رواية غرور وكبرياء عاشق الفصل الخامس 5 بقلم دعاء حجاج
رواية غرور وكبرياء عاشق الجزء الخامس
رواية غرور وكبرياء عاشق البارت الخامس
رواية غرور وكبرياء عاشق الحلقة الخامسة
سامر:هاجى انا وماما بليل اي رايك
_انا اسفه يا سامر بيه انا مش موافقه
سامر بصدمه:اي
بصت لتحت وقالت:عن اذنك
مسك أيدها وقال: ممكن اعرف السبب
_حضرتك شخص محترم جدا واي واحده تتمناك بس انا مش موافقه أنا اسفه جدا عن اذنك
بص لتحت وقال: انا اسف لو احرجتك معايا
هزت راسها وقالت: مفيش احراج ولا حاجه يا بيه
_انا عايزك تشتغلى عادي واعتبري مقولتش حاجه
_تمام
_اتفضلى
حور طلعت فعلا وسامر قعد على الكرسي وقال: لا يا حور هتوافقي غصب عنك انتى بتاعتى انا وبس
طلعت وقعدت على الكرسي
_حور
حور:________
حطت أيدها على كتف حور وقالت: حور انتى كويسه
_انا اسفه بس كنت سرحانه شويه
_ولا يهمك المهم اعملك فنجان قهوه معايا
هزت راسها وقالت: يا ريت
في شركه السيوفي والالفي
_ازاى نازل باقل من كده في السوق
_قولتلك مش هيقدر يعمل حاجه
مسك القلم وقال: لا يا مراد ده خطه ذكيه اوى من سامر
_ازاى
_سامر بيحاول يجذب الناس لمنتجاته
_بردو ازاى
_سامر قال لو نزلت اقل سعر في السوق كده هحتل السوق والمصانع التانيه هتقع ولما يعمل لنفسه اسم هيرجع السعر القديم تانى
_يا ابن ال ****
_هنعمل اي دلوقتى
مراد بتفكير: ما انا عندي فكره احسن اي رايك نعمل عرض
_ازاى
_يعنى الزبون يشتري سلعه ياخد سلعه عليها هديه
مسك سيجاره وقال: تفتكر الفكره ده تنجح،
هز رأسه وقال: على ضمانتى
_خلاص نفذ يا مراد
مراد قام وقال: لازم اروح المصنع بعد يومين كده
هز رأسه وقال: تمام
في المدرسه
كانوا بيتكلموا عليها وهي سامعه كل كلامهم وساكته
قعدت جنبها وقالت: مالك يا نغم
نفخت وقالت بضيق: مفيش
_طب قاعده لوحدك ليه
ضغطت على سنانها وقالت: مرتاحه كده عندك مانع
ابتسمت وقالت: لا معنديش مانع
قبضت ايدها وكانت متنرفزه اوى
_هو رقم غسان معاكى
صبرها نفذ وقالت بعصبية: عايزه توصلى لاي
_الصراحه مستغربه غسان السيوفي بنفسه هيتجوزك لو على جمالك كان البيه اتجوز من زمان
قامت التانيه وقالت: اكيدا في سر
قامت نغم ولبست شنطتها ومشت
_استنى يا نغم احنا بندردش مش اكتر
في المساء
رجع من الشغل وكان مراهق جدآ
_غسان
وقف وقال: انتي لسه صاحيه لحد دلوقتى
_خد الورقه ده
مسك الورقه منها فتحها وقال باستغراب: رقم مين ده يا ماما
_خطبتك
غسان ببرود: واعمل بيا اي
_عايزه تكلمك
خد نفس عميق وقال: ابتدأ شغل المحن
_انت بتقول اي يا ابنى
_حاضر يا ماما هطلع اخد شاور وهكلمها في حاجه تانى
باسته على رأسه وقالت: لا مفيش
غسان كان طالع على السلم ولكن عفاف أوقفته
_اجبلك الاكل فوق
غسان هز رأسه وقال: اكلت انا ومراد
ابتسمت وقالت: لما ترتاح كلمها
غسان بضيق: حاضر يا ماما ثم كمل: اطلع ولا في حاجه تانيه عايزه تقوليها
_لا مفيش تقدر تطلع
طلع اوضته فعلا
بص في الورقه وقال: يا تري عايزه تقول اي
دلف الى الحمام وخد شاور
طلع وكان لافف منشفه على خصره
كتب رقم نغم في تليفونه وقال بتردد: ارن ولا لا
غسان باستسلام: هرن واشوف حضرتها عايزه تقول اي
غسان رن على تليفون نغم فعلا
_نغم نغم
_نعم
_تليفونك بيرن يا قلبي
مسكت التليفون وقالت: ده رقم غريب يا حور
_طب اقفلى اوعك تردي
نغم قفلت التليفون فعلا وغسان اتعصب اوى وقال: مفكره نفسها اي وربنا لدفعها التمن غالى اوى وهعرفها ازاى تقفل في وش غسان السيوفي
مسكت القلم وكانت بتذاكر وقالت: ممكن يكون ابن خالتى عفاف هي قالت هخلي يرن عليكى بليل
نغم مسكت التليفون ورنت على غسان فعلا
بص على تليفونه وقال: حلو التقل ده
نام على السرير وبص على التليفون اللى كان محطوط جنبه ولم يرد على نغم
قال ببرود أعصاب: لازم تعرفي يا حلوه ان محدش قدر يقفل في وش غسان السيوفي قبل كده
نغم انهت المكالمه وقالت: مردش ليه معقول زعل
نغم بعتت رساله لغسان
محتوي الرساله
( السلام عليكم انا نغم خطيبت حضرتك ممكن ترد عليا عايزه اتكلم معاك في موضوع مهم واسفه انى مردتش عليك انا مش برد على ارقام غريبه وافتكرت ان والده حضرتك قالت انك هترن عليا بليل)
الرساله وصلت لغسان
مسك التليفون وقال بابتسامه:تاخد أوسكار على الرساله ده
بعد مرور عشر دقائق نغم كانت منتظره غسان يرن وللاسف مرنش فراحت في أحلامها
مسك التليفون وقال: ارن بقا
دخلت الاوضه وباست نغم من خدها وفجاه تليفون نغم رن
حور مسكت التليفون وقالت بعصبية: مين الحيوان اللى بيرن على نغم في الوقت ده
حور فتحت التليفون ونزلت شتيمه في غسان
_في اي يا حيوان بترن دلوقتى ليه
غسان كان في حاله صدمه
_اوعك ترن على الرقم ده تانى فاهم ثم كملت: شباب قليله الادب
قفلت التليفون وحطت غسان على الحظر
اتعصب اوى ورمى التليفون على الأرض لينكسر وقال بصوت جهوري: هي ده اللى هتجوزها غسان السيوفي هيتجوز بنت قليله الادب ومعندهاش زوق
قام من على السرير وقال: وربنا لتشوفي ايام سوده وهعرفك مين الحيوان ده
حور نامت جنب نغم ونغم حضنتها عالطول فهى متعوده تنام في حضن اختها
باستها على رأسها وقالت بوعد: مش هخليكى تتجوزي وده وعد منى يا روحى
في صباح اليوم التالى وخصوصاً في المول
_اي رايك في الفستان ده يا نغم
نغم بصت على الفستان وقالت بحزن: مش حلو
عفاف حطت ايدها على كتف نغم وقالت: انا مش عارفه انتى زعلانه كده ليه انتى هتكونى زي غسان يا بنتى ومش هتحسي بفرق بينا وبين عائلتك
نغم ابتسمت وعفاف مسكت أيدها وقالت: عايزه اجمل التصميمات لو سمحتى
_في الدور اللى فوق هتلاقي اجمل الفساتين ولسه نازلين حالا
عفاف ابتسمت وقالت: تعالى يا نغم
راحت معها فعلا وطلعوا الدور اللى فوق
نغم بصت على الفساتين وكانت مذهوله بجمالهم
_اي رايك
نغم راحت عند فستان خطف قلبها وقالت: ده حلو اوى
عفاف فرحت اوى وقالت في سرها: ايوه كده عايزاكى تكونى فرحانه
نغم حطت أيدها على الفستان وقالت: اي الجمال ده
وفجاه عينها جات على سعر الفستان وقالت في سرها: ينهار اسود ده غالى اوى
عفاف راحت عند نغم وقالت للبنت اللى كانت واقفه: خلاص هناخد ده
نغم هزت رأسها وقالت: لا مش عايزه
عفاف ضمت حواجبها وقالت: ليه
نغم بصت لتحت وقالت: مش حلو
_مش حلو ازاى انتى لسه قياله اي الجمال ده
نغم مسكت ايد عفاف وراحوا على جنب
_بصراحه الفستان غالى اوى
عفاف ابتسمت وقالت: مفيش حاجه تغلى عليكى يا بنتى
_انا مش عايزه
_اي الكلام اللى بتقولى ده وبعدين ده رخيص اوي
_ده غالى اوى ثم كملت: مش عشان حضرتك غنيه تقولى كده
حطت أيدها على خدها وقالت: عينيكى بمال الدنيا يا نغم
بصت لتحت وعفاف قالت: خلاص هناخد الفستان ده يا بنتى
_طب ممكن تتفضلى معانا
نغم بصتلها وقالت: ليه
_لازم نشوف الفستان عليكى
نغم بصت لعفاف اللى هزت راسها وقالت: روحى يا بنتى
نغم راحت معاها فعلا
بعد شويه نغم طلعت والفستان كان تحفه عليها
رفعت عينها وقالت: بسم الله ما شاء الله
نغم بصت لتحت وعفاف راحت عندها ورفعت رأسها لفوق
_اي رايك يا مدام عفاف
عفاف ابتسمت وقالت: اميره شبه الاميرات
_ممكن ادخل اغير الفستان
عفاف مسكت التليفون وقالت: اصورك الاول
نغم بصتلها وقالت باستغراب: ليه
_انتى عارفه ان غسان مشغول اليومين دول فقولت اصورك وبالمره يشوف عروسته المستقبلية
نغم:________
عفاف صورت نغم فعلا وقالت: هبعت الصورة لغسان
نغم ابتسمت والبنت قالت: تعالى يا نغم
راحت معاها فعلا
وعفاف رنت على غسان ولكن تليفونه غير متاح لان غسان رمي التليفون على الأرض بعد ما حور اتكلمت وقالت إللى قالته
_يا تري قفل تليفونه ليه
رنت عليا من الشركه
_الووو
_غسان فين يا اروي
_مدام عفاف
_غسان وصل ولا لسه
_البيه سافر اسكندريه هو ومراد بيه
_اسكندريه
_عندهم شغل هناك وراجعين المساء أن شاء الله
هزت راسها وقالت: ماشي
قفلت معها وقالت: ارن على مراد
رنت على مراد فعلا
_مراد اقفل التليفون
مراد مسك التليفون وقال: ده خالتى عفاف
_مش وقته يا مراد
مراد قفل التليفون فعلا وقال: كنتوا بتقولوا اي
عفاف باستغراب: مراد قفل التليفون ممكن يكونوا مشغولين
نغم طلعت وقالت: مش يلا يا خالتى عفاف
هزت رأسها وقالت: يلا يا بنتى
عند حور
فاقت من النوم وبصت في الساعه وقالت: ينهار اسود اتاخرت على الشغل
قامت عالطول وقالت: مامااا ماماا
_في اي يا حور
حور طلعت من اوضتها وقالت: اخص عليكى يا ماما اتاخرت اوى على الشغل
_اصلا
حور قعدت جنب ثريا وقالت: اصلا اي يا ماما
_كنت رايحه اقومك ولكن ابوكى قال سبيها نايمه
حور بخضه: نغم نغم
مسكت أيدها وقالت: متخافيش نغم بخير
_نغم فين يا ماما
_مع المدام عفاف
_بتعمل اي
_راحوا المول عشان يحجزوا الفستان انتى عارفه ان الفرح فاضل عليا ثلاث ايام
_حرام عليكى يا ماما والله حرام عليكم البت لسه صغيره ازاى جالكم قلب وتعملوا كده
_حور الموضوع اتقفل خلاص وبعدين الفرح كمان ثلاث ايام
حور قامت وقالت: الكلام معاكى مش هيجيب نتيجه عن اذنك
_مش هتروحى الشغل
_اروح ازاى الساعه ١١
_طب غيري هدومك وتعالى اعملى السلطه تلاقي اختك والمدام عفاف على وصول
حور غسلت وشها وقالت: وكمان عامله اكل
_في اي مالك يا حور
_والاستاذ منير فين
_ابوكى راح المصنع
حور طلعت من الحمام وبدات تنشف وشها وقالت: رجع تانى يعنى
_ما ابوكى كان تعبان يا بنتى
قاطع حديثهم رنه الجرس
_افتحى الباب يا حور
حطت المنشفه على الكنبه وفتحت الباب فعلا
نغم ابتسمت وحور دخلت عالطول
_تعالى يا مدام عفاف
دخلت ونغم دخلت الاوضه وقالت: معلش يا حور
حور بعصبية: اظاهر الفلوس عمت عينكى
الدموع نزلت من عين نغم وقالت: اخص عليكى يا حور انا بتاعت كده
حضنتها وقالت: انا اسفه يا روحى مش قصدي والله
ابتسمت وقالت: ولا يهمك
تسريع للأحداث
بعد مرور يومين وخصوصاً في المساء
كانت بتعياط وحور مكنتش عارفه تعمل اي
_بكره يا حور الفرح بكره
الدموع نزلت من عينها وكانت حاسه ان أيدها مربوطين
_مفيش حاجه اتغيرت يا حور هتجوزه بكره
قعدت جنبها وقالت: كفايه كفايه
حضنتها جامد اوى وقالت: اعملى اي حاجه يا حور ارجوكى انا مش عايزه اتجوز
_مش عارفه يا نغم والله ما عارفه الايام مرت زي سرعه الصاروخ
نغم زقت حور وقالت بعياط: انت وعدتينى يا حور فين وعدك ليا
_غصب عنى يا نغم
مسحت دموعها وقالت: انا مش هكلمك تانى
حور قامت وقالت: انتى بتقولى اي يا نغم
نغم بصت لتحت وقالت: كنت واثقه انك هتعملى المستحيل عشان الجواز ده ما يتمش ولكن كان توقعى خاطى
_متخافيش يا نغم انا جنبك
قالت بزعيق: جنبي ازاى يا حور انا هتجوز بكره وهعيش مع ناس معرفهمش ولا اعرف الشخص اللى هتجوزه
ثم كملت: عارفه اللى في المدرسه بيقولوا اي انه مغرور اوى عنده غرور يتعدي الحدود بيا
حطت ايدها على خدها وقالت: كفايه يا روحى
حضنتها جامد اوى وقعدت تعياط وبتقول: خايفه يا حور حاسه انى داخله عالم كله دما”ر
بعدت عنها وقالت: اي الكلام اللى بتقولى ده يا نغم
_مغرور يا حور قالوا انه مغرور
حور مكنتش عارفه تعمل اي وقالت: لازم اعمل اي حاجه
اما عند غسان فكان طبيعى جدااا فهو يريد ان يتجوزها لكى يد”مرلها حياتها
تليفون غسان رن
_الوووو
_برن عليك وحضرتك مبتردش
_معلش التليفون انكسر وجبت تليفون جديد وحطيت الخط فيا
_اممم ولا يهمك المهم انا مش هقدر اجى فرحك بكره
قعد على طرف السرير وقال باستغراب: ليه
_مشغول شويه
_مشغول ازاى يعنى
_رايح عند ماما
غسان بفرحه: بجد
_بكره بس
وسرعان الفرحه اتحولت إلى حزن: ليه يا مراد والله حرام عليك
_لازم اعيش لوحدي شويه يا غسان
_اممم ماشي
_الف مبروك
_على اي
_مش فرحك بكره دماغك فين اوعك تكون بتفكر في حاجه كده ولا كده
نام على السرير وقال: بفكر في دما”رها يا مراد
_ليه يا ابنى هي عملت اي
_تخيل رنيت عليها من يومين تقفل التليفون في وشي ارن تانى تقول كلام مينفعش اقوله
مراد ابتسم وقال: شكلك داخل على مصيبه بكره
_مش انا هي
_ربنا معاك
_لقيتها ولا لسه
مراد ضم حواجبه وقال: لقيت مين
_اللى هتكون خدامتك
_لسه
_لحد امتى
_فاضل اسبوع وبعدين انا مراد الالفي اي بنت تتمنى تتجوزينى
_يعينى على الكبرياء المهم عايز حاجه
_سلامتك
قفل التليفون ووقف قدام المرايا وقال: كان اسمها اي اه نغم منير الهواري من بكره هتشوفي ايام سوده
قاطع تفكير غسان الشيطانى والدته عفاف
_ماما تعالى
دخلت وقالت: كنت صورت نغم بالفستان ونسيت اوريك الصوره
_مش عايز اشوفها
جابت على صوره نغم وقالت باستغراب: ليه
_اشوفها بكره احسن
عفاف قفلت التليفون وقالت: هتعجبك اوى
_ماما اللى في دماغك مش هيحصل انا قولت انها هتكون خدامه غسان السيوفي فقط
_مش ممكن لما تشوفها تغير رايك
رجع شعره لوراء وقال بغرور: معتقدش
_وانا براهنك انك هتحبها من اول نظره
قعد يضحك وقال بتريقه: غسان السيوفي يقع في حب واحده من اول نظره اكيدا بتهزري
_ده حلوه اوى يا ابنى
طلع تيشيرت من الدولاب وقال: ومن امتى غسان السيوفي بيهموا الجمال يا مدام عفاف
_من بكره إن شاء الله
_انتى واثقه بقا
هزت رأسها وقالت: اه واثقه
_طب ممكن تطلعى برا عشان اغير هدومى
ابتسمت وقالت: حاضر
طلعت فعلا وغسان قلع القميص ورمى على السرير ولبس تيشيرت اسود
قعد على الكنبه وفتح الكمبيوتر ومكنش متخيل ان واحده هتيجى وتشاركه في اوضته
في صباح اليوم التالى
_غسان فين يا حامد
_راح الشغل
عفاف بعصبية: النهارده فرحه ورايح الشغل يا رب صبرني
حامد مكنش عايز غسان يتجوز نغم حاسس انها ضعيفه وهتكون فريسه غسان على عكس حور اللى هتقدر تغير غسان 100%
_رن على ابنك يا حامد
طلع تليفونه وقال: حاضر يا عفاف بس اهدي شويه
رن على غسان فعلا
بص في التليفون وقال: بابا
فتح التليفون وقال: الووو
_فينك
_ما انا قولتلك انى رايح الشغل لحقت تنسي ولا اي
_تعالى البيت فورا
غسان باستغراب: ليه
_النهارده فرحك يا ابنى ومينفعش تروح الشغل يوم فرحك
_بابا انا وافقت عشان زعلكم مش اكتر
_امك زعلانه يا غسان
بص في الساعه وقال: فاضل ثلاث ساعات ثم كمل: هاجى قبل الفرح بساعه
_وهتلحق تغير هدومك
_ان شاء الله
حامد باستسلام: اللى تشوفه يا ابنى
قفل التليفون وعفاف قالت: قالك اي
_هيجى كمان ساعتين كده
_الواد ده مجنون
_انتى مزودها ليه وبعدين المفروض تكونى فرحانه اخيرا غسان هيتجوز
_افرح ازاى بس
_خلاص بقاا
عند نغم
_تعالى يا بنتى
دخلت مع ثريا اوضه نغم وحور
حور بصت لنغم اللى قالت: مين ده يا ماما
_ده ميكب ارتست بتقولوا كده بردو
_ما انا عارفه انها ميكب زفت عايزه أعرف بتعمل اي هنا
_المدام عفاف بعتها عشان تظبطك وطلعك احلى عروسه
نغم بصت لحور اللى مكنتش عارفه تقول اي
نغم باستسلام: اتفضلى
حور بصت لتحت وكانت حزينه اوى على اختها
دخلت فعلا وبدأت تجهز نغم فهى داخله على دما”ر فهو غسان السيوفي الذي لا يرحم أحد
غربت الشمس لياتى القمر بليله
كانوا عاملين الفرح في قاعه متوسطه زي ما طلب غسان
_غسان فين يا حامد
_برن عليا مبيردش
_يعنى اي
قالت بعصبية: معرفش يا عفاف
التوتر كان واضح على عفاف
_امال ابنك فين يا حامد
_جاي يا منير جاي (قالها بكل ارتباك)
_امتى يعنى
بص لعفاف وقال: رنيت عليا وقال انه داخل علينا
_تمااام
بعد شويه الكل استغرب تاخر غسان
_وبعدين يا حامد انا خايفه الا يكون غير رأيه
_ان شاء الله لا
مرت ساعه كامله ولن ياتى غسان
_العريس شكله هرب
منير بص لثريا وقال: فينك ابنك يا حامد كل ده تاخير
حامد بص لعفاف ومكنش عارف يقول اي
_ابنك فين يا حامد ابنك هرب ولا اي
_انا هنا
الكل التفت لمصدر الصوت
عفاف خدت نفس عميق وقالت بابتسامه: الحمدلله
حامد راح عند غسان وقال: اتاخرت كده ليه يا ابنى
غسان بص وراء وقال: اتاخرت بسبب كده
الكل بص وراء غسان وكانوا في حاله صدمه
يتبع…
لقراءة الفصل التالي : اضغط هنا
الرواية كاملة اضغط على : (رواية غرور وكبرياء عاشق)
