رواية غرام تركي الفصل التاسع والعشرون 29 بقلم لؤلؤة محمد
رواية غرام تركي الجزء التاسع والعشرون
رواية غرام تركي البارت التاسع والعشرون
رواية غرام تركي الحلقة التاسعة والعشرون
كانت غرام واقفه على شط بحر وهي باصه للبحر بدموع وانهيار / مبقتش عاوزه أعيش خلاص مبقاش فيه حاجه ينفع أعيشلها كل حاجه راحت وضاعت
وبعدين بصت للسما/ أنا أسفه يارب عارفه إن الإنتحا’ر حرام بس أنا مبقتش قادره أعيش ……. أصل هعيش ليه ولمين
وبدأت تبص للمايه وهي بتستعد انها ترمي نفسها في المايه وقدمت رجل على الهوا ولسه هتبدأ ترمي نفسها فجأه حد شدها
غرام بصتله بصدمه وزهول
الشخص / انتي كنتي هتعملي ايه يا مجنونه
غرام بتوهان / هو هو انت مصري
الشخص / أيوه ممكن أفهم مالك
غرام بحزن شديد طاغي على ملامحها / والدي وسندي وضهري وحمايتي مات مين يسندني ويحميني من بعده
الشخص بحزن عليها / معندكيش اخوات
غرام بوجع / كان عندي
الشخص / يعني ايه كان دي
غرام / ما هما الإتنين راحوا مع بعض وبقيت لواحدي خلاص
الشخص بحزن عليها / عارفه أنا كمان والدي متوفي وكان هو سندي وضهري انكسر بموته
غرام بحزن / سيبني بالله عليك مبقتش عاوزه أعيش خلاص أصل هعيش ليه ولمين
الشخص / انتي اسمك ايه
غرام / اسمي ريحانه
الشخص / وأنا اسمي رامي
غرام / اتشرفنا يا أستاذ رامي
رامي / ممكن أسأل انتي بتعملي ايه في أوكرانيا
غرام بحزن وهي بتبص للأرض / كنت جايه أشتغل هنا كان نفسي أعمل لنفسي كرير بس اتصدمت من ساعه كده إن والدي وأخويا اتوفوا في حادثه ومبقتش عارفه اعمل ايه
رامي / طب وانتي بتشتغلي ايه حالياً
غرام / مكنتش لاقيت شغل لسه
رامي / تقبلي تشتغلي معايا
غرام / طب وهشتغل معاك ايه
رامي / أنا أشهر fashion designer في العالم
غرام / ده بجد طب وهشتغل ايه معاك برضه
رامي / هتكوني سكرتيره تنظمي مواعيد وهكذا انت مؤهلك ايه ؟
غرام / معايا كلية رياض أطفال 🙂
رامي / يلا مش مشكله هتشتغلي معايا برضه خدي ده الكارت بتاعي عندك عنوان فرع شركتي هنا هتيجي على العنوان وترني عليا بس وسيبي الباقي عليا
غرام بدموع / شكراً جدا ليك مش عارفه أشكرك ازاي
رامي بابتسامه / لا شكر على واجب
غرام / طب هستأذن أنا بقى بعد اذنك
رامي / اتفضلي
مشيت غرام وفضل رامي واقف باصص عليها بابتسامه مش قادر يداريها
مشيت غرام وهي بتبتسم ابتسامه خبيثه وهي شايفه مخططاتها ماشيه كويس ركبت تاكسي وراحت الفندق نزلت وكانت ماشيه وفجأه جالها رساله على الفون انها متدخلش الفندق وتمشي لرابع شارع موجود بعد الفندق غرام شافت الرساله ومسحتها ومشيت على طول وبعدين دخلت الشارع وفضلت ماشيه متابعه اللي بيحصل حواليها لحد ما لاحظت تلاته متنكرين واقفين في جنب متداري عرفتهم وراحت عندهم
غرام / ايه يا شباب
ركان / كله تمام وانتي
غرام / تمام هبدأ شغل بكره بإذن الله عند رامي في شركته
رسلان / وأنا خلاص وصلت للمخبأ السري بتاع الواد اللي مسؤول عن أجهزتهم الإلكتروني
ركان / وأنا قدرت أوصل للبت دراع البوص اليمين
يوسف / وأنا فكيت متفجر’ات
غرام بصتله بجنب عيونها / اركن انت في جنب وبعدين بصتلهم المفروض اني هتغدا بكره بإذن الله مع راسيل بس أنا فجأه لاقيت رامي قدامي قولت أعمل تمثيليه وأوقعه ووقعته فعلاً بس بحجة إن أبويا وأخويا لاقدر الله اتوفوا وفعلاً حصل اللي كنت عاوزاه فبالتالي مينفعش أكلم راسيل عشان حزني وشغلي الجديد شغلني هشتنى فتره يا إما هقابله عند رامي أو هبقى أرن عليه وأعرفه اللي حصل
ركان / تمام امشي انتي بقى وخلي بالك من نفسك
غرام / طب سلام ومشيت بسرعه
ركان / يوسف هو أنا ليه حاسس إن فيه ريحة حاجه بتولع
يوسف بصله باستغراب ولسه هيسأله يقصد ايه بس لاحظ فعلاً رسلان اللي تقريباً بيولع بصله بخوف وطلع يجري وركان ضحك عليه جامد وبيبص على رسلان لقى رسلان بيبصله بصه خليته يترعب حرفياً
ركان / طب طب تصبح على خير سلاااااااام
ومشي بسرعه هو كمان
شويه ورسلان راح وراهم وكلهم ناموا استعداداً للي بيخططوله لبكره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
