب ضحكت فاكمل سيف بضحك مبلاااش انت
عمر بضحك مهم طبعا بس مش كفايه رايك بيمشي عليا في الشغل كمان برا الشغل كتييير كده الصراحه
سيف بضحك مش انت اللي جاي برجلك عايز تناسبني ولا مش انت
عمر بحب اه يا غالي عايز اناسبك ويشرفني طبعا وافق بقى عايزين ننول الرضا
سيف بضحك مبتثبتش بس موافق علشان صعبت عليا كفاياك كده
عمر بضحك ايوه كده حبيبي وحضنه بفرح والبنات والستات زغرطت بفرح
فاكمل حسام بضيق يلا ياروح امك يلا وبص للقوات وتابع خدوه وانت يا عمر يلا علشان تسمعني عايز تعمله محضر ليه
عمر بحب وراك علطول وبص لزينب وتابع روحي البيت وهبعتلك الفستان هاا
زينب بفرح مااشي بسرعه
سيف بضحك يابت اتقلي يابت فضحتينا الله يخربيت اهلك
كلهم ضحكوا فاكمل حسام بضحك ماشي انتي التانيه صبرك عليا نرجع بس يلا يا روميو هنقطع اللحظه شويه ونرجع كملوا
عمر بضحك وراك يا غالي
يونس بضحك اسنده يا حسام هيقع لحسن ده متلصم
حسام بضحك انتوا ليه بايعين في البت كده اما عريس يعر اما عريس متلصم مش فاهم هي واكله نايبكم
عمر بضحك بس ياحيوان اتلم
سيف بضحك متلصم بس نينجا هو اللي خرشم وش اسر كده
حسام بضحك لا عاش ياض ياعمر ظلمتك
سيف بضحك ياابني ظابط في كتيبتي مبنقفش في محطات احنا
حسام بضحك لا فعلا عاش فاكملت زينب بضحك كفاياكم تريقه عليه انا ممرضه وهعرف اعالج المتلصم روح انت بس وخلصوا بسرعه وتعالوا
عمر بضحك والله انا اختارت صح
سيف بضحك بتقولي ايه ياروح امك??? انتي اتجراتي قدامي انتي كمان???
زينب بضحك لالا ياغالي مبقولش حاجه وغمزت لعمر وتابعت نقول بعدين
عمر بضحك خلاص اتفقنا مستني
سيف بضحك مشوفتكيش انا كده ها
زينب حضنته وتابعت خد حضن واسكت
سيف ضحك وتابع بحب لا حقيقي ضعفت خلاص
زينب بضحك شوفت بقى
حسام بضحك يلا ياخويا طيب تعالى نخلص علشان نلحق تكتبوا في يومكم العسل من اوله ده وسنده وبلفعل مشيوا عمر جمب حسام واسر ورا مع القوات وامه كانت ماشيه ورا العربيه بتعيط ومش مصدقه ازاي ابنها عمل كده فتابع العمده هنروح دلوقتي يا منصور وهنيجي في البرنده نكتب كتاب عمر على زينب
زينب ابتسمت بفرح اوي فتابع منصور بحب خلاص ماشي تنور ياحج يلا بينا يا ولاد
سيف بحب يلا يا عروسه ومسك ايديها
زينب بفرح وحماس يلا ياقلب العروسه
——————————————-
بعد ساعتين في اوضه زينب واقفه بتعدل الميكاب وبتسرح شعرها بعد ما قلعت الفستان اللي جابه اسر ولابسه بنطلون كارينا وبدي كارينا كب والبنات حواليها مبسوطين جداا وبيزغرطوا وفرحانين
ياسمين بحب والله الواحد مش قادر يصدق انك خلاص هتتجوزي عمر وخلصنا من اسر
زينب بحب ودموع الحمدلله بجد حقيقي مش قادره اصدق ومبسوطه وحاسه هطير ازاي يارب كنت حنين اوي كده وبتخطط لنجاتي وانا قاعده بعيط ومضايقه من الوضع وخايفه مع ان كل حاجه بايدك وانت اللي بتقول للشئ كن فيكون وقولت يكون فكاان وخلصت من اسر ولو مش بسبب عمر كان هيبقى بسبب حسام كده كده مكنتش هبقى لاسر حقيقي ربنا حنين اوي وسمعني انا وانتوا وعمر واستجاب وجمعني بمن احببت ومهنش عليه كسر قلبي ابدا
شهد حضنتها واكملت بدموع فرح الحمدلله بجد
جودي بفرح بقولكم ايه كفايه دموع ونكد بقى عايزين نفرح ومسكت الطبله واكملت يلا بنااات
فاكملت نور بحماس مين زينااا الليله
وطبلت جودي خبطتين فاكملت ياسمين بفرح عروستنااا حلوه جميله
شهد بفرح وهي حاضنه زينب اكملت ميين زينا الليله
جودي بفرح عروستنا حلوه جميله
نور بحماس وعريسنا والله في الورد فله
شهد بحب والقلب لقى هواااه
وجودي بتطبل بين كل جمله وجمله فاكملوا كلهم بحماس وفرح وهما بيسقفوا وبيلفوا حوالين زينب ( صلوا صلوا صلوا صلوا ماتصلواا على نبينااا .. جايين نشوف بعضينا ..ماتصلوا على نبينااا.. جايين نشوف بعضيناا البنت دخلت والقصه خلصت واللي نصيبه لقاااه )وزغرطوا بفرح
زينب ضحكت بفرح واكملت ياخرااابي مش قادره اصدق فرحااانه وفضلت تنطط بفرح وهما حواليها مبسوطين بيها اوي
ياسمين بحب وفرح ربنا يسعدك بجد يانورعيني
زينب حضنتها واكملت بحب يعمرري يارب عقبالك بقى ووطت شويه وقرصتها وقامت
فتأوهت ياسمين ااه وضحكت واكملت ايه ده ليه
شهد بضحك علشان تحصليها بقى انتي الجايه
ياسمين ابتسمت لما افتكرت ان مازن فعلا هيكلم باباها قريب زي ماقالها واكملت بحب وابتسامه اللهم امين يارب
نور بغمز هو مين وانا اجبهولك متعلق هاا
ياسمين بضحك لا مش هتعرفي قولي كلام انتي قده بس
زينب بضحك ايه دههه هو في حد من ورايااا
ياسمين بضحك لا اقصد ان نور كده كده مش هتعرف تعمل حاجه مع اي حد عيب عليكي
زينب بضحك والله مش مرتحالك بس اجيب ارارك بعدين ومسكت الفون واكملت دلوقتي اكلم الباشا اللي سايبني قاعده بلكارينا ده ولسه مجابش الفستان علشان بردت
شهد بضحك فقريه انتي جايه تتجوزي في قرب دخول الشتا
زينب بضحك بقولك ايه لو مطرت تلج دلوقتي بردو هتجوزه
جودي بضحك لما التقل
كلهم ضحكوا فاكملت زينب بضحك لالا مفيش عندي الكلام ده
فعمر رد فشاورت للبنات تسكت واكملت انت فين يا حضره الظابط كل ده
عمر بضحك قلب حضره الظابط جاي والله خلاص حسام هيوديني بس اجيب البدله وجاي
زينب اخلص يا عمر انا بردت مستنيه الفستان مفكرتكش هتتاخر كده
عمر بستغراب وانتي ايه مخليكي قاعده كده مش فاهم ماتقومي تلبسي لحد مايجي
زينب اتحرجت واكملت بضحك لالا انت فهمت اييه انا قاعده بكارينا علشان هلبس الفستان فوقيها فانجز بالله
عمر بحب طب قومي يحبيبتي البسي اسدال او اي حاجه علشان متتعبيش الجو ابتدى يبقى فيه لسعه برد وعموما بعتلك الفستان مع سلمى خليتها راحت جابته هي وجيالك
زينب برفعه حاجب سلمى مين ?
عمر هو انا اعرف 100 سلمى مالك يا حبيبتي سلمى السكرتيره بتاعت اللي ينتقم منه ربنا
زينب بغيره يا قلب حبيبتك تصدق مكنتش اعرف شكرا للتوضيح وتابعت بحده مالك بيها وبتتصل بيها تجبلي فستاني ليه مش فاهمه
عمر اتنفس بصوت عالي وتابع انا مش عايز اهزقك اخوكي جمبي ومش هعمله حساب قسما بالله لو صوتك ده علي تاني
زينب بتنهيده تمام يا عمر خلاص
عمر بحده هو ايه اللي تمام يا عمر خلاص هي عملتلك ايه البت مش فاهم دي عيله 20 سنه عرضت نفسها للخطر علشااني انا وانتي قدري كده شويه ده انا طلع عين اهلي علشان اتجوزك يعني مفيش غيرك ماالي عيني هيكون فيها ايه لو كلمتها مش فاهم كل الحكايه اعتبرتني اخوها ااكبير لانها وحيده وقالتلي هتيجي تفرحلنا وليها دور كبير اني جيت وقفت الفرح فاعقلي كده يا زينب وفكري في الكلام قبل ماتقوليه
زينب بتنهيده تمام بجد حقيقي خلاص حصل خير انا هعود نفسي اني مغيرش من سلمى ولا اسماء لو في حد تاني ابقى فكرني بقى
عمر بضحك ماشي عيوني لو لقيت تاني هقولك
زينب ده علشان اطلع روحك باذن االله عمرر انا مبهزرش ولا سلمى ولا اسماء ولا واحده غيري تكلمك اصلا
عمر اممم طب بقولك ايه اقفلي ونبقى نتكلم في المواضيع دي في بيتنا علشان انا جبت اخري منك وانتي حوراتك كترت فعايز ارنك علقه الصراحه
حسام بضحك من اولها كده والله يا ابني صنف ما يتعاشر افكس ويلا بينا نشرب كوبايتين شاي على القهوه
زينب ضحكت من كلام حسام واكملت قوله يتلم علشان مقولش لامنيه
عمر بضحك هقولها محصلش ده هو بيفهم وبيتكلم صح
زينب اممم بيفهم وبيتكلم صح قولتلي طب متزعلش من اللي هيحصلك لما يتقفل علينا باب واحد يا ابن عزيز
عمر بضحك ايه بتتحولي بليل ولا ايه ??
زينب بضحك لا خليها مفاجاه وصحيح عملت ايه مع الخرا ده
عمر بتنهيده ابدا رفعت عليه قضيه بللي عملوه فيا وطبعا عاصم اعترف عليه وشال ده في ده ولسه بقى الحكم الجو ده مش دورنا خلاص ونقلوه للمستشفى هو وعاصم علشان يتعالجوا من الرصاص بس عموما مش هيطلع منها
حسام بحب ده كده كده
زينب تنهدت برتياح واكملت الحمدلله يارب بجد .. صحيح يا عمر هات البدله بتاعتك البيچ اللي عليها الاكتاف بعدد النجوم دي عارفها
عمر بضحك عارفها ياختي وكنت هجيب دي انتي اللي عرفتي الكلام ده منين ها
زينب بضحك من فيديوهات التيك توك هتحط كام نجمه بقى
عمر بضحك بالله عيب تبقي مرات ظابط وعايشه وسط ظباط ومتفهميش في الرتب
زينب بضحك ياجدع هو انا ليا دماغ انا كل ما الاقي واحد فيهم علق واحده بحضنه واقوله مبروووك فخوره بيك وبتعدي عادي يعني
عمر فضل يضحك واكمل بتاكلي بعقلهم حلاوه يعني عموما هعلق 3 نجوم يا ام لسان طويل
زينب بحب وبعد كده ??
عمر بضحك ده علشان تستعدي يعني ??
زينب بضحك طبعا ده انت حب العمر فا لازم نفهم ونستعد
عمر بحب اللي بعد كده نسر زي سيف
زينب بحب يعمرري عقبال النسر وما بعده والله العظيم واعيش وافتخر بيك
عمر بضحك ده كلمه ما بعده دي اتقالت علشان متعرفيهمش مش كده ???
زينب بضحك الله متحرجناش بقى المهم انك تبقى في تقدم دايما
عمر ضحك وابتسم بحب واكمل انا حياتي في تقدم مستمر طول مانتي فيها خلاص .. ده كفايه هحط راسي على المخده من غير ما احسبها
زينب الدموع اتجمعت في عينيها وتابعت عمر ممكن تيجي بسرعه
عمر بحب والله جاي خلاص وهعمل اللي انتي عايزاه قطعنا كتير مفضلش غير القليل
زينب بدموع وحب عرفت منين بقى اللي انا عايزاه
عمر بحب علشان انا كمان عايز احضنك
حسام بضحك يا باشاا يا باشاا اختي دي هاا قدر شويه سايبك تتكلم اه بس مش تعيش وتسرح كدده ولا كأني جمبك
زينب وعمر ضحكوا فتابع عمر بضحك يسطا انت مننا وعلينا في ايه
حسام بضحك والله انت ملكش غير سيف بيربيك هقوله على احضنك دي
عمر بضحك يا عم بس اسكت خلي الجوازه تكمل على خير وخليك سالك
زينب ضحكت والباب خبط فتابعت طب يحبيبي هقفل انا سلمى شكلها جات
عمر بحب تمام روحي وقوليلي رايك بقى
زينب بحب جميل من غير ما اشوفه طبعا مش اختارتني فطبيعي زوقك حلو
عمر بضحك لا والله غرور ده ولا ايه بس عجبتيني علشان عندك حق
زينب بضحك عيب عليك… يلا باي
عمر بحب باي
وبلفعل كانت فتحت ياسمين وكانت سلمى دخلت بلفستان فلما شافت زينب اكملت بحب انتي العروسه صح
زينب قامت وقفت وتابعت بابتسامه اه انا
سلمى بحب بسم الله مشاء الله زي القمر وضحكت وتابعت والله ليهم حق يتخانقوا عليكي
زينب بضحك حبيبتي تسلمي يارب
شهد بحب هاتي الفستان عنك
سلمى بحب امسكي حقيقي جميل الف مليون مبروك يا زوزا ربنا يهنيكم يا حبيبتي والله طايره من الفرح علشانكم
زينب بحب وهي بتفتح الفستان اكملت تسلميلي يارب عقبالك يعمري وفتحت الكڤر اتفاجئت بشكل الفستان وتابعت بدهشه ايه الحلاوه دي ومسكته ورفعته والبنات اعجبوا بيه جداا
ياسمين باعجاب تحفهه اوي بجد زوقه جميل جداا يلا تعالي نساعدك تلبسيه هيبان اكتر
زينب بفرح اه يلا تعالوا
وبلفعل بعد شويه خلصوا كل التحضيرات وساعدوها تلبسه كان فستان بكم مطرز ولامع باكمله وماسك من عند الصدر وواسع لتحت ولفوه طرحته وحطوا توق من الخرز رقيق فكانت وكانها اميره من ديزني ووشها منور وميكاب رقيق ومفيهاش غلطه وعكس شكلها الاول نهائي ومبسوطه وطايره
ياسمين بحب واعجاب حقيقي زي القمر اطلالتك المره دي غير بجدددد
زينب بحب وحماس علشان هتجوز عمر يابنتي فا اي ان كان لابسه ايه والله وشي هينور وهطلع حلوه
سلمى باعجاب لما شوفته قولت جميل اوي بس عليكي بقى اجمل حقيقي
شهد بحب ودموع ايه الحلاوه دي حقيقي يجنن شكله تحفه اوي
زينب مسحت دموعها وحضنتها واكملت بحب والله انتي نورعيني مش عايزه دموع تاني بقى
شهد ابتسمت بحب وتابعت من الفرحه بيكم والله
زينب بحب يغاليه عقبال فرحتنا بنتيجتك يارب
شهد بحب اللهم امين يارب
نور بحب واعجاب حقيقي اميره كلمه قليله عمر هينبهر بيكي
جودي باعجاب من ناحيه هينبهر فهينبهر بسم الله مشاء الله عليكي
زينب بحب وحماس وهي بتلف حوالين نفسها وفرحانه بشكلها اوي اكملت بجد بموت فيكم ربنا ميحرمنيش منكم يارب ولقيوا الباب بيخبط ففتحت سلمى
كان سيف لابس بدله سودا وشكله جذاب وانيق جدا وعامل شعره وجاهز فاكملت زينب بحب واعجاب ايه الجمااال ده ياقائد بتاخد الجو من الواد كده
سيف بصلها بحب وابتسم وهو بيتأمل شكلها احلى من المره الاولى بكتير وفستانها اجمل والفرحه باينه في عينيها ففتح ايديه واكمل بحب تعالي
زينب حضنته وهو باس راسها واكمل والدموع متجمعه في عينيه انا في العاده مبعرفش اعيط وبجاهد امسك دموعي بس حقيقي مش قادر اتخيل انك كبرتي اوي كده وبقيتي عروسه وخلاص هتمشي وهرجع الاجازه مش هلاقيكي تجري عليا زي الاول بس بجد ايه الحلاوه والجمال ده اجمل عروسه شافتها عيني
زينب عيطت وحضنته اكتر واكملت بحب ينورعيني دي عيونك وبعدين ده انا انزلك من بيتي جري واجي اشوفك ده انت عارف غلاوتك عندي قد ايه يا سيف
سيف ابتسم بحب وتابع مكنتش عايز انكد والله بس شوفتك كده معرفتش مقولش اللي حساه انا لحد دلوقتي متلغبط ومش فاهم امتى وازاي بقيتي عروسه زي القمر كده وخلاص هتشيلي المسئوليه حقيقي بسم الله مشاء الله طالعه اميره ربنا يحميكي ويسعدك ويرزقك الذريه الصالحه يارب ينورعيني
زينب بحب ودموع يارب يحبيبي ويجي قمر شبه خالو كده
سيف بضحك طب ده ابوه يزعل كده
زينب بضحك لا متخافش بيموت فيك
شهد بضحك عامله زيي قولت ليونس بقولك ايه انا اخويا زي القمر ربنا يحميك فهتوحم عليك لما اتجوز علشان عينيك عسلي وشعرك بني فاتح فقعد يضحك والله
سيف بضحك حتى شهد كمان عايزه زي اخوها اهو هتخلوهم يغيروا مننا كده
شهد بضحك طبعا يا ابني مش انتوا اللي عيله رجالتها قمر
زينب بضحك ايوه هما قمرات صراحه بس ميمنعش عموري بردو زي القمر يابت
سيف بضحك وغمز هتدافع اهي ولسه مخرجتش من االبيت
ياسمين بضحك ياباشا دي هتغنيلكم بيعاهم
سيف بتمثيل قال الكلام ده يا زينب ?? ههون عليكي كده ??
زينب بحب حضنته لالا ياعمري مش انت خاالص عيب عليك
سيف ضحك وباس ايديها وتابع بحب طب يلا الواد زمانه استوى تحت كفايه عليه كده
زينب بحماس ايه هو عمر جيه
سيف بضحك شوف البت بردو اه ياختي جيه يلا ومسك ايديها زي العريس والعروسه والبنات وراها بيزغرطوا بفرح لحد ما نزلت ودخلت البرنده وعمر كان قاعد لابس بدلته وشكله حلو جدا وقدامه معتز وفي النص المأذون واهل زينب واسماء وخالته اللي قالهم وباقي العيله حواليهم فلما شافوها داخله مع سيف زغرطوا بفرح
وعمر فضل مثبت عينيه عليها مبهور بشكلها وجمالها ومش مستوعب ازاي خلاص هتبقى ليه قدام الكل والموازيين اتقلبت كده بس بص للسما وحمد ربنا في سره ورجع بص لزينب بحب واضح لحد ما سيف قعدها جمبه وهي باين عليها التوتر الشديد وبتلعب في ايديها
فهمس عمر بحب اول مره لساني يعجز عن الكلام بس حقيقي مش لاقي كلمه توصف جمالك وحلاوتك مغلطش لما قولتلك انتي بتزيدي الحاجه اللي بتلبسيها جمال ايه الحلاوه دي كلها
زينب ابتسمت بحب ورفعت عينيها ليه وتابعت بحب والدموع في عينيها يحبيبي دي عيونك والله وانت كمان قمر اوي حقيقي وشكلك في البدله ظابط اوي كده
عمر بضحك ده على اساس ان انا نص ظابط ولا ايه
زينب بضحك لا اصل انا مكنتش بشوفك بلميري كتير بس حقيقي زي القمر هي دي البيج اللي كانت بتعجبني فعلا
عمر بضحك والله مافي قمر غيرك اصلا وبعدين ده طلباتك اوامر يازوزتي عيب عليكي
حسام قاطعهم واكمل بضحك معلش يا روميو بس انتبه هنا ثواني وهنقطع حديثكم الواضح انه مهم
عمر بضحك لالا عادي نكمل براحتنا بعد كده يلا نخلص دلوقتي اهم حاجه
سيف بضحك ده انت عايز تخلص مني مش تخلص وتتجوزها
عمر بضحك الاتنين والله
سيف بضحك ماشي ماشي لينا شغل يلمنا
عمر بضحك بالله ماتفكرني وتنكد عليا وسبني افرح
سيف ضحك فاكمل المأذون يلا نبدا بسم الله وبص لزينب وتابع هل تقبلي بعمر عزيز الهواري زوجا لكي
زينب بحب وحماس اقبل
فا البنات زغرطوا وسقفوا بفرح
فسأل المأذون السؤال لعمر وتابع هل تقبل بلانسه زينب معتز منصور الرفاعي زوجتا لك
عمر بحب وابتسامه اقبل اوي كمان
فا زغرطوا وسقفوا مره كمان
وبدأ المأذون في طقوس الزواج المعروفه فاكمل سيف بضحك ليونس يعني انا وانت صحابه وكنا الثلاثي البائس وعلى العهد سوا وهو مغفلنا كده مش عيب
يونس بضحك يا جدع ده بالله الواحد مصدوم ولسه مافقش من كميه الاحداث اللي حصلت دي ومفيهاش ثلاثي خلاص بقينا انا وانت بس عمر غدر بينا
سيف ضحك بعدين تنهد بارتياح واكمل اه بس الحمدلله والله انا كده اطمنت على زينب وعمر
يونس بحب عقبال ما قلبك انت كمان يرتاح يغالي
سيف تنهد بعمق وبصله واكمل لما البحر ينشف
يونس بتنهيده انا عارف انك في وضع ربنا وحده اعلم بيه بس
سيف بمقاطعه صدقني مفيهاش بس انت عايز تهون عني مش اكتر وتنهد بعمق وتابع يونس انا عارف انك حاسس بيا وفاهمني ومحدش غيرك انت وعمر عارف بقصتي وببدايتها ونهايتها بس صدقني انا مش عارف اعيش ولا عارف اتقبل الواقع حاسس اني مجبر استحمل وبس
يونس بتنهيده عارف يا سيف رغم اني اكبر منك بسنتين بس لما بشوف حياتي وحياتك بحس فينا من بعض اوي اتولدنا شيلنا مسئوليه ووجعنا مبقيناش بنحكيه لحد وشايلين هم اخواتنا وبنحب نشوفهم فرحانين واحنا مش مهم وقدام الكل جامدين واحنا من جوه متكسرين طب واخرتها ايه ??
سيف بتنهيده حزينه حقيقي مش عارف انا تايه اوي والا اني مظهري ثابت وقدام الكل انا سيف الرفاعي اللي ليه اسمه وهيبته وشغلي مسمع الا اني بردو انسان وبحس بس خلاص ده بقى العادي
يونس بتنهيده اتعودت متبينش
سيف بتنهيده بلظبط كده
يونس رايح يتكلم انتبهوا لصوت المأذون وهو بيقول بارك الله لكما وبارك عليكما وجمع بينكما في خيير
والناس كلها زغرطت بفرح شديد وعمر قام وقف بفرح وحماس و فتح ايديه السليمه
فزينب قامت وقفت بفرح وجريت حضنته وهي مش مصدقه ولفت ايديها حوالين رقبته وهو قفل ايديه على ضهرها وضمها ليه اكتر
زينب بدموع فرح خلصت خلاص يا عمر نهايه الحدوته طلعت لطيفه والدار اصبح امان انا مش مصدقه انك بقيت جوزي خلاص
عمر سند راسه على كتفها وهو حاضنها ودموعه نزلت بفرح وتابع ده امان علشان انتي هتبقي فيه والله حقيقي مش قادر اصدق ان خلاص حلم العمر اتحقق وبقيتي مراتي رسمي وقدام الكل حاسس اني بحلم
زينب بدموع فرح وهي بتضمه اكتر تابعت مش بتحلم ياعمر ده واقع خلاص الكابوس انتهى وربنا سمعنا واستجاب انا بجد مش قادره حاسه هموت من فرحتي وعيطت بشده في حضنه
عمر ضمها ليه اكتر وتابع الف بعد الشر عليكي ينورعيني ودموعه نزلت وهو حاضنها وتابع اه يا زينب بجد ده انا طلع عيني علشان نوصل لهنا حقيقي الحمدلله الواحد من كتر فرحته مش قادر يصدق وباس جبينها ومسح دموعها وتابع بحب من انهارده مش عايز اشوف دموعك دي تاني كفايانا حقيقي اللي شوفناه مكنش قليل نهائي بس هننسى كل اللي فات وهنبدا من انهارده حياه جديده زي ماعشنا بنحلم طول حياتنا بليوم ده
زينب حضنته اكتر وسندت راسها على صدره وتابعت بدموع فرح ده حقيقي الحمدلله يارب احمدك واشكرك بجد انك سمعتنا واستجابت فرحانه ومش قادره اوصف فرحتي بكلام حاسه ان الكون كله مش سايعني بس المهم ان خلاص الكابوس خلص وانت رجعت وبقيت جوزي وفي حضني حقيقي مش عايزه من الدنيا حاجه تاني وغمضت عينيها وتنهدت بارتياح
عمر لف ايديه عليها وضمها ليه اكتر وباس راسها بحب وطبطب على ضهرها
سيف بضحك ماخلاص يابت انتي وهو اتلموا الناس واقفه كفايه
عمر بضحك قسما بالله انا مستنيك تعترض علشان اقولك خلاص دي م
((كان هيقول مراتي))
حسام بمقاطعه وضحك بس بس متنطقش انتوا بتروحوا سيناء لوحدكم هيدفنك في اي حته ومش هيقولنا مكانك فحط لسانك جوه بوقك واسكت احسن
سيف برفعه حاجب انت كنت هتقول ايه يالا
عمر بضحك ولا حاجه يا كبير اعتبرني متكلمتش
سيف بضحك ايوه اتلم كده احسنلك
نرمين راحت حضنت بنتها واكملت بدموع فرح مليون مبروك يا نورعيني ربنا يفرح قلبك ويهدي سرك خلي بالك من نفسك ومن جوزك انتي خلاص من انهارده بقيتي شايله مسئوليه بيت وراجل ومطلعيش سركم برا بيتكم ولا تكبروا مشاكلكم خليكي عاقله ومتزعليهوش واسمعي كلامه وارضيه فكل حقوقه اللي ليه عندك وربنا يابنتي يراضيكم ويعوضكم ويرزقكم الذريه الصالحه يارب
زينب حضنتها بحب واكملت ده من عيني ياست الكل والله
عمر بضحك ولله العظيم انتي زي الفل يا ام سيف شايفه الكلام ايه الحلاوه دي وباس ايديها وراسها وتابع ربنا يخليكي لينا ياست الكل
نرمين بحب ويخليك لينا يا غالي عارف يا واد ياعمر من زمان عايزاك لزينب بس طبعا بنتي ست البنات مكنتش بلمح بكده اللي عايزها يجي يتقدم انما مقللش منها ابداا وحقيقي فرحتي دلوقتي مش سيعاني ان ربنا نجاها من ابن الكلب ده وبقيت قسمتك انت فحطها في عينك يا ابني دي بنتي الوحيده ومليش غيرها
عمر باس راسها وتابع بحب زينب في قلبي مش عيني بس وانتي صح بنتك ست البنات ويبختي انها قسمتي ونصيبي متخافيش عليها والله دي حته مني
نرمين بحب ربنا يسعدكم يا ابني يارب
خالتو جات حضنته واكملت بحب الف الف مليون مبروك يا نورعيني عقبال عيالكم يارب
عمر بحب الله يبارك فيكي يا غاليه عقبال اسماء
اسماء بفرح ايه الحلاوه دي يا ناس اخويا عريس قمر وحضنته وتابعت ربنا يسعدكم يارب يحبيبي
زينب بصتلها بغيره ورفعت حاجبها فاكمل عمر بحب ياقلب اخوكي انتي عقبالك يحبيبتي
فزينب داست على رجله فبصلها بحده وهمس اتلمي واحترمي نفسك الناس
زينب همست الناس اه طب اللي ميزعلش هاا
عمر برفعه حاجب عمر الهواري مبيتهددش
زينب بضحكه خبيثه ماشي يا عمر الهواري يابتاع البنات
عمر بضحك همس صبرني يارب علشان انا اللي اختارت وجبته لنفسي
سلمى بفرح حقيقي قمرااات اوي الف مليون مبروك مبسوطه ليكم اوي اوي
عمر بحب يحبيبتي تسلميلي بجد تعبتك معايا عقبالك يارب
زينب بهمس حبك بورص وعشره خرص واتنين حول يا بعيد
عمر سمعها فضحك وتابعت سلمى بحب يغالي متقولش كده انتوا اخواتي
وفضلوا الناس والعيله يسلموا عليهم لحد ما الكل مشي ومتبقاش غير العيله فاكمل منصور هتروحها معاك كده يا عمر ولا هتسيبها للفرح
عمر رايح يتكلم فاكملت زينب لا ياجدي انا مروحه مع جوزي اظن كتبت واشهرت والكل عرف فاهفضل ليه ومش هعمل فرح اصلا علشان والده عمر متوفيه ومكملتش سنه
عمر بصلها بحب وامتنان وتابع حبيبتي لو عايزه تفضلي في بيت اهلك الفتره دي لحد ماتعدي واعملك فرح انا ممكن ع
قاطعته زينب واكملت بحب لا انا مش عايزة فرح لان الفرح هيكون بعد سنه على الاقل انا عايزه عمر وانت خلاص بقيت معايا وجوزي فا دي اهم حاجه عندي انما مش هسيبك واقعد هنا سنه كمان وانت تعبان بلشكل ده ومحتاجني جمبك علشان تفوق وتقف على رجلك كويس قبل معاد العوده .. الفرح كام ساعه وهيخلص اكيد مش علشان الكام ساعه دول ابعد عنك سنه كمان وبعدين وجودك جمبي فرحه انا لسه مش مستوعباها اصلاا
عمر بصلها بحب واكمل حقيقي يبختي بيكي ربنا يديمك ليا ياست البنات يازين مااختارت بس مش معنى انك مش عايزة تسبيني تتسرعي لو فعلا عايزه فرح انا عادي بنسبالي نستنى السنه متخافيش عليا هبقى كويس واديكي بقيتي مراتي دي اهم حاجه عندي
زينب مسكت ايديه وتابعت بحب لا ماشيه معاك
سيف بحب بنت اصول والله العظيم ياقلب اخوكي وانا كمان رايي من رايك
زينب بحب حبيبي والله
صافيه بحب خلاص يا قلب تيته روحي مع جوزك ووالله فرحتكم ببعض هتغطي على اي فرح تاني فعلا
زينب بحب ده بلظبط والله منا بقوله فعلا لسه مش مستوعبه اصلا
عمر بضحك والله وانا زيك حقيقي بس المهم يلا نروح نتصور الاول قبل ما الدنيا تليل اكتر
البنات بحماس هنيجي معاكم
عمر بحب ده كده كده ما كلكم جايين
معتز لا يا ابني انا اعذرني مش هقدر خد البنات والشباب وروحوا انتوا انا يادوبك اطلع افرد جسمي وانام تعبت انهارده
نرمين بحب خلاص روحوا انتوا يا عمر ربنا يسعدكم يحبيبي هنفضل احنا هنا
عمر بحب تمام ولا يهمك يا عمي يلا شوفوا مين هيجي واتقسموا في العربيات ويلا
وبلفعل مازن ركب جمبه ياسمين وورا شهد واحمد
وعربيه قاسم معاه نور وورا جودي ويونس
وحسام وسيف مع عمر وزينب
وراحو مكان السيشن ونزلوا وبدائوا بلفعل في التصوير واتفرقوا في المكان بيتصوروا بلفون مستنين زينب وعمر يخلصوا علشان يتصوروا معاهم
زينب بهمس عمر اتلم متقربش كده سيف واقف
عمر برفعه حاجب نعم يحبيبتي ??
زينب بضحك وهمس بجد مبهزرش ده اخويا الكبير احترمه
عمر بهمس متعصبيش ام الواحد انا عامل ايه انا ساند جبيني على جبينك زي ما قال الفوتوجرافر فين مقرب مش فاهم وبعدين ما اقرب براحتي خلاص فيها ايه يعني مش فاهم وضحك
زينب بضحك لا مش براحتك انت مش في البيت اتلم كده وفك ايدك من عليا شويه
عمر شدها ليه اكتر واكمل كده يعني ??
زينب بضحك ياعمرر بجد
عمر بضحك قولي انك انتي اللي محرجه ومتستعبطيش وتجيبيها في سيف
زينب ضحكت فاكمل الفوتوجرافر : عروسه بصيلي هنا
زينب انتبهت ليه وبصت بلفعل
الفوتوجرافر : ايوه كده ابتسامه بقى
زينب ابتسمت فاكمل لعمر ايوه كده قرب شويه وبوس خدها
زينب بصدمه ايه لااا طبعاا وبعدت شويه عن عمر
عمر بضحك انتي اتجننتي يابت بتبعدي كده ليه
زينب بتفاجئ انت مش سامع بيقول ايييه لا طبعا
عمر بضحك هو ايه اللي لا طبعا يابنت المجانين هو انا مش اتنيلت اتجوزتك
زينب بحرج لالا بجد بلاش الصور قليله الادب دي خلينا عادي ايه يبوس خدي دي علشان خاطري غيرها
الفوتوجرافر بضحك : يعروسه دي صوره عاديه الناس كلها بتتصورها مالك
زينب بحرج لالا بجد مش هعرف
عمر بضحك مش لازم تعرفي انا اللي هعرف تعالي يابت اخلصي وبيشدها ليه
سيف قرب منهم لانه كان بعيد شويه وتابع مالها معصبينها ليه
عمر بضحك مش عايزاني ابوس خدها يا عم اتفضل اختك
سيف بضحك انت بتقولي ايه يا حيوان انت ده كتب الكتاب خلاك خلاص ولا اكن سيف اللي واقف
عمر بضحك معلش خليها عليك اختك زي مراتي يعني مش غريبه
زينب بحرج شايف صاحبك
سيف بضحك حيوان نقول ايه مش بتحبيبه
عمر بضحك ياسيف بالله عليك خليها ترضى وتخلص
سيف بضحك لا طبعا هو انا مش واقف ولا ايه يا بجاحتك يا جدع
عمر بضحك معلش لف وشك
زينب ضربته في صدره وتابعت بضحك ياعمر اتلم واحترم نفسك بقى
سيف بضحك معلش ياقلب اخوكي علشان خاطري تعالي على نفسك وخليه يتصور الصوره علشان نخلص
عمر بضحك ايوه كده انت تبقى حبيبي وصاحبي وعشره عمري اسمعي كلام اخوكي الكبير بقى
سيف بغمز وضحك يخش يطمر بس وبص للفوتوجرافر وتابع بضحك وانت صورها حلو من اول مره هاا بلاش الشغل بتاع مش مظبوطه ومش حلوه علشان عارفين ان عمر اللي حفظهوملك قبل التصوير
الفوتوجرافر ضحك وعمر فضل يضحك وتابع قسما بالله ما فتحت بوقي ده انت مش سالك
سيف بضحك بعمل حسابي بس لتكون قايله محدش يضمن في الزمن ده
عمر بضحك لا ياباشا وانا هقوله كده ليه مش مستعجل يعني
زينب زغدته بايديها وتابعت برفعه حاجب اتلم بجد
عمر ضحك وتابع حاضر حاضر والله خلاص
سيف بضحك جدعه انك ضربتيه علشان لو معملتيهاش كنت هاجيله انا
عمر بضحك لا بلاش انت انا عريس جديد مش ناقص اتكسر اكتر من كده
سيف ضحك والفوتوجرافر تابع يلا ياعروسه وشك ليا انا وابتسمي
زينب وقفت كده فعلا وعمر باس خدها واتوترت ووجود سيف كان موترها اكتر
سيف بضحك ماخلااص كل ده بتصور الصوره
الفوتوجرافر بضحك خلاص ياباشا اهي اتصورت
عمر بضحك ده انت قطاع ارزاق ياجدع الواحد بيطلع عين اهله في الشغل مستكتر عليه الصوره
سيف بضحك ماخلاص ياحيوان ما اتصورت انت استحليتها ولا ايه
عمر بضحك الصراحه اه
زينب ضربته في صدره فتأوه اااه واكمل بضحك قصدي الصراحه لا عيب عليكي يازوزتي جوزك محترم
زينب بضحك لا ماهو واضح
سيف بضحك جدعه يابت تسلم ايدك علشان ميقفش يحرق دم اخوكي خليه يتربى
عمر بضحك مابلاش انت علشان مخليهاش تعكس الصوره وانت واقف
سيف بضحك قولها تعكس الصوره كده بحق لو رضيت
زينب بحرج ايه لا طبعاا مستحيل
عمر بتمثيل حزن اخص عليكي يازوزتي بتشمتي سيف فيا كده ??
زينب بضحك يشمت براحته يحبيبي انت لو عملت ايه مش هعمل كده
سيف راح وقف قدامها وتابع بضحك طب وانا يا زوزتي ??
زينب بحب ياقلب زوزتك انت وحضنته واكملت بحب انت ماشي وسيف حضنها وهو بيضحك فباست خده بلفعل والفوتوجرافر صور الصوره
فاكمل عمر بضحك اخص عليكي بقى سيف بكل سهوله كده تبوسيه وانا تقوليلي لو عملت ايه مش هعمل كده
سيف بضحك ياض ده انا الاساس الله اومال انت فاكر هتيجي تركني ولا ايه
زينب فضلت تضحك واكملت انت هتغير من سيف ولا ايه لا ده حبيبي ده متغيرش منه وبعدين انا مبتكسفش من سيف انما اتكسف منك
عمر بضحك يا بنت المجانين انا بقيت جوزك انتي مش مستوعبه ولا ايه يعني انا اقربلك من سيف دلوقتي فتتكسفي مني انا وهو لا اخص عليكي يازينب بجد
زينب بضحك ياقلب زينب بردو مش متعوده عليك فاتنسي الكلام ده
عمر شاور على خده وتابع طب مره واحده بس بالله ومش هصورها
زينب هزت راسها بلرفض وهمست سيف واقف اتلم
عمر بضحك انتي قرفتيني بسيف ياعم امشي ياعم خلينا نتهنى بحاجه بدل منتا ولا خيرك ولا كفايه شرك
سيف بضحك بعينك يحيوان
عمر شاور على خده وتابع يازوزا علشان خاطري ده انا عمر حبيبك
زينب بحب عمر حبيبي اه بس بردو لا
سيف بضحك وكيد في عمر : طب وانا وشاور على خده
زينب بضحك انت ماشي وباست خده ففضل سيف يضحك بشده على شكل عمر المصدوم
عمر بضحك ماشي يا زينب خليه يشمت فيا كده وتكسفيني قدامه ماشي
زينب بضحك متحاولش تخليني احن مش هعملها يعني مش هعملها
عمر بضحك مهزقه اقول ايه يعني
سيف بضحك انت مستني انها تبوس خدك قدامي لالا ده انت قلبك ميت اوي
زينب ضحكت فاكمل عمر بضحك ماشي ماشي من اولها تطلعي عيني كده تعالي بس علشان نخلص وشدها ليه فهمست زينب ولسه يا بتاع سلمى واسماء مشوفتش مني حاجه
عمر بضحك اممم هي الجوازه السودا بتبان من اولها اتاري الاشارات دي كلها من ربنا كانت بتمنعني وصممت
سيف وزينب ضحكوا بشده فاكملت زينب بضحك ماشي ماشي هرد عليك بس بطريقتي
وفضلوا يتصوروا صور كتير مختلفه وشكلهم حلو وفرحتهم باينه والبنات جم اتصوروا معاها وكل واحد اتصور معاهم صوره ومره صوره مجمعه لكل العيله وخلصوا وراحوا في طريقهم لبيت عمر الجديد وعربيه قاسم ومازن كانوا وراهم وبيزفوهم والجو مليان بهجه وفرح
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غموض الحب)
