رواية غرباوية عاشقه شرقاوي الفصل الخامس 5 بقلم روياتي
رواية غرباوية عاشقه شرقاوي الجزء الخامس
رواية غرباوية عاشقه شرقاوي البارت الخامس
رواية غرباوية عاشقه شرقاوي الحلقة الخامسة
الدكتور….. اسمعي يا ايناس انا الصيدليه جديده وهذا باب رزقي القني مانبي مشاكل … الفتره هذي تريحي ف حوشكم العند الموضوع هذا ينحل …
انا… تمام حاضر😥
محمد… بينا تواصل يا دكتور.
محمد… هيا يا ايناس انروحو اطلعي
انا… طلعت كمية النكد الي عندي مستحيل ف حد يقدر ايتحملها
ركبت السياره….
محمد…. اخر مره تصرفي من راسك انقولك ردي يعني ردي لعناد معش اديريه عليا😡
انا لحظة ضعف قلت ال محمد
انا….. خفت عليك 😥
هوا… 😶
ابتسامه خفيفه ولا كأنا كاين متعصب 😅
هوا… شن نفهم يعني توا 😏
انا… كيف شن تفهم😒
هوا… عليش خايفه عليا🙃
انا… محمد روح للحوش
هوا .. والله ماني امروح العند اتجاوبي😅
انا… عشان لو صارتلك حاجه حايلموني انا ونقعد سبب بس🙂
هوا… كذاااابه 😆
انا …🙈🙈
هوا… نوسه بحتي فيا
انا .. انبحت من معا روشن مانبش انبحت فيه
هوا… بحتي قتلك
انا… بحتت
هوا… انحبك
انا … 🙈💗
معش قدرت انبحت فيه وحسيت الكلمه ردت فيا الروح 😥💗
هوا … ليش تعاندي انت تبيني وتكابري عارف
انا… ممكن نسألك سؤال
هوا… اي شي تبيه انا حاضر له
انا…. ليش اترد ف فاطمه
هوا… عشان انتي تغاري وتعترفي انك تبيني😐
انا … بس هيا شن ذنبها تلعب بيها كيف ماتبي وهيا تحساب انك تبيها…
هوا .. والله هيا عارفه انه معش في اتجاها اي مشاعر وهذا الشي الي مخليها رد فعلها قاسي عليك لانه عارفه كل شي معا هذا كله تحساب تقدر تغيرني ومعش في مشاعر اتجاها قبل ما انتي حتى اتجي هنا…
انا… وانت شن مستني مني؟
هوا … كلمه وحده وانتي عارفتها
انا .. ولا حاتسمعها
هوا… خبط ع دمان وقال بصوت عالي خلااااص حني شويه عليش قاسيه هكي اتذلي فيا لكي
انا… انت اناني تلعب ع بنات ناس كيف ماتبي مش عارف روحك من تختار تبينا نحنا الاثنين انت كان ماتبهش راه سيبتها🤔
هوا… والله مانبي امها ورديتها عشان انتي تغاري فقط
انا… وطالب منها حنه الاسبوع الي فات وساهر معاها العند الفجر كله عشان انا نغار ولا انت تبي هكي
هوا… والله ماطلبت منها حاجه ولا جاي شور امها بكل
انا… فتحت الباب ونزلت
هوا.. ولع سياره تعالي اركبي
انا نمشي بسرعه مانبش انبحت فيه
هوا… اركبي قتلك
انا ولا كلمه
هوا… هذا العناد الي ندويلك عليه
انا… تباعدت من جهة طريق وقربت من حواشين عشان معش يقدر يدويلي
هوا.. كمل طريقه عادي وعدا للحوش
بس قعد ف سياره
انا انبحت فيه وخشيت للحوش دغري
لقيت عمتي ف صور هيا فاطمه
اول ماشافتني …
عمتي.. وين محمد 😤
انا … قدام الحوش ف سياره
عمتي … شن صار تعاركو
انا… اها☹️
فاطمه… كله منك الله لا تسامحك
انا… معش تحكي معايا راه خيرلك معش نقدر انتحملك😡
عمتي.. طلعت تجري ال محمد
فاطمه … انتي نحس الهلك والله مادرتي خير فيهم
انا… نبي نرد
ومحمد وعمتي ايخشو
خشيت للحوش طول…
لقيت ماما ف حمام وحني راقده
خشيت الداري طول…
وعدا اليوم كله هزايب وكلام واجد بكل وتأنيب ضمير😐
تاني يوم وعيت الصبح راسي صداع من البكا طول ليل …
كان يوم جمعه…
وكنت عارفه فاطمه حاتنزل للغداء الجمعه ونتعارك معاها مره تانيه لاني كرهتها لدرجه مافش حد ابتخيلها😑
جيت ال بابا…
انا… بابا نبي نقعد عندي عمي كم يوم نغير جوي معا بنات عمي
بابا… لالا راه يقعد فلان يراقب فيك ايدير مشاكل العمك وعويلا
انا… انفعلت قتله خلاص يا بابا مش هكي عاد دمرلي حياتي والله تعبت ودمعه ف عيني😣
بابا… خلاص باهي وتنكد
قال .. توا انكلم عمك ايجي ياخذك مانعرفش طريق كويس انا
انا .. هيا كلمه توا .
ماكنتش نبي نحضر الغداء عشان مانشوفش فاطمه
بابا كلم عمي. . بس عمي قاله توا انجيها بعد الغداء😑
بابا… خلاص وتي روحك توا ايجيك بعد الغداء
تنرفزت وعديت نساعد فيهن ف غداء بعد صلاة الجمعه
خش بابا ومحمد مروحين من الجامع. ..
عمتي . .. فاطمه كنها مانزلت
محمد… لا مش نازله
عمتي …عليش مريضه
هوا … لا انا قلتلها ماتنزلش مانبش مشاكل
عمتي … تبي تغدا فوق انت
هوا … لا نبي انتغدا معا خالي
قعدنا انحطو ف غداء
كنا مقمعزين ف نفس الدار الرجاله سفره ابروحهم ونحنا ابروحنا .
فجأ تنزل فاطمه وتخش علينا .. 😐
فاطمه … السلام عليكم جمعه مباركه 😌
ردو عليها كلهم…
محمد … فاطمه ارقي فوق😤
هيا …انصدمت شكلها كانت متوقعه انه قدامنا يسكت ويخليها ..
هيا…انتغدا معاهم ونرقا اصبر شويه وكانت كأنا تفنص فيه عشان يسكت …
هوا… عزق الكاشيك لوطه وقال ارقي فوق قتلك. ..😡
بابا… كنك يامحمد استهدي بالله شنو هذا…
وحني وكلهم قعدو يسكتوا ف محمد ..
بابا … قمعزي يا بنتي تغدي . .
محمد… والله ماهي متغديه هنا نوريها ع قلت احترام راجلها
فاطمه …انا عارفه السبب والله كله عشانها هيا ماتبش تزعلها صوتها عالي
محمد … سكري فمك و ارقي
عمتي … صبت ودف ف فاطمه تبيها ترقا شقتها عشان المشكله تنتها…
ماما ..ساكته وانا ساكته
فاطمه … سكتت خافت محمد يحرجها بزياده قدامي
بابا… ليش يا محمد عيب هكي المرا عندها احترام مش هكي معامله تقول عيال اصغار ..
محمد .. ياخالي ماليت اقسم بالله ماليت انا ويها مش واحد مفروض لما راجلها ايقول كلام تسمعه دويتلها فوق وقالت باهي تستغفل فيا خلتني ننزل وجت مش هكي عااااد
بابا .. لا حول الله … وسكت
نكدت علينا مافش حد تهنا ع غداء كيف ماتوقعت😐
نغسل ف مواعين…
بابا… نوسه فاطمه قصدها عليك بكلام الي امبدري قالته ال محمد🤔
انا… 😣
مش عارفه يا بابا ما قالتش اسمي هيا
بابا… فكينا من المشاكل معاها يا بابا
انا. … حاضر😐
قعدت نوتي ف دبشي …
محمد خش قال جا ولد خالي يبي ياخذ ايناس قال شن في🤔
بابا… لا مافش شي تبي تقعد كم يوم عند عمها تغير جو
محمد. . بس جا فلان.. بروحه ماجش خالي معاه😒
بابا … باهي عادي ولد عمها مش حد غريب
محمد … قالب وجه
انا قعدت شويه وطلعت لابسه .. محمد ف صاله
طلعت برا…
ولد عمي ف صور يرجا فيا…
انا .. خيرات وسلمت باليد
هوا سلم عليا عادي ويضحك .
محمد… 😤
طلع محمد معانا .. قتلك يا… نبيك توصلني المكان ع طريقك
ولد عمي. .. بس مش راد بيك اخره راه ماتشحورنش
محمد.. توا انروح ف تاكسي ..
انا ..😏 وعارفه كله عشان مايبنش نمشي معاه بروحي
ولد عمي … سيارتك خاربه انت ..
محمد … كنك ماتبينش نمشي🤔
ولد عمي.. كنك فاصل انت هيا اركب..
محمد ركب وقالب وجه
انا ركبت ..
ولد عمي ويسوق ويهدرز هوا ومحمد عادي
بعدها ولد عمي قعد يحكي معايا ويسأل فيا ع حاجات ف طرابلس ونهدرزو عادي…
محمد… قتلك جيبلي بانادول عندي صداع بكل…
وقف ع صيدليه ..
ولد عمي انزل . …😒
محمد … انزل انت ماعندش جو ..
ولد عمي نزل .
محمد .. هذا الجو الي تبيه انتي هذا عليش ماشيه🤔
انا… جو شنو شن قصدك انت
محمد .. عليش تهدرزي معاه تستفزي فيا..
انا… ولد عمي راه
محمد .. مادخلنش بدين امه انتي عليش تدوي معاه
انا… احترم نفسك مادخلكش بيا
محمد … بكرا تروحي
انا… والله🤔
هوا… تروحي اها عليش قاعده
انا… مش شورك
محمد .. كلام واحد هوا تروحي بكرا
انا … تحكم ف فاطمه انا بابا قاعد
ولد عمي طلع من صيدليه وجاي شور سياره
محمد. … كان ماتبش المشاكل روحي بكرا كان متعصب
انا … عشان انت تبي بكرا حتى لو نبي انروح بكرا والله غيرت رايي مش حانروح الا بجوي😌
ركب ولد عمي وهوا معش قدر ايرد….
عدينا الحوش عمي محمد مانزلش نزلت انا بس
بنات عمي جوهن سمح وقريبات من القلب♥️
هدرزنا ومشت العشيه وجا وقت العشاء وقعدين انتعشو بابا رن عليا ..
انا … نعم يا بابا☺️
بابا.. يا نوسه جايك توا بيش توتي روحك
انا …. كيف يا بابا مش قتلك نبي نقعد كم يوم🤔
بابا … لا لا خلاص قريب منك انا
انا … كنك ف حاجه
بابا… لا يا بابا مافش شي هيا بس متأخرينش
انا… به 😑
انقهرت ماكنتش نبي انروح كان جو سمح وخاطري نقعد..
بعد شويه بابا رن
اطلعي قاعد برا… .
طلعت … نلقا محمد ايسوق وبابا جنبه .😑
ركبت…
انا… كنك يا بابا عليش تروح بيا
ومحمد الابتسامه ع وجه وكأنا ابتسامة انتصار🙂
بابا… محمد قال ف سياره تلحق فيكم امبدري قلت اكيده هذكي يلحق فيك ماريحنش بالي. .
انا .. محمد وين سياره تحلق فينا امبدري كني ماشفتها انا🤔
محمد .. بس انا شفتها😌
انا … انبحت وعارفه انه يكذب 🙂
بابا … كيف تبي تفطني انتي من نت مانك جايبه علم 😏
محمد .. لا تهدرز معا ولد عمها مش مركزه🙂
انا … ساكته ونبحت فيه ومش عارفه كيف ناخذ حقي منا🙂
وصلنا وخشيت طول الداري وخبطت ال باب 😐
محمد دزلي رساله… لانك عاندتي حتى اتباتي يوم واحد ماخليتكش😉
انا …توا اتشوف به حانقولها ال فاطمه
هوا.. حي عليك تضربك وانتي خوافه 🤣
انا … به توا اتشوف بكرا
هوا… عادي والله ما هامني اي واحد غيرك💗 😌
معش رديت عليه…
بس لقيت روحي نضحك بروحي ومتقبله الموقف 🌝
بديت انحس اني تعلقت بيه..
نفكر فيه واجد ونفقد فيه بعد يطول لا ايجي اول مانسمع صوته حاجه تحرك ف قلبي ..
مرن كم يوم ع حاله هذي … بس مافش تواصل..
بينا .. وانا قاعده ف حوش معش نطلع وروتين مملل 😑
بعدها صارت عندنا حالة وفاء حد يقرب ال بابا وكلهم عدو للعزاء قعدت انا وحني بس ف حوش لانه هيا مريضه ماتقدرش تمشي معاهم ..
فاطمه كانت عند هلها ….
وحتى محمد عدا معاهم للعزاء. …
مشا اليوم كساد… جت ساعه 9 ف ليل الجرس ايرن امتاع الحوش…
طلعت … للصور وقلت من. .
محمد … انا افتحي .
فتحت انا مستغربه … قتله مش عندك مفتاح ..
هوا… خش قلبي وسكر باب الحوش وانا ماعندش مفتاح وهوا ماينحلش من برا ضروري مفتاح 🙂
انا … عليش تسكر ف باب عارف حني ماتقدرش تفتح
هوا… هذا عليش سكرت😌
انا … افتح ال باب نبي انخش..
هوا… نبي انقولك حاجه
انا … شنو 😶
هوا… فاطمه حامل…😌
انا….😳
وبانت عليا اني انصدمت وحسيت العبره خنقتني ☹️
هوا… كنك مافرحتش ويبحت فيا بتركيز
انا . .. مش قادره نحكي لانه انصدمت جديات.
كل الي قدرت انقوله. قتله افتح ال باب وكانت صوت البكيا باين فيا لانه مسكتها بالقوه.
هوا…. بحت فيا وقرب مني وحضني ع فجأ ماكنتش متوقعتها بكل … لدرجه ماقدرتش انفك روحي منا ابكل قوه حاضني .. 😐
انا طول العبره طلعت وقعدت نبكي …😭
هوا…. خلاص والله كذبه ماتبكش اقسم بالله ماهي حامل نكذب عليك انشوف ف رد فعلك…
انا .. حول مانبيكش تلمسيني😭
هوا… ساكت مزال حاضني
انا .. تعلب ع اعصابي وتستفز فيا
هوا .. كله عشان ماتبش تعترفي
انا … والله عارف اني نبيك هذا عليش ادير فيا هكي😭
هوا… زاد حضني بقوه اخرى وقال واخيرآ وصوت الضحكه وفرحه فيه. …
حني.. جوا تقول نوسه بصوت العالي وتقول وينك كنك طولتي..
انا فطنت الروحي وقتها ومحمد طلقني…
انا . … افتح ال باب ابسرعه ..
هوا…ساكت وطلع مفتاح يبي يفتح ال باب وانا جنبه..
فتح ال باب وكنت نبي انخش ..
لف عليا وباسني ع خدي..
انا.. معش عرفت كيف خشيت وشن قلت ال حني كل شي صار ف دقايق هذينا ماكنتش مستوعبته فرحت وخفت ف نفس الوقت ممكن هذي اجمل لحظه صارتلي من اول ماجيت ال بنغازي …. 💗
خشيت الداري ونفكر ف كل شي سمعت صوت هلي روحو خفت درت روحي راقده مش قادره انقابل حد .. 🙈
محمد معا ساعه 12 ف ليل… رن عليا ..
انا مارديتش عليه ..
دزلي ع واتس واعيه
انا انفكر انرد ولا لا بعد تفكير رديت….
دزيتلا واعيه شويه نبي نرقد….
رن ….
رديت وكنت متحشمه مش عارفه كيف نبي انطلع الصوت ..
هوا…. مش قادر نرقد انفكر فيك …..
انا ساكته 🙈💗
هوا… عارفك وجها احمر توا 😆
انا… انسكر…🙈
هوا… لالا خلاص
انا… خايفه يا محمد
هوا … عليش ياقلبي
انا…شن يبي ايسير فينا
هوا …. ناخذك غصبن ع كل حد
انا. . وفاطمه .😑
هوا .. تقعد عادي😌
انا… شنو كيف تقعد عادي تلعب عليا انت
هوا … يضحك بصوت عالي
انا … نحكي جد عليش تضحك كان تبيها خليها لكي بروحك انا ماتحلمش بيا معاها…
هوا… تغاري عليا
انا … تنرفزت وسكرت …
قعد يرن كم مره مادريتش عليه…
دزلي … والله انبصر ردي
بعدها رن اخرى
رديت…. هوا والله واخذه العقل والقلب نبيك ابروحك والله كاره كل يوم معاها نرجا امتى تطلع من حياتي
انا… والله خايفه
هوا .. انا معاك مستعد نواجه كل حد
وحكينا… واجد بكل تقريبآ الصبح طلع ونحنا نحكو ع كل شي….
ماحسيتش بالوقت معاه بكل …. كنت خايفه من كل شي صح بس حتى انا من حقي نفرح ونعيش معا واحد يبيني ونبيه …
وماكنش ضميري مأنبني ع فاطمه اول شي لانه مانحبهش تاني شي لانه حياتها خاربه معا محمد من قبلي انا ماكنش ف شي مساعدهم ع انه يكملو معا بعضهم كل شي ف دنيا تقدري اديريه الا انه تخلي حد ايحبك بالغصب بالذات لما يكون يكرهك ف رجاله يحبو ع زوجاتهم عادي يتزوجو عليهن بس تقعد زوجته الاوله مش هاينه عليه… انا ماحسيتش شعور هذا عند محمد بكل ممكن هذا نصبيهم من ربي 💔
مرن يومين اسماح بالنسبه ليا بعد فترة تعب….
فاطمه مازالت عند هلها…
محمد .. خش ع عمتي وحني…
سلم عليهن وقمعز خشيت سلمت عليه عادي نفس قبل مافش حد مركز علينا….
قمعزت ف نفس دار الي فيها هما
يحكو عادي فجأ … محمد قال … يا امي راه نبي انطلق فاطمه….
حني… لا يا وليدي الطلاق مش ساهل راه
عمتي كنكم وانتم كمل عمركم مشاكل ..
محمد … والله مش متفاهمين العند امتى نضحكو ع بعضنا ولا عليش نبي انتحملها حتى لو ف بينا عويل انقول ع خاطر العويل مانخربش بيتي بس ربي ماجابش العويل لانه عارف مش البعضنا…
عمتي … والله مش عارفه مانقولك يا وليدي قرار صعب هذا وفكر الكويس
حني…. ايوا والله صدقت خراب البيت مش ساهل
هوا .. فكرت كويس مافش الا الحل هذا تشوفوا بروحكم انتم ف مشاكل اخر فتره كملت هكي معاها كرهت نقعد ف شقتي مانروحش الا ف ليل عشان مانتلقش معاها. نتعاركو …
انا حسيت عمتي تبحت فيا صبيت وطلعت …
قعدو يحكو شويه ف موضوع بعدها قالو ع راحتك …
انا معا ماما ف مطبخ بس نسمع فيهم. …
محمد طلع …
خشت عليا عمتي ف مطبخ معايا ماما قالتلي…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرباوية عاشقه شرقاوي)
