رواية غرور وكبرياء عاشق الفصل الثامن 8 بقلم دعاء حجاج
رواية غرور وكبرياء عاشق الجزء الثامن
رواية غرور وكبرياء عاشق البارت الثامن
رواية غرور وكبرياء عاشق الحلقة الثامنة
مد ايدو بكل غرور وهي من غير ما تاخد بالها دلقت القهوه على ايده فكانت ساخنه جدا
حور خافت اوى وقالت بارتباك: انا انا
قبض ايدو وقفل الكمبيوتر ولم يشعر بأي الم هل هذا برود ام غرور
حور بلعت ريقها وبصت على ايد غسان اللى احمرت اوى
اخيرا يخرج عن صمته ويقول بصوت جهوري: اي اللى عملتى ده
حور بارتباك: انا اسفه
مسكها من أيدها جامد اوى وقال: لو فاكره بعملتك ده هتالم وتاخدي حقك تبقي غلطانه
هزت رأسها وقالت بخوف: والله غصب عنى
ضغط على ايدها جامد اوى وقال: انا هدفعك اللى عملتى تمن غالى اوى بس مش دلوقتى
زقها ونام على السرير بكل برود أعصاب
حور بصت على غسان وقالت باستغراب: اي الشخص ده مستحيل يكون بنى ادم
بعد مرور ربع ساعه تقريبا غسان نام وحور مسكت ايده وقالت: لازم يحط مرهم حر”وق
حور قامت وبدأت تدور على المرهم فعلا
وقفت مكانها وحطت ايدها على شعرها وقال: ده مش بيتالم ازاى هيحط مرهم للحرو”ق في اوضته
حور فتحت الباب وطلعت
نزلت تحت وقالت بصوت هادي جدا: خالتو سماح
قامت من النوم وقالت باستغراب: حور
فتحت الباب وقالت: في اي يا بنتى
_عايزه مرهم حر”وق
حطت أيدها على قلبها وقالت: غسان حر”قك ولا اي
حور هزت راسها وقالت بحزن: دلقت القهوه على ايده وكانت ساخنه اوى
ثم كملت: والله غصب عني
حطت ايدها على كتفها وقالت: غسان عملك حاجه
هزت رأسها وقالت: لاء
سماح استغربت جدآ فهى مش عايزه غسان يضر”ب حور لا هي مستغربه تلك المغرور الذي لا يسكت لحد اذا أخطئ
_مفيش مرهم للحر”وق هنا
_استنى
حور كانت مرتبكه جدا وبدأت تطقطق أصابعها من الارتباك اللى كان مسيطر عليها
_خدي يا حور
حور مسكت انبوبه المرهم منها وقالت: شكرا
ابتسمت وقالت: متزعليش نفسك وبعدين اللى حصل كان غصب عنك ولا انتى قاصده
حور باندفاع: والله دلقت القهوه على أيده غصب عنى
ابتسمت على طيبه قلب حور الزايده عن حدها وقالت: بهزر معاكى يا طيوبه
حور ضمت حواجبها وقالت: طيوبه
هزت رأسها وقالت: انتى طيبه اوى يا حور وطيبتك ده مش هتنفعك مع غسان خالص
_اممم عن اذنك
ابتسمت وقالت: تصبحى على خير
ابتسمت الاخري وقالت: وانتى من أهل الخير
حور طلعت فوق وفتحت الباب براحه جداا وكان غسان نايم
دخلت وقالت بتردد: ممكن يصحى
حور باقتناع: انا السبب في اللى حصل
قعدت على الكرسي ومسكت ايده وهو سحب ايدو عالطول
خافت اوى وغمضت عينها وقالت: انا انا
بعد مرور ثلاث ثوانى
حور فتحت عينها لقت غسان لسه نايم خدت نفس عميق وفتحت المرهم وبدأت تدهن ايد غسان فعلا
في فيلا مراد الألفي
دخل الاوضه وكان رايح يقلع الجاكيت ولكن شم رايحه حلوه اوى
مراد افتكر نغم وهى بتحضنه
قلع الجاكيت وقعد على الكنبه وقال بتفكير: متنفعش ليه واحلى من مريم بكتير (اخت سامر)
فاق من تفكيره الشيطاني وقال: اي اللى بقولوا ده
ثم كمل: وبعدين ده لسانها طويل
اترمى على السرير وقال: فرح مريم قرب اوى وانا وعدتها انى هحضر فرحها مع مراتى بس ازاى
في صباح اليوم التالى
فاق غسان من النوم ولقي حور قاعده على الكرسي وماسكه ايدو ونايمه
بص على ايدو وقال باستغراب: هو اي اللى حصل
فاقت ايضا وسابت ايدو عالطول وقالت بارتباك: هو هو
قام ومردش عليها
حور بعصبية: مغرور
فتح الدولاب وقال: الورد اتسقي ولا لسه
بلعت ريقها وقالت: والله نسيت
طلع بدله سوده وقال بهدوء غريب جدا: بعد كده اظبطى المنبه على الساعه خمسه
هزت رأسها وقالت: حاضر
دخل الحمام وهي كانت مستغربه تلك المغرور وقالت: ده غريب اوى النهارده مش طبيعي
بعد شويه غسان طلع وقال باستغراب: اي ده
_الفطار
قال بكل برود أعصاب: انا بفطر تحت
قال الكلمه ده وطلع عالطول
حور كانت واقفه ومستغربه تصرفاته اوى النهارده
نزل تحت وعفاف وحامد كانوا بيفطروا
_صباح الخير
غسان بجمود: صباح النور
_بقولك يا غسان
غسان:________
_احم ما تاخد حور وروح عند ستك من زمان اوى مروحتش عندها واكيدا زعلانه منك
عفاف بعصبية: وياخد حور ليه ما يروح لوحده
كانت نازله من على السلم ولكن وقفت حين لفظت عفاف اسمها
حامد بص لحور وقال بابتسامه: تعالى يا حور
نزلت وعفاف مسكت الشوكه جامد اوى وكانت متنرفزه
_قولت اي يا غسان
قام وقال: ثانيه وتكونى ورايا
حور ضمت حواجبها وقالت: نعم
قال وهو ماشي: مش هعيد كلامى مرتين اخلصي
حور بصت لحامد اللى قال: روحى مع غسان يا حور
حور باستغراب: اروح فين
حامد بص لعفاف وقال: عند والده عفاف
هزت رأسها وقالت بابتسامه: حاضر
عفاف قامت وقالت: انا هروح مع ابنى اصلا بخاف عليا اوى
(كانت بتلمح لحور)
حامد قام وراح عند حور وقال: متزعليش منها هي متعصبه اليومين دول مش اكتر
ابتسمت وقالت: عادي
_اتاخرتى اوى على غسان
حور طلعت عالطول ومالقتش غسان وعفاف برا
حور باستغراب: راح فين
_البيه مشي وطلب منى اوصلك
حور هزت رأسها وقالت: الشخص ده غامض اوى ساعات بحس انه طبيعى وساعات بحس انه مختلف
قعد يزمر وقال: يلا يا مدام
حور ركبت معاا والاخري طلع
في الطريق
عفاف كانت فرحانه اوى انى حور مجاتش معاهم
_غسان
غسان:_______
حطت ايدها على كتفه وقالت: مالك يا حبيبي
فاق من تفكيره فكان بيفكر في علاقه حور وسامر الحديدي
_انتى بتكلمينى
هزت راسها وقالت: بكلمك من بدري وحضرتك ولا هناا ممكن اعرف بتفكر في اي
هز رأسه أيضا وقال: مفيش
_متاكد
ابتسم وقال: متاكد
قاطع حديثهم رنت تليفون غسان
فتح التليفون وقال: مراد
كان سايق العربيه أيضا وقال: انت فين
_هتاخر شويه
مراد باستغراب: ليه
_رايح عند تيته
_طب انا رايح المصنع
_ليه
_من زمان اوى مروحتش المصنع والصراحه عايز اشوف الموظفين
_امممم تمام
_يلا سلام
غسان قفل التليفون و عفاف قالت بابتسامه: مراد ده
هز راسه وهى قالت: واد محترم اوى
غسان فهم هي تقصد اي وعمل نفسه مش فاهم
_غسان
خد نفس عميق وقال بضيق: اي يا ماما
_في حد في حياه مراد
_لا يا ماما
الابتسامه اترسمت على وشها وقالت: بتفكر في نفس اللى بفكر في
بصلها وقال: مش فاهم (كان مدرك جدآ هي تقصد اي )
_لو قعدت تدور مش هتلاقي زي مراد
_عارف
عفاف بفرحه: يعنى الموضوع عجبك
_موضوع اي يا ماما
_رهف ومراد
غسان بتريقه: مراد ورهف بتهزري صح
الابتسامه وقتها اختفت وقالت: لا مش بهزر وبعدين واي يعنى لو مراد خد رهف
_مراد مش بتاع جواز يا ماما
_زيك بالظبط يعنى
_نوعا ما
عفاف نفخت وغسان وقف العربيه وقال بعصبية: بلاش تعملى كده يا ماما
عفاف خوفاً من غضب غسان وقالت: خلاص يا حبيبي مكنش قصدي
شغل العربيه وساق باقصي سرعه ممكنه
عند نغم
التليفون كان بيرن وكان صوته مزعج جدا
مسكت التليفون وقالت بنوم: مين
_نغم
_اي يا بابا
_انتى مروحتيش المدرسه النهارده ولا اي
_لا مروحتش
_طب قومى هتلاقي شريط برشام على الكومدينو في اوضتى
نغم قامت فعلا ودخلت الاوضه وقالت: على الكومدينو
_اه يا بنتى
كانت نايمه ومش مركزه اوى وقالت: لقيتوا
_طب تعاليلى المصنع
فاقت من نومها عالطول وقالت بعصبية: اجى لمين
_معلش يا نغم نسيت اخد البرشام
_انا قاعده من المدرسه عشان ارتاح وحضرتك تقولى تعاليلى المصنع هو انا منحوسه اوى كده
_يلا هنتظرك
قفل التليفون ونغم قالت بانتهاد: بابااا
رمت التليفون على السرير وقالت بعصبية: انا مش قادره اعيش وسط الضغط النفسي كده
ثم كملت: فينك يا حور
بعد مرور ربع ساعه
_بقا تتجوز يا غسان وانا معرفش
قعد جنبها وقال: الفرح حصل عالطول اوى يا تيته
_طب عايزه اشوف مين اللى اختارها حفيدي
ضغطت على سنانها وقالت: حربايه
غسان بص لعفاف وقال: اي اللى قولتى ده يا ماما
ابتسمت وقالت: بهزر يا حبيبي
_هي هتيجى امتى طيب
مسك التليفون ورن على السواق اللى خد حور
فتح التليفون عالطول وقال: نعم يا بيه
_كل ده تأخير فينك
_في حادثه حصلت يا بيه وللاسف الطريق مسدود
_روح من طريق تانى
_بس هيكون طويل
غسان قفل التليفون من غير ما يرد على السواق حتى
قام وقال: حور هتكون هنا كمان نص ساعه يا تيته
مسكت ايدو وقالت: رايح فين
_الشغل
_انت يدوب جيت اقعد شويه
_هاجى بدري وهقعد معاكي
ابتسمت وقالت: ماشي
غسان بص لعفاف وقال: ارجعى انتى وحور
هزت راسها وقالت بضيق: طيب
غسان طلع وعفاف قعدت جنب امها وقالت كلام وحش اوى على حور
نغم نزلت من العربيه وكانت داخله ولكن الامن واقفها
_على فين يا انسه
_عايزه ادي البرشام ده لبابا
هز رأسه وقال: دقيقه واحده
نغم ضمت حواجبها وقالت: اي الهبل ده
مشي ونغم دخلت عالطول وقالت: هي ناقصه جنان على الصبح
كان واقف مع الموظفين وبيزعق
_وانا بقول الميزانيه منخفضه ليه اتري الحلوين بيتكلموا اكتر ما بيشتغلوا
الكل كان باصص لتحت
_مراد بيه
مراد بعصبية: في اي انت كمان
بلع ريقه وقال: في بنت برا وبتقول عايزه والدها
منير بانتهاد: ده بنتى
مراد بص لمنير وقال: ويا تري عايزه اي
_نسيت البرشام يا بيه
خد نفس عميق وقال: اطلع شوف بنتك وممنوع حد يدخل المصنع
هز رأسه ومشي عالطول
_وانتوا مش عايز ولا غلطه بعد كده
هزوا راسهم وقالوا بصوت واحد: تمام يا بيه
بعد ما عطى الأوامر طلع فوق
(الدور اللى فوق خاص بمراد وغسان)
دخل المكتب وقفل الباب وراء
كانت في الدور اللى فيا مراد وقالت: انا جيت هنا ازاى انا مش عارفه اروح فين
غسان رن على مراد
_عملت اي
_مفيش اهتمام خالص الظاهر انهم بيدلعوا
_انا رايح الشركه دلوقتى
مراد بص في الساعه وقال: ساعه كده وهكون عندك
_خليك انت في المصنع النهارده
_تمام
_سلام
_سلام ٠٠٠٠قفل التليفون وشاف خيال قام عالطول وقال: مين
نغم سمعت صوت مراد وقالت: الصوت ده مش غريب عليا
مراد كان طالع ونغم كانت داخله
وفجاه دخلوا في بعض
_اعااااااا
مراد بعصبية: انتى ازاى دخلتى هنا
رفعت راسها وقالت بصدمه: انت
ضم حواجبه وقال بكذب: انتى تعرفيني
نغم بارتباك: اي ده انت بتتكلم جد
_لا معلش مش واخد بالى
_اممم انا عايزه بابا
_مش حضانه هي
_نعم
مراد بصوت جهوري: يا امن يا امن
وصل عالطول وبلع ريقه وقال بخوف: في اي يا بيه
مراد شاور على نغم وقالت: دخلت ازاى ده
_اكيدا من الباب الخلفي
_براااا
مسك ايد نغم ولكن نغم زقته وقالت: انت مفكر نفسك اي
لم يرد عليها وبص للامن وقال: بتفكر في اي
_لو سمحتى يا انسه اطلعى
نغم بصت لمراد بغيظ وقالت: واحد مغرور
دخل مكتبه والامن مسك دراع نغم وقال: اتفضلى معايا لو سمحتى
كانت واقفه وبتبص على مراد اللى كان كبريائه عالى جدا النهارده
_اتفضلى معايا لو سمحتي
خدت نفس عميق وقالت بعصبية: حيوان
كان ماسك قلم وبيدق بيا على المكتب وقال: مش ممكن بشوف البنت ده كل شويه لسبب
ثم قال:على على
دخل عالطول وقال: نعم يا بيه
_منير الهواري عنده بنت كانت هنا من شويه
هز رأسه وقال: ده بنته الصغيره نغم
مراد بخبث: عايز كل المعلومات عن البنت ده
هز رأسه للمره الثانيه وقال: أوامرك يا بيه
شاور بايدو وعلى طلع عالطول
_اتفضل
منير بخضه: مالك يا نغم
نغم بضيق: مفيش
حط ايدو على كتفها وقال: مفيش ازاى
ثم كمل: حد اتكلم معاكى
نغم بغيظ: واحد شايف نفسه اوى يا بابا
ضم حواجبه وقال باستغراب: شايف نفسه
هزت رأسها وقالت: اعتقد مدير المصنع
منير بخوف: مراد بيه
قالت باستغراب: ومالك خفت كده ليه
منير بتحذير: اوعي تكونى قولتى حاجه لمراد بيه ده يرفضنى
نغم اتعصبت اوى وقالت: وحضرتك خايف كده ليه على العموم انا مش خايفه من واحد زي ده عن اذنك
منير بانتهاد: نغم نغم
طلعت وهو كان واقف وشايفها من ازاز الشباك
خد نفس من السيجاره وقال: اعتقد منير يوافق بس نعرف الحلوه بتحب الفلوس ولا لا
بعد مرور نصف ساعه تقريبا
حور نزلت من العربيه وقالت: هو ده البيت
هز رأسه وقال: ايوه يا مدام
حور دخلت وكانت رهف في استقبالها
_حور
حور ابتسمت وقالت: عامله اي
حضنتها وقالت: لما عرفت انك جايه فرحت اوى
حور بعدت عنها وقالت: امال غسان فين
_طلع عنده شغل المهم تيته نفسها تشوفك
هزت راسها وراحت مع رهف
كانت قاعده وبصه لامها اللى حرفيا كرهتها في حور
_حور جت يا تيته
بصت لتحت وملامح وشها بدل على الغضب
عفاف في سرها: الظاهر أن ماما صدقت اللى قولته
حور بابتسامه: السلام عليكم
عفاف وامها:_______________
رهف بصت ليهم وقالت: في اي
والده عفاف بصت لحور اللى عرفت ان عفاف قالت كلام مش لطيف عنها
_تعالى يا حور
عفاف بصت لأمها بصدمه وحور قعدت جنبها وقالت بحياء: نعم
باستها على رأسها وقالت: مرات حفيدي حلوه اوى
عفاف باندفاع: ماما انتى بتقولى اي
خدت حور على صدرها وقالت: مالك يا عفاف ولا غيرانه من حور
عفاف ضغطت على سنانها وقالت: هههه انا اسفه اندفعت مش اكتر
بصت لحور واتاملت في ملامحها الصغيره جدا
_كنت بقول طول ما غسان مغرور كده عمره ما هيتجوز
ثم كملت بابتسامه: طلعت غلطانه وجاب حوريه فعلا
الابتسامه اترسمت على وجهه حور وعفاف قامت وقالت: انا نازله تحت عايزه حاجه يا ماما
والده عفاف باستغراب: رايحه فين يا بنتى
بصت لحور وقالت بابتسامه عكس اللى بداخلها: هعملك شوربه خضار مش هتاخر
ضغطت على سنانها وقالت: عن اذنكم
طلعت ووالده عفاف بصت لرهف وقالت: انا عايزه اتكلم مع مرات حفيدي شويه يا ري ري
ابتسمت وقالت: ماشي يا تيته عن اذنكم
رهف طلعت ووالده عفاف ضمت حور ليها وقالت: عفاف قالت كلام وحش اوى عليكى
حور بصت لتحت وقالت بحزن: واللى قالتوا مش صح يا تيته والله
باستها على رأسها وقالت: من غير ما تحلفي انا عارفه
بصت في عينها وقالت: وعرفتى ازاى
_على كلام عفاف قولت اكيدا مرات غسان بتلبس قصير ومش محترمه وبتحاول تفرق بين غسان وعفاف
حور هزت رأسها وقالت: بس انا مش كده
ابتسمت وقالت:اول ما شوفتك سميت وعرفت انك محترمه اوى
_وعرفتى ازاى
_من السلام في بنات كتير بتدخل تقول هاي والكلام ده
حور ابتسمت ووالده عفاف قالت: صحيح كبيره في السن بس عارفه كلام اليومين دول
ثم كملت: خلينى اكمل
_اتفضلى
_وعرفت انك محترمه من لبسك وابتسامتك اللى بتدي طاقه ايجابيه لاي حد
ابتسمت وقالت: المهم اخبارك اي
_دلوقتى
_مش فاهمه
_انا بقيت حلوه اوى اول ما شوفتك
حور:__________
(من صفات حور انها مش بتعرف ترد على حد قالها كلمه حلوه او وحشه)
في شركه السيوفي والالفي
_انت بتقول اي
بص لتحت وقال: الشركه فسخت العقد يا بيه
لف بالكرسي وقال: والسبب
قال بصوت خافي جدا: شركه الحديدي (سامر الحديدي)
قعد يضحك وقال: رن على خالد
_ارن على خالد بيه ليه
حرك ايدو بمعنى بسرعه٠٠٠٠٠طلع التليفون ورن على خالد اللى فسخ العقد واتفق مع سامر الحديدي
_الووو
حط ايدو على السماعه وقال: رد يا بيه
شاور بايدو وقال: تعالى هنا وافتح الاسبيكر
فتح الاسبيكر فعلا وغسان بحاله غريبه جدا: اخبارك اي يا خالد
خالد بلع ريقه وقال بارتباك:غ غسان
_مالك
ثم كمل: صحيح إللى سمعتوا ده
_ايوه يا غسان انا فسخت العقد واتعقدت مع سامر الحديدي
قعد يضحك وقال: احب الاجراءه ده اوى
_عايز اي يا غسان
_قبل ما تفسخ العقد قريت الشرط المحطوط
خالد بخوف: شرط اي
غسان بصوت يشبه فحيح الافاعى: في حاله فسخ العقد وعدم التراضي بين الشركتين يتم دفع مليار ونص لصالح الشركه التى ترفض الفسخ
الكلام وقع على خالد كالصاعقة وقال بعدم فهم: انت بتقول اي
_اي رايك بقا
خالد بصوت جهوري: الورق مكنش في الشرط ده
_لا كان في ولو كنت ركزت في الورق قبل ما تقرر تقطعه مكنتش عملت كده
قفل التليفون وقال بعصبية: ازاى ازاى
رن على المحامى بتاعه وقال: الإتفاق اللى بينا وبين شركه السيوفي والالفي في شروط
_ايوه يا بيه وفي حال فسخ التعاقد
قفل التليفون قبل ما المحامى يكمل كلامه وقال: مليار ونص منين ده الشركه تقع والميزانية تنخفض
كان بيحرك ايدو وقال: مفكر نفسه ذكى ميعرفش انا مين
غسان بصوت جهوري: مازن مازن
دخل عالطول وقال: نعم يا بيه
_عايز خبر عريض كده على اكبر المجالات
_خبر اي
غسان بشر: زواج رجل الاعمال غسان السيوفي من حور منير الهواري
_الخبر نزل فعلا يا بيه
هز رأسه وقال: مكنش في مجالات معروفه عايزه في مجله معروفه عشان الخبر يوصل للى نايم على نفسه(سامر)
هز راسه الاخري وقال: اوامرك يا بيه
شاور بايدو ومازن طلع عالطول
غسان بخبث: بدأنا اللعب
في المساء
والده عفاف تعبت اوى
_ماما ردي عليا
_مش قادره اخد نفسي يا عفاف
_تيته شكل عندها الربو
عفاف بصتلها وقالت بعصبية: عملتى في ماما اي
حور هزت رأسها وقالت: كنا بنتكلم عادي فجاه لقيتها بتقول مش قادره اخد نفسي
رهف بخوف: مش وقته يا ماما المهم لازم نرن على الدكتور
عفاف هزت رأسها وقالت: عالطول يا بنتى
رهف مسكت التليفون ورنت على الدكتور فعلا
بعد شويه
الدكتور وصل وفحصها فعلا
_ماما بخير صح
الدكتور كتب على علاج وقال: يا ريت تهتموا بيها شويه
مسكت منه الروشته وقالت: حاضر يا دكتور
رهف مسكت الشنطه وقالت: اتفضل
الدكتور طلع مع رهف وعفاف مسكت ايد أمها وقالت: هنام معاكى النهارده
هزت رأسها وقالت: مالوش لازوم انا كويسه متخافيش عليا
_لا يا ماما انتى مش كويسه والدكتور قال كده
_بس
قاطعتها وقالت: لا يمكن اسيبك
ثم بصت لحور وقالت: غسان هيوصل في اي وقت يروح هو وحور بس انا لا يمكن اسيبك
ابتسمت وقالت: اللى تشوفيه
بعد مرور ربع ساعه تقريبا
غسان وصل فعلا وكان قاعد جنب سته وقال: ليه يا تيته ليه الاهمال ده
_متخافش يا حفيدي انا بخير
_ماما
عفاف بانتهاد: نعم
_هبعت ابراهيم بكره
عفاف بفضول: ليه
_تيته لازم تقعد معانا
عفاف فرحت اوى وقالت: يا ريت
هزت راسها الأخري وقالت: قولتلك مليون مره انا مش هتحرك من هنا
_كل مره اوافق بس المره ده انسي
بعد ما قال تلك الجمله قام وقال: طب انا همشي مش عايز اسمع من ماما حاجه يا تيته وتاخدي علاجك على الوقت
_حاضر
غسان بص لحور اللى بصت لتحت عالطول
_ورايا
حور راحت عند والده عفاف وقالت: عايزه حاجه يا تيته
_انزلى
حور باستغراب: اي
_انزلى
حور نزلت لمستواها وهي باستها على رأسها وقالت: خدي بالك من نفسك
ابتسمت وقالت: حاضر
كانت واقفه الاخري ومتنرفزه اوى
كان مستنى حور واتعصب اوى
شغل العربيه وكان ماشي الا انها ركبت عالطول
_انا اسفه
لم يرد عليها ومشي
في منزل الحديدي
كان قاعد على الكنبه وفاتح الكمبيوتر وفجاه خبر زواج غسان من حور جى قدامه
بص بتركيز وقال: اي ده
الخبر كان كلاتى
(خبر عاجل زواج رجل الأعمال المشهور غسان السيوفي والملقب بالمغرور من حور منير الهواري والخبر صحيح 100% )
قفل الكمبيوتر وقال: عشان كده حور مجاتش الفتره الاخيره
سامر بتردد: اكيدا خبر كاذب
مسك تليفونه ورن على واحد من وسائل الإعلام
_سامر بيه
_هو غسان السيوفي اتجوز فعلا
_ايوه يا بيه
سامر بخوف: اتجوز مين
_انت مشوفتش الخبر ولا اي
سامر بنفاذ صبر: اخلص
_اتجوز بنت إسمها حور منير الهواري
سامر بصدمه: اي
يتبع…
لقراءة الفصل التالي : اضغط هنا
الرواية كاملة اضغط على : (رواية غرور وكبرياء عاشق)
