رواية غلطة العمر الفصل الثامن 8 بقلم هاجر العفيفي
رواية غلطة العمر الجزء الثامن
رواية غلطة العمر البارت الثامن
رواية غلطة العمر الحلقة الثامنة
نيره لسه هتتكلم مسكت بطنها وقالت بوجع أكبر : انا ش شكلى بسقط ااااااه بطني
سليم قام من مكانه بخضه ومكانش قادر بسبب الجرح الممرضه دخلت بسرعه لما سمعت صوت وشافت حالة نيره خدتها بسرعه على أوضة الكشف وسليم سند بالعافيه وخرج يستناها والخوف مسيطر عليه
الدكتوره خرجت وقالت : حضرتك جوزها
سليم بتوتر : لاء قريبها هي كويسه
الدكتوره : الحمل ضعيف لدرجة أن مش هيكمل لأن لو كمل هيكون خطر عليها
سليم بخوف : هي هتبقى كويسه
الدكتوره : أن شاء الله اكيد عن أذنك
سابته ودخلت وابتده يجهزه أوضة العمليات
سليم بخوف : يارب احميها يارب
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
كريم بسخريه : أتضحك عليك وش
أكرم بعدم فهم : قصدك ايه
كريم : مريم خدت كل الفلوس ال فى حسابك وهتهرب النهارده فى أول طياره هي والواد ال ماشيه معاه
أكرم وقف بصدمه ومسكه هدومه بغضب وقال : انت كداب انت بتقول ايه
كريم زقه وقال : وانا مالى ياعم ماتروح تشوف ال ضحكوا عليك
أكرم اتجنن وخرج بسرعه ركب عربيته وطلع على طريق المطار زي المجنون بس شاف حاد”ثه كبيره موقفه الطريق كله نزل بسرعه من العربيه عشان يشوف ايه ال وقف الطريق واتصدم لما شاف عربيه مفتوحه ومقلوبه والناس خرجوا مريم ومعاها شخص كمان أكرم اتصدم من المنظر وجرى عليها وقال : مريييم
مريم فتحت عيونها بصعوبه وقالت : أكرم
أكرم قال : انتي كويسه اسعااف ياجماعه
مريم بتعب : خلاص يا أكرم مفيش وقت انا بس كنت عايزاك تسامحنى كل ال انا عملته فى الدنيا هقابل ربنا بيه انا خايفه اووى سامحنى يا اكرم وعلى فكره والدتك هي السبب فى كل شئ ع عشان هي مش امك هي مرات ابوك وحاولت تد”مر ح حياتك
فجاه مريم غمضت عيونها وما”تت
واكرم اتصدم وقال بوجع : مريم فوقى مرييييم
(دايما الندم بيجى متأخر لازم نستغل الدنيا دي فى رضى ربنا وبس عايزين ننجح فى الامتحان ونفوز بالجنه
” مَّثَلُ ٱلْجَنَّةِ ٱلَّتِى وُعِدَ ٱلْمُتَّقُونَ”
مفيش وقت للمعصيه لازم نتوب ونرجع بقا ل ربنا مفيش وقت)
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووووا
سليم : خير يادكتوره طمنيني
الدكتوره : الحمد لله هى حالتها مستقره دلوقتي وهتتنقل أوضه عاديه بس حضرتك جرحك بينز”ف جدا لازم ترجع الاوضه بتاعتك
سليم بحزن : مش مهم انا المهم هي تكون بخير
الدكتوره بابتسامه : ربنا يسعدكم
سليم بأمتنان : شكرا
سليم دخل الاوضه عند نيره وقال بمرح : مريض رايح يزور مريض
نيره بخوف وتعب : ايه ال خرجك من الأوضه بس انت لسه تعبان
سليم بابتسامه : المهم انتي تكوني بخير
لسه هترد عليه الباب اتفتح ودخلت ساره جريت عليها وهي بتعيط ومازن كان معاها
ساره بدموع : أخس عليكي يانيره ده كله يحصل ومتكلمنيش
نيره بتعب : اسفه ياحبيبتى بس والله غصب عني
مازن : لما سليم قالي انكم فى المستشفى قلقت جدا ولما انسه ساره كلمتني كانت بتسال عنك قولتلها وجبتها معايا
ساره وهي بتحضنها : حاسه بأيه ياحبيبتى
نيره بابتسامه : بوجع بسيط بس الوجع الأكبر هو فقدانى للطفل ال لسه مشافش الدنيا
ساره قالتلها بابتسامه : احنا قولنا ايه (رب الخير لا ياتى إلا بالخير ) يعني دي رحمه من ربنا
نيره برضا : الحمد لله على كل حال
مازن وسليم كانوا بيسمعوا كلامهم براحه نفسيه
مازن : احم عن أذنكم بقا هنخرج دلوقتي عشان سليم يشوف الجرح ال بينز”ف ده والاستاذ ولا فى دماغه
نيره : ياريت ياسليم تشوف الجرح
سليم : حاضر
وقام خرج مع مازن
ساره بغمزه : الصناره غمزت
نيره بضحك : بس يابت انتي
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
أكرم بحزن : ليه عملتى فيا كده
والدته : عملت ايه
أكرم : انا عرفت انك مش أمى وعملتى كده عشان تد”مريني
سعاد بتوتر : م مين ال قالك الكلام الفارغ ده مريم صح
أكرم بسخريه : مريم ما”تت
سعاد بصدمه : ما”تت
أكرم : ايوه واعترفت ليا على كل حاجه انتي كنتي السبب فى خ”راب حياتى كلها انتي ال ربتيني من الاول على أن عادي امشي مع بنات واعيش حياتى وميهمنيش مشاعر حد المهم اكون مبسوط اتجوزت نيره وكنت كل يوم تفكريني أن كنت ماشي معاها قبل الجواز وتخليني اكر”هها اكتر خسرتها وخسرت ابنى ال لسه مجاش وكمان ق”تلت الله اعلم هو ما”ت ولا لاء بس تجرأت ومسكت سكي”نه وبرضوا انتي السبب بسبب تشجيعك ليا على الغلط انا فعلا خسرت كل شئ
سعاد بحزن : انا
أكرم وقف وقال بحزن : انا خلاص مليش مكان هنا انا هسافر بره هبعد عن كل شئ ويمكن ده احسن ليا ولغيرى
سعاد بحزن : طب وانا
أكرم : أقل عقاب ليكي انك تكونى لوحدك
أكرم سايها ومشي وهي بكت بحزن
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد مرور تلات شهور
نيره ابتدت تنسي كل ال حصلها وتقرب من ربنا اكتر من الاول وبمساعدة ساره صحبتها واختها وهي دي الصحبه الصالحه ال بجد ال تسحبك لطريق الجنه
طبعا هما الاتنين شغالين فى الشركه بس نيره بتتجنب سليم وهو كذلك عشان يبعدوا عن اي حاجه تغضب ربنا وطبعا نيره وساره عايشين مع بعض لأنهم الأتنين اهلهم متوفيين مازن طلب ايد ساره للجواز وهو متأكد أن دي ال هتصون بيته وهتقف جمبه واتفقوا على ميعاد كتب الكتاب عشان يكونوا على راحتهم
#هاجرالعفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
يوم كتب الكتاب
:بارك الله لكما وبارك عليكما وجمع بينكما في
جمله قالها المأذون وقام مشي
نيره بفرحه حضنت ساره : مبروك ياروحي
ساره بابتسامه : الله يبارك فيكي ياعمرى كله
سليم بابتسامه : مبروك ياصحبي
مازن بغمزه : الله يبارك فيك ياصحبي عقبالك
سليم بابتسامه : خلاص هانت اووى
مازن شد ساره وحضنها وقال بدموع : أعظم انتصاراتى
ساره بحب : بحبك
مازن وعنيه بتلمع بحب : بحبك
سليم وهو يقف جمب نيره قال بمرح : عقبالنا
نيره بصدمه : ايه ؟؟؟
سليم بضحك : ايه ؟؟
نيره بخجل : قولت حاجه
سليم بابتسامه : الصراحه اه قولت عقبالنا وياريت النهارده قبل بكره عشان انا صابر بقالي كتير اووى
نيره بتوتر : صدقني مش هينفع ياسليم
سليم بنفاذ صبر : ايه ال مينفعش يانيره مش فاهم
نيره بحزن : ال عملته معاك زمان مش سهل
سليم اتنهد وقال : يمكن زمان لما اعترفتلك وانتي رفضتي قررت انساكى لكن القلب مش بأيدنا يانيره قلبى حبك ورفض أن ينساكى حتى مع مرور الوقت
نيره بدموع : أنا اسفه أن اتسببت فى حزنك سنين بس والله انا كنت عيله طي”شه بجد ومكنتش عارفه بعمل ايه
سليم بابتسامه : وعشان كده سامحتك وجاي بطلب منك الجواز دلوقتي عشان نعوض ال فات من عمرنا
نيره : بس انا مش زي زمان انا مطلقه
سليم بضحك : يابنتي بطلى حجج بقا انا عارف انك مطلقه وراضي والله وبرضوا مصمم
نيره : هتحبنى
سليم بابتسامه : بحبك اصلا
نيره : هتزعلنى
سليم : ماصدقت اكسبك واخاف اخسرك ها موافقه
نيره بابتسامه وفرحوعلى عوض ربنا ليها : موافقه
سليم بسعاده : المأذون ياماااازن
تمت بحمد الله
انتي غاليه اووى ياست البنات تستاهلى ال يقدرك حافظي على قلبك علشان ال يستاهلوا اتمني رضا ربنا دايما وحافظي على ثقة أهلك ليكي دايما ال بيحبك بجد هيدخل جد وهينفذ وعده قال تعالى (وَلَيْسَ الْبِرُّ بِأَن تَأْتُوا الْبُيُوتَ مِن ظُهُورِهَا وَلَٰكِنَّ الْبِرَّ مَنِ اتَّقَىٰ ۗ وَأْتُوا الْبُيُوتَ مِنْ أَبْوَابِهَا ۚ وَاتَّقُوا اللَّهَ لَعَلَّكُمْ تُفْلِحُونَ (189) البقره
الحلال حلو يابنات بلاش نضيعوا بالغلط حافظوا على قلوبكم
يارب تكون نهايه عجبتكم❤️ومتنسوش ذكر الله يابناويت 🥺❤️
لقراءة الرواية كاملة اضغط على : (رواية غلطة العمر)
