رواية غلطة عمري الفصل الأول 1 بقلم شروق حسام
رواية غلطة عمري الجزء الأول
رواية غلطة عمري البارت الأول
رواية غلطة عمري الحلقة الأولى
_”ناهد انتي حامل”
ناهد بصدمة ” انت بتقول ايه يا محمود حامل ازاي”
_”اومال اختبار الحمل ده بتاع مين”
_”مش بتاعي احنا لسه متجوزيين جديد مش هلحق احمل بالسرعة دي”
محمود شد شعره بتفكير وجنون ” طب الاختبار ده بيعمل ايه هنا انا هتجنن”
ناهد بعد لحظات من التفكير ” مفيش حد بيدخل الشقة غير شهد اختك ومامتك ومش معقولة يبقي لحد فيهم”
محمود بعصبية ” اخرسي اخرسي ايه اللي انتي بتقوليه ده مستحيل امي كبرت علي الكلام ده وشهد لسه متجوزتيش وعمرها ما تعمل كده”
ناهد بزعل ” انا مقصدتش حاجة والله”
_”انا هنزل اسألهم انا قربت اتجنن من كتر التفكير”
…………….
محمود نزل تحت بسرعة وهو بيكلم نفسه
_”ان شاء الله مفيش حاجة من اللي بفكر فيها”
محمود دخل شقة أهله بعصبية وصرخ بصوت عالي ” ماما بابا شهد انتم فين”
هانم مامته بخضة ” فيه ايه يا محمود بتزعق ليه يا حبيبي حصل حاجة يا ضنايا”
محمود رفع اختبار قدامه ” هو ده بتاعك يا ماما”
هانم بصدمة ” انت بتقول ايه يا بني انا كبرت علي الكلام ده انت بتهزر صح”
_”جيبته منين ده أصلا”
_”مش مهم جبته منين”
كمل بعصبية ” شهد فين ”
_”فوق علي السطح …..”
محمود مستناش يسمع باقي كلامها وطلع علي فووق بسرعة
_”الله يستر الله يستر”
………………
_”آلو يا مصطفي”
مصطفي بزهق ” عايزة ايه يا شهد بتتصلي ليه”
_”انا حامل”
_”نعم يا روح أمك حامل من مين”
_”هي دي لعبة جديدة من الاعيبك القذر*ة يا وسخ*ة ”
_”هكون حامل منين منك طبعا”
_”عموما أنا مليش دعوة يا حبيبتي دي شيلتك وشيليها لوحدك انتي لو كنتي محترمة ومحافظة علي ثقة أهلك مكنتيش سلمتي لي نفسك”
شهد بصدمة ودموع ” انت بتقول ايه احنا متجوزين”
مصطفي ببجاحة ” حاولي بقي تثبتي ده لو عرفتي”
شهد بعدم استيعاب “نعم اثبت ايه ”
_”تثبتي اني جوزك”
_”الورقة”
مصطفي بسخرية ” ورقتين العرفي اللي انا قطعتهم ”
شهد بصدمة ” انت ازاي اقطعتهم انت بتهزر صح قولي انك بتهزر ”
_”وانا ههزر معاكي ليه يابت انتي”
_”واللي في بطنك ده يا قطة تروحي تلسيه لواحد تاني يكون مغفل روحي شوفي لك شوفة تاني عادي يعني زي ما سلمتي لي نفسك تعمليها مع أي حد تاني ما دي بقت شغلتك”
_”وكمان متتصليش عليا تاني لأن فرحي الأسبوع الجاي علي هنا صاحبتك”
شهد بقهرة ” هنا هنا مين هنا صاحبتي صاحبة عمري طب ازاي”
_”ايوه هنا واحدة محترمة ومؤدبة وعلي الأقل مشيها مش بطال”
_”انا أهلي هيقتلوني لو عرفوا انت صاحب اخويا الانتيم علي الأقل اتقدم لي واتجوزني 3 شهور وطلقني وبعدين اكتب اللي في بطني بإسمك وبعدها مش هتشوف وشي تاني”
مصطفي ببرود ” وانا ايه اللي عرفني أن اللي في بطنك ده ابني ما يمكن زي ما سلمتي لي نفسك تكون سلمتي نفسك لحد تاني كمان”
_” اخرس يا حيوان يا زبالة”
مصطفي بغضب ” طب بصي يا و*سخة يا رخيصة لو اتصلتي عليا أو شوفتك تاني هفضحك في البلد كلها ومش هتعرفي تبصي في وش حد تاني”
………………
_”شهههههددد”
شهد مسحت دموعها بسرعة وحاولت تتكلم بطبيعتها ” محمود فيه حاجة بتزعق ليه”
_”كنتي بتكلمي مين كل ده”
شهد بتوتر بتحاول تخفيه ” دي هنا صحبتي”
_”امممم بقولك يا شهد أنا لقيت الاختبار ده”
شهد بصت له بصدمة وافتكرت أنها نسيته في التويلت وهي عند اخوها
_”مراتك حامل ألف مبروووك”
محمود بهدوء ما قبل العاصفة ” يعني ده مش بتاعك”
_” انا انا …”
محمود بغضب جحيمي”انتي ايه يا كلب*ة انتي حطيتي رأسنا في التراب يا فا**جرة”
مسكها من شعرها وجرجرها لحد تحت
هانم بزعيق ” محموووود انت ماسك اختك كده ليه”
محمود رمي شهد اللي بتنزف دم تحت رجل هانم
_”شوفي بنتك المحترمة كانت متجوزة صاحبي عرفي وكمان حامل …..”
هانم فضلت دقائق كتيير تحاول تستوعب لكن الصدمة كانت كبيرة عليها فوقعت مغمي عليها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غلطة عمري)
