رواية غرور أنثى الفصل الثاني 2 بقلم آية عبدالسلام
رواية غرور أنثى الجزء الثاني
رواية غرور أنثى البارت الثاني
رواية غرور أنثى الحلقة الثانية
مى بحقد وصراخ:يعنى ايييه كانت عارفة
عيسى:انا برضو اتفاجأت زيك كده
مى بغل وهى من جواها بتولع:يعنى كل اللى انا اعدت اخططله دا راح على الفاضى
عيسى بإستغراب:تخططى لإيه مش فاهم
مى بتوتر:قصدى يعنى عشان الخطوبة تتفشكل وكده
عيسى:اهى اتفشكلت اهيه يا حببتى وحصل اللى كنا عاوزينه اكيد انتى فرحانة
مى بغيظ مخفى:اه طبعا دا انا طايرة من الفرحة
عيسى بحب:هاجى اخطبك امتى بقى
مى بتوتر:لسة شوية
عيسى بتفاجأ:نعم شوية انتى مش قايلالى اول ما افشكل الخطوبة آجى اتقدملك على طول
مى بتهرب:اصل بابا تعبان شوية فكنت عايزة أاجل الموضوع لحد ما يروق
عيسى بحب:اللى يريحك يا حببتى
……………….
رَغد كانت قاعدة مشغلة اغنية اللى قادرة ومندمجة اوى وبتغنى بس تليفونها رن برقم غريب
رَغد بتأفف:ليه كده طلعتونى من المود
بصت على الرقم بإستغراب وردت:الو مين معايا
ماجدة:دا انا يا رَغد ماجدة اللى معاكى فى الكلية
رَغد بتذكر:اه افتكرتك
ماجدة:انا خطوبتى انهاردة وتعبت جدا على ما لقيت رقمك طبعا انتى مش محتاجة عزومة
رَغد:الف مبروك يا مجودة تمام انا هشوف كدة ولو بابا وافق هجيلك
ماجدة:حبيبتى الله يخليكى بس ممكن تقولى لليلى لانى معرفتش اجيب رقمها خالص
رَغد:من عنيا حاضر وقفلت معاها ورنت على ليلى
ليلى بمرح:لحقت اوحشك انا عارفه انك متقدريش تبعدى عنى
رَغد بملل:خلصتى هرى..المهم جهزى نفسك عشان هنروح خطوبة ماجدة صاحبتنا
ليلى:تمام بس احتمال اجى مع اخويا فاهنتقابل على بابا القاعة
رَغد بعدم اهتمام:اوك
……………….
بليل فى الحفلة
رَغد وصلت وكانت على سنجة عشرة عشان عارفة ان احتمال كبير تكون مى الحرباية موجودة بتبص لقت ليلى بتشاورلها ومعاها واحد
ليلى:ايه يا بت الجمدان دا
رَغد بغرور مصطنع:دا اقل حاجة عندى
ليلى:اه صح نسيت اعرفك على ادهم اخويا
ادهم بإحترام:اهلا يا انسة رَغد
رَغد:اهلا اتشرفت بمعرفتك
ليلى:يلا ندخل بدل ما احنا واقفين كدا وكانوا لسة هيدخلوا لقوا الحرباية
مى بخبث:ايدا رَغد عاش من شافك كويس والله ان انتى جاية تفرحى نفسك انا قولت انك اكيد زعلانة عشان اخدت خطيبك اه سورى قصدى عشان سابك وجالى
رَغد بنفس الخبث:ايدا هو سى روميو مقالكيش ان انا اللى فشكلت الخطوبة اكيد قالك اصل هو يعينى مبيعرفش يعد ساكت لازم يقول كل حاجة واه قبل ما انسى تعيشى وتاخدى الحاجة اللى انا برميهالك وتابعت بخبث اكتر واستنى منى مفاجأه حلوه يا حببتى وسابتها ودخلت القاعة
رَغد بإحراج:انا اسفة والله يا استاذ ادهم على الحوارات اللى انت شوفتها دى
ادهم بضحك:لا ما انا بشوف من دا كتير وفضل باصصلها ومركز معاها
رَغد ارتبكت اتحرجت جدا من نظراته فقامت عشان ترقص وتتهرب من نظراته
ليلى:انتى راحة فين
رَغد بتهرب:هروح ارقص
ادهم بحدة:نعم
رَغد بإستغراب:فى ايه
ادهم:اقعدى منتيش راحة فى حته
رَغد بسخرية:افندم وانت مين بقى عشان تمشى رأيك عليا
ادهم بحدة وهو بيبرق:واقسم بالله لو ما قعدتى دلوقتى ولميتى نفسك لكون شايلك مروح بيكى قدام الناس ولا هيهمنى حد
رَغد بصدمة:ايه
ادهم بصوت عالى:اقعدى بقولك
رَغد بخوف قعدت بسرعة واستغربت نفسها انها سمعت كلامه وليلى ماسكه نفسها من الضحك بالعافية بس بعدين سرحت
رَغد بسرحان وهى بتكلم نفسها:اووه حمش اوى ولا وسامته يخربيت جمال ام”ك انا شكلى هكراش عليك يالا ولا ايه..هييح اهو طنت امه اللى بحبها هتبقى حماتى واوباا بقى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غرور أنثى)
