رواية غلطة عمري الفصل الرابع 4 بقلم شروق حسام
رواية غلطة عمري الجزء الرابع
رواية غلطة عمري البارت الرابع
رواية غلطة عمري الحلقة الرابعة
_” اسكتي بقي وبطلي عياط كل مشكلة وليها حل وانا هحاول الاقي حل في الكارثة دي”
شهد بدموع ” حاول تحس بيا أكثر انا خلاص هنتهي قريب يا اشرف يارب خدني عندك عشان استريح”
أشرف بحدة “ارتاحي شوية وبطلي عياط وسيبك من الهبل اللي بتقوليه ده”
_” لو عايزة حاجة أنا هكون في الصالة”
شهد مسمعتش اي حاجة من اللي بقوله وكملت عياط ودعاء أن ربنا يسامحها ويغفر وكانت منهارة تماما لحد ما حست بوجع جامد في بطنها
_”اااااه أشررررف الحقنننني اااه أشرررررررف”
أشرف بخوف وقلق ” فيه ايه انتي كويسة ”
شهد بصراخ ” لا مش كويسة معدتي بتتقطع ااااه”
خالد لبسها بسرعة الطرحة وشالها نزل بيها بسرعة علي المستشفي
…………………….
بعد 4 ساعات
شهد قامت من البنج مفزوعة ” أشررررف ابني”
أشرف وعينيه مليانة دموع “حمد الله علي سلامتك”
شهد بإبتسامة مرتجفة ” ايه اللي حصل يا أشرف هو الجنين كويس مش كده طمني”
_”ال..الجنين مات”
شهد وهو بتضربه بخفه علي كتفه “هههههههه لا بتهزر مات مات ازاي”
شهد بعد لحظات بمحاولة استيعاب للموقف ” ما…مات الله يرحمه انا…انا”
_”اهدي يا شهد الله يرحمه ارتاحي شوية وحاولي متتكلميش كتير عشان متتعبيش”
شهد بتوهان “الله يرحمك ياحبيبي كان نفسي اخدك في حضني ده مش ذنبك ده ذنبي انا بس..بس الحمد لله انك مشوفتنيش عشان لما تكبر ما تستعرش مني”
_”هو..هو احنا فين انا عايزة اروح مش قادرة اقعد..هنا اكتر من كده روحني…يا أشرف لو سمحت”
أشرف بتنهيدة “احنا في عيادة دكتور في صاحبي انتي عارفة حوارات المستشفيات واسئلتهم اللي ما بتخلصش وحاضر يا ستي هنروح”
……………….
بعد فترة
كانوا روحوا البيت وشهد نامت بتعب وهي مش قادرة تحرك حتي ايديها
أشرف قعد علي كنبة الانتريه في الصالة وفضل يكلم ربنا بينه وبين نفسه
_”أنا..انا والله زعلان …ومتضايق وممكن هي تحسب انِ مبسوط أن ابنها مات …بس بس دي روح ملهاش ذنب الحمد لله ابنها في رحمتك يالله”
………………
عدي أسبوع
شهد كانت طول الوقت نايمة ومش بتصحي غير ساعات قليلة جدا وأشرف كان قلقان عليها
_”هتتغدي معايا”
شهد بإرهاق ” لا شكرا انا داخلة انا ”
_”ما ينفعش اللي بتعمليه في نفسك ده يا شهد انتي بتدمري نفسك”
أكمل بتنهيدة ” جهزي نفسك عشان هروح اكتب عليكي من جديد”
_”تمام”
………………
_”بارك الله لكما وبارك عليكما وجمع بينكما في خير وعلي خير بالرفاء والبنين ان شاء الله”
أشرف خلص كل الورق اللازم وخد شهد ونزلوا وفي الطريق قابلوا مصطفي اللي بص لهم بصدمة وندم
_”شهد حبيبتي أخييرا شوفتك انا سيبت هنا عرفت انها واحدة مش كويسة وكلمت شباب كتير قبل كده انا…انا جاهر اعترف بالجنين اللي في بطنك …انا ندمت وعايز نرجع لبعض انتي لسه مراتي”
أشرف بغضب ” انت ازاي تكلم مراتي كده…”
شهد بقوة ” استني خليك انت يا أشرف انا هرد عليه”
_”نعم يا مصطفي عايز ايه”
مصطفى بترجي “نرجع وانا عمري ما هزعلك تاني”
شهد بسخرية ” وانا ليه ارجع لواحد زيك باعني في وقت كنت محتاجاه فيه ها قولي ليه اسيب الراحل اللي سترني وارجعلك”
مصطفي بوقاحة “انتي لسه مراتي والورقتين انا ما قطعتهمش”
شهد بغضب “لا لا لا لا صعبت عليا تصدق احنا جوازنا كان باطل يا استاذ لان ما كانش في شهود”
_”أنا…أنا..”
شهد بسخرية “انت كنت عارف مش كده ورغم كده ضحكت عليا وفهمتني ان جوازنا حلال كنت عارف اللي احنا عملنا ده كان زنا وسكت كل ده عشان ترضي نفسك المريضه”
_”انا ندمان والله ندمان”
_”وانا مش عايزه ندمك ومش عايزه اشوف وشك تاني غور من قدامي حسبي الله ونعم الوكيل فيك”
_”انا عايز ابني”
_”ههه ابنك بح راح ما بقاش موجود فما تسالش عليه تاني”
خلصت كلامها وسألته ومشيت هي وأشرف تحت صدمته
…………….
بعد فترة
كان الصمت هو سيد الموقف مابينهم
_”استني يا شهد خلينا نقعد هنا شويه نتفرج على الغروب”
جلس أشرف علي المقعد وهي جنبه
أشرف بتنهيدة “انتي كويسة”
_”لا مش كويسة خالص انا تعبت في حياتي”
أكملت بإبتسامة ” المهم هنطلق امتي”
أشرف بوجع “مش دلوقتي عشان الناس متتكلمش علينا كمان شهرين ولا حاجة”
_”تمام وأنا في الشهرين دول مش هتلمحني ولا تشوف وشي كتير عارفة انك مش طايقني”
_”انا عارفة انك كنت بتحبني واللي انا عملته كسرك عشان كده انا آسفه”
أشرف مردش عليها واتكلم بهمس ” ولازلت بحبك”
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غلطة عمري)
