رواية غرام تركي الفصل الثاني والثلاثون 32 بقلم لؤلؤة محمد
رواية غرام تركي الجزء الثاني والثلاثون
رواية غرام تركي البارت الثاني والثلاثون
رواية غرام تركي الحلقة الثانية والثلاثون
رسلان بدأ يروح ويجي بتوتر وقلق وخوف أما ركان فكانت حركة رسلان موتراه وهو أصلا قلقان ومرعوب لواحده وبيفكر هي اتأخرت كده ليه الساعه بقت 12 نص الليل ولحد دلوقتي مجتش ركان فجأه جاتله فكره واتكلم بسرعه / يابني هو انت مش هكر والا اسم في الفاضي يعني متقدرش تخترق فونها وتعرف هي فين دلوقتي
بصله رسلان بصدمه وتوهان اللي هو ازاي مجتش في باله الفكره دي هو يقدر يتتبع الفون حتى لو مقفول ويعرف هي فين بصله بتوتر وقلق/ ط طب هات اللاب ب بسرعه
ركان بسرعه طلع اللاب واداه لرسلان ورسلان بص للاب ولركان ويرجع يبص للاب ويرجع يبص لركان وهو تايه
ركان / ايه فيه ايه هو انت أول مره تشوفني وتشوف اللاب مالك يا رسلان
رسلان / م م مش ع عا عارف م مش مش فاكر حاجه
ركان بصله وفهم قلقه وخوفه اللي سيطروا عليه / معقوله القيصر مش قادر يخترق فون حبيبته ويشوفها فين والا انت اسم في الفاضي يا قيصر مش ممكن غرام تكون في خطر وانت تقدر تنقذها والا ضعفك هينفعك لما نوصلها بعد فوات الأوان حبيبة في ايدك يا قيصر انقذها لو بتحبها انقذها
رسلان بصله بحزن وعزيمه وبدأ يفتح اللاب ويشتغل في إنه يخترق فونه وبعد ربع ساعه قدر يخترقه فعلاً وعرف العنوان
رسلان بصدمه / دي دي في أدجامكا
ركان بصدمه وزهول / أدجامكا …!!؟ بتعمل ايه هناك
رسلان بقلق زاد عن حده / مش قولتلك غرام في خطر وقلبي مش مطمن ايه هيوديها من أوستر لأدجامكا يا ركان قولتلك فيه حاجه مش طبيعيه
ركان / فعلاً ده بينا سفر أربع ساعات
رسلان وهو بيتحرك من مكانه وركان طلع وراه بسرعه ركبوا العربيه ورسلان رن على يوسف / يوسف تروح دلوقتي على المكان اللي هبعتلك اللوكيشن بتاعه لو حد فيهم هرب قصاد روحك يا يوسف فاهم وقفل الخط في وشه بسرعه وبعتله اللوكيشن
___________________
عند يوسف فضل باصص للفون اللي اتقفل في وشه بصدمه وهو حاسس من صوت رسلان إن فيه مصيبه وصل اللوكيشن على فونه قام بسرعه أخد مفاتيحه ومحفظته وجري على العربيه وراح على العنوان فتح الباب ودخل لقى الإتنين مرميين في الأرض ومتكتفين فهم فوراً أن دول اللي سابوا المتفجر’ات عند ركان ورسلان قعد على الكرسي يبصلهم ويراقبهم وقام حط ايده على العرق النابض في رقابتهم يشوف نايمين ضرب والا مخدر والا بيمثلوا ولقاهم نايمين مخدر قوي ومفعوله لسه قدامه فتره وينتهي قعد على الكرسي وحط رجله على كرسي تاني وأخد راحته بما إنهم لسه قدامهم فتره طويله عشان يفوقوا مسك فونه يلعب فيه ويضيع وقت وفجأه حس بحد بيحط ايده على نفسه وكتفه لحد مابقاش قادر ياخد النفس
______________________
عند رامي كان روح بيته وهو بيحاول يتصل على اللي رن عليه عشان يعرف ريحانه اتعمل فيها ايه نفسه يطمن عليها وتطلع عايشه وكان قاعد يعيط كأنه فقد أمه أو حد عزيز عليه طلع فونه وبص فيه كانت صوره لريحانه وهي بتشتغل ومش واخده بالها / مش عارف أنا ليه حاسس إن لو حصلك حاجه فعلاً ممكن أموت بجد مش عارف ايه سبب تعلقي بيكي بالشكل ده ومش عارف ليه قلبي حاسس إنك لسه عايشه معقوله أكون حبيتك من مرتين قابلتك فيهم مش عارف من ساعة ما شوفتك وأنا مش مظبوط وحالي متشقلب ومش عارف ايه السبب ياترى ايه السبب !!؟
____________________
عند ركان ورسلان
رسلان كان سايق بأقوى سرعه عنده لدرجة إن العربيه كانت هتتقلب بيهم أكتر من مره بعد ماعدى 4ساعات وربع كانوا وصلوا للمكان اللي فيه موبايل غرام نزلوا من العربيه وبصوا على المكان كان شبه مغاره مهجوره وفيه دخان بسيط خارج من المكان بصوا على المكان كويس وتفحصوه مفيش أي حاجه كل واحد فيهم نزل قناعه وطلع مسد’سه وجهزوه على وضع الإطلاق وبدأوا يمشوا رسلان قدام وركان ضهره في ضهر رسلان بيحميه دخلوا المكان واتأكدوا إنه فاضي بصوا حواليهم لقوا أثار حرق قربوا بهدوء وبطء يتأكدوا ايه ده لقوا تلات أشخاص محروقين ركان بدأ يلف حواليه يدور على غرام أما رسلان بدأ يدقق في الأشخاص المحروقين دول ملامحهم مشوهه
ركان / رسلان أنا لاقيت فون غرام هنا أهو
رسلان بصله بصدمه وبدأوا الإتنين يدققوا في ملامح الأشخاص المحروقين لقوهم راجلين وبنت بدأ الرعب يدب في قلوبهم لأن جسم البنت في حجم جسم غرام
رسلان بحزن وصدمه / لأ لأ مش معقول مش معقول تكون غرام … غرام لو كان حصلها حاجه مكنتش هفضل عايش كان زماني مت وراها أكيد مش غرام أنا متأكد
ركان بصدمه / ب ب بس الإسوره اللي في ايد البنت دي اسورة غرام يا رسلان
رسلان / مستحييييييييييل بقولك مستحيييييييييييل تكون دي غرام
_________________________
عند راسيل كان عمال يدور على ريحانه اللي هي غرام وهو هيتهبل / Як не знайшов?
( كيف لم تجدوها )
اللي على الخط / …………….
راسيل / Слухай мене уважно, сволота. Ця дівчина стане в пригоді нам у новій угоді, і я хочу змусити її працювати з нами. Якщо ти її не знайдеш, це буде в обмін на неї твоя душа. Ти Почуй мене?
( استمع إلي جيداً أيها الوغد هذه الفتاه ستنفعنا في الصفقه الجديده وأريد أن أجعلها تعمل معنا إن لم تجدها سيكون مقابل لها روحك هل تسمعنى )
وقفل الخط من غير ما يسمع رد / لازم ألاقيكي يا ريحانه وإلا كل اللي خطتله هيروح في الفاضي لازم ألاقيكي لازم
______________________
عند يوسف خلاص نفسه كان هيتقطع لحد ما الشخص سابه ورماه فجأه / عيل هفأ
يوسف بص بصدمه / أنا كنت هموت على ايدك …..؟ 😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
