رواية غريب في مصر الفصل الرابع عشر 14 بقلم Sos khalil
رواية غريب في مصر الجزء الرابع عشر
رواية غريب في مصر البارت الرابع عشر
رواية غريب في مصر الحلقة الرابعة عشر
عمر لما عرف ان عدي في المستشفى
جري قال لابوه وابوه اتخض وراحو على المستشفى
في المستشفى
عدي :والله مش جعان
اسامه :لازم تاكل يا عدي
عدي :والله مش جعان
رشا خدت الاكل من اسامه :هات وبعدين بصت لعدي
بعصبيه :بقولك ايه هتاكل يعني هتاكل إحنا مش بنلعب هنا
كل وإنت ساكت إنت مضروب علي دماغك هتاكل حتي لو
شبعان أخلص مسكت المعلقه وحطتها عند بقو وقالت بصوت
عالي :كللللللل
عدي اتخض وكل منها بخوف واسامه واقف بيضحك
وغمز لرشا :لا مسيطره
رشا ضحكت وهزت كتفها بعرور مصطنع :وايه الجديد مانا
عارفه اسامه ضحك وكملت هي أكل عدي
عند حنان كانت قاعده وقلقانه على عدي لحد ما سمعت
صوت تليفون مصطفي
مصطفي رد لما لاقي عمر :إيه في المستشفى إزاي
يعني هو كويس طيب يا عمر انا جاي لا مينفعش
ملوش لازمه إيه ده عدي يعني طيب عنوان المستشفى
ايه آه آه عرفها تمام سلام
حنان بقلق :إيه مصطفي حصل إيه
مصطفي :عدي في المستشفى
حنان وامها بخضه :إيه
مصطفي اهدوا يا جماعه هو كويس دلوقتي وأنا رايح ليه
أهو
حنان :طب انا هاجي معاك
مصطفي :تيجي فين
حنان :علشان خاطري يا مصطفي
أمهم :خدها يا بني معاك خليها تطمن
مصطفى بص لحنان وقالت :ماشي خشي البسي
حنان دخلت اوضتها علي طول تلبس
في المستشفى رشا خلصت أكل لعدي
الباب خبط ودخل عمر وسامح و ابتسام
عمر بخضه :عدي حبيبي انت كويس
عدي بأبتسامه :الحمدلله يا عمر بخير
سامح قرب منه :حمدلله على السلامه يا حبيبي ايه إللي
حصل
عدي حكي ليهم
عمر بغضب :إحنا لازم نجيب العيال دي ونحبسهم هما وإللى
مشغلهم
أسامة :أهدا يا عمر عدي الحمدلله بقى كويس أهو
سامح :الحمدلله يا بني بس برضو لازم نحاسبهم افرض
عملو كده مع حد تاني وهما أكيد بيعملوا كده كل يوم
كويس ان عربيه عدي فيها جي بي اس هنعرف نجبهم بكل
سهوله
اسامه :طب هما مش ممكن يكونو باعو العربيه قطع غيار
سامح :وارد بس أنا هتصل بحد دلوقتي يقولنا هما فين
عن طريق عربيه عدي
ابتسام : حمدلله على سلامتك يا حبيبي
عدي بأبتسامه :الله يسلمك يا طنط
فضلو يتكلمو مع بعض شويه
وسمعو الباب بيخبط عليهم ودخل مصطفي وحنان
مصطفي بأبتسامه :حمدلله على السلامه يا عدي الف سلامه
عليك
عدي :الله يسلمك يا مصطفي وبعدين بص على حنان
إللي بتبص للارض بكسوف
حنان :حمدلله على سلامتك
عدي :الله يسلمك وفضل يبصلها شوية
عمر خد باله وقال :احم احم طب يا جماعه انا هروح اشوف
حساب المستشفى
اسامه :متتعبش نفسك يا عمر كله تمام
عمر بأبتسامه :تسلم يا اوس بس برضو لازم تاخد الفلوس
اسامه :اقسم بالله أسمعك بتقول كده تآني هلزقك في الحيطه أنا وإنت واحد يلا
عدي ضحك وحضن اسامه
سامح بأبتسامه :ربنا يخليكو لبعض
عدا اليوم وعدي خرج من المستشفى
بعد اسبوع
عدي كان قدام المرايا بيظبط بدلته علشان النهاردة أول
يوم شغل ليه مع عمر في الشركه خلص لبس ونزل
عدي :صباح الخير
كله :صباح النور
عمر :جاهز يا وحش لأول يوم شغل معايا
عدي : Yes I’m ready
عمر :لا وحياه أبوك بلاش عوجه اللسان ده مانت كنت ماشي
كويس أتكلم مصري ياض انت في مصر هيقولو عليك
طري
عدي بصله بعدم فهم
سامح بضحك : معلش يا عدي بكره تتقالم على كلام عمر
وبعدين يا عمر هو عايش بقالو كتير بره مصر واحده
وآحده وهيفهم كل حاجه هنا
عمر :ماشى يا بوب أفضل إنت دلعو كده
سامح بحده مصطنعه:أعيش وادلع ياض ده ابن أخويا
الوحيد
عمر بزعل مصطنع :آه من لقي احبابه بقى ماشى يا سامح
سامح بصله كده 😊
عمر ضحك على ابوه وبعدين قال :طيب انا هقوم بقي يلا
يا عدي عدي قام معاه وخرجو
سامح :وإنتي يا داليا هتيجي لوحدك ولا ابعتلك السواق
داليا :احم لا يا بابا تامر هيوصلني
سامح :أمم ماشى يا بتاعه تامر
داليا قامت بكسوف وجريت علي برة
سامح ضحك عليها وابتسام قالت :يوه يا سامج كسفت
البنت بقى
سامح بضحك :براحتشي بنتشي
ابتسام ضحكت عليه
وبعدين سامح بص لحبيبه إللي لسة بتاكل :وإنتي يا ام
كرش اخلصي الباص جاي
حبيبه :الله يعني بلاش أكل يا بابا
سامح :لا ياختي كلي انتي بتشبعي
حبيبه بصتله بتذمر وكملت أكلها عادي
في الشركه وصل عمر و عدي وعمر عرف عدي مكتبه
وكل حاجه عن الشركة
بعد شويه كان في اجتماع
عمر خد عدي معاه علشان يحضرو أهو يستفيد منه
بعد شويه وصل الوفد إللي هيعملو معاه الاجتماع وكان
عباره عن بنت و شابين
البنت لبسه لابسة فستان قصير اسود مكشوف من عند
الصدر و الضهر
عدي بصلها من فوق وتحت عادي لانه دايما كان بيشوف
كده وهو عايش بره مصر
وعمر كان بيبص ليها بقرف هو عارف إن مجتمعهم في ناس
كتير كده بس كان بيبص ليها باحتقار كبير ونزل عينه في
الأرض
البنت برقه :هاي
عمر بسخريه :هاي ورحمة الله وبركاته ياختي
عدي ضحك بصوت واطي وقال :هاي
البنت :أنا مدام نفين القاضي ودول فؤاد و أشرف معايا في
كل حاجه وان شاء الله تبقى شراكه كويسه بينا
عدي بصلها من فوق لتحت :وانا عدى سليم المصراوي
وطبعا مش محتاج أعرفك ده عمر سامح المصراوي أكيد
تعرفيه
نفين :أكيد طبعا ده غني عن التعريف تشرفنا يا أستاذ عمر
عمر عملها كده 😊: أنا اكتر
عدي ضحك على حركات عمر
ونفين بصت عليه بإعجاب
عدي خد باله وقال :احم احم طيب نبدأ ولا إيه
نفين :آه طبعا أتفضل
عدي وعمر بدوا يتكلمو مع نفين في الشغل
وعمر اتصدم جدا من طريقة كلام عدى مع نفين وكانه
إبن سوق وشركات من زمان
خلصو ومضو العقد
نفين قامت وسلمت على عمر وعدي :مبروك يا جماعه
أنا بجد مبسوطة أني بشتغل معاكو
عدي بأبتسامه مجامله :إحنا آكتر يا مدام
عمر :وانا لا ق قصدي وأنا طبعا مبسوط جدا
نفين بأبتسامه :تمام أنا همشى دلوقتي وهاجى بيكو بكره
نبدأ مع بعض
عمر :قولي ان شاء الله
نفين : إن شاء الله بأي
عمر وعدي :باي
عمر بعد ما نفين ما خرجت :وليه سدغه
عدي ضحك وعمر متغاظ
عند داليا في الجامعه خلصت المحاضره وخرجت لفت
تامر مستنيها
تامر :صباح الجمال علي ست البنات
داليا بكسوف :صباح الخير
تامر بضحك :أموت في المكسوف يا ناس
داليا اتكسفت آكتر وضربتوا في كتفه :تامر بقى الله
تامر ضحك :طب خلاص يسمح لي القمر يفطر معايا
داليا بأبتسامه :أكيد
تامر :طب يلا بينا داليا راحت مع تامر الكافتيريا بتاعه
الجماعه وفى كان في حد مركز معاهم
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية غريب في مصر)
