رواية غزل الفصل الثاني والثلاثون 32 بقلم هايدي أحمد
رواية غزل الجزء الثاني والثلاثون
رواية غزل البارت الثاني والثلاثون
رواية غزل الحلقة الثانية والثلاثون
لولولى بسم الله ماشاء الله يا زين ما اختارت يا ابنى قمر
كله بصلهابصدمه واولهم غزل الى كانت بتسلم عليها
اسمك ايه يا قمر
اتصدمت غزل وبصت لجاسر الى كان مستغرب
بعدها جه حازم بسرعه وراها
اا غزل ياما غزل
ما شاء الله واسمك حلو كمان يا ابنيتى
كانت مايا قاعده وهى بتهز رجليها بغيظ ومتابعه
ايوه مش تنقية جاسر
تنقية جاسر ازا…
سلمى على جاسر ولا عشان معزمكيش بقى
اا
بصتله والدته بإستفهام
فقرب منها بهمس
مش دى يا اما دى مرات جاسر
اتلجمت والدته بصدمه وهى بتبصلهم بتوتر
ال الف الف مبروك يا ابنى يا زين ما اختارت
ابتسمت غزل ليها وهى بتتنفس الصعداء
الله يبارك فيكى يا طنط
وبعدها بصت لحازم فشاورلها الناحية التانية
فبصت ناحية مايا وهى مصدومه لانها مشافتهاش كويس وركزت معاها
بعدها راحت ناحيتها
دى بقى العروسه يا ماما
وقفت مايا بغرور وهى بتعدل فى شعرها وكانها بتوريها انها احلى من غزل
بصت عليها من راسها لرجليها وهى بتبلع ريقها بكسوف من لبسها وجسمها الى باين
وقربت منها وسلمت عليها
اا الف مبروك يا حبيبتي اا يا زين ما اختارت يا ابنى ربنا يتمملكم… على خير
سحبها حازم وهى بتبصله بعتاب وقلة رضا على اختياره
قعدت مايا بضيق شديد
مامى هى مالها بتبصلى كده ليه كأنى مش عاجباها مش كفاية رضيت بإبنها
مايا ..عيب وبعدين من حقها انا مش قولتلك احنا جايين لناس صعايدة ومعندهمش اللبس ده عندهم الستات بيلبسوا حشم وانتى مبتسمعنيش وبتعملى الى فى دماغك
هه ما اكيد مش بيلبسوا اللبس ده عشان فلاحين
بنت
اوووف خلاص يا مامى انا اصلا قربت ازهق وعايزه امشى ايه ده
بس خلاص استنى لما نبقى لوحدنا مش وسط الناس
ربعت مايا ايديها بضيق وهى بتبص حواليها وعلى تفاصيل البيت ولبس الستات وشكلهم بقرف
…………………………….……………
سيب يدى يا حازم
يما تعالى بس
اخس عليك يعنى تخطب من ورانا وكمان عايز تتجوز دى دى لا من توبنا ولا شبهنا يا ولدى معتعمرش معاك
يما اسمعينى بس دى بنت …
بلا بنت بلا بتاع ان شاء الله تكون بنت وزير الداخليه نفسه انا معجبانيش اطلعها لاهل البلد انها مرت ولدى كيف من ميتى عيلة المنصورى بيخرجوا برا توبهم
يما انتى معيزاش تفهمينى ليه
بس ولا اسمعك ولا ليك صالح بيابعد عنى
يما يمااا..الله يخربيتك يا جاسر هتودينا فى داهيه
★★★★★★★*****★★**★****
احم هى كانت فاكرانى العروسه مش كده
متاخديش فى بالك انتى ….داوود فين
بصت غزل جمبها تدور عليه ملقتوش
شكله خرج بره هروح اشوفه
لا خليكى ه…
لا لا خليك انت معاهم انا هروح
قامت غزل وبص عليها جاسر لعند ما خرجت من الباب
وده تحت نظرات مايا الساخره
قلقان عليها اوى بسلامتها
خرجت غزل وراحت تدور على داوود لقته قاعد فى الجنينه وبيلعب مع الحمام
ضحكت اول ما شافت الحمام الابيض كتير على الارض وداوود بيطير فيه وبيلعب معاه
انت بتعمل ايه يا داوود
حمام يا غسل سوفتى بيطير ازاى
وراح يجرى عليه وهو يطير
ضحكت غزل وقعدت تلعب مع الحمام وتمسكه
بس الحمام ده كله جاى منين معقوله بيدور على الاكل
لا دى تربية بيت العمده تبع ابراج الحمام الى ورا البيت
اتخضت غزل و التفتت وراها على الصوت
لقت واحد واقف وراها ولابس جلابيه صعيدى وشال على كتفه والجزمه وفيه شبه كبير من حازم
انتى تبع الضيوف الى هنا
اا ايوه حضرتك مين
انا احمد المنصوري اخو حازم الكبير
اه فيك شبه كبير منه اتشرفت بمعرفتك
بصلها احمد بتركيز ولملامحها بشرود وبعدها اتحمحم
اسمك ايه
اا احم غزل اسمى غزل انا م….
اسمك حلو اوى يا غزل
اا شكرا
انتى بقى بتحبى الحمام
اا..اه طبعا مين مبيحبش الحمام
قرب احمد ومسك حمامه وحطها على كتفه وهو بيمشى ايده عليها
اه وعلى كده بقى تعرفيهم من بعض
بصراحه مش اوى يعنى ممكن افرق بالشكل
مسك حمامه تانيه وهو بيمشى ايده عليها
ازاى
يعنى الى شكلها صغيرة زى دى مثلا وريشها متساوى وناعم كده بحسها انثى
ههه فعلا سبحان الله ربنا خلق الانثى كده فى كل مخلوقاته
ايوه فعلا ا….
غزززل
التفتت غزل بسرعه على صوت جاسر وقام احمد والحمام طار من حواليه فى وقفته
بعدها جه جاسر وهو عينه هتطلع من مكانها
اهلا اهلا ازيك يا عم جاسر ايه محدش بيشوفك ليه عاد
ازيك يا احمد عامل ايه
انا بخير واحشنى يا راجل
وانت كمان يا ابو حميد اشغال بقى معلش
ايوه ايوه الله يكون فى عونك انت وحازم خير بيقولوا العروسه من نواحيك
اه بنت عمتى
لا اذا كان اكده مفيهاش كلام نسبكم ميبقاش فى عيب
وبص لغزل الى كانت واقفه وماسكه داوود وبتابع كلامهم مع بعض
ان شاء الله خير…وبعدها وجه كلامه لغزل
احم مش يلا
اا هى تقربلك ايه صح غزل
بصله جاسر بضيق من ذكره اسمها
فبصله بسماجه وشد غزل من ايديها
مراتى غزل جاسر الايبارى
بص احمد بصدمه شويه وبلع ريقه بضحك وبتوتر
يا راجل نسيتنى صح اباركلك الف الف مبروك يا اخوى اعذرنا بقى عشان محضرناش الفرح
لا ابدا ولا يهمك واجبك وصل
شدد جاسر على ايد غزل
يلاا
بصتله غزل بخوف شويه وتردد وهمهمت
بعدين اخدها ومشيوا
واحمد متابعهم وهو بيتنهد بشرود
مشى جاسر وهو بيضغط على ايد غزل من غيظه
اى ايدى
بس اخرسي ..انا بقى هقعد اجيب سيادتك كل شويه من مكان انا مش قولتلك متقوميش وانا هجيبه
ايه الى بتقوله ده
سيادتك كنتى بتعملى ايه مع البيه هنا
تانى ..تانى بتشك فيا
اتنهد جاسر
والله يا مدام انا مبشكش بس عايز افهم ليه اطلع الاقى مراتى بتتكلم مع واحد متعرفوش
انا مكلمتش حد واديك قولت معرفوش يعنى مش هفتح معاه كلام
بس هو هيفتح عادى وسيادتك مش هتصديه بالعكس
عايزنى اعمل ايه يعنى اشتم الناس وامشى
جز جاسر على سنانه وضغط اكتر ع ايديها وهو مش حاسس من غضبه
اييي
خدى داوود وادخلى …
بصتله غزل بضيق
خلصييي
يلا يا داوود
اخدته غزل وهى متضايقه وبتبرطم (ضربه فى معاميعك )
غسل …غسل
هز داوود ايديها
غسسل
اييه هو انت وابوك
انا عايس حمام من ده
متقلقش دلوقتى هتاكله جوه
اييه
ها لا قصدى هناكل وهنطلع نلعب معاه متقلقش
لا انا عايس دلوقتى
ما قولت بعد الاكل بقى وبعدين يلا عشان تنام بعد الاكل انت صاحى من بدرى وبعدين مشوفتش بابا كان بيجعر احم قصدى بيزعق يعنى عشان احنا برا فبلاش دلوقتى احسن ..يلا
لااا انا عايس العب مع الحمام
يووه حاضر حاضر انت حر مع ابوك بقى يلاا
***************
يلا يا جماعه الوكل جاهز اتفضلوا
لا اكل ايه يا ابراهيم مش هينفع وانت عارف انا مليش تقل على السمن البلدى بتاعكم ههه
يا داوود متقولش اكده ده السمكن البلدى دى صحه يا راجل
يلا قدموا على الوكل اتفضل يا بيه اتفضلى يا هانم قوموا يلا قومى يا ابنيتى قاعده ليه
قامت والدة مايا وابوها وهى قامت بضيق ومسكت دراع مامتها
مامى احنا هناكل من الاكل بتاعهم بجد
ايوه فيه ايه نحرج الناس
لا يا مامى بلاش انا مش ضامنه اكلهم ده نضيف ولا لا وبعدين سمعتى خالو قال ايه انا مش مستعده اتخن عشان خاطرهم انا هقعد هنا
خلصى يا مايا ميصحش كده اقعدى معانا وبعدين ابقى كلى الى انتى عايزاه بس بلاش احراج قدام الناس يلا
يوووه
مشيوا وقعدوا على السفرة
قام جاسر وبص يدور على غزل ولقاها داخله وبتبصله بضيق
فاتنهد وقام راح معاهم وقعد ولسه هيشاورلها تقعد اخدت داوود وراحت قعدت جمب حماها وهى مش بتبصله وهو اتضايق بس مبينش وفضل متابعها بعينه لعند ما لاحظ احمد دخل
السلام عليكم
وعليكم السلام تعالى يا ولدى قدم على الوكل اقدملكم ولدى الكبير احمد
ازيكم يا جماعه نورتونا وشرفتونا والله معلاش عشان السلام والوكل كملوا وكلكم
وبعدها راح قعد على الكرسي وكان قصاد غزل وهنا جاسر معرفش ياكل لانه كان مراقبهم كويس ومتابع غزل الى كانت بتاكل وبتأكل داوود الصغير
غسل هو ده ايه
ده ..ده بط يا حبيبي
بط ازاى يا غزل سلامة الشوف ده حم…
قاطعته غزل بسرعه قبل ما يكمل
ايوه يا بابا عارفه بس هو شبه البط شويه
اتكلمت غزل وهى بتلمح لحماها ميقولش عشان داوود ان ده حمام عشان ميزعلش
طب انا عايس منه يا غزل
متاكد عايز تاكل من ده
اممم
اخدت غزل حمامه وقسمتها وكان فيها رز وحطتها قدام داوود وقعدت تفصصها ليه تحت نظرات جاسر الى متبعاهم
اكل داوود وعجبه
كمان يا غسل طعمه حلو
طعمه حلو (معلش بقى هى الدنيا كده )
جت مامت حازم من المطبخ ومعاها طبق كبير زياده فيه محشى ورق عنب وحطته على السفرة وكان وراها حازم عشان يراضيها بس هى لسه زعلانه منه
الله انت عندك بتعمل ايه يا حازم قدم على الوكل اقعد جمب عورستك
بصتله مامته بسخرية
اقعد يا ولدى جمب عروستك يلا
راح حازم وقعد جمب مايا وهو متضايق وهى متضايقه اكتر من الاكل وريحته وبتابع غزل بقرف وهى بتفصص الحمام وبتاكله وجت مامت حازم جمبها
واخدت حمام وبط وحطته قدامها هى وداوود
عوديه على وكل البط برضه يا بنيتى عشان يطلع عضمه جامد مش حما…
اه يا طنط ما انا هاكله منه متقلقيش تسلم ايديكى والله على الاكل ده
تسلميلى يا بنيتى
ابتسمت مايا بسخرية (مهى من حقها تفتكرك العروسه ما انتى مقرفه شبههم بياكلوا بإيديهم ازاى دول )وبعدين بصت لحازم لقته كمان بياكل بايده وكمية السمنه الى فى الاكل وعلى ايديهم
(لا لا انا معدتش قادرة ايه ده )
قامت مايا بسرعه وهى حاسه انها هتستفرغ
مامى انا هطلع بره انا
بصت مامتها بإحراج للى قاعدين
تمام يا حبيبتي روحى انتى وهنيجى وراكى
الله رايحه فين يا ابنيتى كملى وكل انتى ماكلتيش حاجه
لا لا مش هقدر انا شبعت خلاص بعد اذنكم
بصلها حازم بسخرية وكمل اكل
بعدها خلصوا اكل وقاموا قعدوا فى الصالون وقدمولهم الحلى الى بعد الاكل
كانت مايا واقفه فى الجنيه بره وبتبص حواليها بقرف وبتحاول تاخد نفسها وتهدى
ايه يا عروسه كن الوكل مش عاجبك
بصتله مايا بضيق ومردتش عليه
اتعودى على الوكل ده عشان ده الى عتاكلية علطول
بصتله مايا بذهول
انت بتهزر صح انا استحاله اكل من الاكل من الاكل ده
ههه طب اتعودى يا حلوه عشان مفيش غيرة لا فى مطاعم ولا فى بابى ولا مامى
لااا ده انت بتحلم بقى انا اكل من الاكل ده واقعد فى القرف ده ده انت اتجننت اسمع انا جيت هنا على اساس الفرح بس هيتم هنا بس سامع وياريت يتم باسرع وقت عشان امشى من هنا وارجع القاهرة تانى
وماله يا هانم تحت امرك
ياسم
سابته مايا ومشت وهو حك دقنه بإبتسامه
قال امشى قال ده بعدك بس كتب الكتاب يتم بس ونحلها
★★★★★★★★★★★★******★★★★★★★
طلعت غزل الاوضه الى مامت حازم قالتها هتقعد فيها هى وجاسر اما داوود راح يقعد مع جده
دخلت غزل الاوضه وعجبتها اوى ديكورها القديم واثاثها وريحتهم وشكل غروب الشمس على الحيطان
حطت شنطتها وراحت البلاكونه وبصت على غروب الشمس واشعة الشمس البرتقانى وشكل الغيطان الخضرا والبيوت الى حواليهم واتنفست براحه
الله حلو اوى الجو ده بجد
قاعها خبط على الباب فراحت فتحت لقت واحده بلبس عادى جلابية وشال اسود على راسها بلفه تقليديه
اتفضلى ستى بعتتلك ده عشان الناموس ابقى ولعية باليل
تمام ماشى شكرا
اه نسيت ان مع الطبيعة الحلوه دى فى البيئة بتاعتها معاها بس مش مهم
راحت طلعت هدوم ودخلت عشان تاخد شاور
★★★★★★★★*
اما بالنسبه لمايا فدخلت الاوضه وهى بتبص عليها كويس فى كل حته فيها وبتعدى على الاثاث وتشوف عليه تراب ولا لا وتشوف السرير نضيف ولا لا
انا هقعد فى القرف ده اااع انا غلطانه انى وافقت انى اجى او اوافق على الجوازة دى اصلاااا
★★★★★★**
اما تحت كانوا الرجاله قاعدين سوى بيتفقوا على حاجات الفرح ومعاهم ام حازم وام مايا
خلاص يا جماعه اتفقنا الفرح الاسبوع الى جى
بس اسبوع قليل اوى فى حاجات كتير لازم تتظبط وعايزه وقت
ولا يهمك يا هانم فى ايوتها حاجه احنا جاهزين فى خلال يومين كل حاجة هتكون جاهزه كيف ما عايزين واى حاجه عايزينها احمد ولدى هيجبهالكم
اذا كان كده يبقى خلاص على خيرة الله
زغردوووو
طلعت صوت الزغاريط من بيت العمده عشان اهل البلد يعرفوا ان فيه فرح جاى
خلص جاسر وطلع يدور على الاوضه وواحده من الشغالين عرفته الاوضه ودخل كانت غزل قاعده على كرسي وماسه كتاب بتقرأ فيه ركز عليها جاسر وكانت لابسه هدوم نوم من الستان بتبرز انوثتها وفارده شعرها ومركزه فى الكتاب سابها جاسر وبعدين راح طلع هدوم من شنطته ودخل ياخد شاور وطلع بعد شويه كانت غزل لسه قاعده بتقرأ فى الكتاب فقعد قصادها ينشف شعره وهو بيبصلها بشرود ومركز مع كل حركة بتعملها ومع شفايفها وهى بتحركهم وبتقرأ الحروف فأتحمحم وهز راسه وكمل تنشيف فى شعره
بعد شوية قفلت غزل الكتاب وفردت دراعتها وهى بتتمطع وبتحرك ضهرها من نفس القعده
وجاسر متابعها وهى متجاهلاه تماما وبعدين حطت شال على كتفها وكانت هتخرح للبلاكونه
استنى رايحه فين
بصتله غزل بطرف عينها
هكون رايحه فين طالعه اشم هوا
قام جاسر ووقف قصادها ومسك دراعها
طالعه تشمى هوا كده وكتفك الى باين ده وشعرك يا مدام
ومين الى هيشوفنى احنا بليل والدنيا ضلمه برا
مفيش خروج يلا ادخلى نامى
قولت عايزه اشم هوا
ولسه هتسيبه وتطلع مسكها من دراعها وزقها على الحيطه
اااه
انا مش قولت مفيش خروج
بصتله غزل بضيق وهى بترمش بعنيها وبتاخد نفسها
وهو بادلها النظرات بغضب لعند ما نظراته لانت وركز مع تفاصيل وشها وعنيها وشفايفها وبدأ يقرب منها ومبقاش بينهم فاصل ولا حدود وشالها و…..❤️
★★★★★★**★★★★★★*
عند حازم كان رايح اوضته بس سمع صوت حد بيصرخ وبيتوجع فقلق وفضل يسمع الصوت جاى منين وراح ناحية الباب وفتحه بسرعه بس اتفاجأ لما لقاها مايا
ايه ده انت ازاى تدخل الاوضه كده من غير ما تخبط ولا حتى تستأذن هى زريبه
بتصوتى ليه
انت ا….
بتصوتى ليه خلصى
هيكون ليه من الجو المقرف ده والحشرا الى ماليه المكان .اي
اتوجعت مايا من قرص الناموس وحكت ايديها بضيق
اووف شايف شايف القرف ده
ما سيادتك قالعه بالنهار وباليل مش عايزه الحشراات تقرصك ما تغطى نفسك الاول
انت قليل الادب اطلع برا يلا
قليل الادب واطلع برا
ايوه
انتى قد الكلام ده
قالها حازم وهو بيقرب منها
ااانت بتقرب ليه والله اصوت والم عليك البيت ده كله اطلع برا
مش بتقولى قليل الادب بحلل الكلام الى قولتيه
ااااع يا ماماااا
بس بس اخرسي ايه ده عرسه بتصرخ
اترزعى هنا وبطلى صريخ على اما اجيب حاجه لل حشراات ههه
اااع مستفز وبارد
رجع حازم وابتسم بسماجه
شبهك ياختى
دبدبت برجليها فى الارض وهى بتهش الناموس وبتهرش فى دراعها
بعد شويه حازم وجاب جهاز يرش بيه الاوضه للناموس
كمان شويه مش هيفضل ولا ناموسه بطلى صريخ بقى عايزين ننام
بصتله مايا بقرف ومردتش
لا بقولك ايه العوجه دى مش عليا انا ملحبش الدلع والمياصه
انت قليل ذوق ومهزا تعرف كده
اكيد طبعا اعرف كده بس احب اعرفك انتى كمان
شمر حازم ايده وجرى وراها وهى اتخضت وقعدت تجرى منه وهو بيجرى وراها
ااااه يا يا ماماااااا
بعدها اتخبطت فى السرير ولسه حازم هيمسكها وقعت وهو وقع عليها
حازم انت بتعمل ايه هنا
★★★★★★★***★★★
مالك بس ايه الى مش عاجبك فيها
ايه الى مش عاجبنى كلها مش عجبانى كلها
دى هتبقى مرت ولدى كيف قولى اطلعها بلبسها ده كيف للناس الناس تقول عليها ايه
يا ستى ان كان على لبسها نشرط عليها طول ما اعى اهنى متلبسش لبس من ده وتلبس كيفنا عشان الناس او انا هقول لحازم يقولها بس بعد كتب الكتاب
وهتحضر كتب الكتاب كيف والحنه هتطلع للرجاله والنساوين اكده عاوزهم ياكلوا وشنا
كل شئ وله حل متصعبيهاش دلوك
اااه يما كان نفسي عروسته تبقى كيف مرت جاسر تعرف اما شوفته قلبى اكده اتفتحلها وقولت دى مرت ولدى اتاريه محضرلى مفاجأة كبيرة قوى وواعره
ايوه امال مش الصغير وبتاع المفاجئات ههه
بس والله ما ليا نفس اضحك بعد الى حصل
يا ستى كل شيء قيمه ونصيب ودى نصيبه
يلا ربنا يستر فى الى جاى
★★★★★★★★★*
ماما
بعد حازم عنها بسرعه وهى كانت بتزقه
اا مفيش يا طنط اصل …كان فى ناموس هنا وجبتلها جهاز ناموس بس مش اكتر
ااه ناموس طيب يا حبيبى شكرا انا هشوف قصة الناموس ده
تمام تصبحوا على خير
بصتلها والدتها برفعة حاجب
ناموس يا مايا مش كده
ايوه يا ماما اتفضلى شوفى البيئة الى احنا فيها ورينى هتعرفى تنامى ازاى ثم هو الى جه لوحده انا اصلا مش طايقاه
لا واضح خالص ان مش طايقاه الى حصل ميحصلش تانى فاهمه يلا اتخمدى
اوووف ده الى كان ناقص يقولوا انا بموت هواه اااع منك لله يا حازم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غزل)
