رواية غلطة عمري الفصل التاسع عشر 19 بقلم نورة عبدالرحمن
رواية غلطة عمري الجزء التاسع عشر
رواية غلطة عمري البارت التاسع عشر
رواية غلطة عمري الحلقة التاسعة عشر
رؤوف سيب البنت فحالها يااخي خلاص كفايه اللي عملناه فيها..
عبد الرحمن بس انا بحبها.
رؤوف انت عمرك ما حبيتها..عشان اللي يحب حد مبيفكرش يأذيه..وانت اذيتها يا عبد الرحمن ..خلاص اعتقها ياخي ..خليها تلاقي حد يستاهلها..
عبد الرحمن للدرجادي شايفني وحش يا رؤوف..
اقترب منه رؤوف ليربت على كتفه..لا انت مش وحش..بس انا شايفك تايه مش عارف حاسس بايه..انت محبتش راما ..انت حبيت اهتمامها بيك وحبها ليك..بس حب لا.. عمرك ما حبيتها..عشان اللي يحب مبيفكرش يأذي اللي يحبه..
عبد الرحمن اومال ليه قلبي وجعني كده ..ليه ..
رؤوف عشان انت حاسس بالذنب ناحيتها ..وكمان لانها حبت حد تاني…الحاجه دي وجعتك..وكل راجل مكانك هيتوجع لما يشوف البنت اللي كانت تعشقه وتحبه..حبت حد تاني..
عبد الرحمن بس انا..
قاطعه رؤوف انت لازم تنساها كفايه اللي حصل لها بسببنا..خليها تعيش حياتها ..مع الشخص اللي اختارته..اتمنالها الخير ياعبد الرحمن..وانت كمان هتلاقي البنت اللي هتحبك..وتعشقك في يوم من الايام
عبد الرحمن..
((هناك قرارات يجب اتخاذها مهما كان الألم الذي تورثه لنا لكنه في النهاية لسعادة من نحب ..))
رؤوف قوم يا عبد الرحمن الدنيا مبتقفش على حد وانا هروح اشوف اختك ..انا عرفت من الشغاله ان اسر كان هنا ومن ساعتها حابسه روحها بأوضتها..
عبد الرحمن هجي معاك..
رؤوف لا انت روح خذلك شور وصحصح ومن بكرى ارجع الشغل احنا اهمالنا حياتنا كتير …وتمارا سيبهالي ..ان شاء الله هترجع زي الاول واحسن..
عبد الرحمن يارب يارؤوف
دخل رؤوف الى غرفة تمارا بعد أن استأذن..
جلس بجانبها…
رؤوف رفضتي الراجل ليه وهو شاريكي..
تمارا…….
رؤوف يا تمارا تتعبي روحك وتتعبينا معاكي ليه..
تمارا…..
رؤوف على فكره هو باين بيحبك قد ايه ..ازاي تطرديه من البيت كده..
انهارت تمارا بالبكاء ليحتضنها رؤوف بقلة حيله.اهدي ياحبيبتي متزعليش روحك..ليه ترفضيه ان كنتي بتحبيه كده
تمارا بين شهقاتها عشان مش عايزاه يتعذب بسببي..
رؤوف يتعذب ازاي يا حبيبتي الراجل شاريكي وبيحبك..
تمارا بس الناس هتفضل تفكروا باللي حصلي..
رؤوف اللي حصلك مش ذنبك..
تمارا عارفه بس احنا بمجتمع مش بيرحم ..يارؤوف..الناس بتحمل البنت الذنب دايما..
رؤوف يعني خلاص مفيش امل..
تمارا مسحت دموعها خلاص يا رؤوف..
((الفراق افضل بكثير من القرب المهلك))
((احبك لذلك سابتعد ..لكن لا تخف ستظل ذكرى جميله بداخلي كقطعة نادرة …ساحتفظ بك بزاوية في قلبي ..كلما اشتد شوقي اليك اخرجتها))
تمارا انا عايزه اطلب منك حاجه..
رؤوف عنيا ليكي ياحبيبتي..
تمارا عاوزه اعمل العمليه..عشان ارجع اشوف .
رؤوف بسعاده ده احسن خبر سمعته النهارده..انت كنتي ترفضي دايما خلاص انا هكلم الدكتور واحجز التذاكر عشان نسافر..
تمارا شكرا ليك…
رؤوف بتشكريني على ايه انا لو عليا كنت عملتلك العمليه من زمان بس انتي كنتي رافضه تعمليها..
تمارا عشان كنت فاكره أسر السبب فاللي حصلي كنت بشوف الدنيا كلها سوده ووحشه مكنتش عايزه اشوف حاجه ابداً .. بس دلوقتي خلاص عرفت ان الدنيا لسه حلوه وفيها ناس نظيفه..
رؤوف ربنا يقومك بالسلامه ياحبيبتي انا هروح اخد موعد واحجز عشان نسافر..
أومأت برأسها بهدوء..
((لن تنتهى الحياة.. نحن خلقنا لنستمر نتعثر بمطبات الحياة و نقف..ولن نستسلم ابداً))
______
بعد مرور عشرة أيام..في المطعم
كانت راما تجلس تنتظر لوحدها تنتظر أسر…لتتفاجأ بكرم يجلس مقابلاً لها
كرم بابتسامه عامله ايه..
راما بصدمه..كرم..
كرم وحشتيني..
راما مازالت تحت تأثير الصدمة..
ليفرقع أصابعه امامها كرم ايه روحتى فين..
راما هااا..احم ولا حاجه..هو انت جيت هنا ازاي و ليه..
كرم ببرود وهو يعتدل بجلسته انت رايك جيت ليه..
راما بتوتر ممش عارفه..لتنظر الى هاتفها ..انا هروح أسر اتأخر..
امسك يدها ليوقفها على فين اسر مش جاي..
راما بضيق آسر هو اللي بلغك أنال شافرنا هنا.
كرم لا انا سالت عمي عليكي وبلغني انكم سافرتوا..
راما بقلق وتوتر وقالك ايه تاني..
كرم مقالش..بس انا اصريت اني اعرف مكانكم وفي حد كده غششني وبلغني انكم سافرتوا هنا..
راما بغيظ ماما مش كده..
كرم متزعليش منها عشاني هي شافتني قلقان عليكي وعايز اقابلك..كانت عايزانا نتصالح..
راما اه…وماما كمان بلغتك اني في المطعم هنا..
كرم بابتسامه لا في دي مش هي أسر..ليشير لها أن تقترب..وهمس بابتسامه جذابه لها اصلك مش عارفه ان عيلتك كلها بقت من صفي واتفقنا عليكي.
راما ماشي يا آسر ..
كرم ايه هتتخانقي معاه ده طلع عيني لحد ما اقتنع اني اقابلك..
راما طيب عايز ايه دلوقتي..
كرم عايزك..
راما افندم..
كرم تنفس بهدوء و ابتسامه علت وجهها…بحبك …وعايز نتتجوز من تاني يس المره دي هنتجوز عشان بحبك..
توقفت أنفاسها وهي تراه ينطقها هل حقا يحبها هل حقا الان يطلب يدها للزواج….
راما بصدمه هاااا…
كرم بحبك..وعايز نتجوز
راما انت واعي للي بتقوله…
كرم اومأ برأسها ليمسك يدها عايزاني اصرخ هنا واعملك فضيحه واقولهم اني بحبك..عشان تصدقي..
سحبت يدها راما لتقول بضيق ونورهان..
كرم نورهان مالها ومالنا بس.
راما مش أطلقت عشانك..
كرم انت عرفتي منين..
راما بتهرب عرفت وخلاص..
كرم شبك يديه بهدوء..امممممم يبقى هو ده..
راما بتوتر ايه..
كرم نورهان هي البنت اللي اسر قالي عليها وانت شفتيني حاضنها..لينهض من مكانه ويسحب كرسيه ويجلس بجانبها لترتبك الآخرى..
كرم بس انتي غلطانه على فكره..
راما غلطانه..
كرم ايوااا عشان مستنتيش وشفتي الموقف كله خلاص شفتيها حضنتني و حكمتي ..انت لو كنتي بتحبيني ..كنتي استنيتي تفهمي..
راما بارتباك احب احب مين ..ومين بلغك أني بحبك..اساساً…انا مبحبش حد..
كرم بضحك انا بقلك انتي بتحبيني عشان هروبك مني ده..وعشان سبتي عبد الرحمن وقلتيله انك بتحبي حد تاني اللي هو العبد لله ..عشان ابننا اللي عاوزه تربيه لوحدك..وكمان أسر اللي قالي كنتي منهاره من العياط لما شفتيني مع نورهان..
راما بتوتر انا انا لتنهض ..لكنه امسك يدها يوقفها على فين هتهربى كمان…بس يكون فعلمك لو روحتي فين هروح وراكي…
راما عايز ايه ياكرم..
كرم بحبك..
راما كرم انا..
كرم بحبك..
راما…
جذبها لتجلس بجانبه..هننرجع مصر ونكتب كتابنا ونسافر نعمل شهر عسل باي مكان انتي عايزاه..ايه رايك..
راما…
كرم هااا موافقه..
راما بس عاوزه اسالك حاجه..
كرم ايه هيا..
راما انت ازاي عرفت باللي حصل بيني وبين عبد الرحمن..وليه طلبت تتجوزني..
كرم بكذب عشان عبد الرحمن زي اخويا..وحكالي كل
حاجه..ولما عرفنا انه ابوكي هيجوزك بالغصب .طلبت مني
تمارا اساعدك عشان أخوها كانت فاكراه ميت…
راما بس..
كرم بضيق بس ايه ياحبيبتي بقا انا جاي كل المسافه دي
ومسافر عشان اقولك بحبك وانتي عماله تحققي معاي ..طب
والله حرام عليكي..اراد تقبيل يديها ليبعده اسر ..
أسر بتعمل ايه …لا ياحبيبي..بعد كتب الكتاب مش دلوقتي..ويلا اوعى كده عاوز اقعد جنب اختي
كرم بغيظ ايه ياعم عايز اصالحها..
اسر صالحها من بعيد ..ليجلس بينهما…
اسر نظر الى راما هاا ياراما ايه رأيك..
راما ابتسمت ونظرت الى الارض بحرج….
كرم رايها بايه اكيد موافقه..يلاا عشان نسافر..
اسر مستعجل على ايه ياعم..
______
بعد خمس سنوات..
كرم وراما تزوجا وانجبا طفلان..تمارا و حاتم..
عبد الرحمن تعرف على فتاه في العمل وأحبها وتزوجها…
أسر تزوج ابنة عمه واستقر بالقاهرة…
تمارا أجرت العمليه واستعادة نظرها..وسافرت مع رؤوف فرنسا..واكملت تعليمها هناك..وتعرفت على شاب من فرنسا.. احبها وتقدم لخطبتها وتزوجها بعد أن اخبرته بما حدث لها واستقرت معه هناك…
رؤوف اطمئن على اخوته تمارا وعبد الرحمن…وعاد ليغرق بعمله من جديد..
وعاش الجميع بسعادة
*الله عادل بكل شيء..فهو يمنح كل شخص فرصه ثانيه يجب ان يستغلها..
لن تكون النهاية عندما نخطئ مادمنا نتنفس فسيكون هناك فرصة نصحح بها الخطأ و ابواب التوبة مفتوحة دائما..
تمت بحمد الله وفضله💚
لقراءة الرواية كاملة اضغط على : (رواية غلطة عمري)
