رواية غرام يامن الفصل الثاني والعشرون 22 بقلم ونس

رواية غرام يامن الجزء الثاني والعشرون

رواية غرام يامن البارت الثاني والعشرون

رواية غرام يامن الحلقة الثانية والعشرون

آسر بلطف: لسا زعلانه مني.
أميرة بهدوء: لأ مش زعلانه
آسر: ماشي…. و كان بيستعد للنوم
أميرة بضيق طفولي: لا بجد انت هتنام و تسيبني
آسر ضحك بخفة اتعدل ليها و مسك ايديها و قال بنفس اللطف: مهو يا ميرو يا حبيبة قلبي… انتي مش راضية تسمعيني و أنا مش عايز نتخانق… فاسمعيني بقا علشان مش عايزة انتي زعلانه مني يا عيوني.. تمام
أميرة بتذمر طفولي: يا سلام ما انت كنت هتنام و تسيبني
آسر بمرح: و حد يقدر ينام و يسيب القمر دا زعلان… اكيد طبعا عارف انك هتنكشيني علشان اقوم… و حتي لو كدا مكنتش هسيبك بردو و بعدين اسمعيني بقا بصي يا ستي كل ما في الموضوع اني كنت نازل اسأل علي صيدلية اجيب منها مسكن او حاجه تخفف الألم علشان رقبتي بتوجعني فهي سمعتني و قالت إنها اخصائية علاج طبيعي و بتعرف تعمل مساج كويس أوي كنت لسا هشكرها و اقولها إني مش عايز و كدا لقيتها بدأت تعمل مساج كنت لسا همنعها و ادي رد فعل لقيتك جيتي و الموضوع خد منحني تاني خالص… بس هو دا الحوار.. و صدقيني محصلش حاجه تاني و كنت أول مرة اشوفها اصلا…
أميرة: خلاص يا حبيبي مصدقاك… و أنا آسفه يعني اني مسمعتكش و لا اتفاهمت و قولت عايزة امشي
آسر بمرح: خلاص صافية لبن
أميرة حضنته و هي بتقول: حليب يا اشطا
“انتي مخبية بقيت الحقيقه صح… انتي عارفاه من قبلها و اذاكي قبل كدا صح”
يحيي الي قال كدا لجميلة بشك بعد اما خلصت كلام مع الضابط و حكت له من أول ما ركبت التاكسي لحد ما يحيي جه ياخدها
جميلة بتوتر: ها .. لأ مكنتش اعرفه. قبل كدا
يحيي: عمل نفسي مصدقك لحد ما تيجي تحكيلي لوحدك
بصت له بتوتر و حاولت تغير مجري الحوار: هو أنا مش همشي من هنا ولا ايه.. بابا زمانه قلقان
يحيي: هروح للدكتور و نخلص الاجراءات و نمشي
مر اسبوع علي كل الاحداث دي و بعدين غرام هتبدأ امتحانات هي و الباقي و حاولت متشغلش بالها بالي حصل و كله انشغل ف امتحاناته و مش فتحوا الحوار برغبة منها فقرروا فتحه بعد الامتحانات و جه اخر يوم
غرام بفرحه: ياااه يا ولاد مش مصدقه إن الامتحانات خلصت و الكلية خلصت و بقيت سنيور…. الواحد هيطير من الفرحه
ماريان بفرحه: آه والله يا بت يا غرام
خالد بمرح: بالمناسبة الحلو دي بقا أنا عازمكوا علي الغدا و حسام جي .. و الظاهرة دي مش بتتكرر كتير ماشي …. عدوا الجمايل بقا
غرام: ماشي يا سيدي تشكر… عقبال ما نخدمك ف فرحك يا رب
خالد كان لسا هيتكلم في عربية جات وقفت قدامهم
غرام بمرح: ايه دا يا سي حسام غيرت العربية… آه بقا محدش قدك
ماريان بمرح: خلاص يا بت بطلي بقا خطيبي قرة عيني في حاله و أنا اقول هو هفتان ليه الفترة… اتاريه بسبب عينك
غرام بمرح مماثل: انا مش بحسد انا بقر بس
ماريان ضحكت و بعدين قالت بجدية: بس دي مش عربية حسام.. حسام مقاليش انه غير العربية
خالد بتأكيد: آه فعلا
غرام باستغراب: طب استني هشوف مين الي ف العربية
غرام كانت لسا هتشوف مين الي ف العربية.. ابتسامتها اختفت لما شافته كان مراد
مراد بهدوء: اركبي يا غرام عايزك
غرام تجاهلت وجوده تماما: بقولك ايه يا خالد هتعزمنا بجد ولا كداكدا زي كل مرة..( وجهت كلامها لماريان) أنا بقول نلحق الطايرة دي و بينا علي المطعم قبل ما يغير رأيه
مراد حاول يكون هادي هو عارف إن دا الي هيحصل و لسا ف اسوء فأفضل حل هو الهدوء
و قال: يلا يا غرام تعالي… احنا محتاجين نتفاهم (و فتح باب العربية)
في الوقت دا جه حسام و سمع الحوار
حسام بهدوء: خلاص يا غرام روحي معاه شوفيه عايز ايه
غرام بتصنع الاستغراب: اروح مع مين…(و بعدين قالت بمرح) و بعدين مش يلا بينا و لا ناويين تموتوني من الجوع النهاردة
حسام بجديةو هدوء: أنا بتكلم بجد روحي اتكلمي معاه
غرام: اتكلم مع مين أنا مش شايفه حد
حسام: غرام أنا بتكلم بجد.. علشان خاطري روحي معاه و لو محبتيش الحوار رني عليا و أنا اجيلك ماشي يا ستي..
غرام بضيق: ماشي يا حسام لما نشوف أخرتها
بعد شويه كانوا وصلوا مطعم بدون أي كلام طول الطريق
مراد: تاكلي ايه
غرام بضيق: لأ أنا مش جايه.. هنتكلم و نمشي
تجاهل المرادي هو كلامها و طلب استيك ليهم هما الاتنين
بعد شويه من الصمت المريب منهم الي بيدل علي هدوء ما قبل العاصفه
غرام بملل و ضيق: ايه احنا جايين علشان نسكت.. لو هتفضل علي الوضع السايلنت كدا كتير قولي علشان امشي علشان أنا خلقي ضيق و دلوقتي بقا اضيق
مراد بهدوء: بصراحه مش عارف ابدأ منين.. بس كل الي عارفه اني آسف علي كل حاجه علي صوتي العالي و اني وقفت ف صف سالي و خذلتك للمرة التانيه..(و اتنهد و قال) عارف إن اسفي مش هيعمل حاجه بس لازم تقدري موقفي بردو مكنش ينفع أسلوبك الهجومي دا معاها و الضرب و الهمجية الي حصلت
غرام بانفعال: ضرب و همجية… و صوتك العالي كان ايه
مراد بعدم تصديق: انتي بتهزري صح.. انتي سايبه اني اعتذرت عن الي حصل و صوتي العالي و ماسكه ف كلمه همجية و ضرب.. ثانيا وطي صوتك و بطلي انفعال شوية احنا ف مكان عام…(سكت شويه و حاول يتحلي بهدوؤه) غرام احنا جايين نحل مش نعقد اكتر… و بعدين احنا الاتنين غلطنا و أنا معترف بقا و مستعد اعمل أي حاجه علشانك و علشان نصلح العلاقات تاني و لازم انتي كمان تعترفي بغلطك
غرام باستنكار: غلطي
مراد بنفس الهدوء: ايوا غلطك غير ضربك لسالي… دفاعك عن مروان… اعتقد غلطي ف دا بردو و انتي ايه رأيك
غرام: دفاعي عنه كان بسبب
مراد: و ايه هو السبب دا إن شاء الله
غرام حاولت تكون هادية: يامن اتعامل بقلة ذوق معاه فطبيعي إني ادافع عنه و كنت هعمل كدا سواء معاه او غيره
مراد: لا والله..(و كمل بهدوء) بصي يا غرام مروان قبل ما يمشي ساب لكل واحد فينا جرح اي كان شكله فدا كان رد فعل طبيعي من يامن علي الي حصل مش تسيبي الفعل و تمسكي رد الفعل… مروان دمرنا كلنا مش أنا لوحدي و اعتقد انتي عارفه دا… و بعدين مش كفايه سايبه الشركه بقالك يجي شهر
غرام بتذمر طفولي: ماشي يا سيدي عندك حق الكلام دا.. أنا هنا غلطانه.. بس بردو ف موضوع سالي انت و هي الغلطانين ماشي… و بعدين ما أنا بعت حد مكاني مسبتهاش سايبه يعني و بعدين غير كدا كان عندي امتحانات فاينل و كدا و أنا مش بفهم ف الشغل دا أصلا
ضحك بخفة علي تذمرها: خلاص يا ستي عندك حق في كل كلامك
قاطعهم النادل لما جاب الأكل
مراد باستغراب: مالك بصالي كدا ليه
غرام بدون و عي : أصل بصراحه نادرا لما بشوفك بتضحك.. بصراحه تاريخ ضحكتك عايز يتحط ف المتحف…. ضحكتك حلوة اضحك علطول… أو ابتسم حتي….. تصدق بردو أول مرة الاحظ إن عندك غمازات
مراد بمكر: اعتبر دي معاكسة و لا ايه
فضلوا سرحانين ف عيون بعض شويه
مراد بصدق و دون وعي: تعرفي عمري ما حبيت التوهه بس حبيتها دلوقتي
غرام بتوهان: ليه
مراد: حبيتها في عينيكي ♥