رواية غرور أنثى الفصل الأول 1 بقلم آية عبدالسلام
رواية غرور أنثى الجزء الأول
رواية غرور أنثى البارت الأول
رواية غرور أنثى الحلقة الأولى
ببرود وهو بيحط الدبلة فى ايدها:خدى انا معنتش طايقك وبطلت احبك
رَغد بذهول واستغراب:بطلت تحبنى ومعنتش طايقنى ودا من نفسك بقى ولا فى واحدة لفت عليك
عيسى بتفاجأ:ايه
رَغد وهى بتبتسم بإنتصار:ايه مفكر انى معرفش وكل دا على عمايا لا فوق يابابا انا مش هبلة واعرف دبة النملة راحة فين
عيسى بقسوة:طب كويس انك عارفه وفرتى عليا كتير بدل ما كنتى تعملى عليا شو وتعيطى بقى والكلام الاهبل دا
رغَد قعدت تضحك جامد:اعيط
عيسى بإستغراب:بتضحكى على ايه
رغَد وهى بتضحك:على كلامك قال اعيط قال وقربت من وشه وقالت بغرور انا مفيش راجل يكسرنى يا عيسى واكملت بخبث وبالمناسبة مش انت اللى سبتنى انا اللى سبتك
عيسى بعدم فهم:مش فاهم
رَغد بخبث وتشفى:ياخسارة هو انت متعرفش اصل انا وديت من شوية قبل ماتيجى شبكتك وكل حاجتك على بيت اهلك يعنى انا اللى سيبتك مش انت واكملت بإستفزاز اصل بصراحة مينفعش العلاقة يبقى فيها اتنين نسو*ان فعشان كدا مقدرتش اكمل واديتله الدبلة بتاعته اللى كان حطها فى ايدها ورمتله دبلتها
عيسى بحدة وعصبية:قصدك ايه بى اتنين نسو*ان طب انا بقى هوريكى ورفع ايده عشان يضربها بالقلم بس مسكتها وقالت بحدة:واقسم بالله يا عيسى لو كان القلم دا نزل على وشى كنت هوريك اسود ايام حياتك وسابته ومشت بعد ما بصت عليه بإحت*قار
-بليل فى بيت رَغد وهى قاعدة مع ليلى صاحبتها
ليلى بعدم تصديق:يا قادرة ثم اكملت بإستغراب..بس انتى مقولتليش خالص انه بيخونك وانك هتعملى معاه كده
رَغد بثقة:من امتى وانا بعمل حاجة او بقول حاجة غير لما انهى الموضوع
ليلى بغيظ:على رايك عمرك ما هتتغيرى
رَغد وهى متجاهله كلامها:اه صح مقولتلكيش تعرفى مين اللى خانى معاها
ليلى بإستغراب:وانتى تعرفيها
رَغد بمكر:عيب عليكى ودى تيجى
ليلى بفضول:مين
رَغد:مى
ليلى :مى مين ثم اكملت بصراخ..مى الحرباية
رَغد:ايوه هى
ليلى:بنت الج*زمة هى لسة بتح*قد عليكى
رَغد:اها وهى مفكرة دلوقتى انها انتصرت عليا وقلبى مكس*ور بس هتاخد المقلب الكبير لما عيسى يقولها اللى عملته ثم اكملت بضحك ادفع نص عمرى واشوف رأكشنات وشها لما تعرف انى كنت عارفه انه بيخونى معاها وانا اللى كنت بلعب بيهم هما الاتنين
ليلى بعدم فهم:وانتى تعرفى منين انه هيقولها اكيد مش هيقول كدا عشان كرامته قدامها
رَغد بثقة:لا هيقولها عشان عيسى ساذ*ج وغ*بى ومبيعرفش يخبى حاجة اومال انا شكيت انه بيخونى من ايه مهو من سذا*جته خلانى ادور وراه
ليلى بحزن:بس انتى كنتى بتحبيه يا رَغد
رَغد:كنت بحبه فى الاول بس لما عرفت شخصيته وانا بدات افقد حبى ليه حبه بحبه نا انتى عارفه انى بحب الشخصية القوية والذكية وعيسى عكس كدا تماما وعلى فكرة انا كدا منتقمتش انت انتقامى الحقيقى لما يرجع ندمان وانا ولا هعبره
ليلى:بس انتى ليه متاكده كده انه هيرجع ندمان
رَغد بثقه:عشان عيسى بيحبنى بس من عيوبه ان كلمه توديه وكلمه ترجعه انا اصلا كنت عايزة افسخ الخطوبة لانى عارفه ان النوع دا ضعيف يعنى لو كنت اتجوزته وواحدة لفت عليه كان هيروحلها واهو حصل اهو واحنا لسة مخطوبين+ان مى الحرباية اصلا مش بتحبه دى بتحب واحد تانى بس معرفتش تتخلى عن حق*دها وغيرتها منى فقالت اما تكس*ر قلبى العبيطة متعرفش اصلا ان قلبها هو اللى هيتكسر
ليلى بفضول:ازاى مش فاهمة
رَغد بخبث ومكر:هتعرفى بعدين
ليلى بضحك:اما اخرتها ربنا يستر مع السلامة بقى عشان مروحة
رَغد:ليه ما تخليكى معايا
ليلى:لا عشان اخويا ادهم جاى من السفر انهاردة
رَغد بعد اهتمام:تمام ابقى طمنينى عليكى لما توصلى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية غرور أنثى)
